Tag: Pune City

PMC Health Department | डेंगू, चिकनगुनिया चा प्रादुर्भाव टाळण्यासाठी काय करायला हवे? पुणे महापालिकेने नागरिकांना सुचवल्या उपाययोजना!

Categories
Breaking News PMC social आरोग्य पुणे

PMC Health Department | डेंगू, चिकनगुनिया चा प्रादुर्भाव टाळण्यासाठी काय करायला हवे? पुणे महापालिकेने नागरिकांना सुचवल्या उपाययोजना!

Pune Municipal Corporation Health Department – (The Karbhari News Service) – पावसाळा सुरू झाला आहे. पावसाळ्यामध्ये विविध ठिकाणी स्वच्छ पाणी साठून राहते. त्यामुळे डेंगू (Dengue) व चिकनगुनिया (Chickengunya) या किटकजन्य रोगांच्या साथी उद्भवू शकतात. स्वच्छ पाण्यात डेंग्यू, चिकनगुनिया आजारांचा प्रसार करणारा ‘एडीस इजिप्ती’ (Aedes Aegypti) डासांची पैदास होते. त्यामुळे पाणी साठणार नाही याची काळजी घ्यावी. असे आवाहन पुणे महानगर पालिकेच्या आरोग्य विभागाच्या (Health Department PMC) कीटक प्रतिबंधक विभागाने केले आहे. तसेच नागरिकांना काही उपाय योजना देखील सुचवल्या आहेत. (Pune PMC News)

पुणे महापालिकेच्या कीटक प्रतिबंधक विभागाने 15 क्षेत्रीय कार्यालयामार्फत डास उत्पत्ती शोधून ती नष्ट करण्याची मोहीम सुरु केली आहे. नागरिकांनी योग्य काळजी घेतल्यास कीटकजन्य आजारांचा प्रसार होणार नाही. तसेच डास उत्पत्ती करणारे नागरिक, व्यावसायिक, आस्थापना यांच्यावर महाराष्ट्र महानगरपालिके अधिनियमांनुसार कायदेशीर कारवाई करण्यात येणार आहे, अशी माहिती महापालिकेचे सहाय्यक आरोग्य अधिकारी डॉ. सुर्यकांत देवकर (Dr Surykant Devkar PMC) यांनी दिली.

काय उपाययोजना कराल? 

  1. घरातील सर्व पाणीसाठ्यात आठवड्यापेक्षा जास्त काळ पाणी साठणार नाही याची दक्षता घ्यावी.
  2. शहराबाहेर जाताना नागरिकांनी घरातील सर्व पाणी साठे उदा. टाकी, ड्रम झाकून ठेवावेत.
  3. घर व टेरेस वरील भंगार व निरुपयोगी साहित्य काढून टाकणे.
  4. कुंडी, मनीप्लांट, फ्रीज व कूलच्या मागील ट्रे मध्ये साठलेले पाणी दररोज बदलणे.
  5. मोठे पाणीसाठे (हौद, कमळपॉड) येथे गप्पी मासे सोडणे
  6. सोसायटीच्या पार्किंगमधील पावसाळी जाळ्यामध्ये साठणारे पाणी वाहते करावे.
  7. आठवड्यातून एकदा कोरडा दिवस पाळावा.
  8. बांधकाम व्यावसायिक, भंगार व कुंडीवाले व्यावसायिक, नारळ व शहाळेवाले व्यावसायिक यांनी त्यांचे येथे पाणी साठणार नाही याची दक्षता घ्यावी.
  9. डेंग्यू, चिकनगुनियाचा प्रसार करणारा एडीस इजिप्ती डास दिवसा चावत असल्याने फिकट रंगाचे व लांब बाह्यांचे कपडे घालणे.
  10. घराच्या खिड्यांना जाळ्या बसवणे व झोपताना मच्छरदाणीचा वापर करणे.
  11. व्हेट पाईपला जाळी बसवणे
  12. कीटजन्य आजाराच्या निदानासाठी रक्ताची तपासणी करतेवेळी हॉस्पिटल, प्रयोगशाळा यांना नागरिकांनी स्वत:चा अचूक पत्ता व फोन नंबर द्यावा.

Pramod Nana Bhangire | पुणे शहरातील निर्जीव झालेल्या झाडांची छाटणी व पावसाळ्यापूर्वी ड्रेनेज लाईन स्वच्छता मोहीम राबवावी | प्रमोद नाना भानगिरे यांची महापालिका आयुक्तांकडे मागणी

Categories
Breaking News PMC social पुणे

Pramod Nana Bhangire | पुणे शहरातील निर्जीव झालेल्या झाडांची छाटणी व पावसाळ्यापूर्वी ड्रेनेज लाईन स्वच्छता मोहीम राबवावी

