Tag: Vivek velankar sajag nagrik manch

Pune Water Issue | 7.25 TMC पाणी पुण्यासाठी राखून ठेवण्याची पालकमंत्री यांच्याकडे मागणी

Categories
Breaking News social पुणे

Pune Water Issue | 7.25 TMC पाणी पुण्यासाठी राखून ठेवण्याची पालकमंत्री यांच्याकडे मागणी

| सजग नागरिक मंचाच्या विवेक वेलणकर यांनी केली मागणी

Pune Water Issue – (The Karbhari News Service) – निवडणूका संपल्यानंतर पुण्यात पाणीकपात (Pune Water Scarcity) सुरु होईल अशी लोकांमध्ये भिती आहे. या पार्श्वभूमीवर खडकवासला धरणसाखळीत 7.25 TMC पाणी पुण्यासाठी राखून ठेवण्याचे आदेश जलसंपदा विभागास (Department of Water Resources) द्यावे आणि पुणेकरांस आश्वस्त करावे. अशी मागणी सजग नागरिक मंचाचे अध्यक्ष विवेक वेलणकर (Vivek Velankar Sajag Nagrik Manch) यांनी पालकमंत्री अजित पवार (Ajit Pawar) यांच्याकडे केली आहे.
वेलणकर यांच्या निवेदनानुसार खडकवासला धरण साखळीत आज रोजी 9.4 TMC पाणी शिल्लक आहे. पुणे शहर दरमहा खडकवासला धरणसाखळीतून 1.6 TMC पाणी वापरते. 31 जुलै पर्यंत पुणे शहरासाठी खडकवासला धरणसाखळीतून 5.25 TMC पाण्याची गरज आहे. उन्हाळ्याचा कडाका बघता पुढील तीन महिन्यात किमान 1.5 TMC पाण्याचे धरणातून बाष्पीभवन होईल. जून महिन्यात वारीसाठी किमान अर्धा TMC पाणी लागेल.
हे सर्व बघता ३१ जुलैपर्यंत किमान ७.२५ TMC पाणी राखून ठेवणे गरजेचे आहे. आत्ता शेतीसाठी सुरु असलेले आवर्तन आवरते घेण्याची गरज आहे. कारण परत मे अखेर दौंडसह गावांना पिण्यासाठी दीड TMC चे आवर्तन सोडणे आवश्यक ठरणार आहे. पुणे हे देशातील पहिले शहर आहे की जे महिन्याला अर्धा TMC सांडपाणी शुद्धीकरण करून शेतीसाठी पुनर्वापरासाठी सोडते आहे. त्यामुळे शेतीला पाणी कमी पडेल ही भिती अनाठायी आहे. असे वेलणकर यांनी म्हटले आहे.
—
  निवडणूका संपल्यानंतर पुण्यात पाणीकपात सुरु होईल अशी लोकांमध्ये भिती आहे. या पार्श्वभूमीवर खडकवासला धरणसाखळीत 7.25 TMC पाणी पुण्यासाठी राखून ठेवण्याचे आदेश आपण जलसंपदा विभागास द्यावे आणि पुणेकरांस आश्वस्त करावे.
–  विवेक वेलणकर,अध्यक्ष, सजग नागरिक मंच,  पुणे

Pune Municipal Corporation Tax Due Details | 1 कोटींपेक्षा जास्त थकबाकी असलेल्या फक्त 1746 बड्या लोकांनी महापालिकेचे 5182 कोटीं थकवले 

Categories
Breaking News Commerce PMC social पुणे

Pune Municipal Corporation Tax Due Details | 1 कोटींपेक्षा जास्त थकबाकी असलेल्या फक्त 1746 बड्या लोकांनी महापालिकेचे 5182 कोटीं थकवले

