Tag: Prashant jagtap

NCP : Pune : राष्ट्रवादी काँग्रेस कार्यालयात स्व. यशवंतराव चव्हाण सभागृहाचे नामकरण

Categories
Political पुणे

राष्ट्रवादी काँग्रेस कार्यालयात स्व. यशवंतराव चव्हाण सभागृहाचे नामकरण

पुणे : महाराष्ट्राचे पहिले मुख्यमंत्री स्व. यशवंतराव चव्हाण यांच्या पुण्यतिथीच्या पूर्वसंध्येस राष्ट्रवादी काँग्रेस भवन येथे स्व. यशवंतराव चव्हाण सभागृहाचे नामकरण, तैलचित्राचे अनावरण आणि पु. ल. देशपांडे ग्रंथालयाचा उद्घाटन समारंभ बुधवारी पार पडला.

डेंगळे पूल, शिवाजी नगर येथील राष्ट्रवादी काँग्रेस भवन येथील दुसऱ्या मजल्यावर कार्यकर्ता प्रशिक्षणासाठी उभारण्यात आलेल्या सभागृहाचे स्व. यशवंतराव चव्हाण सभागृह असे नामकरण करण्यात आले. मराठी साहित्य समितीचे अध्यक्ष प्रा. मिलिंद जोशी यांच्या हस्ते नामकरण समारंभ पार पडला. तसेच, या सभागृहातील स्व. यशवंतराव चव्हाण यांच्या तैलचित्राचे अनावरण व पदाधिकारी, कार्यकर्त्यांसाठी उभारण्यात आलेल्या पु. ल. देशपांडे ग्रंथालयाचे उद्घाटनही मिलिंद जोशी यांच्या हस्ते पार पडले.

मिलिंद जोशी यांनी मनोगत व्यक्त करताना स्व. यशवंतराव चव्हाण यांच्या जीवनचरित्राचे अनेक पैलू उलगडून सांगितले तसेच पु. ल. देशपांडे यांच्या आठवणींनाही उजाळा दिला.ग्रंथालयाच्या माध्यमातून विचारांची पकड अधिक मजबूत होण्यास मदत होईल. सध्याच्या या असहिष्णू काळात विचारांची लढाई विचारानेच लढण्यासाठी स्व. यशवंतराव चव्हाण साहेबांचा आदर्श डोळ्यासमोर ठेवण्याची गरज असून येत्या काळातील ही लढाई जिंकताना पु. लं.च्या विचारांचा निश्चित उपयोग होईल, याची खात्री आहे असेही श्री.मिलिंद जोशी म्हणाले.

याप्रसंगी राष्ट्रवादी काँग्रेसचे शहराध्यक्ष श्री.प्रशांत जगताप, जेष्ठनेते श्री.अंकुश काकडे,विरोधीपक्ष नेत्या सौ.दिपालीताई धुमाळ, शहर उपाध्यक्ष श्री.संदीप बालवडकर,राष्ट्रवादी युवकचे श्री.महेश हांडे,युवती शहराध्यक्षा सुषमा सातपुते, कार्याध्यक्षा अँड.श्रुती गायकवाड आदिंसह पदाधिकारी उपस्थित होते.

Ganesh Bidkar vs Prashant jagtap : सरंजामदारी मानसिकता असलेल्या पक्षाला संविधान दिनाचे काही देणेघेणे नसणे हे स्वाभाविकच : सभागृह नेते गणेश बिडकर यांचा राष्ट्रवादीवर हमला 

Categories
Breaking News PMC Political पुणे

सरंजामदारी मानसिकता असलेल्या पक्षाला संविधान दिनाचे काही देणेघेणे नसणे हे स्वाभाविकच

: सभागृह नेते गणेश बिडकर यांचा राष्ट्रवादीवर हमला

पुणे : केंद्रीय गृहमंत्री अमित शहा पुणे दौऱ्यावर येत आहेत. यावरून राष्ट्रवादी शहर अध्यक्ष प्रशांत जगताप यांनी भाजपची आलोचना केली आहे. यावर सभागृह नेते गणेश बिडकर यांनी देखील राष्ट्रवादी कॉंग्रेस वर हमला केला आहे. बिडकर म्हणाले कि, सरंजामदारी मानसिकता असलेल्या पक्षाला संविधान दिनाचे काही देणेघेणे नाही, हे देखील स्वाभाविकच आहे.

