Tag: pune

Pune : Corona : पुण्यात कोरोना रुग्ण संख्येचा चढता आलेख  : आज मिळाले 2284 पॉजिटीव्ह रुग्ण 

Categories
Breaking News PMC आरोग्य पुणे

पुण्यात कोरोना रुग्ण संख्येचा चढता आलेख

: आज मिळाले 2284 पॉजिटीव्ह रुग्ण

पुणे : पुणे शहरात कोरोनाचा कहर वाढताना पाहायला मिळतो आहे. तीन दिवसापूर्वी 400-500 च्या रुग्णांचा आकडा आता 2000 च्या पार जाऊन पोचला आहे. मंगळवारी 1104 रुग्ण होते तर बुधवारी 1805 पॉजिटीव्ह रुग्ण आढळून आले होते. तर आज 2284 रुग्ण आढळून आले. त्यामुळे आता ऍक्टिव्ह रुग्णांची संख्या 7665 झाली आहे.

:आज 3 मृत्यू

कोरोना रुग्णांचा वाढता आकडा पाहून महापालिकेने पालकमंत्री अजित पवार यांच्या निर्देशानुसार पहिली ते आठवी पर्यंतच्या शाळा बंद केल्या आहेत. शिवाय काही नियम देखील कडक केले आहेत. मात्र शहरात कोरोनाचा कहर वाढताना पाहायला मिळतो आहे. तीन दिवसापूर्वी 400-500 च्या रुग्णांचा आकडा आता 1800 च्या पार जाऊन पोचला आहे. मंगळवारी 1104 रुग्ण होते तर बुधवारी 1805 पॉजिटीव्ह रुग्ण आढळून आले होते.  तर आज 2284 रुग्ण आढळून आले. त्यामुळे आता ऍक्टिव्ह रुग्णांची संख्या 7665 झाली आहे.गुरुवारी  शहरात 3 मृत्यू होते.

6 जानेवारी – गुरुवार

– दिवसभरात 2284 पॅाजिटिव्ह रुग्णांची वाढ.

– दिवसभरात रुग्णांना 80 डिस्चार्ज.

– पुणे शहरात करोनाबाधीत 03 रुग्णांचा मृत्यू. तर पुण्याबाहेरील 01 एकूण 04 मृत्यू.

– 106 क्रिटिकल रुग्णांवर उपचार सुरू आहेत.

– एकूण पॉजिटिव्ह रूग्णसंख्या 516778

– पुण्यातील ॲक्टिव्ह रुग्ण संख्या- 7665

– एकूण मृत्यू – 9122

-आजपर्यंतचे एकूण डिस्चार्ज- 499991

– आज केलेल्या नमुन्यांची (स्वॅब) तपासणी- 15715

Corona increasing in Pune : पुण्यात एकाच दिवशी 1104 कोरोना पेशंट  : मुंबई प्रमाणे पुण्यातही चिंता वाढली 

Categories
Breaking News PMC आरोग्य पुणे महाराष्ट्र

पुण्यात एकाच दिवशी 1104 कोरोना पेशंट

: मुंबई प्रमाणे पुण्यातही चिंता वाढली

पुणे : शहर आणि राज्यभरात कोरोनाचा उद्रेक वाढताना दिसतो आहे. मुंबई प्रमाणेच पुणे शहरातही पॉजिटीव्ह रुग्णांची संख्या वाढताना दिसते आहे. मंगळवारी तर 1104 कोरोना पेशंट शहरात आढळून आले. त्या तुलनेत डिस्चार्ज मात्र 151 च झाले. त्यामुळे चिंता वाढली असून सावधानता बाळगण्याची आवश्यकता आहे.
शहरात पूर्वी 100-150 च्या आसपास कोरोना रुग्ण आढळून यायचे. मात्र मागील आठवड्यापासून यात वाढ होताना दिसते आहे. शहरासह राज्यभरात चिंता वाढली आहे. रुग्णांच्या संख्येत वाढ होत पुण्यात मागील दोन तीन दिवसात ही संख्या 400-450 पर्यंत पोचली होती. मंगळवारी मात्र कहर झाला. ही संख्या एकाच दिवशी 1104 झाली. त्यामुळे आता सावधानता बाळगण्याची आवश्यकता आहे.
दरम्यान शहरात आता ऍक्टिव्ह रुग्णाची संख्या 3790 इतकी झाली आहे. त्यातील क्रिटिकल रुग्ण 89 आहेत तर ऑक्सिजन वर 76 रुग्ण आहेत.

