Tag: पुणे महापालिका मराठी बातम्या

Pune And Khadki Cantonment Board in PMC – पुणे आणि खडकी कॅन्टोन्मेंट बोर्ड मधील आस्थापना आणि मनुष्यबळ पुणे महापालिकेत होणार हस्तांतरित!

Categories
Breaking News PMC social पुणे

Pune And Khadki Cantonment Board in PMC – पुणे आणि खडकी कॅन्टोन्मेंट बोर्ड मधील आस्थापना आणि मनुष्यबळ पुणे महापालिकेत होणार हस्तांतरित!

| पुणे महापालिकेने सुरु केली प्रक्रिया

Pune and Khadki Cantonment Board in PMC limit- (The Karbhari News Service) – पुणे जिल्ह्यातील पुणे आणि खडकी कॅन्टोन्मेंट बोर्ड (Pune Cantonment board and Khadaki Cantonment board) पुणे महापालिकेत (PMC) विलीन करण्याची प्रक्रिया सुरू झाली आहे. लष्कराच्या संस्था आणि केंद्रीय संस्था वगळून कॅन्टोन्मेंट हद्दीतील रहिवाशी भाग पुणे महापालिकेत (Pune Municipal Corporation) समाविष्ट करण्यात येणार आहे. दरम्यान या दोन्ही बोर्डातील आस्थापना आणि मनुष्यबळ पुणे महापालिकेकडे हस्तांतरित केले जाणार आहे. याबाबतची प्रक्रिया पुणे महापालिकेने सुरु केली आहे. उपायुक्त महेश पाटील (Mahesh Patil PMC) यांनी याबाबतचे आदेश महापालिकेच्या सर्व विभागांना दिले आहेत.

देशातील वेगवेगळ्या राज्यांमध्ये मिळून लष्कराच्या 62 छावण्या म्हणजे कॅन्टोन्मेंट बोर्ड आहेत. आता ही कॅन्टोन्मेंट बोर्ड बरखास्त करून त्यातील नागरी वस्तीचा समावेश महापालिकांमध्ये करण्याचा तर लष्कराच्या ताब्यातील भाग एक्स्क्लुजिव्ह मिलिटरी स्टेशन्स म्हणून लष्कराच्या ताब्यात ठेवण्याचा केंद्र सरकारचा विचार आहे. त्यासाठीची प्रक्रिया केंद्र आणि संबंधित राज्य सरकारांकडून सुरू करण्यात आली आहे. यामुळे लष्कराच्या ताब्यातील लाखो हेक्टर जागा महापालिकेच्या ताब्यात जाऊन विकासासाठी खुली होणार आहे. लेफ्टनंट जनरल दत्तात्रय शेकटकर यांच्या नेतृत्वाखालील समितीने हा बदल सुचवला आहे. (PMC Pune Cantonment board)

दरम्यान केंद्र शासन अर्थात  संरक्षण विभागाच्या अधिसूचनेनुसार कटक मंडळातील सिविल एरिया संलग्न स्थानिक स्वराज्य संस्थाना हस्तांतरित करणेबाबत 4 मार्च रोजी  सह सचिव, संरक्षण
मंत्रालय, भारत सरकार यांच्या सोबत मुख्य कार्यकारी अधिकारी, पुणे कॅन्टोनमेंट बोर्ड, खडकी कॅन्टोनमेंट
बोर्ड व. महापालिका आयुक्त, पुणे महानगरपालिका यांची व्हिडीओ कॉन्फरसिंग द्वारे संयुक्त बैठक घेण्यात
आली होती.  या बैठकीत संरक्षण विभागाने खडकी/पुणे कॅन्टोनमेंट बोर्ड यांची सर्व माहिती पुणे महानगरपालिकेस देण्याबाबत सूचना केल्या होत्या. त्याप्रमाणे पुणे कॅन्टोनमेंट बोर्ड यांनी 13 मार्च l रोजी पुणे सब एरीया येथे संयुक्त बैठक आयोजित करून प्रेझेन्टेशन दाखविण्यात आले.

 प्रेझेन्टेशन प्रमाणे संरक्षण विभागाच्या अधिसुचनेसुसार कटक मंडळातील सिविल एरिया संलग्न स्थानिक स्वराज्य संस्थाना अस्थापना / मनुष्य बळ हस्तांतरित करणेसाठी विविध विभागांचे समन्वय आवश्यक आहे.  पुणे कॅन्टोनमेंट बोर्ड यांचे प्रेझेंटेशन प्रमाणे महापालिकेच्या विविध विभागाकडे हस्तांतरित होणाऱ्या आस्थापना / मनुष्य बळ यांचे संबंधिताकडून मेळ घेणे गरजेचे आहे. त्यामुळे पुणे कॅन्टोनमेंट बोर्ड यांच्याशी समन्वय साधून आपल्या विभागाकडे हस्तांतरित होणारी संसाधने, आस्थापना / मनुष्यबळ यांची माहिती व त्याबाबत आपल्या विभागाचे मुद्दे इ.बाबींची माहिती तयार ठेवावी. आवश्यकते प्रमाणे प्रत्यक्ष पाहणी करावी. असे आदेश उपायुक्त महेश पाटील यांनी दिले आहेत.

