Tag: solid waste department

Plastic disposal machine | महापालिकेत बसवली प्लास्टिक डिस्पोजल मशीन! | प्लास्टिक बॉटल क्रश करून होऊ शकतो पुनर्वापर 

Categories
Breaking News PMC social पुणे

महापालिकेत बसवली प्लास्टिक डिस्पोजल मशीन!

| प्लास्टिक बॉटल क्रश करून होऊ शकतो पुनर्वापर

पुणे | महापालिकेच्या (PMC Pune new building)नवीन इमारतीत प्लास्टिक डिस्पोजल मशीन (Plastic disposal machine) बसवण्यात आली आहे. या मशीनचा वापर करून प्लास्टिक बॉटल्स क्रश (plastic bottles crushing) करून त्याचा पुर्नवापर व पुर्नचक्रिकरणासाठी उपयोग केला जाणार असून त्यामुळे पर्यावरण संवर्धनास नक्कीच मदत होईल. अशी माहिती घनकचरा व्यवस्थापन विभागाच्या उपायुक्त आशा राऊत (Deputy commissioner Asha Raut) यांनी दिली.

झेन्सार- आर. पी. जी. फाउंडेशन तर्फे प्लास्टिक डिस्पोजल मशीन पुणे महानगरपालिकेस सुपूर्त करण्यात आले. आर. पी. जी. फाउंडेशन हे बॉम्बे पब्लिक ट्रस्ट कायदा, १९५० अंतर्गत नोंदणीकृत सार्वजनिक धर्मादाय ट्रस्ट आहे. यामध्ये सियाट लिमिटेड, झेन्सार टेक्नोलॉजीज लिमिटेड, केईसी इंटरनॅशनल लिमिटेड रेकम आर. पी. जी. प्रायव्हेट लिमिटेड, आर. पी. जी. लाईफ सायन्सेस लिमिटेड, स्पेन्सर्स आणि कंपनी लिमिटेड, अशा विविध संस्थांचा समावेश आहे. (pmc pune)

हे  मशीन पुणे महानगरपालिकेच्या नवीन विस्तारीत इमारत येथील तळ मजल्यावर बसविण्यात आले असून मनपा कर्मचारी, इतर नागरिक यांना याचा वापर करता येणार आहे. या मशीनचे उद्घाटन दिनांक २६/०४ रोजी आशा  राऊत, मा.उप आयुक्त, घनकचरा व्यवस्थापन यांचे शुभहस्ते करण्यात आले. यावेळी प्रसाद जगताप, कार्यकारी अभियंता, डॉ. केतकी घाटगे, सहाय्यक आरोग्य अधिकारी, व इतर अधिकारी उपस्थित होते. (plastic disposal machine in pmc pune)

Cloth vending Machine | पुण्यात वर्दळीच्या ठिकाणी मिळवा कापडी पिशव्या | महापालिकेस ८ मशीन प्राप्त

Categories
Breaking News PMC social पुणे

प्रायोगिक तत्वावर 1 महिना बसवल्या जाणार कापडी पिशव्यांची मशीन

| झेन्सार-आर. पी. जी. फौंडेशन कडून मनपास 8 मशीन प्राप्त

प्लास्टिक निर्मूलनासाठी महापालिकेकडून गंभीरपणे पावले उचलली असून त्यासाठी वेगवेगळ्या उपाययोजना राबवण्यात येत आहेत. याचाच एक भाग म्हणून आता महापालिका पुणेकरांना कापडी पिशव्या वापरण्यास प्रोत्साहन देणार आहे. त्यासाठी सार्वजनिक ठिकाणी व्हेंडिंग मशीन बसवण्यात येणार आहेत. या मशीनचा वापर करून नागरिक कॉइन टाकून पिशवी सहजासहजी उपलब्ध करून घेऊ शकतात. लवकरच ही सेवा उपलब्ध केली जाणार आहे. त्यानुसार  झेन्सार-आर. पी. जी. फौंडेशन तर्फे पुणे महानगरपालिकेस कापडी पिशव्या मशीन व प्लास्टिक डिस्पोजल मशीनचे वाटप करण्यात आले आहे. (pune municipal corporation)

