Tag: Pune Potholes News

Potholes in Pune | 7 ऑक्टोबर पर्यंत खड्डे बुजवण्याचे अतिरिक्त आयुक्तांचे आदेश | अन्यथा संबंधित कनिष्ठ अभियंत्यांवर होणार कारवाई!

Categories
Breaking News PMC social पुणे

Potholes in Pune | 7 ऑक्टोबर पर्यंत खड्डे बुजवण्याचे अतिरिक्त आयुक्तांचे आदेश | अन्यथा संबंधित कनिष्ठ अभियंत्यांवर होणार कारवाई!

Potholes in Pune | पुणे | पुणे शहरात नुकत्याच पडून गेलेल्या पावसाने सर्व महत्वाच्या रस्त्यांवर खड्ड्यांचे साम्राज्य (Pune Potholes) झाले आहे. यामुळे नागरिक त्रस्त झाले आहेत. याबाबत महापालिका प्रशासन सतर्क झाले असून 7 ऑक्टोबर पर्यंत खड्डे बुजवण्याचे आदेश महापालिका अतिरिक्त आयुक्त विकास ढाकणे (PMC Additional Commissioner Vikas Dhakane)!यांनी संबंधित विभागाला दिले आहेत. अन्यथा 9 ऑक्टोबर पासून संबंधित कनिष्ठ अभियंता (JE) यांच्यावर कारवाई करण्यात येईल. अशी माहिती विकास ढाकणे यांनी दिली. (Pune Municipal Corporation)
शहरातील सर्व प्रमुख रस्त्यांवर खड्डे झाले आहेत. विशेष म्हणजे हे खड्डे खूपच मोठे आहेत. ज्यामुळे नागरिकांना गाडी चालवणे देखील जिकिरीचे झाले आहे. याबाबत नागरिकांकडून महापालिका प्रशासनाकडे तक्रारीचा ओघ सुरु झाला आहे. त्यामुळे महापालिका प्रशासनाला देखील याची दखल घेणे भाग पडले आहे. त्यानुसार प्रशासनाकडून खड्डे बुजवण्याचे काम सुरु झाले आहे. याबाबत अतिरिक्त आयुक्त विकास ढाकणे यांनी सांगितले कि आम्ही सर्व प्रमुख रस्त्यांची स्थिती जाणून घेतली आहे. त्यानुसार खड्डे बुजवण्याचे काम सुरु झाले आहे. सर्व क्षेत्रीय कार्यालयाकडील रस्ता दुरुस्ती करणाऱ्या गाड्या तैनात करण्यात आल्या आहेत. त्यानुसार आज 15 गाड्या सिंहगड रस्त्यावर दुरुस्तीच्या कामासाठी पाठवण्यात आल्या. त्यानुसार काम करण्यात आले. उद्या कात्रज कोंढवा रोड वर 5 गाड्या तैनात करण्यात येतील. त्यानंतर नगर रोड, मगरपट्टा रोड, अशा सर्व रस्त्यांवरील खड्ड्यांची दुरुस्ती केली जाईल. (PMC Pune)
—
पथ विभाग आणि क्षेत्रीय कार्यालयांना खड्डे बुजवण्यासाठी 7 ऑक्टोबर पर्यंतचा कालावधी देण्यात आला आहे. या कालावधीत हे झाले नाही तर 9 ऑक्टोबर पासून संबधित कनिष्ठ अभियंता यांच्यावर कारवाई केली जाईल.
– विकास ढाकणे, अतिरिक्त आयुक्त, पुणे मनपा 
—–

Pune Potholes | 24×7 पाणीपुरवठा योजनेची खोदाई म्हणजे पुणेकरांसाठी विकतचा मनस्ताप | खड्डे बुजणार कधी आणि कसे हे स्पष्ट करावे | संदीप खर्डेकर यांची मागणी

Categories
Breaking News PMC Political social पुणे

Pune Potholes | 24×7 पाणीपुरवठा योजनेची खोदाई म्हणजे पुणेकरांसाठी विकतचा मनस्ताप |  खड्डे बुजणार कधी आणि कसे हे स्पष्ट करावे | संदीप खर्डेकर यांची मागणी

