Tag: kasba constituency

Kasba Constituency | Hemant Rasane | ‘कचरा मुक्त कसबा मतदारसंघा’ची संकल्पना | हेमंत रासने यांचे पुणे महानगरपालिका प्रशासनाला निवेदन

Categories
Breaking News PMC Political पुणे

Kasba Constituency | Hemant Rasane | ‘कचरा मुक्त कसबा मतदारसंघा’ची संकल्पना | हेमंत रासने यांचे पुणे महानगरपालिका प्रशासनाला निवेदन

 

Kasba Constituency – (The Karbhari News Service) –  कसबा मतदारसंघाच्या कसबा, विश्रामबाग व भवानी पेठ क्षेत्रीय कार्यालया अंतर्गत येणाऱ्या परिसरात मोठ्या प्रमाणावर कचऱ्याची समस्या भेडसावत आहे. सदरील भाग हा दाट लोकवस्ती, मुख्य बाजार पेठ तसेच निवासी भाग, असा संमिश्र असल्यामुळे मोठ्या प्रमाणावर कचरा होत असतो. महानगर पालिकेने कंटेनर मुक्त कचरा व्यवस्थापन केलेले असले तरी सदरील जागांवर अजून कचरा टाकला जात आहे. व सदरील कचरा वेळेवर उचलला जात नसल्याने नागरिकांना विविध आरोग्यविषयक समस्या उद्भविण्याची शक्यता आहे. त्यावर तातडीने उपाययोजना कराव्या, अशी मागणी कसबा विधानसभा भाजपा निवडणूक प्रमुख हेमंत रासने यांनी पुणे महानगरपालिका अतिरिक्त आयुक्त  रविंद्र बिनवडे यांच्याकडे केली. (Hemant Rasane Pune BJP)

कसबा, विश्रामबाग आणि भवानी पेठ क्षेत्रीय कार्यालय अंतर्गत येणाऱ्या ६ प्रभागांच्या विविध प्रश्नांसंदर्भात रासने यांच्या नेतृत्वात भाजपच्या शिष्टमंडळांने पुणे महापालिका जनरल सहायक आयुक्त श्री. रवींद्र बिनवडे आणि अतिरिक्त आयुक्त श्री. पृथ्वीराज बी. पी. यांची आज भेट घेतली. यावेळी “कचरा मुक्त कसबा मतदार संघ ” संकल्पना राबवण्यासाठी महानगर पालिकेने सहकार्य करण्याची विनंती रासने यांनी केली. तसेच कसबा मतदारसंघातील मोठ्या प्रमाणावर होणारी वाहतूक कोंडीचीही समस्या सोडविण्याची मागणी श्री. हेमंत रासने यांनी महापालिका प्रशासनाकडे केली.

दरम्यान, पावसाळी समस्यांवर त्वरित उपाययोजना करण्यासाठी तसेच प्रभागातील काही प्रलंबित समस्या लवकर सोडवण्यासाठीचे निवेदन देखील देण्यात आले. पावसाळी गटार लाईन स्वच्छ नसल्यामुळे विविध ठिकाणी पावसाचे पाणी तुंबून नागरिकांच्या घरांमध्ये व दुकानांमध्ये शिरत आहे. परिणामी नागरिकांना मोठ्या अडचणींचा सामना करावा लागत आहे. तसेच ड्रेनेज लाईन साफ न केल्यामुळे विविध ठिकाणी ड्रेनेज तुंबणे आणि त्याचे पाणी उलटे नागरिकांच्या घरात जाणे तसेच धोकादायक झाडे, फांद्या पडणे अशा समस्यांचा सामना नागरिकांना करावा लागत असल्याने नागरिकांना दिलासा देण्यासाठी पालिकेने योग्य ती कारवाई करण्याची मागणी रासने यांनी केली आहे.

यावेळी कसबा मंडल अध्यक्ष राजेंद्र काकडे, माजी नगरसेवक दिलीप काळोखे, तेजेंद्र कोंढरे, योगेश समेळ, राजेश येनपुरे, मनिषा लडकत, गायत्रीताई खडके, उदय लेले, राजू परदेशी, छगन बुलाखे, विष्णूआप्पा हरिहर, विजयालक्ष्मी हरिहर, अर्चना पाटील, सुनील खंडागळे तसेच कसबा मतदारसंघाचे सरचिटणीस अमित कंक, प्रणव गंजीवाले, चंद्रकांत पोटे, उमेश चव्हाण, कसबा मतदारसंघाच्या महिलामोर्चा अध्यक्षा अश्विनीताई पवार तसेच कसबा मतदारसंघातील इतर पदाधिकारी आणि कार्यकर्ते उपस्थित होते.

——

पालखी सोहळ्यासाठी वारकऱ्यांना सर्व सोयी-सुविधा द्या | हेमंत रासने यांची महानगरपालिका प्रशासनाकडे मागणी

| कसबा, विश्रामबाग व भवानी पेठ क्षेत्रीय कार्यालय अंतर्गत सोयी-सुविधा पुरविण्यासाठी आयुक्तांना विनंती

 

दरवर्षीप्रमाणे याही वर्षी पुण्यनगरीत कसबा विधानसभा मतदारसंघात संत ज्ञानेश्वर महाराज आणि संत तुकाराम महाराज यांच्या पालखींचा मुक्काम ३० जून आणि १ जुलै २०२४ रोजी असणार आहे. या दोन्ही दिवशी विश्रामबाग आणि भवानी पेठ क्षेत्रीय कार्यालयाच्या परिसरात हजारो दिंड्या आणि लाखो वारकरी मुक्कामास असतात. या वारकऱ्यांना आवश्यक पायाभूत सोयी-सुविधा मिळवून देण्यासाठी कसबा विधानसभा निवडणूक प्रमुख  हेमंत रासने यांनी पुणे महानगरपालिका अतिरिक्त आयुक्त  रविंद्र बिनवडे यांना निवेदन दिले.

