Tag: pune

Dilip walse patil : सहकार क्षेत्रातील अडचणी सोडविण्यासाठी प्रयत्न करु- गृहमंत्री दिलीप वळसे-पाटील

Categories
Political पुणे महाराष्ट्र

सहकार क्षेत्रातील अडचणी सोडविण्यासाठी प्रयत्न करु- गृहमंत्री दिलीप वळसे-पाटील

पुणे:- सहकार क्षेत्रातील अडीअडचणी सोडविण्यासाठी शासन स्तरावर प्रयत्न करण्यात येईल, असे प्रतिपादन गृहमंत्री दिलीप वळसे-पाटील यांनी केले.

राष्ट्रीय सहकार सप्ताह निमित्ताने मंचर येथील शरदचंद्र पवार सभागृहात आयोजित खेड, आंबेगाव व जुन्नर तालुक्यातील नागरी सहकारी पतसंस्थेच्या परिषदेप्रसंगी ते बोलत होते.

यावेळी शरद सहकारी बँकेचे अध्यक्ष देवेंद्र शहा, पुणे जिल्हा सहकारी सहकारी दूध उत्पादक संघाचे अध्यक्ष विष्णू हिंगे, भीमाशंकर सहकारी साखर कारखान्याचे अध्यक्ष बाळासाहेब बेंडे, कृषी उत्पन्न बाजार समितीचे सभापती देवदत्त निकम, पुणे जिल्हा पतसंस्था फेडरेशनचे संचालक यतीनकुमार हुले आदी उपस्थित होते.

श्री. वळसे-पाटील म्हणाले, सहकारी पतसंस्था ह्या सर्वसामान्य नागरिकांच्या संस्था असून नागरिकांच्या गरजा भागविण्याचे काम करतात. सहकारी संस्थेच्या माध्यमातून ग्रामीण भागातील अर्थव्यवस्थेला गती देण्याचा प्रयत्न केला जातो. सहकारी संस्थांनी आजपर्यंत उत्तम काम करत गरजेनुसार नागरिकांना मदत केलेली आहे. सहकार क्षेत्रातील सर्व प्रकारच्या अडीअडचणी शासन दरबारी मांडून आवश्यक तेथे सहकार कायद्यात, शासन निर्णयात अनुकूल बदल करण्यासाठी प्रयत्न करू, असे त्यांनी सांगितले.

Mhada pune : पुणे म्हाडाच्या 4222 घरांसाठी ऑनलाईन अर्ज स्वीकृतीचा उपमुख्यमंत्री अजित पवार यांच्या हस्ते शुभारंभ

Categories
Breaking News पुणे महाराष्ट्र

पुणे म्हाडाच्या 4222 घरांसाठी ऑनलाईन अर्ज स्वीकृतीचा उपमुख्यमंत्री अजित पवार यांच्या हस्ते शुभारंभ

 मुंबई :- पुणे गृहनिर्माण व क्षेत्रविकास मंडळ अर्थात, पुणे म्हाडाच्या 4 हजार 222 घरांसाठी ऑनलाईन अर्ज स्विकृतीचा शुभारंभ उपमुख्यमंत्री अजित पवार यांच्या हस्ते ऑनलाईन पद्धतीने करण्यात आला.

            मंत्रालयातील उपमुख्यमंत्री कार्यालयाच्या समिती कक्षात झालेल्या या कार्यक्रमास गृहनिर्माण मंत्री जितेंद्र आव्हाड, गृहनिर्माण विभागाचे प्रधान सचिव मिलिंद म्हैसकर, पुणे म्हाडाचे मुख्याधिकारी नितीन माने आदी मान्यवर उपस्थित होते.

            पुणे म्हाडाच्या माध्यमातून पुणे, सांगली, सोलापूर जिल्ह्यातल्या 4 हजार 222 घरांच्या लॉटरीसाठी ऑनलाईन अर्ज नोंदणीस आजपासून सुरुवात झाली. जानेवारी 2022 च्या पहिल्या आठवड्यात ही सोडत निघणार आहे. पुणे म्हाडाची ‘जानेवारी 2022-ऑनलाईन सोडत’ योजना राज्यातल्या अनेक गरजूंचं, पुण्यासारख्या शहरात स्वस्त घर घेण्याचे स्वप्न पूर्ण करणार आहे.