Pune Potholes | 24×7, पुणे मेट्रो यासह विविध विकासकामांसाठी केलेल्या खोदाई नंतर पुण्यातील अनेक रस्त्यांची शब्दश: चाळण झाली असून ह्या रस्त्यांवरून जाताना नागरिकांची हाडं आणि वाहने सुद्धा खिळाखिळी झाली आहेत. विशेष म्हणजे सर्व स्तरावर तक्रारी करूनही परिस्थिती जैसे थे च आहे.  24×7 पाणीपुरवठा योजनेची खोदाई म्हणजे पुणेकरांसाठी विकतचा मनस्ताप असा आरोप करत खड्डे बुजणार कधी आणि कसे हे स्पष्ट करावे, अशी मागणी भाजप प्रवक्ते संदीप खर्डेकर (BJP Spokesperson Sandeep Khardekar) यांनी महापालिका अतिरिक्त आयुक्त विकास ढाकणे (Additional Commissioner Vikas Dhakane) यांच्याकडे केली आहे. (Pune Potholes)
खर्डेकर यांनी अतिरिक्त आयुक्तांना दिलेल्या पत्रानुसार त्वरित खड्डे बुजविण्याचे आदेश देतानाच खड्डे ना बुजविल्यास संबंधितांवर कारवाई करणार असल्याचा ही इशारा आपण दिला आहे. वानगी दाखल फक्त कर्वेनगर व एरंडवण्यातील काही उदाहरण देत आहे. अलंकार पोलीस स्टेशन जवळील शैलेश पूल, पुढे समर्थ पथावरील शक्ती 98 चौक, गिरीजाशंकर विहार कडे जाणारा रस्ता, k52 समोरील तसेच सहवास सोसायटी कडे जाणारा रस्ता, नळस्टॉप चौकातील गल्लीत टेलिफोन एक्सचेंज मागील रस्ता अश्या अनेक ठिकाणी रस्ते खचले असून चिखलाचे साम्राज्य झाले आहे. यावरून दुचाकी घसरून पडणाऱ्या नागरिकांची संख्या मोठी आहे. तर अनेकांना पावसाचे पाणी साचल्यावर खड्ड्याचा अंदाज ना आल्याने गाडी उडून कंबर, मान आणि मणकेला मार बसला आहे. 24×7 पाणीपुरवठा योजना शहरासाठी महत्वाची असली तरी सदर काम करणाऱ्या कंपनी कडून रस्ते व्यवस्थित पूर्ववत केले जात नाहीत ही वस्तुस्थिती आपण लक्षात घ्यावी. यामुळे 24×7 म्हणजे पुणेकरांसाठी विकतचे दुखणे झाले आहे.मनपा च्या पावसाळी लाईन, ड्रेनेज लाईन, महावितरण च्या विद्युत लाईन, खासगी कंपन्याची केबल साठीची खोदाई ह्या सगळ्या कामानंतर रस्ते व्यवस्थित पूर्ववत केले जात नाहीत आणि त्याचा मोठा फटका पुणेकरांना बसत आहे. खड्डे बुजविताना डांबर योग्य तपमानाचे नसल्याने लगेचच खडी रस्त्यावर पसरते आणि खड्डा परवडला पण अशास्त्रीय पद्धतीने बुजविणे नको असे सर्वांचेच मत झाले आहे.तरी आपण युद्ध पातळीवर यंत्रणा राबवून पुणेकरांना दिलासा द्यावा. अजून पुण्यात मोठा पाऊस झालेला नाही. त्यानंतर काय स्थिती होईल याची कल्पनाच करवत नाही. आपण योग्य कार्यवाही कराल अशी अपेक्षा आहे. असे खर्डेकर यांनी म्हटले आहे. (Pune Municipal Corporation)
—-
News Title | Pune Potholes | Excavation of 24×7 water supply scheme means pain for Pune residents Explain when and how the potholes will be filled Demand of Sandeep Khardekar

 Pune Potholes | रस्त्यावर पडलेले खड्डे त्वरीत बुजवा अन्यथा शिवसेना स्टाईल आंदोलन करण्यात येईल | शहर अध्यक्ष प्रमोद भानगिरे यांचा इशारा