पंढरीच्या दिशेने विठुरायाच्या दर्शनासाठी निघालेल्या लाखो वारकऱ्यांना कसबा विधानसभा मतदारसंघात आवश्यक पायाभूत सोयी-सुविधा, पाणी पुरवठा, दिवसभर वैद्यकीय सुविधा, फिरते शौचालय आणि मंडप व्यवस्था विविध भागांमध्ये उपलब्ध करून देण्याची मागणी हेमंत रासने यांनी केली आहे.

यावेळी बोलताना हेमंत रासने म्हणाले, “पालखी सोहळा हा सर्वांसाठी आनंद देणारा आहे. दरवर्षी लाखो वारकरी पायी वारी करून पंढरपूरमध्ये पांडुरंगाच्या दर्शनाला जातात. यानिमित्ताने पुण्यनगरीत येणाऱ्या वारकरी संप्रदायासाठी योग्य सुविधा उपलब्ध करून देणे आवश्यक आहे. स्वच्छता मोहिम राबवून परिसर स्वच्छ ठेवण्याचे काम आम्ही करणार आहोत. याचबरोबर वारकऱ्यांना पाणी पुरवठा, वैद्यकीय सहाय्यता, फिरते शौचालय आणि आवश्यक मंडप व्यवस्था मिळवून देण्यासाठी आज आम्ही पुणे महानगरपालिका जनरल सहा. आयुक्त श्री. रविंद्र बिनवडे आणि पुणे महानगरपालिका अतिरिक्त आयुक्त श्री. पृथ्वीराज बी. पी. यांनी निवेदन दिले आहे”.

यावेळी कसबा मंडल अध्यक्ष राजेंद्र काकडे, माजी नगरसेवक दिलीप काळोखे, तेजेंद्र कोंढरे, योगेश समेळ, राजेश येनपुरे, मनिषा लडकत, गायत्रीताई खडके, उदय लेले, राजू परदेशी, छगन बुलाखे, विष्णूआप्पा हरिहर, विजयालक्ष्मी हरिहर, अर्चना पाटील, सुनील खंडागळे तसेच कसबा मतदारसंघाचे सरचिटणीस अमित कंक, प्रणव गंजीवाले, चंद्रकांत पोटे, उमेश चव्हाण, कसबा मतदारसंघाच्या महिलामोर्चा अध्यक्षा अश्विनीताई पवार तसेच कसबा मतदारसंघातील इतर पदाधिकारी आणि कार्यकर्ते उपस्थित होते.

 

Hemant Rasane | Pune Lok Sabha | पुण्यात हेमंत रासने यांच्याकडून होणार 370 किलो पेढे वाटप! कसबा मतदारसंघात भाजपाकडून विजयोत्सवाची जोरदार तयारी

Categories
Breaking News Political पुणे

Hemant Rasane | Pune Lok Sabha | पुण्यात हेमंत रासने यांच्याकडून होणार 370 किलो पेढे वाटप! कसबा मतदारसंघात भाजपाकडून विजयोत्सवाची जोरदार तयारी

| नागरिकांना लाईव्ह निकाल पाहण्यासाठी एलईडी स्क्रीनची सुविधा

 

Pune Lok Sabha Election Results – (The Karbhari News Service) –  संपूर्ण भारत देशाचे लक्ष लागून राहिलेल्या लोकसभा निवडणूकीचा निकाल (Lok Sabha Election Results 2024) उद्या जाहीर होणार आहे. तत्पूर्वी एक्झिट पोलनुसार देशात तिसऱ्यांदा नरेंद्र मोदी (Narendra Modi) यांच्या नेतृत्वातील सरकार येणार असल्याचा अंदाज वर्तवला जात आहे. एनडीए (NDA) सरकारच्या विजयात पुण्यातून एका जागेची भर पडणार असल्याचेही एक्झिट पोलमधून दिसून आले आहे. तसेच स्थानिक भाजप नेत्यांकडून देखील विजयाचा विश्वास व्यक्त करण्यात येत आहे. कसबा विधानसभा मतदारसंघात (Kasba Constituency) निवडणूक प्रमुख हेमंत रासने (Hemanat Rasane) यांच्याकडून विजयोत्सवाची जोरदार तयारी करण्यात आली असून ३७० किलो पेढ्यांचे वाटप केले जाणार आहे.

पुणे लोकसभा मतदारसंघांमध्ये भाजपचे उमेदवार मुरलीधर मोहोळ हे आघाडीवर असल्याचं एक्झिट पोलमधून स्पष्ट झाल आहे. देशात देखील पंतप्रधान नरेंद्र मोदींच्या नेतृत्वाखालील एनडीए सरकार ४०० हून अधिक जागा जिंकून पुन्हा सत्तेत येण्याचा विश्वास व्यक्त केला जात आहे. निकालाच्या पार्श्वभूमीवर कसबा मतदारसंघ भाजपाकडून लक्ष्मी रोडवरील बेलबाग चौक, श्रीमंत दगडूशेठ हलवाई गणपती, दत्त मंदिर परिसर येथे नागरिकांसाठी एलईडी स्क्रीनची सुविधा उपलब्ध करून देण्यात येणार असून ३७० किलो पेढे वाटले जाणार आहेत.

दरम्यान पुणेकरांना निकाल लाईव्ह पाहता येण्यासाठी भाजपाकडून एलईडी स्क्रीनची सुविधा उपलब्ध करुन दिली जाणार आहे. यावेळी कार्यकर्त्यांनी तसेच नागरिकांनी विजयोत्सवात सहभागी होण्याचे आवाहन कसबा निवडणूक प्रमुख हेमंत रासने आणि कसबा मतदारसंघाचे अध्यक्ष राजेंद्र काकडे यांनी केले आहे.

