Tag: banner
आम्ही तुम्हाला काहीही बोलणार नाही, तुम्ही जिथे कुठे असाल तिथून परत या
: पुण्यात चंद्रकांत पाटलांचे बॅनर चर्चेत
पुणेकर हे टोमणे मारण्यात जगात प्रसिद्ध असल्याचं बोललं जातं. शिवाय, अनेकदा त्याचा प्रत्यय देखील येतो. किमान शब्दात कमाल अपमान करणे ही पुणेकरांची खासियत असल्याचंही सांगितलं जातं. शिवाय पुणेरी पाट्यांबाबत तर आणखी वेगळं काही सांगायलाच नको. पुणेरी पाट्यांवरील मजकूर तर जगभरात चर्चेत असतो. आता पुणेरी पाट्यांपाठोपाठ पुण्यात झळकणाऱ्या बॅनर्सची देखील चर्चा होताना दिसत आहे. कोथरूडमध्ये लावण्यात आलेले अशाचप्रकारेच एक बॅनर सध्या प्रचंड चर्चेचा विषय ठरत आहे, शिवाय सोशल मीडियावर देखील मोठ्याप्रमाणावर व्हायरल होत आहे. कारण, हे बॅनर ज्यांच्यासाठी लावलं आहे आणि या बॅनरवर जो मजकूर हे दोन्ही अर्थातच काही सामान्य नाही.
पुण्यातील कोथरुडमध्ये म्हणजेच भाजपा प्रदेशाध्यक्ष आणि आमदार चंद्रकांत पाटील यांच्या मतदारसंघात हे बॅनर झळकले आहे. विशेष म्हणजे या बॅनरवर चंद्रकांत पाटील यांचा फोटो असून, त्यासोबत ‘दादा परत’ या असे आवाहन देखील करण्यात आले आहे.
अनधिकृत जाहिरात फलक लावल्यास आता 50 हजाराचा दंड
: महापालिकेने बनवले धोरण
पुणे : पुणे महानगरपालिका परवाना व आकाशचिन्ह विभागाकडून महाराष्ट्र महानगरपालिका अधिनियम कलम २४४, २४५ व त्यानुसार अस्तित्वात आलेल्या जाहिरात व फलक नियंत्रण नियम २००३ अन्वये पुणे महानगरपालिका हद्दीमध्ये खाजगी जागेत उभारल्या जाणा-या जाहिरात फलकांना परवानगी व नुतनीकरण देणेत येते. महानगरपालिकेकडून वेळोवेळी निश्चित केलेल्या दरानुसार जाहिरात शुल्क बसुली करण्यात येते. त्याचबरोबर अनधिकृत जाहिरात फलकाबाबत ही दंडाची तरतूद करण्यात आली आहे. याबाबत महापालिकेने एक धोरण बनवले आहे. त्याला नुकतीच महापालिका आयुक्तांनी मान्यता दिली आहे.
: असे आहे धोरण
(अ) नियमन्वित न होणा-या जाहिरात फलकांबाबतः-
प्रति जाहिरात फलक दंड वसुलीची रक्कम निश्चित करणे,
२. सदरचा खर्च अनधिकृत जाहिरात फलक लावणा-या संस्था/व्यक्ती कडून वसुल करणेस,
३. सदर संस्थेने / व्यक्तीने खर्च विहीत मुदतीत न भरल्यास संबंधीत जागा मालकाकडून खर्च बमुल
करणे,
४, जागा मालक याने सदर खर्च विहीत मुदतीत न भरल्यास सदरची रक्कमेचा बोजा जागा मालक च्या मिळकत करामध्ये समाविष्ट करून मिळकत कर वसुली धोरणानुसार कारवाई करणे.
नियमन्वित होणा-या जाहिरात फलकांबाबतः-
फलक जागेवर लावलेल्या दिनांकापासून आकारून नियमान्वीत करणेस,
(२) परवानगी दिलेल्या जाहिरात फलकधारकांकडून विलंब शुल्क / तडजोड शुल्क वसुल करणे बाबतः-
१. जाहिरात फलक, नामफलक नुतनीकरणाचा अर्ज, जाहिरात फलक, नामफलक शुल्क मुदत संपल्यानंतर
३ महिने पर्यंत उशीर झाल्यास मासिक आकारणी योग्य शुल्काच्या २५%, ६ महिने पर्यंत उशीर झाल्यास मासिक आकारणी योग्य शुल्काच्या ५०% आणि त्यापुढे उशीर झाल्यास मासिक आकारणी योग्य शुल्काच्या १००% इतके विलंब शुल्क / दंड आकारणेस,
२. महापालिका आयुक्त ठ.क्र. ६/७६७ दि. ०९.०१.२००९ चे विलंब शुल्क / तडजोड शुल्क धोरणा ऐवजी या नवीन धोरणात मध्ये जाहिरात फलक, नामफलक नुतनीकरण अर्ज, जाहिरात
फलक, नामफलक शुल्क मुदत संपल्यानंतर ३ महिने पर्यंत उशीर झाल्यास मासिक आकारणी योग्य शुल्काच्या २५%, ६ महिने पर्यंत उशीर झाल्यास मासिक आकारणी योग्य शुल्काच्या ५०% आणि त्यापुढे उशीर झाल्यास मासिक आकारणी योग्य शुल्काच्या १००% इतके विलंब शुल्क / दंड आकारणे, त्या नुसार मागील सर्व थकबाकी नियमन्वित करणेस,
(३) अनधिकृत बोर्ड, बॅनर, फ्लेक्स, झेंडे इ. निष्कासन खर्च वसुल व दंड आकारणी बाबतः-
—