Tag: PMC Pune Bharti 2023

Pune Mahanagarpalika Fireman Bharti 2023 | फायरमन पदासाठी पात्र झालेल्या उमेदवारांची शारीरिक चाचणी परीक्षा या तारखांना घेण्याचे नियोजन | तारखा जाणून घ्या

Categories
Breaking News PMC social पुणे

Pune Mahanagarpalika Fireman Bharti 2023 | फायरमन पदासाठी पात्र झालेल्या उमेदवारांची शारीरिक चाचणी परीक्षा या तारखांना घेण्याचे नियोजन  | तारखा जाणून घ्या

Pune Mahanagarpalika Fireman Bharti 2023 Physical Exam | पुणे महापालिकेच्या (Pune Municipal Corporation) वतीने फायरमन (Fireman) पदाचा निकाल याआधीच घोषित करण्यात आला आहे. तसेच पात्र झालेल्या उमेदवारांच्या कागदपत्रांची पडताळणी करण्यात आली आहे. त्यानुसार आता 575 उमेदवारांची शारीरिक चाचणी परीक्षा (Physical Exam) 26, 27 आणि 28 ऑक्टोबरला घेण्याचे नियोजन करण्यात आले आहे. अशी माहिती सामान्य प्रशासन विभागाचे उपायुक्त सचिन इथापे (Deputy Commissioner Sachin Ithape) यांनी दिली. (Pune Mahanagarpalika Bharti 2023)
पुणे महानगरपालिकेच्या आस्थापनेवरील अग्निशामक विमोचक / फायरमन वर्ग-३ संवर्गातील रिक्त जागा भरणेसाठी जाहिरात ०६/०३/२०२३ रोजी प्रसिद्ध करण्यात आलेली होती. त्यानुसार  २२/०६/२०२३ रोजी परीक्षा घेण्यात आली. परीक्षेचा निकाल याआधीच प्रसिद्ध करण्यात आला आहे. (PMC Pune Bharti Results 2023)
संबंधित बातमी वाचा : https://www.thekarbhari.com/tag/fireman-results/
याबाबत महापालिका उपायुक्त सचिन इथापे यांनी सांगितले कि, पुणे महापालिकेच्या वतीने 320 पदांची भरती प्रक्रिया राबवण्यात आली. यातील 200 जागा या फायरमन पदाच्या होत्या. त्यानुसार महापालिकेकडे 3500 हून अधिक अर्ज आले होते. या उमेदवारांची परीक्षा घेण्यात आली. 120 मार्कांची परीक्षा होती. यात किमान 54 गुण मिळणे आवश्यक होते. यात 666 लोक उत्तीर्ण झाले. उत्तीर्ण झालेल्या उमेदवारांच्या कागदपत्रांची पडताळणी करण्यात आली. त्यानुसार शारीरिक चाचणी परीक्षेसाठी 575 उमेदवार पात्र ठरत आहेत. त्यानुसार शारीरिक चाचणी परीक्षा  ही 26, 27 आणि 28 ऑक्टोबरला घेण्याचे नियोजन करण्यात आले आहे. असे इथापे यांनी सांगितले.
—-
फायरमन पदासाठी 26, 27, 28 ऑक्टोबर 2023 रोजी शारीरिक चाचणी परीक्षा घेण्याचे नियोजन आहे. त्याबाबत स्थळ आणि सत्र बाबतचे जाहीर प्रकटन लवकरच प्रसिद्ध करण्यात येईल.
– सचिन इथापे, उपायुक्त, पुणे महापालिका. 
——-

PMC Pune Bharti 2023 | चुकीची कागदपत्रे सादर केल्यास फौजदारी कारवाईचा पुणे महापालिकेचा पात्र उमेदवारांना इशारा | दलालाशी आर्थिक व्यवहार करू नये 