SPPU : सावित्रीबाई फुले पुणे विद्यापीठ मंगळवारपासून बंद!

Categories
Breaking News Education पुणे

सावित्रीबाई फुले पुणे विद्यापीठ मंगळवारपासून बंद!

कामकाजावर होणार परिणाम

पुणे : पुणे विद्यापीठातील (Savitribai Phule Pune University) शिक्षकेत्तर कर्मचाऱ्यांनी मागण्या मान्य न झाल्यामुळे मंगळवारपासून (२१ डिसेंबर) बेमुदत संप पुकारला आहे. यामुळे उद्यापासून (मंगळवार) विद्यापीठाच्या कामकाजावर परिणाम होणार आहे. केवळ शासनाच्या पक्षपाती भूमिकेमुळे विद्यापीठीय/ महाविद्यालयीन शिक्षकेत्तर कर्मचाऱ्यांच्या मागण्यांची दखल घेतली गेली नाही, असं सेवक संयुक्त कृती समितीने जारी केलेल्या पत्रकात म्हटले आहे.

राज्यभरातील विद्यापीठांत महाराष्ट्र राज्य महाविद्यालयीन व विद्यापीठीय सेवक संयुक्त कृती समितीने २ दिवसांपूर्वीच बेमुदत संप पुकारला आहे. या संपामध्ये सावित्रीबाई फुले पुणे विद्यापीठाचे शिक्षकेतर कर्मचारी मंगळवारपासून सहभागी होणार असल्याची माहिती संघटनेने डॉ. सुनील धिवार यांनी दिली. या संपाबाबत कर्मचारी संघटनेने आज दुपारी बैठक बोलाविली होती त्यात हा निर्णय झाला.

काय आहेत मागण्या-

– राज्यातील अकृषी विद्यापीठे व वरिष्ठ महाविद्यालयातील शिक्षकेतर कर्मचाऱ्यांच्या सातवा वेतन आयोगाची 58 महिन्यांची थकबाकी अदा करावी.

– अकृषी विद्यापीठातील पदांना सातवा वेतन आयोग लागू करावा.

– सातव्या वेतन आयोगाच्या शिफारशीनुसार दहा-वीस व तीस वर्षांच्या सेवेनंतर तीन लाभांची सुधारित योजना लागू करावी.

Shivsena : पुणे शहर शिवसेनेतर्फे बंगळुरू येथे घडलेल्या छत्रपती शिवाजी महाराजांच्या पुतळ्याच्या विटंबनेचा निषेध..

Categories
Breaking News Political पुणे महाराष्ट्र

शिवसेनेने कर्नाटक सरकारच्या एसटी बसेसवर भगव्या रंगाने “छत्रपती शिवाजी महाराज की जय” लिहून बस केल्या रवाना…

: पुणे शहर शिवसेनेतर्फे बंगळुरू येथे घडलेल्या छत्रपती शिवाजी महाराजांच्या पुतळ्याच्या विटंबनेचा निषेध..