Nitin Gadkari Sabha in Kasba Pune | कसबा विधानसभा मतदारसंघात नितीन गडकरी यांच्या सभेचे आयोजन

Categories
Breaking News Political पुणे

Nitin Gadkari Sabha in Kasba Pune | कसबा विधानसभा मतदारसंघात नितीन गडकरी यांच्या सभेचे आयोजन

 

 Nitin Gadkari Sabha in Kasba Pune – (The Karbhari News Service) – पुणे लोकसभा मतदारसंघ महायुतीचे उमेदवार मुरलीधर मोहोळ (Murlidhar Mohol Pune Loksabha) यांच्या प्रचारार्थ केंद्रीय रस्ते वाहतूक मंत्री  नितीन गडकरी (Nitin Gadkari) यांची जाहीर सभा शनिवार ११ मे रोजी सकाळी १० वाजता शुक्रवार पेठ येथील नातूबाग मैदानावर आयोजित करण्यात आली आहे. कसबा विधानसभा मतदारसंघ निवडणूक प्रमुख  हेमंत रासने (Hemant Rasane) यांनी याबद्दलची माहिती दिली आहे. (Pune Loksabha Election 2024)

पुणे शहर आणि जिल्ह्याच्या विकासासाठी केंद्रीय रस्ते वाहतूक मंत्रालयाच्या माध्यमातून नितीन गडकरी यांनी हजारो कोटींचा निधी आजवर दिलेला आहे. शहराच्या विकासावर त्यांनी कायम विशेष लक्ष दिल्याने आज अनेक प्रकल्प निर्माण झाले आहेत. भविष्यात देखील केंद्र सरकारमध्ये पंतप्रधान मा.श्री. नरेंद्र मोदी यांच्या नेतृत्वातील सरकार येणार हे देशवासीयांनी ठरवलेलं आहे. पुणेकर नागरिकांचा देखील भाजपाच्या मागे राहण्याचा ठाम विश्वास आहे. लोकसभा निवडणुकीच्या निमित्ताने नितीन गडकरी यांची पहिलीच सभा कसबा मतदारसंघात आयोजित करण्यात आली असून यावेळी त्यांचे विचार ऐकण्याची संधी मिळणार असल्याने नागरिकांमध्ये प्रचंड उत्साह असल्याची माहिती हेमंत रासने यांनी दिली आहे.

पुणे लोकसभा मतदारसंघासाठी 13 मे रोजी मतदान पार पडणार असून 11 मे ला प्रचाराच्या तोफा थंडावणार आहेत. लोकसभा निवडणुकीसाठी यंदा पुण्याचे लोकप्रिय महापौर ठरलेले मुरलीधर मोहोळ यांना भारतीय जनता पार्टीकडून लोकसभेच्या मैदानात उतरवण्यात आल आहे. स्वतः पंतप्रधान नरेंद्र मोदी यांनी मोहोळ यांच्या प्रचारासाठी जाहीर सभा घेतली. तर १० मे रोजी मनसे अध्यक्ष राज ठाकरे यांच्याही जाहीर सभेचे आयोजन पुण्यामध्ये करण्यात आलं आहे. उपमुख्यमंत्री देवेंद्र फडणवीस, उपमुख्यमंत्री अजित पवार यांच्यासह आणखीन प्रमुख नेत्यांच्या सभांचे आयोजन शेवटच्या टप्यात महायुतीकडून करण्यात आले आहे.

Kasba Constituency | कसबा मतदारसंघातील नागरिकांच्या अडचणी सोडवण्याची हेमंत रासने यांची महापालिका प्रशासनाकडे आग्रही मागणी 

Categories
PMC Political social पुणे

Kasba Constituency | कसबा मतदारसंघातील नागरिकांच्या अडचणी सोडवण्याची हेमंत रासने यांची महापालिका प्रशासनाकडे आग्रही मागणी

 

पुणे | (The Karbhari Online ) – कसबा विधानसभा मतदारसंघातील (Kasba Assembly Constituency)  नागरिकांच्या समस्या आणि प्रलंबित विकासकामे पूर्ण करण्यासाठी भाजपा कसबा मतदारसंघ निवडणूक प्रमुख  हेमंत रासने (Hemant Rasane Pune BJP) यांनी पुणे महानगरपालिकेच्या (PMC Pune)  आयुक्तांची भेट घेत निवेदन दिले आहे. यामध्ये प्रामुख्याने रस्त्यांचे डांबरीकरण आणि दुरुस्ती, पाणीपुरवठा व्यवस्था, वीजपुरवठा सुधारणे, ड्रेनेज लाईन दुरुस्ती, कचरा व्यवस्थापन, सार्वजनिक शौचालये आदी मागण्यांचा समावेश आहे. यावेळी मतदारसंघातील विविध भागांमध्ये प्रलंबित असलेल्या विकासकामांची यादीही निवेदनात देण्यात आली.

श्री. हेमंत रासने म्हणाले, “कसबा मतदारसंघातील नागरिकांच्या समस्या आणि गरजा पूर्ण करण्यासाठी मी सदैव प्रयत्नशील आहे. त्यासाठी मी नियमितपणे पुणे महापालिका आणि इतर संबंधित विभागांशी संपर्कात आहे. गेल्या वर्षभरात अनेक कामेही पुणे महानगपालिकेच्या माध्यमातून पूर्ण झाली. परंतु महापालिका आयुक्तांना निवेदन देऊन मतदारसंघातील अजून काही प्रलंबित विकासकामे आणि नागरिकांच्या समस्या यावर चर्चा करून त्या लवकरात लवकर पूर्ण करण्याची मागणी केली. यावेळी अतिरिक्त आयुक्त श्री रवींद्र बिनवडे यांनी निवेदन स्वीकारत सर्व कामे पूर्ण होतील, असे आश्वासन दिले आहे”