| प्रमोद नाना भानगिरे यांची महापालिका आयुक्तांकडे मागणी

Pre Monsoon work in Pune – (The Karbhari News Service) – पुणे शहरातील निर्जीव झालेल्या झाडांची छाटणी व पावसाळ्यापूर्वी ड्रेनेज लाईन स्वच्छता मोहीम राबवावी. अशी मागणी शिवसेना शहर प्रमुख प्रमोद नाना भानगिरे (Pramod Nana  Bhangire Shivsena) यांची महापालिका आयुक्तांकडे (PMC Commissioner) केली आहे. यावर अंमल नाही झाला तर आंदोलन करण्याचा इशारा भानगिरे यांनी दिला आहे. (Pune Municipal Corporation (PMC)
भानगिरे यांनी आयुक्तांना दिलेल्या पत्रानुसार गेल्या काही दिवसात पुणे शहरात अचानक मोठ्या प्रमाणावर मुसळधार पाऊस झाला ज्यात अनेक ठिकाणी निर्जीव असलेले वृक्ष उन्मळून पडलेले, तसेच ड्रेनेज लाईन तुंबलेली आढळून येत आहे. हडपसर मतदार संघातील प्रभाग क्रमांक 26 विविध ठिकाणी मोठ्‌या प्रमाणावर निर्जीव व जीर्ण वृक्षांची संख्या मोठ्‌या प्रमाणावर असून अचानक कोसळणाऱ्या पावसामुळे मोठ्या प्रमाणावर वृक्ष कोसळून जीवित हानी होण्याचे प्रकार घडत आहेत. त्यामुळे मतदारसंघातील प्रभाग क्रमांक 26 मधील विविध ठिकाणी जीर्ण झालेल्या वृक्षांची कटाई तसेच रस्त्याच्या दुतर्फा वाढलेल्या मोठ्या झाडांची छाटणी करणे अत्यावश्यक आहे.
भानगिरे यांनी म्हटले आहे कि, तातडीने या संदर्भात संबंधितांना सुचित करावे. तसेच पावसाळ्याच्या सुरुवातीलाच मोठ्या प्रमाणावर आलेल्या मुसळधार पावसाने ठिकठिकाणी ड्रेनेज लाईन तुंबलेली असून नागरिकांच्या आरोग्याचा प्रश्न उभा राहिला आहे. तरी तातडीने पुणे महानगरपालिकेच्या वतीने ड्रेनेज लाईन स्वच्छता मोहीम हडपसर मतदार संघात राबविण्यात यावी जेणेकरून पावसाळ्यापूर्वीच ड्रेनेज लाईन स्वच्छता मोहीम पूर्ण होवून नागरिकांचे स्वास्थ्य धोक्यात येणार नाही.
अनेक वेळा प्रशासनाच्या विलंबामुळे नागरिकांना मोठा त्रास सहन करावा लागत आहे. तरी संपूर्ण पूणे शहरातील तात्काळ निर्जीव झालेल्या वृक्षांची छाटणी
तसेच ड्रेनेज लाईन स्वच्छतेबाबत संबंधितांना तातडीने सूचना कराव्यात. अन्यथा पुणे शहर शिवसेनेच्या वतीने तीव्र आंदोलन छेडण्यात येईल. असा इशारा भानगिरे यांनी दिला आहे.

Pune Loksabha Election Voting | पुणे शहरात वॉर्डनिहाय मतदार सहाय्यता कक्ष स्थापन

Categories
Breaking News social पुणे

Pune Loksabha Election Voting | पुणे शहरात वॉर्डनिहाय मतदार सहाय्यता कक्ष स्थापन

 

Pune Loksabha Election Voting – (The Karbhari News Service) – लोकसभा सार्वत्रिक निवडणुकीच्या पार्श्वभूमीवर मतदार यादीत मतदारांचे नाव आणि मतदान केंद्र शोधता यावे यासाठी पुणे शहरात वॉर्डनिहाय मतदार सहाय्यता कक्षाची स्थापना करण्यात आली आहे, अशी माहिती जिल्हाधिकारी तथा जिल्हा निवडणूक अधिकारी डॉ. सुहास दिवसे यांनी दिली आहे.

मतदार सहायता कक्षाचा संपर्क क्रमांक पुढीलप्रमाणे आहे. औंध बाणेर 020-29912679, ढोले पाटील रोड 020-29995164, विश्रामबाग वाडा 020-29950782, भवानी पेठ 020-29950749, घोले रोड 020-29950672, कर्वे नगर 020-29900101, कोंढवा 9373949573, वानवडी 020-29980508, येरवडा 020-29913010, हडपसर 020-29980410, सिंहगड रोड 020-29950768, नगर रोड 020-29913491, बिबवेवाडी 020-29950752, धनकवडी 020-29950746, कोथरुड 020-29950838.

सकाळी आठ ते रात्री आठ वाजेपर्यत ही सेवा उपलब्ध असून नागरिकांनी आपल्या विधानसभा मतदारसंघातील त्यांचे नाव मतदार यादीत शोधण्यासाठी वरील क्रमांकावर संपर्क साधावा, असे आवाहन जिल्हा निवडणूक अधिकारी कार्यालयाकडून करण्यात आले आहे.
००००

IHIP-IDSP portal | Pune Municipal Corporation is getting success in bringing disease under control!

Categories
Breaking News PMC आरोग्य पुणे

IHIP-IDSP portal | Pune Municipal Corporation is getting success in bringing disease under control!

PMC Health Department – (The Karbhari News Service) – The central government has made available the IHIP-IDSP portal to bring epidemics under control in the city. Pune Municipal Corporation (PMC) Health Department is benefiting from this. Because this is helping to control epidemics in Pune city. This information was given by Municipal Assistant Health Officer Dr Suryakant Devkar PMC. (Pune PMC News)

In this regard, Dr. Devkar said that according to the guidance of the Central and State Governments, the health department of Pune Municipality registers the information of suspected epidemic patients daily on the IHIP IDSP portal of the Central Government through the working clinics/hospitals and private patients. Suspect as well as positive patient records are collated with complete information as per the information entered on the portal. This information is for ward wise survey in Pune Md. No. Pa. It is being done according to 15 regional offices. In accordance with that, epidemics are being controlled by conducting surveys to prevent the patients of Kovid – 19, Influenza – H1N1, H3N2, Water Borne Diseases etc.

Various activities being implemented by Epidemiological Department

NRCP – Rabies Control Programme:-

Pune No. Pa. NRCP jointly by Department of Epidemiology and Department of Animal Husbandry at the level
Under the National Rabies Control Programme, sufficient stock of rabies control and preventive vaccine is kept available.

3) NPCCHH – National Program for Climate Change and Human Health :

Rate in view of hot weather at Pune Municipal level as per Central and State Govt guidelines
Annual HRI (Heat Related Illness) from March to the end of July in Pune. No. Pa. Through Clinics / Hospitals
Survey and necessary preparations are being done.

Metropolitan Surveillance Unit (MSU) :

Central Government to enable survey system in cities in wake of epidemic outbreak
Pune is among the four cities selected in Maharashtra for setting up a Metropolitan Surveillance Unit
The city is at the forefront. Various types of assistance to cities under the said Metropolitan Surveillance Unit
Up-to-date labs required for diseases will be available and various types of epidemics will be detected immediately
Taking measures and actions as well as detailed study of future events regarding epidemics
It will be possible to do. Accordingly, 6000 square feet of space has been fixed on the sixth floor of the old dedicated Covid Hospital in Baner S. No. 109 under the Pune Municipal Corporation.
Accordingly, administrative to establish a Metropolitan Surveillance Unit at the Pune MP level
Working in progress.
—

Portal – ihip i.e. integrated health information platform is proving beneficial for municipal health department. For this, Epidemiology Department has kept a team of 4 people.
All patient information from private and municipal hospitals is collected on this portal. The respective teams check this information daily. Accordingly, a survey is conducted in the surrounding area. Accordingly, drug spraying and similar actions are done in the surrounding area. This can be done through the portal. So we are preventing epidemics.