Shivshahir Babasaheb purandare: शिवशाहीर बाबासहेब पुरंदरे यांचे निधन

Categories
Breaking News cultural पुणे महाराष्ट्र

 

शिवशाहीर बाबासाहेब पुरंदरे यांचे निधन

: पुण्यातील रुग्णालयात घेतला अखेरचा श्वास

पुणे : शिवशाहीर, शिवचरित्र्यकार अशी साऱ्या महाराष्ट्राला ओळख असलेल्या शिवशाहीर बाबासाहेब पुरंदरे यांचे आज पहाटे पाच वाजून 10 मिनिटांनी (ता.१५) पुण्यात एका खासगी रूग्णालयात वयाच्या शंभराव्या वर्षी निधन झाले.त्यांना न्यूमोनिया झाला होता. गेल्या काही दिवसांपासून रूग्णालयात त्यांच्यावर उपचार सुरू होते.त्यांच्या पश्‍च्यात दोन मुले व एक मुलगी असा परिवार आहे.

घरात तोल जाऊन पडल्याने २६ ऑक्टोबरला त्यांना रूग्णालयात दाखल करण्यात आले होते. त्यानंतर त्यांना न्यूमोनियाचे निदान झाले. त्यावर उपचार सुरू होते. मात्र, गेल्या दोन दिवसात त्यांची प्रकृती खालावली होती. रविवारी त्यांना कृत्रिम श्‍वासोच्छवासावर (व्हेंटिलेटर) ठेवण्यात आले होते.

ओघवत्या, लालित्यपूर्ण वत्कृत्त्वाने त्यांनी छत्रपती शिवाजी महाराजांचे चरित्र महाराष्ट्रासमोर उभे केले आहे. ऑगस्ट २०१५ मध्ये महाराष्ट्र सरकारने त्यांना ‘महाराष्ट्रभूषण’ पुरस्काराने गौरविले आहे.

शिवचरित्राच्या माध्यमातून बाबासाहेब पुरंदरे महाराष्ट्रात घरोघरी पोचले. त्यांचे ‘राजा शिवछत्रपती’ पुस्तकामुळे देशभरात छत्रपतींच्या चरित्राची पारायणे केली गेली. ‘जाणता राजा’ या महानाट्याने इतिहास घडवला. जगभरात प्रचंड लोकप्रियता आणि आदर प्राप्त केला. वयाची नव्वदी उलटल्यानंतरही त्याच्या वाणीतील आणि विचारांतील उत्साह कायम होता.

आपल्या एका विशिष्ट शैलीने गेल्या साठ वर्षांपासून त्यांनी छत्रपती शिवाजी महाराजांचे चरित्र्य महाराष्ट्रातील घराघरात पोचविले. अमोघ वक्तृत्वाने ऐकणाऱ्या समोर इतिहास उभा करण्याचे कसब त्यांच्यात होते. बाबासाहेब म्हणजे उत्साहाचा धबधबा होते. कोरोनाचा दीड वर्षाचा काळ सोडला तर या वयातदेखील ते कायम व्यग्र होते. व्याख्याने, सभांना ते या वयातही उत्साहाने उपस्थित असायचे. या वयातही सलगपणे दीड-दोन तास बोलण्याची त्यांची सवय होती.

Pune : PMC : नागरिकांना सूचना : गुरुवारी या भागाचा पाणी पुरवठा राहणार बंद

Categories
PMC पुणे

गुरुवारी लष्कर भागात पाणीपुरवठा बंद!