पुणे (प्रतिनिधी): कर्नाटकची राजधानी बंगळुरू येथे छत्रपती शिवाजी महाराजांच्या पुतळ्याची विटंबना करण्यात आल्याची संतापजनक घटना घडल्यानंतर शिवप्रेमींमध्ये संतापाची लाट उसळली आहे. या प्रकाराचे पडसाद राज्यभरात उमटण्यात येत असून पुण्यात देखील शिवसेनेच्यावतीने निषेध व्यक्त करण्यात आला. पुणे शहर शिवसेनेच्यावतीने कर्नाटकच्या अनेक बसेसना भगव्या रंगाने “छत्रपती शिवाजी महाराज की जय” लिहून व जयजयकार करून पुण्यातून कर्नाटकला राज्यात पाठवल्या आल्या. स्वारगेट परिसरातील लक्ष्मीनारायण चित्रपटगृहासमोरिल खाजगी बस पार्किंगमध्ये उभ्या असणार्‍या कर्नाटक डेपोच्या अनेक एसटी बसेसला काळे फासत निषेध व्यक्त करण्यात आला. यावेळी शिवसैनिकांनी कर्नाटक सरकारच्या विरोधात जोरदार घोषणाबाजी केली.

यावेळी शहरप्रमुख संजय मोरे, गजानन थरकुडे, असंघटित कामगार सेनेचे अनंत घरत, उपशहरप्रमुख बाळासाहेब मालुसरे, शहर संघटक राजेंद्र शिंदे, विभागप्रमुख सुरज लोखंडे, अशोक हरणावळ, मनीष जगदाळे, युवा सेनेचे युवराज पारीख, श्रीनाथ विटेकर, प्रसाद काकडे, विजय जोरी, संदीप गायकवाड, चंदन साळुंके, हर्षद ठकार, मुकेश दळवे, दिलीप पोमान, नंदू येवले, नितीन रावलेकर, राजेश मांढरे, गणी पठाण, सागर साळुंके उपस्थित होते.

संजय मोरे म्हणाले की, गेल्यावर्षी बेळगावात छत्रपती शिवाजी महाराजांचा पुतळा रातोरात हटवला होता. कन्नड संघटना आणि कर्नाटक सरकारकडून वारंवार मराठी भाषिकांनाही डिवचण्याचा प्रयत्न वारंवार केल्याच्या घटना समोर आल्या आहेत. त्यातच आता छत्रपती शिवाजी महाराजांच्या पुतळ्याची विटंबना बंगळुरूत करण्यात आली. तेथील भाजप सरकारचा छत्रपती शिवाजी महाराजांविषयीचा द्वेष हा वारंवार जाहीर होत आहे. निवडणूका जवळ आल्या की भाजपला छत्रपती शिवाजी महाराजांची आठवण होते. निवडणूकीत छत्रपती शिवाजी महाराजांच्या नावानेच मते मागायची, निवडून यायच आणि नंतर शाई फेकायची. हि यांची निती आहे. हे आता बंद झाले पाहिजे. पुणे महापालिकेची निवडणूक आली असल्यामुळे भाजप उद्या छत्रपती शिवाजी महाराजांच्या पुतळ्याचे भूमीपूजन करत आहेत. पाच वर्षापूर्वी पुतळा बसविण्याची घोषणा करून पुढच्या निवडणुकीसाठी भूमीपूजन केले जात आहे. शिवसृष्टी विषयी तोंडातून ब्र पण काढत नाहीत. भाजप पुणेकरांची अजून किती फसवणूक करणार आहेत? अशी संतप्त प्रतिक्रिया यावेळी संजय मोरे यांनी दिली.