महाराष्ट्रातील  कॅन्टोन्मेंट बोर्ड

महाराष्ट्रात पुणे, खडकी, देहू रोड, औरंगाबाद, अहमदनगर, देवळाली (नाशिक) आणि नागपूर अशी सात कॅन्टोन्मेंट बोर्ड आहेत. ही सातही कॅन्टोन्मेंट बोर्ड स्थानिक महापालिकांच्या हद्दीत समाविष्ट करण्याची प्रक्रिया टप्प्याटप्प्याने सुरु करण्यात येणार आहे. (Cantonment board)

62 कॅन्टोन्मेंट बोर्ड आणि लाखो हेक्टर जागा
देशातील वेगवगेळ्या राज्यांमध्ये 62 कॅन्टोन्मेंट बोर्ड आहेत. या कॅन्टोन्मेंट बोर्डांच्या ताब्यात एक लाख साठ हजार एकर जागा आहे. 50 लाखाहून अधिक लोकसंख्या या कॅन्टोन्मेंट बोर्डांमध्ये राहते. कॅन्टोन्मेंट हद्दीतील खाजगी मालमत्ता देखील लष्कराच्या ताब्यात आहे. लष्कराकडून मूळ मालकांशी दर काही वर्षांनी त्यासाठी भाडेकरार देखील केला जातो. लष्करी कार्यालयांच्या सुरक्षेच्या कारणास्तव कॅन्टोन्मेंट हद्दीत विकास कामे आणि बांधकामासाठीच्या एफएसआयला मर्यादा घालण्यात आल्या आहेत. (Pune News)

Maratha Reservation Survey | PMC Officers and Enumerators Payment | मराठा आरक्षण सर्वेक्षणाचे काम केलेल्या मनपा कर्मचाऱ्यांचे मानधन तिजोरीत तसेच पडून!   | मानधन वितरण बाबत निवडणूक विभागाची उदासीनता 

Categories
Breaking News PMC social पुणे

Maratha Reservation Survey | PMC Officers and Enumerators Payment | मराठा आरक्षण सर्वेक्षणाचे काम केलेल्या मनपा कर्मचाऱ्यांचे मानधन तिजोरीत तसेच पडून! 

 | मानधन वितरण बाबत निवडणूक विभागाची उदासीनता 

 

Maratha Reservation Survey Pune | PMC Officers and Enumerators Payment | पुण्यात पुणे महापालिकेच्या (Pune Municipal Corporation (PMC)) प्रगणकाद्वारे मराठा समाजाचे आर्थिक आणि सामाजिक मागासलेपण तपासण्यासाठी सर्वेक्षण करण्यात आले.  14 लाख 30 हजार घरांचा सर्वे झाला. मात्र हे काम करणाऱ्या प्रगणक आणि अधिकाऱ्यांना अजून देखील मानधन देण्यात आलेले नाही. विशेष म्हणजे राज्य मागासवर्ग आयोगाकडून हे मानधन अदा करण्यात आले आहे. ते महापालिका तिजोरीत गेली 15 दिवस झाले तसेच पडून आहे. महापालिका निवडणूक विभागाकडून निधी वितरण बाबत उदासीनता का दाखवली जात आहे, याबाबत महापालिका कर्मचाऱ्यांकडून विचारणा केली जात आहे. (Maratha Reservation News)

महाराष्ट्र  शासनाने महाराष्ट्र  राज्य मागासवर्ग  आयोगाकडे (Maharashtra State Commission for Backward Classes) मराठा समाजाचे मागासलेपण तपासण्याचे  काम सोपवले होते. त्यानुसार पुणे शहरामध्ये  देखील मराठा समाज व खुल्या  प्रवर्गातील नागरिकाचे सर्वेक्षण झाले.  सर्वेक्षण 23 जानेवारी ते 2 फेब्रुवारी  या कालावधीत पुणे मनपा (Pune Municipal Corporation) मार्फत नियुक्त केलेल्या 3 हजाराहून प्रगणकामार्फत (Enumerators) पूर्ण करण्यात  आले.   सर्वेक्षण  मनपा हद्दीतील घरोघरी जाऊन मोबाईल ॲप MSBCC वर livedata entry मार्फत  करण्यात आले. (Pune PMC News)

सर्वेक्षणाचे काम करणारे पर्यवेक्षक (Supervisor) आणि प्रगणक (Enumerator) यांना प्रत्येकी 10 हजार रुपये आणि प्रशिक्षणाकरिता प्रवास भत्ता 500 रुपये अदा करण्यात येणार आहे. हा निधी राज्य मागासवर्ग आयोगाकडून महापालिकेला देण्यात आला आहे. हा निधी वितरित करण्याचे आदेश आयोगाने महापालिका आयुक्तांना दिले आहेत. तसेच हा निधी नाही वापरला तर 90 दिवसाच्या आता जमा करावा. असे देखील आयोगाने म्हटले आहे.

सर्वेक्षणाच्या कामासाठी कर्मचारी लवकर घराच्या बाहेर पडत होते तर खूप उशिरा घरी परतत होते. असे असताना देखील कर्मचाऱ्यांना अजून पर्यंत मानधन मिळालेले नाही. विशेष हे आहे कि निधी आलेला असून देखील महापालिका निवडणूक विभागाकडून निधी वितरण बाबत उदासीनता दाखवली जात आहे.

दरम्यान याबाबत निवडणूक विभागाचे उपायुक्त महेश पाटील यांच्याशी संपर्क साधण्याचा प्रयत्न केला असता दिवसभरात त्यांच्याशी संपर्क होऊ शकला नाही.

PMC HRMS Pay Roll and Pension Software | महापालिका कर्मचाऱ्यांसाठी आनंदाची बातमी | मे महिन्यापासून 1 तारखेलाच मिळणार वेतन! 