 

प्रशांत जगताप म्हणाले होते, भाजपचे  देशातील दुसऱ्या क्रमांकाचे नेते व केंद्रीय गृहमंत्री मा. अमित शहा हे २६ नोव्हेंबर रोजी पुण्यात येणार आहेत आणि त्यांच्या हस्ते पुणे भाजपच्या वतीने विविध विकासकामांचा शुभारंभ आणि महानगरपालिका निवडणूक प्रचाराचा नारळ फोडण्यात येणार असल्याचे समजते. खरे तर ही गलितगात्र झालेल्या भाजपची केविलवाणी धडपड आहे.

यावर गणेश बिडकर यांनी प्रशांत जगताप यांनी उत्तर दिले आहे.

बिडकर म्हणाले, संविधान दिनाच्या दिवशी महामानव डॉ. बाबासाहेब आंबेडकर यांच्या पुतळ्याचे अनावरण आणि रयतेचा राजा असलेल्या श्री. छत्रपती शिवरायांच्या पुतळ्याचे भूमीपूजन या कार्यक्रमासाठी अमित शहा पुण्यात येत आहेत. तो कार्यक्रम घेणे म्हणजे भाजपाच्या पायाखालची वाळू घसरणे आहे, असा विचार करणाऱ्या प्रशांत जगताप यांची आम्हाला कीव येते. सरंजामदारी मानसिकता असलेल्या पक्षाला संविधान दिनाचे काही देणेघेणे नाही, हे देखील स्वाभाविकच आहे. राष्ट्रवादीत राहून जगताप तुमची झेप फक्त सत्ता आणि निवडणूक यापुरतीच मर्यांदित झालेली आहे. पायाखालची वाळू कोणाची सरकते आहे, हे मार्च २०२२ मध्ये नक्कीच जगताप यांना समजेल.

PMRDA Election : Prashant Jagtap : शहर पातळीवरील काही नेतेमंडळीनी आघाडीत बिघाडी होण्याचीच भूमिका घेतली  : राष्ट्रवादी शहर अध्यक्ष प्रशांत जगताप यांनी व्यक्त केली खंत 

Categories
Breaking News PMC Political पुणे महाराष्ट्र

शहर पातळीवरील काही नेतेमंडळीनी आघाडीत बिघाडी होण्याचीच भूमिका घेतली

: राष्ट्रवादी शहर अध्यक्ष प्रशांत जगताप यांनी व्यक्त केली खंत

पुणे : पुणे महानगर प्रदेश विकास प्राधिकरण (पीएमआरडीए) नियोजन समितीच्या निवडणुकीत राष्ट्रवादी काँग्रेस व शिवसेना आघाडीचे आठही उमेदवार विजयी झाले आहेत. त्याबद्दल, दोन्ही पक्षांचे वरिष्ठ नेते, सर्व विजयी उमेदवार आणि राष्ट्रवादी काँग्रेस व शिवसेना या दोन्ही पक्षांचे नगरसेवक व कार्यकर्त्यांचे राष्ट्रवादी काँग्रेस पक्षाच्या वतीने मन:पूर्वक अभिनंदन. आगामी महानगरपालिका निवडणुकांच्या पार्श्वभूमीवर हा निकाल निश्चितच आमचा उत्साह दुणावणारा आहे. मात्र, शहर पातळीवरील काही नेतेमंडळीनी आघाडीत बिघाडी होण्याचीच भूमिका घेतल्याने अखेर निवडणुकीला सामोरे जावे लागले. अशी खंत राष्ट्रवादीचे शहर अध्यक्ष प्रशांत जगताप यांनी व्यक्त केली.

पुणे व पिंपरी चिंचवड महानगरपालिकेतील संख्याबळानुसार नियोजन समितीच्या एकूण २२ जागांपैकी राष्ट्रवादी काँग्रेसचे सात व शिवसेनेचा एक असे आघाडीचे आठही उमेदवार विजयी झाले आहेत. आमचे मार्गदर्शक आदरणीय शरदचंद्रजी पवार साहेब, राज्याचे मुख्यमंत्री आदरणीय उद्धव ठाकरे साहेब, आमचे नेते व राज्याचे उपमुख्यमंत्री आदरणीय अजितदादा पवार, शिवसेना पुणे जिल्हा प्रमुख व माजी मंत्री आदरणीय सचिनभाऊ अहिर, राष्ट्रवादी काँग्रेस व शिवसेनेचे पुणे व पिंपरी चिंचवड महानगरपालिकेतील गटनेते, शहरप्रमुख आणि सर्व कार्यकर्त्यांचे मी मनापासून आभार मानतो.