यावेळी कसबा विधानसभा निवडणूक प्रमुख हेमंत भाऊ रासने यांच्यासोबत कसबा मतदार संघाचे अध्यक्ष राजेंद्र काकडे, सरचिटणीस अमित कंक, राजू परदेशी, प्रणव गंजीवाले, प्रशांत सुर्वे, वैशालीताई नाईक, महिला आघाडी अध्यक्ष अश्विनीताई पवार, संजय मामा देशमुख प्रभाग अध्यक्ष भारत जाधव, अभिजीत रजपूत, सनी पवार, भस्मराज तिकोने, संदीप इंगळे, जयदीप शिंदे, माधव साळुंखे, अभिषेक मारणे, संकेत थोपटे, सिद्धेश पांडे, तन्मय ओझा तसेच कसबा मतदारसंघातील भाजपा पदाधिकारी आणि कार्यकर्ते उपस्थित होते.

BJP Pune | Bhide Wada Smarak | ऐतिहासिक भिडे वाड्याचे रुपांतर लवकरच राष्ट्रीय स्मारकात होणार, भाजपाकडून साखर वाटून आनंदोत्सव

Categories
Breaking News PMC Political social पुणे

BJP Pune | Bhide Wada Smarak | ऐतिहासिक भिडे वाड्याचे रुपांतर लवकरच राष्ट्रीय स्मारकात होणार, भाजपाकडून साखर वाटून आनंदोत्सव

पालकमंत्री म्हणून चंद्रकांत दादा पाटील आणि महायुती सरकारने केलेल्या पाठपुराव्याला यश – हेमंत रासने

 

BJP Pune | Bhide Wada Smarak | स्त्रियांना शिक्षणाची कवाडे उगडून देणारे महात्मा ज्योतिबा फुले (Mahatma Jyotiba Phule) आणि ज्ञानज्योती सावित्रीबाई फुले (Dnyanjyoti Savitribai Phule) यांनी बुधवार पेठेतील भिडे वाडा (Bhide Wada Budhwar Peth) येथे पहिली शाळा (First school in pune) सुरु केली होती. गेली अनेक वर्षांपासून या ठिकाणी राष्ट्रीय स्मारक (National Memorial)  उभारण्याची मागणी सर्व स्तरातून करण्यात येत होती. परंतु न्यायलयात सुरु असणाऱ्या खटल्यामुळे कायदेशीर अडचणी निर्माण झाली होती. आज उच्च न्यायालयाने महापलिका तसेच सरकारच्या बाजूने आपला निकाल दिला आहे. यानंतर भारतीय जनता पार्टी कसबा पेठ विधानसभा मतदारसंघाच्या (Kasba Constituency) माध्यमातून साखर वाटून आनंदोत्सव साजरा करण्यात आला.

यावेळी बोलताना कसबा मतदारसंघाचे निवडणूक प्रमुख हेमंत रासने (Hemant Rasane) म्हणाले, आजच्या क्षणाची लाखो नागरिक वाट पाहत होते. देशातील मुलींची पहिली शाळा भिडे वाडा येथे सुरु करण्यात आली होती, न्यायलयाने महापलिका आणि सरकारच्या बाजूने निर्णय दिल्याने आता राष्ट्रीय स्मारक उभारणीचा मार्ग मोकळा झाला आहे. मी मा. श्री. चंद्रकांत दादा पाटील आणि राज्याचे उपमुख्यमंत्री मा. श्री. देवेंद्रजी फडणवीस यांचे आभार मानतो, त्यांच्या प्रयत्नांतून आज हा ऐतिहासिक क्षण आपल्या सर्वांच्या वाट्याला आला आहे. (Bhide Wada Smarak News)

कसबा विधानसभा अध्यक्ष राजेंद्र काकडे, नगरसेवक योगेश समेळ ,मनिषा लडकत, संजयमामा देशमुख. युवा मोर्चा अध्यक्ष अमित कंक,धनंजय जाधव, पुष्कर तुळजापूरकर,किरण जगदाळे, संदिप लडकत, यशोधन आखाडे, तुषार रायकर, चंद्रकांत पोटे, जयदिप शिंदे,प्रणव गंजीवाले, निर्मल हरिहर, सनी पवार आदी पदाधिकारी व कार्यकर्ते यावेळी उपस्थित होते. (Bhide Wada National Memorial)

भिडेवाड्यातील भाडेकरू संदर्भातील वाद न्यायालयात होता. यामध्ये राज्य सरकारच्या माध्यमातून महत्वाची भूमिका बजावण्यात आली. भिडे वाड्यातील काही भाडेकरूंनी रोख मोबदला मागितला होता. महापालिकेकडून त्याची तयारी देखील दर्शवण्यात आली होती. परंतु हा वाद न्यायलयात गेल्याने कामाला विलंब होत गेला. अखेर हा खटला पालिकेने जिंकल्याने भिडे वाड्याचे स्मारक करण्याचा मार्ग मोकळा झाला आहे. राज्याचे उच्च व तंत्रशिक्षण मंत्री मा. श्री. चंद्रकांत दादा पाटील यांच्या माध्यमातून भिडेवाड्याचे राष्ट्रीय स्मारक व्हावे, यासाठी पालकमंत्री या नात्याने महत्वपूर्ण असे प्रयत्न केले गेले. राज्य शासनाच्या माध्यमातून देखील सातत्याने पाठपुरावा करण्यात आल्याने हे यश मिळाले आहे. (Bhide wada national memorial high court)

Kasba Constituency | BJP | कसबा मतदारसंघातील मोफत आरोग्य तपासणी शिबिरात पहिल्याच दिवशी शंभर पेक्षा जास्त महिलांचा सहभाग

