Tag: sandeep kadam

PMC Solid Waste Management Department | इंदौर दौऱ्यानंतर महापालिकेच्या घनकचरा विभागाकडून तात्काळ उपाययोजना सुरु | आरोग्य निरिक्षक, वरिष्ठ आरोग्य निरीक्षकांना दिले जाणार प्रशिक्षण 

Categories
Breaking News PMC social पुणे

PMC Solid Waste Management Department | इंदौर दौऱ्यानंतर महापालिकेच्या घनकचरा विभागाकडून तात्काळ उपाययोजना सुरु | आरोग्य निरिक्षक, वरिष्ठ आरोग्य निरीक्षकांना दिले जाणार प्रशिक्षण

PMC Solid Waste Management Department | पुणे शहराला अजून स्वच्छ बनवण्यासाठी आणि देशात प्रथम क्रमांकाचे स्वच्छ शहर बनवण्यासाठी महापालिकेच्या घनकचरा विभागाने (PMC Pune Solid Waste Management Department) कंबर कसली आहे. त्यासाठी महापालिका अधिकारी आणि कर्मचाऱ्यांसाठी इंदौर शहराची (PMC Indore Tour) याबाबत पाहणी करण्यासाठी दौरा आयोजित केला होता. दौऱ्यांनंतर दुसऱ्याच दिवशी विभागाकडून उपाययोजना हाती घेण्यात आल्या आहेत. त्यानुसार सर्वप्रथम आरोग्य निरिक्षक आणि वरिष्ठ आरोग्य निरीक्षक यांना प्रशिक्षण देण्यात येणार आहे. यामध्ये त्यांना घरोघरी १०० टक्के कचरा संकलन, वाहतुक नियोजन, कर्मर्शियल भागातील कच याबाबत केलेले सुयोग्य नियोजन तसेच झाडणकाम इ.बाबत प्रशिक्षण दिले जाणार आहे. अशी माहिती उपायुक्त संदीप कदम (Deputy Commissioner Sandeep Kadam) यांनी दिली. (Pune Municipal Corporation)

पुणे महानगरपालिकेमार्फत ३० नोव्हेंबर व 1 डिसेम्बर रोजी इंदौर शहराचा पाहणी दौरा आयोजित करण्यात आला होता. या दौ-यासाठी पुणे महानगरपालिकेचे अधिकारी व कर्मचारी यांची नियुक्ती करण्यात आली होती. इंदोर शहरामध्ये स्वच्छतेचा आयाम राखणेकामी ज्या ज्या बेस्ट प्रॅक्टीसेस जसे की घरोघरी १०० टक्के कचरा संकलन, वाहतुक नियोजन, कर्मर्शियल भागातील कच याबाबत केलेले सुयोग्य नियोजन तसेच झाडणकाम इ.बाबतची पाहणी करण्यात आले या पाहणी दरम्यान आढळलेल्या बाबींचे अनुषंगाने आरोग्य निरीक्षक व वरिष्ठ आरोग्य निरीक्षक यांना याबाबत अवगत करणे व त्याबाबतचे प्रशिक्षण देणे आवश्यक आहे. त्यानुसार परिमंडळ नुसार हे प्रशिक्षण दिले जाणार आहे. (PMC News)

 

| अधिकारी आणि कर्मचाऱ्यांना ही देण्यात आली आहे जबाबदारी

1. वरिष्ठ आरोग्य निरीक्षक  राम सोनवणे, आरोग्य निरीक्षक  जालिंदर चांदगुडे व   नवनाथ शेलार यांनी इंदौर शहराची केलेल्या पहाणीबाबत पुणे महानगरपालिकेच्या परिमंडळ क्र. १ ते ५ मधील सर्व वरिष्ठ आरोग्य निरीक्षक व आरोग्य निरीक्षक यांना प्रशिक्षण देणेकामी दैनंदिन बॅचेस तयार करून दु.०३.०० ते सायं ०५.०० या कालावधीत शिवाजीनगर घोलेरोड क्षेत्रिय कार्यालयाकडील ऑडिटोरियम मध्ये प्रशिक्षण पूर्ण करण्यात यावे.

