Tag: Shailesh Tilak
शैलेश टिळक यांनी भूमिका केली स्पष्ट| आता भाजप काय निर्णय घेणार?
कसबा विधानसभा पोट निवडणुकीसाठी भारतीय जनता पक्ष कोणाला उमेदवारी देणार, यावरून चर्चा सुरू झाली असतानाच कसबा विधानसभा मतदारसंघाच्या दिवंगत आमदार मुक्ता टिळक यांचे पती शैलेश टिळक यांनी प्रथमच जाहीरपणे उमेदवारीचा दावा केला आहे. पोटनिवडणुकीसाठी टिळक कुटुंबीयांचा विचार व्हावा, अशी स्पष्ट भूमिका शैलेश टिळक यांनी घेतली आहे. निवडणुकीसाठी इच्छुक असल्याचे पक्षाच्या नेतृत्वाला लवकरच कळविण्यात येईल, असे शैलेश यांनी स्पष्ट केले असून, त्यांच्या जाहीर भूमिकेमुळे भाजप नेतृत्व काय निर्णय घेणार, याबाबत उत्सुकता निर्माण झाली आहे. (kasba constituency byelections)
पोट निवडणुकीचा कार्यक्रम जाहीर झाल्यानंतर या मतदारसंघातून स्थायी समितीचे माजी अध्यक्ष हेमंत रासने, माजी सभागृहनेता गणेश बीडकर आणि धीरज घाटे यांच्याबरोबरच पुण्याचे खासदार गिरीश बापट यांची सून स्वरदा यांच्या नावाची चर्चा सुरू झाली होती. मुक्ता टिळक यांच्या निधनानंतर टिळक कुटुंबीयांपैकी एकाला उमेदवारी द्यावी, असा मतप्रवाही पक्षाच्या एका गटाचा होता. मात्र, शैलेश टिळक यांनी मात्र त्याबाबत कोणतीही जाहीर भूमिका घेतली नव्हती.
‘मुक्ता यांची अपूर्ण कामे पूर्ण करण्यासाठी टिळक कुटुंबीयांपैकी एकाला उमेदवारी द्यावी, अशी भावना आहे. मीही उमेदवारीसाठी इच्छुक असून चिरंजीव कुणाल याचेही वेगळ्या माध्यमातून जनसंपर्काचे काम सुरू आहे. त्यामुळे पक्षाच्या वरिष्ठ नेत्यांनी उमेदवारीसाठी टिळक कुटुंबीयांचा प्राधान्याने विचार करावा. पक्षाच्या नेत्यांशी अद्याप या संदर्भात चर्चा झालेली नाही. मात्र, ही भावना लवकरच नेत्यांपर्यंत पोहोचविण्यात येईल. उमेदवारी कोणाला द्यायची, याचा निर्णय पक्षाचे वरिष्ठ नेते घेतील, असे शैलेश यांनी स्पष्ट केले. उमेदवारीबाबत शैलेश यांनी प्रथमच जाहीर भूमिका घेतल्याने पक्षाचे नेतृत्व यासंदर्भात कोणता निर्णय घेतात, याबाबत भारतीय जनता पक्षाच्या वर्तुळात उत्सुकता निर्माण झाली आहे. (shailesh Tilak)
कसबा विधानसभा मतदारसंघाच्या आमदार मुक्ता टिळक यांचे कर्करोगाशी झुंज देत असताना काही दिवसांपूर्वी निधन झाले. या रिक्त जागेसाठीच्या पोटनिवडणुकीचा कार्यक्रम जाहीर करण्यात आला आहे. ही निवडणूक बिनविरोध व्हावी, यासाठी भारतीय जनता पक्षाकडून प्रयत्न करण्यात येत आहेत. काँग्रेसने निवडणूक लढविण्याचा निर्धार व्यक्त केल्याने निवडणूक बिनविरोध होण्याची शक्यता कमी आहे. राष्ट्रवादी काँग्रेस आणि शिवसेनेकडूनही निवडणुकीसाठी दंड थोपटण्यात आले आहेत. त्यामुळे, पोटनिवडणूक बिनविरोध करायची की, कोणत्या पक्षाचा उमेदवार द्यायचा याचा निर्णय राष्ट्रवादी काँग्रेस, शिवसेना आणि काँग्रेसच्या महाविकास आघाडीच्या वरिष्ठ नेत्यांच्या बैठकीत एकमताने घेतला जाणार आहे. (Mukta Tilak)
यवतमालच्या वेदांतची सुवर्ण पदकला गवसणी
पुणे: चंदिगड येथे आयोजित सब जूनियर (१२ ते १५ ) गटाच्या राष्ट्रीय ज्यूदो स्पर्धेत महाराष्ट्राच्या संघाने एक सुवर्ण, तीन रौप्य आणि दोन कांस्य पदके मिळवून घवघवीत यश संपादन केले. यवतमालच्या वेदांतने ३० किलोखलील गटात उत्कृष्ट खेळ करीत पंजाब, दिल्लीच्या खेळाडूंना सहज पराभूत करीत सुवर्ण पदक पटकावले.
