Tag: pmc election

S Chockalingam : प्रभाग रचनेवरील सुनावणीसाठी यशदाचे महासंचालक एस चोक्कलिंगम यांची नियुक्ती 

Categories
Breaking News PMC पुणे

प्रभाग रचनेवरील सुनावणीसाठी यशदाचे महासंचालक एस चोक्कलिंगम यांची नियुक्ती

: राज्य निवडणूक आयोगाने जारी केले आदेश

 

पुणे : पुणे महापालिका निवडणुकीसाठी(PMC Election) प्रभाग रचना जाहीर झाली आहे. त्यावर हरकती(objections) सूचना देखील येऊ लागल्या आहेत. दरम्यान या हरकती 14 फेब्रुवारी पर्यंत नोंदवायच्या आहेत. यावरील सुनावणीसाठी यशदाचे महासंचालक एस चोक्कलिंगम (S Chockalingam) यांची प्राधिकृत अधिकारी म्हणून नियुक्ती करण्यात आली आहे. राज्य निवडणूक आयोगाने (State election commission) नुकतेच हे आदेश जारी केले आहेत.

 

14 फेब्रुवारी पर्यंत हरकती नोंदविता येणार असून या आदेशानुसार, 26 फेब्रुवारी रोजी ही सुनावणी होणार आहे. तसेच या सुनावनीवेळी महापालिका आयुक्‍त, जिल्हाधिकारी, विभागीय अधिकारी यांच्या समक्ष अथवा आयुक्त नसल्यास उपायुक्त दर्जाच्या समकक्ष अधिकाऱ्याच्या उपस्थित घ्यायची असून निवडणूक आयोगास त्याचा अहवाल 2 मार्च पर्यंत सादर करायचा आहे.

 

Suggestion : Objection : Ward Structure : प्रभाग रचनेवर आतापर्यंत 17 हरकती दाखल 

Categories
Breaking News PMC पुणे

प्रभाग रचनेवर आतापर्यंत 17 हरकती दाखल 

 

पुणे : महापालिकेच्या(pune municipal corporation) प्रारूप प्रभाग रचनेत(Ward Structure) मोठया प्रमाणात तोडफोड तसेच फेरबदल झाल्याचे आरोप प्रत्यारोप सुरू असतानाच त्याच वेळी प्रभाग रचनेवर पहिल्या दोन दिवसात अवघ्या 17 हरकती(suggestion/objection) दाखल झालेल्या आहेत.

14 फेब्रुवारी पर्यंत हरकती नोंदविता येणार असून या आदेशानुसार, 24 जानेवारी रोजी ही सुनावणी होणार आहे. प्रभाग रचनेवर पहिल्या दोन दिवसात अवघ्या 17 हरकती दाखल झालेल्या आहेत. त्यात, 6 हरकती पहिल्या दिवशी तर 11 हरकती गुरूवारी दाखल करण्यात आल्याचे महापालिकेच्या निवडणूक विभागाकडून सांगण्यात आले.

: ऑनलाईन हरकती नोंदवण्याची सुविधा नाही

महापालिकेचे प्रभाग रचनेचे नकाशे महापालिका वेबसाईट(PMC website) वर उपलब्ध करून देण्यात आले आहेत. त्यामुळे लोकांचा समज झाला की हरकती देखील ऑनलाईन(Online) पद्धतीने मांडता येतील. मात्र महापालिका निवडणूक विभागाकडून तशी कुठलीही सुविधा उपलब्ध करून देण्यात आली नाही. त्यामुळे नागरिकांना सावरकर भवन किंवा आपल्या जवळच्या क्षेत्रीय कार्यालयात(Ward office) जाऊनच हरकती नोंदवाव्या लागणार आहेत.

Ganesh Bidkar : PMC election : पुणेकर प्रशांत जगताप यांना जागा दाखवतील : सभागृह नेते गणेश बिडकर

Categories
Breaking News PMC Political पुणे

पुणेकर प्रशांत जगताप यांना जागा दाखवतील

– सभागृह नेते गणेश बिडकर यांचे प्रतिउत्तर

 

पुणे : राज्यात असलेल्या सत्तेचा गैरवापर महाविकास आघाडी कसा करत आहे, हे प्रभाग रचना जाहीर झाल्यानंतर पुणेकरांच्या लक्षात आले आहे. पालिकेत सत्ता मिळविण्यासाठी सत्तेचा गैरवापर करत महाविकास आघाडीने नियमबाह्य पद्धतीने प्रभाग रचना केली तरी येणाऱ्या पालिकेच्या निवडणुकीत पुणेकर मतदार त्यांना जागा दाखविल्याशिवाय राहणार नाही, अशा शब्दात सभागृह नेते गणेश बिडकर यांनी राष्ट्रवादी काँग्रेसचे शहराध्यक्ष प्रशांत जगताप यांचा समाचार घेतला. निवडणुकीच्या निकालानंतर जगताप यांचा भ्रम निश्चित दूर होईल, असा दावा बिडकर यांनी केला.

