Tag: Sunny Nimhan

Health Camp | ६ ऑगस्ट रोजी “विनामुल्य आरोग्य शिबीर” | सोमेश्वर फॉऊंडेशन चा उपक्रम 

Categories
Breaking News Political social आरोग्य पुणे

Health Camp | ६ ऑगस्ट रोजी “विनामुल्य आरोग्य शिबीर” | सोमेश्वर फॉऊंडेशन चा उपक्रम

Health Camp | भारत देशाचे  पंतप्रधान, नरेंद्र मोदी (PM Narendra Modi) तसेच महाराष्ट्र राज्याचे उपमुख्यमंत्री, देवेंद्रजी फडणवीस (DCM Devendra Fadnavis) यांची “स्वस्थ ग्राम – स्वस्थ भारत” या संकल्पना सर्वांसाठी प्रेरणादायी आहे. तसेच गिरीश महाजन यांचे “रुग्ण सेवा हिच ईश्वर सेवा” हे ब्रीदवाक्य घेऊन संपूर्ण महाराष्ट्रातील गरजु व गरीब रुग्णांसाठी केले जाणारे सेवाकार्यसुध्दा समाजासाठी अतिशय मोलाचे आहे.
या पार्श्वभुमीवर गिरीशजी महाजन (Girish Mahajan) यांच्या मार्गदर्शनाखाली शिवाजीनगर पुणे मतदारसंघातील गरजु रुग्णांच्या सेवेसाठी कार्यसम्राट आमदार विनायकजी निम्हण (Vinayak Nimhan) यांच्या जयंतीनिमीत्त सोमेश्वर फॉऊंउेशन (Someshwar Foundation), पुणे यांनी ०६ ऑगस्ट रोजी “विनामुल्य आरोग्य शिबीर” कृषी महाविद्यालय मैदान- भोसले नगर, शिवाजी नगर, पुणे येथे आयोजित केले आहे. अशी माहिती माजी नगरसेवका सनी निम्हण (Sunny Nimhan) यांनी पत्रकार परिषदेत दिली.  (Health Camp)

या शिबीराचा भाग म्हणुन रुग्णांसाठी दिनांक २२ जुलै ते ०४ ऑगस्ट २०२३ पर्यंत रुग्ण पुर्व तपासणी अभियान शिवाजी नगर मतदार संघात (शिवाजीनगर पासून सोमेश्वरवाडी,सुतारवाडी, बाणेर, बालेवाडी, इतर) सदर अभियानात एकुण ५७९६३ रुग्णांची पुर्व तपासणी करण्यात आली. व्दितीय रुग्ण तपासणी अभियानात आवश्यक रक्त, लघवी, ईसीजी, एक्स-रे इत्यादी प्रकारची तपासाणी मोफत करण्यात येत आहे.

शिबीराचे उदघाटन उपमुख्यमंत्री, नामदार देवेंद्रजी फडणवीस यांच्या हस्ते रविवार (ता.६). आॕगस्ट रोजी, सकाळी ९ वाजता कृषी महाविद्यालयाचे मैदान, सिंचन नगर, भोसलेनगर, पुणे याठिकाणी कार्यसम्राट मोफत महा – आरोग्य शिबीराचे उदघाटन होणार असून कार्यक्रमाचे अध्यक्ष उपमुख्यमंत्री अजितदादा पवार हे असणार आहेत. प्रमुख पाहुणे केंद्रीय मंत्री नारायण राणे, पालकमंत्री चंद्रकांत पाटील, विरोधी पक्षनेते विजय वडेट्टीवार, ग्रामविकास मंत्री गिरीश महाजन, अन्न पुरवठा मंत्री छगन भुजबळ, आरोग्य मंत्री तानाजी सावंत, उच्च तंत्र शिक्षण मंत्री उदय सामंत, अल्पसंख्यांक विकास मंत्री अब्दुल सत्तार, रोजगार हमी मंत्री संदीपान भुमरे, शिवसेना उपनेते सचिन अहिर आदी सर्वपक्षीय मान्यवर उपस्थित असणार आहेत.

