Tag: Merged 23 villeges

Merged Villages | समाविष्ट 23 गावातील 408 कर्मचाऱ्यांचे महापालिकेत समावेशन | महापालिका आयुक्त विक्रम कुमार यांनी जारी केले आदेश

Categories
Breaking News PMC पुणे

समाविष्ट 23 गावातील 408 कर्मचाऱ्यांचे महापालिकेत समावेशन

| महापालिका आयुक्त विक्रम कुमार यांनी जारी केले आदेश

पुणे | पुणे महापालिका हद्दीत 23 गावांचा समावेश करण्यात आला आहे. या गावांच्या ग्रामपंचायतीचा कारभार क्षेत्रीय कार्यालयाने ताब्यात घेतला होता. या गावात सुमारे 408 कर्मचारी होते. या कर्मचाऱ्यांचे 30 जून 2021 पासून महापालिकेत समावेशन करण्याबाबतचे आदेश महापालिका आयुक्त विक्रम कुमार यांनी जारी केले आहेत.

राज्य सरकारच्या अधिसूचनेनुसार महाळुंगे, सूस, बावधन-बुद्रुक, किरकिटवाडी, पिसोळी, कोंढवे-धावडे, कोपरे, नांदेड, खडकवासला, मांजरी- बुद्रुक, नहे, होळकरवाडी, औताडे-हांडेवाडी, वडाचीवाडी, शेवाळेवाडी, नांदोशी, सणसनगर, मांगडेवाडी, भिलारेवाडी, गुजर निंबाळकरवाडी, जांभूळवाडी, कोळेवाडी, वाघोली अशा तेवीस तत्कालीन ग्रामपंचायतीच्या हद्दीतील क्षेत्र पुणे महानगरपालिकेच्या हद्दीत समाविष्ट करण्यात आले आहे. सदर तत्कालीन समाविष्ट तेवीस ग्रामपंचायतीचे सर्व कार्यालयीन कामकाजाशी निगडीत कागदपत्रे विविध क्षेत्रिय कार्यालय यांनी ताब्यात घेतलेली आहेत.

हडपसर-मुढंवा क्षेत्रिय कार्यालय कडे औताडे-हांडेवाडी, होळकरवाडी, शेवाळेवाडी, मांजरी बुद्रुक ही गावे, वारजे-कर्वेनगर क्षेत्रिय कार्यालय कडे कोंढवे-धावडे, कोपरे,  कोंढवा – येवलेवाडी क्षेत्रिय कार्यालय कडे गुजर निंबाळकरवाडी, पिसोळी, वडाचीवाडी वाघोली,  नगररोड-वडगावशेरी क्षेत्रिय कार्यालय कडे वाघोली,  धनकवडी-सहकारनगर क्षेत्रिय कार्यालय कडे
जांभूळवाडी, कोळेवाडी, मांगडेवाडी, भिलारेवाडी, सिंहगड रोड क्षेत्रिय कार्यालय कडे  नांदेड, किरकिटवाडी, खडकवासला, नांदोशी, सणसनगर, नऱ्हे, औंध-बाणेर क्षेत्रिय कार्यालय कडे म्हाळुंगे, सुस तर  बावधन बुद्रुक या गावांचा कारभार  कोथरूड-बावधन क्षेत्रिय कार्यालयकडे देण्यात आला आहे. 
पुणे महानगरपालिकेच्या हद्दीमध्ये उपरोक्त क्षेत्रिय कार्यालयासमोर दर्शविलेल्या समाविष्ट तत्कालीन तेविस ग्रामपंचायतीकडील ग्रामपंचायत आस्थापनेवरील सेवक वर्ग महापालिका आस्थापनेवर सामावून घेणेबाबत महाराष्ट्र महानगरपालिका अधिनियमचे कलम ४९३ परिशिष्ट ४ मधील कलम ५ (क) मध्ये असलेली तरतुद व शासन निर्णय वरील समाविष्ट तत्कालीन तेवीस ग्रामपंचायतीचे आस्थापनेवरील 408 सेवकांच्या सेवा खालील अटी व शर्तीच्या अधीन राहून महापालिका आस्थापनेवर दि. ३०/०६/२०२१ पासून समावेश करण्यात येत आहेत. असे आयुक्तांनी आदेशात म्हटले आहे.
——
समाविष्ट गावातील कर्मचाऱ्यांचे महापालिकेत समावेशन करण्यासाठी मी आणि शिवसेना प्रवक्ता व प्रदेश समन्वयक नरेश म्हस्के यांनी मुख्यमंत्र्यांकडे पाठपुरावा केला. मुख्यमंत्री महोदयांनी याबाबत महापालिकेला आदेश केल्यानंतर आम्ही महापालिका प्रशासनाकडे देखील याचा पाठपुरावा केला. त्यानुसार कर्मचाऱ्यांचे समावेशन झाले आहे. याबाबत आम्ही मुख्यमंत्र्यांचे धन्यवाद देतो.