पुणे व पिंपरी चिंचवड महानगरपालिकेच्या सार्वत्रिक निवडणुकीपूर्वी झालेली ही ‘पीएमआरडीए’ नियोजन समितीची निवडणूक महत्त्वपूर्ण होती. त्यामुळे, राज्यात एकत्रित सत्तेत असलेल्या राष्ट्रवादी काँग्रेस, शिवसेना व काँग्रेस या तिन्ही पक्षांनी एकत्रितपणे निवडणुकीला सामोरे जावे, अशी भावना पक्षाचे वरिष्ठ नेते, नगरसेवक व कार्यकर्त्यांची होती. काँग्रेसचे संख्याबळ पाहता एकही उमेदवार विजयी होणार नसल्याचे निश्चित होते. त्यामुळे, काँग्रेसने उमेदवार उभा करू नये, अर्ज माघारी घ्यावा, यासाठी पक्षाच्या वरिष्ठ नेत्यांसह आम्हीही आग्रही विनंती करीत होतो. मात्र, शहर पातळीवरील काही नेतेमंडळीनी आघाडीत बिघाडी होण्याचीच भूमिका घेतल्याने अखेर निवडणुकीला सामोरे जावे लागले. बुधवार, दि. १० नोव्हेंबर रोजी झालेल्या या निवडणुकीचा निकाल शुक्रवारी जाहीर झाला असून, यात अपेक्षेप्रमाणे राष्ट्रवादी काँग्रेस व शिवसेना आघाडीचे सर्व आठ उमेदवार विजयी झाले आहेत.

आगामी पुणे व पिंपरी चिंचवड महानगरपालिका निवडणुकीच्या पार्श्वभूमीवर हा निकाल निश्चित आमचा उत्साह दुणावणारा आहे. तसेच, हा निकाल आगामी निवडणुकीतील विजयाची नांदी आहे, असा आमचा ठाम विश्वास आहे. राष्ट्रवादी काँग्रेस व शिवसेना या दोन्ही पक्षांच्या कार्यकर्त्यांचे मनोमीलन या निवडणुकीच्या निकालात दिसून आले असून, आगामी काळातही ते दिसून येईल, यात काही शंका नाही. मात्र, कार्यकर्ते, नगरसेवक यांच्या म्हणण्याकडे दुर्लक्ष करून स्वत:चेच मत त्यांच्यावर लादणाऱ्या काँग्रेसच्या काही नेत्यांमुळे काँग्रेस या आघाडीचा भाग होऊ शकली नाही, याची निश्चितच खंत वाटते. एकीकडे राष्ट्रवादी काँग्रेस व शिवसेना आघाडीचा विजयी जल्लोष सुरू असताना दुसरीकडे काँग्रेसला आत्मचिंतन करावे लागत आहे, याचेही आम्हाला निश्चितच एक मित्रपक्ष म्हणून वाईट वाटते. परंतु, या निकालाने राज्यात एकत्र सत्तेत असलेल्या राष्ट्रवादी काँग्रेस व शिवसेना या दोन्ही पक्षांच्या वरिष्ठ नेत्यांच्या सूचनेनुसार शहर पातळीवरील नेत्यांनी, नगरसेवकांनी व कार्यकर्त्यांनी जी एकी दाखवून दिली, ती निश्चितच यापुढेही यशस्वी, विजयी वाटचालीची ठरेल, यात काही शंका नाही.

 

Prashant jagtap vs BJP : संस्कृत पुण्यात महापौरांसह भाजप पदाधिकाऱ्यांची संघटित गुंडगिरी : राष्ट्रवादी शहर अध्यक्ष प्रशांत जगताप यांचा पुन्हा हमला 