 

 

शिबीराचे वैशिष्टे –

• विनामुल्य आरोग्य शिबीरात सर्व पॅथींचा समावेश.
ॲलोपॅथी, आयुष (आयुर्वेद, होमिओपॅथी, योग, युनानी), दंतचिकीत्सा इत्यादी तपासणी, उपचार, शस्त्रक्रिया व औषधी विनामुल्य उपलब्ध
• देशातील नामवंत तज्ञ डॉक्टरांची उपस्थिती.
डॉ.वाकणकर, डॉ.गौतम भंसाळी, डॉ.रमाकांत देशपांडे, डॉ. के.एच संचेती, डॉ.विकास महात्मे डॉ.संचेती, डॉ.यशराज पाटील, डॉ.ललवाणी, डॉ.चंदनवाले, डॉ.तांबे, डॉ.जगन्नाथ दिक्षीत, डॉ.अमित मायदेव, डॉ.अजय चौरसिया इत्यादी
• विविध आजारांवरील उपचार
एकुण ८० बाह्यरुग्ण कक्षांचा समावेश
सदरील बाह्यरुग्ण कक्षांत आयुष, नेत्रचिकीत्सा, दंतचिकीत्सा, कान नाक घसा, जनरल मेडीसीन, जनरल सर्जरी, हृदयरोग, श्वसनविकार, मुत्ररोग, प्लॉस्टिक सर्जरी, स्त्रीरोग, बालरोग, अस्थिव्यंगोपचारशास्त्र, अनुंवशीक विकार, कर्करोग, लठ्ठपणा, वृध्द जनरल तपासणी, मतीमंद रुग्ण तपासणी, मनोविकार, मेंदुरोग इत्यादी आजांरावर विनामुल्य औषधोपचार व शस्त्रक्रिया
त्याचप्रमाणे सर्व प्रकारच्या आवश्यक रक्त व लघवी चाचणी नमुणे संकलन, तसेच इ.सी.जी, मॅमोग्राफी, पी.एफ.टी., बी.एम.डी. तपासणी

• गरजु रुग्णांना मोफत वितरण
कृत्रिम अवयव, चष्मे, वृध्दकाठी, अंधकाठी, दिव्यांग साहित्य, कर्णयंत्र, दातांच्या कवळया यांचे नोंदणीनुसार वाटप
• आपतकालीन व्यवस्थेमध्ये कार्डीयाक रुग्णवाहीका, रुग्णवाहीका, अग्निशमन वाहन, रुग्ण स्ट्रेचर, व्हिलचेअर यांचा समावेश
• सर्व रुग्ण व रुग्णनातेवाईक यांना मोफत नास्ता व भोजनाची सोय.
करीता सर्व नागरीकांनी या बहुमुल्य संधीचा लाभ घ्यावा असे आयोजक सोमेश्वर फॉऊंउेशन, पुणे तसेच निमंत्रक माजी नगरसेवक सनी विनायक निम्हण यांनी आवाहान केले आहे. रुग्णहिताय गरजू नागरिकांनी आधिक माहितीसाठी ८३०८१२३५५५ या नंबरवर संपर्क करावा किंवा www.sunnynimhan.com या वेबसाईटवर नोंदणी करावी.

Blood Donation Camp | एक हजारहून अधिक नागरिकांचे रक्तदान | आयोजक सनी निम्हण यांचे पालकमंत्र्यांकडून विशेष कौतुक

Categories
Political social पुणे

Blood Donation Camp | रक्तदान शिबीराच्या मध्यमातून नागरिकांचे प्राण वाचवावे | पालकमंत्री चंद्रकांत पाटील

| एक हजारहून अधिक नागरिकांचे रक्तदान | आयोजक सनी निम्हण यांचे पालकमंत्र्यांकडून विशेष कौतुक