झेन्सार- आर.पी.जी. फाउंडेशन तर्फे २५/०४  रोजी एकूण ८ कापडी पिशव्या मशीन व १ प्लास्टिक डिस्पोजल मशीन पुणे महानगरपालिकेस सुपूर्त करण्यात आल्या. आर.पी.जी.फाउंडेशन हे बॉम्बे पब्लिक ट्रस्ट कायदा, १९५० अंतर्गत नोंदणीकृत सार्वजनिक धर्मादाय ट्रस्ट आहे. यामध्ये सियाट लिमिटेड, झेन्सार टेक्नोलॉजीज लिमिटेड, केईसी इंटरनॅशनल लिमिटेड रेकम आर. पी. जी. प्रायव्हेट लिमिटेड, आर. पी. जी. लाईफ सायन्सेस लिमिटेड, स्पेन्सर्स आणि कंपनी लिमिटेड, अशा विविध संस्थांचा समावेश आहे. या मशीन देण्याचा मुख्य हेतू म्हणजे कापडी पिशव्यांमुळे प्लास्टिकचा वापर कमी होऊन प्लास्टिकचे प्रदूषण कमी करणे या सोबतच कापडी पिशव्या बनवत असताना गरजू महिलांना रोजगारनिर्मिती उपलब्ध करून देणे असा असणार आहे. (cloth vending machine)

या मशीनचे उद्घाटन प्रसंगी  आमदार श्रीमती माधुरीताई मिसाळ,   विक्रम कुमार, महापालिका आयुक्त, डॉ. कुणाल खेमनार, मा. अतिरिक्त महापालिका आयुक्त (इ),   प्रशांत वाघमारे, शहर अभियंता,  शुभा कुमार, VP, Chief Risk, Sustainability and Quality Officers, Zensar Company व श्रीमती भानुश्री शर्मा, Senior Manager, Zensar Company,   अशोक घोरपडे, मुख्य उद्यान अधिक्षक, डॉ. केतकी घाटगे, सहाय्यक आरोग्य अधिकारी, योगेश हेनरे, माहिती व जनसंपर्क अधिकारी, श्रीमती स्वाती देशमुख, झेन्सार कंपनी इ. अधिकारी उपस्थित होते.
या कापडी पिशव्या मशीन्स शहरातील विविध भागात, वर्दळीच्या ठिकाणी, मार्केट परिसरात प्रायोगिक तत्वावर बसविण्यात येतील. १ महिना कालावधीनंतर या मशीन्सची उपयोगिता तपासून यानंतर शहरातील इतर मार्केट परिसर व वर्दळीच्या ठिकाणी सदर मशीन्स उपलब्ध करून घेऊन शहरातील विविध अपंग कल्याणकारी, दिव्यांग, तृतीयपंथी किंवा इतर
बचत गटांना चालविण्यात देण्यात येतील असे यावेळी महापालिका आयुक्त यांनी सांगितले. (pmc pune)

Cloth Bag Vending Machine | सार्वजनिक ठिकाणी पुणेकरांना उपलब्ध होणार कापडी पिशव्या! | महापालिका बसवणार व्हेंडिंग मशीन

Categories
Breaking News PMC social पुणे

सार्वजनिक ठिकाणी पुणेकरांना उपलब्ध होणार कापडी पिशव्या!