– Dr. Suryakant Deokar, Assistant Health Officer.

Pune Heat Stroke | पुणे तापले; मात्र पुणेकर घेताहेत काळजी! गेल्या दोन वर्षात पुण्यात उष्माघाताचा एकही रुग्ण नाही!

Categories
Breaking News PMC social आरोग्य पुणे

Pune Heat Stroke  | पुणे तापले; मात्र पुणेकर घेताहेत काळजी! गेल्या दोन वर्षात पुण्यात उष्माघाताचा एकही रुग्ण नाही!

Pune Heat Stroke – (The Karbhari News Service) – राज्यात सगळीकडे उन्हाचा (Heat Wave) कडाका वाढला आहे. यात पुणे देखील मागे नाही. गेल्या काही दिवसापासून पुणे शहर (Pune Heat) चांगलेच तापू लागले आहे. पुण्याचा पारा 44 अंश पर्यंत जाऊन पोचला. मात्र पुणेकरांना या उन्हापासून आपला बचाव कसा करायचा हे चांगलेच माहित आहे. यामुळेच पुण्यात गेल्या दोन वर्षांपासून उष्माघाताचा (Heat Stroke) एकही रुग्ण पुणे शहरात आढळून आला नाही. अशी माहिती महापालिचे सहायक आरोग्य अधिकारी डॉ सूर्यकांत देवकर (Dr Suryakant Devkar PMC)  यांनी दिली आहे. (PMC Health Department)
गेल्या आठवड्याभरापासून सगळीकडे उन्हाचे चटके जाणवू लागले आहेत. राज्यात उष्माघाताच्या रुग्णाची संख्या देखील वाढू लागली आहे. काही ठिकाणी या आजाराने रुग्ण दगावले देखील आहेत. पुण्यात मात्र गेल्या दोन वर्षांपासून उष्माघाताचा एकही रुग्ण आढळलेला नाही. नागरिकांनी स्वतः काळजी घेतली तर या आजाराचे रुग्ण दिसून येणार नाहीत. त्यामुळे स्वतःचा बचाव स्वतः करणे, हा यावरील एकमेव उपाय आहे.
—
पुणे शहरात ऊन जरी वाढलं असलं तरी नागरिक काळजी घेताना दिसून येत आहेत. त्यामुळे दोन वर्षांपासून एकही रुग्ण आढळला नाही. नागरिकांनी अशीच काळजी घ्यावी. भरपूर पाणी प्यायला हवं आहे. त्यामुळे डिहायड्रेशन होत नाही. असे आव्हान पुणे मनपाचे आहे. उष्माघात चा पेशंट आला तर त्याची माहिती मुख्य कार्यालय येथे पोर्टल वर अपलोड करण्याचे आदेश आम्ही सर्व दवाखान्यांना दिले आहेत.
– डॉ सूर्यकांत देवकर, सहायक आरोग्य अधिकारी. 
—

– पुणे महापालिकेने केले आहे आवाहन

सध्या शहराच्या तापमानात वाढ होत आहे. या तापमानामुळे उष्माघात होण्याची शक्यता नाकारता येत नाही. वेळीच उपचार न केल्यास उष्माघातामुळे व त्यामुळे होणाऱ्या डिहायड्रेशन ( जलशुष्कता ) मूळे मृत्यूही ओढवू शकतो. त्यामुळे याबाबत काळजी घेण्याचे आवाहन पुणे महापालिकेचे आरोग्य प्रमुख डॉ भगवान पवार (Dr Bhagwan Pawar PMC) आणि सहायक आरोग्य अधिकारी डॉ सूर्यकांत देवकर (Dr Surykant Devkar PMC) यांनी केले आहे. (Pune Municipal Corporation Health Department)

उष्माघात होण्याची कारणे :-

उन्हात शारीरिक श्रमाची, अंग मेहनतीचे व कष्टाची कामे करणे, कारखान्याच्या बॉयलर रुममध्ये काम करणे, काच कारखान्यात काम करणे, जास्त तापमानाच्या खोलीमध्ये काम करणे, घट्ट कपड्यांचा वापर करणे, अशा प्रत्यक्ष उष्णतेशी अथवा तापमानातील
वाढत्या परिस्थितीशी सतत संपर्क येण्याने उष्माघात होऊ शकतो.

लक्षणे :-

मळमळ उलटी, हात पायात गोळे येणे, थकवा येणे, 40 डिग्री सेल्सिअसपेक्षा जास्त ताप येणे, त्वचा गरम होणे व कोरडी पडणे क्वचित लाल होणे, घाम न येणे, डिहायड्रेशन, चक्कर येणे, निरुत्साही वाटणे, डोके दुखणे, छातीत धडधड होणे, रक्तदाब वाढणे, मानसिक अस्वस्थ, बेशुद्धवस्था इ.

अतिजोखमीच्या व्यक्ती:-

बालके, लहान मुले, खेळाडू, सतत उन्हात काम करणाऱ्या व्यक्ती, वयस्कर व्यक्ती ज्यांना हृदयरोग, फुप्फुसाचे विकार, मूत्रपिडाचे विकार इ.