प्रभाग रचना करताना टेकडीमुळे तयार होणारी नैसर्गिक हद्द तोडून विचित्र प्रभाग जोडावा लागत असेल, तर सरळमार्गी राजकारण करून आपल्याला जिंकता येणार नाही हेच जगतापांनी अप्रत्यक्षपणे मान्य केले का? काही महिन्यांपासून आघाडीची भाषा करणाऱ्या राष्ट्रवादीने आता थेट स्वबळावर लढण्यास समर्थ असून, १२२ जागांवर विजय मिळवू असा दावा शहराध्यक्ष जगताप करत आहेत, ही संख्या पुणे महानगरपालिकेची नाही तर पिंपरी चिंचवड आणि अन्य स्वराज्य संस्थांमधील असेल, असा टोला बिडकर यांनी लावला. जाती धर्माचे राजकारण करून आपण जिंकू असा समज जगताप यांनी करून घेतला आहे. मात्र त्यांना माहीत नाही सुज्ञ पुणेकर जाती- धर्मावर मतदान करत नाही. तो काम बघतो, आणि त्यांनी पंतप्रधान नरेंद्र मोदी, देवेंद्रजी यांचे काम पाहिले आहे, चार वर्षात पळणारी मेट्रो पहिली आहे.
स्वबळाची भाषा करणारे जगताप हे विसरतात की राज्यात तसेच देशात सत्ता असून ही त्यांचा आकडा कधी ६० च्या वर गेलेला नाही. ‘बेडूक फुगवला म्हणून तो हत्ती होत नाही’, असेही बिडकर म्हणाले.

मागच्या पंचवार्षिक मध्ये प्रशांत जगताप हे महापौर असताना त्यांच्या पक्षाचा महापालिकेच्या निवडणुकीत दारुण पराभव झाला होता. त्याची पुनरावृत्ती होऊन परत नाचक्की होऊ नये, यासाठी त्यांचा हा केविलवाणा प्रयत्न चालू आहे. निवडणूक लढविण्यासाठी राष्ट्रवादीकडे सक्षम उमेदवार नाही त्यामुळेच भाजप मधील नगरसेवक आपल्याकडे येण्यास इच्छूक असल्याच्या घोषणा जगताप करत आहेत. पुढील २४ तासात राष्ट्रवादीने ८० उमेदवारांची नावे जाहीर करावीत, असे आव्हान सभागृह नेते बिडकर यांनी दिले. पुणेकर फक्त विकासाला मतदान करतात. थापाड्यांना नाही. टेंडरमधल्या टक्केवारीसाठी आरडाओरड करणाऱ्यांना जनता जागा दाखवते. शहराच्या विकासासाठी भकास आघाडी नको, की भ्रष्टवादी राष्ट्रवादी नको, म्हणनूच पुणेकरांनी ठरवले आहे. पुण्यासाठी पर्याय एकच, ‘यंदा परत कमळच..’ असा विश्वासही त्यांनी व्यक्त केला.

 

कायदेशीर लढा देणार

सत्तेचा चुकीचा वापर करून महाविकास आघाडी सरकारने प्रभाग रचना केली आहे. याविरोधात कायदेशीर लढा देणार असल्याचे सभागृह नेते बिडकर यांनी स्पष्ट केले. चुकीच्या पद्धतीने करण्यात आलेल्या प्रभागांवर हरकती आणि सूचना नोंदविण्यात येणार असून त्यामध्ये आवश्यक ते बदल करण्यास भाग पाडू असा निर्धार बिडकर यांनी व्यक्त केला.

Congress : Mohan Joshi : महापालिका निवडणुकीत काँग्रेस पक्षाला मोठा विजय मिळेल : माजी आमदार मोहन जोशी

Categories
PMC Political पुणे

महापालिका निवडणुकीत काँग्रेस पक्षाला मोठा विजय मिळेल

: माजी आमदार मोहन जोशी

 

पुणे : काँग्रेस पक्षाच्या कार्यकर्त्यांचे परिश्रम आणि उत्साह पाहता येत्या महापालिका निवडणुकीत काँग्रेस पक्षाला मोठा विजय मिळेल, अशी प्रतिक्रिया काँग्रेस पक्षाचे माजी आमदार आणि महाराष्ट्र प्रदेश काँग्रेसचे उपाध्यक्ष मोहन जोशी यांनी व्यक्त केली आहे.

