Tag: PMC Building

PMC Building Lift | तब्बल 2 तासांनी महापालिका भवनातील लिफ्ट मध्ये अडकलेल्या कर्मचाऱ्यांची सुटका | लिफ्ट च्या सुरक्षेचा प्रश्न पुन्हा ऐरणीवर

Categories
Breaking News PMC पुणे

PMC Building Lift | तब्बल 2 तासांनी महापालिका भवनातील लिफ्ट मध्ये अडकलेल्या कर्मचाऱ्यांची सुटका

| लिफ्ट च्या सुरक्षेचा प्रश्न पुन्हा ऐरणीवर

PMC Building Lift | पुणे | महापालिका भवनातील लिफ्ट (Pune Municipal Corporation Building Lift) चा प्रश्न पुन्हा एकदा ऐरणीवर आला आहे. कारण महापालिका भवनात तिसऱ्या मजल्यावरील आरोग्य विभागाकडील बाजूची लिफ्ट अचानक बंद पडली. यात महापालिकेचा कर्मचारी अडकून पडला. सुमारे दोन तास हा कर्मचारी अडकून पडला होता. अखेर विद्युत विभाग आणि अग्निशमन दलाच्या (Fire Brigade) शर्तीच्या प्रयत्नाने लिफ्ट सुरळीत करण्यात यश मिळाले आणि त्या कर्मचाऱ्याची सुटका झाली. मात्र यामुळे महापालिकेच्या लिफ्ट च्या सुरक्षेचा प्रश्न पुन्हा ऐरणीवर आला आहे. (Pune Municipal Corporation)
महापालिका गाडीखाण्यातील एक कर्मचारी महापालिका भवनातील आरोग्य विभागात आला होता. मात्र माघारी जाताना 5 वाजण्याच्या सुमारास हा कर्मचारी लिफ्ट बंद पडल्याने त्यातच अडकून पडला. संबंधित कर्मचाऱ्याने मग आपल्या सहकाऱ्यांना फोन केला. त्यानुसार मग विद्युत विभागाचे कर्मचारी आले. मात्र जवळपास तासभर खटपट करून त्यांना लिफ्ट सुरु करता आली नाही. त्यामुळे मग अग्निशमन दलाला पाचारण करण्यात आले. मात्र तोपर्यंत हा कर्मचारी बराच घाबरून गेला होता. अग्निशमन विभागाच्या कर्मचाऱ्यांना देखील तासभर प्रयत्न करावे लागले. तेव्हा कुठे लिफ्ट सुरु होऊन संबंधित कर्मचाऱ्याला बाहेर काढता आले. 7 वाजण्याचा सुमारास हा कर्मचारी बाहेर आला. मात्र घाबरला असल्याने कर्मचारी घामाघूम होऊनच बाहेर आला. असे असले तरी यामुळे महापालिकेच्या लिफ्ट चा प्रश्न पुन्हा ऐरणीवर आला आहे. (PMC Health Department)
या अगोदर देखील अशा घटना घडल्या आहेत. घोले रोड क्षेत्रीय कार्यालयातील लिफ्ट महापालिकेच्या पाणीपुरवठा विभागाचे अधिकारी अडकून पडले होते. तसेच त्याआधी कमला नेहरू हॉस्पिटल मधील लिफ्ट बंद पडल्याने रुग्णांची हेळसांड झाली होती. त्यामुळे याकडे प्रशासनाने गंभीरपणे लक्ष देणे गरजेचे आहे. (PMC Electrical Department)
—-
लिफ्ट सुरु करण्यास एवढा वेळ का लागला याबाबत पूर्ण चौकशी करण्यात येईल. त्यानंतर संबंधित लोकांवर कारवाई करण्यात येईल.

– श्रीनिवास कंदूल, मुख्य अभियंता, विद्युत विभाग, पुणे मनपा 
—-

Office Discipline | PMC Pune | पुणे महापालिकेच्या प्रांगणात भोंडला, दांडिया चा खेळ रंगला!  | कार्यालयीन शिस्तीबाबत प्रश्न उपस्थित 

Categories
Breaking News cultural PMC social पुणे

पुणे महापालिकेच्या प्रांगणात भोंडला, दांडिया चा खेळ रंगला!