पुणे : गुरूवार  रोजी लष्कर जलकेंद्र येथील विद्युत/पंपींग विषयक व स्थापत्य विषयक तातडीचे देखभाल दुरुस्तीचे काम असल्या कारणामुळे अत्यावश्यक देखभाल दुरूस्तींचे कामांसाठी उपरोक्त पंपींगचे अखत्यारीतील पुणे शहरातील काही भागाचा पूर्ण दिवसाचा पाणीपुरवठाबंद राहणार आहे. तसेच शुक्रवार दिनांक १२/११/२०२१ रोजी सकाळी उशीरा व कमी दाबाने पाणीपुरवठा होण्याची शक्यता आहे. अशी माहिती महापालिका पाणी पुरवठा विभागाच्या वतीने देण्यात आली आहे.

पाणी पुरवठा बंद असणारा भाग-

लष्कर जलकेंद्र भाग :- लष्कर भाग, पुणे स्टेशन परीसर, मुळा रस्ता, कोरेगाव पार्क ताडीवाला रस्ता, रेसकोर्स परीसर, वानवडी, कोंढवा, हडपसर, महंमदवाडी, काळेपडळ, मुंढवा, खराडी, सोलापूर रस्ता, गोंधळे नगर, सातववाडी इत्यादी.

Pune : Fire Brigade : विहिरीत पडलेल्या महिलेला अग्निशमन दलाच्या जवानांनी सुखरूप बाहेर काढले 

Categories
Breaking News PMC पुणे

विहिरीत पडलेल्या महिलेला अग्निशमन दलाच्या जवानांनी सुखरूप बाहेर काढले

पुणे : सोमवार पेठेतील पेशवेकालीन दांडेकर वाड्यातील विहिरीमध्ये पाय घसरुन पडलेल्या महिलेला अग्निशमन दलाच्या जवानांनी त्वरीत मदत करुन तिचे प्राण वाचविले. सोमवारी दुपारी सव्वा बारा वाजता ही घटना घडली. या महिलेची प्रकृती आता स्थिर असून तिच्यावर के ई एम रुग्णालयात उपचार करण्यात आले.

सोमवार पेठेत  दांडेकर (मोटे)वाडा असून तेथे पेशवेकालीन विहीर आहे. ही विहीर गाळाने व पालापाचोळ्याने भरली आहे. या विहीरीत महिला पडली असल्याचा कॉल अग्निशमन दलाच्या नियंत्रण कक्षाला आला. त्याबरोबर मध्यवर्ती केंद्रातून एक बंब, देवदूत व रेस्क्यु व्हॅन घटनास्थळी रवाना झाली. आमचे जवान पोहचले. तोपर्यंत ही ४२ वर्षांची महिला गाळात पूर्ण फसली होती. हळूहळू बुडत होती. जवानांनी तातडीने रश्शी व लाईफ रिंग टाकून तिला आवाज देऊन ते पकडण्यास सांगितले. पाठोपाठ जवान खाली उतरले. त्यांनी या महिलेच्या काखेत रश्शी बांधून तिला तातडीने वर घेतले. तोपर्यंत तिची शुद्ध हरपली होती. तिला जवळच्याच के ई एम रुग्णालयात नेण्यात आले. तेथे अतिदक्षता विभागात उपचार केल्यावर काही वेळात ही महिला शुद्धीवर आली.

या वाड्यात कोणी रहात नाही. विहीरही वापरत असल्याचे दिसून येत नाही. विहीरीच्या कडेला नळ आहे. तेथे पाणी भरण्यासाठी त्या महिला आल्या असाव्यात व पाय घसरुन पडल्या असाव्यात असा प्राथमिक अंदाज आहे. अग्निशमन दलाचे अधिकारी प्रमोद सोनावणे, प्रदीप खेडेकर, चालक हनुमंत कोळी, नवनाथ मांढरे तांडेल राजाराम केदारी व जवान छगन मोरे, सचिन जौंजाळे, प्रकाश शेलार, मयुर कारले, केतन नरके, विशाल गायकवाड यांनी कारवाईत सहभाग घेतला.