Categories
PMC Political पुणे

संस्कृत पुण्यात महापौरांसह भाजप पदाधिकाऱ्यांची संघटित गुंडगिरी

: राष्ट्रवादी शहर अध्यक्ष प्रशांत जगताप यांचा पुन्हा हमला

पुणे : पुणे महानगरपालिकेतील सत्ताधारी भाजप गुंडांसोबत वावरण्याचेच काम करीत नाहीत, तर या पक्षाचे प्रमुख पदाधिकारी प्रत्यक्ष गुंडगिरी करायला लावून संघटित गुन्हेगारीत सहभागी होत आहेत, हे शुक्रवारी एका प्रकरणात समोर आले आहे. विशेष म्हणजे, पुण्यनगरीचे प्रथम नागरिक अशा प्रतिष्ठेचे पद असलेल्या महापौरांचाही या संघटित गुन्हेगारीत समावेश असल्याचे उघड होत आहे. ही पुणेकर म्हणून नक्कीच शरमेने मान खाली घालायला लावणारी घटना आहे. ज्या गुंड सदा ढावरेच्या माध्यमातून ही संघटित गुन्हेगारी करण्यात येत होती, त्या सदा ढावरेला गेल्या आठ दिवसांपासून कुणाकुणाचे फोन आले होते, यात आणखी कोण सहभागी आहे, हे तपासण्यासाठी ढावरेचा ‘सीडीआर’ काढण्यात यावा, अशी मागणी राष्ट्रवादी काँग्रेसतर्फे शनिवारी मा. पोलिस आयुक्तांकडे करण्यात येणार आहे. अशी महिती राष्ट्रवादी कॉंग्रेस चे शहर अध्यक्ष प्रशांत जगताप यांनी दिली.

: सत्य फार काळ लपून राहात नाही : जगताप

प्रशांत जगताप म्हणाले, भाजपचे  प्रदेशाध्यक्ष व कोथरूडचे आमदार चंद्रकांत पाटील यांच्या उपस्थितीतील कार्यक्रमात गुन्हेगारी पार्श्वभूमी असलेल्या काहीजणांचा भाजप प्रवेश करण्याचा प्रयत्न बुधवारी फसला. परंतु, सुसंस्कृत अशी बिरुदावली मिरवणाऱ्या भाजपचा खरा चेहरा उघड करणाऱ्या या घटनेचे वार्तांकन प्रसारमाध्यमांतून प्रसिद्ध झाल्यानंतर भाजपची झोप उडाली आहे. त्यावर सभागृहनेते गणेश बीडकर व भाजपचे प्रवक्ते संदीप खर्डेकर यांनी पत्रकार परिषद घेऊन भाजपची व चंद्रकांत पाटील यांची बाजू सावरण्याचा केविलवाणा प्रयत्न केला. परंतु, त्यात ते पूर्णपणे उघडे पडले आणि माझ्यावर व माझा पक्ष राष्ट्रवादी काँग्रेसवर बिनबुडाचे आरोप करण्याचा प्रयत्न केला. खरे तर आपले आणखी काही उघड होऊ नये म्हणून अशी ही धडपड बीडकर यांच्याकडून सुरू होती. परंतु, सत्य फार काळ लपून राहात नाही, हे पुन्हा एकदा सिद्ध झाले असून, भाजपच्या पदाधिकाऱ्यांचे दोन कारनामे नव्याने उघड झाले आहेत.

जगताप म्हणाले, माझ्या वानवडी प्रभागातील भाजपचे नगरसेवक धनराज घोगरे यांनी मारहाण केल्याची व धमकावल्याची तक्रार एका ठेकेदाराने केली आहे. यात अधिक चौकशी केली असता, हे प्रकरण तेवढ्यापुरतेच मर्यादित नसून, ही संघटित गुन्हेगारी असल्याचे समोर आले आहे. घोगरे यांनी पैशांच्या बदल्यात ठेकेदाराला काम देण्याचे कबूल केले होते. परंतु, कामही दिले नाही आणि घेतलेले पैसेही दिले नाहीत. उलट पैसे मागणाऱ्या ठेकेदाराला मारहाण केल्याची तक्रार ठेकेदाराने १५ दिवसांपूर्वी पोलिस स्टेशनला दिली आहे. ही तक्रार दाखल करून वारंवार पाठपुरावा केल्यानंतर अखेर घोगरेंविरोधात आरोपपत्र दाखल झाले. त्यानंतर फिर्यादीला वारंवार धमक्या देण्यात आल्या. इतकेच नव्हे, तर महापौर मुरलीधर मोहोळ यांनी हे प्रकरण मिटविण्यासाठी भाजप नगरसेविका अर्चनाताई पाटील यांचे पती तुषार पाटील यांना फोन केला. त्यानुसार, तुषार पाटील यांनी त्यांच्याच पक्षातील गुंड सदा ढावरेला सांगून फिर्यादीला उचलण्याचे आदेश दिले. तुषार पाटील यांच्या सांगण्यावरून सदा ढावरेने फिर्यादीचे अपहरण करून त्याला कोर्टात घेऊन गेले व मारहाण झाली नसल्याचे, तक्रार नसल्याचे प्रतिज्ञापत्र करण्यात आले. फिर्यादीला थेट उचलून नेल्याने त्याच्याकडे पॅनकार्ड, आधारकार्ड असे काहीही कागदपत्र नव्हते. या प्रकरणाचे गांभीर्य ओळखून फिर्यादीने प्रतिज्ञापत्रावर खोटी सही केली व लघुशंकेचे निमित्त करून तेथून पळ काढला. फिर्यादीने थेट दत्तवाडी पोलिस स्टेशन गाठले आणि आरोपींविरोधात तक्रार दाखल केली. या वेळी संपूर्ण घटनाक्रम ऐकल्यानंतर पोलिसांनी गुंड सदा ढावरेला अटक केली. सदा ढावरेच्या चौकशीत त्याने तुषार पाटील यांनी सांगितल्यानुसार अपहरण केल्याचे सांगितले. पोलिस निरीक्षकांनी तुषार पाटील यांना फोन केल्यानंतर त्यांनी महापौरांनी सांगितल्यानुसार सदा ढावरेला अपहरण करायला सांगितले, असा जबाब दिला आहे. त्यानुसार, सदा ढावरे व तुषार पाटील यांच्यावर गुन्हा दाखल झाला आहे.