| कार्यालयीन शिस्तीबाबत प्रश्न उपस्थित

पुणे | भारतीय परंपरेतील दरवर्षी उत्साहाने साजरा केल्या जाणाऱ्या नवरात्र उत्सवाची नुकतीच सांगता झाली. महिला शक्तीचे प्रतीक म्हणून हा उत्सव देशभरात साजरा केला जातो. पुणे महापालिकेत नवरात्रीचे निमित्त साधत महिला कर्मचाऱ्यांनी शुक्रवारी उत्साहात महापालिकेच्या प्रांगणात दांडियाचा ठेका धरत, फुगड्या घालत आणि भोंडला खेळत उत्सव साजरा केला. मात्र कार्यालयीन वेळेत नागरिकांची कामे सोडून अशा पद्धतीने महापालिकेच्या प्रांगणात उत्सव साजरा करण्याने कार्यालयीन शिस्तीचा भंग मानला जात आहे. अतिरिक्त आयुक्तांनी नुकतेच कार्यालयीन शिस्तीबाबत परिपत्रक जारी केले होते. शिवाय त्यावर अंमलबजावणी देखील सुरु केली आहे. असे असतानाही अशा शिस्त मोडणाऱ्यांवर कारवाई होणार का? का महिलांचा उत्सव म्हणून त्यांना यातून सूट दिली जाणार? असे प्रश्न उपस्थित केले जात आहेत.
नवरात्रीचे निमित्त साधत शुक्रवारी पुणे महापालिका भवनातील हिरवळीवर विविध विभागातील महिला कर्मचाऱ्यांनी भोंडला, दांडियाचा ठेका धरला. मिळकतकर विभाग, आरोग्य विभाग, लेखा विभाग सहित सर्वच विभागातील महिला कर्मचाऱ्यांनी यात सहभाग घेतला. मात्र कार्यालयीन वेळेत आपले काम सोडून अशा पद्धतीने उत्सव साजरा केल्याने आता प्रश्न उपस्थित केले जात आहेत. काही दिवसापूर्वी महापालिका अतिरिक्त आयुक्त रवींद्र बिनवडे यांनी एक परिपत्रक जारी केले होते. खास करून कार्यालयीन शिस्तीबाबत आणि नियमांचे पालन करण्याचे आदेश अतिरिक्त आयुक्तांनी दिले होते. कारण कार्यालयीन वेळा न पाळणे, दुपारी जेवण झाल्यानंतर विस्तारित इमारतीत फेऱ्या मारणे, सायंकाळी चहाला जाणे, यामुळे कामकाजावर परिणाम होत होता. याबाबत अतिरिक्त आयुक्तांनी गंभीरपणे पाऊल उचलत नियमाचे पालन करण्याचे सक्त आदेश दिले होते. त्यावर अंमलबजावणी देखील सुरु केली होती. त्यानुसार कामावर उशिरा येणाऱ्या कर्मचाऱ्यांना मेमो देखील देण्यात आले आहेत. ही कारवाई अजून कडक केली जाणार, असे प्रशासनाच्या वतीने सांगितले जात होते.
त्याचप्रमाणे कामकाजावर परिणाम होतो म्हणून तत्कालीन अतिरिक्त आयुक्त शीतल उगले-तेली यांनी महापालिका भवनात महिला दिन साजरा करण्याबाबत महिला कर्मचाऱ्यांना परवानगी नाकारली होती. कारण त्याच्या आदल्या वर्षी खूप गोंधळ घालण्यात आला होता. मात्र तत्कालीन अतिरिक्त आयुक्तांची बदली झाल्यानंतर पुन्हा हे उत्सव साजरे होऊ लागले.
मात्र कार्यालयीन शिस्तीचे काय? पुढील दोन दिवस सुट्टी म्हणून शुक्रवारी महापालिकेत कामासाठी आलेल्या नागरिकांच्या कामाचे काय झाले? असे प्रश्न शिवाय शिस्त मोडणाऱ्यांवर कारवाई होणार का? का महिलांचा उत्सव म्हणून त्यांना यातून सूट दिली जाणार? असे प्रश्न उपस्थित केले जात आहेत.

Rashtriy Majdur Sangh (RMS) : Sunil Shinde : पुणे महानगरपालिकेतील कंत्राटी कामगारांचे जागरण गोंधळ आंदोलन 

Categories
Breaking News PMC पुणे

पुणे महानगरपालिकेतील कंत्राटी कामगारांचे जागरण गोंधळ आंदोलन

: कामगार नेते सुनिल शिंदे यांची माहिती

पुणे : महानगरपालिकेच्या कंत्राटी कामगारांच्या(Contract labours) विविध प्रश्नांकडे लक्ष वेधण्यासाठी राष्ट्रीय मजदूर संघ(RMS) या संघटनेच्या वतीने पुणे महानगरपालिकेच्या मुख्य प्रवेशद्वारासमोरआज जागरण गोंधळ आंदोलन करण्यात आले. या आंदोलनात कंत्राटी सुरक्षा रक्षक, स्मशान भूमी कर्मचारी, पाणी पुरवठा, कीटक नाशक, झाडणकाम अशा विविध विभागातील बहुसंख्य कर्मचाऱ्यांनी आंदोलनात भाग घेतला. यावेळी कामगारांनी विविध मागण्यांचे निवेदन मनपा आयुक्तांना(PMC Commissioner) देण्यात आले.

