Tag: pmc Employees transfer

PMC Employees Transfer | एका खात्यात ३ वर्षापेक्षा जास्त कालावधी झालेल्या 40% अधिकारी व कर्मचाऱ्यांच्या बदल्या त्वरित करा

Categories
Breaking News PMC पुणे

PMC Employees Transfer | एका खात्यात ३ वर्षापेक्षा जास्त कालावधी झालेल्या  40% अधिकारी व कर्मचाऱ्यांच्या बदल्या त्वरित करा

| अरविंद शिंदे यांची मागणी

PMC Employees Transfer | पुणे महापालिका कर्मचाऱ्यांच्या (Pune Municipal Corporation Employees) आणि विविध राजकीय नेत्यांच्या मागणीनुसार महापालिका प्रशासनाकडून विविध खात्यातील 20% कर्मचाऱ्यांच्या बदल्या करण्यात आल्या होत्या. इतर कर्मचाऱ्यांच्या बदल्या वेगवेगळ्या टप्प्यात केल्या जातील, असे आश्वासन महापालिका प्रशासनाकडून देण्यात आले होते. मात्र बराच कालावधी उलटून गेल्या तरी त्यावर अंमल झालेला नाही. त्यामुळे एका खात्यात 3 वर्षापेक्षा जास्त कालावधी झालेल्या  40% अधिकारी व कर्मचाऱ्यांच्या बदल्या त्वरित करा. अशी मागणी काँग्रेस शहर अध्यक्ष अरविंद शिंदे (Arvind Shinde) यांनी महापालिका अतिरिक्त आयुक्त रविंद्र बिनवडे (IAS Ravindra Binwade) यांच्याकडे केली आहे. (Pune Municipal Corporation)
अरविंद शिंदे यांनी दिलेल्या पत्रानुसार पुणे महानगरपालिकेतील (Pune Municipal Corporation) प्रशासन अधिकारी, उप अधिक्षक, वरिष्ठ लिपिक, लिपिक टंकलेखक व पदस्थापना बदली यांच्या 17 एप्रिल  रोजी एका खात्यामधून दुसऱ्या खात्यात २०% नियतकालिक बदल्या करण्यात आलेल्या आहेत. या पदाच्या बदल्यांमधील त्रुटी कळविलेनंतर अधिक्षक पदावरील पात्र बदली केलेल्या आहेत.  परंतु त्यामध्ये सन २०१५ मध्ये ज्या सेवकांची कर आकारणी कर संकलन कार्यालयाकडे लिपिक टंकलेखक, वरिष्ठ लिपिक, उप अधिक्षक यांची नेमणूक झाली आहे असे सेवक आजही कर आकारणी कडे कार्यरत आहेत व सन २०१६ अथवा त्यानंतर नेमणूक झालेल्या मोजक्या सेवकांच्या बदल्या झालेल्या दिसून येत आहेत असे त्यावेळी निदर्शनास आणून दिले होते.  17 एप्रिल व त्यादरम्यान केलेल्या २०% बदल्या करण्यात आलेल्या असून पुढील २०% बदल्या आजपर्यंत झालेल्या नाहीत. सदर बदल्या का करण्यात आलेल्या नाहीत ? याची आम्ही पूर्वी माहिती मागीवली असून त्याबाबत अद्याप माहिती दिलेली नाही. (Pune Municipal Corporation Employees) 
शिंदे यांनी पुढे म्हटले आहे कि, आम्ही आपणास सन २०१६ पासून वेतनास स्थानिक संस्था कर (एल.बी.टी.) विभागाकडे व प्रत्यक्ष कामास कर आकारणी कर संकलन या खात्यात काम करीत असल्याचे लेखी कळविले असून त्या बदल्या अद्याप झालेल्या नाहीत.  तसेच आरोग्य विभाग, बांधकाम विभाग, पथ विभाग, मालमत्ता व्यवस्थापन विभाग, विद्युत विभाग ई. विभागातील सर्व पदांच्या बदलीबाबत आम्ही मागणी केलेली होती. या बदल्या देखील अद्याप झालेल्या नाहीत. तरी वरील सर्व बाबी पुणे मनपाचे प्रशासकीय व आर्थिक हिताच्या दृष्टीने योग्य नाहीत.  त्यामुळे  ज्या मनपा अधिकारी व कर्मचारी यांना एका खात्यात ३ वर्षापेक्षा जास्त कालावधी झाला आहे अशा किमान ४० % अधिकारी व कर्मचारी यांच्या बदल्या त्वरित करण्यात याव्यात. अशी मागणी शिंदे यांनी केली आहे. (PMC Pune News)
—–
News Title |PMC Employees Transfer | Promptly transfer 40% officers and employees who have been in one account for more than 3 years