| महापालिका बसवणार व्हेंडिंग मशीन

पुणे | प्लास्टिक निर्मूलनासाठी महापालिकेकडून गंभीरपणे पावले उचलली असून त्यासाठी वेगवेगळ्या उपाययोजना राबवण्यात येत आहेत. याचाच एक भाग म्हणून आता महापालिका पुणेकरांना कापडी पिशव्या वापरण्यास प्रोत्साहन देणार आहे. त्यासाठी सार्वजनिक ठिकाणी व्हेंडिंग मशीन बसवण्यात येणार आहेत. या मशीनचा वापर करून नागरिक कॉइन टाकून पिशवी सहजासहजी उपलब्ध करून घेऊ शकतात. लवकरच ही सेवा उपलब्ध केली जाणार आहे. अशी माहिती महापालिका घनकचरा विभागाच्या वतीने देण्यात आली.
महापालिकेच्या घनकचरा विभागाच्या वतीने प्लास्टिक वापरास प्रतिबंध घालण्यासाठी उपाययोजना करण्यात येत आहेत. यात नागरिकांचा सहभाग देखील तितकाच महत्वाचा आहे. सार्वजनिक ठिकाणी नागरिक प्लास्टिकचा सर्रास वापर करताना दिसून येतात. हे टाळण्यासाठी त्यांना कापडी पिशव्या वापरण्याचा पर्याय देण्यात येणार आहे. त्यासाठी शहरात सार्वजनिक ठिकाणी व्हेंडिंग मशीन बसवण्यात येणार आहेत. बस स्टेशन, रेल्वे स्टेशन, मॉल, विमानतळ, मल्टिप्लेक्स अशा ठिकाणी या मशीन बसवता येतात.
महापालिका घनकचरा विभागाच्या माहितीनुसार सीएसआर च्या माध्यमातून महापालिकेला अशा 8 मशीन मंगळवारी मिळणार आहेत. त्यांनतर त्या विविध ठिकाणी बसवण्यात येणार आहेत. एका मशीनमध्ये 150 कापडी पिशव्या बसू शकतात. नागरिकांना 10 रुपये पासून 20 रुपये पर्यंतचे कॉइन टाकून पिशव्या उपलब्ध होतील. या पिशव्या तयार करण्याचे काम महापालिका बचत गटांना देणार आहे. त्यातून मिळणारे पैसे गटांना दिले जातील. लवकरच ही सेवा नागरिकांना उपलब्ध करून दिली जाणार आहे. असे घनकचरा विभागाच्या वतीने सांगण्यात आले.

Charge | PMC Pune | समाज विकास आणि समाज कल्याण विभागाची जबाबदारी आशा राऊत यांच्याकडे

Categories
Breaking News PMC पुणे

समाज विकास विभागाची जबाबदारी उपायुक्त आशा राऊत यांच्याकडे

पुणे | महापालिकेच्या समाज विकास आणि समाज कल्याण विभागाच्या उपायुक्त रंजना गगे मंगळवारी सेवानिवृत्त झाल्या आहेत. त्यामुळे त्यांच्याकडील पदभार उपायुक्त आशा राऊत यांच्याकडे देण्यात आला आहे. महापालिका आयुक्त विक्रम कुमार यांनी याबाबतचे आदेश जारी केले आहेत.
उपायुक्त रंजना गगे या महापालिका सेवेत प्रतिनियुक्ती ने आल्या होत्या. त्यांच्याकडे महापालिकेच्या समाज विकास आणि समाज कल्याण विभागाची जबाबदारी सोपवण्यात आली होती. मात्र गगे या मंगळवारी म्हणजे 28 फेब्रुवारीला सेवानिवृत्त झाल्या आहेत. त्यामुळे त्यांच्याकडील पदभार इतर अधिकाऱ्याकडे देणे आवश्यक होते. त्यानुसार या दोन्ही विभागाची जबाबदारी उपायुक्त आशा राऊत यांच्याकडे देण्यात आली आहे. राऊत यांच्याकडे घनकचरा व्यवस्थापन विभागाची जबाबदारी आहे. समाज विकास आणि समाज कल्याण विभागाचा अतिरिक्त पदभार त्यांच्याकडे असणार आहे. 1 मार्च पासून हा पदभार त्यांच्याकडे असणार आहे. महापालिका आयुक्त विक्रम कुमार यांनी याबाबतचे आदेश नुकतेच जारी केले आहेत.