या प्रकरणाचा थेट संबंध महापौरांपर्यंत येऊन ठेपला आहे. परंतु, महापौरपद हे सन्माननीय पद असल्याने त्यांच्यावर गुन्हा दाखल करावा, अशी मागणी आम्ही करणार नाही. मात्र, भाजपचे शहराध्यक्ष, प्रदेशाध्यक्ष, सभागृहनेत्यांनी या प्रकरणी खुलासा करावा, अशी मागणी आम्ही करीत आहोत. तसेच, ही घटना गंभीर असल्याने गेल्या १५ दिवसांपासून सदा ढावरेला कुणाकुणाचे फोन येत होते, हे तपासण्यासाठी ढावरेचा ‘सीडीआर’ काढण्यात यावा, अशी मागणी पोलिस आयुक्तांना करणार आहोत. असे ही जगताप म्हणाले.

Politics : चंद्रकांतदादांवर उठसुठ आरोप करणे हा प्रशांत जगतापांचा धंदा झालाय !  : महापौर मुरलीधर मोहोळ यांनी जगतापांना सुनावले 

Categories
PMC Political पुणे

चंद्रकांतदादांवर उठसुठ आरोप करणे हा प्रशांत जगतापांचा धंदा झालाय !

: महापौर मुरलीधर मोहोळ यांनी जगतापांना सुनावले

पुणे: गेले दोन दिवस भाजप आणि राष्ट्रवादीचे प्रशांत जगताप यांच्यात चांगलाच वाद पाहायला मिळतो आहे. राष्ट्रवादीचे शहर अध्यक्ष प्रशांत जगताप यांनी चंद्रकांत पाटील यांच्यासोबत महापौर आणि सभागृह नेते यांना देखील आरोपीच्या पिंजऱ्यात उभे केले आहे. यावर महापौर मुरलीधर मोहोळ यांनी जगतापांना चांगलेच सुनावले. महापौर म्हणाले चंद्रकांतदादांवर उठसुठ आरोप करणे हा प्रशांत जगतापांचा धंदा झालाय. पण आता त्यांनी वैयक्तिक पातळीवरील टीका थांबवावी. तसे नाही झाले तर आम्हाला देखील वैयक्तिक पातळीवर यावे लागेल. असा इशारा महापौरांनी दिला आहे.

: आम्ही देखील विसरू पुण्याची राजकीय संस्कृती

महापौर म्हणाले, वैयक्तिक पातळीवर जाऊन आरोप करणे ही पुण्याची राजकीय संस्कृती नाही. तरीही जगताप असे आरोप करत असतील तर ते चुकीचे आहे. आम्हाला देखील मग राजकीय संस्कृती विसरावी लागेल. जगतापांनी शहराच्या हितावर बोलावे. आणि दोषी लोकांना सजा देण्याचे काम पोलिसांचे आहे. जगतापांनी त्यात पडू नये. महापौर पुढे म्हणाले, चंद्रकांत दादासारख्या माणसावर आरोप करताना जगतापांनी भान ठेवावे. तुमचे जेवढे वय नाही, तेवढा सामाजिक आणि राजकीय अनुभव त्यांना आहे. आम्ही जगतापांना फार गांभीर्याने घेत नाही. मात्र आता त्यांनी थांबावे. अन्यथा जगतापांना त्याची किंमत मोजावी लागेल.