Modi: Punekars : पुण्यातील गोखलेनगर भागातील नागरिकांनी मोदींना लिहिली पत्रे 

Categories
Political पुणे

पुण्यातील गोखलेनगर भागातील नागरिकांनी मोदींना लिहिली पत्रे

: व्यक्त केले आभार

पुणे – पंतप्रधान नरेंद्र मोदी यांनी कोरोना काळात सर्वसामान्य नागरिकांसाठी जाहीर केलेल्या योजनांची गोखलेनगर भागातील नागरिकांना घरोघरी जाऊन माहिती देऊन त्याची अंमलबजावणी करण्यात आली. याबद्दल नागरिकांच्या भावना व्यक्त करणारी आभाराची पत्रे खासदार प्रकाश जावडेकर यांच्या हस्ते पत्रपेटीत टाकण्यात आली.

यावेळी जावडेकर म्हणाले, या उपक्रमाद्वारे कार्यकर्त्यांनी नागरिकांमध्ये जाऊन लसीकरण, मोफत अन्नधान्य वितरण आणि महिलांच्या नावाने जनधनच्या खात्यात पंधराशे रुपये दिल्याबद्दल महिलांनी मोदींच्या नावे पत्रे दिली होती. मोदी सरकारने केलेले काम लोकांपर्यंत पोहोचविण्यासाठी केलेला हा उपक्रम चांगला आहे.

शहर भाजपचे उपाध्यक्ष योगेश बाचल यांनी या कार्यक्रमाचे संयोजन केले. यावेळी सतीश बहिरट, लक्ष्मण नलावडे, प्रभाकर पवार, किरण ओरसे, रोहीत लिंबाळे, रामु धनगर, रमेश भंडारी, सर्जेराव धोत्रे, स्नेहल ढावरे, युवराज गाटे, रवी जाधव, ईश्वर बनपट्टे, शैलेश चलवादी उपस्थित होते.

नागरिकांनी जन औषधी योजनेचा लाभ घ्यावा : जावडेकर

गोखलेनगर भागात विवेक किरवे यांनी जनौषधी केंद्र सुरू केले आहे. अशा केंद्रांचा प्रचार केला पाहिजे. शंभर रुपयांतील औषधे वीस रुपयाला मिळतात. डॉक्टर ब्रेंडेड औषधे लिहून देतात त्यापेक्षा मूळ औषधे दिली पाहिजेत. ती स्वस्त आहेत. जनौषधी केंद्र म्हणजे मोदींचे स्वस्त औषधांचे दुकान आहे. देशभर आठ हजारहून अधिक आहेत. चार लाख नागरिक याचा लाभ घेतात. लोकांचा खर्च आवाकात आला आणि त्यांना मोठा दिलासा मिळाला आहे. नागरिकांनी जन औषधी योजनेचा लाभ घ्यावा असे आवाहन जावडेकर यांनी केले

Vaccine : Pune : पुण्यात अजून एक कंपनी तयार करणार कोविड १९ वरील लस! : महापालिकेकडे केली पाण्याची मागणी

Categories
Breaking News PMC आरोग्य देश/विदेश पुणे

पुण्यात अजून एक कंपनी तयार करणार कोविड १९ वरील लस!

: महापालिकेकडे केली पाण्याची मागणी

पुणे : कोविड वरील परिणामकारक कोविशिल्ड लस तयार करण्याचा मान पुण्यातील सिरम इन्स्टिट्यूट ने मिळवला आहे. आता ही लस जगभरात वितरित होत आहे. त्यांनतर देशात वेगवेगळ्या लस आल्या.  दरम्यान पुण्यात अजून एक कंपनी लस तयार करणार आहे. बायोवेट नावाची कंपनी मांजरी मधेच कोविड वरील लस तयार करणार आहे. कोविड शिवाय इतर ही लशी ही कंपनी तयार करणार आहे. त्यासाठी या कंपनीने महापालिकेकडून वितरित केल्या जाणाऱ्या पाण्याची मागणी केली आहे. त्यानुसार जिल्हाधिकारी कार्यालयाने महापालिकेला पत्र लिहित हे पाणी उपलब्ध करून देण्यास सांगितले आहे.

