Tag: plastic
PEHEL 2024 Pune PMC | पेहेल-२०२४ | 4 तासात 53 टन ई-कचरा आणि प्लॅस्टिक जमा
PEHEL 2024 Pune PMC | पुणे महापालिका (Pune Municipal Corporation (PMC) आणि शहरातील सामाजिक संस्थांच्या वतीने ‘पेहेल-२०२४’ हे (PEHEL 2024) शहर स्तरावरील ई-कचरा (E – Waste) आणि प्लॅस्टिक संकलन अभियान रविवार रोजी राबविले गेले. यात पुणेकरांनी 415 संकलन केंद्रावर 4 तासात 53 टन ई-कचरा आणि प्लॅस्टिक जमा केले. अशी माहिती महापालिका घनकचरा विभागाच्या (PMC Solid Waste Management Department) वतीने देण्यात आली. (Pune PMC News)
संत गाडगे महाराज यांच्या जयंतीनिमित्त पुणे महानगरपालिका, कमिन्स इंडिया फाऊंडेशन, केपीआयटी, पूर्णम इकोव्हिजन फाऊंडेशन आणि पुण्यातील सामाजिक संस्था यांच्याद्वारे पर्यावरण सप्ताहात ‘पेहेल-२०२४’ हे शहर स्तरावरील ई-कचरा आणि प्लॅस्टिक संकलन अभियान 25 फेब्रुवारी रोजी राबविले गेले. या अभियानाचे उद्घाटन प्रमुख अतिथी संगीतकार डॉ. सलील कुलकर्णी आणि डॉ. कुणाल खेमनार, पुणे मनपा अतिरिक्त आयुक्त यांच्या हस्ते डॉ. श्यामाप्रसाद मुखर्जी उद्यान येथे संपन्न झाले. (Pune Municipal Corporation Latest News)
या कार्यक्रमाला घनकचरा व्यवस्थापन प्रमुख उपायुक्त संदिप कदम कमिन्स इंडिया फाऊंडेशनच्या CSR प्रमुख सौजन्या वेगुरु, केपीआयटीचे CSR प्रमुख तुषार जुवेकर, आदर पूनावाला क्लीन सिटी इनिशिएटिव्हचे श्री. मल्हार करवंदे, पूर्णम इकोव्हिजन फाऊंडेशनचे संचालक अतुल क्षीरसागर व सीईओ डॉ. राजेश मणेरीकर, माजी नगरसेविका माधुरी सहस्रबुद्धे, मनपा सहाय्यक आरोग्यअधिकारी डॉ. केतकी घाटगे हे यावेळी उपस्थित होते.
वेगवेगळ्या संस्थांच्या, कंपनीच्या तसेच महाविद्यालयाच्या सुमारे १२०० स्वयंसेवकांनी १८ ते २४ फेब्रुवारी रोजी, लोकांमध्ये सर्व नागरिकांनी अभियानांतर्गत जनजागृतीचे प्रयोग केले. पथनाट्य, खेळातून जनजागृती, चौकसभा, पत्रक वाटप केले गेले. या अभियानात स्वयंसेवकांकडून उभारण्यात आलेल्या 415 संकलन केंद्रांवर सकाळी ९ ते दुपारी 1 या वेळेत उत्तम प्रतिसाद देत मोठ्या संख्येने ई-कचरा आणि प्लॅस्टिक जमा केले.
अभियानातून एकूण सुमारे ७५०० जणांनी आपल्या घरातील कचरा केंद्रावर दिला. यावेळी अंदाजे 53 टन कचरा संकलित झाला असून त्यामध्ये 40 टन ई-कचरा आणि 13 टन प्लॅस्टिक कचरा जमा झाला आहे. जमा झालेल्या ई- कचऱ्यातून दुरुस्त होण्यासारखे कॉम्प्युटर आणि लॅपटॉप दुरुस्त करून गरजू शाळा आणि विद्यार्थ्यांपर्यंत पोहोचवले जाणार आहेत. उर्वरित ई-कचरा आणि प्लॅस्टिक कचऱ्याचे शासनमान्य रिसायकलर्स द्वारे शास्त्रीय पद्धतीने विल्हेवाट लावली जाईल. असे घनकचरा विभागाच्या वतीने सांगण्यात आले.