: विरोधी पक्ष नेत्यांच्या पतीने जेलची हवा खाल्ली : बिडकर

दरम्यान सभागृह नेते गणेश बिडकर यांनी देखील राष्ट्रवादीचा समाचार घेतला. बिडकर म्हणाले राष्ट्रवादीचा एक विद्यमान नगरसेवक नुकतीच जेलची हवा खाऊन आला आहे. तर विरोधी पक्ष नेत्या यांचे पती बाबा धुमाळ देखील शिक्षण मंडळाचे अध्यक्ष असताना जेलची हवा खाऊन आले आहेत. बिडकर पुढे म्हणाले, तपास करण्यासाठी यंत्रणा आहेत. तपासामध्ये काही तथ्य असल्यास न्याय यंत्रणा आहे. आमचा न्याय व्यवस्थेवर पूर्ण विश्वास असून आवश्यक त्या चौकशीसाठी तयार आहोत. राष्ट्रवादी काँग्रेसचे शहराध्यक्ष प्रशांत जगताप हे वकीली का करत आहेत? हेच समजत नाही.

Ganesh Bidkar vs Prashant Jagtap : संस्कृती बिघडवत असल्याचा आरोप म्हणजे या शतकातील महान विनोद! : गणेश बिडकर

Categories
PMC Political पुणे

संस्कृती बिघडवत असल्याचा आरोप म्हणजे या शतकातील महान विनोद!

गणेश बिडकर यांनी घेतला प्रशांत जगताप यांचा समाचार

पुणे : भारतीय जनता पार्टीचे प्रदेशाध्यक्ष चंद्रकांतदादा पाटील पुण्याची संस्कृती बिघडवत असल्याचा आरोप राष्ट्रवादी काँग्रेसचे शहराध्यक्ष प्रशांत जगताप यांनी केला आहे. राष्ट्रवादीच्या नेत्याने भाजपाच्या नेत्यावर संस्कृती बिघडवत असल्याचा आरोप करणे, हा या शतकातील महान विनोद आहे. कोरोनामुळे मानसिक ताण अनेकांवर आलेला आहे, परंतु तो जगताप यांच्यावर अधिकच आलेला दिसतो, अशा शब्दात सभागृह नेते गणेश बिडकर यांनी जगताप यांचा समाचार घेतला.
जगताप यांना अत्यंत परिश्रमानंतर, प्रतीक्षेनंतर पक्षाच्या शहराध्यक्षपदाची वस्त्रे देण्यात आली आहेत. सुसंस्कृततेच्या नावाने बोंब असलेल्या पक्षाचे ते प्रतिनिधित्व करीत आहेत, त्यामुळे चांगले काय बोलायचे, हे त्यांना उमजत नसल्याने विरोधकांवर बेलगाम आरोप करीत ते आपल्या पक्षाच्या संस्कृतीशी इमान राखत आहेत, असे बिडकर म्हणाले.

राष्ट्रवादीचे दोन विद्यमान लोकप्रतिनिधी ‘मोका’ कायद्याखाली तुरुंगाची हवा खाऊन आलेले