: मांजरी खुर्द मध्ये तयार होणार लस

बायोवेट प्रायवेट लिमिटेड ही कंपनी पुण्याजवळील मांजरी खुर्द मध्ये लस तयार करणार आहे. त्यासाठीची सगळी प्रक्रिया पूर्ण झाली आहे. हाय कोर्ट ने देखील यास हिरवा कंदील दाखवला आहे. त्यानुसार कंपनी लवकरच ही लस तयार करेल. कोविड शिवाय इतर ही लशी ही कंपनी भविष्यात तयार करणार आहे. यासाठी कंपनी सद्यस्थितीत बोअर चे पाणी वापरत आहे. मात्र त्या पाण्यातील कठीनता आणि TDS च्या ज्यादा प्रमाणामुळे यात अडचणी निर्माण होत आहेत. त्यासाठी कंपनीने महापालिकेकडून वितरित केल्या जाणाऱ्या पाण्याची मागणी केली आहे.

दररोज ६०-७० हजार लिटर पाण्याची आवश्यकता

कंपनीला दररोज ६०-७० हजार लिटर पाण्याची आवश्यकता आहे. म्हणजेच दररोज ६-८ Tanker ची आवश्यकता भासणार आहे. कारण कंपनी ज्यादा प्रमाणात इंजेक्शन तयार करणार आहे.  कंपनी ने ही मागणी जिल्हाधिकारी राजेश देशमुख यांच्याकडे केली होती. त्यानुसार जिल्हाधिकारी कार्यालयाकडून महापालिकेला पत्र लिहित हे पाणी संबंधित कंपनीला उपलब्ध करून देण्यास सांगितले आहे. महापालिकेला देखील हे पाणी उपलब्ध करून द्यावे लागणार आहे.

Ind vs Pak : पुण्याच्या रस्त्यांवर सामसूम

Categories
Sport पुणे

पुण्याच्या रस्त्यांवर सामसूम!

: भारत पाकिस्तान सामन्याचा असर

पुणे: पुणे शहरात एरवी रात्री 11 वाजेपर्यंत वर्दळ पाहायला मिळते. मात्र रविवारी रात्री मात्र 7:30 वाजलेपासूनच महत्वाच्या रस्त्यांवर देखील सामसूम पाहायला मिळाली. याचे कारण आहे भारत आणि पाकिस्तानच्या दरम्यान खेळला जाणारा t20 क्रिकेट सामना. अशी स्थिती पुण्यात जेव्हा लॉकडाऊन लागू झाला होता तेंव्हा पाहायला मिळाली होती.

: सगळे सामना पाहण्यात दंग

भारत विरुद्ध पाकिस्तान हा सामना पूर्ण जगाच्या उत्सुकतेचा विषय असतो. कारण या दोन्ही टीम पारंपारीक स्पर्धक म्हणून ओळखल्या जातात. भारताने पाकिस्तान विरोधात 2007 साली मोठा विजय मिळवत 20-20 चा विश्व चषक मिळवला होता. भारत सहजासहजी पाकिस्तान विरुद्धची मॅच हातात नाही. फक्त क्रिकेट प्रेमी नाही तर मॅच ची आवड नसणारे देखील ही मॅच मोठ्या चवीने पाहत असतात. 2021 च्या t 20 च्या विश्व चषकातील आजचा हा पहिलाच सामना आणि तो हि पाकिस्तान सोबत. त्यात आज रविवार. त्यामुळे पुणेकर नागरिक देखील 11 वाजेपर्यंत वर्दळ करणारे आज मात्र 7:30 पासूनच आपापल्या घरात सामना पाहण्यात दंग झाले होते. त्यामुळे रस्त्यावर सामसूम दिसून आली.
भारताने या सामन्यात 151 धावा जमा केल्या आहेत. कर्णधार विराट कोहली च्या खेळाचे खूप कौतुक होताना दिसून येत आहे. पाकिस्तान च्या 11 ओव्हर पूर्ण झाल्या तेंव्हा 80 धावा झाल्या होत्या. सर्वाना उत्सुकता कोण आणि कसे जिंकणार याचीच आहे.