| वसुलीसाठी सर्वंकष प्रयत्न करण्याची मागणी

पुणे : (The Karbhari Online) – पुणे महापालिका (Pune Municipal Corporation (PMC) छोट्या थकबाकीदारांकडून बँड वाजवत आणि इतर तत्सम प्रकारे योजना अमलात आणत मिळकत कराची थकबाकी वसूल करते. मात्र बड्या म्हणजे 1 कोटी पेक्षा जास्त थकबाकी असलेल्या लोकांवर मात्र महापालिका कुठलीही कारवाई करताना दिसत नाही. कारण 1 कोटींपेक्षा जास्त थकबाकी असलेल्या फक्त 1746 बड्या लोकांनी महापालिकेचे 5182 कोटीं थकवले आहेत. माहिती अधिकारातून ही बाब उजेडात आली आहे. या वसूलीसाठी प्रयत्न केले जावेत. अशी मागणी सजग नागरिक मंचाच्या विवेक वेलणकर (Vivek Velankar Sajag Nagrik Manch) यांनी केली आहे. (Pune Municipal Corporation Property tax Department)
याबाबत वेलणकर यांनी सांगितले कि, पुणे महापालिकेच्या मालमत्ता कर विभागाला मी सोमवारच्या माहिती अधिकार दिनात १ कोटी रुपयांच्या पेक्षा जास्त मालमत्ता कराची थकबाकी असलेल्या मालमत्तांची माहिती मागितली होती. ज्याच्या उत्तरात मला सोबत जोडलेली माहिती दिली गेली जी अत्यंत धक्कादायक आहे. १ कोटी रुपयांपेक्षा जास्त मालमत्ता कराची थकबाकी असणारे फक्त १७४६ थकबाकीदार असून त्यांच्याकडे ५१८२  कोटी रुपयांची थकबाकी असल्याचे दिसून येत आहे. यापैकी ९४ केसेस विविध कोर्टांमध्ये प्रलंबित आहेत. ज्यामध्ये अडकलेली रक्कम ९८८ कोटी  रुपये आहे. ज्यात फक्त दोन केसेस मध्ये अडकलेली रक्कम ५६५ कोटी रुपयांची आहे.
वेलणकर यांनी पुढे सांगितले कि, मोबाईल TOWER च्या १०६१  केसेस असून ज्यात अडकलेली रक्कम २४२७ कोटी रुपये आहे. ही प्रकरणे पण अनेक वर्षे कोर्टात प्रलंबित असल्याचे मला सांगितले गेले. गेली कित्येक वर्षे या सर्व  केसेस कोर्टात प्रलंबित आहेत. हे विधी विभागाचे संपूर्ण अपयश आहे. महापालिकेच्या विधी आणि मालमत्ता कर विभागाने विशेष कक्ष स्थापन करून या  सर्व केसेस चा निकाल शीघ्र गतीने लागावा यासाठी प्रयत्न करणे गरजेचे आहे. यातील किमान निम्म्या केसेस चा निकाल महापालिकेच्या बाजूने लागला तरी मनपाला १८०० कोटी   रुपये उत्पन्न मिळू शकेल.
या यादीत १८४ केसेस “दुबार” कर आकारणीच्या आहेत ज्यात अडकलेली रक्कम ५७६ कोटी रुपये आहे.  ज्याची शहानिशा करून त्या या यादीतून वगळण्याची प्रक्रिया सुरु करणे आवश्यक आहे. या यादीत १९३ केसेस “dispute” म्हणून दाखवलेल्या आहेत. ज्यात अडकलेली रक्कम ५६१ कोटी रुपये आहे. या केसेस मधील “dispute” तातडीने resolve करून पैसे वसूल करणे गरजेचे आहे. यामध्ये ७९ कोटी रुपये संरक्षण खात्याची तर ५६ कोटी रुपये महावितरणची थकबाकी आहे.  पाटबंधारे खात्याची थकबाकी ७३ कोटी रुपयांची असून त्याची वसुली महापालिका पाटबंधारे विभागाला देत असलेल्या पाणी पट्टी मधून करणे आवश्यक आहे. या संबंधीचे पत्र कर आकारणी प्रमुखांनी पाणीपुरवठा विभाग प्रमुखांना पाच वर्षांपूर्वी देऊनही अजून कार्यवाही झालेली नाही. अनेक थकबाकीदारांची प्रकरणे कोर्टात प्रलंबित नसल्याचे दिसत आहे. असेही वेलणकर यांनी सांगितले.
—-
बड्या थकबाकीदारांकडून तत्काळ वसुलीचे प्रयत्न होण्याची गरज आहे. या १७४६ बड्या केसेस वर संपूर्ण लक्ष केंद्रित करून जास्तीत जास्त वसुली साठी प्रयत्न होणे गरजेचे आहे. काही शे रुपयांची थकबाकी असलेल्या थकबाकीदारांच्या घरासमोर बॅंड वाजवण्यात महापालिकेचे रिसोर्सेस वाया घालवण्यापेक्षा या बड्या थकबाकीदारांकडून वसुली साठी सर्वंकष प्रयत्न करणे आवश्यक आहे.
– विवेक वेलणकर, अध्यक्ष, सजग नागरिक मंच. पुणे

