Tag: Property Tax Department

Nana Bhangire | PMC Pune | कर संकलन (property tax) विभागातील ६० % सेवकांच्या बदल्या त्वरित करण्यात याव्यात | शिवसेना शहर अध्यक्ष प्रमोद (नाना) भानगिरे यांची मागणी 

Categories
Breaking News PMC Political पुणे

कर संकलन (property tax) विभागातील ६० % सेवकांच्या बदल्या त्वरित करण्यात याव्यात

| शिवसेना शहर अध्यक्ष प्रमोद (नाना) भानगिरे यांची मागणी

सामान्य प्रशासन विभागाकडून कर आकारणी व कर संकलन कार्यालयाकडील किमान ६० % सेवकांच्या बदल्या त्वरित करण्यात याव्यात व पुढील ३ महिन्यात उर्वरित २०% व पुढील ३ महिन्यात २०% अशा बदल्या करण्यात याव्यात. अशाच प्रकारे पुणे मनपा प्रशासानाकडील सर्व खात्यांमध्ये सर्वच पदांच्या बदल्या तातडीने करणेची कार्यवाही करावी. अशी मागणी शिवसेना शहर अध्यक्ष प्रमोद (नाना) भानगिरे यांनी महापालिका आयुक्त यांच्याकडे  केली आहे.

भानगिरे यांच्या निवेदनानुसार महानगरपालिकेतील लेखनिक संवर्गातील प्रशासन अधिकारी, उप अधिक्षक, वरिष्ठ लिपिक, लिपिक टंकलेखक व पदस्थापना बदली यांच्या दि.१७/०४/२०२३ रोजी नियतकालिक एका खात्यामधून दुसऱ्या खात्यात २० % बदल्या करण्यात आलेल्या आहेत. परंतु त्यामध्ये सन २०१५ मध्ये ज्या सेवकांची कर आकारणी कर संकलन कार्यालयाकडे लिपिक टंकलेखक, वरिष्ठ लिपिक, उप अधिक्षक यांची नेमणूक झाली आहे असे सेवक आजही कर आकारणी कडे कार्यरत आहेत व सन २०१६ अथवा त्यानंतर नेमणूक झालेल्या मोजक्या सेवकांच्या बदल्या झालेल्या दिसून येत आहेत.

सध्या कार्यरत सेवकांची बदली करताना अनुभवी सेवक पाहिजे अशी मागणी कर आकारणी कर संकलन खाते प्रमुखांकडून होत आहे. कर आकारणी कर संकलन प्रमुख यांचेकडे मालमत्ता व्यवस्थापन असे २ पदभार असून त्यांचा आत्मविश्वास डळमळीत झाला आहे असे वाटते. असे असल्यास त्यांना एकाच खात्याचा पदभार देण्यात यावा.

सन २००७ – २००८ या आर्थिक वर्षात कर आकारणी विभागातील वर्ग-३ मधील सर्व पदांच्या सेवकांच्या तडकाफडकी बदल्या करण्यात आल्या होत्या. त्यावेळी वर्ग-३ मधील नवीन सेवक घेऊन कर आकारणी खात्याचे कामकाज सुरळीतपणे पार पाडले व उत्पन्नात वाढ होऊन यश आले होते, हि बाब लक्षात घ्यावी. सामान्य प्रशासन विभागाकडून कर आकारणी व कर संकलन कार्यालयाकडील किमान ६० % सेवकांच्या बदल्या त्वरित करण्यात याव्यात व पुढील ३ महिन्यात उर्वरित २०% व पुढील ३ महिन्यात २०% अशा बदल्या करण्यात याव्यात. अशाच प्रकारे पुणे मनपा प्रशासानाकडील सर्व खात्यांमध्ये सर्वच पदांच्या बदल्या तातडीने करणेची कार्यवाही करावी.

कर आकारणी कर संकलन कार्यालयाकडील अधिक्षक हे प्र.प्रशासन अधिकारी म्हणून काम करीत आहेत. आमच्या माहितीनुसार ते सन १९९७ रोजी गावे महापालिकेत समाविष्ट झाल्यापासून ते आजतागायत (सन २०१२ ते २०१५ अशी ३ वर्षे सोडून) कर आकारणी कर संकलन कार्यालयाकडेच कार्यरत आहेत. हि बाब सामान्य प्रशासन विभागाच्या लक्षात का आली नाही. सदर बाब अतिरिक्त महा.आयुक्त (ज) यांच्या सहमतीने करण्यात आलेली आहे अशी चर्चा पुणे मनपा वर्तुळात होत आहे.  प्रकरणी तातडीने योग्य कार्यवाही करून केलेल्या कार्यवाहीची माहिती आम्हास देण्यात यावी. असे भानगिरे यांनी म्हटले आहे.