Blood Donation Camp | छत्रपती शिवाजी महाराजांच्या मावळ्यांनी स्वराज्य निर्मितीसाठी स्वतःचे रक्त सांडले, आपण रक्तदान शिबिराच्या माध्यमातून लोकांचे प्राण वाचवले पाहिजेत. पुणे शहर व जिल्ह्यात रक्ताचा तुटवडा जाणवत असल्याने माजी नगरसेवक सनी निम्हण (Ex corporation Sunny Nimhan) यांनी रक्तदान शिबीराचे (Blood Donation Camp) आयोजन केल्याने अनेकांचे प्राण वाचतील” अशी कौतुकाची थाप पालकमंत्री चंद्रकांत पाटील (Guardian Minister Chandrkant Patil) यांनी निम्हण यांना दिली. (Blood Donation Camp)

छत्रपती शिवाजी महाराज यांच्या शिवराज्याभिषेक दिनानिमित्त सोमेश्वर देवस्थान, सोमेश्वर फाउंडेशन, विठ्ठल सेवा मंडळ यांच्या माध्यमातून सोमेश्वर मंदिर, सोमेश्वरवाडी, पाषाण (पेठ जिजापुर) या ठिकाणी भव्य रक्तदान शिबिराचे आयोजन माजी नगरसेवक सनी निम्हण यांनी रविवार (ता.४) जून केले होते. शिबीराचे उदघाटन पालकमंत्री पाटील यांच्या हस्ते झाले, यावेळी ते माध्यमांशी बोलत होते.

पुढे बोलताना पाटील म्हणाले, “शासनाच्या वतीने तिथीप्रमाणे रायगडावर दिमाखदार शिवराज्याभिषेक सोहळा साजरा केला. वर्षभरात प्रत्येक जिल्ह्यात ‘जाणता राजा’ कार्यक्रम शासनाच्या वतीने घेतला जाईल, ज्यामधून प्रत्येक घराघरात छत्रपती शिवाजी महाराजांचा इतिहास पोहचेल. प्रत्येक जिल्ह्यातील हजारो तरुणांना मोफत रायगडाचे दर्शन दिले जाणार आहे.शिबिरासाठी श्री शिवशंभू चॅरिटेबल ट्रस्ट महाराष्ट्र राज्य यांचे विशेष सहकार्य लाभले. १०४१ रक्तदात्यांचे रक्तसंकलन अक्षय रक्त पेढी यांनी केले.

यावेळी सोमेश्वर देवस्थानचे अध्यक्ष पोपटराव जाधव, पुणे जिल्हा मध्यवर्ती बँकेचे उपाध्यक्ष सुनील चांदेरे, भारतीय जनता पक्ष युवा मोर्चाचे राहुल कोकाटे, खंडू अरगडे, तानाजी काकडे, शंकर घोलप, सुनील खुळे, भरत जोरे , भारतीय जनता पक्ष कोथरुड विधानसभा माजी अध्यक्ष प्रकाश बालवडकर, उमेश वाघ, प्रमोद कांबळे, स्विकृत माजी नगरसेवक सचिन पाषाणकर, गोवर्धन बांदल, सरपंच नांदेगाव सुनील जाधव,
शिवसेना समन्वय कोथरूड विधानसभा संजय निम्हण, अध्यक्ष सोमेश्वरवाडी ग्रामस्थ शाम काकडे, दक्षिण अभिनेता देव गील ,
औंध गाव देवस्थान विश्वस्त मंडळ योगेश जुनवणे, महेंद्र जुनवणे, हेरंब कलापुरे आदी उपस्थित होते.

News Title | Blood donation by more than one thousand citizens. Organizer Sunny Nimhan has special commendation from the Guardian Minister.