Categories
Breaking News PMC पुणे

PMC HRMS Pay Roll and Pension Software | महापालिका कर्मचाऱ्यांसाठी आनंदाची बातमी | मे महिन्यापासून 1 तारखेलाच मिळणार वेतन!

 | वेतन आणि पेन्शन मिळण्यात येणार गती | वेतन आणि पेन्शन साठी एकच प्रणाली

PMC Pay Roll and Pension Software – (The Karbhari News Service) –  महापालिका (Pune Municipal Corporation) कर्मचाऱ्यांना वेतन (Pay roll) आणि पेन्शन (Pension) हे ऑनलाईन प्रणाली द्वारे दिले जाते. मात्र ही सिस्टम फार जुनी झाली आहे. त्यामुळे महापालिका आता नवीन सॉफ्टवेअर विकसित करण्यात आले आहे. त्या माध्यमातून महापालिका कर्मचाऱ्यांना वेतन आणि पेन्शन साठी रखडत बसावे लागणार नाही. याला आता गती मिळणार आहे. विशेष म्हणजे शिक्षण विभाग (PMC Education Department) देखील आता यामध्ये जोडण्यात आला आहे. जानेवारी पासून याची सुरुवात करण्यात येणार होती. मात्र तांत्रिक कारणामुळे याची सुरुवात मे महिन्यापासून केली जाणार आहे.  अशी माहिती अतिरिक्त आयुक्त रवींद्र बिनवडे (Ravindra Binwade IAS) यांनी दिली. (PMC HRMS Pay Roll and Pension System) 

पुणे महापालिका कर्मचाऱ्यांना वेतन आणि पेन्शन देण्यासाठी 2013 साली वेतन प्रणाली बनवण्यात आली होती. मात्र ही प्रणाली जुनी झाली आहे. यामुळे काही अडचणी निर्माण होत आहेत. तसेच तत्कालीन शिक्षण मंडळाचा देखील महापालिकेत समावेश झाला आहे. याआधी महापालिका कर्मचारी आणि शिक्षण विभाग वेतनासाठी स्वतंत्र प्रणाली होती. यामध्ये कर्मचाऱ्यांना खूप करावे लागायचे. शिवाय वेतन देखील वेळेवर होत नसायचे. तसेच काही कर्मचाऱ्यांना वेतन देण्यात तांत्रिक अडचणी आल्या तर सगळ्याच कर्मचाऱ्यांना वेतनासाठी थांबावे लागत आहे. मात्र आता नवीन प्रणाली मध्ये या सगळ्या अडचणी दूर करण्यात येणार आहेत. (Pune Municipal Corporation)
 pay roll आणि pension  दोन्ही एकाच प्रणालीत आणले जाणार आहे. यामुळे आता वेतनासाठी जी 10 तारखेची वाट पाहावी लागते. ती पाहावी लागणार नाही. प्रत्येक महिन्याच्या 1 तारखेलाच वेतन मिळेल. तसेच आज पेन्शनसाठी सेवानिवृत्त सेवकांना रखडावे लागते, ती अडचण देखील कमी होणार असून लवकरात लवकर पेन्शन हातात मिळण्यास मदत होणार आहे. जगताप यांनी सांगितले कि, हे सॉफ्टवेअर बनवण्यासाठी महापालिकेला बँक ऑफ महाराष्ट्र (Bank of Maharashtra) ने सीएसआर (CSR) अंतर्गत चांगली मदत केली आहे. या प्रणालीचा वापर करण्यास  प्रायोगिक तत्वावर सुरुवात केली होती.

बिनवडे यांनी सांगितले कि,  सॉफ्टवेअरवर कार्यरत अधिकारी आणि कर्मचार्‍यांची संपुर्ण माहिती, वेतनश्रेणी आणि त्यानुसार देण्यात येणारे भत्ते, सर्व्हिस बुकमधील माहिती अपलोड करण्यात आली आहे. तर पेन्शनरांची माहिती अपलोड करण्याचे काम अंतिम टप्प्यात आले आहे. मागील तीन महिन्यांपासून प्रशासनाने हे सॉफ्टवेअर आणि जुन्या पद्धतीने पगार करण्यास प्रायोगीक तत्वावर सुरूवात केली. यामध्ये आढळलेल्या त्रुटी दूर करण्यात आल्या आहेत. या नव्या सॉफ्टवेअरचे सर्व पगार बिल क्लार्कला प्रशिक्षणही देण्यात आले आहे. एक एप्रिलपासून नवीन आर्थिक वर्ष सुरू झाल्यानंतर एप्रिल महिन्याचे वेतन मे मध्ये या सॉफ्टवेअरद्वारे करण्याचा निर्णय प्रशासनाने घेतला असल्याची माहिती बिनवडे यांनी दिली.

बिनवडे यांनी सांगितले, की प्रत्येक कर्मचार्‍याला मोबाईलवरूनही त्याच्या पगारबिलाची तसेच सर्व्हिस बुकची माहिती घेण्याची सुविधा या सॉफ्टवेअरमध्ये आहे. यासाठी कर्मचार्‍याला आधार क्रमांक आणि कर्मचारी आयडी क्रमांकाच्या माध्यमांतून लॉग इन आयडी उपलब्ध करून दिला जाणार आहे. कर्मचार्‍यांना यापुढील काळात रजेचे अर्जही ऑनलाईनच सादर करावे लागणार आहेत. सर्व्हिस बुकमधील सद्यस्थिती देखिल या सॉफ्टवेअरच्या माध्यमातून प्रत्येक कर्मचार्‍याला समजू शकणार आहे.

सेवानिवृत्त होणार्‍या कर्मचार्‍याला सहा महिने अगोदरच कोणती कागदपत्र सादर करायची, कोणत्या विभागाच्या एनओसी घ्यायच्या आहेत याची माहिती मिळणार आहे. त्यांना स्वत: पेन्शनची प्रकरणे ऑनलाईन सादर करावी लागणार आहेत. त्यामुळे पेन्शन प्रकरणांचा विलंब कमी होणार असून निवृत्तीनंतरच्या पुढील महिन्यांपासून पेन्शन मिळण्याचा मार्ग मोकळा होणार आहे. मे नंतरही दोन महिने पुर्वीची पगाराची पद्धत समांतरपणे सुरू ठेवण्यात येणार आहे. यासाठी सर्व अधिकारी आणि कर्मचार्‍यांना प्रशिक्षणाचे आयोजन करण्यात येणार असल्याची माहिती बिनवडे यांनी दिली.

Water Meter in Pune | महापौर बंगल्यावर पाण्याच्या लाईनवर मीटर शोभेपुरताच! 