Patrkar Bhavan : नागरी जीवन सुरळीत ठेवण्यासाठी माध्यमांना प्रयत्न करावे लागतील – सुधीर मेहता : पुणे श्रमिक पत्रकार संघाचा वर्धापन दिन साजरा

Categories
cultural पुणे महाराष्ट्र

नागरी जीवन सुरळीत ठेवण्यासाठी माध्यमांना प्रयत्न करावे लागतील – सुधीर मेहता

: पुणे श्रमिक पत्रकार संघाचा वर्धापन दिन साजरा

पुणे : ‘करोनाच्या काळात सर्वांनी एकत्र काम केले. मग शहराच्या विकासासाठी आपण एकत्र का येत नाही? यामध्ये माध्यमे महत्त्वाची भूमिका पार पाडू शकतात. करोनाची तिसरी लाट आल्यास लॉकडाउन हा पर्याय नसेल. त्यावेळी नागरी जीवन सुरळीत ठेवण्यासाठी माध्यमांना प्रयत्न करावे लागतील,’ असे मत मराठा चेंबर ऑफ कॉमर्स, इंडस्ट्रीज\ॲड ॲग्रीकल्चरचे (एमसीसीआयए) अध्यक्ष सुधीर मेहता यांनी व्यक्त केले.

पुणे श्रमिक पत्रकार संघाच्या ८२ व्या वर्धापन दिनानिमित्त आयोजित कार्यक्रमात ते बोलत होते. यावेळी विशेष नैपुण्य मिळवलेले पत्रकार संघाचे सदस्य आणि वृत्तपत्रविद्या पदविका अभ्यासक्रमातील गुणवंत विद्यार्थ्यांचा सत्कार मेहता यांच्या हस्ते करण्यात आला. पत्रकार संघाचे अध्यक्ष मंगेश कोळपकर, सरचिटणीस डॉ. सुजित तांबडे, खजिनदार नीलेश राऊत, पुणे पत्रकार प्रतिष्ठानचे अध्यक्ष जितेंद्र अष्टेकर, कार्यवाह गजेंद्र बडे यावेळी उपस्थित होते.

मेहता म्हणाले, ‘शहराच्या विकासासाठी सर्व घटकांकडून मिशन मोडवर काम झाले पाहिजे. करोनानंतर देशापुढे मोठ्या संधी निर्माण झाल्या आहेत. आपल्याकडे तरुणांची संख्या मोठी आहे. त्यामुळे या संधी आपण सोडता कामा नयेत. ही संधी साधली नाही, तर आपण पुढील पिढीवर अन्याय करू’ ‘देशाच्या जडणघडणीत पुण्याचे स्थान जगात वेगळे आहे. मात्र, आपल्याकडे २४ तास सुरू राहणारे एकही विमानतळ नाही. पुण्याला तीन विमानतळाची गरज आहे. देशात पुण्यातून सर्वात जास्त मालाची निर्यात होते; परंतु येथे कार्गो सुविधा नाही. २० वर्षांत आपण विमानतळ करू शकलो नाही. कारण आपल्या व्यवस्थेत काही तरी गोंधळ आहे.’ असेही ते म्हणाले.

मेट्रोसाठी विद्यापीठ चौकातील पूल पाडण्यात आला. मात्र, त्याचे काम कधी सुरू होईल व कधी पूर्ण याची काही माहिती नाही. याचे उत्तरदायित्व कोण घेणार? असा प्रश्न मेहता यांनी उपस्थित केला. सार्वजनिक स्वच्छतेस पुण्याला बक्षीस मिळते; पण खरंच आपले शहर स्वच्छ आहे का? प्रत्येक बाबींसाठी केवळ राजकारण्यांकडून अपेक्षा करून उपयोग नाही. प्रत्येक नागरिकांनी त्यासाठी पुढे आले पाहिजे, असे मेहता यांनी नमूद केले.

कोळपकर यांनी प्रास्ताविक केले. सुदीप डांगे यांनी पाहुण्यांचा परिचय करून दिला. डॉ. तांबडे आणि प्रशांत चव्हाण यांनी सूत्रसंचालन केले. अस्मिता चितळे यांनी आभार मानले.