Categories
Breaking News Political social आरोग्य पुणे

Kasba Constituency | BJP | कसबा मतदारसंघातील मोफत आरोग्य तपासणी शिबिरात पहिल्याच दिवशी शंभर पेक्षा जास्त महिलांचा सहभाग

| कसबा विधानसभा निवडणूक प्रमुख हेमंत रासने यांच्या यांच्या पुढाकाराने महिलांना दिलासा

 

Kasba Constituency | BJP |पंतप्रधान मोदी यांच्या वाढदिवसानिमित्त (PM Narendra Modi Birthday) उच्च व तंत्रशिक्षण, वस्त्रोद्योग आणि संसदीय कार्यमंत्री  चंद्रकांतदादा पाटील (Chandrakant Patil) व समर्थ युवा फाउंडेशन यांच्या संयुक्त विद्यमाने निवडणूक प्रमुख हेमंत रासने (Hemant Rasane) यांच्या संकल्पनेतून कसबा मतदारसंघात (Kasba Constituency) महिलांसाठी मोफत आरोग्य तपासणी शिबिराचे (Helath Check Up Camp for women) आयोजन करण्यात आले आहे. १० ऑक्टोबर ते २१ ऑक्टोबरपर्यंत मतदारसंघातील सर्व प्रभागांमध्ये मोफत आरोग्य तपासणी करण्यात येणार असून आज प्रभाग क्रमांक १८ मध्ये पहिल्याच दिवशी शेकडो रुग्णांची तपासणी करण्यात आली. तसेच ज्या नागरिकांना पुढील उपचाराची गरज आहे, त्यांनाही मदत केली जाणार आहे. भाजप प्रदेश सरचिटणीस मुरलीधर मोहोळ (Murlidhar Mohol), राज्य उपाध्यक्ष राजेश पांडे (Rajesh Pande) आणि शहराध्यक्ष धीरज घाटे (Dhiraj Ghate) यांच्या हस्ते शिबिराचे उद्घाटन करण्यात आले.

यावेळी बोलताना हेमंत रासने म्हणाले की, “देशाचे पंतप्रधान मा. श्री. नरेंद्रजी मोदी यांच्या वाढदिवसानिमित्त वय वर्ष ४० वर्षांवरील महिलांसाठी मोफत आरोग्य तपासणी शिबिराचे आयोजन करणात आले आहे. आजकालच्या धकाधकीच्या जीवनात महिला घरगुती कामांसोबतच त्यांनी स्वतःच्या आरोग्याची काळजी घेणे गरजेचे आहे. यासाठी माझ्या माता – भगिनींसाठी हा उपक्रम राबवण्यात येत आहे. या तपासणीमध्ये महिलांना काही आजार आढळल्यास त्यावर योग्य ते औषधोपचार करण्यात येतील.

समर्थ युवा फाऊंडेशनच्या माध्यमातून शिबीर आयोजित करण्यात आलेल्या या शिबिराच्या माध्यमातून आज प्रभाग १७ मधील शुक्रवार पेठेतील जैनमंदिर येथे फिरत्या आरोग्य तपासणी वाहिकेच्या माध्यमातून अनेक महिलांची आरोग्य तपासणी करण्यात आली व आरोग्या संबंधीच्या तक्रारींवर योग्य ते उपचार घेण्याबाबत मार्गदर्शन करण्यात आले. या शिबिरात रक्तातील साखर तपासणी (ब्लड शुगर),रक्तदाब तपासणी (बी.पी.),छातीचा एक्स-रे,रक्त तपासणी (सीबीसी टेस्ट),कोलेस्ट्रॉल तपासणी,स्तनाचा कर्करोग तपासणी (मॅमोग्राफी) आदी ९५०० रुपये पर्यंतच्या तपासण्या करण्यात आल्या. कसबा मतदारसंघातील सर्व ६ प्रभागांमध्ये आरोग्य शिबिराचे आयोजन करण्यात आले आहे.

यावेळी कसबा विधानसभा अध्यक्ष श्री. राजेंद्र काकडे, सहसंयोजक श्री.अनिल बेलकर, फार्मासिस्ट, केमिस्ट तसेच कसबा मतदारसंघातील सर्व महिला पदाधिकारी, नगरसेवक, कार्यकर्ते मोठ्या संख्येने उपस्थित होते.

Mahatma Gandhi | Lal Bahadur Shastri Jayanti | गांधीजी आणि शास्त्रीजी च्या जयंतीनिमित्त कसबा मतदार संघात १८६९ तुळस व गुलाब रोप वाटप

Categories
Breaking News Political social पुणे

Mahatma Gandhi | Lal Bahadur Shastri Jayanti | गांधीजी आणि शास्त्रीजी च्या जयंतीनिमित्त कसबा मतदार संघात १८६९ तुळस व गुलाब रोप वाटप

Mahatma Gandhi | Lal Bahadur Shastri Jayanti |  २ ऑक्टोबर २०२३ रोजी राष्ट्रपिता महात्मा गांधी व माजी पंतप्रधान लालबहादुरजी शास्त्री यांच्या जयंती निमित्त कसाब मतदार संघातील (Kasba Constituency) प्रभाग क्रमांक १८ परिसरातील विविध ठिकाणी (महात्मा गांधी यांचे १८६९ हे जन्म साल असल्याने) १८६९ तुळस व गुलाब रोप वाटप कार्यक्रम आयोजित करण्यात आला होता.