Categories
Breaking News PMC social पुणे

Water Meter in Pune | महापौर बंगल्यावर पाण्याच्या लाईनवर मीटर शोभेपुरताच!

– विवेक वेलणकर यांनी उजेडात आणला प्रकार

Water Meter in Pune – (The Karbhari News Service) – बऱ्याच पाठपुराव्या नंतर महापौर बंगल्यावर (Pune Mayor Bungalow) पाण्याच्या लाईनवर मीटर बसला खरा; पण घोले रोड क्षेत्रीय कार्यालयातून (PMC Ghole Road Ward office) घेतलेल्या दुसऱ्या लाईन मधूनच पाण्याचा वापर सुरु असल्याचे समोर आणले आहे. सजग नागरिक मंचाचे विवेक वेलणकर (Vivek Velankar Pune) यांनी हा प्रकार उजेडात आणला आहे. (PMC Water Supply Department)
The karbhari - pmc water supply department
 याबाबत वेलणकर यांनी महापालिका आयुक्तांना पत्र लिहिले आहे. त्यात त्यांनी म्हटले आहे कि,  गेल्या दीड वर्षापासून आम्ही पाणीपुरवठा विभागाशी पाठपुरावा करतोय की महापालिका आयुक्त बंगला, महापौर बंगला , जिल्हाधिकारी बंगला येथे अन्य पुणेकरांप्रमाणे पाणी मीटर बसवा म्हणजे त्यांचा पाणीवापर किती आहे हे कळेल.  आज थोड्या वेळापूर्वी महापौर बंगल्यावर परिस्थितीची पाहणी करण्यासाठी गेलो असता, असे दिसून आले की तिथे येणाऱ्या पाण्याच्या लाईनवर मीटर बसला आहे, मात्र त्यातून पाणीपुरवठा होत नाही.  तर शेजारच्या घोले रोड क्षेत्रीय कार्यालयातून घेतलेल्या दुसऱ्या लाईन मधूनच पाणी पुरवठा होतो. याचाच अर्थ मीटर शोभेचाच आहे. (Pune Municipal Corporation (PMC)
वेलणकर यांनी पुढे म्हटले कि, पाणीपुरवठा विभागास तातडीने आदेश देऊन महापालिका आयुक्त बंगला, जिल्हाधिकारी बंगला, अन्य वरीष्ठ सरकारी / निमसरकारी बंगले या ठिकाणी तत्काळ पाणी मीटर बसवण्यास सांगावे. ही सर्व मंडळी दरडोई दरदिवशी १५० लिटरपेक्षा कमी पाणी वापरतात असे उदाहरण आकडेवारी सह पुणेकरांपुढे ठेवावे. अशी मागणी वेलणकर यांनी केली आहे.
—

Dr Rajendra Bhosale IAS | पुणेकर नागरिकांच्या प्रश्नांचे निराकरण करण्यासाठी महापालिका तयार करणार धोरण!

Categories
Breaking News PMC social पुणे

Dr Rajendra Bhosale IAS | पुणेकर नागरिकांच्या प्रश्नांचे निराकरण करण्यासाठी महापालिका तयार करणार धोरण!

| महापालिका आयुक्त डॉ राजेंद्र भोसले यांचा नागरिक केंद्रित प्रशासनावर भर

Dr Rajendra Bhosale IAS – (The Karbhari News Service) – पुणे शहरातील वेगवेगळ्या भागांतून तसेच समाविष्ट गावांतून नागरिक विविध समस्या घेऊन महापालिकेत (Pune Municipal Corporation (PMC) येत असतात. मात्र कधी कधी नागरिकांना महापालिका आणि क्षेत्रीय कार्यालयात नुसत्याच चकरा माराव्या लागतात. आगामी काळात याच गोष्टी टाळण्याचा प्रयत्न महापालिका करणार आहे. नागरिक केंद्रित प्रशासनावर भर देत नागरिकांच्या प्रश्नाचे निराकरण करण्यासाठी  एक धोरण करण्यात येणार आहे. अशी माहिती महापालिका आयुक्त डॉ राजेंद्र भोसले (Dr Rajendra Bhosale IAS) यांनी दिली. (Pune PMC News)

| मूलभूत सुविधा देताना महापालिकेची दमछाक

पुणे महापकिकेत 34 समाविष्ट गावांचा समावेश झाला आहे. या गावांमध्ये मूलभूत समस्यांचा अभाव आहे. गावे आणि मूळ शहराला सुविधा पुरविताना महापालिकेची दमछाक होत आहे. अशातच आपल्या विविध समस्या घेऊन नागरिक महापालिकेत आयुक्तांना तसेच क्षेत्रीय कार्यालयात भेटण्यासाठी येतात. मात्र बऱ्याच वेळा नागरिकांच्या प्रश्नाचे निराकारण होत नाही. नागरिकांना फक्त चकरा माराव्या लागतात. याबाबत महापालिका आयुक्त डॉ राजेंद्र भोसले यांनी गंभीरपणे लक्ष दिले आहे. (Pune Municipal Corporation Latest News)

| सर्व खातेप्रमुखानी सोमवारी आणि गुरुवारी आयुक्त कार्यालयात उपस्थित राहणे अनिवार्य

प्रत्येक आठवड्याच्या सोमवारी व गुरुवारी सकाळी १०.३० ते १२.३० वा. नागरिक त्यांच्या समस्येबाबत  महापालिका आयुक्त यांचे भेटीस येत असतात. या वेळेत नागरिकांच्या समस्यांचे निराकरण शक्यतो जागेवरच करणे व त्या अनुषंगाने संबंधित खातेप्रमुखांना  महापालिका आयुक्त सूचना देणार असल्याचे त्यांनी सांगितले आहे. त्यामुळे प्रत्येक आठवड्याच्या सोमवारी व गुरुवारी सकाळी १०.३० ते १२.३० वा. महापालिका आयुक्त कार्यालय, येथे सर्व खाते प्रमुखांना उपस्थित राहण्याचे आदेश महापालिका आयुक्त डॉ भोसले यांनी दिले आहेत.