महाराष्ट्रातच नव्हे, तर देशातही राजकारणी आणि गुन्हेगार संबंध असा विषय पुढे आल्यावर एकमुखाने कोणाचे नाव पुढे येते, याचा उच्चार करण्याची गरज नाही. गुन्हेगारांचे राजकारण्यांशी संबंध हा विषय काय, हे महाराष्ट्राचे माजी मुख्यमंत्री सुधाकरराव नाईक खूप चांगल्या पद्धतीने समजावून सांगत. त्यांच्या समकालीन नेत्यांशी बोलल्यास जगताप यांना खूप तपशिलाने माहिती मिळेल. नरसिंह राव पंतप्रधान असताना ‘व्होरा समिती’ने गुन्हेगार आणि राजकारणी संबंध यावर अहवाल तयार केला होता, तोही प्रशांत जगताप यांनी नजरेखालून घालावा. पुण्याचाच विचार करायचा तर राष्ट्रवादीचे दोन विद्यमान लोकप्रतिनिधी ‘मोका’ कायद्याखाली तुरुंगाची हवा खाऊन आलेले आहेत. यातील एकाचे तर मार्गदर्शन सकाळ-संध्याकाळ जगताप घेत आहेत. त्यांना रोज बरोबर घेऊन फिरताना जगताप यांना कोणता संत्संग घडतो आहे, असा सवाल सभागृह नेते बिडकर यांनी विचारला आहे. जगताप यांच्या पक्षाचे गृहमंत्री या राज्याला लाभले होते, ते अनिल देशमुख १०० कोटींच्या वसुलीच्या प्रकरणानंतर फरार आहेत. त्यांच्याविषयी जगतापांना काहीच बोलायचे नाही का? आपला पक्ष जनतेच्या मनातील सर्वात भ्रष्ट, गुंडांचा अशी प्रतिमा असताना जगताप जेव्हा संस्कृतीच्या गोष्टी करतात, तेव्हा त्यांच्या आत्मविश्वासाचे कौतुक करावेसे वाटते.
महिलांना समान संधी देण्यात राष्ट्रवादी अग्रेसर असल्याचा दावा केला जातो, पण दोन महिला चंद्रकांतदादांना आमदारकीची दोन वर्षे पूर्ण केल्याच्या निमित्ताने सदिच्छा द्यायला आल्याबरोबर त्या महिलांच्या बदनामीची मोहीम जगताप उघडतात, हे त्यांच्यातील पोकळ समतावादी दृष्टिकोनाचे दर्शन आहे. या महिलांचे भाऊ, पती काय करतात यावरून त्यांना बदनाम करणे, हा त्या महिलांवरील अन्याय आहे. या युगात महिलांना स्वतःची मते आहेत, स्वातंत्र्य आहे. असे असताना महिलांना केवळ त्यांच्या नातलग पुरुषांच्या प्रतिमेवरून जोखणे, हे महापौर राहिलेल्या जगताप यांना शोभत नाही. या महिलांना नव्याने काही सुरुवात करायची असेल, तर संधी नाकारणारे जगताप कोण? यातून जगताप यांचा महिलांप्रतिचा संकुचित दृष्टिकोन अधोरेखित होतो आहे. आधार देणारा, ज्याच्याकडे विश्वासाने जावे, अशा सहृदयी व्यक्तीला प्रेमाने ‘दादा’ या नावाने संबोधले जाते. चंद्रकांतदादांमधील दादा हा सहृदयी व्यक्तिमत्त्वाचा दादा आहे. अन्यथा पुण्यातील जनतेला ‘दादा’ नावाची ओळख काय होती, हे तुम्हीच अधिक अधिकारवाणीने सांगू शकतात, असा टोला देखील बिडकर यांनी लगावला आहे.

Chandrakant patil : Prashant Jagtap : प्रशांत जगताप म्हणतात; चंद्रकांतदादा पुण्याची संस्कृती बिघडवू नका…

Categories
Breaking News Political पुणे

प्रशांत जगताप म्हणतात; चंद्रकांतदादा पुण्याची संस्कृती बिघडवू नका…

: पाटील यांच्या कार्यक्रमात तडीपार गुंडाची उपस्थिती

पुणे : सुसंस्कृत पक्ष अशी बिरुदावली मिरविणाऱ्या भारतीय जनता पक्षाचा व या पक्षाच्या नेत्यांचा खरा चेहरा पुन्हा एकदा समोर आला आहे. भाजपचे प्रदेशाध्यक्ष व कोथरूडचे आमदार चंद्रकांत पाटील यांनी जणू पुण्याची संस्कृती बिघडविण्याचा चंगच बांधला आहे की काय, असा प्रश्न उपस्थित होत आहे. तसेच, भाजप पुण्याची संस्कृती कोणत्या दिशेने घेऊन जात आहे, हेही स्पष्ट होत आहे. असा आरोप राष्ट्रवादीचे शहर अध्यक्ष प्रशांत जगताप यांनी केला आहे.