More than 400 centers for e-waste and plastic collection in Pune
| Organization of Pehel-2024 campaign by Pune Municipal Corporation (PMC)
PMC PEHEL 2024 | ई-कचरा व प्लास्टिक संकलन करण्यासाठी 400 हून अधिक केंद्र | महापालिकेकडून पेहेल-२०२४ महाअभियानाचे आयोजन
नागरिकांनी आपला सक्रीय सहभाग नोंदवावा. असे आवाहन महापालिका घनकचरा विभागाकडून (PMC Solid Waste Management Department) करण्यात आले आहे.
आपल्या जवळील संकलन केंद्र पाहण्यासाठी खालील वेबसाईटला भेट द्या.
Plastic Seizure Action | PMC Pune | पुणे महापालिकेकडून कात्रज परिसरातील 800 किलो प्लास्टिक जप्त
महापालिकेत बसवली प्लास्टिक डिस्पोजल मशीन!
| प्लास्टिक बॉटल क्रश करून होऊ शकतो पुनर्वापर
झेन्सार- आर. पी. जी. फाउंडेशन तर्फे प्लास्टिक डिस्पोजल मशीन पुणे महानगरपालिकेस सुपूर्त करण्यात आले. आर. पी. जी. फाउंडेशन हे बॉम्बे पब्लिक ट्रस्ट कायदा, १९५० अंतर्गत नोंदणीकृत सार्वजनिक धर्मादाय ट्रस्ट आहे. यामध्ये सियाट लिमिटेड, झेन्सार टेक्नोलॉजीज लिमिटेड, केईसी इंटरनॅशनल लिमिटेड रेकम आर. पी. जी. प्रायव्हेट लिमिटेड, आर. पी. जी. लाईफ सायन्सेस लिमिटेड, स्पेन्सर्स आणि कंपनी लिमिटेड, अशा विविध संस्थांचा समावेश आहे. (pmc pune)
प्रायोगिक तत्वावर 1 महिना बसवल्या जाणार कापडी पिशव्यांची मशीन
| झेन्सार-आर. पी. जी. फौंडेशन कडून मनपास 8 मशीन प्राप्त
झेन्सार- आर.पी.जी. फाउंडेशन तर्फे २५/०४ रोजी एकूण ८ कापडी पिशव्या मशीन व १ प्लास्टिक डिस्पोजल मशीन पुणे महानगरपालिकेस सुपूर्त करण्यात आल्या. आर.पी.जी.फाउंडेशन हे बॉम्बे पब्लिक ट्रस्ट कायदा, १९५० अंतर्गत नोंदणीकृत सार्वजनिक धर्मादाय ट्रस्ट आहे. यामध्ये सियाट लिमिटेड, झेन्सार टेक्नोलॉजीज लिमिटेड, केईसी इंटरनॅशनल लिमिटेड रेकम आर. पी. जी. प्रायव्हेट लिमिटेड, आर. पी. जी. लाईफ सायन्सेस लिमिटेड, स्पेन्सर्स आणि कंपनी लिमिटेड, अशा विविध संस्थांचा समावेश आहे. या मशीन देण्याचा मुख्य हेतू म्हणजे कापडी पिशव्यांमुळे प्लास्टिकचा वापर कमी होऊन प्लास्टिकचे प्रदूषण कमी करणे या सोबतच कापडी पिशव्या बनवत असताना गरजू महिलांना रोजगारनिर्मिती उपलब्ध करून देणे असा असणार आहे. (cloth vending machine)
बचत गटांना चालविण्यात देण्यात येतील असे यावेळी महापालिका आयुक्त यांनी सांगितले. (pmc pune)
दोन दिवसात ९५० किलो प्लास्टिक जप्त | ५५ हजाराचा दंड केला वसूल
| महापालिका आणि प्रदूषण नियंत्रण मंडळाची संयुक्त कारवाई
महापालिका प्रशासन (PMC pune), तसेच केंद्रीय आणि राज्य प्रदूषण नियंत्रण मंडळाने (MPCB, CPCB) शहरात मागील दोन दिवसांत करण्यात आलेल्या संयुक्त कारवाईत, बंदी असलेल्या तब्बल 950 किलो प्लॅस्टिकच्या पिशव्या (Plastic seized) जप्त केल्या. तसेच या कारवाईत व्यावसायिकांकडून सुमारे 55 हजारांचा दंडही वसूल केला आहे.