Patil estate : पाटील इस्टेट प्रकल्प चार वर्षांत पूर्ण करणार : राजेंद्र निंबाळकर

Categories
PMC social पुणे

पाटील इस्टेट प्रकल्प चार वर्षांत पूर्ण करणार

झोपडपट्टी पुनर्वसन प्राधिकरणाचे मुख्य कार्यकारी अधिकारी राजेंद्र निंबाळकर यांची ग्वाही

पुणे : पाटील इस्टेट येथील झोपडपट्टी पुनर्वसन प्रकल्प येत्या चार वर्षांत पूर्ण केला जाईल, अशी ग्वाही झोपडपट्टी पुनर्वसन प्राधिकरणाचे मुख्य कार्यकारी अधिकारी राजेंद्र निंबाळकर यांनी दिली.

अभियांत्रिकी महाविद्यालय पुणेच्या ग्रंथालय सभागृहात पाटील इस्टेट येथील झोपडपट्टी धारकांची शुक्रवार २२ ऑक्टोबर रोजी बैठक घेण्यात आली. या बैठकीत ते बोलत होते. बैठकीस अभियांत्रिकी महाविद्यालयाचे संचालक डॉ. भारतकुमार आहुजा, सक्षम प्राधिकारी वैशाली इंदानी, प्रकल्प सल्लागार संदीप महाजन आदी उपस्थित होते.

 

सादरीकरण करुन प्रकल्पाची दिली माहिती

बैठकीत सुरवातीला श्री. निंबाळकर यांनी प्रकल्प बाबत सादरीकरण केलेे. पुनर्वसन प्रक्रिया, झोपडीधारकांची पात्रता व त्यासंबंधीचे आवश्यक पुरावे, झोपडीधारकांना मिळणाऱ्या सोई-सुविधा, प्रकल्प पुर्ण होण्याचा कालावधी इत्यादी बाबतची संपुर्ण माहिती दिली. त्यांनी झोपडीधारकांच्या सर्व शंकांचे निरसन केले.

तीन महिन्यात प्रकल्प आराखडा

हा प्रकल्प झोपडपट्टी पुनर्वसन प्राधिकरण, पुणे आणि अभियांत्रिकी महाविद्यालय पुणे यांचेवतीने संयुक्तपणे खुल्या निविदा पध्दतीने राबविण्यात येणार आहे. या प्रकल्पाचे सर्व आराखडे पुढील तीन महिन्यांमध्ये पूर्ण करून जानेवारी २०२२ मध्ये निविदा प्रसिद्ध केली जाणार आहे. एप्रिल २०२२ मध्ये कामाचे आरंभ आदेश देऊन साधारण पुढील चार वर्षांमध्ये संपुर्ण प्रकल्पाचे काम पुर्ण केले जाणार आहे.

पात्र लाभार्थींना मिळणार हक्काचे घर

सर्व पात्र निवासी व बिगर-निवासी झोपडीधारकांना हक्काचे घर तसेच व्यावसायिक जागा त्यांचे आत्ताचे आहे त्या ठिकाणीच मोफत देण्याचे नियोजन करण्यात आले आहे. त्यासाठी झोपुप्रा मार्फत पाटील इस्टेट येथील सर्व झोपडीधारकांच्या सर्वेक्षणाचे काम सोमवार २५ ऑक्टोबर २०२१ पासून सुरू करण्यात येणार आहे.

नव्या नियमावलीचा लाभ मिळणार

पाटील इस्टेट येथील झोपडीधारकांच्या समस्या दूर करून त्यांचे सध्याचे वास्तव्याचेच ठिकाणी किमान ३०० चौरस फुटांची (चटई क्षेत्र) सदनिकेसह पुनर्वसन करून देण्याची मागणी शासनाच्या नवीन नियमावलीमुळे शक्य होत आहे. पुनर्वसन प्रक्रियेस व त्यासाठी आवश्यक असलेल्या कामास सर्व संबंधितांनी आणि झोपडीधारकांनी सहकार्य करावे, असे आवाहन श्री. राजेंद्र निंबाळकर यांनी केले आहे.

झोपडपट्टीधारकांच्या मागणी नुसार बोलविण्यात आलेल्या या बैठकीस मोठ्या प्रमाणावर झोपडपट्टीधारकांची उपस्थिती होती. बैठकीत कोविड विषयक नियमांचे पालन करण्यात आले होते.