Property Tax Department | PMC | महापालिकेतील काही कर्मचाऱ्यांचा टॅक्स विभागातून पायच निघेना! 

Categories
Breaking News PMC पुणे

महापालिकेतील काही कर्मचाऱ्यांचा टॅक्स विभागातून पायच निघेना!

| अशा कर्मचाऱ्यांना वेतन अदा न करण्याचे अतिरिक्त आयुक्तांचे आदेश

पुणे | सन २०२२-२३ या आर्थिक वर्षातील उद्दिष्ट पूर्ततेच्या अनुषंगाने कर आकारणी व कर संकलन कार्यालयास इतर विभागातील काही अतिरिक्त कर्मचारी उपलब्ध करून देण्यात आले होते. त्यांची नेमणूक 31 मार्च पर्यंत होती. कालावधी संपला तरी या कर्मचाऱ्यांचा टॅक्स विभागातून पाय निघत नाही. हे बघून आता अतिरिक्त आयुक्त रविंद्र बिनवडे यांनी अशा कर्मचाऱ्यांचे वेतन अदा न करण्याचे आदेश खाते प्रमुखांना दिले आहेत.

| अतिरिक्त आयुक्तांचे असे आहेत आदेश

पुणे महानगरपालिका प्रशासनाकडील लेखनिकी संवर्गातील वरिष्ठ लिपिक व लिपिक टंकलेखक हुद्यावरील सेवकांना  आदेशानुसार कर आकारणी व कर संकलन विभागाकडे सन २०२२-२३ या आर्थिक वर्षातील उद्दिष्ट पूर्ततेच्या प्रशासकिय कामकाजाच्या सोयीसाठी कामाच्या अंतर्गत व्यवस्थेने तात्पुरत्या स्वरुपात दि. ३१.०३.२०२३ पर्यंत नेमणूक करण्यात आली होती.
तथापि, असे निदर्शनास आले आहे की सदर कार्यालयीन आदेशान्वये नेमणूक करण्यात आलेले सेवक अजूनही कर आकारणी व कर संकलन विभागाकडे कामकाज करीत असून ३१.०३.२०२३ नंतरही ते त्यांच्या मूळ खात्यात हजर झालेले नाहीत. सदर सेवकांना कर आकारणी व कर संकलन विभागाने तात्काळ आजच्या आज कार्यमुक्त करून त्याबाबतचा अहवाल आस्थापना विभागाकडे सादर करावयाचा आहे. तसेच संबंधित सेवकांनी त्यांचे मूळ खात्यात रुजू व्हावयाचे असून, सदर सेवक त्यांचे मूळ खात्यात हजर नझाल्यास त्यांचे महिने महाचे वेतन संबंधित खातेप्रमुखांनी आदा करू नये. तरी, संबंधीत खातेप्रमुख यांनी पुढील योग्य ती तजवीज करावी.

Property Tax | मिळकतकर विभागाने घडविला इतिहास | विविध अडचणींवर मात करत वर्षभरात 1965 कोटींचे उत्पन्न

Categories
Breaking News PMC पुणे

मिळकतकर विभागाने घडविला इतिहास | विविध अडचणींवर मात करत वर्षभरात 1965 कोटींचे उत्पन्न

| मागील वर्षी पेक्षा 125 कोटींचे मिळवले अधिक उत्पन्न!