2. तसेच वरिष्ठ आरोग्य निरीक्षक श्री राम सोनवणे, आरोग्य निरीक्षक श्री. जालिंदर चांदगुडे व श्री. नवनाथ शेलार यांनी दिलेल्या प्रशिक्षणाबाबतचा अहवाल मुख्य खात्याकडे सादर करावा.

3. प्रशिक्षणासाठी लागणारा शिवाजीनगर घोलेरोड क्षेत्रिय कार्यालयाकडील ऑडिटॉरियम (उप आयुक्त कार्यालय परिमंडळ क्र. १) येथील उपलब्धतेबाबत व त्याबाबतचे योग्य ते आवश्यक नियोजन प्र. सहायक
आरोग्य अधिकारी डॉ. केतकी घाटगे व वरिष्ठ आरोग्य निरीक्षक श्री. इमामुद्दीन इनामदार यांनी करावयाचे आहे.

Pune Ganesh Visarjan | PMC Pune | पुणे महापालिकेकडून बांधलेले हौद, टाक्यामध्ये ५ लाख ६१ हजार ४२८ गणेश मूर्तीचे विसर्जन 

Categories
Breaking News cultural PMC social पुणे

Pune Ganesh Visarjan | PMC Pune | पुणे महापालिकेकडून बांधलेले हौद, टाक्यामध्ये ५ लाख ६१ हजार ४२८ गणेश मूर्तीचे विसर्जन

| उपायुक्त संदीप कदम यांची माहिती

Pune Ganesh Visarjan | PMC Pune | गणेश उत्सव (Pune Ganeshotsav) कालावधीत पुणे महापालिकेच्या (Pune Municipal Corporation) १५ क्षेत्रिय कार्यालयांतर्गत एकूण ४२ बांधलेले हौद, एकूण २६५ ठिकाणी ५६८ लोखंडी टाक्या याठिकाणी एकूण ५६१४२८ मूर्ती विसर्जन (Ganesh Idol Immersion) करण्यात आल्या. नागरिकांनी नैसर्गिक स्त्रोतात मूर्ती विसर्जन न करता जास्तीत जास्त प्रमाणात मूर्ती करावे याबाबत क्षेत्रिय कार्यालयांमार्फत जनजागृती करण्यात आली होती. तसेच १५ क्षेत्रिय कार्यालयांतर्गत एकूण २५२ ठिकाणी मूर्ती संकलन केंद्रे / मूर्ती दान केंद्रे उभारण्यात आली होती. त्यानुसार ११०८२१ मुर्त्या दान (Ganesh Idol Donate) करण्यात आल्या. क्षेत्रिय कार्यालयांतर्गत सर्व कृत्रिम हौद व मूर्ती संकलनाच्या ठिकाणी निर्माल्य संकलनासाठी २५६ निर्माल्य कलश / कंटेनरची (Nirmalya Container) व्यवस्था करण्यात आल्याने एकूण ६२७६९७ किलो इतके निर्माल्य संकलन झाले. अशी माहिती महापालिका घनकचरा विभागाचे उपायुक्त संदीप कदम (Deputy Commissioner Sandeep Kadam) यांनी दिली. (PMC Solid Waste Management Department)

पर्यावरणपूरक गणेशोत्सव व गणेश विसर्जनाच्या अनुषंगाने पुणे महानगरपालिका, घनकचरा व्यवस्थापन विभागाची कामगिरी 