| नागरिकांच्या प्रश्नाचे स्वरुप जाणून घेतले जाणार

याबाबत महापालिका आयुक्त डॉ भोसले यांनी सांगितले कि, आयुक्त कार्यालयात सर्व खाते प्रमुख यांच्यासोबत बसून नागरिकांचे प्रश्न जाणून घेतले जातील. त्यांच्या प्रश्नाचे स्वरूप जाणून घेण्यात येईल. त्यानंतर एक रूपरेषा ठरवली जाईल. क्षेत्रीय कार्यालय स्तरावर कुठले प्रश्न सोडवायला हवेत, खाते प्रमुख स्तरावर कुठले प्रश्न सोडवले जातील, तसेच आयुक्त स्तरावर कुठल्या प्रश्नाचा निपटारा करायचा, याचा आढावा घेतला जाईल. याबाबत एक धोरण तयार केले जाईल. त्यानुसार नागरिकांना कमीत कमी वेळात त्याचा प्रश्न कसा सोडवला जाईल, यावर अंमल केला जाईल. नागरिक केंद्रस्थानी ठेऊन या धोरणावर अमल केला जाईल. असेही आयुक्त डॉ भोसले यांनी सांगितले.

PMC IWMS System | पुणे महापालिकेची IWMS यंत्रणा खिळखिळी! | ठेकेदार आणि कर्मचाऱ्यांना रात्री 3 वाजेपर्यंत महापालिकेत ठोकावा लागला मुक्काम

Categories
Breaking News PMC पुणे

PMC IWMS System | पुणे महापालिकेची IWMS यंत्रणा खिळखिळी!

| ठेकेदार आणि कर्मचाऱ्यांना रात्री 3 वाजेपर्यंत महापालिकेत ठोकावा लागला मुक्काम

PMC IWMS System – (The Karbhari News Service) – पुणे महानगरपालिकेमार्फत (Pune Municipal Corporation (PMC) अंदाजपत्रकिय तरतुदी नुसार विविध विभागांमार्फत प्रकल्पीय, भांडवलीय आणि महसुली कामे निविदा प्रक्रियेतून (Tender Process) केली जातात. या  विकास कामांकरिता आणि बिले सादर करण्यासाठी सुधारित संगणक प्रणाली (Intelligent Works Management System ) वापरण्यास सुरुवात झाली आहे. मात्र ही यंत्रणा खिळखिळी असल्याचे समोर आले आहे. कारण यंत्रणेतील त्रुटींचा महापालिका कर्मचारी आणि ठेकेदारांना फटका बसला. परिणामी या लोकांना गुरुवारी रात्री 3 वाजेपर्यंत महापालिकेत मुक्काम करावा लागला. या यंत्रणेत सुधारणा करण्याची मागणी ठेकेदार संघटनेकडून करण्यात आली आहे. (PMC IWMS System)

पुणे महानगरपालिकेतील (PMC Pune) विविध विभागामार्फत विकसित होणाऱ्या विकास कामांचे निविदा मान्यतेचे डॉकेट IWMS सॉफ्टवेअर मार्फतच करण्यात यावे. तसेच ऑडीट व दक्षता विभागाकरिता तयार करण्यात आलेल्या चेकलिस्ट पूर्णपणे भरणेची जबाबदारी ज्या विभागामार्फत डॉकेट मान्येतेसाठी सादर करण्यात येते त्या विभागातील संबधित कनिष्ठ अभियंता यांची राहील. असे आदेश महापालिका आयुक्तांनी दिले आहेत. (PMC Pune News)

तसेच सर्व विकास कामांचे पूर्वगणक पत्रक ( पु.ग.प.), जी. आय. एस. मॅपिंग, प्रशासकीय मान्यता, लाँकिंग, तांत्रिक मान्यता, डीटीपी, निविदा जाहिरात, ऑडीट व दक्षता विभागाकरिता तयार करण्यात आलेल्या चेकलिस्ट, निविदा मान्यतेचे डॉकेट, कार्यादेश (वर्क ऑर्डर) आणि मोजमापक पुस्तके ( एम. बी.) इत्यादी कामे IWMS सॉफ्टवेअर मार्फतच करण्यात यावे. असेही आयुक्तांनी आपल्या आदेशात म्हटले होते. त्यानुसार ही यंत्रणा काम करत आहे. मात्र यात त्रुटी असल्याचे समोर आले आहे.

महापालिकेचे आर्थिक वर्ष रविवार ३१ मार्चला संपत आहे. परंतू शुक्रवारी गुड फ्रायडे आणि शनिवार आणि रविवार साप्ताहित सुट्टया असल्याने गुरुवारी महापालिकेमध्ये कामांच्या बिलांसाठी ठेकेदारांनी (PMC Contractor) गर्दी केली होती. परंतू IWMS मधील तांत्रिक अडचणींमुळे ठेकेदारांसह कर्मचार्‍यांनाही मानसिक त्रासाला सामोरे जावे लागले.

महापालिकेचे आर्थिक वर्ष ३१ मार्चला संपत आहे. अशातच गुरूवारी शेवटचा वर्कींग डे असल्याने मागील काही महिन्यांत महापालिकेची विविध कामे केलेले ठेकेदारांनी बिले सादर करण्यासाठी महापालिकेत गर्दी केली होती. यंदा प्रथमच महापालिकेने तयार केलेल्या ऑनलाईन सॉफ्टवेअरमध्ये म्हणजेच IWMS यंत्रणेत बिले सादर करायची असल्याने इंटरनेटमधील अडचणींमुळे व्यत्यय येत होता. तसेच सॉफ्टवेअरमध्येही काहीना काही तांत्रिक अडचणी येत होत्या. अशातच संध्याकाळी उशिरापर्यंत महापालिकेने कुठलिच मुदतवाढ न दिल्याने अनेकांना रात्री उशिरापर्यंत बिले सादर करण्यासाठी थांबून राहावे लागले. दरम्यान यंत्रणेतील त्रुटी तशाच आहेत. फक्त औपचारिक पद्धतीने बिले पूर्ण केली आहेत.