महापालिका प्रभाग रचना आज सोमवारी जाहीर झाली. त्यावर प्रतिक्रिया देताना मोहन जोशी म्हणाले, महापालिकेत समाविष्ट झालेल्या गावांमध्ये आमदार संग्रामदादा थोपटे आणि आमदार संजयजी जगताप यांचे भरीव कार्य आहे, त्यामुळे भोर आणि पुरंदर विधानसभा मतदारसंघात येणाऱ्या प्रभागांमध्ये कॉंग्रेस पक्ष आघाडी घेईल. याखेरीज गेले वर्षभर काँग्रेसचे कार्यकर्ते आपापल्या प्रभागात, कार्यक्षेत्रात उत्साहाने काम करीत आहेत. पक्षाने जाहीर केलेली आंदोलने यशस्वी झाली आहेत. पुणेकरांचे प्रश्न मांडण्यात काँग्रेस आघाडीवर राहिली आहे. काँग्रेसचे नेते कन्हैयाकुमार यांच्या सभेला तरुणाईने गर्दी केली होती, ही बदलती स्थिती पाहता काँग्रेस सहजपणे मोठा विजय संपादन करेल.

महागाईमुळे सामान्य जनता त्रस्त झाली आहे. महापालिकेत सत्ताधारी असलेला भारतीय जनता पक्ष पुणेकरांसाठी एकही ठोस काम करू शकलेला नाही. नादुरुस्त रस्त्यांमुळे पुणेकर संतप्त आहेत. भाजपच्या कारभाराविषयी नैराश्य आल्याने पुणेकर पुन्हा कॉंग्रेसला साथ देईल, असा विश्वास मोहन जोशी यांनी व्यक्त केला आहे.

PMC Website : ward Structure : महापालिकेच्या या संकेतस्थळावर(Website) वर पहा प्रभाग रचना आणि नकाशे

Categories
PMC पुणे

महापालिकेच्या या संकेतस्थळावर(Website) वर पहा प्रभाग रचना आणि नकाशे

 

पुणे :  महापालिका निवडणुकीसाठी प्रभाग रचना जाहीर करण्यात आली आहे. महापालिकेच्या वतीने ती पहिल्यांदा ऑफलाईन उपलब्ध करून देण्यात आली. त्यानुसार मनपाच्या तिसऱ्या मजल्यावर लोकांनी त्याचे नकाशे पाहिले. मात्र त्यातून स्पष्टता येत नव्हती. आता महापालिकेने रचना आणि नकाशे ऑनलाईन पद्धतीने उपलब्ध करून दिले आहेत. त्यासाठी या website चा वापर नागरिक करू शकतील.

https://www.pmc.gov.in/en/pmc-prabhag-rachna-2022

Ward Structure : PMC Election : पुणे महापालिका निवडणुकीची प्रभाग रचना जाहीर!  : बाणेर-सुस प्रभागावरून जोरदार चर्चा 

Categories
Breaking News PMC Political पुणे

पुणे महापालिका निवडणुकीची प्रभाग रचना जाहीर!

: बाणेर-सुस प्रभागावरून जोरदार चर्चा

 

पुणे : पुणे महापालिका निवडणुकीसाठी (PMC Election 2022) प्रस्तावित प्रभागरचना जाहीर झाली आहे. 58 प्रभाग(58wards)  त्यात जाहीर आहेत. त्याचे नकाशे महापालिका भवन मध्ये लावण्यात आले आहेत. दरम्यान वेबसाईट वर ही रचना जाहीर झालेली नाही. अजून तासभरात रचना महापालिकेच्या वेबसाईट वर दिसेल, असे महापालिका प्रशासनाकडून सांगण्यात आले.   57 प्रभागांतून तीन नगरसेवक तर एका प्रभागातून दोन असे एकूण 173 नगरसेवक निवडून द्यायचे आहेत. बाणेर-सूस हा प्रभाग दोन नगरसेवकांचा राहणार आहे. या प्रभागावरून मात्र जोरदार चर्चा सुरु झाली आहे. धानोरी-विश्रांतवाडी हा प्रभाग क्रमांक एक ठरला आहे. त्यातील तीनपैकी दोन प्रभाग अनुसूचित जाती (SC) आणि अनुसूचित जमातींसाठी (ST) राखीव आहेत.