पुणे महानगरपालिकेमार्फत उभारण्यात आलेल्या सर्व यंत्रणाची सविस्तर माहिती www.pmc.gov.in या संकेतस्थळावर उपलब्ध करून देण्यात आली.
• गणेशोत्सव २०२३ मध्ये पुणे महानगरपालिका व विविध स्वयंसेवी संस्थांमार्फत पुनरावर्तन उपक्रम राबविण्यात आले होते. यामध्ये ECOEXIST संस्था, स्वच्छ पुणे सेवा सहकारी संस्था व इतर विविध स्वयं सेवी संस्थांमार्फत गणेश विसर्जनानंतरची शाडूची माती संकलित करून त्याचा पुर्नवापर केला जाणार आहे. शाडू माती एक मर्यादित संसाधन
असून या मातीच्या उत्खननामुळे पर्यावरणाचा -हास होत आहे. मातीच्या मूर्तीचे विसर्जन केल्यामुळे गाळ निर्माण होऊन नदीपात्रात गाळ साठल्याने सागरी जीवनावर परिणाम होतो. या शाडू मातीचा पुर्नवापर केल्यास मूर्तीकारांना मूर्ती/माती परत देऊन त्यांना मदत करता येऊ शकते. पुनरावर्तन उपक्रमाबाबतची सविस्तर माहिती व शाडू माती संकलनाच्या
केंद्राविषयीची सविस्तर माहिती www.punaravartan.org या संकेतस्थळावर उपलब्ध करून देण्यात आली होती.
• निर्माल्यामध्ये केवळ हार, पाने, फुले एवढ्याच गोष्टींचा समावेश होतो. त्यामध्ये प्लास्टिक, थर्माकॉल, कापडी वस्तू किंवा तसबिरी, मुर्त्या किंवा त्यांचे अवशेष तसेच कुठलेही खाद्यपदार्थ टाकू नयेत. हे प्रासादिक निर्माल्य एकत्र करून त्याचे खत बनवू शेतक-यांना देण्यात येते, म्हणूनच या प्रासादिक निर्माल्याचे पावित्र्य भंग पावेल अशा कुठल्याही वस्तू किंवा इतर कचरा निर्माल्यात टाकू नये असे आवाहन सर्व नागरिकांना करण्यात आले होते.
• क्षेत्रिय कार्यालयांमार्फत संकलित केलेल्या गणेश मूर्तीचे पुर्नविसर्जन करणेची व्यवस्था वाघोली येथील खाणीमध्ये तीन पाळ्यांमध्ये आवश्यक सेवक व पर्यवेक्षकीय अधिकारी नेमून घनकचरा व्यवस्थापन विभागामार्फत करण्यात आली होती.
• सर्व क्षेत्रिय कार्यालयांना गणेशोत्सव कालावधीत पुणे शहरात सर्वत्र सार्वजनिक स्वच्छता राखली जाण्याच्या अनुषंगाने सर्व सार्वजनिक ठिकाणे, रस्ते, ओपन प्लॉट, क्रॉनिक स्पॉट, नदीपात्र, नदीघाट, विसर्जन हौदांची ठिकाणे, सार्वजनिक गणेश मंडळांचे परिसर या सर्व ठिकाणी स्वच्छता राखणेबाबत सूचित करण्यात आले होते. वाघोली येथील खाणीच्या ठिकाणी जीवरक्षकांची नेमणूक नगररोड-वडगावशेरी क्षेत्रिय कार्यालयाकडून व सुरक्षा विभागाकडून रखवालदारांची नियुक्ती करण्यात आली होती.
– क्षेत्रिय कार्यालयाच्या मागणीनुसार आवश्यक गाड्यांची उपलब्धता मोटार वाहन विभागाकडून करण्यात आली. या गणेशमुर्त्यांचे पुर्नविसर्जन सन्मानपूर्वकरित्या वाघोली येथील खाणीमध्ये करण्यात येत आहे. याबाबत मा. जिल्हाधिकारी, मा. प्रादेशिक अधिकारी, महाराष्ट्र प्रदुषण नियंत्रण मंडळ, मा. पोलीस आयुक्त तसेच मा. पोलीस अधिक्षक, पुणे ग्रामीण तसेच यांना कळविण्यात आले होते.