सदर कार्यक्रमाचा शुभारंभ राष्ट्रपिता महात्मा गांधी व माजी पंतप्रधान लालबहादूरजी शास्त्री यांच्या प्रतिमेस पुष्पहार अर्पण करून करण्यात आला. खडकमाळ आळी, घोरपडे पेठ, मोमीनपुरा, गुरुवार पेठ, गौरी आळी, वनराज मंडळ चौक शुक्रवार पेठ, महात्मा फुले वाडा, अश्या विविध ठिकाणी नागरिकांना रोपांचे वाटप करण्यात आले.
काँग्रेस पक्षाचे ज्येष्ठ नेते मा. आमदार मोहनदादा जोशी व आमदार रवींद्रभाऊ धंगेकर यांच्या हस्ते परिसरातील नागरिकांना रोपे वाटप करण्यात आले. या प्रसंगी मोहन जोशी यांनी नागरिकांना संदेश देताना म्हणाले कि, मानव हा निसर्गाचा एक भाग आहे. आपल्या जीवनात झाडे हे महत्वाची भूमिका बजावतात. ते आपल्याला स्वच हवा, ताजे पाणी आणि अण्णा पुरवतात, ते हवामानाचे नियमन आणि जैवविविधतेचे संरक्षण करण्यास देखील मदत करतात. जेव्हा आपण झाडे लावतो आणि त्यांची काळजी घेतो, तेव्हा आपण आपल्या पृथ्वीची आणि भावी पिढ्यांसाठी खरा फरक करत असतो. निसर्गाचा योग्य उपयोग व विचार करून जीवनशैली ठरवण्याचा प्रयत्न म्हणजे गांधी विचार पुढे
नेणे.
आमदार रवींद्र धंगेकर यांनी नागरिकांना संदेश देताना म्हणलेले कि, या महात्मा गांधी व लालबहादूरजी शास्त्री यांच्या जयंतीनिमित्त आपण हरित भविष्यासाठी
आशेचे बीज रोवू या. निसर्गाशी सुसंगत राहण्यासाठी आणि आपल्या पुर्वीची काळजी घेण्यासाठी आपण वचनबद्ध आहोत, पर्यावरणाचा सन्देश देण्यासाठी हा कार्यक्रम राबवला जात आहे. या कार्यक्रमाचे एक विशिष्ट वैशिष्ट्य म्हणजे सहभागींना रोपे भेट देण्याची प्रथा प्रत्येक रोप आशेचे प्रतीक म्हणून काम करते, हिरवेगार भविष्य घडवण्यात व्यक्तींना त्यांच्या भूमिकेची आठवण करून देते.
सदर कार्यक्रमास अॅड. शाबीर खान, हेमंत राजभोज, सागर कांबळे, अयुब पठाण, सौ. आयेशा पठाण, उमेश काची, सौ. भाग्यश्री काची, गणेश भंडारी, प्रा. अक्षय सोनावणे, विक्रम खन्ना, सैय्यद सईद बाबा साहेब, निखिल येलारपूरकर, नितीन येलारपूरकर, अश्फाक शेख, आदी यांनी आपापल्या भागात कार्यक्रमाचे नियोजन केले. कार्यक्रमाचे आयोजन सी भावना निलेश बोराटे व काँग्रेस पक्षाचे सरचिटणीस, अॅड. निलेश शिरीष बोराटे यांनी केले. या प्रसंगी सुरेश कांबळे, प्रवीण करपे, चेतन अगरवाल, गोरख पळसकर, अक्षय नवगिरे, प्रज्ञेश बोराटे, शेखर पाटील, यश बोराटे, निखिल सणस, सतीश मरलं, योगेश शिर्के, राजू वाईकर, प्रीतम भुजबळ, सौराज पाथरे, आनंद ढोले, आकाश शेंडगे, सोमनाथ पवार, राजू खंडागळे, विशाल बोराटे, अतिअश झरूंगे, निशांत नेवरेकर, कुमार घाडगे, ओंकार ससाणे, जाकीर खान, प्रथमेश मोझे, देवांग देवळे, हर्षल वंजारी, रोहन गोरवाडे, उत्कर्षा सोनराज पाथरे, विद्या विलास रवळे, सुधा आनंद ढोले, सुनंदा बोराटे, संगीता बोराटे, रचना बोराटे, सोनाली गाढे अनिता बोराटे, पूजा बोराटे, पल्लवी बोराटे, दिपाली बोराटे, मंदा पवार, राणी जाधव, आदी मान्यवर पदाधिकारी कार्यक्रमास उपस्थित होते.

BJP Vs MLA Ravindra Dhangekar | आमदार धंगेकरांनी आधी पूर्ण माहिती घ्यावी! | भाजपा नेते हेमंत रासने यांचा टोला

Categories
Breaking News Political पुणे

BJP Vs MLA Ravindra Dhangekar | आमदार धंगेकरांनी आधी पूर्ण माहिती घ्यावी! | भाजपा नेते हेमंत रासने यांचा टोला