– IWMS यंत्रणेत या आढळल्या त्रुटी

1)  High speed internet लावले तरी IWMS चे काम खूप हळू होते
2) बिलांची रक्कम  मॅच होत नव्हती. रकमेत तफावत दिसून आली.
3) एकच computer operator होता.
4) अवघे एक Bill ची file पूर्ण करायला २ तास लागले.
5) M.B चे item एका क्रमवारीत आले नाही त्यामुळे त्याला rearrange करायला लागते.  त्यामुळे त्याला वेळ लागला.

—

महापालिकेची IWMS यंत्रणा योग्यच आहे. मात्र त्यातील काही त्रुटी दूर करणे गरजेचे आहे. फक्त ठेकेदारच नाही तर महापालिका कर्मचाऱ्यांना देखील यात त्रास सहन करावा लागला. त्यामुळे तांत्रिक अडचणी दूर कराव्या, अशी आमची महापालिका प्रशासनाकडे मागणी आहे. 

– विशाल भोसले, अध्यक्ष, महापालिका ठेकेदार संघटना. 

Pune Sex Ratio | सावित्रीबाईंच्या पुण्यात 1 हजार मुलांमागे फक्त 890 मुली! 

Categories
Breaking News cultural PMC social आरोग्य पुणे

Pune Sex Ratio | सावित्रीबाईंच्या पुण्यात 1 हजार मुलांमागे फक्त 890 मुली! 

 
 

Pune Sex Ratio | स्त्री शिक्षणाची मुहूर्तमेढ रोवण्याचं काम सावित्रीबाई फुलेंनी पुण्यातून सुरु केलं. मुली शिकल्या. सवरल्या. स्वतंत्र झाल्या. पुण्यामुळे देशात मुली सुरक्षित झाल्या. मात्र तेच पुणे शहर (Pune City) मुलींच्या जन्माचे स्वागत करण्यात मागेच असल्याची धक्कादायक माहिती पुढे आली आहे. पुढारलेल्या पुण्यात ही स्थिती व्हावी, याबाबत आश्चर्य व्यक्त केले जात आहे. महापालिका आरोग्य विभागाच्या (PMC Health Department) माहितीनुसार पुणे शहरात मुलींचे जन्माचे प्रमाण 2023 साली घटून 890 वर आले आहे. 2020 साली हे प्रमाण 946 होते. मागील काही वर्षात महापालिकेने चांगले काम करत हे प्रमाण 879 वरून 946 पर्यंत आणले होते. मात्र आता पुणे शहरातील मुलींच्या जन्माच्या प्रमाणात चांगलीच घसरण होत चालली आहे. सावित्रीबाईंचे स्मारक जिथे होणार आहे अशा पुण्यात ही स्थिती का यावी?  पुणे शहर फिरून १० वर्ष का मागे जावे? याबाबत पुणे महापालिका आरोग्य विभाग आणि राज्य सरकार काही आत्मपरीक्षण करणार आहे का, असा सवाल या निमित्ताने उपस्थित होत आहे.  (Pune Sex Ratio)

 

: अधिकारी बदलामुळे होतोय परिणाम 

 
एक हजार मुलांच्या जन्मामागेच मुलींच्या जन्माचे प्रमाण काढण्यात येते. पुणे महापालिकेकडून (PMC Pune) अथवा कोणत्याही शहर, जिल्ह्यातून मुलींच्या जन्माची आकडेवारी उपलब्ध झाल्यास त्यावरून लिंग गुणोत्तर निश्चित केले जाते. जन्म विभागाकडे दैनंदिन मुला मुलींच्या जन्माची नोंदणी केली जाते. त्यातून संकलित माहितीच्या आधारे हे प्रमाण काढले जाते. लिंग गुणोत्तराच्या बाबतीत पुणे शहर आणि महापालिका राज्यात वरच्या स्थानावर होती. याबाबत महापालिकेचे राज्य सरकार कडून कौतुक देखील केले जायचे. महापालिकेकडून वेगवेगळ्या उपाय योजना राबवून आणि जनजागृती करून हे प्रमाण वाढवले गेले होते. मात्र 2021पासून हे प्रमाण चांगलेच घसरले आहे. मुलींचे स्वागत करण्यात पुढारलेले पुणे उणे का असा प्रश्न आता विचारला जाऊ लागला आहे. दरम्यान महापालिका जनजागृती करण्यात आणि लिंग तपासणाऱ्या रुग्णालयावर कारवाई करण्यात कमी पडली असल्याचे सांगण्यात येत आहे. कारण आरोग्य खात्याकडून अधिकाऱ्याच्या बदल्या केल्या गेल्या. चांगले काम करणाऱ्या अधिकाऱ्या कडून याबाबतचे काम काढून घेण्यात आले. नवीन आलेल्या अधिकाऱ्यांना कामाचे स्वरूप समजून घेण्यातच वेळ गेला. त्यामुळे कारवाई होऊ शकली नाही.  (Pune Municipal Corporation Health Department)
 

: 2020 ला सेक्स रेशो 946 

दरम्यान, ‘ 2010 साली पुणे शहरातील मुलींच्या जन्माचे प्रमाण 879 होते. 2011 मध्ये मुलींच्या जन्माचे प्रमाण 884 एवढे होते. 2012 व 2013 मध्ये अनुक्रमे 934 व 933 एवढे प्रमाण होते. 2014 मध्ये त्यात थोडीशी वाढ होऊन ते 937 पर्यंत गेले, तर 2015 मध्ये  हे प्रमाण घसरून 925 पर्यंत खाली आले होते. त्यानंतर 2019 ला 922 तर 2020 ला हे प्रमाण 946 पर्यंत आले होते. मात्र 2021 मध्ये यात खूपच घसरण झाली. 1000 मुलांच्या मागे मुलींचे प्रमाण फक्त 900 असे होते. तर 2022 साली यात थोडीशी सुधारणा होऊन हे प्रमाण 910 इतके झाले. त्यानंतर आता 2023 सालात देखील संख्या कमीच असल्याचे दिसून येत आहे.  910 वरून हे प्रमाण 890 इतके असल्याचे दिसून आले आहे. म्हणजे फिरून आपण २०१० सालासारखे मागे गेलो आहोत.