– पुणे महानगरपालिकेमार्फत अग्निशामक दलाची सुसज्ज यंत्रणा ठेवण्यात आली होती तसेच आपत्ती व्यवस्थापनाबाबत योग्य ते नियोजन करण्यात आले होते. वाघोली येथे खाणीमध्ये गणेशमुर्त्यांचे पुर्नविसर्जन करणेबाबत परिमंडळनिहाय गणेशमुर्त्यांचे पुर्नविसर्जन करण्यात आले.
– पुणे महानगरपालिकेमार्फत गणेशोत्सव कालावधीमध्ये एकूण ४०० मोबाईल टॉयलेट तसेच १५० फिरत्या हौदांची व्यवस्था करण्यात आली होती व  चंद्रकांतदादा पाटील उच्च आणि तंत्र शिक्षण, वस्त्रोद्योग, संसदीय कामकाज मंत्री, महाराष्ट्र राज्य तथा पालकमंत्री, पुणे जिल्हा यांचेमार्फत २०० पोर्टबल टॉयलेटस उपलब्ध करून देण्यात आले होते.
– पुणे महापालिकेने पुणे शहरामधील ११८३ सार्वजनिक स्वच्छतागृहांची (CT/PT) माहिती टॉयलेटसेवा app मध्ये उपलब्ध करून देण्यात आली होती. नागरिकांना सोयीचे व्हावे या करिता टॉयलेटसेवा app मध्ये पुणे शहरामधील कुठलाही पत्ता टाकून पुणे महापालिकेची सार्वजनिक स्वच्छतागृहे शोधता येतील अशी यंत्रणा राबविण्यात आली होती.
– पुणे शहरामधील सर्व सार्वजनिक स्वच्छतागृहांमध्ये QR Code स्टिकर्स लावण्यात आले होते. टॉयलेटसेवा app चा वापर करून नागरिकांनी या माहितीचा फायदा घ्यावा, सार्वजनिक स्वच्छतागृहांविषयीचा आपला अभिप्राय टॉयलेटसेवा app मधून रेटिंग्समार्फत आणि अभिप्राय कळवावा असे आवाहन पुणे महानगरपालिकेमार्फत करण्यात आले होते. त्याप्रमाणे नागरिकांनी या सुविधेचा वापर केल्याचे दिसून आले.

Plastic Seizure Action | PMC Pune | पुणे महापालिकेकडून कात्रज परिसरातील 800 किलो प्लास्टिक जप्त 

Categories
Breaking News PMC social पुणे

Plastic Seizure Action | PMC Pune | पुणे महापालिकेकडून कात्रज परिसरातील 800 किलो प्लास्टिक जप्त

Plastic Seizure Action | पुणे महापालिकेच्या घनकचरा विभागाच्या (PMC Solid Waste Management Department) वतीने केंद्रीय प्लास्टिक पथकाने कात्रज परीसरात प्लास्टिक विरोधात कारवाई करुन अंदाजे ८०० कि. प्लास्टिक जप्त करून ५,०००/- रु दंड करण्यात आला. अशी माहिती घनकचरा विभागाच्या वतीने देण्यात आली.
घनकचरा विभागाच्या माहितीनुसार केंद्रीय प्रदूषण नियंत्रण मंडळाचे (CPCB) शरद भारती, महाराष्ट्र प्रदूषण नियंत्रण मंडळाचे (MPCB) संदीप पाटील, आणि पुणे महानगरपालिका घनकचरा व्यवस्थापन विभाग उपायुक्त  संदीप कदम (Deputy Commissioner Sandeep Kadam) तसेच डॉ. केतकी घाडगे आणि  प्रमुख आरोग्य निरीक्षक आय.एस. इनामदार यांच्या मार्गदर्शनाखाली आरोग्य निरीक्षक राजेश रासकर, शाहु पोकळे, उमेश देवकर, अमोल पवार यांच्या केंद्रीय प्लास्टिक पथकाने कात्रज परीसरात प्लास्टिक विरोधात कारवाई करुन अंदाजे ८०० कि. प्लास्टिक जप्त करून ५,०००/- रु दंड करण्यात आला.