प्रतिबंधात्मक उपाय :-

१. वाढत्या तापमानात फार वेळ कष्टाची कामे करणे टाळणे व शक्य नसल्यास थोड्या वेळाने सावलीत विश्रांती घेऊन पुन्हा काम करावे. कष्टाची कामे सकाळी लवकर अथवा संध्याकाळी कमी तापमानात असताना करावीत.
२. उष्णता शोषून घेणारे कपडे (काळ्या किंवा भडक रंगाचे) वापरू नयेत. सैल पांढरे किंवा फिक्कट रंगाचे सूती कपडे वापरावेत. तीव्र उन्हाच्या वेळेस बाहेर जाणे टाळावे. बाहेर प्रवासाला जाताना पाणी सोबत ठेवावे.
३. पाणी भरपूर प्यावे. डिहायड्रेशन होऊ देऊ नये, लिंबू सरबत, लस्सी, ताक, नारळ पाणी इत्यादी प्यावे.
४. उन्हात बाहेर जाताना गॉगल्स, डोक्यावर टोपी, टॉवेल, फेटा, छत्री इत्यादी चा वापर करावा.
५. घरामध्ये कामाच्या ठिकाणी कुलर्स, एअर कंडिशनर्स, वाळ्याचे पडदे यांचा वापर करावा.
६. पार्क केलेल्या वाहनांमध्ये मुले किंवा पाळीव प्राण्याना सोडू नका.
७. उष्माघाताची लक्षणे आढळल्यास त्वरित नजीकच्या मनपाच्या आरोग्य केंद्रा/ रुग्णालय किंवा खाजगी रुग्णालयाशी संपर्क साधावा.

उपचार :-

१. रुग्णास प्रथम सावलीत आणावे, रुग्णाचे तापमान कमी करण्याच्या दृष्टीने प्रयत्न करणे महत्त्वाचे आहे.
२. रुग्णाचे तापमान कमी करण्यासाठी त्वरित उपचार सुरू करावेत, रुग्णाचे कपडे सैल करून त्वरित अंग थंड पाण्याने शरीराचे तापमान कमी
होईपर्यंत पुसत राहावे.
३. रुग्णास हवेशीर व थंड खोलीत ठेवावे, खोलीतील पंखे, कुलर्स, एयर कंडिशनर्स त्वरित चालू करावेत.
४. रुग्ण शुद्धीवर आल्यास त्यास थंड पाणी, जलसंजीवनी द्यावे व डिहायड्रेशन टाळावे, चहा, कॉफी देऊ नये.
५. रुग्णाच्या काखेखाली आइसपॅक ठेवावेत, रुग्णाच्या कपाळावर थंड पाण्याचा पट्ट्या ठेवाव्यात.
६. थर्मामीटरने रुग्णाचे तापमान बघत राहावे व 36.8 सेल्सिअस तापमान होईपर्यंत वरील उपचार चालू ठेवावेत.
७. नजीकच्या मनपा आरोग्य केंद्रात, रुग्णालय अथवा खाजगी रुग्णालयाशी संपर्क साधावा. रुग्णालयात भरतीची गरज पडल्यास 108 अॅम्बुलन्ससाठी कॉल करावा.

MNGL reduces CNG Prices in Pune City, Pimpri-Chinchwad & Adjoining Areas of Talegaon, Chakan, Hinjewadi from the midnight of 5th / 6th March, 2024

Categories
Breaking News social पुणे महाराष्ट्र लाइफस्टाइल

MNGL reduces CNG Prices in Pune City, Pimpri-Chinchwad & Adjoining Areas of Talegaon, Chakan, Hinjewadi from the midnight of 5th / 6th March, 2024

 

Pune – (The Karbhri News Service) – City Gas Distribution (CGD) company Maharashtra Natural Gas Ltd (MNGL) has reduced retail selling price of Compressed Natural Gas (CNG) in the Pune city including Pimpri-Chinchwad and adjoining areas of Chakan, Talegaon and Hinjewadi with effect from midnight of 5th / 6th March, 2024. The CNG price has been reduced by Rs. 2.50/- per KG including taxes. The CNG retail selling price has been revised from Rs. 86.0/- per KG to Rs. 83.50/- per KG.

All the esteemed customers of MNGL may please take note of the same.

After the above revision, MNGL’s CNG offers very attractive savings of around 50% and 30% as compared to petrol and diesel respectively at current price levels in Pune city for passenger car segment and over 30% for Autorickshaws.

Since 26th January’2024, ‘National PNG Drive’ is being taken up across the country by CGD entities based on thrust being given by the Government and Regulatory Board to improve the penetration of Natural Gas in the country. In this regard, w.e.f. 14.02.2024, MNGL reduced Domestic PNG Prices and over a period of few days now, we have been witnessing that the new registrations and conversions for Domestic PNG are picking up at a rapid pace. There is a positivity in the attractiveness of Natural Gas usage amongst end consumers in the PMC and PCMC areas.

Considering the above experience, MNGL has decided to effect this CNG price reduction to create such positivity and attractiveness of CNG as a preferred fuel amongst the end consumers.

MNGL is operating CGD project in 6 geographical areas including Pune and has reduced the CNG prices by Rs. 2.50/- per KG including taxes in all of them.

Pune 5 Star City | PMC | पुणे शहर झाले आता 5 स्टार! | पुणे महापालिकेच्या शिरपेचात आणखी एक मानाचा तुरा!

Categories
Breaking News PMC social देश/विदेश पुणे

Pune 5 Star City | PMC | पुणे शहर झाले आता 5 स्टार! | पुणे महापालिकेच्या शिरपेचात आणखी एक मानाचा तुरा!