Categories
Breaking News PMC social पुणे

PMC Pune Bharti 2023 | चुकीची कागदपत्रे सादर केल्यास फौजदारी कारवाईचा पुणे महापालिकेचा पात्र उमेदवारांना इशारा

| भरतीबाबत महापालिका प्रशासनाकडून उमेदवारांना आवाहन

PMC Pune Bharti 2023 |  पुणे महापालिकेकडून (Pune Municipal Corporation) 320 पदांसाठी भरती प्रक्रिया सुरु आहे. परीक्षेचे निकाल घोषित केल्यानंतर महापालिकेकडून पात्र उमेदवारांच्या कागदपत्रांची पडताळणी करण्यात येत आहे. दरम्यान यामध्ये उमेदवारांनी चुकीची कागदपत्रे सादर केल्यास फौजदारी कारवाईचा इशारा महापालिका आयुक्त (PMC Commissioner) यांच्याकडून देण्यात आला आहे. (PMC Pune Bharti 2023)

दलालाशी आर्थिक व्यवहार करू नये

महापालिकेच्या आवाहनानुसार पुणे महानगरपालिका प्रशासनाकडून विविध पदांच्या भरती प्रक्रियेसाठी (Pune Mahanagarpalika Bharti 2023) वेळोवेळी स्थानिक दैनिक वर्तमानपत्रांत सविस्तर जाहिरात देऊन तसेच महानगरपालिकेच्या www.pmc.gov.in या अधिकृत संकेतस्थळावर प्रसिद्धीस देऊन पात्र उमेदवारांकडून ऑनलाइन स्वरूपात अर्ज मागविण्यात येऊन कर्मचारी निवड समितीच्या अहवालानुसार पारदर्शकरीत्या पदभरतीची प्रक्रिया पूर्ण करण्यात येते. याद्वारे सर्व नागरिकांना/उमेदवारांना सूचित करण्यात येत आहे की, कोणत्याही परिस्थितीमध्ये पुणे महानगरपालिका कर्मचारी भरतीबाबत अफवांवर विश्वास ठेवू नये. तसेच कोणत्याही मध्यस्थ/दलाल/परिचित/अपरिचित व्यक्तींशी पदभरतीबाबत आर्थिक व्यवहार अथवा इतर तत्सम स्वरूपाची देवाण-घेवाण करू नये. अशा व्यक्तींकडून नागरिकांची/उमेदवारांची दिशाभूल व फसवणूक होण्याची शक्यता आहे. अशा स्वरूपाची फसवणूक झाल्यास त्यास पुणे महानगरपालिका प्रशासन जबाबदार राहणार नाही, याची सर्व नागरिकांनी/उमेदवारांनी नोंद घ्यावी. (PMC Pune Recruitment 2023)

तसेच, याद्वारे सर्व उमेदवारांना सूचित करण्यात येते की, कागदपत्रे पडताळणीकामी अयोग्य अगर चुकीची कागदपत्रे सादर करू नयेत. अशी कागदपत्रे सादर केल्याचे निदर्शनास आल्यास संबंधित उमेदवारांवर फौजदारी स्वरूपाची कारवाई करण्यात येईल, याची संबंधितांनी नोंद घ्यावी. असे महापालिका प्रशासनाने म्हटले आहे. (PMC Pune Bharti)
—–
News title | PMC Pune Bharti 2023 | Pune Municipal Corporation warns eligible candidates of criminal action if they submit wrong documents

PMC Pune Bharti Results | फायरमन पदाच्या पात्र उमेदवारांच्या कागदपत्रांची पडताळणी करण्यासाठी महापालिकेकडून छाननी पथक नियुक्त 

Categories
Breaking News PMC पुणे

PMC Pune Bharti Results | फायरमन पदाच्या पात्र उमेदवारांच्या कागदपत्रांची पडताळणी करण्यासाठी महापालिकेकडून छाननी पथक नियुक्त

PMC Pune Bharti Results | पुणे महापालिकेकडून (Pune Municipal Corporation) 320 पदांची भरती प्रक्रिया (PMC Recruitment) राबवण्यात येत आहे. यातील सर्वच पदांचे नुकतेच निकाल घोषित करण्यात आले आहेत. त्यानुसार आता प्रमाणपत्रांची पडताळणी करण्यात येणार आहे. फायरमन (Fireman) पदांच्या पात्र उमेदवारांच्या कागदपत्रांची पडताळणी करण्यासाठी 30 लोकांचे छाननी पथक म्हणजे 10 टीम तयार करण्यात आल्या आहेत. तर या टीमवर नियंत्रण ठेवण्यासाठी 7 पर्यवेक्षक नियुक्त करण्यात आले आहेत. दरम्यान उमेदवारांनी १९ ते २१ जुलै या कालावधीत पडताळणी साठी सकाळी १० वाज्लेपासून महापालिकेत उपस्थित राहायचे आहे. (PMC Pune Bharti Results)