PMC Pune Employees Workshop | महापालिका कर्मचाऱ्यांच्या प्रश्नांबाबत कार्यशाळेत विचारमंथन

Categories
Breaking News PMC पुणे

PMC Pune Employees Workshop | महापालिका कर्मचाऱ्यांच्या प्रश्नांबाबत कार्यशाळेत विचारमंथन

PMC Pune Employees Workshop | पुणे महानगरपालिका एम्प्लॉईज युनियनच्या वतीने (PMC Employees Union) पुणे महानगरपालिकेतील (Pune Municipal Corporation Employees) सेवकांची कार्यशाळा रोकडोबा मंदिर कार्यालय, शिवाजीनगर गावठाण, पुणे  येथे आज घेण्यात आली. यामध्ये प्रामुख्याने कर्मचाऱ्यांच्या प्रश्नाबाबत विचारमंथन करण्यात आले. यावेळी पीएमसी एम्पलाॅईज युनियनच्या वतीने सेवकांना युनियनचा सभासद क्रमांक  देणेत आले. (PMC Pune Employees Workshop)
पुणे महानगरपालिकेतील (PMC Pune) सेवक पुणे शहराचे प्रश्न, नागरिकांच्या अडचणी तसेच समस्यांचे सामाजिक बांधिलकी आणि कर्तव्यातून निराकारण करतात. पुणे महानगरपालिकेची वाढती हद्द, रिक्त असलेली पदे यामुळे सेवकांना दैनंदिन कामे करताना ताणतणाव तसेच वैयक्तिक आरोग्यविषयक प्रश्न उद्भवतात. याकरिता या कार्यशाळेत करिअर कौन्सिलर तसेच थेरपिस्ट संध्या पाटील यांचे व्याख्यान ठेवले होते. (Pune Municipal Corporation Employees)
पुणे महानगरपालिकेतील सेवकांची रखडलेली पदोन्नती, आश्वासित प्रगती योजना,  सेवकांच्या कालबद्ध बदल्या तसेच इतर महत्त्वाचे प्रश्न तातडीने मार्गी लावावेत असे या कार्यशाळेत अध्यक्ष बजरंग पोखरकर (President Bajrang Pokharkar) तसेच जनरल सेक्रेटरी बापू पवार यांनी आवाहन केले. (PMC Pune Employees)
या कार्यशाळेला अतिरिक्त आयुक्त विकास ढाकणे (Additional Commissioner Vikas Dhakane),  सचिन इथापे उपायुक्त सामान्य प्रशासन विभाग (Deputy Commissioner Sachin Ithape),  उपायुक्त संदीप कदम (Deputy Commissioner Sandeep Kadam), मुख्य लेखा व वित्त अधिकारी श्री कैलास वाळेकर , सुरक्षा अधिकारी  राकेश विटकर (Security Officer Rakesh Vitkar),कामगार कल्याण अधिकारी नितीन केंजळे तसेच इतर अधिकारी व सेवक मोठ्या संख्येने सहभागी झाले होते. (PMC Employees Union)
अतिरिक्त आयुक्त  ढाकणे यांनी सेवकांच्या कार्यक्षमतेवर शहरीकरणामुळे तसेच कामकाजातील वाढता ताण तणावामुळे आरोग्य विषयक समस्या उद्भवतात याकरिता अशा कार्यशाळेचे आयोजन होणे गरजेचे आहे, असे महत्त्व विषद केले. उपायुक्त  सचिन इथापे यांनी सेवकांच्या रखडलेल्या प्रश्नांविषयी सामान्य प्रशासन विभागाकडून तातडीने आढावा घेतला जाईल व सेवकांचे प्रश्न मार्गी लावले जातील असे सर्व सेवकांना आश्वस्त केले. (Pune  Corporation Employees)
या कार्यशाळेचे विशेष हे कि, आज पर्यंत कोणत्याही सेवकाला युनियन सभासद नंबर दिला गेला नव्हता, तो यामध्ये दिला गेला. याबाबत कर्मचारी युनियन आणि पदाधिकारी यांचे कौतुक होत आहे.
—–
News Title | PMC Pune Employees Workshop | Brainstorming in the workshop on questions of municipal employees

Water Project | मोरगाव  परिसर भागात पुरंधर उपसा सिंचन योजनेच्या 3.9 km पाईपलाईनचे काम विक्रमी 40 दिवसांत पुर्ण 

Categories
Breaking News social पुणे शेती

 मोरगाव  परिसर भागात पुरंधर उपसा सिंचन योजनेच्या 3.9 km पाईपलाईनचे काम विक्रमी 40 दिवसांत पुर्ण

मोरगाव व परिसर भागात पुरंधर उपसा सिंचन योजनेच्या 3.9 km पाईपलाईनचे काम विक्रमी अशा 40 दिवसांत पुर्ण करण्यात आले आहे. या योजनेमुळे परिसरातील लोकांना चांगलाच फायदा होणार आहे.