: लिंग गुणोत्तर (sex Ratio) प्रमाण 

 
वर्ष             रेशो 
 
2010     879
2011     884
2012     934
2013     933
2014      937
2019       922
2020.      946
2021.       900
2022.       910
2023.       890
—

  Applications can be submitted for the post of Junior Engineer (Civil) in Pune Municipal Corporation from today |  Know Syllabus, Exam Format, Pay Scale,

Categories
Breaking News Education PMC social पुणे महाराष्ट्र

  Applications can be submitted for the post of Junior Engineer (Civil) in Pune Municipal Corporation from today |  Know Syllabus, Exam Format, Pay Scale

 PMC Junior Engineer Recruitment 2024 |  Pune Municipal Corporation has started the third phase recruitment process (PMC Recruitment 2024).  Now recruitment will be done for 113 posts.  Earlier, the recruitment process was conducted for 448 posts in the first phase and 320 posts in the second phase.  Now the municipal corporation has started the process of the third phase.  These posts include Junior Engineer (Construction).  This advertisement has been published by the municipal administration.  The necessary terms and conditions for the post have been made available to the candidates on the website of the Municipal Corporation from January 16 i.e.  Let us know all the information from application submission period to exam format.  (Pune Mahanagarpalika Bharti 2024)
 – Opportunity for new candidates as experience requirement of JE is reduced
 Meanwhile for Junior Engineer (JE) 3 years experience was stipulated.  However, there was a demand to cancel this condition for a long time.  Accordingly, the municipal administration had sent a proposal to the state government to cancel the condition.  The government has just approved it.  A proposal to change the method, percentage and qualification of appointment of the posts of Executive Engineer, Deputy Engineer and Junior Engineer in the establishment of Pune Municipal Corporation was sent by the Municipal Commissioner to the State Government.  It has been recently approved by the state government.  Accordingly now junior engineers have been given 15% promotion instead of 25%.  Instead of 75%, 85% direct service will be recruited.  Whereas the experience condition has been reduced and the condition of having passed a degree or diploma has been kept.  It will benefit the candidates who have recently graduated or graduated.  (PMC JE Recruitment 2024)
 —
 Total Posts : 113 (Civil Engineer)
 Period for submission of application and payment of fee : 16 January to 5 February 2024
 —
 : Parallel reservation will be
 1. Others (other than parallel reservation) : 36 posts
 2. Reservation for women (30%) : 32 posts
 3. Ex-servicemen (15%) : 26 posts
 4. Part Time (10%) : 8 posts
 5. Sportsmen (5%) : 5 positions
 6. Project Victims (5%) : 5 posts
 7. Earthquake victims (2%) : 1 post
 8. Disabled (4%) : 5 posts
 9. Orphans (1%) : 1 post
 Important : In the mean time 6 posts of Divyang and Orphan will be filled in that category as and when they become available.  These posts will be from 113 posts.  It will not be 113+6.
 —
 : Pay Scale : S 14 : 38,600 to 1 lakh 22 thousand 800
 —-
 : Age Limit :
 Open Category Candidates : 38 years
 Backward Category Candidates : 43 years
 Handicapped Candidate : 45 years
 Disabled Ex-Servicemen : 45 years
 There is no age limit for permanent employees of Pune Municipal Corporation.  Also 5 years condition will be relaxed if experience is required.
 Freedom Fighter Child : 45 years
 Part Time Candidate : 55 years
 —
 Examination fee
 – Open Category : 1000/-
 – Backward Category : 900/-
 – Ex-Servicemen/Disabled Ex-Servicemen: Fees will be waived
 —–
 : What will be the Exam Pattern and Syllabus?
 – Exam will be conducted online
 – Must secure 45% of total marks
 – Oral examination will not be conducted
 – There will be a question paper of 200 marks.  Its format will be objective multiple choice.
 – Each question will carry 2 marks
 – 60 questions will be same as 12th exam.  There will be 15 questions related to Marathi subject, 15 questions related to English, 15 questions related to General Knowledge and 15 questions related to intellectual test.  The medium of this will be Marathi and English.
 – 40 questions will be equivalent to Degree/Diploma Examination.  The medium of this will be English.
 —-

PMC JE Bharti 2024 | पुणे महापालिकेत कनिष्ठ अभियंता (JE Civil) पदासाठी आजपासून अर्ज भरता येणार | अभ्यासक्रम, परीक्षा स्वरूप, वेतनश्रेणी, जाणून घ्या 

Categories
Breaking News Education PMC social पुणे महाराष्ट्र

PMC JE Bharti 2024 | पुणे महापालिकेत कनिष्ठ अभियंता (JE Civil) पदासाठी आजपासून अर्ज भरता येणार | अभ्यासक्रम, परीक्षा स्वरूप, वेतनश्रेणी, जाणून घ्या