2011 च्या लोकसंख्येनुसार ही प्रभारगरचना करण्यात आली आहे. त्यानुसार येरवडा हा सर्वाधिक मोठा (71390) आणि धानोरी-विश्रांतवाडी हा सर्वात छोटा (55488 लोकसंख्या) प्रभाग ठरला आहे. बाणेर-सूस येथील प्रभागरचना चर्चेची ठरली आहे. येथे राष्ट्रवादीचे विद्यमान नगरसेवक बाबूराव चांदेरे यांच्या सोयीसाठी बाणेर-सूस या दोन गावांचा स्वतंत्र प्रभाग करण्यात आल्याची चर्चा सुरू आहे. येथील मूळच्या प्रभागातील परिसरांना इतर प्रभागात टाकण्यात आले आहे. माजी आमदार जगदिश मुळीक यांचे बंधू योगेश मुळीक यांच्या जुन्या मतदारसंघाचा भाग नागपूर चाळ परिसराला जोडल्याची चर्चा आहे.

ही आहेत प्रभागांची नावे,आरक्षण व मतदार संख्या

1. धानोरी – विश्रांतवाडी=STand SC

मतदार=55488

2. टिंगरेनगर – संजय पार्क

मतदार= 56969

3. लोहगाव – विमान नगर=SC

मतदार=61836

4. वाघोली – इऑन आयटी पार्क=SC

मतदार =58912

5. खराडी – चंदननगर

मतदार=67367

6. वडगावशेरी

मतदार=60110

7. कल्याणीनगर – नागपूर चाळ=SC

मतदार=67739

8. कळस – फुलेनगर=SC

मतदार=62273

9. येरवडा=SC

मतदार =71390

10. शिवाजीनगर गावठाण – संगमवाडी=SC

मतदार =62481

11. बोपोडी – पुणे विद्यापीठ=SC

मतदार=57861

12. औंध – बालेवाडी=SC

मतदार=62050

13. बाणेर – सुस म्हाळुंगे

मतदार =37589(2चाप्रभाग)