MHADA : Pune : म्हाडाच्या घरांसाठी 22 डिसेंबर पर्यंत मुदतवाढ 

Categories
Breaking News social पुणे महाराष्ट्र

म्हाडाच्या घरांसाठी 22 डिसेंबर पर्यंत मुदतवाढ

: लोकांच्या मागणीमुळे अर्ज करण्यासाठी मुदत वाढवली

पुणे : म्हाडाच्या (mhada home) वतीने तब्बल ४ हजार २२२ घरांसाठी सोडत जाहीर केली आहे. यासाठी अर्ज दाखल करण्यास १६ डिसेंबरपर्यंत मुदत होती. आतापर्यंत तब्बल ५२ हजार ९२८ लोकांनी अर्ज केले असून, लोकांच्या मागणीमुळे अर्ज दाखल करण्यासाठी २२ डिसेंबरपर्यंत मुदतवाढ देण्यात आली आहे.

कोरोनाच्या संकटात समाजातील गरीब व सर्वसामान्य कुटुंबांचे घराचे स्वप्न पूर्ण करण्यासाठी पुणे म्हाडाच्या वतीने दीड वर्षांत हजारो घरांची तीन वेळा सोडत जाहीर करत नवीन विक्रम केला. म्हाडाचे मुख्य अधिकारी नितीन माने-पाटील यांनी पुढाकार घेऊन खासगी व मोठ्या बांधकाम व्यावसायिकांकडून २० टक्क्यांतील फ्लॅट उपलब्ध करून घेतले. यामुळे शहरातील नामांकित व मोठ्या बिल्डरांच्या प्रकल्पांमध्येदेखील सर्वसामान्य व गरीब कुटुंबातील लोकांना घरे मिळू लागली आहेत.

पुणे गृहनिर्माण व क्षेत्रविकास मंडळ (म्हाडा) पुणेअंतर्गत ८ वी ऑनलाइन सोडत असून, म्हाडाच्या विविध योजनांतील २८२३ सदनिका व २०% सर्वसमावेशक योजनेअंतर्गत १३९९ सदनिका असे एकूण ४२२२ नवीन सदनिकांच्या सोडतीसाठी ऑनलाइन अर्ज नोंदणीच्या शुभारंभाचा कार्यक्रम उपमुख्यमंत्री अजित पवार (ajit pawar) यांच्या हस्ते करण्यात आले होते.

सदर सोडतीमधील ४२२२ सदनिकांसाठी आतापर्यंत ५२९२८ इतके विक्रमी अर्ज प्राप्त झाले आहेत. त्यापैकी ३२५५३ अर्जदारांनी अनामत रक्कम भरली आहे. ही सोडत यापूर्वी ठरल्याप्रमाणेच ७ जानेवारी रोजी काढण्यात येणार आहे. केवळ अर्ज भरण्यासाठी २२ डिसेंबरपर्यंत मुदतवाढ देण्यात आली असल्याचे नितीन माने-पाटील यांनी स्पष्ट केले.

Pune School Reopen : पुण्यातील  पहिली ते सातवी पर्यंतच्या शाळा गुरुवार पासून  सुरु होणार : महापालिका आयुक्तांचे आदेश जारी 

Categories
Breaking News Education PMC पुणे महाराष्ट्र

पुण्यातील  पहिली ते सातवी पर्यंतच्या शाळा गुरुवार पासून  सुरु होणार

: महापालिका आयुक्तांचे आदेश जारी

पुणे : ओमायक्रोन  विषाणूची धास्ती संपूर्ण जगाने घेतली आहे. ऑस्ट्रिया, जर्मनी सारख्या शहरात तर लॉकडाऊन करण्यात आला आहे. पुणे शहरात लसीकरण मोठ्या प्रमाणात झाले असले तरी लहान मुलांचे लसीकरण झालेले नाही. त्यामुळे १५ डिसेंबरपर्यंत पहिली ते सातवी पर्यंतच्या शाळा बंद ठेवण्याचा निर्णय पुणे महापालिकेकडून घेण्यात आला होता. पुणे शहरात सध्यस्थितीत ओमायक्रोनचा एकच सक्रिय रुग्ण आहे. तसेच परदेशावरून येणाऱ्या प्रवाशांवर पुणे महापालिका लक्ष ठेऊन आहे. त्याच अनुषंगाने शहरातील शाळा १६ डिसेंबरपासून सुरु करण्याचा निर्णय महापालिकेने घेतला आहे.  आयुक्त विक्रम कुमार यांनी याबाबतचे निर्देश जारी केले आहेत.