पुणे महानगरपालिकेच्या (PMC Pune) आस्थापनेवरील श्रेणी – १ ते श्रेणी- ३ या संवर्गातील रिक्त पदे सरळसेवेने भरणेकरीता ०६/०३/२०२३ रोजी जाहिरात देऊन ऑनलाईन अर्ज मागविण्यात आले आहेत. जाहिरातीनुसार प्राप्त अर्जातील महाराष्ट्रातील एकूण ५ शहरांमध्ये वेगवेगळ्या परिक्षा केंद्रावर ऑनलाईन परीक्षा IBPS संस्थे मार्फत घेण्यात आली आहे. IBPS संस्थेकडून पात्र उमेदवारांची यादी प्रसिद्ध करण्यात आली आहे. सदर ऑनलाईन परीक्षेमध्ये उमेदवारांनी प्राप्त केलेल्या गुणांच्या आधारे गुणवत्तेनुसार अंतिम निवड यादी प्रसिद्ध करणे कामी संबंधित उमेदवारांची शैक्षणिक व इतर अर्हता / पात्रतेबाबतची मूळ प्रमाणपत्रे / कागदपत्रांची तपासणी करणेकामी खालीलप्रमाणे छाननी पथक नियुक्त करण्यात आले आहे. अग्निशमन विमोचक / फायरमन श्रेणी – ३ या पदासाठी मुख्य अग्निशमन अधिकारी श्री देवेंद्र पोटफोडे (अग्निशमन विभाग ) यांचे नियंत्रणाखाली 10 पथकांनी प्रमाणपत्रे / कागदपत्रांच्या पडताळणीचे कामकाज करावयाचे आहे. असे आदेशात म्हटले आहे. (Pune Mahanagarpalika Bharti 2023)

 छाननी पथकाने उद्या  जुना जी.बी. हॉल येथे दुपारी १२.०० वाजता प्रशिक्षणास उपस्थित राहून संबंधित उमेदवारांच्या कागदपत्रांच्या पडताळणीकरिता १९ जुलै, २० जुलै आणि २१  जुलै म्हणजे येत्या बुधवार, गुरुवार आणि शुक्रवार रोजी जुना जी.बी. हॉल येथे सकाळी १०.०० वाजता उपस्थित राहून संबंधित उमेदवारांच्या कागदपत्रांची पडताळणी करावयाची आहे. छाननी पथकाने केलेल्या अर्जाच्या छाननीचा अहवाल रोजचे रोज मा उप आयुक्त (सा.प्र.) यांचेकडे सादर करावयाचा आहे आणि नियुक्त केलेल्या छाननी पथकाने उमेदवारांच्या कागदपत्रा आधारे केलेल्या छाननीचा अंतिम अहवाल दोन दिवसात सदस्य सचिव, कर्मचारी निवड समिती तथा उप आयुक्त (सामान्य प्रशासन) यांचे मार्फत मा. अति. महापालिका आयुक्त (ज) यांना सादर करावयाचा आहे.  उमेदवाराने सादर केलेली शैक्षणिक प्रमाणपत्रे, अनुभव प्रमाणपत्र इ. बाबतची कागदपत्रे काळजीपूर्वक तपासण्याची जबाबदारी ” प्रशासन अधिकारी, अधिक्षक, वरिष्ठ लिपिक व लिपिक टंकलेखक ” संवर्गातील सेवकावर आहे.  उमेदवाराने केलेला अर्ज, जात प्रमाणपत्र, वय, समांतर आरक्षणाचा दावा, नॉन क्रीमिलेयर प्रमाणपत्र, अधिवास बाबतचे प्रमाणपत्र इ. बाबतची कागदपत्रे तपासून अर्ज पात्र होतो अगर कसे याची पडताळणी लेखनिकी संवर्गातील प्रशासन अधिकारी, अधिक्षक, वरिष्ठ लिपिक, लिपीक टंकलेखक यांनी करावयाची आहे. प्रशिक्षणास संबंधितानी वेळेवर उपस्थित राहण्याची दक्षता घ्यावी. जे सेवक प्रशिक्षणास व प्रत्यक्ष कामकाजास अनुपस्थित राहतील त्यांचेवर शिस्तभंगाची कारवाई करणेत येईल. असा इशारा देखील देण्यात आला आहे.
—–
News Title |PMC Pune Bharti Results | Scrutiny team appointed by Municipal Corporation to verify the documents of eligible candidates for the post of Fireman