14. पाषाण – बावधन बुद्रुक=ST

मतदार=58515

15. पंचवटी – गोखलेनगर

मतदार=67821

16. फर्ग्युसन कॉलेज – एरंडवणे

मतदार =67103

17. शनिवार पेठ – राजेंद्रनगर

मतदार=67951

18. शनिवार वाडा – कसबा पेठ

मतदार =67701

19. रास्तापेठ – के.ई.एम. हॉस्पिटल=SC

मतदार=58994

20. पुणे स्टेशन – ताडीवाला रोड=SC

मतदार=67129

21. मुंढवा – घोरपडी=SC

मतदार=67574

22. मांजरी – शेवाळवाडी=SC

मतदार=61878

23. साडेसतरानळी – आकाशवाणी

मतदार=55659

24. मगरपट्टा – साधना विद्यालय

मतदार= 56446

25. हडपसर गावठाण – सातववाडी

मतदार=55782

26. भीमनगर – रामटेकडी=SC

मतदार=67721

27. कासेवाडी – हरकानगर=SC

मतदार=68501

28. महात्मा फुले स्मारक – टिंबर मार्केट

मतदार= 57483

29. खडकमाळ आळी – महात्मा फुले मंडई

मतदार= 67592

30. जयभवानी नगर – केळेवाडी

मतदार=60237

31. कोथरूड गावठाण – शिवतीर्थ नगर

मतदार=61115

32. भुसारी कॉलनी – सुतारदरा

मतदार=67127

33. बावधन खुर्द – महात्मा सोसायटी

मतदार=66216

34. वारजे – कोंढवे धावडे

मतदार=64919

35. रामनगर – उत्तमनगर शिवणे

मतदार=67422

36. कर्वेनगर

मतदार=67260

37. जनता वसाहत – दत्तवाडी

=SCमतदार=67332

38. शिवदर्शन – पद्मावतीSC

मतदार=66561

39. मार्केटयार्ड – महर्षी नगर=SC

मतदार=59580

40. गंगाधाम – सॅलीसबरी पार्क=SC

मतदार=59882

41. कोंढवा खुर्द – मिठानगर

मतदार=55825

42. सय्यदनगर – लुल्लानगर

मतदार=54026

43. वानवडी – कौसरबाग

मतदार=59414

44. काळेपडळ – ससाणेनगर

मतदार=55287

45. फुरसुंगी

मतदार=55957

46. मोहम्मदवाडी – उरुळी देवाची=SC

मतदार=55047

47. कोंढवा बुद्रुक – येवलेवाडी

मतदार=55662

48. अप्पर सुपर इंदिरानगर=SC

मतदार=56884

49. बालाजीनगर – के के मार्केट

मतदार=58027

50. सहकारनगर – तळजाई=SC

मतदार=62398

51. वडगाव – पाचगाव पर्वती

मतदार=67289

52. नांदेडसिटी – सनसिटी

मतदार=66626

53. खडकवासला -नऱ्हे

मतदार=63525

54. धायरी – आंबेगाव

मतदार=58447

55. धनकवडी – आंबेगाव पठार

मतदार=57719

56. चैतन्यनगर – भारती विद्यापीठ

मतदार=56327

57. सुखसागर नगर – राजीव गांधी नगर

मतदार=55971

58. कात्रज – गोकुळनगर

मतदार=57847

Ward Structure : Suggestion-objections : PMC election : प्रभाग रचनेचे नकाशे कुठे पाहणार? हरकती सूचना कुठे नोंदवणार? 

Categories
Breaking News PMC पुणे

प्रभाग रचनेचे नकाशे कुठे पाहणार? हरकती सूचना कुठे नोंदवणार?

पुणे :  राज्य निवडणूक आयोगाचे(State election commission) दि.०५/१०/२०२१ व दि.०३/११/२०२१ रोजीचे आदेशानुसार पुणे महानगरपालिकेने(pune municipal corporation) आगामी सार्वत्रिक निवडणूक २०२२ करिता प्रारूप प्रभाग रचनेचा आराखडा राज्य निवडणूक आयोगास सादर केलेला आहे. सदर प्रारूप प्रभाग रचनेस राज्य निवडणूक आयोगाने 28 जानेवारी रोजी मंजुरी दिलेली आहे. प्रारुप प्रभाग रचनेस मंजुरी देताना प्रभाग रचनेवर हरकती व सूचना मागविणेसाठी व आलेल्या हरकती व सूचनांवर सुनावणी घेण्याचा कार्यक्रम देखील जाहीर केलेला आहे.

त्याअनुषंगाने दि.०१/०२/२०२२ रोजी प्रारूप प्रभाग रचनेची अधिसूचना (प्रभागाच्या चतुःसिमेचे वर्णन) शासन राजपत्रात प्रसिद्ध करण्यात येत आहे. तसेच प्रारूप प्रभाग रचनेचे नकाशे (एकत्रित व प्रभाग निहाय नकाशे) महानगरपालिका संकेतस्थळावर (WEBSITE) प्रसिद्ध करण्यात येत आहेत. पुणे महानगरपालिका प्रारूप प्रभाग रचनेचा एकत्रित नकाशा पुणे महानगरपालिका विस्तारित इमारतीच्या(new pmc building) तिसऱ्या मजल्यावर नागरिकांना पाहण्यासाठी ठेवण्यात येणार आहेत. तसेच क्षेत्रीय कार्यालय(ward offices) निहाय संबंधित प्रभागाचे स्वतंत्र नकाशे नागरिकांना पाहण्यासाठी उपलब्ध करून देण्यात येत आहेत.

: 14 फेब्रुवारी 3 वाजेपर्यंत दाखल करता येणार हरकती

त्याचप्रमाणे हरकती सूचना 1 फेब्रुवारी ते 14 फेब्रुवारी या कालावधीत दाखल करण्यात येणार आहेत. 14 फेब्रुवारी दुपारी 3 पर्यंत या हरकती आणि सूचना नागरिकांना दाखल करता येतील. या हरकती व सूचना महापालिका आयुक्त(Municipal commissioner) यांच्याकडे निवडणूक कार्यालय अथवा संबंधित प्रभाग कार्यालयाचे मुख्यालय येथे सादर करता येतील. त्याचप्रमाणे हरकती व सूचना दाखल करणाऱ्या नागरिकांना सुनावणी साठी उपस्थित राहण्याबाबत स्वतंत्रपणे कळवण्यात येईल. असे महापालिकेच्या वतीने सांगण्यात आले आहे.

PMC Election : NOC : Corporators : NOC साठी नगरसेवकांची लगबग! 

Categories
Breaking News PMC Political पुणे

NOC साठी नगरसेवकांची लगबग!

पुणे : महापालिका निवडणुकीची(PMC ELECTION) रणधुमाळी आता सुरु झाली आहे. उद्या प्रभाग रचना जाहीर होईल. त्यांनतर सगळ्यांचीच गणिते सुरु होतील. इच्छुक आणि प्रस्थापित नगरसेवक(Corporators) पुन्हा निवडून येण्यासाठी बाजी पणाला लावतील. त्यासाठी आता सर्व कायदेशीर बाबींची पूर्तता करण्यासाठी कंबर कसली जात आहे. त्याचाच एक भाग म्हणून नगरसेवक महापालिका प्रशासनाकडे ना हरकत प्रमाणपत्र(NOC) घेण्यासाठी पत्रं देत आहेत.