राज्य सरकारने एक डिसेंबरला पहिली ते सातवी पर्यंतच्या शाळा सुरु करण्याचा निर्णय घेतला होता. त्यानंतर ओमायक्रॉन विषाणूमुळे सतर्क राहण्याचे आवाहन मुख्यमंत्री उद्धव ठाकरे यांनी केले होते. पण शिक्षण  विभाग आणि राजेश टोपे यांनी शाळा सुरु होण्याच्या निर्णयात कोणताही बदल होणार नसल्याचे स्पष्ट केल्यावर अनेक जिल्ह्यात शाळा सुरु करण्याच्या तयारीलाही सुरुवात झाली होती. मात्र मुंबई महापलिककेने या विषाणूचा धोका पाहता शाळा १ तारखेपासून सुरु होणार नसल्याचे जाहीर केले होते. तर पुणे महापालिकेने १५ डिसेंबरपर्यंत शाळा बंद राहणार असल्याचे सांगितले होते. त्याच अनुषंगाने शहरातील शाळा १६ डिसेंबरपासून सुरु करण्याचा निर्णय महापालिकेने घेतला आहे.  आयुक्त विक्रम कुमार यांनी याबाबतचे निर्देश जारी केले आहेत.

जिल्ह्याचे पालकमंत्री, विभागीय आयुक्त, महापालिका आयुक्त अशा आम्ही सर्वांनी चर्चा करून शाळा सुरु करण्याचा निर्णय एकमताने घेतला आहे. सर्व नियम पाळून या शाळा गुरुवार पासून सुरु होतील.

        मुरलीधर मोहोळ, महापौर

Madhuri Misal : Market yard : मार्केट यार्डात सुरक्षा रक्षक ठेवा :आमदार माधुरी मिसाळ यांची मागणी

Categories
Political social पुणे

मार्केट यार्डात सुरक्षा रक्षक ठेवा

:आमदार माधुरी मिसाळ यांची मागणी

पुणे : मार्केट यार्डातील वाहतूक व्यवस्था सुरळीत होण्यासाठी कायमस्वरूपी सुरक्षा रक्षक नियुक्त करावेत अशी मागणी आमदार माधुरी मिसाळ यांनी केली.

पुणे कृषी उत्पन्न बाजार समिती (मार्केट यार्ड) येथील मुख्य बाजार आणि परिसरातील वाहतुकीची कोंडी सोडविण्यासाठी आयोजित केलेल्या बैठकीत मिसाळ मार्गदर्शन करीत होत्या.

परिसरातील वाढते अतिक्रमण, वाहनतळ व्यवस्था, शिवनेरी रस्त्यावरील वाहतुकीची कोंडी याबाबत मिसाळ यांनी सूचना केल्या.

बाजार समितीचे प्रशासक मधुकर गरड, पोलीस उपायुक्त नम्रता पाटील, अतिक्रमण विभाग प्रमुख माधव जगताप, उपायुक्त अविनाश सपकाळ, वरीष्ठ पोलीस निरीक्षक अनघा देशपांडे, वरीष्ठ पोलीस निरीक्षक अशोक इंदलकर, पोलीस निरीक्षक वाहतूक शाखा अरुण हजारे, सहाय्यक आयुक्त गणेश सोनुने, विभागीय अतिक्रमण निरीक्षक डी. आर लंधे यांची प्रमुख उपस्थिती होती.

Pune : Sex Ratio : पुढारलेल्या पुण्यात मुलींच्या जन्माच्या प्रमाणात चांगलीच घसरण!   