Pune Mahanagarpalika Bharti 2023 | पुणे महापालिकेत आणखी 110 पदांसाठी भरती | कनिष्ठ अभियंता, उपकामगार अधिकारी यांचा समावेश

Categories
Breaking News Education PMC social पुणे

Pune Mahanagarpalika Bharti 2023  | पुणे महापालिकेत आणखी 110 पदांसाठी भरती | कनिष्ठ अभियंता, उपकामगार अधिकारी यांचा समावेश

| लवकरच जाहिरात प्रसिद्ध केली जाणार

Pune Mahanagarpalika Bharti 2023 | पुणे महापालिकेने (Pune Municipal Corporation) तिसऱ्या टप्प्यातील भरती (PMC Recruitment 2023) प्रक्रिया सुरु केली आहे. आता 110 पदांसाठी भरती करण्यात येणार आहे. याआधी पहिल्या टप्प्यात 448 तर दुसऱ्या टप्प्यात 320 पदांसाठी भरती प्रक्रिया राबवली होती. दुसऱ्या टप्प्याची प्रक्रिया अजून सुरु आहे. सोबतच आता महापालिकेने तिसऱ्या टप्प्याची प्रक्रिया सुरु केली आहे. 110 पदांमध्ये 100 कनिष्ठ अभियंता (Junior Engineer) (स्थापत्य), 7 उपकामगार अधिकारी (Deputy Labour Officer) आणि 3 पदे अग्निशमन विभागातील (Fire Brigade) आहेत. मात्रJE साठी 3 वर्ष अनुभवाची (Experience Condition) अट कमी करण्यात आलेली नाही. अशी माहिती सामान्य प्रशासन विभागाचे उपायुक्त सचिन इथापे (Deputy Commissioner Sachin Ithape) यांनी दिली. (Pune Mahanagarpalika Bharti 2023)

– कुठल्या पदांसाठी भरती?

इथापे यांनी दिलेल्या माहितीनुसार 110 पदांची भरती करण्याबाबत महापालिका आयुक्त (PMC Commissioner) यांनी आदेश दिले आहेत. या पदांमध्ये 100 कनिष्ठ अभियंता (स्थापत्य) चा समावेश आहे. 7 पदे ही उपकामगार अधिकारी यांची आहेत. तर 3 पदे ही अग्निशमन विभागातील आहेत. यामध्ये 1 उपमुख्य अग्निशमन अधिकारी, 1 विभागीय अग्निशमन अधिकारी आणि 1 उपविभागीय अग्निशमन अधिकारी यांचा समावेश आहे. (PMC Pune Bharti 2023)

– कधी होणार भरती?

उपायुक्त इथापे यांनी सांगितले कि, दुसऱ्या टप्प्याच्या भरतीची आमची प्रक्रिया सुरु आहे. नुकताच फायरमन पदाचा निकाल घोषित करण्यात आला आहे. बाकी पदांचेही निकाल लवकर घोषित करण्यात येतील. यासोबत आता तिसऱ्या टप्प्याची प्रक्रिया आम्ही सुरु केली आहे. 110 पदासाठी भरती प्रक्रियेची प्रणाली आम्ही IBPS संस्थेकडून घेणार आहोत. त्यानंतर डेमो घेऊन एक टेस्ट घेतली जाईल. त्यानंतर संस्थेकडून भरतीची तारीख दिली जाईल. तारीख आल्यानंतर आम्ही लगेच भरतीची जाहिरात प्रसिद्ध करणार आहोत. असेही इथापे यांनी सांगितले. (PMC Pune Recruitment 2023)