पर्यावरणास घातक असलेल्या प्लॅस्टिकवर बंदीसाठी 2018 मध्ये कायदा केला आहे. याच्या अंमलबजावणीसाठी या तीनही विभागांकडून संयुक्त कारवाई केली जाते. त्या अंतर्गत मंगळवारी आणि बुधवारी या संयुक्त पथकाने महात्मा फुले मंडई, मार्केटयार्ड आणि वाघोली परिसरात कारवाई केली. यामध्ये पहिल्या दिवशी 450 किलो तर दुसऱ्या दिवशी सुमारे 500 किलो प्लॅस्टिक जप्त केले. 9 ठिकाणी केलेल्या कारवाईत सुमारे 55 हजारांचा दंडही वसूल करण्यात आला अशी माहिती महापालिकेच्या घनकचरा व्यवस्थापन विभागाच्या उपायुक्त आशा राऊत यांनी दिली. केंद्रीय प्रदूषण नियंत्रण मंडळाचे शशिकांत लोखंडे, राज्य प्रदूषण नियंत्रण मंडळाचे संदीप पाटील, महापालिकेचे आरोग्य निरीक्षक इमामुद्दीन इनामदार, राजेश रासकर, उमेश देवकर यावेळी उपस्थित होते.
प्लॅस्टिकचा थर असलेल्या उत्पादनांवर राज्यात बंदी
मुख्यमंत्री एकनाथ शिंदे यांच्या निर्देशानंतर प्लॅस्टिक बंदी नियमामध्ये सुधारणा
मुंबई | प्लॅस्टिक लेपीत आणि प्लॅस्टिक चा थर असलेल्या उत्पादनांवर बंदी घालण्याचा महत्वपूर्ण निर्णय राज्य शासनाने घेतला आहे. राज्यातील प्लॅस्टिकच्या वापरामुळे निर्माण होणाऱ्या गंभीर समस्या लक्षात घेता मुख्यमंत्री एकनाथ शिंदे यांनी प्लॅस्टिक बंदी नियमामध्ये सुधारणा करण्याचे निर्देश दिले होते. त्यानुसार हा निर्णय घेण्यात आला आहे.
केंद्र शासनाने १ जुलै २०२२ पासून सिंगल युज प्लॅस्टिक वर बंदी घातली असून राज्यात या बंदीची काटेकोर अंमलबजावणी करण्याच्या सूचना मुख्यमंत्री शिंदे यांनी दिल्या आहेत. राज्य शासनाच्या या निर्णयामुळे महाराष्ट्र हे सिंगल युज प्लॅस्टिक बंदी करणारे देशातील पहिले राज्य ठरले आहे.
राज्यात प्लॅस्टिक बंदीच्या प्रभावी अंमलबजावणीसाठी एक शक्तिप्रदत्त समिती नेमण्यात आली होती. या समितीने ७ जुलै २०२२ रोजीच्या बैठकीत महाराष्ट्र प्लॅस्टिक आणि थर्माकॉल उत्पादने अधिसूचना २०१८ मध्ये सुधारणा करण्याचा निर्णय घेतला होता. त्यानुसार राज्य शासनाने १५ जुलै २०२२ रोजीच्या अधिसूचनेद्वारे प्लॅस्टिक लेपीत आणि प्लॅस्टिकचा थर असलेल्या उत्पादनांवर देखील बंदी घातली आहे. या सुधारणेनंतर राज्यात प्लॅस्टिक लेपीत (Coating) तसेच प्लॅस्टिक थर (Laminated) असणाऱ्या पेपर किंवा अॅल्युमिनियम इत्यादी पासून बनवलेले डीस्पोजेबल डीश, कप, प्लेट्स, ग्लासेस, काटा, वाडगा, कंटेनर इत्यादी एकल वापरावर, वापर उत्पादनावर आता बंदी असणार आहे. दैनंदिन कचऱ्यातील प्लास्टिकचा कचरा कमी करणे हा बंदीमागचा मुख्य उद्देश आहे.