: उद्या जाहीर होणार प्रभाग रचना

राज्य निवडणूक आयोगाने महापालिकेची प्रारूप प्रभाग रचना मंजूर केली आहे. आता पुढचा कार्यक्रम निवडणूक आयोगाने (election commission) आखून दिला आहे. त्यानुसार उद्या म्हणजे 1 फेब्रुवारी ला प्रभाग रचना जाहीर होईल. त्यांनतर सर्वांना प्रभाग कळतील आणि पुढील व्यूहरचना आखली जाईल. त्यासाठी इच्छुकांचे डोळे रचनेकडे लागले आहेत. 2 मार्च ला ही प्रक्रिया अंतिम होईल. त्यानंतर पुढचा कार्यक्रम जाहीर होईल.

: सर्व खात्याकडे दिली जाताहेत पत्रं

 दरम्यान आताच्या नगरसेवकांचा कालावधी 14 मार्च रोजी समाप्त होत आहे. त्यामुळे हे लोक देखील कंबर कसून कामाला लागले आहेत. हे नगरसेवक 4 च्या प्रभागात निवडून आले होते. आता तीन चा प्रभाग होणारआहे. त्यामुळे सर्वच गणिते बदलणार आहेत. कारण आहे त्या प्रभागात नवीन भाग जोडला जाऊ शकतो किंवा कमी देखील होऊ शकतो. असे असले तरीही नगरसेवकांना आत्मविश्वास आहे की पुन्हा एकदा आपण आपल्या प्रभागातून निवडून येणार आहे. त्यामुळे हे नगरसेवक आपल्या आणि लगतच्या प्रभागातील कामे करण्यासाठी पुढील बजेट मध्ये तरतुदी सुचवत आहेत. 5 कोटी पासून ते 500 कोटी पर्यंत ही कामे सुचवण्यात आली आहेत. गेल्या 2 आठवड्यापासून प्रशासनाकडे अक्षरशः नगरसेवकांच्या पत्रांचा पाऊस पडला आहे.
 
त्यांनतर आता हे नगरसेवक ना हरकत प्रमाणपत्रासाठी लगबग करत आहेत. त्यानुसार आमच्याकडे कुठल्याही खात्याची थकबाकी नाही, अशी विचारणा महापालिका प्रशासनाकडे करत आहेत. पुढील कायदेशीर प्रक्रियेसाठी हे दस्तावेज महत्वाचे ठरतात. त्यामुळे ही लगबग सुरु असून सर्व खात्याकडे अशी पत्र दिली जात आहेत. 

PMC Election : Woman Corporators : येत्या पंचवार्षिक मध्ये महिलाराज! : पुरुषांपेक्षा अधिक महिला नगरसेवक! 

Categories
Breaking News PMC पुणे

येत्या पंचवार्षिक मध्ये महिलाराज!

: पुरुषांपेक्षा अधिक महिला नगरसेवक!

: 173 पैकी 87 महिला नगरसेवक असतील

पुणे : महानगरपालिका (PMC) हद्दीचा विस्तार आणि शहराची वाढती लोकसंख्या लक्षात घेता नगरसेवकांचे संख्याबळ 164 वरून 173 वर गेल्यानंतर पुढील पाच वर्षांच्या कालावधीसाठी पुरुषांपेक्षा अधिक महिला नगरसेवक(woman Corporators) असतील.  शुक्रवारी जारी केलेल्या अधिसूचनेत, महाराष्ट्र राज्य निवडणूक आयोगाने PMC मधील 173 जागांपैकी 87 जागा महिलांसाठी राखीव असतील असे नमूद केले आहे.  राज्य सरकारच्या कायद्यानुसार स्थानिक नागरी संस्थांमध्ये (Local Bodies) महिलांसाठी 50 टक्के जागा राखीव असतात.
 तसेच, अनुसूचित जाती (SC) प्रवर्गासाठी 23 आणि अनुसूचित जमाती (ST) प्रवर्गासाठी 2 जागा राखीव असतील.  उर्वरित 148 जागा खुल्या प्रवर्गासाठी ठेवण्यात आल्या आहेत कारण राज्य सरकारकडून प्रवर्गनिहाय लोकसंख्येची वास्तविक माहिती संकलित होईपर्यंत सर्वोच्च न्यायालयाने इतर मागासवर्गीय (OBC) प्रवर्गासाठीचे राजकीय आरक्षण रोखले आहे.
 निवडणूक आयोगाने असे म्हटले आहे की प्रवर्गनिहाय लोकसंख्येची माहिती मिळविण्याच्या प्रक्रियेस विलंब होण्याची शक्यता आहे आणि त्यामुळे त्यांनी निवडणूक प्रभागांच्या सीमा निश्चित करण्यासाठी सीमांकन प्रक्रिया हाती घेतली आहे.