– JE ची अनुभवाची अट मात्र कमी झालेली नाही

दरम्यान कनिष्ठ अभियंता (JE) साठी 3 वर्षाची अनुभवाची अट ठेवण्यात आली आहे. मात्र याबाबत बऱ्याच दिवसापासून ही अट रद्द करण्याची मागणी करण्यात येत होती. त्यानुसार महापालिका प्रशासनाने अट रद्द करण्याबाबतचा  प्रस्ताव राज्य सरकारकडे पाठवला आहे. मात्र अजून सरकारने त्याला मंजुरी दिलेली नाही. त्यामुळे या भरती प्रक्रियेत अनुभवाची अट कमी झालेली नाही. असा खुलासा महापालिका प्रशासनाकडून करण्यात आला. (Pune Municipal Corporation Bharti 2023)
—–
News Title | Pune Mahanagarpalika Bharti 2023 |  Recruitment for 110 more posts in Pune Municipal Corporation  Including Junior Engineers, Deputy Labor Officers

PMC Pune Bharti 2023 | पुणे महापालिकेच्या ई लर्निंग स्कुल मध्ये शिपायापासून ते शिक्षक पदांसाठी भरती! 

Categories
Breaking News Education PMC social पुणे

PMC Pune Bharti 2023 | पुणे महापालिकेच्या ई लर्निंग स्कुल मध्ये शिपायापासून ते शिक्षक पदांसाठी भरती!

| 8 ते 14 जून पर्यंत करू शकता अर्ज

PMC Pune Bharti 2023 | पुणे महापालिकेच्या (Pune Municipal Corporation) राजीव गांधी ई लर्निंग स्कुल (Rajiv Gandhi E learning school) मध्ये विविध पदांसाठी सहा महिने मुदतीसाठी मानधन तत्वावर भरती (PMC Recruitment) करण्यात येणार आहे. महापालिकेच्या माध्यमिक शिक्षण विभागाकडून (PMC Éducation department) याची जाहिरात प्रसिद्ध करण्यात आली आहे. 42 शिक्षक पदे 15 शिक्षकेतर पदे भरण्यात येणार आहेत. यामध्ये शिपायापासून ते शिक्षक पदांचा समावेश आहे. इच्छुक उमेदवार यासाठी 8 ते 14 जून या कालावधीत अर्ज करू शकतात. अशी माहिती माध्यमिक शिक्षण विभागाच्या वतीने देण्यात आली. (PMC Pune Bharti 2023)

पुणे महानगरपालिका संचलित राजीव गांधी ॲकॅडमी ऑफ ई-लर्निंग स्कूल, शिवदर्शन, या सी.बी.एस.ई. बोर्ड मान्यता प्राप्त कायम विनाअनुदानीत इंग्रजी माध्यमाच्या शाळेमध्ये सन २०२२-२३ या शैक्षणिक वर्षासाठी सहा महिने मुदतीसाठी एकवट मानधनावर करार पध्दतीने नियुक्त्या करण्यात येणार आहेत. ह्या नियुक्त्या दरमहा एकवट मानधनवर नेणूका करणेत येणार आहेत. उमेदवारांनी सर्व कागदपत्रांसह परिपूर्ण अर्ज ८ ते १४ जून, २०२३ या कालावधीत शासकीय सुट्टी वगळून राजीव गांधी ॲकॅडमी ऑफ ई- लर्निंग स्कूल, शिवदर्शन, पुणे ४११००९ येथे शाळेच्या कामकाजाच्या काळात सकाळी ११ ते दुपारी २ पर्यंत या वेळेत समक्ष जमा करावेत. या कालावधीनंतर उमेदवारांचे अर्ज स्विकारले जाणार नाही याची नोंद घ्यावी. असे शिक्षण विभागाकडून सांगण्यात आले. (PMC Pune recruitment 2023)