 | मागील वर्षी मिळाले होते 1840 कोटी

पुणे |  विविध अडचणींवर मात करत मिळकतकर विभागाने (PMC property tax department) आर्थिक वर्ष 2022-23 मध्ये सुमारे 1965 कोटींचे उत्पन्न मिळवले आहे. मागील वर्षी पेक्षा हे उत्पन्न 125 कोटींनी अधिक आहे. मागील वर्षी पालिकेला 1840 कोटी मिळाले होते. यावर्षी मिळालेले उत्पन्न हे आतापर्यंतच्या इतिहासात सर्वात जास्त आहे. अशी माहिती मिळकतकर विभागाचे प्रमुख अजित देशमुख (Deputy commissioner Ajit Deshmukh) यांनी दिली.
 पुणे महापालिकेच्या मिळकतकर विभागाने आजच्या दिवशी म्हणजे आर्थिक वर्षाच्या शेवटच्या दिवशी 42 कोटींचा मिळकतकर वसूल केला आहे. मागील वर्षी याच दिवशी 39 कोटी मिळाले होते. एकूणच आर्थिक वर्षात मिळकतकर विभागाने 1965 कोटींचे उत्पन्न प्राप्त केले आहे. मागील वर्षी 1840 कोटी मिळाले होते. विशेष म्हणजे मागील वर्षी अभय योजना दोनदा राबवण्यात आली होती. तीनपट कराचा मुद्दा, 40% सवलतीचा मुद्दा मागील वर्षी नव्हता. असे असतानाही मागील वर्षीपेक्षा सुमारे 125 कोटी अधिक उत्पन्न विभागाने मिळवले आहे. (PMC Pune)
| 65 हजार मिळकतींचे मूल्यमापन 
मिळकतकर विभागाने पहिल्यापासूनच वसुलीवर जोर दिला होता. त्यामुळे विभागाला 1900 कोटींचा टप्पा पार करता आला आहे. तसेच नवीन मिळकतीचे मूल्यमापन करण्यावर देखील विभागाकडून जोर देण्यात आला होता. वर्षभरात 65 हजार मिळकतीचे मूल्यमापन करण्यात आले. ज्यातुन महापालिकेला 400 कोटींचे उत्पन्न मिळाले आहे. विभागाला 2022-23 मध्ये 2200 कोटींचे उद्दिष्ट देण्यात आले होते. तर 2023-24 मध्ये 2618 कोटी उत्पन्न जमा करण्याचे उद्दिष्ट देण्यात आले आहे. आगामी वर्षात देखील 2200 कोटीपेक्षा अधिक उत्पन्न मिळेल, अशी शक्यता वर्तवण्यात येत आहे. (Pune Municipal Corporation)
—-

Property tax | PMC | सुट्टी असली तरी भरू शकता मिळकतकर | महापालिकेची सीएफसी केंद्रे उद्या सुरु राहणार

Categories
Breaking News PMC social पुणे

सुट्टी असली तरी भरू शकता मिळकतकर

| महापालिकेची सीएफसी केंद्रे उद्या सुरु राहणार

श्रीराम नवमीनिमित्त उद्या ३० मार्च रोजी सुट्टी असूनही मिळकत कर भरण्यासाठी पुणे मनपाची सी. एफ. सी. केंद्रे सुरु राहणार आहेत. तसेच ३१ मार्च, २०२३ रोजी देखील स. १० ते रा. १० या वेळेत ही केंद्रे सुरु राहणार आहेत. कर भरा आणि पुणे शहराच्या विकासात सहकार्य करा. असे आवाहन महापालिका प्रशासनाच्या वतीने करण्यात आले आहे.
महापालिका प्रशासनाकडून नागरिकांना हे ही आवाहन करण्यात आले कि 31 मार्च पूर्वी आपला थकीत मिळकतकर भरून घ्या. जेणेकरून पुढील आर्थिक वर्षात थकबाकी वर व्याज भरावे लागणार नाही. कारण प्रति महिना 2% आकारले जाते. हे टाळण्यासाठी मिळकतकर भरणे आवश्यक आहे. दरम्यान कर संकलन विभागाने चालू आर्थिक वर्षात 1850 कोटींहून अधिक उत्पन्न मिळवले आहे.

Property Tax Department : टॅक्स विभागातील प्रभारी प्रशासन अधिकारी झाले शिरजोर!  : मुख्य प्रशासन अधिकाऱ्यांना साधी केबिन मिळेना 

Categories
Breaking News PMC पुणे

टॅक्स विभागातील प्रभारी प्रशासन अधिकारी झाले शिरजोर!