| पुणे महापालिकेला मिळाला राष्ट्रीय पुरस्कार

Pune 5 Star City | PMC | पुणे शहराच्या (Pune City) शिरपेचात आणखी एका मानाचा तुरा खोवला गेला आहे. पुणे महापालिका (Pune Municipal Corporation) करत असलेल्या प्रयत्नामुळे पुणे शहर आता 5 स्टार झाले आहे. पुणे महापालिकेला (PMC Pune) स्वच्छ सर्वेक्षण 2023 (Swachh Survey 2023) मध्ये एक राष्ट्रीय पुरस्कार आणि स्टार सिटी प्रमाणपत्र मिळाले आहे. पुणे शहर हे आजपर्यंत 3 स्टार मधेच होते. मात्र महापालिकेने उत्तम कामगिरी करून पहिल्यांदाच 5 स्टार होण्याचा मान मिळवला आहे. पुणे महापालिका आणि पुणे शहरासाठी ही मोठी उपलब्धी मानली जात आहे. (PMC Pune News)
देशातील राहण्यायोग्य सर्वोत्तम शहर म्हणून पुणे शहराचा नावलौकिक झाला आहे. तसेच विद्येचे माहेरघर, राज्याची सांस्कृतिक राजधानी अशी बरीच बिरुदे पुणे शहराला मिळाली आहेत. त्यात अजून एक नावलौकिकाची भर पडली आहे. पुणे शहर आता 5 स्टार झाले आहे. पुणे महापालिकेचा घनकचरा विभाग (PMC Solid Waste Management Department) यासाठी सातत्याने प्रयत्नशील होता. पुणे शहर आतापर्यंत 3 स्टार मधेच होते. मात्र आता यात वाढ होऊन ते 5 स्टार झाले आहे. खरे पाहता महापालिका यासाठी 2019 सालापासूनच प्रयत्न करत होती. मात्र काहींना काही कारणाने हे मानांकन हातून सुटत होते. मात्र अखेर महापालिकेने ही उपलब्धी मिळवली आहे. याबाबत सप्टेंबर च्या शेवटच्या आठवड्यात केंद्राकडून सर्वे करण्यात आला होता. यामध्ये घरोघर कचरा जमा करणे, कचऱ्याचे वर्गीकरण करणे, अशा 24 विविध घटकांचा समावेश होता. या सर्व गोष्टीत महापालिकेने चांगली प्रगती केली आहे. त्यामुळे महापालिका हा ‘किताब मिळवू शकली आहे. पुणे महापालिका आगामी काळात 7 स्टार आणि वॉटर प्लस मानांकन मिळवण्यासाठी प्रयत्न करणार आहे. जायका प्रकल्प अंतर्गत जलशुद्धीकरण केंद्राची कामे पूर्ण झाल्यावर महापालिका यासाठी पात्र होऊ शकते. (Pune PMC News)
दरम्यान नुकतेच केंद्र सरकारकडून पुणे शहराला हे प्रमाणपत्र देण्यात आले आहे. तसेच 11 जानेवारीला राष्ट्रीय पुरस्कार दिला जाणार आहे. यामध्ये शहराची स्वच्छ सर्वेक्षण मधील रँकिंग देखील कळणार आहे. केंद्र सरकारने 11 जानेवारीला राज्यातून फक्त 3 शहरांनाच निमंत्रण दिले आहे. यामध्ये नवी मुंबई, पुणे आणि पिंपरी चिंचवड शहराचा समावेश आहे. पुणे महापालिकेचे याबाबत कौतुक होत आहे. पुणे महापालिका याआधीच ओपन डिफिकेशन मुक्त झाले आहे. याबाबत महापालिकेने मानांकन देखील मिळवले आहे. मात्र महापालिका अजून कामगिरीत सुधारणा करत असून रँकिंग पहिल्या 5 मध्ये ठेवण्यासाठी प्रयत्न करत आहे. तसेच आगामी काळात 7 स्टार आणि वॉटर प्लस मानांकन मिळवण्याचा मानस देखील महापालिकेच्या घनकचरा विभागाने व्यक्त केला आहे.
—
पुणे शहराला पहिल्यांदाच 5 स्टार प्रमाणपत्र मिळाले आहे. आगामी काळात आपण 7 स्टार साठी प्रयत्न करणार आहोत. 5 स्टार मध्ये देशातील 8-9 शहरे आहेत. त्यामध्ये पुण्याचा समावेश आहे. ही पुणे महापालिकेच्या दृष्टीने मोठी गोष्ट आहे. महापालिकेने केलेल्या चांगल्या कामगिरीवर केंद्र सरकारने मोहोर लावली आहे. मागील वर्षी पेक्षा खूप सुधारणा आपण केल्या आहेत. महापालिका आपल्या कामगिरीत अजून चांगल्या सुधारणा करणार आहे. दरम्यान 11 जानेवारीला दिल्लीला होणाऱ्या कार्यक्रमात पुणे शहराला देखील निमंत्रण आहे. ही आणखी चांगली गोष्ट आहे. यात राष्ट्रीय पुरस्कार आणि आपली रँकिंग देखील  कळणार आहे.
– डॉ कुणाल खेमणार, अतिरिक्त आयुक्त, पुणे महापालिका 
—
स्वच्छ सर्वेक्षण 2023, (SS23), आपल्या पुणे महापालिकेला एक राष्ट्रीय पुरस्कार आणि 5 स्टार सिटी प्रमाणपत्र मिळाले आहे. मनपा आयुक्त यांचे प्रशंसनीय नेतृत्व व विश्वास, अतिरिक्त आयुक्त यांचे  मार्गदर्शन, तसेच सर्व  अधिकारी आणि कर्मचारी यांचे कठोर परिश्रम यामुळे हे घडले आहे. आजी माजी पदाधिकारी, पत्रकार आणि पुणेकर नागरिक यांचे देखील यात मोलाचे योगदान आहे. मात्र आता आमची जबाबदारी वाढली आहे. आम्ही जोमाने काम करू.
– संदिप कदम, उपायुक्त, घनकचरा व्यवस्थापन विभाग 
—

Pune Should be No. 1 City | पुणे शहर भारतामधील पहिल्या क्रमांकाचे शहर केले जाणार

Categories
Breaking News social पुणे

Pune Should be No. 1 City | पुणे शहर भारतामधील पहिल्या क्रमांकाचे शहर केले जाणार

| ‘पुणे विकास व लोक कल्याण समिती चा पुढाकार

Pune Should be No. 1 City |   ‘पुणे शहर भारतामधील पहिल्या क्रमांकाचे शहर व्हावे’ (Pune Should be No. 1 City in India) या उद्देशासाठी ‘Mandke Human Happiness Foundation’ यांच्या पुढाकाराने ‘पुणे विकास व लोक कल्याण समिती’च्या (Pune Vikas ani Lok Kalyan Samiti)  माध्यमातून हे काम केले जाणार आहे. सुधीर मांडके (Sudhir Mandke) यांची ही संकल्पना आहे. (Pune Should be No. 1 City)