राज्यातील शहरे, ग्रामीण भागात दैनंदिन कचऱ्यातील प्लास्टिकचे प्रमाण लक्षणीय असून, यातील कचऱ्याचे विघटन व्यावहारिकदृष्ट्या शक्य नाही. हा कचरा कचरा डेपो, जलाशयांमध्ये फेकला जातो किंवा पुनर्प्रक्रिया शक्य नसल्याने रात्रीच्या वेळी हा कचरा थेट जाळला जातो.
सध्या राज्यात सिंगल युज प्लॅस्टिक मध्ये कप, प्लेट्स, वाडगा, चमचे, कंटेनर इत्यादींच्या वापरावर बंदी आहे. परंतू सध्या बाजारामध्ये डीश, कंटेनर, ग्लास, कप इत्यादी पेपरच्या नावाखाली प्लॅस्टिक लेप असलेले किंवा प्लॅस्टिक लॅमिनेशन केलेले मोठ्या प्रमाणात वापरले जात आहेत. या सर्व वस्तुंमध्ये सुद्धा प्लॅस्टिक आहे. विघटनास घातक ठरणाऱ्या निकृष्ट दर्जाच्या प्लास्टिकचे आक्रमण रोखण्यासाठी हे बंदीचे पाऊलं उचलण्यात आले आहे.
“इंटरनॅशनल प्लास्टिक बॅग फ्री डे” निमित्त महापालिकेची दंडात्मक कारवाई
आज “इंटरनॅशनल प्लास्टिक बॅग फ्री डे”उत्साहात साजरा करण्यात आला या निमित्त पुणे महानगरपालिकेच्या १५ क्षेत्रिय कार्यालयांतर्गत विविध स्थानिक नागरिक गट, मोहल्ला कमिटी सदस्य, विविध स्वयं सेवी संस्था यांच्या सहभागातून भाजी मंडई, मुख्य रस्ते सार्वजनिक ठिकाणी, रहिवासी आस्थापनांमध्ये व शाळा/महाविद्यालयांमध्ये प्लास्टिक बंदी बाबत जनजागृती करून प्लास्टिकला पर्याय असणा-या वस्तुंचे वाटप करण्यात आले. तसेच दंडात्मक कारवाई करण्यात आली.
केंद्र शासनाच्या पर्यावरण, वने व हवामानबदल मंत्रालयाने प्लॅस्टीक वेस्ट मॅनेजमेंट रुल्स – २०१६ लागू केलेले आहेत. तसेच महाराष्ट्र शासनाच्या पर्यावरण विभागाने अविघटनशील कचऱ्यामुळे एकूणच नागरिकांच्या आरोग्यावर अनिष्ट परिणाम होत असल्याने “महाराष्ट्र प्लॅस्टीक व थर्मोकॉल अविघटनशील वस्तूंचे (उत्पादन, वापर विक्री, वाहतुक, हाताळणी, साठवणूक व तद्नंतर वेळोवेळी केलेल्या सुधारणा) अधिसूचना, २०१८ संपूर्ण राज्यासाठी लागू करण्यात आली आहे.” तसेच तदनंतर वेळोवेळी सुधारीत अधिसूचना पारीत करण्यात आलेल्या आहेत.
प्लास्टिक कचरा व्यवस्थापन नियमावली २०१६ मधील तरतुदींचे उल्लंघन होईल अशा प्रकारची प्लास्टिक ने-आन, प्लास्टिक कॅरी बॅग्ज (७५ मायक्रोनपेक्षा कमी), विघटनशील नसलेले प्लास्टिक (प्लास्टिकचे झेंडे, प्लास्टिक प्लेट्स, प्लास्टिकचे चहा कप, पाण्याचे पाऊच, प्लास्टिक स्ट्रॉ इ.) नॉन वॉवन बॅग्ज, स्टायरोफोम, थर्माकोल, प्लास्टिक पत्रके, प्लास्टिक पत्रकांची आवरणे किंवा प्लास्टिक सहित बहुस्तरीय आवरण, वेष्टने असलेल्या वस्तू व सिंगल युज प्लास्टिक कोणतीही व्यक्ती निर्माण करणार नाही, साठवणार नाही, वितरीत/विक्री करणार नाही किंवा वापरणार नाही.