– नाना भानगिरे, शहराध्यक्ष, शिवसेना पुणे

Appointment of teachers | समाविष्ट २३ गावांतील शाळांमधील शिक्षकांच्या नियुक्त्यांवर तोडगा काढा  | महापालिका आणि जिल्हा परिषदेकडे खासदार सुप्रिया सुळे यांची मागणी 

Categories
Breaking News Education PMC पुणे महाराष्ट्र

समाविष्ट २३ गावांतील शाळांमधील शिक्षकांच्या नियुक्त्यांवर तोडगा काढा

| महापालिका आणि जिल्हा परिषदेकडे खासदार सुप्रिया सुळे यांची मागणी

पुणे | पुणे महापालिकेत समाविष्ट २३ गावांतील शाळांमधील शिक्षकांच्या नियुक्त्यांबाबत तांत्रिक अडचणी निर्माण झाल्या आहेत.यामुळे विद्यार्थ्यांच्या शिक्षणाचा खोळंबा होऊ शकतो. विद्यार्थ्यांचे संभाव्य नुकसान टाळणे गरजेचे आहे. त्यामुळे यावर तोडगा काढण्याची मागणी खासदार सुप्रिया सुळे यांनी महापालिका आणि जिल्हा परिषदेकडे केली आहे.
खासदार सुळे यांच्यानुसार पुणे महापालिकेत समाविष्ट २३ गावांतील शाळांमधील शिक्षकांच्या नियुक्त्यांबाबत तांत्रिक अडचणी निर्माण झाल्या आहेत.यामुळे विद्यार्थ्यांच्या शिक्षणाचा खोळंबा होऊ शकतो. विद्यार्थ्यांचे संभाव्य नुकसान टाळणे गरजेचे आहे.
हा विषय महापालिका आणि जिल्हा परिषदेच्या स्तरावर चर्चा करुन मार्गी लावता येणे शक्य आहे‌. तरी मुख्य कार्यकारी अधिकारी,जिल्हा परिषद पुणे आणि महापालिका आयुक्त पुणे  यांनी यासंदर्भात वैयक्तिक लक्ष घालून यावर  तोडगा काढण्याबाबत सकारात्मक विचार करावा. अशी मागणी केली आहे.

Merged 23 Villages : PMC : समाविष्ट 23 गावांतील 626 कर्मचाऱ्यांना कामावरून कमी केले जाणार

Categories
Breaking News PMC पुणे

समाविष्ट 23 गावांतील 626 कर्मचाऱ्यांना कामावरून कमी केले जाणार

: महापालिका आयुक्तांचे आदेश

पुणे : राज्य सरकारच्या(State Gov) निर्देशानुसार महापालिका(pune corporation) हद्दीत 23 गावाचा समावेश करण्यात आला आहे. गावे समाविष्ट करताना गावातील कर्मचारी देखील विविध क्षेत्रीय कार्यालयात(ward offices) कामावर रुजू करून घेण्यात आले होते. मात्र त्यातील सुमारे 626 कर्मचाऱ्यांना जिल्हा परिषदेने नियमबाह्य ठरवले आहे. त्यामुळे त्यांना कामावरून कमी करण्याचे आदेश महापालिका आयुक्तांनी(PMC Commissioner) प्रशासनाला दिले आहेत.