यामध्ये सुधीर मांडके, माजी IAS अधिकारी महेश झगडे, पोलीस ट्रॅफिक कमिश्नर विजयकुमार मगर, रोटरी क्लब डिस्ट्रिक्ट गव्हर्नर मंजू फडके, लायन्स क्लब गव्हर्नर श्री. विजय भंडारी, ज्येष्ठ नागरिक संघ अध्यक्ष श्री. मधुकर पवार, माजी आईएएस व साहित्य संमेलन अध्यक्ष श्री. लक्ष्मीकांत देशमुख, डॉ. राजन जोशी, अभिनेता सुबोध भावे, श्री. बाबासाहेब कल्याणी व अनेक उद्योजक, निरनिराळ्या एनजीओ, आर्किटेक्ट असोसिएशनचे अध्यक्ष श्री. विकास आचलकर, मोठ्या प्रमाणात बिल्डर्स, पुणे शहराचे कामकरणारे महत्वाचे काँट्रॅक्टर्स आणि सर्व ५० लाख पुणेकर या मिशनमध्ये सहभागी आहेत. (Pune News)
याबाबत सुधीर मांडके यांनी सांगितले कि, पुण्यामध्येवेगवेगळ्या क्षेत्रांतील (आर्थिक, सामाजिक, शैक्षणिक, प्रशासकीय, संरक्षण, कायदा, राजकीय, मनोरंजन, लायन्स क्लबचे पदाधिकारी, रोटरी क्लबचे पदाधिकारी, को-ऑपरेटिव्ह सोसायटींचे पदाधिकारी, पुण्यातील सर्व उद्योजक इत्यादी) अनेक जाणकार नागरिक यात सहभागी आहेत. पुण्याची माहिती असणारे, पुण्याच्या समस्यांची जण असणारे, या समस्यांवर उपाय सुचविणारे, जनजागृतीसाठी उस्फुर्तपणे सहभागी होणारे अनेक सुजाण नागरिक एकत्र येऊन गेली काही वर्षे काम करत आहेत. पुणे शहर केवळ महाराष्ट्राच नाही, भारत देशासाठी मार्गदर्शक ठरेल अशा योजना राबविण्याचा आमचा उद्देश आहे. आपल्या पुण्याचा सर्वांगीण विकास हा एकच विचार सर्व पुणेकरांचा असायला पाहिजे. त्यासाठी एकमेकांच्या साहाय्याने प्रयत्न केले आणि प्रत्येक नागरिकाने स्वतःचा खारीचा वाटा उचलला तर यश नक्की येईल.
मांडके पुढे म्हणाले. पुण्यातील समस्यांवर उपाय सुचविण्याचे काम ‘पुणे विकास व लोककल्याण समिती’ गेली काही वर्षे करत आहे. पुण्यातील प्रत्येक नागरिक जेव्हा या शहराला स्वतःच्या घराचे अंगण समजून सूज्ञपणाने काम करेल तेव्हा पुण्याच्या विकासाचा उद्देश सध्या हुईल. पुण्याचे प्रश्न सर्वांनाच माहिती आहेत पण त्यावर जाणकार लोकांच्या मदतीने उत्तरे शोधून त्यावर कृती करणे आवश्यक आहे. उदा. पुणे महानगरपालिका आणि महाराष्ट्र शासन यांच्या सहयोगातून वाहतूक समस्येवर उत्तर शोधणे. काही महत्वाच्या गोष्टी आपण उस्फुर्तपणे केल्या तर सर्व आपोआप घडेल. त्यामुळे आपण सर्वजण मिळून सर्व प्रकारचे नियम पाळूयात, पाणी आणि वीज तारतम्याने वापरूयात जेणे करून त्याची प्रचंड प्रमाणात बचत
होईल.
मांडके यांनी पुढे सांगितले प्रत्येक विषयासाठी एक कमिटी बनवण्यात येणार आहे. उदा. पुण्यातील सर्व शिक्षण संस्थांचे (शाळा, महाविद्यालये) प्रमुख आणि मा. शिक्षण मंत्री यांची एक कमिटी बनवून त्यांची बालगंधर्व रंगमंदिर येथे लवकरच एक मिटिंग होणार आहे. अशा जवळपास ३० कमिटी बनवून हे काम चालणार आहे. ही सर्व कामे प्रत्येक पुणेकर सोबत असल्या शिवाय होणार नाहीत. त्यामुळे यात लोकांचा सहभाग महत्वाचा असणार आहे. असेही मांडके यांनी नमूद केले. शहरातील जवळपास 70 हून अधिक समस्यांवर ही समिती काम करणार आहे. असेही मांडके यांनी सांगितले.

PMC Solid Waste Management Department | इंदौर दौऱ्यानंतर महापालिकेच्या घनकचरा विभागाकडून तात्काळ उपाययोजना सुरु | आरोग्य निरिक्षक, वरिष्ठ आरोग्य निरीक्षकांना दिले जाणार प्रशिक्षण 

Categories
Breaking News PMC social पुणे

PMC Solid Waste Management Department | इंदौर दौऱ्यानंतर महापालिकेच्या घनकचरा विभागाकडून तात्काळ उपाययोजना सुरु | आरोग्य निरिक्षक, वरिष्ठ आरोग्य निरीक्षकांना दिले जाणार प्रशिक्षण

PMC Solid Waste Management Department | पुणे शहराला अजून स्वच्छ बनवण्यासाठी आणि देशात प्रथम क्रमांकाचे स्वच्छ शहर बनवण्यासाठी महापालिकेच्या घनकचरा विभागाने (PMC Pune Solid Waste Management Department) कंबर कसली आहे. त्यासाठी महापालिका अधिकारी आणि कर्मचाऱ्यांसाठी इंदौर शहराची (PMC Indore Tour) याबाबत पाहणी करण्यासाठी दौरा आयोजित केला होता. दौऱ्यांनंतर दुसऱ्याच दिवशी विभागाकडून उपाययोजना हाती घेण्यात आल्या आहेत. त्यानुसार सर्वप्रथम आरोग्य निरिक्षक आणि वरिष्ठ आरोग्य निरीक्षक यांना प्रशिक्षण देण्यात येणार आहे. यामध्ये त्यांना घरोघरी १०० टक्के कचरा संकलन, वाहतुक नियोजन, कर्मर्शियल भागातील कच याबाबत केलेले सुयोग्य नियोजन तसेच झाडणकाम इ.बाबत प्रशिक्षण दिले जाणार आहे. अशी माहिती उपायुक्त संदीप कदम (Deputy Commissioner Sandeep Kadam) यांनी दिली. (Pune Municipal Corporation)