BJP Vs MLA Ravindra Dhangekar |  कसब्याचे आमदार रवींद्र धंगेकर (MLA Ravindra Dhangekar) यांचे आरोप अपूऱ्या माहितीच्या आधारे आहेत. जिल्हा नियोजन आणि नगरविकास विभागाच्या कामांचा कोणताही संबंध नाही. त्यामुळे त्यांनी आधी संपूर्ण माहिती घ्यावी, आणि मगच आरोप करावेत, असा टोला भाजपा नेते हेमंत रासने (Hemant Rasane) यांनी आज लगावला. (BJP Vs MLA Ravindra Dhangekar)
कसब्याचे आमदार रवींद्र धंगेकर यांनी आज पत्रकार परिषद घेऊन पालकमंत्री चंद्रकांतदादा पाटील हे निधीवाटपात भेदभाव करत असल्याचा आरोप केला होता. कसबा मतदार संघातील मूलभूत सोयी-सुविधा व विकासकामांसाठी उपलब्ध झालेला निधी, अचानकपणे पर्वती मतदार संघातील कामांकरिता वळवण्याचा धक्कादायक प्रकार झाला असून, निविदा प्रक्रियेपर्यंत आलेला निधी ऐनवेळी दुसऱ्या मतदारसंघाला देणे कसब्याच्या नागरिकांवर अन्याय करणारे आहे, ते म्हणाले होते. (Kasba Consistency)
त्याला उत्तर देताना हेमंत रासने म्हणाले की, नामदार चंद्रकांतदादा पाटील हे पालकमंत्री म्हणून जिल्ह्यातील सर्व लोकप्रतिनिधींना समान न्याय देण्यासाठी सातत्याने प्रयत्नशील असतात. कोणावरही अन्याय करण्याची त्यांची भूमिका नसते. जिल्हा नियोजन मधून सन २०२२-२३ मध्ये लोकप्रतिनिधींनी मागणी केल्याप्रमाणे निधीचे वाटप झाले आहे. त्यामुळे अपूऱ्या माहितीच्या आधारे आरोप करणे पूर्णपणे चुकीचे आहे. (Parvati Constituency)
रासने पुढे म्हणाले की, धंगेकर यांचे आरोप पूर्णपणे निराधार आहेत. जिल्हा नियोजन आणि महापालिकेच्या माध्यमातून नगरविकासकडून करण्यात येणाऱ्या कामांचा कोणताही संबंध नाही. कसबा मतदारसंघ हा शहरी मतदारसंघ आहे. त्यामुळे इथली बहुतांश कामे नगरविकास विभागाच्या माध्यमातून महापालिका करते. दिवंगत आमदार मुक्ताताई यांनी आपल्या कार्यकाळात जी कामे दिली होती. त्या कामाचा निधी मंजूर झाला होता. त्यांच्या पश्चात पोटनिवडणुकीत रविंद्र धनगेकर निवडून आल्यानंतर त्यांनीही त्यांचीच कामे आपल्या नावाने दाखवून श्रेय लाटण्याचा प्रकार धनगेकर करत आहेत, असा टोलाही त्यांनी यावेळी लगावला.
——
News Title | BJP Vs MLA Ravindra Dhangekar | MLA Dhangekar should get full information first! | BJP leader Hemant Rasane’s entourage

MLA Ravindra Dhangekar | कसबा मतदारसंघाचा निधी पर्वती मतदारसंघात वळवला | आमदार रविंद्र धंगेकर यांचा आरोप

Categories
Breaking News Political पुणे

MLA Ravindra Dhangekar | कसबा मतदारसंघाचा निधी पर्वती मतदारसंघात वळवला | आमदार रविंद्र धंगेकर यांचा आरोप

 

कसबा मतदार संघातील (Kasba Vidhan Sabha) मूलभूत सोयी-सुविधा व विकासकामांसाठी उपलब्ध झालेला निधी, अचानकपणे पर्वती मतदार संघातील (Parvati Vidhan Sabha) कामांकरिता वळवण्याचा धक्कादायक प्रकार झाला आहे. असा आरोप आमदार रविंद्र धंगेकर (MLA Ravindra Dhangekar) यांनी केला आहे. निविदा प्रक्रियेपर्यंत आलेला निधी ऐनवेळी दुसऱ्या मतदारसंघाला देणे कसब्याच्या नागरिकांवर अन्याय करणारे आहे, असा आरोप करत मुख्यमंत्री, पालकमंत्री व नगरविकास विभागाने कसबा मतदारसंघाचा हा हक्काचा निधी पुन्हा कसब्याला द्यावा, अशी मागणी आमदार रवींद्र धंगेकर (MLA Ravindra Dhangekar) यांनी पत्रकार परिषदेत केली.

रवींद्र धंगेकर म्हणाले, “महानगरपालिका क्षेत्रात मूलभूत सोयी-सुविधांच्या विकासासाठी विशेष तरतूद योजनेंतर्गत कसबा विधानसभा मतदारसंघातील विकास कामांसाठी १० कोटींचा निधी उपलब्ध करण्यात आला होता. रस्ते, सुशोभीकरण, जॉगिंग ट्रॅक, शौचालय दुरुस्ती, फुटपाथ, विसर्जन घाट, उद्यान विकास अशी जवळपास १०० विकासकामे प्रस्तावित होती. २० डिसेंबर २०२२ रोजी नगर विकास विभागाने जारी केलेल्या शासन निर्णयानुसार ही कामे मंजूर होऊन त्यासाठी १० कोटींचा निधी मान्य करण्यात आला होता.” (MLA Ravindra Dhangekar)

“मात्र, २७ जुलै २०२३ रोजी शासन निर्णय शुध्दीपत्रक काढून हा निधी कसबा मतदारसंघातील कामांऐवजी पर्वती 
मतदार संघामध्ये वळवण्यात आला. हा प्रकार कसबा मतदार संघातही जनतेवर अन्याय करणारा आहे. विकासकामामधे सत्ताधारी राजकारण करू पाहत आहे. कसब्यातील जनता सत्ताधाऱ्यांना धडा शिकवल्याशिवाय राहणार नाही.  विरोधी पक्षातील आमदार असल्याने सत्ताधारी पक्षाकडून हा कुरघोडी करण्याचा प्रयत्न आहे की काय,  अशी शंका आमच्या मनात येत आहे. जाणूनबुजून कसबा मतदार संघाला डावलण्याचा हा प्रयत्न आहे.  जनतेवर होणारा अन्याय कदापि सहन करणार नाही. या शासन निर्णय बदल करुन पुन्हा कसबा मतदार संघाचा निधी परत द्यावा, अशी मागणी आम्ही करत आहोत,” असेही रवींद्र धंगेकर यांनी सांगितले. (Kasba Consistency)

——-

News Title | MLA Ravindra Dhangekar | Funds of Kasba Constituency diverted to Parbati Constituency Allegation of MLA Ravindra Dhangekar

Kasba Constituency Civic Issues | कसबा मतदारसंघातील नागरी समस्यांचे निवारण करण्यासाठी महापालिका आयुक्ताकडे मागणी 