या वेबसाईट वर अर्ज मिळेल
https://www.pmc.gov.in/sites/default/files/recruitment/RJ.pdf
सन २०२३-२४ या शैक्षणिक वर्षासाठी सहा महिने मुदतीसाठी दरमहा एकवट मानधन करार पध्दतीने भरावयाची पदे
शिक्षक पदे 
पदनाम                  पदे
शाला प्रमुख           1
पर्यवेक्षक               1
दुय्यम शिक्षक
  (माध्यमिक).       35
दुय्यम शिक्षक
(प्रायमरी).               5
शिक्षकेतर पदे 
 कनिष्ठ लिपिक         2
पूर्णवेळ ग्रंथपाल         1
प्रयोगशाळा सहायक
कॅम्पुटर लॅब                1
प्रयोगशाळा सहायक
विज्ञान प्रयोगशाळा      1
शिपाई                       10
सर्वसाधारण अटी या असतील 
१) शालाप्रमुख, पर्यवेक्षक, दुय्यम शिक्षक या पदाचे इच्छुक उमेदवारांचे पूर्ण शिक्षण हे इंग्रजी माध्यमामध्ये झालेले असणे आवश्यक आहे.
२) सर्वसाधारण खुल्या गटासाठी वयो र्गादा ही ४० वर्षे आणि मागासवर्गीय उमेदवारांस शासकीय नियमानुसार वयो र्गादा ही ४५ वर्षे राहील.
३) मागासवर्गीय उमेदवारांच्या नावाचा जातीचा दाखला व वैधताप्रमाणपत्र असणे आवश्यक.
४) या जाहिर प्रकटनातील शिक्षक पदासमोर दर्शविण्यात आलेल्या दरमहा एकवट मानधन करार पध्दतीने सहा महिने मुदतीसाठी शैक्षणिक मेरीट / गुणात्मक्तेने नेणूकीसाठी उमेदवारांनी सर्व कागदपत्रांसह परिपूर्ण अर्ज दिनांक ८ ते १४ जून, २०२३ या कालावधीत राजीव गांधी अॅकॅडमी ऑफ ई-लर्निंग स्कूल, शिवदर्शन, पुणे ४११००९ येथे शाळेच्या कामकाजाच्या काळात सकाळी ८ ते ११ ते दुपारी ३ पर्यंत या वेळेत समक्ष जमा करावेत. या कालावधीनंतर उमेदवारांचे अर्ज स्विकारले जाणार नाही याची नोंद घ्यावी.
५) अर्जासोबत आवश्यक त्या कागदपत्रांच्या प्रमाणीत केलेल्या छायामुद्रांकीत/ झेरॉक्स प्रती जोडण आवश्यक आहे. तसेच अर्ज पडताळणीसाठी सर्व छायामुद्रांकीत प्रतींच्या मूळ प्रती दाखविणेआवश्यक असल्याने येताना त्या घेऊन याव्यात. अपूर्ण अर्ज असल्यास बाद करणेत येऊन तो कार्यालयीन कागदपत्र म्हणून जमा करणेत येईल.
६) उमेदवार निवडीचे आणि काही कारणाने कोणताही बदल करण्याचे सर्व अधिकार मा. महापालिका आयुक्तांना आहेत.
७) उमेदवार निवडीसाठी कोणताही राजकीय, पदाधिकारी, अधिकारी यांचा दबाव आणल्यास सदर उमेदवारास अपात्र ठरविले जाईल याची नोंद घ्यावी.
८) निवड झालेल्या उमेदवाराची नेमणूक ही करारपध्दतीने एकवट मानधनावर आणि ठराविक मुदतीसाठी आवश्यकतेनुसार तात्पुरत्या स्वरुपात करण्यात येणार असून उमेदवारास कोणत्याही स्वरुपाचे कायम नेणुकीविषयी हक्क सांगता व मागता येणार नाही. तसेच नियमित सेवकाचे कोणतेही फायदे लागू राहणार नाही. (Pune Mahanagarpalika Bharti 2023)
——
News Title | PMC Pune Bharti 2023 | Pune Municipal Corporation’s e-learning school recruitment for the posts from soldier to teacher!