पुणे महानगरपालिकेमार्फत ३० नोव्हेंबर व 1 डिसेम्बर रोजी इंदौर शहराचा पाहणी दौरा आयोजित करण्यात आला होता. या दौ-यासाठी पुणे महानगरपालिकेचे अधिकारी व कर्मचारी यांची नियुक्ती करण्यात आली होती. इंदोर शहरामध्ये स्वच्छतेचा आयाम राखणेकामी ज्या ज्या बेस्ट प्रॅक्टीसेस जसे की घरोघरी १०० टक्के कचरा संकलन, वाहतुक नियोजन, कर्मर्शियल भागातील कच याबाबत केलेले सुयोग्य नियोजन तसेच झाडणकाम इ.बाबतची पाहणी करण्यात आले या पाहणी दरम्यान आढळलेल्या बाबींचे अनुषंगाने आरोग्य निरीक्षक व वरिष्ठ आरोग्य निरीक्षक यांना याबाबत अवगत करणे व त्याबाबतचे प्रशिक्षण देणे आवश्यक आहे. त्यानुसार परिमंडळ नुसार हे प्रशिक्षण दिले जाणार आहे. (PMC News)

 

| अधिकारी आणि कर्मचाऱ्यांना ही देण्यात आली आहे जबाबदारी

1. वरिष्ठ आरोग्य निरीक्षक  राम सोनवणे, आरोग्य निरीक्षक  जालिंदर चांदगुडे व   नवनाथ शेलार यांनी इंदौर शहराची केलेल्या पहाणीबाबत पुणे महानगरपालिकेच्या परिमंडळ क्र. १ ते ५ मधील सर्व वरिष्ठ आरोग्य निरीक्षक व आरोग्य निरीक्षक यांना प्रशिक्षण देणेकामी दैनंदिन बॅचेस तयार करून दु.०३.०० ते सायं ०५.०० या कालावधीत शिवाजीनगर घोलेरोड क्षेत्रिय कार्यालयाकडील ऑडिटोरियम मध्ये प्रशिक्षण पूर्ण करण्यात यावे.

2. तसेच वरिष्ठ आरोग्य निरीक्षक श्री राम सोनवणे, आरोग्य निरीक्षक श्री. जालिंदर चांदगुडे व श्री. नवनाथ शेलार यांनी दिलेल्या प्रशिक्षणाबाबतचा अहवाल मुख्य खात्याकडे सादर करावा.

3. प्रशिक्षणासाठी लागणारा शिवाजीनगर घोलेरोड क्षेत्रिय कार्यालयाकडील ऑडिटॉरियम (उप आयुक्त कार्यालय परिमंडळ क्र. १) येथील उपलब्धतेबाबत व त्याबाबतचे योग्य ते आवश्यक नियोजन प्र. सहायक
आरोग्य अधिकारी डॉ. केतकी घाटगे व वरिष्ठ आरोग्य निरीक्षक श्री. इमामुद्दीन इनामदार यांनी करावयाचे आहे.

Special Article | Welcome to Indore : इंदौर हे देशातलं सगळ्यात स्वच्छ शहर का आहे?

Categories
Breaking News cultural PMC social देश/विदेश पुणे संपादकीय

Special Article | Welcome to Indore : इंदौर हे देशातलं सगळ्यात स्वच्छ शहर का आहे?

 