PMC Junior Engineer Recruitment 2024  | पुणे महापालिकेने (Pune Municipal Corporation) तिसऱ्या टप्प्यातील भरती (PMC Recruitment 2024) प्रक्रिया सुरु केली आहे. आता 113 पदांसाठी भरती करण्यात येणार आहे. याआधी पहिल्या टप्प्यात 448 तर दुसऱ्या टप्प्यात 320 पदांसाठी भरती प्रक्रिया राबवली होती. आता महापालिकेने तिसऱ्या टप्प्याची प्रक्रिया सुरु केली आहे. या पदांमध्ये कनिष्ठ अभियंता (Junior Engineer) (स्थापत्य), यांचा समावेश आहे. महापालिका प्रशासनाकडून याची जाहिरात प्रसिद्ध करण्यात आली आहे.  पदासाठी आवश्यक अटी आणि शर्ती उमेदवारांना महापालिकेच्या वेबसाईट वर 16 जानेवारी म्हणजेच पासून उपलब्ध झाल्या आहेत. अर्ज सादर करण्याचा कालावधी ते परीक्षेचे स्वरूप अशी सर्व माहिती आपण जाणून घेऊया. (Pune Mahanagarpalika Bharti 2024)
– JE ची अनुभवाची अट कमी झाल्याने नवीन उमेदवारांना संधी
दरम्यान कनिष्ठ अभियंता (JE) साठी 3 वर्षाची अनुभवाची अट ठेवण्यात आली होती. मात्र याबाबत बऱ्याच दिवसापासून ही अट रद्द करण्याची मागणी करण्यात येत होती. त्यानुसार महापालिका प्रशासनाने अट रद्द करण्याबाबतचा  प्रस्ताव राज्य सरकारकडे पाठवला होता. सरकारने त्याला नुकतीच मंजूरी दिली आहे. पुणे महापालिकेच्या (Pune Municipal Corporation) आस्थापनेवरील कार्यकारी अभियंता (Executive Engineer) , उप अभियंता (Deputy Engineer) तसेच कनिष्ठ अभियंता (Junior Engineer) या पदांच्या नेमणुकीची पद्धत, टक्केवारी आणि अर्हता बदलण्याचा प्रस्ताव महापालिका आयुक्त यांच्याकडून राज्य सरकारकडे पाठवण्यात आला होता. याला नुकतीच राज्य सरकारने मान्यता दिली आहे. त्यानुसार आता कनिष्ठ अभियंता यांना 25% च्या ऐवजी 15% पदोन्नती ठेवण्यात आली आहे. तर 75% च्या ऐवजी 85% सरळसेवा भरती करण्यात येणार आहे. तर अनुभवाची अट कमी करण्यात येऊन पदवी किंवा पदविका उत्तीर्ण असण्याची अट ठेवण्यात आली आहे. याचा नुकतीच पदवी किंवा पदविका घेतलेल्या उमेदवारांना फायदा होणार आहे. (PMC JE Recruitment 2024)
—
एकूण पदे : 113 (स्थापत्य अभियंता) 
: पात्र उमेदवाराकडून PMC Website | www.pmc.gov.in या संकेतस्थळावर Recruitment या Tab मध्ये ऑनलाइन अर्ज मागवण्यात येत आहेत.
अर्ज सादर करण्याचा आणि  शुल्क भरण्याचा कालावधी : 16 जानेवारी ते 5 फेब्रुवारी 2024 
—
: समांतर आरक्षण असे असेल 
1. इतर (समांतर आरक्षणा व्यतिरिक्त) : 36 पदे
2. महिला आरक्षण (30%) : 32 पदे
3. माजी सैनिक (15%) : 26 पदे
4. अंशकालीन (10%) : 8 पदे
5. खेळाडू (5%) : 5 पदे
6. प्रकल्पग्रस्त  (5%) : 5 पदे
7. भूकंपग्रस्त (2%) : 1 पद
8. दिव्यांग (4%) : 5 पदे
9. अनाथ (1%) : 1 पद
महत्वाचे : दरम्यान दिव्यांग आणि अनाथ ची 6 पदे ही जशी उपलब्ध होतील तशी आणि त्या त्या कॅटेगरी मध्ये भरली जातील. ही पदे 113 पद मधीलच असतील. ती 113+6 अशी नसणार आहेत.
—
: वेतनश्रेणी : S 14 : 38,600 ते 1 लाख 22 हजार 800
—-
: वयोमर्यादा : 
खुल्या प्रवर्गातील उमेदवार : 38 वर्ष
मागासवर्गीय प्रवर्गातील उमेदवार  : 43 वर्ष
दिव्यांग उमेदवार   : 45 वर्ष
दिव्यांग माजी सैनिक  : 45 वर्ष
पुणे महापालिकेच्या स्थायी कर्मचाऱ्यांना वयोमर्यादा नाही. तसेच अनुभवाची गरज असल्यास 5 वर्षाची अट शिथिल असेल.
स्वातंत्र्य सैनिक पाल्य : 45 वर्ष
अंशकालीन उमेदवार  : 55 वर्ष
—
परीक्षा शुल्क 
 
– खुला प्रवर्ग : 1000/- 
– मागासवर्गीय प्रवर्ग : 900/- 
– माजी सैनिक/ दिव्यांग माजी सैनिक :शुल्क माफ असणार 
—–
 
: परीक्षा स्वरूप आणि अभ्यासक्रम कसा असेल? 
– ऑनलाईन पद्धतीने परीक्षा घेतली जाणार 
– एकूण गुणांच्या 45% गुण प्राप्त करणे आवश्यक 
– मौखिक परीक्षा घेतली जाणार नाही
 
– 200 गुणांची प्रश्नपत्रिका असेल. त्याचे स्वरूप वस्तुनिष्ठ बहुपर्यायी असेल. 
– प्रत्येक प्रश्नांस 2 गुण असतील 
 
– 60 प्रश्न हे 12 वी परीक्षा समान असतील. यामध्ये मराठी विषयाशी संबंधित 15 प्रश्न, इंग्रजी 15 प्रश्न, सामान्य ज्ञान 15 प्रश्न तर बौद्धिक चाचणी बाबत 15 प्रश्न असतील. याचे माध्यम मराठी आणि इंग्रजी असणार आहे. 
 
–  40 प्रश्न हे पदवी/पदविका परीक्षेच्या समान असतील. याचे माध्यम हे इंग्रजी असणार आहे. 
—-