PMC Employees Transfer | गेली 20 वर्ष प्रॉपर्टी टॅक्स विभागात काम करणाऱ्या ‘त्या’ अधिकाऱ्याची अखेर बदली

Categories
Breaking News PMC पुणे

PMC Employees Transfer | गेली 20 वर्ष प्रॉपर्टी टॅक्स विभागात काम करणाऱ्या ‘त्या’ अधिकाऱ्याची अखेर बदली

| महापालिका प्रशासनाकडून नुकत्याच अधीक्षकांच्या करण्यात आल्या बदल्या

PMC Employees Transfer | पुणे महापालिका (Pune Municipal Corporation Administration) प्रशासनाकडून नुकत्याच 8 अधीक्षकांच्या बदल्या (Superintendent Transfer) करण्यात आल्या आहेत. यामध्ये गेली 20 वर्ष प्रॉपर्टी टॅक्स विभागात अधिक्षक तथा प्रभारी प्रशासन अधिकारी म्हणून काम करणाऱ्या राजेश कामठे (Rajesh Kamthe) यांची देखील बदली करण्यात आली आहे. कामठे यांची बदली अग्निशमन व आपत्ती व्यवस्थापन विभागाकडे (Fire and Disaster Management Department) करण्यात आली आहे. महापालिका अतिरिक्त आयुक्त रविंद्र बिनवडे (PMC Additional Commissioner Ravindra Binwade) यांच्याकडून नुकतेच हे आदेश जारी करण्यात आले आहेत. प्रशासनाच्या या निर्णयाचे स्वागत केले जात आहे. (PMC Employees Transfer)
महापालिका प्रशासनाकडून 2 महिन्यापूर्वी काही सेवकांच्या बदल्या करण्यात आल्या होत्या. त्यानंतर आता काही कर्मचाऱ्यांच्या बदल्या करण्यात आल्या आहेत. त्यामध्ये अधीक्षक, उप अधिक्षक तसेच वरिष्ठ लिपिक यांचा समावेश आहे. मागील बदल्यात प्रॉपर्टी टॅक्स विभागातील बऱ्याच जुन्या कर्मचाऱ्यांच्या बदल्या करण्यात आल्या होत्या. मात्र 20 वर्षांपासून काम करणाऱ्या अधिक्षक राजेश कामठे यांची बदली केली नव्हती. याबाबत राजकीय नेत्यांनी देखील तक्रारी केल्या होत्या. पुणे काँग्रेसचे शहर अध्यक्ष अरविंद शिंदे (Congress City President Arvind Shinde) यांनी तर सर्व पुराव्यानिशी प्रशासनाकडे मागणी केली होती. (Pune Municipal Corporation,

– अरविंद शिंदे यांची काय होती तक्रार?

मनपा कार्यक्षेत्रात सन १९९७-९८ मध्ये २३ गावे समाविष्ट करण्यात आली. या गावातील ग्रामपंचायतीमधील सेवकवर्ग पुणे मनपा प्रशासनात सामावून घेण्यात आला होता. त्या सेवकांमधील ज्यु.ग्रेड.लेखनिक राजेश कामठे यांची कर आकारणी कर संकलन कार्यालयाकडे नेमणूक करण्यात आली. ते आजतागयात कर आकारणी कर संकलन कार्यालयाकडे पदोन्नती घेऊन अधिक्षक या पदावर व खात्यात अंदाजे २० वर्ष काम करीत आहेत.
कर आकारणी कर संकलन कार्यालयात दोन महापालिका सहाय्यक आयुक्त(वर्ग-१) व तीन प्रशासन अधिकारी (वर्ग२) कार्यरत होते, असे असतानाही तत्कालीन उप आयुक्त तथा कर आकारणी कर संकलन प्रमुख यांनी  कामठे (अधिक्षक) यांना प्र.प्रशासन अधिकारी या पदाचा पदभार दिला. वर्ग १ मधील दोन व वर्ग २ मधील तीन अधिकारी असताना प्र.प्रशासन अधिकारी म्हणून कामठे यांचे पद अधिक्षक असताना त्यांना पदभार देण्याचे प्रयोजन काय ? हि बाब अत्यंत गंभीर आहे. असे असतानाही त्यांची बदली २०% नियतकालिक बदल्या यामध्ये का घेण्यात आली नाही. हि बाब अतिरिक्त आयुक्त (ज) यांच्या मान्यतेने अथवा उप आयुक्त, सामान्य प्रशासन यांच्या मान्यतेने करण्यात आली आहे का ? कर आकारणी कर संकलन कार्यालयाकडे सन २०२१-२२ या काळात कुलकर्णी, सातपुते, वाघमारे  हे अधिक्षक म्हणून कार्यरत होते, परंतु त्यांची ६ महिन्याच्या आत अन्य खात्यात बदली करण्यात आली व  कामठे सन १९९७ पासून कर आकारणी कर संकलन कार्यालयाकडे कामास आहे. त्यांची बदली न करता वरील सेवकांची बदली करणे अन्यायकारक वाटत नाही का ? या सर्व बाबी आमच्या पर्यंत येतात परंतु, आपणापर्यंत येत नाही हि खेदाची बाब आहे. (PMC Pune Employees News)
त्यानंतर आता प्रशासनाने कामठे यांची बदली केली आहे. कामठे यांना अग्निशमन व आपत्ती व्यवस्थापन विभागात पाठवण्यात आले आहे.
—-
News Title | PMC Employees Transfer | The ‘that’ officer who has been working in the property tax department for the last 20 years has finally been transferred