: जिल्हा परिषदेने ठरवले नियमबाह्य

महापालिका हद्दीत एकूण 34 गावांचा समावेश झाला आहे. त्यातील 23 गावे नुकतीच महापालिका हद्दीत आली आहेत. मात्र ही गावे महापालिका हद्दीत येण्या अगोदर काही दिवसापूर्वी ग्रामपंचायत मध्ये कर्मचाऱ्यांची नियमबाह्य भरती करण्यात आली होती. हे सर्व कर्मचारी महापालिका सेवेत घेण्यात आले होते. त्यांना विविध क्षेत्रीय कार्यालयात ररुजू करून घेण्यात आले होते. मात्र याची चौकशी जिल्हा परिषदेकडून करण्यात आली आहे. त्यानुसार सुमारे 626 कर्मचाऱ्यांना जिल्हा परिषदेने नियमबाह्य ठरवले आहे. त्यामुळे त्यांना कामावरून कमी करण्याचे आदेश महापालिका आयुक्तांनी प्रशासनाला दिले आहेत.
ग्रामपंचायत                 कमी केले जाणारे कर्मचारी
सुस                                40
बावधन बुद्रुक.                   55
किरकटवाडी                      5
कोंढवे-धावडे                     64
न्यू कोपरे                          40
नांदेड                                37
खडकवासला                     56
नऱ्हे                                   85
होळकरवाडी                       37
औताडे हांडेवाडी                   28
वडाचीवाडी                        14
नांदोशी सणसनगर               19
मांगडेवाडी                          36
भिलारेवाडी                         15
गुजर निंबाळकरवाडी              34
जांभूळवाडी कोळेवाडी           45
वाघोली                               6

Garbage : Merged 23 Villages : समाविष्ट 23 गावांमुळे 300 टन कचरा वाढला 

Categories
Breaking News PMC पुणे

समाविष्ट 23 गावांमुळे 300 टन कचरा वाढला

: कर्नाटक ची कंपनी कचऱ्याची करणार विल्हेवाट

पुणे : महापालिका हद्दीत नवीन 23 गावाचा समावेश झाला आहे. साहजिकच मूलभूत सुविधा देताना महापालिकेवर ताण येत आहे. दरम्यान या गावांमधून 250-300 टन कचरा जमा होत आहे. यावर प्रक्रिया करण्यासाठी महापालिकेकडे यंत्रणा उपलब्ध नाही. त्यामुळे 150 टन कचऱ्यावर प्रक्रिया करण्याचे काम कर्नाटकच्या कंपनीला महापालिकेने दिले आहे. यासाठी महापालिकेला वर्ष भरासाठी 4 कोटी 92 लाख खर्च येणार आहे. या प्रस्तावाला नुकतीच स्थायी समितीने मान्यता दिली आहे.

: स्थायी समितीने दिली मंजुरी

पुणे शहरात नव्याने २३ गावांचा समावेश झाल्याने दैनंदिन कचरा निर्मिती मध्ये अंदाजे २५० ते ३०० मे.टन. कचऱ्याची वाढ झालेली आहे. सदर कचऱ्यावर प्रक्रिया करणे व विल्हेवाट लावणे या साठी मनपा कडे पर्यात्प प्रक्रिया यंत्रणा उपलब्ध नाही. तसेच नव्याने प्रकल्प उभारणे करिता सध्या जागा देखील उपलब्ध नसल्याने त्यानुसार Collection & Transportation of minimum 150 MT Per day segregated dry waste coming daily at 7 Ramps/Transfer stations of PMC and its scientific processing and disposal at Cement Industries for a period of One year काम करणेस निविदा मागवली होती.   कामाची निविदा दाखल करण्याची मुदत दि.०८/१२/२०२१ ते दि.२८/१२/२०२१ दरम्यान होती. सदर कालावधी दरम्यान प्रस्तृत कामाला तीन निविदाधारकांचा प्रस्ताव ऑनलाईन दाखल झाल्या आहे. सदर कामाकरीता तीन पात्र निविदाधारकांचे ‘ब’ पाकिट मा.उप आयुक्त घनकचरा व्यवस्थापन ठराव क्र.२६०, दि.०४/०१/२०२२ नुसार मान्यता घेऊन दि.०६/०१/२०२२ रोजी उघडण्यात आले आहे. तरी प्रस्तृत कामासाठी मे.दालमिया सिमेंट भारत लिमिटेड (व्हिलेज-यादवाड, ता.मुदलगी, जि.बेळगाव, कर्नाटक-५९११३६) यांची सर्वात कमी दराची निविदा आली. त्यांचे दर र रू.४,९२,७५,०००.०० (अक्षरी र रू.चार कोटी ब्याण्णव लक्ष पंच्याहत्तर हजार रुपये फक्त) (जी.एस.टी. विरहित) काम करून घेणेस सध्या खात्याकडे दररोजचे कचरा नियोजन करणे आवश्यक असून त्यामुळे खात्याने सर्वात कमी दराचे मे,दालमिया सिमेंट भारत लिमिटेड (व्हिलेज-यादवाड, ता.मुदलगी, जि.बेळगाव, कर्नाटक-५९११३६) यांचे टेंडर मान्य करण्याची खात्याची शिफारस आहे. त्यानुसार स्थायी समितीने याला मान्यता दिली आहे.