श्री क्षेत्र मोरगांव ता. बारामती जि.पुणे येथील जिरायत भाग शेतकऱ्यांसाठी उपमुख्यमंत्री अजितदादा पवार  यांचे माध्यमातुन व  आदर पूनावाला सिरम इन्स्टिट्यूट पुणे यांचे सहकार्यातुन पुरंधर उपसा सिंचन योजनेमध्ये जोगवडी ते खटकळ ओढा, ढोलेमळा, मोरगाव येथील शेतीला पाणी पुरवठा होणेकामी पाइपलाइन करणेसाठी ८ मार्च रोजी 1.32 कोटी C.S.R फंडातून निधी देणेत / उपलब्ध करून दिला होता. सदर पाईपलाईनचे काम पुर्ण करणेसाठी मोरगाव येथील तरुण शेतकरी / कार्यकर्ते  अनिल ढोले, चांगदेव ढोले,गणेश ढोले, अविनाश ढोले, हनुमंत ढोले, अंकुश ढोले ,विठ्ठल ढोले, त्रिंबक खोपडे, सखाराम तावरे, विजय ढोले,नारायण तावरे, विलास तावरे महादेव ढोले ,अभिजीत ढोले तसेच मोरगाव चे विद्यमान सरपंच श्री निलेश केदारी , माजी सरपंच पोपट तावरे व ग्रामपंचायत सदस्य यांनी विशेष कष्ट घेतले होते. सदर योजनेमुळे मोरगांव परिसरातील ढोलेमळा, पाटील बुवाचा मळा, चोपणवस्ती, तावरेवस्ती, हनुमाननगर सोनारशेत येथील शेतक-यांना फायदा होणार आहे.

सदर योजनेमुळे अंदाजे 450 ते 500 हेक्टर क्षेत्र ओलिताखाली येणार आहे. तसेच अंदाजे 150 से 200 शेतकरी कुटुंबाचे जीवनमान उंचवणार आहे. सदर योजनेकामी शेतकरी, ग्रामपंचायत, सिंचन विभाग, जिल्हाधिकारी कार्यालय तसेच व इतर ठिकाणी पत्रव्यवहार व पाठपुरावा इतर बाबींसाठी  संदीप शंकरराव कदम ,उपायुक्त ,पुणे महानगरपालिका यांनी समन्वय साधून योजना पूर्ण करणेसाठी विशेष योगदान व सहकार्य केले आहे .सदर पाईपलाईनच्या कामाचा शुभारंभ सोमेश्वर स.सा.कारखाना चेअरमन पुरूषोत्तम जगताप व राष्ट्रवादी कॉंग्रेस पक्षाचे तालुकाध्यक्ष  संभाजी नाना होळकर यांच्या हस्ते झाले होते.

सदर काम दिनांक 18 जुन 2022 रोजी पुर्ण झाले असून राष्ट्रवादी कॉंग्रेस पार्टी माजी सैनिक सेलचे नवनियुक्त पुणे शहराध्यक्ष अविनाश ढोले व सर्व ग्रामस्थ यांचे उपस्थित खटकळ ओढयात पाणी सोडण्यात आले.

सदर योजनेमुळे मोरगाव व परिसरातील वाडीवस्ती- वरील शेतकरी यांनी समाधान व्यक्त केले आहे तसेच त्यांनी  अजितदादा पवार  यांचे नुकतेच मुंबई येथे जाऊन सत्कार केला व आभार व्यक्त केला आहे. तसेच सिंचन विभागातील मुख्य अभियंता गुणाले साहेब व इतर अधिकारी त्यांचेही आभार मानले आहेत.