Categories
Breaking News PMC Political पुणे

 Pune Potholes | रस्त्यावर पडलेले खड्डे त्वरीत बुजवा अन्यथा शिवसेना स्टाईल आंदोलन करण्यात येईल | शहर अध्यक्ष प्रमोद भानगिरे यांचा इशारा

Pune Potholes | पुणे शहरात ठिकठिकाणी रस्त्यावर खड्डे पडले आहेत. यामुळे नागरिकांना नाहक त्रासाला सामोरे जावे लागत आहे. त्यामुळे रस्त्यावर पडलेले खड्डे त्वरीत बुजवा अन्यथा शिवसेना स्टाईल (Shivsena) आंदोलन करण्यात येईल. असा इशारा शहर अध्यक्ष प्रमोद भानगिरे (Pramod Bhangire) यांनी महापालिकेला (Pune Municipal Corporation) दिला आहे. (Pune Potholes)

भानगिरे यांनी आयुक्तांना दिलेल्या निवेदनानुसार पुणे हे महाराष्ट्रातील महत्वाचे शहर असून, आज पुणे शहरातील बहुतांश रस्त्यावर मोठ्या प्रमाणात खड्डे पडलेले असून जून महिन्यात पाउस झाला नसताना, जूलै महिन्यात फक्त पंधरा दिवसात झालेल्या पावसाने हे खड्डे पडले आहेत. पावसाळापुर्व केलेल्या कामाच्या माहितीत पुणे महानगरपालिकेतर्फे, आम्ही पावसळ्यात शहरात खड्डे पडू नये म्हणून ५५ कोटी रुपये खर्च केल्याचे सांगण्यात आले होते, तरी फक्त १५ दिवसाच्या पावसाने पुण्यात रस्त्यावर खड्डे पडले आहेत.  या खड्डयामुळे दुचाकीचे शहर असलेल्या पुण्यात, दुचाकी चालवणे कठीण झाले आहे. दुचाकींचे अनेक अपघात होत आहेत. चारचाकी वाहनांचे नादुरुस्त होण्याचे प्रमाण वाढले आहे. पादचाऱ्यांना देखील त्रासाला सामोरे जावे लागत आहे. तरी पुणे शहर शिवसेनेच्या वतीने आपणांस विनंती आहे की, येत्या १५ दिवसात पुणे शहर खड्डेमुक्त करावे, अन्यथा कायम समाजसेवेत तत्पर असलेल्या शिवसेनेतर्फे “शिवसेना स्टाईल” आदोलन करण्यात येईल. आंदोलनादरम्यान काही अनुचित घडल्यास पुणे महानगरपालिका जबाबदार असेल. असे ही निवेदनात म्हटले आहे.

———-
News Title | Pune Potholes | Fill the potholes on the road quickly otherwise there will be a Shiv Sena style protest City President Pramod Bhangire warned

Pune Potholes | पुणे महापालिकेने महिनाभरात दुरुस्त केले 2288 खड्डे  | महापालिका पथ विभागाची माहिती 