ज्युदो फेडरेशनच ऑफ इंडियाचे अधक्ष्य प्रतापसिंह बाजवा यांनी वेदांतच्या खेळाचे विशेष कौतुक केले. विशेष कौतुकाची बाब म्हणजे त्रिब्यकेश्वर येथील आदिवासी विकास केंद्राची खेळाडू वैभवी आहेर हिने २८ किलो खलील गटात सहभागी होत रौप्य पदक प्राप्त केले. नासिकचे जेष्ठ राष्ट्रीय खेळाडू आनंद अभ्यंकर गेली २ वर्ष या आश्रमातील मुलांना मोफत प्रशिक्षण देत आहेत. अत्यंत गरीब घरातून आलेल्या या मुलीने पहिल्याच प्रयत्नात मिळविलेल्या यशाचे सर्वत्र कौतुक होत आहे. याव्यतिरिक्त मुलींच्या गटात कोल्हापूरच्या समीक्षा सदावर्ते हिने ५७ किलोखालील गटात रौप्य तर ठाण्याच्या भक्ति भोसले हिने ४४ किलोखालील गटात कास्य पदक पटकावले.
कोल्हापूरच्या पृथ्वीराज शेलार याने ५० किलोखालील गटात रौप्य पदक पटकावित कोल्हापूरला दुसरे पदक मिळवून दिले. तर लातूरच्या रुद्रेश तंबोरकर याने ४० किलोखालील गटात कास्य पदक पटकावित लातूरला ज्युदोमधील पहिले राष्ट्रीय पदक मिळवून दिले. विजयी खेळाडुंचे आणि त्यांच्या प्रशिक्षकांचे महाराष्ट्र ज्यूदो संघटनेचे जनरल सेक्रेटरी शैलेश टिळक आणि अध्यक्ष धनंजय भोंसले यांनी अभिनंदन केले आहे.
राष्ट्रीय ज्यूदो स्पर्धेत महाराष्ट्राला सुवर्णासह सात पदके
: श्रद्धा चोपडेची भारतीय ज्यूदो संघात निवड
पुणे: चंदिगड येथे आयोजित राष्ट्रीय कॅडेट गटाच्या ज्यूदो स्पर्धेत महाराष्ट्राच्या संघाने एक सुवर्ण, तीन रौप्य आणि 3 कांस्य पदके मिळवून घवघवीत यश संपादन केले. कोरोना पश्चात पार्श्वभूमीवर आयोजित या स्पर्धेत संपूर्ण भारतातून ज्यूदो खेळाडूंचा अतिशय उत्साहवर्धक प्रतिसाद मिळाला असून खेळाडूंची संख्या सरासरी इतकी होती.
मुळची औरंगाबाद-वाळूज येथील पण सध्या खेलो इंडिया बालेवाडी पुणे येथील प्रकल्पात निवड झालेल्या श्रद्धा चोपडेनी 44 किलोखालील गटात सुवर्णपदक प्राप्त केल्याने तिची भारतीय संघात निवड झाली आहे. नोव्हेंबर महिन्याच्या शेवटास लेबनॉन येथे आयोजित ओशियाना कॅडेट आंतरराष्ट्रीय ज्यूदो स्पर्धेत ती सहभाग घेईल.
अत्यंत चुरशीच्या झालेल्या अंतिम लढतीत महाराष्ट्राच्या तीन खेळाडूंना रौप्य पदकावर समाधान मानावे लागले. ठाण्याची शायना देशपांडे (57 किलोखाली), पुण्याची गौतमी कांचन (63 किलोखाली) आणि क्रीडा प्रबोधिंनीच्याच समीक्षा शेलारने 70 किलोखाली गटात रौप्य पदक मिळवून दुसरे स्थान पटकावले.
नाशिकचा ईशान सोनवणे (66 किलोखाली), वर्धा हिंगणघाटची खेळाडू आणि नागपूर येथे सराव करणारी शिवानी कापसे (70 किलोवर) आणि पुण्याच्या आदित्य परबने 90 किलोवरील गटात कांस्य पदक पटकावले.
कॅडेट गटासह सबज्युनियर्स गटाच्याही राष्ट्रीय स्पर्धा याच ठिकाणी आजपासून आयोजिल्या असून महाराष्ट्राचा संघ यात सहभागी झालेला आहे. विजयी खेळाडुंचे आणि त्यांच्या प्रशिक्षकांचे महाराष्ट्र ज्यूदो संघटनेचे जनरल सेक्रेटरी शैलेश टिळक आणि अध्यक्ष धनंजय भोंसले यांनी अभिनंदन केले आहे.