Indore Municipal Corporation | (Author: Ganesh Mule) | काही शहरं तुम्हांला बघता क्षणी प्रेमात पाडतात. काही शहरांच्या प्रेमात तुम्ही आधीपासूनच असता. मला बघता क्षणी इंदौर शहरानं प्रेमात पाडलं. तर पुण्याच्या प्रेमात मी बऱ्याच वर्षांपासून आहे. मुंबईनं मात्र मला कधी प्रेमात पाडलं नाही. बघता क्षणी तर आधी भीतीच वाटली. एवढं सांगायचं कारण म्हणजे पुणे महापालिकेच्या घनकचरा विभागाच्या वतीने आयोजित अभ्यास दौऱ्याच्या निमित्ताने नुकतंच इंदौर शहराला भेट दिली. दोन दिवस आणि दोन रात्रीत बऱ्यापैकी शहर फिरून घेतलं. देश के सबसे स्वच्छ शहर (The Cleanest City of India) में आपका स्वागत हैं. असं म्हणून इंदौर शहरात तुमचं प्रत्येक ठिकाणी स्वागत केलं जातं. (PMC | IMC)
शहरात रात्रीच उतरलो. उतरल्याबरोबर नजरेत भरली ती त्या शहराची स्वच्छता. खरं म्हणजे स्वच्छतेबाबत या शहरानं स्वतःची जेवढी branding आणि जाहिरात केलीय, तसंच ते आहे. जाहिरात आणि वास्तवता यात फरक असतो. मात्र इथं तसं काही दिसलं नाही. जशी जाहिरात अगदी तसंच शहर स्वच्छ आहे. रात्र आणि दिवसा देखील तशीच स्वच्छता. रस्ते देखील सुटसुटीत. रस्त्यांच्या दोन्ही बाजूला शिवाय डिव्हायडर मध्ये देखील झाडांचं प्रमाण म्हणावं तेवढं चांगलं. त्यामुळे शहरात पाऊल ठेवल्याबरोबर शहरानं स्वच्छतेबाबत भ्रमनिरास केला नाही. रस्ते आणि परिसर तर स्वच्छ होताच. मात्र फ्लेक्स आणि होर्डिंग च्या बाबतीत देखील शहर स्वच्छ दिसलं. जमीन आणि आकाश असं दोन्हीवर देखील शहरानं स्वच्छता टिकवून ठेवलीय. जी इतर शहरात क्वचितच पाहायला मिळते.
मात्र शहराला सकाळी लवकर जाग येत नाही. सकाळी स्वच्छता कर्मचारी किंवा इतर दूध किंवा कामाचे लोकच तेवढे बाहेर दिसतात. दोन दिवसात जाणवलं कि शहर रात्री खूप वेळ जागं असतं. त्यामुळे कदाचित सकाळी जाग यायला उशीर होत असावा. हिंदी भाषिक असणारं हे शहर. सुखवस्तू असल्यासारखं. आहे त्यात समाधान मानण्याची लोकांची वृत्ती दिसून येतीय. फार महत्वाकांक्षा ठेऊन ऊर फुटेस्तोर धावपळ करायची नाही. आपल्या परंपरांना गालबोट लागू द्यायचं नाही. एवढी शांत वृत्ती लोकांची दिसून आली. युवकांमध्ये आक्रमकपणा दिसला पण तो तसा सगळीकडे असायचाच. बायका आणि पुरुष दोघेही दिसण्याबाबत अगदी सुंदर. गोरेगोमटे. देवी अहिल्याबाई आणि मल्हारराव होळकर जी परंपरा सोडून गेले ती अजूनही या लोकांनी जपल्यासारखी वाटते. इथल्या लोकांना आपल्या शहराविषयी प्रचंड अभिमान. त्यात स्वच्छतेच्या बाबतीत तर विचारायलाच नको. नुसता अभिमानच नाही तर लोक स्वच्छता टिकवण्यासाठी हातभार लावत असतात. एकतर लोक स्वतः कचरा करत नाहीत. आणि झाला तरी तात्काळ कचरा उचलण्याचं काम लोक करतात. मग ते दुकानदार असो कि सर्वसामान्य माणूस.  असं चित्र खूपच कमी शहरात दिसतं. असं असलं तरी शहराला महत्वाकांक्षेचे धुमारे फुटण्याची आवश्यकता आहे. ज्यामुळे शहरात उद्योग आणि आयटी सारख्या गोष्टीना चालना मिळेल आणि इथल्याच लोकांना रोजगार मिळेल.
दुसरी महत्वाची नजरेत भरणारी गोष्ट म्हणजे इथल्या व्यवस्थेत राजकीय हस्तक्षेप मात्र खूप कमी दिसतोय. हे सर्वांच्याच बोलण्यातून दिसून येत होतं. आणि वास्तव परिस्थिती देखील तशीच दिसून आली. इंदौर महापालिकेचा आयुक्त हा इथला प्रमुख आहे. म्हणजे पोलिसांपेक्षाही जास्त अधिकार. पोलिसांना कमी आणि महापालिकेच्या कर्मचाऱ्यांना इथली लोकं जास्त घाबरतात. ही देखील विरळ अशी गोष्ट आहे. 30 लाख लोकसंख्येचं शहर. जिथे दररोज 850-900 मेट्रिक टन कचरा निर्माण होतो. त्यासाठी महापालिकेच्या एकूण 20 हजार कर्मचाऱ्यांपैकी 10 हजार कर्मचारी हे घनकचरा विभागाचं काम करतात. घनकचरा विभागानं कचरा प्रक्रियांचे बरेच प्रोजेक्ट हाती घेतले आहेत. विज निर्मिती पासून ते CNG गॅस निर्माण करण्याचं काम कचऱ्यापासून होताना दिसतंय. जेवढा कचरा तयार होतोय त्यापेक्षा जास्त क्षमतेचे प्रकल्प इंदौर महानगरपालिकेकडे आहेत. ही महापालिकेची जमेची बाजू असल्याने महापालिका गेली पाच वर्ष देशात स्वच्छतेचा पहिला क्रमांक पटकावत आलीय. महापालिकेचं काम देखील याबाबतीत खरंच वाखाणण्याजोगं आहे. सर्वात महत्वाचं म्हणजे इंदौर महापालिकेनं शहरातील लोकांना स्वच्छता राखण्याची सवय लावलीय.
अर्थातच या झाल्या शहराच्या जमेच्या बाजू. काही गोष्टीत मात्र सुधारणेला नक्कीच वाव आहे. कारण शहर स्वच्छ दिसत असलं तरी ओव्हरहेड केबलनं मात्र शहराला विद्रुप करून टाकलंय. याबाबत महापालिकेला Duct करून underground cabling करायला हवंय. वाहतूक देखील फार सुरळीत आहे असं नाही. त्यावर देखील काम होऊ शकतं. तसंच शहरातून दोन नद्या वाहतात. मात्र त्यांचं देखील प्रदूषण दिसून येतं. जलशुद्धीकरण केंद्राच्या माध्यमातून पाणी शुद्ध करून नदीत सोडलं जातं असं महापालिका सांगत असली तरी त्यावर विश्वास बसत नाही.
असं असलं तरीही पुणे आणि इंदौर या शहरांची तुलना मात्र होऊ शकत नाही. कारण सर्वच बाबतीत ही शहरं वेगळी आहेत. इंदौर छोटं तर पुणे हे 70 लाखाच्या आसपास लोकसंख्या असलेलं शहर. पत्रकार म्हणून पुणे महापालिकेत (Pune Municipal Corporation) काम करत असताना लक्षात आलं कि  इंदौर पेक्षा जास्त काम पुणे महापालिका आपल्या शहरात करतीय. कचरा प्रकल्प देखील भरपूर आहेत. मात्र जाहिरात करण्यात पुणे महापालिका मागं पडतीय. होर्डिंग बाबत देखील महापालिकेकडून म्हणाव्या तशा उपाययोजना होत नाहीत. पुण्याकडं जसं देशभरातील लोकांचा ओढा असतो तसा तो इंदौर (Indore Municipal Corporation) कडे नक्कीच नाही. त्यामुळे तुलना हा विषय दोन्ही महापालिकेत येऊच शकत नाही. मात्र इंदौर महापालिकेने जसं पुणे महापालिकेकडून काही गोष्टी शिकून घेतल्या तशा पुणे महापालिकेला देखील बऱ्याच गोष्टी त्यांच्याकडून शिकता येतील. सर्वात महत्वाचं म्हणजे पुणेकरांनी महापालिकेच्या उपक्रमात सहभागी व्हायला हवीय. त्यांना साथ द्यायला हवीय. तसंच महापालिकेच्या इतर विभागानी देखील घनकचरा विभागाला साथ द्यायला हवीय. असं झालं तर महापालिका आयुक्त विक्रम कुमार, अतिरिक्त आयुक्त डॉ कुणाल खेमनार, घनकचरा विभागाचे उपायुक्त संदीप कदम यांच्या नेतृत्वात नक्कीच पुणे महापालिका देखील स्वच्छते बाबत देशात पहिला क्रमांक पटकावेल. तशी आशा करायला काही हरकत नाही.
——-