Categories
Breaking News PMC social पुणे

Pune Potholes | पुणे महापालिकेने महिनाभरात दुरुस्त केले 2288 खड्डे

| महापालिका पथ विभागाची माहिती

Pune Potholes | पुणे महापालिकेच्या पथ विभागाकडून (PMC Pune Road Department) पाऊस (Monsoon) सुरु होण्या अगोदर पासून शहरातील विविध रस्त्यांवरील खड्डे दुरुस्त (Pothole’s Repairs) करण्यात येत आहेत. 1 जून ते 4 जुलै दरम्यान पथ विभागाकडून 2288 खड्डे दुरुस्त करण्यात आले आहेत. अशी माहिती पथ विभागाच्या वतीने देण्यात आली. (Pune Potholes)
पुणे महापालिकेच्या पथ विभागाकडून (Pune Municipal Corporation Road Department) मान्सूनपूर्व कामे करण्यात येतात. यामध्ये रस्त्यांची दुरुस्ती आणि डागडुजी केली जाते. महापालिकेची विविध क्षेत्रीय कार्यालये (PMC Ward Offices) तसेच पूनावाला फाउंडेशन च्या वतीने खड्डे दुरुस्ती केली जात आहे. शहरात विविध रस्त्यावर एकूण 2358 खड्डे होते. यातील 2288 खड्डे पथ विभागाने 1 जून ते 4 जुलै या कालावधीत दुरुस्त केले आहेत. पूनावाला कडून 1791 खड्डे दुरुस्त करण्यात आले आहेत. शहरात अजून 70 खड्डे शिल्लक आहेत. आता हे काम पाऊस कमी झाल्यावर करण्यात येणार आहे. विभागाने 6569 चौ मी रस्त्यावर डांबरीकरण केले आहे. यासाठी 2454 मे टन माल वापरण्यात आला आहे. यामध्ये प्लांट वरील माल 1909 मे टन इतका तर कोल्ड मिक्स बॅग वरील 545 मे टन मालाचा समावेश आहे. दरम्यान पथ विभागाकडून याच कालावधीत 108 चेंबर्स दुरुस्त करण्यात आली आहेत. तर पाणी साचलेली 6 ठिकाणे आहेत. त्याचीही दुरुस्ती केली जाणार आहे. (PMC Pune News)
—–
News Title | Pune Potholes | Pune Municipal Corporation repaired 2288 potholes within a month| Municipal Road Department Information

Pune Potholes | पुणे दरवर्षी खड्ड्यात का जाते?

Categories
Breaking News PMC social पुणे

Pune Potholes | पुणे दरवर्षी खड्ड्यात का जाते?

| सजग नागरीक मंच मासिक चर्चासत्र

Pune Potholes | दरवर्षीच्या पावसाळ्यात (Monsoon) पुण्यातील रस्त्यावर खड्डे (Pune Potholes) पडतात. विशेष म्हणजे पुणे महापालिका (Pune Municipal Corporation) रस्त्याच्या कामासाठी करोडो रुपये खर्च करते. असे असूनही पुणेकरांना दरवर्षी याचा त्रास सहन करावा लागतो. यामुळे सजग नागरिक मंचाच्या (Sajag Nagrik Manch) वतीने पुणे दरवर्षी खड्ड्यात का जाते? या मासिक चर्चासत्र (Monthly Seminar) चे आयोजन करण्यात आले आहे. यामध्ये प्रशांत इनामदार (Prashant Inamdar) व विवेक वेलणकर (Vivek Velankar) यांचा सहभाग असणार आहे. सजग नागरिक मंचाच्या वतीने ही माहिती देण्यात आली. (Pune Potholes)
याबाबत विवेक वेलणकर यांनी सांगितले कि, पाऊस सुरु होऊन जेमतेम आठवडा झाला आहे आणि पुण्यातील रस्ते खड्डेमय झाले आहेत. रस्तोरस्ती पाण्याची तळी दिसू लागली आहेत. रस्त्याची उखडलेली खडी सगळीकडे पसरल्याने वाहनचालक हैराण आहेत. एकीकडे दरवर्षी पुणे महापालिका रस्ते दुरुस्ती व रस्ते बांधणी तसेच स्टाॅर्म वाॅटर ड्रेनेज बांधकामासाठी शेकडो कोटी रुपये खर्च करते. तर दुसरीकडे नागरीकांना खड्डेमय रस्त्यावर जीव मुठीत धरून जावे लागते आहे. (PMC Pune Road Department)
हे लक्षात घेऊन सजग नागरिक मंचाच्या मासिक सभेत या विषयावर चर्चासत्राचे आयोजन करण्यात आले आहे, यामध्ये प्रशांत इनामदार व विवेक वेलणकर सहभागी होणार आहेत. (Pune News)
हे चर्चासत्र रविवार दिनांक २ जुलै २०२३ रोजी सायंकाळी ५ वाजता, IMDR ( BMCC Road) येथे  आयोजित केले असून ते विनामूल्य सर्वांसाठी खुले आहे. असे विवेक वेलणकर  आणि  जुगल राठी यांनी कळविले आहे.
—-
News Title | Pune Potholes |  Why does Pune go to pit every year? |  Conscious Citizen Forum Monthly Seminar