Categories
Breaking News PMC आरोग्य पुणे

पुढारलेल्या पुण्यात मुलींच्या जन्माच्या प्रमाणात चांगलीच घसरण!   

: शहरात 1 हजार मुलांमागे फक्त 900 मुली 

 

पुणे : एक हजार मुलांच्या जन्मामागे मुलींचे प्रमाण राज्यात सुधारले असले, तरी पुणे शहर मुलींच्या जन्माचे स्वागत करण्यात मागेच असल्याची धक्कादायक माहिती पुढे आली आहे. पुढारलेल्या पुण्यात ही स्थिती व्हावी, याबाबत आश्चर्य व्यक्त केले जात आहे. महापालिका आरोग्य विभागाच्या माहितीनुसार पुणे शहरात मुलींचे जन्माचे प्रमाण हे 900 आहे. मागील वर्षी हे प्रमाण 946 होते. मागील काही वर्षात महापालिकेने चांगले काम करत हे प्रमाण 879 वरून 946 पर्यंत आणले होते. मात्र आता पुणे शहरातील मुलींच्या जन्माच्या प्रमाणात चांगलीच घसरण झाली आहे.

 

: जनजागृतीत महापालिका कमी पडली 

 
एक हजार मुलांच्या जन्मामागेच मुलींच्या जन्माचे प्रमाण काढण्यात येते. पुणे महापालिकेकडून अथवा कोणत्याही शहर, जिल्ह्यातून मुलींच्या जन्माची आकडेवारी उपलब्ध झाल्यास त्यावरून लिंग गुणोत्तर निश्चित केले जाते. जन्म विभागाकडे दैनंदिन मुला मुलींच्या जन्माची नोंदणी केली जाते. त्यातून संकलित माहितीच्या आधारे हे प्रमाण काढले जाते. लिंग गुणोत्तराच्या बाबतीत पुणे शहर आणि महापालिका राज्यात वरच्या स्थानावर होती. याबाबत महापालिकेचे राज्य सरकार कडून कौतुक देखील केले जायचे. महापालिकेकडून वेगवेगळ्या उपाय योजना राबवून आणि जनजागृती करून हे प्रमाण वाढवले गेले होते. मात्र 2021 सालात हे प्रमाण चांगलेच घसरले आहे. मुलींचे स्वागत करण्यात पुढारलेले पुणे उणे का असा प्रश्न आता विचारला जाऊ लागला आहे. दरम्यान यावर्षी संपूर्ण लक्ष कोविड कडेच असल्याने महापालिका जनजागृती करण्यात कमी पडली, असे मानले जात आहे.
 

: 2020 ला सेक्स रेशो 946 

दरम्यान, ‘ 2010 साली पुणे शहरातील मुलींच्या जन्माचे प्रमाण 879 होते. 2011 मध्ये मुलींच्या जन्माचे प्रमाण 884 एवढे होते. 2012 व 2013 मध्ये अनुक्रमे 934 व 933 एवढे प्रमाण होते. 2014 मध्ये त्यात थोडीशी वाढ होऊन ते 937 पर्यंत गेले, तर 2015 मध्ये  हे प्रमाण घसरून 925 पर्यंत खाली आले होते. त्यानंतर 2019 ला 922 तर 2020 ला हे प्रमाण 946 पर्यंत आले होते. मात्र 2021 मध्ये यात खूपच घसरण झाली आहे. 1000 मुलांच्या मागे मुलींचे प्रमाण फक्त 900 आहे. असे पुणे महापालिकेच्या आरोग्य विभागाच्या अधिकाऱ्यांनी सांगितले.