The ‘Pune Idol’ competition | पुणे आयडॉल’ स्पर्धेचा जल्लोषात समारोप

Categories
Breaking News cultural social पुणे

The ‘Pune Idol’ competition | पुणे आयडॉल’ स्पर्धेचा जल्लोषात समारोप

| गाढवे, बेगमपल्ली, पाठक, पटेकर आदी ठरले विजेते

The ‘Pune Idol’ competition | कलाकारांचे हक्काचे व्यासपीठ म्हणून ओळखली जाणारी ‘सोमेश्वर फाऊंडेशन’ आयोजित ‘पुणे आयडॉल’ स्पर्धाची अंतिम फेरी रविवार ( ता .१५) मे बालगंधर्व रंगमंदिर पुणे येथे पार पडली. चार विभागात घेतल्या गेलेल्या स्पर्धेत राज्यभरातील ८१६ कलाकार सहभागी झाले होते. यातील ५४ कलाकारांची निवड अंतिम फेरीसाठी झाली होती.

अंतिम फेरीमध्ये ठरलेले विजेते पुढीलप्रमाणे,

‘लिटिल चॅम्प’ प्रथम श्रेया गाढवे, द्वितीय तनय नाझीरकर. ‘ओल्ड इज गोल्ड’ प्रथम अब्दुल रजाक बेगमपल्ली, द्वितीय शशिकला वाखारे. ‘जनरल कॅटेगरी’ प्रथम पल्लवी पाठक, द्वितीय डॉ. तेजस गोखले. ‘युवा आयडॉल’ प्रथम समृद्धी पटेकर, द्वितीय संदीप दुबे. ‘उत्तेजनार्थ’ श्लोक जावीर, प्राजक्ता माने असे ‘पुणे आयडॉल’ २०२३ चे विजेते ठरले आहेत. विजेत्यांना रोख रक्कम पंधरा हजार, ट्रॉफी, प्रमाणपत्र देऊन सन्मानित करण्यात आले. उत्तेजनार्थ रोख रक्कम पाच हजार रुपये व सन्मानचिन्ह देऊन गौरविण्यात आले.
दिवंगत माजी आमदार विनायक निम्हण यांनी ‘सोमेश्वर फाउंडेशन’ आयोजित सुरू केलेल्या या स्पर्धेचे हे वीसावे वर्ष होते.९ ते १४ मे अशी सहा दिवस ही स्पर्धा झाली. वर्षानुवर्ष सुरू असलेल्या या स्पर्धेला गायक, कलाकार व नागरिकांचा उत्स्फूर्त प्रतिसाद मिळत आहे. रविवारी झालेल्या अंतिम स्पर्धेत संगीत, सूर, टाळ्यांचा कडकडाट आणि जल्लोष पाहायला मिळाला. यावेळी आमदार सिद्धार्थ शिरोळे, प्रसिद्ध गायक अभिजीत कोसंबी, जितेंद्र भुरूक, माजी नगरसेविका स्वाती निम्हण, बाळासाहेब बोडके, मुकारी अलगुडे, अमित गावडे, ज्ञानेश्वर मुरकुटे, कृषी उत्पन्न बाजार समिती सदस्य गणेश घुले, हवेली कृषी उत्पन्न बाजार समितीचे नवनिर्वाचित सदस्य नितीन दांगट, जीएसटी अतिरिक्त आयुक्त सुनील काशीद -पाटील यांच्यासह विविध क्षेत्रातील मान्यवर उपस्थितीत होते. प्रास्ताविक आयोजक सनी निम्हण यांनी केले, तर सूत्रसंचालन मिलिंद कुलकर्णी व प्रवीण पोतदार यांनी केले. स्वागत उमेश वाघ, अमित मुरकुटे यांनी केले व आभार बिपीन मोदी यांनी मानले. कार्यक्रम यशस्वी करण्यासाठी वनमाला कांबळे, किरण पाटील, रमेश भंडारी, तुषार भिसे अभिषेक परदेशी आदींनी परिश्रम घेतले.

—
“गायक, कलाकारांना हक्काचे व्यासपीठ मिळावे. त्यांच्या कलागुणांना वाव मिळावा. या अनुषंगाने चालू केलेल्या स्पर्धेला नागरिकांचा आणि कलाकारांचा उत्स्फूर्त प्रतिसाद मिळाला. संयोजक आणि कार्यकर्त्यांनी घेतलेल्या पुढाकारामुळे ही स्पर्धा पुढेही सातत्याने चालू राहील. सर्व समावेशक स्पर्धा असल्याने राज्यभरातील कलाकार यामध्ये सहभागी होऊ लागले आहेत.”