: निवडणुकीला विलंब होण्याची शक्यता असल्याने प्रशासक

: सर्वसाधारण स्वराज्य संस्थांचा सध्याचा कार्यकाळ १५ मार्च रोजी संपत असला तरी कोविड-१९ मुळे नागरी संस्थांच्या निवडणुकांना विलंब होण्याची शक्यता आहे. त्यामुळे पहिल्यांदाच काही दिवस तरी महापालिकेत प्रशासक
(Administrator) नेमावा लागेल, असे सांगण्यात येत आहे.
 निवडणुका घेण्याच्या दिशेने एक पाऊल म्हणून, राज्य निवडणूक आयोगाने जाहीर केले आहे की पीएमसीसाठी प्रत्येक निवडणूक पॅनेलच्या सीमारेषा असलेला मसुदा परिसीमन नकाशा 1 फेब्रुवारी रोजी प्रकाशित केला जाईल. नागरिकांना 14 फेब्रुवारीपर्यंत त्यावर सूचना आणि हरकती नोंदवण्याचे आवाहन करण्यात आले आहे.  ज्याची सुनावणी 28 फेब्रुवारीपर्यंत पूर्ण करावी आणि तज्ञ समितीने 2 मार्चपर्यंत सूचना राज्य निवडणूक आयोगाकडे सादर कराव्यात, जे त्यानंतर आगामी नागरी निवडणुकांसाठी सीमांकनाचा अंतिम नकाशा जाहीर करेल.
 राज्य सरकारने एका निवडणूक प्रभागात किंवा पॅनेलमध्ये जास्तीत जास्त तीन सदस्य असलेल्या नागरी निवडणुकांसाठी बहुसदस्यीय प्रणाली घेण्याचा निर्णय घेतल्याने, येत्या निवडणुकीसाठी पीएमसीमध्ये प्रत्येकी तीन सदस्य निवडण्यासाठी 57 प्रभागांसह एकूण 58 निवडणूक प्रभाग असतील.  आणि एक प्रभाग दोन सदस्य निवडण्यासाठी असेल.

Pune Corporation election : पुणे मनपाच्या निवडणुकीचे बिगुल वाजले! : प्रभाग रचना मंगळवारी प्रसिद्ध होणार 

Categories
Uncategorized

पुणे मनपाच्या निवडणुकीचे बिगुल वाजले!

: प्रभाग रचना मंगळवारी प्रसिद्ध होणार

:अखेर  इच्छुकांना दिलासा

 

पुणे : पिंपरी मनपा प्रमाणे पुणे महापालिका (pune municipal corporation) निवडणुकीचे बिगुल वाजले आहे. पुणे महानगरपालिकेचा आगामी निवडणुकीसाठीचा प्रारुप प्रभाग रचनेचा आराखडा 1 फेब्रुवारी 2022 रोजी प्रसिद्ध होणार आहे. त्यावर 1 ते 14 फेब्रुवारी दरम्यान हरकती सूचना मागविल्या जाणार आहेत. 2 मार्च पर्यंत हा कार्यक्रम चालेल. यामुळे आता इच्छुकांना दिलासा मिळाला असून आता निवडणुकीची रणधुमाळी सुरु होणार आहे.

: आयोगाने जाहीर केला कार्यक्रम

आयोगाने जाहीर केलेल्या कार्यक्रमानुसार पुणे महानगरपालिकेच्या प्रभाग रचनेसाठी प्राप्त हरकती 16 फेब्रुवारी रोजी आयोगाला सादर कराव्या लागणार आहेत. 26 फेब्रुवारी रोजी या हरकतीवर सुनावणी घेण्यात येईल. सुनावणीनंतर प्राधिकृत अधिकाऱ्यांनी केलेल्या शिफारसी 2 मार्च 2022 रोजी निवडणूक आयोगाला पाठवावे लागणार आहे. आयोगाचे सचिव किरण कुरुंदकर यांनी हा कार्यक्रम महापालिकेला पाठविला आहे. याची सर्व जबाबदारी ही महापालिका आयुक्तांची (municipal commissioner) असेल.