PMC : समाविष्ट २३ गावातील कर्मचाऱ्यांच्या वेतनाचा प्रश्न बुधवारी मिटणार 

Categories
Breaking News PMC पुणे

समाविष्ट २३ गावातील कर्मचाऱ्यांच्या वेतनाचा प्रश्न बुधवारी मिटणार

: उपायुक्त राजेंद्र मुठे यांची मुख्य सभेत माहिती

पुणे : महापालिका हद्दीत २३ गावांचा समावेश करण्यात आला आहे. मात्र गेल्या ५ महिन्यापासून या कर्मचाऱ्यांचे वेतन देण्यात आलेले नाही. याबाबत सोमवारच्या मुख्य सभेत सर्वपक्षीय नगरसेवकांनी आवाज उठवला. यावर प्रशासनाकडून खुलासा करण्यात आला. उपायुक्त राजेंद्र मुठे यांनी सांगितले कि, बुधवारी जिल्हा परिषदेकडून सर्व कर्मचाऱ्यांची यादी आपल्याला मिळणार आहे. त्यांनतर तत्काळ वेतन दिले जाईल.

: गेल्या ५ महिन्यांपासून वेतन नाही

समाविष्ट २३ गावातील कर्मचाऱ्यांना वेतन देण्यात आलेले नाही. याबाबत भाजपचे नगरसेवक हरिदास चरवड यांनी प्रश्न उपस्थित केला होता. या कर्मचाऱ्यांना तत्त्काळ वेतन देण्याची मागणी केली. त्यांनतर सर्वपक्षीय नगरसेवकांनी हाच विषय मांडला. नगरसेवक बाबुराव चांदेरे, अमोल बालवडकर, सिद्धार्ध धेंडे, सचिन दोडके, वसंत मोरे, यांनी या विषयावर भाषणे केली. अमोल बालवडकर म्हणाले कि, याबाबत राज्य सरकार आणि जिल्हा परिषद यांच्याकडे पाठपुरावा करत  प्रशासनाने यात लक्ष घालावे.  लोकांना न्याय देण्यात यावा. बाबुराव चांदेरे म्हणाले, यात महापालिकेची चूक नाही तर जिल्हा परिषदेची आहे.   गटनेते पृथ्वीराज सुतार म्हणाले कि, गेल्या ५ महिन्यापासून वेतन न मिळणे ही गंभीर बाब आहे. महापालिकेने  तत्काळ लक्ष घालावे आणि कामगारांना वेतन देण्यात यावे. विरोधी पक्ष नेत्या दिपाली धुमाळ म्हणाल्या, याबाबत मी वारंवार आयुक्तांकडे पाठपुरावा केला होता. मात्र तरी लक्ष दिले गेले नाही. या गावावर का अन्याय करता? आतातरी या लोकांना न्याय द्या. यावर यावर प्रशासनाकडून खुलासा करण्यात आला. उपायुक्त राजेंद्र मुठे यांनी सांगितले कि, बुधवारी जिल्हा परिषदेकडून सर्व कर्मचाऱ्यांची यादी आपल्याला मिळणार आहे. त्यांनतर तत्काळ वेतन दिले जाईल.