Categories
Breaking News PMC Political social पुणे

Kasba Constituency Civic Issues | कसबा मतदारसंघातील नागरी समस्यांचे निवारण करण्यासाठी महापालिका आयुक्ताकडे मागणी

| हेमंत रासने यांच्या अध्यक्षतेखालील शिष्टमंडळाने आयुक्तांची घेतली भेट

 

Kasba Constituency Civic Issues | गेल्या चार महिन्यांपासून कसबा विधानसभा मतदारसंघातील (Kasba Constituency)  विविध प्रभागांमध्ये सुरू केलेल्या भारतीय जनता पार्टीच्या कार्यालयांच्या (BJP Offices) माध्यमातून नागरिकांशी थेट संपर्क साधून त्यांच्या समस्या जाणून घेण्यात आल्या आहेत. यामध्ये पेठ विभागातील अनियमित व कमी दाबाने होणारा पाणीपुरवठा,   जुन्या वाड्यातील ड्रेनेज लाईन, मोठ्या पावसामध्ये नागझरी लगत असणाऱ्या वसाहती मध्ये पावसाळ्यात होणाऱ्या पाणी समस्यांच्या दृष्टीने उपाययोजना करणे,  पेठांमधील धोकादायक वाढलेली झाडे व फांद्यांची छाटणी करणे तसेच सार्वजनिक शौचालयांमध्ये विविध सोयी सुविधा उपलब्ध करणे अशा समस्यांचा समावेश आहे. याचे निवारण करण्याबाबतचे निवेदन पुणे मनपाचे आयुक्त विक्रम कुमार (PMC Commissioner Vikram Kumar)  यांना कसबा विधानसभा निवडणूक प्रमुख हेमंत  रासने (Hemant Rasane) यांच्या वतीने देण्यात आले. यावेळी विविध मान्यवर उपस्थित होते. (Kasba Constituency Civic Issues)

या समस्यांमध्ये महापालिकेच्या विविध विभागातील पुढील तक्रारींचा प्रामुख्याने समावेश आहे.

1.पाणीपुरवठा
कसबा विधानसभा मतदारसंघातील सर्व प्रभागांमध्ये पाणीपुरवठ्याची समस्या गंभीर आहे. अपुरा, कमी दाबाने आणि अनियमित पाणीपुरवठ्यामुळे नागरिक त्रस्त आहेत. या समस्यांची दखल घेऊन परिसरातील पाणीपुरवठा सुरळीत करण्यात यावा. (Pune Municipal Corporation)

2. रस्ते विकास
विविध ठिकाणी सुरू असलेल्या विकासकामांमुळे रस्त्यांची दुरावस्था झालेली आहे. ठिकठिकाणी रस्त्यांची दुरुस्ती, रस्त्यात पडलेले खड्डे बुजविणे, डांबरीकरण करण्याची गरज आहे. (PMC Pune)

3. पार्किंग
कसबा विधानसभा मतदारसंघामध्ये पार्किंगचा प्रश्न नागरिकांना भेडसावत आहे. ठिकठिकाणी पार्किंगचे फलक लावलेले नाहीत. तसेच पार्किंगच्या पट्ट्याही अस्पष्ट आहेत. त्यामुळे नागरिकांना विनाकारण त्रास सहन करावा लागतो.

4. पदपथ
कसबा विधानसभा मतदारसंघातील बहुतांश पदपथांवर अतिक्रमण करण्यात आलेले आहे. तसेच पदपथ नादुरुस्त झालेले आहेत. चौकातील झेब्रा क्रॉसिंगच्या खुणा अस्पष्ट झाल्या आहेत. मतदारसंघातील पदपथ दुरुस्त करण्याची नितांत आवश्यकता आहे. ज्यामुळे पादचाऱ्यांना सुरक्षितपणे चालता येईल.

5. ड्रेनेज लाईन आणि पावसाळी गटारे

मतदारसंघातील विविध प्रभागांमध्ये ड्रेनेज लाईन तुंबलेल्या आहेत .चेंबर खचलेली आहेत. ड्रेनेजच्या झाकणाची दुरुस्ती करणे आवश्यक आहे. तसेच पावसाळी गटार लाईन मधील राडाराडा काढून ते प्रवाही करण्याची गरज आहे.

6. सुलभ शौचालयांची दुरुस्ती
कसबा विधानसभा मतदारसंघातील वस्ती विभाग आणि जुन्या वाड्यांच्या परिसरामध्ये सुलभ शौचालये दुरावस्था झालेली आहे. दरवाजे बदलणे आवश्यक आहे. तसेच सार्वजनिक ठिकाणच्या स्वच्छतागृहांमध्ये नियमितपणे साफसफाई होत नसल्याचे निदर्शनास आले. कृपया तातडीने उपाययोजना कराव्यात.

7. वृक्ष छाटणी
पावसाळा अर्ध्यावर आला तरी देखील मतदारसंघातील धोकादायक पद्धतीने वाढलेल्या वृक्षांची छाटणी करण्यात आलेली नाही. त्यामुळे नागरिकांमध्ये असुरक्षिततेची भावना निर्माण झाली आहे. कृपया तातडीने वृक्षांची छाटणी करावी

8. पथदिवे आणि सीसीटीव्ही यंत्रणा
मतदारसंघात विविध ठिकाणी पथदिवे नादुरुस्त झाले आहेत. तसेच काही ठिकाणी नवीन उभारण्याची गरज आहे. काही ठिकाणी सीसीटीव्ही यंत्रणा कार्यान्वित नाही त्यासाठी उपाय योजना कराव्यात.

विषयांची तातडीने नोंद घेऊन कसबा विधानसभा मतदारसंघातील नागरी समस्या सोडवाव्यात अशी मागणी महापालिका आयुक्तांना यावेळी करण्यात आली. (PMC Pune News)

News Title | Request to the Municipal Commissioner to solve the civil problems in Kasba Constituency