: मुख्य प्रशासन अधिकाऱ्यांना साधी केबिन मिळेना

पुणे : महापालिकेचा मिळकतकर अर्थात टॅक्स विभाग हा खूप महत्वाचा समजला जातो. पालिकेचा आर्थिक डोलारा हाच विभाग सांभाळतो. त्यामुळे या विभागात प्रवेश मिळवण्यासाठी बरीच सेटिंग केली जाते. असेच वशिलेबाजी करून आलेले काही लोक शिरजोर झाले आहेत. यात प्रामुख्याने प्रभारी प्रशासन अधिकारी स्वतःला उपायुक्त समजून वागत असतात. एकीकडे विभागातील मुख्य प्रशासन अधिकाऱ्यांना बसायला साधी केबिन मिळत नाही. तर दुसरीकडे प्रभारी प्रशासन अधिकाऱ्यांच्या दिमतीला केबिन शिवाय काही सेवक देखील देण्यात आले आहेत. यामुळे मुख्य प्रशासन अधिकाऱ्यावर अन्याय झाल्याची भावना आहे. विभागातील ही अनागोंदी नुकतेच नियुक्त झालेले उपायुक्त अजित देखमुख संपवणार का, असा प्रश्न उपस्थित केला जात आहे.
महापालिकेच्या मिळकतकर विभागात 5 प्रशासन अधिकारी आहेत. यातील दोन मुख्य प्रशासन अधिकारी आहेत तर उर्वरित तीन हे प्रभारी प्रशासन अधिकारी आहेत. मात्र मुख्य प्रशासन अधिकारी अडगळीत पडले आहेत. प्रभारी प्रशासन अधिकारी मात्र उपायुक्त असल्याच्या थाटात वावरत असतात. मुख्य प्रशासन अधिकाऱ्यांना स्मार्ट महापालिकेत बसायला स्वतंत्र केबिन नाही. तर प्रभारी प्रशासन अधिकाऱ्यांना सगळ्या सुख सुविधा मिळत आहेत. मुख्य प्रशासन अधिकाऱ्यावरील हा अन्याय मानला जात आहे. प्रभारी प्रशासन अधिकारी एवढे लाडाचे का आहेत, याबाबत आता वेगवेगळे प्रश्न उपस्थित केले जात आहेत.

: तांत्रिक पदाचा कर्मचारी प्रशासन अधिकारी कसा?

दरम्यान टॅक्स विभागात कामाला येण्यासाठी वशिलेबाजी आणि सेटिंग करणे, हे नवीन नाही. मात्र काहींनी कायदा देखील पायदळी तुडवला आहे. तांत्रिक पदाचे कर्मचारी असताना देखील टॅक्स विभागात प्रभारी प्रशासन अधिकारी म्हणून काम पाहिले जात आहे. महापालिका नियमावली नुसार हे वैध नाही. तरी देखील प्रभारी प्रशासन अधिकाऱ्याला अभय दिले गेले आहे. अशाच पद्धतीने प्रभारी प्रशासन अधिकारी झालेल्या एका कर्मचाऱ्याने मागील उपायुक्तापेक्षा स्वतः मोठे होण्याचा प्रयत्न केला होता. त्यासाठी उपायुक्तांच्या परस्पर आपल्या कामाच्या बातम्या छापून आणल्या होत्या. उपायुक्तांनी वारंवार सांगून देखील फरक पडला नव्हता. थोडक्यात प्रभारी प्रशासन अधिकारीच टॅक्स विभाग चालवतात, अशी महापालिकेत दबक्या आवाजात चर्चा केली जात आहे.
दरम्यान टॅक्स विभागाची नुकतीच जबाबदारी घेलेले अजित देशमुख यांना प्रशासकीय आणि महसूल विषयक कामाचा गाढा अनुभव आहे. शिवाय कायदेशीर काम करणारे अधिकारी म्हणून देखील त्यांची ख्याती आहे. त्यामुळे आपल्याच विभागात चालत आलेली अनागोंदी देशमुख संपवणार का? मुख्य प्रशासन अधिकाऱ्यांना न्याय देणार का? नियम डावलून पदावर असलेल्या कर्मचाऱ्यांना हटवणार का? असे प्रश्न विचारले जात आहेत.

Ajit Deshmukh : PMC : मिळकतकर विभागाची जबाबदारी उपायुक्त अजित देशमुख यांच्याकडे!  : महापालिका आयुक्तांचे आदेश 

Categories
Breaking News PMC पुणे

मिळकतकर विभागाची जबाबदारी उपायुक्त अजित देशमुख यांच्याकडे!