ठेकेदार बदलला तरी कामगारांना कामावरून कमी करु नये, कंत्राटी सेवकांना दिवाळी बोनस, सानुग्रह अनुदान,कोविड भत्ता, मिळावा, पगार वेळेवर मिळावा, सुधारित वेतन फरक आणि इ. एस. आय. सी. आणि पी. एफ. विवरण पत्र मिळाले,, राष्ट्रीय सणांच्या सुट्टी मिळावी अशा विविध मागण्यांचे निवेदन आयुक्तांना देण्यात आले. जागरण गोंधळ आंदोलनाच्या वेळी कामगारांना संबोधित करताना राष्ट्रीय मजदूर संघ या संघटनेचे अध्यक्ष  सुनिल शिंदे यांनी कामगारांना आश्वासन दिले की एकाही कामगाराची नोकरी जाणार नाही. याची संघटनेकडून खात्री आहे. मात्र कामगारांनी कोणत्याही आमिषाला बळी न पडता संघटनेशी एकनिष्ठ राहिले पाहिजे.
या आंदोलनाची फलश्रुती म्हणजे आत्ताचे ठेकेदाराने पी.एफ. व ई. एस आय. सी आय. .कपातीचे चलन कॉपी (प्रत) संघटनेकडे सुपुर्द केली. तसेच सर्व सुरक्षा रक्षकांना गणवेश व ई. आय. एस. सी . कार्ड ताबडतोब देण्याचे मान्य केले.त्यामुळे कामगार वर्गात आनंदाचे वातावरण निर्माण झाले. लवकरच मनपा आयुक्तांच्या दालनात संबंधित अधिकारी, ठेकेदार, व संघटनेचे पदाधिकारी यांची बैठक घेण्यात येईल.  सर्व प्रश्न मार्गी लावले जातील. ठेकेदारांकडून बऱ्याच गोष्टींची पूर्तता होत आहे.आता मनपा प्रशासनाने ठेकेदारांची बिले अदा केल्यास पुढील पगार वेळेवर केलें जातील असे ठेकेदारांनी मान्य केले आहे.

या आंदोलनाचे प्रास्ताविक संघटना उपाध्यक्ष सीताराम चव्हाण यांनी केले तर समारोप संघटनेचे सरचिटणीस एस. के. पळसे यांनी केले. संघटना पदाधिकारी, सुरक्षा रक्षक, पदाधिकारी, विजय पांडव, स्वप्निल कामठे,सौ. जान्हवी दिघे,बाळू दांडेकर, उज्वल माने, अरविंद आगम, सचिन घोरपडे, रमेश भोसले, विनायक देगावकर, उमेश कोडीतकर, स्मशान भूमी प्रमुख संघटना गोरख कांबळे, पाणी पुरवठा शंकर वाडे , सोमनाथ चव्हाण, योगेश मोरे, किटकनाशक विभाग श्री. पवार इत्यादी पदाधिकारी उपस्थित होते.

Republic Day : PMC : प्रजासत्ताक दिनाच्या पूर्वसंध्येला पुणे महापालिकेचे हे मनमोहक रूप! : video

Categories
cultural PMC पुणे

प्रजासत्ताक दिनाच्या पूर्वसंध्येला पुणे महापालिकेचे मनमोहक रूप!

पुणे : उद्या  देशभरात खूप हर्षो उल्हासाने प्रजासत्ताक दिन साजरा करण्यात येणार आहे. यात पुणे महापालिका देखील मागे नाही. प्रजासत्ताक दिनासाठी महापालिका सज्ज  आहे. शिवाय महापालिकेच्या इमारतीवर आकर्षक विद्युत रोषणाई करण्यात आली आहे. जे सगळ्यांचे लक्ष वेधून घेत आहे. महापालिकेची हे मनमोहक रुप फक्त ‘कारभारी’ चे दर्शक आणि वाचकासाठी …!