PMC Sanitory Inspector | तब्बल 8-10 वर्षानंतर आरोग्य निरीक्षकांच्या बदल्या!

Categories
Uncategorized

PMC Sanitory Inspector | तब्बल 8-10 वर्षानंतर आरोग्य निरीक्षकांच्या बदल्या!

| कर्मचाऱ्यांचे समुपदेशन करून केल्या बदल्या

PMC Sanitory Inspector | पुणे महापालिकेतील घनकचरा विभागातील (PMC Solid Waste Management Department) आरोग्य निरीक्षक (Sanitory Inspector) आणि विभागीय आरोग्य निरीक्षकांच्या (Divisional Sanitory Inspector) नुकत्याच बदल्या (Transfer) करण्यात आल्या आहेत. गेल्या 8-10 वर्षांपासून या बदल्या झाल्याच नव्हत्या. महापालिका प्रशासनाकडून (PMC Administration) सध्या तरी फक्त 20% बदल्या केल्या आहेत. दरम्यान यासाठी घनकचरा विभागाकडून कर्मचाऱ्यांचे समुपदेशन करून या बदल्या केल्या आहेत. अशी माहिती घनकचरा विभागाच्या प्रमुख आणि उपायुक्त आशा राऊत (Deputy Commissioner Aasha Raut) यांनी दिली. (PMC Sanitory Inspector)
आरोग्य निरीक्षक आणि विभागीय आरोग्य निरीक्षकांच्या गेल्या 8-10 वर्षांपासून बदल्या झाल्या नसल्याने या कर्मचाऱ्यांची मक्तेदारी निर्माण झाली होती. तसेच आपली बदली होणार नाही, अशी भावना या कर्मचाऱ्यांमध्ये निर्माण झाली होती. हीच मक्तेदारी मोडण्याचे काम घनकचरा विभागाकडून (PMC Solid waste management Department) करण्यात आले. त्यानुसार या बदल्या करण्यात आल्या आहेत. विविध क्षेत्रीय कार्यालयामध्ये एकूण 180 आरोग्य निरीक्षक आहेत. त्यापैकी 34 आरोग्य निरीक्षकांच्या बदल्या करण्यात आल्या आहेत. तर 16 विभागीय आरोग्य निरीक्षकांपैकी 4 जणांच्या बदल्या करण्यात आल्या. 15 क्षेत्रीय कार्यालयात या बदल्या करण्यात आल्या. आरोग्य विभाग, घनकचरा विभाग आणि मंडई विभागात या कर्मचाऱ्यांच्या बदल्या करण्यात आल्या आहेत. कर्मचाऱ्यांना समुपदेशन करून त्यांना संधी उपलब्ध करून दिल्या. त्यानुसार 90% अधिक कर्मचाऱ्यांना त्यांना हव्या त्या ठिकाणी बदली देण्यात आली. त्यानुसार 16 जून ला कर्मचाऱ्यांना रूजू होण्याचे आदेश देण्यात आले. असे  उपायुक्त राऊत यांनी सांगितले. (Pune Municipal Corporation)
—
News Title | PMC Sanitary Inspector |  Transfers of Sanitory inspectors after 8-10 years! |  Transfers made after counseling the employees