– सनी निम्हण आयोजक

—

“पहिल्या दिवसापासून खूप चुरशीची स्पर्धा होती. अतिशय छान गाणाऱ्या स्पर्धकांनी या स्पर्धेत सहभाग घेतला होता. अंतिम फेरी देखील खूप रंगली होती, स्पर्धेत भाग घेण्यासाठी मंच दिला याबद्दल आभारी आहे”‌.

– समृद्धी पटेकर ‘युवा आयडॉल’ प्रथम विजेती

—

News Title | The ‘Pune Idol’ competition ends with a bang Gadve, Begampally, Pathak, Patekar etc became winners

 

Sunny Nimhan | सनी निम्हण यांच्या वतीने आमदार चंद्रकांत पाटील यांच्या वाढदिवसानिमित्त सेवा रुपी शुभेच्छा

Categories
Political पुणे

सनी निम्हण यांच्या वतीने आमदार चंद्रकांत पाटील यांच्या वाढदिवसानिमित्त सेवा रुपी शुभेच्छा

भाजपा प्रदेशाध्यक्ष आमदार चंद्रकांत पाटील यांच्या वाढदिवसा निमित्त त्यांनी घालून दिलेल्या आदर्शास अनुसरून माजी नगरसेवक सनी विनायक निम्हण यांच्या वतीने प्रभाग क्र. १२ औंध, सोमेश्वरवाडी, बालेवाडी मधील ६ वी ते १० वी तील गरजू ३००० विद्यार्थ्यांना मोफत बॅग व शालेय साहित्य वाटप तसेच ६००० घरेलू महिला कामगारांसाठी मोफत छत्री वाटप करण्यात येणार आहे. भाजपा प्रदेशाध्यक्ष आमदार चंद्रकांत पाटील यांच्या हस्ते बॅग आणि शालेय साहित्य व छत्री वाटपाचे अनावरण करण्यात आले. या साठी विशेष सेवा सप्ताह अंतर्गत नाव नोंदणी केली जात आहे.

बॅग, छत्री आणि शालेय साहित्याचे अनावरण करताना आमदार चंद्रकांत पाटील म्हणाले की, सनी निम्हण यांनी अतीशय चांगला उपक्रम राबवित मला वाढदिवसाच्या सेवारुपी उपक्रम राबवून शुभेच्छा दिल्या. या उपक्रमाचे मला समाधान असून येणाऱ्या पुढील काळात देखील सामाजिक बांधिलकी जपत असेच सेवारुपी कार्यक्रम राबवावे.

या विशेष सेवा सप्ताहची माहिती देताना माजी नगरसेवक सनी विनायक निम्हण म्हणाले की, साधी राहणी व उच्च विचारसरणी याचे आदर्श उदाहरण म्हणजे आमदार चंद्रकांत पाटील, यांना वाढदिवसानिमित्त उदंड आयुष्य लाभो अशी मी मनोमन प्रार्थना आहे. त्यांच्या प्रत्येक कामात, निर्णयात सर्वसामान्य माणूस केंद्रस्थानी असतो म्हणूनच त्यांच्या वाढदिवसाच्या निमित्ताने प्रभाग क्रमांक 12 औंध, बालेवाडी, सोमेश्वरवाडी, बाणेर, परिसरातील गरजवंत विद्यार्थ्यांना बॅग आणि शालेय साहित्य व घरेलू कामगार महिलांसाठी पावसाळी छत्री वाटप करण्यात येणार आहे. यासाठी विशेष सेवा सप्ताह आयोजन केले असून 10 ते 17 जून या कालावधीत आपले नाव नोंदवावे. जेणेकरून आम्हाला या वस्तू आपल्या घरापर्यंत पोहोचवायला मदत होईल.

नोंदणी स्थळ:
शारदाताई पुलावळे (सरचिटणीस शिवाजीनगर, भाजपा महिला आघाडी),
शारदा एंटरप्रायजेस,
कस्तुरबा वसाहत, औध.