Pune Mahanagarpalika Shikshak Bharti 2023 | पुणे महापालिकेच्या शाळांमध्ये 260 पदांची शिक्षक भरती

Categories
Breaking News Education PMC social पुणे

Pune Mahanagarpalika Shikshak Bharti 2023 | पुणे महापालिकेच्या शाळांमध्ये 260 पदांची शिक्षक भरती

| इंग्रजी माध्यम करार पद्धतीवरील शिक्षक भरतीची जाहिरात प्रसिद्ध

Pune Mahanagarpalika Shikshak Bharti 2023 | पुणे महापालिकेच्या (Pune Municipal Corporation) प्राथमिक शिक्षण विभागाच्या (Primary Education Department) इंग्रजी शाळांमध्ये (English School) 260 पदांसाठी शिक्षक भरती (PMC Teacher Recruitment) करण्यात येणार आहे. सहा महिने कालावधीसाठी मानधन तत्वावर उमेदवार घेण्यात येणार आहेत. महापालिकेकडून याबाबतची जाहिरात प्रसिद्ध करण्यात आली असून यासाठी इच्छुक उमेदवारांनी अर्ज करण्याचे आवाहन महापालिका प्रशासनाच्या वतीने करण्यात आले आहे. (Pune Mahanagarpalika Shikshak Bharti 2023)

शिक्षण विभाग (प्राथमिक), पुणे महानगरपालिका (PMC Pune Primary Education Department) संचलित इंग्रजी माध्यमाच्या प्राथमिक शाळांसाठी सन २०२३-२४ करिता तात्पुरत्या स्वरुपात केवळ सहा महिनेपेक्षा कमी कालावधीकरिता दरमहा एकवट मानधन  २००००/- (वीस हजार रुपये फक्त) वर करार पद्धतीवरील इंग्रजी माध्यम प्राथमिक शिक्षक या पदाकरिता निवड, प्रतीक्षा यादी, शैक्षणिक
व व्यावसायिक पात्रतेच्या प्राप्त गुणानुक्रमे नेमणूक करण्यात येणार आहे. (PMC Pune Recruitment)

● शैक्षणिक व व्यावसायिक अर्हता व प्राधान्यक्रमाने खालीलप्रमाणे निश्चित केली जाईल.

१) इयत्ता १ली ते १२ वी इंग्रजी माध्यमातून शिक्षण व डी.एड. / बी.एड. इंग्रजी माध्यमातून उत्तीर्ण.
२) इयत्ता १ली ते १० वी पर्यंत इंग्रजी, १२ वी मराठी अथवा इतर माध्यमातून शिक्षण व डी.एड./ बी.एड. इंग्रजी माध्यमातून उत्तीर्ण.
३) इ. १ली ते १० वी मराठी अथवा इतर माध्यमातून व १२ वी इंग्रजी माध्यमातून शिक्षण व डी.एड/बी. एड इंग्रजी माध्यमातून उत्तीर्ण.
४) इयत्ता १ली ते १२ वी मराठी अथवा इतर माध्यमातून शिक्षण व डी.एड. / बी.एड. इंग्रजी माध्यमातून उत्तीर्ण.
५) वर नमूद उल्लेखित सर्व उमेदवारांना शिक्षक पात्रता परीक्षा (टीईटी/सीटीईटी) उत्तीर्ण असणे बंधनकारक राहील. टीईटी/ सीटीईटी उत्तीर्ण नसलेल्या उमेदवारांचे अर्ज स्वीकारले जाणार नाहीत. एकूण पदे – २६० (Pune Municipal Corporation)

उमेदवारांनी जाहिरात प्रसिद्ध झालेच्या दिनांकापासून ५ दिवसापर्यंत (सुट्टीचे दिवस वगळून) सकाळी ११.०० ते २.०० या वेळेपर्यंत अर्ज शिक्षण विभाग (प्राथमिक), कै. भाऊसाहेब शिरोळे भवन, जुना तोफखाना, शिवाजीनगर, पुणे ०५ येथे समक्ष हस्ते पोहोच सादर करावेत. पोस्टाने / टपालाने अर्ज स्वीकारले जाणार नाहीत. अर्ज सादर करतेवेळी उमेदवारांनी त्यांची मूळ कागदपत्रे पडताळणीसाठी सोबत घेवून यावीत. सविस्तर माहिती, अर्जाचा नमुना व जाहिरात https://www.pmc.gov.in/en/recruitments या संकेतस्थळावर प्रसिद्ध करण्यात आलेली आहे. उमेदवारांनी वरील संकेतस्थळाचे अवलोकन करावे. असे महापालिका प्रशासनकडून सांगण्यात आले आहे.

——
News Title | Pune Mahanagarpalika Shikshak Bharti 2023 |  260 Teacher Recruitment Posts in Pune Municipal Schools