प्लास्टिक कचरा व्यवस्थापन नियम २१६ च्या नियम ४(२) नुसार (सुधारित केल्यानुसार), “पॉलीस्टीरिन आणि विस्तारित पॉलिस्टीरिनसह खालील एकल वापराच्या प्लास्टिक (SUP) चे उत्पादन, आयात, साठा, वितरण, विक्री आणि वापर दिनांक १ जुलै २०२२ पासून प्रभावीपणे प्रतिबंधित असतील.
1. प्लास्टिकच्या काड्या असलेले इअरबड्स, फुग्यासाठी वापण्यात येणा-या प्लास्टिकच्या काड्या, प्लास्टिकचे ध्वज, कँडी स्टिक्स, आइस्क्रीम स्टिक्स, सजावटीसाठीचे पॉलिस्टीरिन;
2. प्लेट्स, कप, ग्लासेस, कटलरी जसे की काटे, चमचे, चाकू, पेंढा, ट्रे, मिठाईचे बॉक्सेस, निमंत्रण पत्रिका आणि सिगारेटची पाकिटे गुंडाळण्यासाठी वापरलेल्या पॅकिंग फिल्म्स, 100 मायक्रॉनपेक्षा कमी आकाराचे प्लास्टिक किंवा पीव्हीसी बॅनर, स्टिरर इ. प्लास्टिक कचरा व्यवस्थापन नियम 2016 च्या नियम ४(१)(क) नुसार (सुधारणा केल्यानुसार) “व्हर्जिन किंवा पुनर्वापर केलेल्या प्लास्टिकची कॅरी बॅग दिनांक ३० सप्टेंबर २०२१ पासून पंचाहत्तर (७५) मायक्रॉनपेक्षा कमी जाडीची नसावी आणि दिनांक ३१ डिसेंबर २०२२ पासून एकशे वीस (१२०) मायक्रॉनपेक्षा कमी जाडीची नसावी.
महाराष्ट्र शासनाच्या २३ मार्च २०१८ च्या अधिसूचनेनुसार, संपूर्ण राज्यात हँडलसह आणि हँडलशिवाय असणा-या प्लास्टिक पिशव्यांवर पूर्णपणे बंदी घालण्यात आली असून या सर्व नियमांचे पालन न करणाऱ्या व्यक्ती/संस्था/कंपन्यांवर पुणे महानगरपालिकेमार्फत प्रभावी दंडात्मक कारवाई करण्यात येत आहे.
आज “इंटरनॅशनल प्लास्टिक बॅग फ्री डे”उत्साहात साजरा करण्यात आला या निमित्त पुणे महानगरपालिकेच्या १५ क्षेत्रिय कार्यालयांतर्गत विविध स्थानिक नागरिक गट, मोहल्ला कमिटी सदस्य, विविध स्वयं सेवी संस्था यांच्या सहभागातून भाजी मंडई, मुख्य रस्ते सार्वजनिक ठिकाणी, रहिवासी आस्थापनांमध्ये व शाळा/महाविद्यालयांमध्ये प्लास्टिक बंदी बाबत जनजागृती करून प्लास्टिकला पर्याय असणा-या वस्तुंचे वाटप करण्यात आले. त्याचप्रमाणे जनजागृतीपर रॅली चे आयोजन करण्यात आले..
या “इंटरनॅशनल प्लास्टिक बॅग फ्री डे” निमित्त पुणे महानगरपालिकेमार्फत बंदी असलेले प्लास्टिक न वापरणेचे आणि प्लास्टिकला पर्यायी वस्तुंचा वापर करण्याचे आवाहन सर्व नागरिकांना करण्यात आले.