Ajit Pawar : पुन्हा जर हा प्रश्न विचारला तर मी उठून जाईन  : अजित पवार पत्रकारांवर चिडले 

Categories
Political पुणे महाराष्ट्र

पुन्हा जर हा प्रश्न विचारला तर मी उठून जाईन

: अजित पवार पत्रकारांवर चिडले

पुणे : पुण्यातील कोरोना आढावा बैठकीत एरवी शांत आणि संयमी असणारे अजित पवार  ( Ajit Pawar) आज भर पत्रकार परिषदेत खवळल्याचे पहायला मिळाले. अल्पसंख्याक मंत्री नवाब मलिक यांच्या विषयी  विचारलेल्या एका प्रश्नावरून हा सर्व प्रकार घडला. नो कमेंट्स (No Comments) असे म्हणत पुन्हा जर हा प्रश्न विचारला तर मी उठून जाईन असे ते म्हणाले.

पुण्यातील विधान भवन येथे प्रत्येक शुक्रवारी उपमुख्यमंत्री अजित पवार  यांच्या उपस्थितीत कोरोना आढावा बैठक पार पडते. या बैठकीनंतर ते पत्रकारांशी संवाद साधतात. आज देखील त्यांची पत्रकार परिषद होती. या पत्रकार परिषदेत अजित पवारांना अल्पसंख्याक मंत्री नवाब मलिक (Nawab Malik) यांनी एनसीबीचे अधिकारी समीर वानखेडे (Sameer Wankhede) यांच्याविषयी केलेल्या वैयक्तिक विरोधात विचारले असता अजित पवार खवळले.

मला नो कमेंट्स म्हणण्याचा अधिकार आहे.

”नवाब मलिकांबद्दल मला काही विचारू नका, त्यांचे प्रश्न त्यांना विचारा, समीर वानखेडेंचे प्रश्न त्यांना विचारा. त्यांच्या प्रश्नांची उत्तरे देण्यासाठी मी या ठिकाणी आलो नाही..इतर काही बोलले त्याबद्दल उत्तर देण्याला मी बांधील नाही. तुम्हाला जसा प्रश्न विचारण्याचा अधिकार आहे. तसा मला नो कमेंट्स म्हणण्याचा अधिकार आहे. त्यामुळे नो कमेंट्स. त्याबद्दल तुम्ही पुन्हा विचारणार असाल तर मी उठून जाईन. असं ते यावेळी म्हणाले आहेत.”

दिवाळीनंतर १०० टक्के क्षमतेने थिएटर सुरू करण्याचा विचार

”दिवाळीनंतर १०० टक्के क्षमतेने थिएटर सुरू करण्याचा विचार आहे. तसेच गेल्या ९ दिवसांत लसीकरणात वाढ झाली आहे. राज्यात १० कोटींपेक्षा जास्त लसीकरण झाले आहे. लस घेऊनही ६० वर्षांवरील नागरिकांमध्ये कोरोनाची लागण होत असल्याचे आढळले. मेट्रोसाठी ‘नागपूर पॅटर्न’ राबविला जाणार. पुणे मेट्रोसाठी उभारण्यात येणाऱ्या पुलाचे काम दिवाळीच्या आसपास सुरू होईल असे पवार यांनी सांगितले.”

तपासात जे काही निष्पन्न होईल त्यानुसार कारवाई होईल

”भ्रष्टाचार झाल्याचा आरोप खोटा असून वेगवेगळ्या यंत्रणांनी चौकशी करून काहीही उपयोग नाही. तसेच सध्या खोटी आकडेवारी दाखवून आरोप केले जात आहेत. एनसीबी प्रकरणात पार्थ पवार यांचे नाव घेतलं जातं आहे यावर बोलताना पवार म्हणाले, नियम कायदा सर्वांना सारखा आहे. त्यामुळे तपासात जे काही निष्पन्न होईल त्यानुसार कारवाई होईल. मागील काही कळत नकळत मोठमोठ्या व्यक्तीचे नाव घेण्याचे प्रकार सुरू झाले.”