: प्रभाग 13 हा दोन सदस्यीय असेल

आयोगाने महापालिकेचा आराखडा मंजूर केला आहे. त्यानुसार एकूण 58 प्रभाग असतील. त्यातील 57 प्रभाग 3 सदस्यीय तर 1 प्रभाग हा 2 सदस्यांचा असेल. प्रभाग 13 हा दोन सदस्यीय असेल. एकूण 173 नगरसेवक असतील. त्यापैकी 87 सदस्य महिला असतील. एकूण लोकसंख्या 35 लाख 56 हजार 824 एवढी गृहीत केली आहे.  3 सदस्यीय प्रभाग हे सरासरी 61679 एवढ्या लोकसंख्येचे असतील. तर जास्तीत जास्त लोकसंख्या ही 67847 तर कमीत कमी 55511 एवढी असेल.

: आयोगाने काय म्हटले आहे ?

पुणे महानगरपालिकेच्या सार्वत्रिक निवडणूक २०२२ करिता
महानगरपालिकेने बहुसदस्यीय प्रभाग पध्दतीनुसार प्रारुप प्रभाग रचनेचा प्रस्ताव सादर केला आहे. त्यानुसार महानगरपालिकेच्या निवडणूक प्रभागांची लोकसंख्या, सदस्य संख्या दर्शविणारे सहपत्र-१ अंतिम करण्यात आले असून ते सोबत जोडले आहे. महानगरपालिकेच्या प्रभाग रचनेस त्यानुसार मंजुरी देण्यात येत आहे.
२. नागरिकांच्या मागासवर्ग प्रवर्गाच्या आरक्षणाबाबत मा. सर्वोच्च न्यायालयात दाखल झालेल्या पिटीशन फॉर स्पेशल लिव्ह टू अपील (सी) क्र.१९७५६/२०२१ मध्ये दि.१९ जानेवारी, २०२२ रोजी झालेल्या आदेशानुसार राज्याने नागरिकांच्या मागासवर्ग प्रवर्गाबाबत असलेली आकडेवारी संबंधित
मागासवर्ग आयोगास द्यावी. मागासवर्ग आयोगाने सदर आकडेवारी तपासून त्यानुसार योग्य त्या शिफारशी राज्यास तसेच राज्य निवडणूक आयोगास कराव्यात, असे आदेशित केले आहे. मात्र, सदर शिफारशी प्राप्त होण्यास अथवा त्यानुसार योग्य तो निर्णय घेण्यास काही कालावधी लागण्याची शक्यता असल्याने, निवडणुकांचे कामकाज विहीत कालावधीत पूर्ण करण्याच्या दृष्टीने निवडणूक प्रभागांच्या हद्दी निश्चित करण्याचा टप्पा तत्पूर्वी पूर्ण करून घेणे आवश्यक आहे. त्यामुळे सोडतीची प्रक्रिया पूर्ण करण्यापूर्वी प्रथम निवडणूक प्रभागांच्या भौगोलिक सीमा प्रसिध्द करून त्यावरील हरकती व सूचना प्राप्त करून सुनावणीची प्रक्रिया पूर्ण करण्याकरिता राज्य निवडणूक आयोगाने दि.२८ डिसेंबर, २०२१ रोजी निर्गमित केलेल्या आदेशात योग्य ते बदल करण्यासाठी दि. २७ जानेवारी, २०२२ रोजी सुधारीत आदेश जारी केलेले आहेत.
३. वर नमूद केलेल्या सुधारीत आदेशानुसार महानगरपालिकेच्या निवडणुकीकरिता निवडणूक प्रभागांच्या सीमा दर्शविणारी प्रारुप अधिसूचना प्रसिध्द करणे, हरकती व सूचना मागविणे, त्यावर सुनावणी देणे इत्यादीबाबत सोबतच्या सहपत्र-२ मध्ये दर्शविलेल्या टप्यानुसार कार्यवाही करावयाची आहे. सदर वेळापत्रकानुसार प्रत्येक टप्पा वेळेवर व योग्यरितीने पूर्ण करण्याची जबाबदारी महानगरपालिका आयुक्त यांची राहील. त्यानुसार त्यांनी योग्य ती सर्व उपाययोजना करावी.
४. राज्य निवडणूक आयोगाच्या दि. २८ डिसेंबर, २०२१ च्या आदेशात नमूद केल्यानुसार निवडणूक प्रक्रियेच्या विविध टप्प्यांवरील माहिती महानगरपालिकेने वेळोवेळी त्यांच्या संकेतस्थळावर प्रसिध्द करणे बंधनकारक राहील. तसेच प्रत्येक टप्प्यावरील अहवाल राज्य निवडणूक आयोगास
सादर करावा.