Pune PMC Charging Station Rates| चार्जिंग स्टेशन मधील चार्जिंग चे दर १३.२५ रु प्रति युनिट ठेवावेत | सजग नागरिक मंचाची मागणी 

Categories
Breaking News PMC social पुणे

Pune PMC Charging Station Rates| चार्जिंग स्टेशन मधील चार्जिंग चे दर १३.२५ रु प्रति युनिट ठेवावेत

| सजग नागरिक मंचाची मागणी

 

Pune PMC Charging Station Rates| पुणे महापालिका (Pune Municipal Corporation) उभारत असलेल्या चार्जिंग स्टेशन (PMC Charging Station) मधील चार्जिंग चे दर खूप जास्त ठेवले जाणार आहेत, ते महावितरणने (MSEDCL)  उभारलेल्या चार्जिंग स्टेशन मधील दरांएवढे ठेवावेत. म्हणजेच १३.२५ रुपये प्रति युनिट ठेवावेत. अशी मागणी सजग नागरिक मंचाचे अध्यक्ष विवेक वेलणकर (Vivek Velankar Sajag Nargik Manch) यांनी महापालिका आयुक्त यांच्याकडे केली आहे.  (Pune PMC Charging Station Rates)

वेलणकर यांच्या पत्रानुसार विजेवर धावणाऱ्या  वाहनांच्या चार्जिंग साठी पुणे महापालिका शहरात ८२ ठिकाणी चार्जिंग स्टेशन उभारणार आहे, त्यातील २१ ठिकाणची चार्जिंग स्टेशन ची सुविधा शुक्रवार १२ जानेवारी पासून सुरु होणार आहे. या स्टेशनवर चार्जिंग साठी ग्राहकांकडून १३ ते १९ रुपये प्रति युनिट दराने पैसे घेतले जाणार आहेत. मुळात कंत्राटदाराला या सर्व जागा महापालिका देणार असल्याने व चार्जिंग स्टेशन उभारणी साठी सर्व ठिकाणी सारखाच खर्च येणार असल्याने ग्राहकांना चार्जिंग साठी द्याव्या लागणाऱ्या प्रती युनिट दरात १३ ते १९ रुपये एवढी तफावत का ? कोणत्या ठिकाणी १३ रुपये व कोणत्या ठिकाणी १९ रूपये दर असणार आहे आणि त्याचे गणित ही माहिती तातडीने पारदर्शक पद्धतीने जाहीर करणे आवश्यक आहे.
वेलणकर यांनी म्हटले आहे कि, आज रोजी महावितरण कंपनीने स्वतः राज्यभरात ५० ठिकाणी ( पुणे शहरात ८ ठिकाणी) विजेवर धावणार्या वाहनांच्या चार्जिंग साठी चार्जिंग स्टेशन उभारणी केली आहे व तिथे १३.२५ रुपये प्रति युनिट या दराने चार्जिंग सुविधा उपलब्ध आहे , मग पुणे महापालिका १९ रूपये प्रति युनिट दर का आकारते आहे ? असा प्रश्न वेलणकर यांनी विचारला आहे. (PMC Pune News)

———–

आमची आग्रहाची मागणी आहे की पुणे महापालिकेने स्वतःच्या सर्व चार्जिंग स्टेशन वरील दर महावितरणने उभारलेल्या चार्जिंग स्टेशन मधील दरांएवढे ठेवावेत, म्हणजेच १३.२५ रुपये प्रति युनिट ठेवावेत.

–  विवेक वेलणकर, अध्यक्ष सजग नागरिक मंच , पुणे