शॉप नं. 1
प्रथमेश अपार्टमेंट,
भैरवनाथ मंदिरासमोर, औंध गांव.

वनमालाताई कांबळे
वाल्मिकी मंदिरा शेजारी,
इंदिरा वसाहत, औध,

नोंदणी कालावधी
10 जून ते 17 जून 2022

Sunny Nimhan | blood donation camp | मा. नगरसेवक सनी निम्हण आयोजीत रक्तदान शिबिरात विक्रमी ८०९ रक्तदात्यांनी केले रक्तदान

Categories
Political social पुणे

मा. नगरसेवक सनी निम्हण आयोजीत रक्तदान शिबिरात विक्रमी ८०९ रक्तदात्यांनी केले रक्तदान

 

महाराष्ट्राचे आराध्य दैवत छत्रपती शिवाजी महाराज यांच्या शिवराज्याभिषेक दिनाचे औचित्य साधून माजी नगरसेवक सनी उर्फ चंद्रशेखर विनायक निम्हण यांच्या संकल्पनेतून सोमेश्वर देवस्थान सोमेश्वरवाडी पाषाण, विठ्ठल सेवा मंडळ सोमेश्वरवाडी(एक गाव एक गणपती) यांच्या वतीने श्री शिवशंभु चारिटेबल ट्रस्ट महाराष्ट्र राज्य यांच्या सहकार्याने आज रविवार दि. ५/६/२०२२ रोजी भव्य रक्तदान शिबिर आयोजित करण्यात आले होते. या रक्तदान शिबिरास विक्रमी ८०९ रक्तदात्यांनी उस्फुर्त प्रतिसाद देत रक्तदान केले.

प्रकरणाची माहिती देताना माजी नगरसेवक सनी निम्हण म्हणाले की, आम्ही केलेल्या आवाहनाला परिसरातील युवकांनी नागरिकांनी आणि महिलांनी उस्फुर्त प्रतिसाद देत रक्तदान केले हे फार आनंददायी आहे. परिसरात खूप मोठ्या प्रमाणात रक्तदान शिबिर होत असताना आपण आव्हान करत रक्तदान शिबिर आयोजित केल्यानंतर मोठ्या प्रमाणात सर्वांनी येऊन रक्तदान केले त्याबद्दल मी रक्तदात्यांचा आभारी आहे. येणाऱ्या पुढील काळात देखील वेगवेगळ्या समाजोपयोगी कार्यक्रम आपण राबविणार आहोत त्यास देखील आपण असाच उदंड प्रतिसाद देत रहाल असा विश्वास आहे.

यावेळी सोमेश्वर देवस्थान विश्वस्त पोपटराव जाधव, कै. बालोबा सुतार दिंडी अध्यक्ष खंडू अरगडे, माजी महापौर दत्तात्रय गायकवाड, औंध गाव विश्वस्त मंडळ अध्यक्ष योगेश जुनवणे, भाजपा पुणे शहर उपाध्यक्ष गणेश कळमकर, राहुल कोकाटे, प्रल्हाद सायकर, प्रकाश बालवडकर, संजय निम्हण, संजय बालवडकर, गोविंद रणपिसे, मोरेश्वर बालवडकर, बालम सुतार, योगेश सुतार, रुपेश जुनवणे, मुन्ना शिंदे, सुप्रीम चोंधे, आरपीआय चे रमेश ठोसर आणि परिसरातील सांप्रदायिक क्षेत्रातील मान्यवरांनी आवर्जून उपस्थित राहून रक्तदात्यांना प्रोत्साहन दिले.

या रक्तदान शिबिराचे आयोजन माजी नगरसेवक सनी विनायक निम्हण, बाळा बामगुडे, सोमेश्वर देवस्थान सोमेश्वरवाडी पाषाण, विठ्ठल सेवा मंडळ सोमेश्वरवाडी(एक गाव एक गणपती) यांनी केले होते.