Purandhar Upsa Irrigation Scheme : मोरगाव व परिसर भागात पुरंधर उपसा सिंचन योजनेच्या पाईपलाईन कामाला सुरूवात : पुणे महापालिका उपायुक्त संदीप कदम यांचे विशेष सहकार्य 

Categories
Breaking News social पुणे शेती

 मोरगाव व परिसर भागात पुरंधर उपसा सिंचन योजनेच्या पाईपलाईन कामाला सुरूवात

: पुणे महापालिका उपायुक्त संदीप कदम यांचे विशेष सहकार्य

पुणे : मोरगाव व परिसर भागात पुरंधर उपसा सिंचन योजनेच्या पाईपलाईन कामाला सुरूवात झाली आहे. श्री क्षेत्र मोरगांव  येथील जिरायत भाग शेतकऱ्यांसाठी अजितदादा पवार,उपमुख्य मंत्री  यांचे माध्यमातुन व  आदर पूनावाला सिरम इन्स्टिट्यूट पुणे यांचे सहकार्यातुन पुरंधर उपसा सिंचन योजनेमध्ये जोगवडी ते खटकळ ओढा, ढोलेमळा, मोरगाव येथील शेतीला पाणी पुरवठा होणेकामी पाइपलाइन करणेसाठी  1.32 कोटी C.S.R फंडातून निधी देणेत / उपलब्ध करून दिला आहे.

पाईपलाईन च्या कामासाठी मोरगाव येथील तरुण शेतकरी / कार्यकर्ते  अनिल ढोले, चांगदेव ढोले, अविनाश ढोले, हनुमंत ढोले, अंकुश ढोले ,विठ्ठल ढोले, त्रिंबक खोपडे, सखाराम तावरे, नारायण तावरे, विलास तावरे महादेव ढोले,अभिजीत ढोले तसेच मोरगाव चे विद्यमान सरपंच निलेश केदारी , माजी सरपंच पोपट तावरे व ग्रामपंचायत सदस्य यांनी विशेष कष्ट घेतले आहेत. या योजनेमुळे मोरगांव परिसरातील ढोलेमळा, पाटील बुवाचा मळा, चोपणवस्ती, तावरेवस्ती, हनुमाननगर सोनारशेत येथील शेतक-यांना फायदा होणार आहे

या योजनेमुळे अंदाजे 450 ते 500 हेक्टर क्षेत्र ओलिताखाली येणार आहे. तसेच अंदाजे 150 से 200 शेतकरी कुटुंबाचे जीवनमान उंचवणार आहे. सदर योजनेकामी शेतकरी, ग्रामपंचायत, सिंचन विभाग, जिल्हाधिकारी कार्यालय तसेच व इतर ठिकाणी पत्रव्यवहार व पाठपुरावा इतर बाबींसाठी  संदीप शंकरराव कदम , उपायुक्त, पुणे महानगरपालिका यांनी समन्वय साधून योजना पूर्ण करणेसाठी विशेष योगदान व सहकार्य केले आहे. तसेच  कदम हे मोरगांव भूमिपुत्र आहे व आम्हास त्यांचा अभिमान आहे असे मोरगांवचे सरपंच  निलेश केदारी व ग्रामस्थांनी सांगितले. सदर पाईपलाईनचे काम येत्या एक दोन दिवसांत चालू होणार असुन दिड ते दोन महिन्यात पूर्ण करण्याचे नियोजन आहे.

सदर योजनेमुळे मोरगाव व परिसरातील वाडीवस्ती- वरील शेतकरी यांनी समाधान व्यक्त केले. तसेच त्यांनी  अजितदादा पवार साहेब  नुकतेच मुंबई येथे जाऊन सत्कार केला व आभार व्यक्त केला आहे. तसेच सिंचन विभागातील मुख्य अभियंता गुणाले साहेब व इतर अधिकारी त्यांचेही आभार मानले आहेत.

“