: महापालिका आयुक्तांचे आदेश

पुणे : महापालिकेचे कर संकलन आणि आकारणी विभाग प्रमुख विलास कानडे यांची अतिरिक्त आयुक्त पदी वर्णी लागली आहे. त्यामुळे मिळकतकर विभागात काम करण्यासाठी बरेच उपायुक्त उत्सुक होते. यासाठी बऱ्याच उपायुक्तांची नावे चर्चेत होते. अखेर महापालिका आयुक्तांनी उपायुक्त अजित देशमुख यांच्यावर मिळकतकर विभागाची जबाबदारी सोपवली आहे. तर देशमुख यांच्याकडील घनकचरा विभागाची जबाबदारी उपायुक्त आशा राऊत यांच्याकडे सोपवली आहे. दरम्यान अजित देशमुख यांना टॅक्स विभागाची जबाबदारी मिळाल्याने काम करणाऱ्या माणसाला चांगले पद आयुक्तांनी दिले, अशी चर्चा महापालिका वर्तुळात आहे.

: असे आहेत महापालिका आयुक्तांचे आदेश

पुणे महानगरपालिका प्रशासनाकडील  विलास कानडे यांची ‘अतिरिक्त महापलिका आयुक्त’ या पदावर महाराष्ट्र महानगरपालिका अधिनियमातील कलम ३९ अ (१) मधील तरतुदीनुसार श्री. ज्ञानेश्वर मोळक यांच्या सेवानिवृत्तीने रिक्त झालेल्या पदावर शासन आदेशान्वये पदोन्नतीने नियुक्ती करण्यात आलेली आहे.  विलास कानडे, यांचेकडील उप आयुक्त (कर आकारणी व कर संकलन) या पदाचा पदभार अजित देशमुख, उप आयुक्त यांचेकडे सोपविण्यात येत आहे. तसेच अजित देशमुख, उप आयुक्त यांचेकडील उप आयुक्त (घनकचरा व्यवस्थापन) या पदाचा पदभार
संपुष्टात आणून आशा राऊत, उप आयुक्त (मध्यवर्ती भाडार) यांचेकडे सोपविण्यात येत आहे. आशा राऊत्त, उप आयुक्त (मध्यवर्ती भांडार) यांनी स्वतःचे पदाचे कामकाज सांभाळून उप आयुक्त (घनकचरा व्यवस्थापन) या पदाचे अतिरिक्त कामकाज करावयाचे आहे.

Property Tax Department : मिळकतकर विभागावर कोण मारणार बाजी?  : उपायुक्तांमध्ये रस्सीखेच 

Categories
Breaking News PMC पुणे

मिळकतकर विभागावर कोण मारणार बाजी?

: उपायुक्तांमध्ये रस्सीखेच

पुणे : महापालिकेचे कर संकलन आणि आकारणी विभाग प्रमुख विलास कानडे यांची अतिरिक्त आयुक्त पदी वर्णी लागली आहे. त्यामुळे आता मिळकतकर विभाग प्रमुख पद रिक्त राहणार आहे. दरम्यान या विभागात काम करण्यासाठी बरेच उपायुक्त उत्सुक आहेत. त्यामुळे त्यांच्यात रस्सीखेच चालली आहे. त्यामुळे यावर कोण बाजी मारणार, याकडे सर्वांचे लक्ष लागले आहे.
महापालिका अधिकाऱ्यांसाठी अतिरिक्त आयुक्त पद निर्माण करण्यात आले आहे. नुकतेच अतिरिक्त आयुक्त पदावरून ज्ञानेश्वर मोळक निवृत्त झाले आहेत. त्यामुळे हे पद रिक्त झाले होते. या पदावर नियमानुसार विलास कानडे यांची वर्णी लागणे अपेक्षित होते. त्यानुसार राज्य सरकारचे आदेश प्राप्त झाले आहेत. दरम्यान कानडे हे मिळकतकर विभाग प्रमुख म्हणून काम पाहत आहेत. हे पद आता रिक्त होणार आहे. त्यामुळे या खात्यात काम करण्यासाठी महापालिकेचे बरेच अधिकारी इच्छुक आहेत.
मिळकतकर विभाग हा महापालिकेचा विशेष महत्वाचा विभाग आहे. कारण हा विभाग महापालिकेला सर्वात जास्त उत्पन्न मिळवून देतो. त्यामुळे या विभागाकडे सर्वांचे लक्ष असते. शिवाय नागरिकांशी जुडला गेलेला हा विभाग आहे. त्यामुळे या विभागात काम करण्यासाठी बरेच उपायुक्त इच्छुक आहेत. यामध्ये  माधव जगताप, संदीप कदम, अजित देशमुख, यशवंत माने यांची नावे आघाडीवर आहेत. यापैकी कोण बाजी मारणार, हे पाहणे महत्वाचे ठरणार आहे.