: लिंग गुणोत्तर (sex Ratio) प्रमाण 

 
वर्ष             मुले          मुली       रेशो 
 
2010         26560      23357    879
2011        27589       24396   884
2012        29126       27212   934
2013        28772      26831    933
2014        27851       26098  937
2019        27407     25262.  922
2020.      25967.    24577.   946
2021.      20273.    18259.   900
(ऑक्टोबर पर्यंत)

Pune BJP : पुणे शहर भाजपच्या नवीन वास्तूतील मध्यवर्ती कार्यालयाचे उद्या उद्घाटन : विरोधी पक्षनेते देवेंद्र फडणवीस आणि भाजपचे प्रदेशाध्यक्ष आमदार चंद्रकांतदादा पाटील यांची उपस्थिती

Categories
Political पुणे

पुणे शहर भाजपच्या नवीन वास्तूतील मध्यवर्ती कार्यालयाचे उद्या उद्घाटन : शहराध्यक्ष जगदीश मुळीक

पुणे : शहर भाजपच्या नवीन वास्तूतील कार्यालयाचे उद्घाटन महाराष्ट्राचे विरोधी पक्षनेते देवेंद्र फडणवीस आणि भाजपचे प्रदेशाध्यक्ष आमदार चंद्रकांतदादा पाटील यांच्या शुभहस्ते उद्या शुक्रवारी  सायंकाळी साडेपाच वाजता होणार असल्याची माहिती शहराध्यक्ष जगदीश मुळीक यांनी प्रसिध्दी पत्रकाद्वारे दिली आहे.

भारतीय जनसंघ आणि भारतीय जनता पार्टीच्या स्थापनेपासून पुणे शहर भाजपाचे कार्यालय बुधवार पेठेतील जोगेश्वरी मंदिराच्या शेजारील इमारतीत आहे. गेल्या महापालिका निवडणुकीच्या पूर्वी जंगली महाराज रस्त्यावरील ‘हॉटेल सन्मान’ येथे शहर कार्यालय स्थलांतरित केले होते.

कार्यालयाच्या कामकाजासाठी असलेली अपुरी जागा, पार्किंग, शहराचा वाढता विस्तार, भाजपाच्या कामातील नागरिकांचा वाढता सहभाग आणि अपेक्षा लक्षात घेऊन पुणे शहर भाजपा कार्यालय उद्यापासून महापालिका भवनासमोरील नवीन जागेत स्थलांतरित होत आहे.

साडेचार हजार चौरस फूट क्षेत्रफळ असलेल्या प्रशस्त जागेत कार्यालयाचे अत्याधुनिक सोयीसुविधांनी आणि संपर्काच्या दृष्टीने नवीन तंत्रज्ञानक्षम कार्यालय बनविण्यात आले आहे. बैठक कक्ष, स्वतंत्र पदाधिकारी कक्ष निर्माण करण्यात आले आहेत. या नवीन वास्तूच्या माध्यमातून पुणे शहरातील भाजपाचे जनसेवेचे काम जास्तीत जास्त नागरिकांपर्यंत पोचेल आणि भाजपा दिवसेंदिवस अजून संघटनात्मक रित्या सशक्त होत जाईल असा विश्वास मुळीक यांनी व्यक्त केला.

विरोधी पक्षनेते देवेंद्र फडणवीस, प्रदेश अध्यक्ष चंद्रकांतदादा पाटील, प्रदेश संघटन सरचिटणीस श्रीकांत भारतीय, खासदार प्रकाश जावडेकर, खासदार गिरीश बापट, माजी मंत्री हर्षवर्धन पाटील, महापौर मुरलीधर मोहोळ, आमदार माधुरी मिसाळ, भीमराव तापकीर, मुक्ता टिळक, सुनील कांबळे, सिद्धार्थ शिरोळे, प्रदेश उपाध्यक्ष किरीट सोमय्या, चित्रा वाघ, स्थायी समिती अध्यक्ष हेमंत रासने, सभागृह नेते गणेश बिडकर, सर्व नगरसेवक, पदाधिकारी आणि कार्यकर्ते यांची यावेळी प्रमुख उपस्थिती राहाणार आहे.