: शांत पुण्याला अशांत करण्याचा प्रयत्न का करीत आहेत

जगताप म्हणाले, गुन्हेगारी पार्श्वभूमी असलेल्यांच्या कुटुंबातील काही मंडळींनी मंगळवारी चंद्रकांत पाटील यांच्या उपस्थितीत भाजप प्रवेशाचा प्रयत्न केला. परंतु, महापौर मुरलीधर मोहोळ व इतर नेत्यांनी या वेळी या प्रवेशाबाबत हात वर करण्याचा प्रयत्न केला. मात्र, कुख्यात गुंड दीपक गागडे व नाना मोघे हे चंद्रकांत पाटील यांच्यासोबत यापूर्वी कार्यक्रमांत दिसून आले आहेत. विशेष म्हणजे तडीपार असताना चंद्रकांत पाटील यांच्यासोबत या गुंडांची उपस्थिती होती. मंगळवारीही पुन्हा याच प्रकारची पुनरावृत्ती झाली. या घटना पाहता चंद्रकांत पाटील पुण्याची संस्कृती कोणत्या दिशेने नेऊ पाहात आहेत, शांत पुण्याला अशांत करण्याचा प्रयत्न का करीत आहेत, भाजपकडून आगामी पुणे महानगरपालिकेची निवडणूक अशा गुंड प्रवृत्तीवरच लढवली जाणार आहे का, असे प्रश्न उपस्थित होत आहेत. चंद्रकांत पाटील यांनी भाजपचे प्रदेशाध्यक्ष व पुणे शहरातील लोकप्रतिनिधी म्हणून या प्रश्नांची उत्तरे देण्याची गरज आहे.

तसेच, तत्कालीन मुख्यमंत्री व विद्यमान विरोधी पक्षनेते देवेंद्र फडणवीस यांनी पोलादी हातांनी पुण्याची गुंडगिरी मोडून काढा, अशी गर्जना केली होती. त्याचे काय झाले? या गर्जनेचा भाजपला विसर पडला आहे का? जे प्रदेशाध्यक्ष या गुंडगिरीला बळ देत आहेत, त्यांना पुण्याची शांतता भंग होऊ देऊ नका, हे सांगण्याचे फडणवीस यांचे धारिष्ट्य नाही का, असा आमचा सवाल आहे.

पुण्याची ओळख ही सुसंस्कृत शहर म्हणून आहे. ती तशीच राहू देण्याची लोकप्रतिनिधींची जबाबदारी आहे. शहराच्या विकासाच्या प्रश्नांपासून पळ काढणारे चंद्रकांत पाटील यांनी निदान पुण्याची संस्कृती बिघडू न देण्याच्या जबाबदारीपासून तरी पळ काढू नये, हे राष्ट्रवादी काँग्रेसतर्फे आम्ही चंद्रकांत पाटील यांना सांगू इच्छितो. असे ही पाटील म्हणाले.

NCP :Pune : पुणे शहर राष्ट्रवादी युवती सेलच्या अध्यक्षपदी सुषमा सातपुते 

Categories
Political पुणे

पुणे शहर राष्ट्रवादी युवती सेलच्या अध्यक्षपदी सुषमा सातपुते

:कार्याध्यक्षपदी अँड. श्रुती गायकवाड यांची निवड

पुणे : राष्ट्रवादी युवती काँग्रेसच्या राष्ट्रीय अध्यक्षा सुप्रिया  सुळे व युवती प्रदेशाध्यक्ष सक्षणा सलगर यांच्या सुचनेनुसार राष्ट्रवादी काँग्रेस पार्टीच्या युवती सेलच्या पुणे शहर अध्यक्षपदी सुषमा सातपुते यांना संधी देण्यात आली असून, अँड . श्रुती गायकवाड या कार्याध्यक्ष म्हणून काम करतील. नवनिर्वाचित पदाधिकाऱ्यांचे शहराध्यक्ष प्रशांत जगताप यांनी अभिनंदन केले

विद्येचे माहेरघर असणाऱ्या पुणे शहरात युवतीच्या समस्यांना वाचा फोडण्यासाठी , त्यांच्या अडीअडचणीला धावून जाण्यासाठी सक्षम युवती सेल देण्याचा राष्ट्रवादी काँग्रेस पार्टीचा मानस असून, शरदचंद्रजी पवार यांचे विचार सर्वसामान्यांपर्यंत पोहचवण्यासाठी,  उपमुख्यमंत्री अजितदादा पवार,प्रदेशाध्यक्ष  जयंत पाटील.  खासदार तथा राष्ट्रवादी युवती काँग्रेसच्या राष्ट्रीय अध्यक्षा सुप्रियताई सुळे व युवती प्रदेशाध्यक्ष सक्षणाताई सलगर यांच्या सुचनेनुसार राष्ट्रवादी काँग्रेस पार्टीच्या युवती सेलच्या पुणे शहर अध्यक्षपदी सुषमा सातपुते यांना संधी देण्यात आली असून, अँड . श्रुती गायकवाड या कार्याध्यक्ष म्हणून काम करतील. नवनिर्वाचित पदाधिकाऱ्यांचे शहराध्यक्ष प्रशांत जगताप यांनी अभिनंदन केले असून भावी वाटचालीस शुभेच्छा दिल्या.