Tag: sahebrao Dandge

Pune News | Road Devlopment | चार रस्त्यांचा होणार प्राधान्याने विकास | G 20 च्या धर्तीवर सुशोभीकरण करण्याचा प्रशासनाचा मानस 

Categories
Breaking News PMC पुणे

चार रस्त्यांचा होणार प्राधान्याने विकास | G 20 च्या धर्तीवर सुशोभीकरण करण्याचा प्रशासनाचा मानस

पुणे | महापालिका प्रशासनाने रस्त्यांच्या विकासावर चांगलेच लक्ष दिले आहे. येत्या काळात शहरातील महत्वपूर्ण रस्त्यांचा टप्प्या टप्प्याने विकास केला जाणार आहे. सुरुवातीच्या टप्प्यात  सोलापूर, नगर रोड, मगरपट्टा, राजभवन रोड या रस्त्यांना प्राथमिकता दिली जाणार आहे. G 20 च्या धर्तीवर या रस्त्याची दुरुस्ती आणि सुशोभीकरण केले जाणार आहे. अशी माहिती पथ विभागाचे अधीक्षक अभियंता साहेबराव दांडगे यांनी दिली.
शहरात नुकतीच G 20 परिषद झाली. यामध्ये वेगवेगळ्या देशातील प्रतिनिधि सामील झाले आहे. शहरांचा पायाभूत विकास ही संकल्पना यामागे होती. त्यासाठी महापालिका प्रशासनाकडून थोड्या अवधीत शहर चकाचक केले होते. यामध्ये रस्त्यांचा चांगल्या पद्धतीने विकास केला होता. त्याच धर्तीवर आता शहरातील महत्वाचे रस्ते विकसित केले जाणार आहेत. सुरुवातीच्या टप्प्यात  सोलापूर, नगर रोड, मगरपट्टा, राजभवन रोड या रस्त्यांना प्राथमिकता दिली जाणार आहे. असे दांडगे यांनी सांगितले.  यामध्ये बॅरीगेड्स आधुनिक पद्धतीचे लावले जाणार आहेत. जेणेकरून रस्ता चांगला दिसेल.  तसेच फुटपाथ, सायकल ट्रॅक व्यवस्थित केले जाणार आहेत.  ही सर्व सुशोभीकरणाची कामे G  20 च्या धर्तीवर केली जाणार आहेत. इतर खात्याबरोबर बैठक घेऊन priority ने कामे करावी लागणार आहेत. असेही दांडगे म्हणाले.

Solapur Road Traffic | सोलापूर रस्ता घेणार मोकळा श्वास | वाहतूक कोंडीतून सुटका करण्यासाठी मनपा प्रशासन प्रयत्नशील

Categories
Breaking News PMC social पुणे

सोलापूर रस्ता घेणार मोकळा श्वास | वाहतूक कोंडीतून सुटका करण्यासाठी मनपा प्रशासन प्रयत्नशील

| अतिरिक्त आयुक्तांच्या नेतृत्वाखाली पथ विभागाकडून रस्त्याची पाहणी 
पुणे | शहरातील सोलापूर रस्ता (Solapur road) हा वरचेवर वाहतुकीसाठी फारच अडचणीचा ठरू लागला आहे. हडपसर (Hadapsar) पर्यंत तर वाहतूक कोंडीचा (Traffic) नागरिकांना मोठा त्रास सहन करावा लागतो. त्यामुळे या रस्त्याची वाहतूक कोंडीतून सुटका करण्यासाठी पुणे महापालिका (Pmc Pune) प्रशासन प्रयत्न करत आहे. त्याचाच एक भाग म्हणून सोमवारी अतिरिक्त आयुक्त विकास ढाकणे (Additional commmissioner vikas Dhakne) यांच्या नेतृत्वाखाली पथ विभागाकडून या रस्त्याची पाहणी करण्यात आली. अशी माहिती पथ विभागाचे अधीक्षक अभियंता साहेबराव दांडगे यांनी दिली.
सोलापूर रस्ता हा रहदारीचा रस्ता म्हणून ओळखला जाऊ लागला आहे. या रस्त्यावरून छोट्या तसेच मोठया वाहनांची देखील वर्दळ पाहायला मिळते. कारण याच रस्त्यावरून सोलापूर, बारामती, सासवड अशा ठिकाणी नागरीक ये जा करतात. त्यामुळे मोठ्या प्रमाणात वाहने असतात. ज्यामुळे कोंडी हा नित्याचा भाग होऊन बसला आहे. या रस्त्याला मोकळा श्वास घेता यावा आणि नागरिकांसाठी वाहतूक सुरळीत व्हावी यासाठी महापालिकेच्या पथ विभागाकडून उपाययोजना करण्यात येणार आहेत. त्याचाच प्राथमिक भाग म्हणून अतिरिक्त आयुक्त विकास ढाकणे यांच्या नेतृत्वाखाली पाहणी करण्यात आली. यावेळी अधीक्षक अभियंता साहेबराव दांडगे, झोनल उपायुक्त संदीप कदम, क्षेत्रीय अधिकारी आणि मनपा पथ विभागाचे अधिकारी उपस्थित होते. (Pune Municipal Corporation)
सोलापूर रोडवरील वाहतूक सुरळीत करण्यासाठी महारपट्टा चौक  तसेच सासवड रोड वरील अतिक्रमणे काढली जाणार आहेत. तसेच फुटपाथ दुरुस्ती केली जाणार आहे. ट्रॅफिक सुरळीत करण्यासाठी आधी सर्वेक्षण केले जाईल. पहिल्या टप्प्यात भैरोबा नाला ते गोळीबार मैदान या दरम्यानचे तिथले नियोजन केले जाईल. इथे रहदारी फार असते. तो सोडवण्यासाठी नियोजन केले जाणार आहे. परिसरातील नागरिक आणि लोकप्रतिनिधी, सामाजिक संघटना यांना विश्वासात घेत वाहतूक सुरळीत करण्यासठी विशेष प्रयत्न करावेत. असे आदेश अतिरिक्त आयुक्तांनी दिले आहेत. अशी माहिती दांडगे यांनी दिली.
रस्त्याची पाहणी करत असताना सायकल ट्रॅक वर बसेस उभा असणे, त्यावरून टू व्हीलर जाणे, यामुळे सायकल ट्रॅक चा  उपयोग होत नाही. ट्रॅक चा व्यवस्थित उपयोग करण्याच्या दृष्टीने  नियोजन सुरु करण्यात येणार आहे. असे ही दांडगे यांनी सांगितले.

School travel improvement plan | ९ शाळांमध्ये घेतली जाणार वाहतूक सुधारणा आराखड्याची ट्रायल!

Categories
Breaking News Education PMC social पुणे

९ शाळांमध्ये घेतली जाणार वाहतूक सुधारणा आराखड्याची ट्रायल!

|विद्यार्थ्यांच्या सुरक्षित वाहतुकीसाठी महापालिकेच्या पथ विभागाचे पाऊल

पुणे | शालेय विद्यार्थ्यांचा शाळेत जातानाचा प्रवास सुखकारक व्हावा, तसेच त्यांना शाळेत एकटे जाताना वाहतुकीची कसलीही अडचण येऊ नये आणि विद्यार्थ्याने वाहतुकीसाठी कुणावरही अवलंबून राहू नये, यासाठी महापालिका (PMC Pune) प्रयत्नशील आहे. त्यासाठी महापालिका शाळा वाहतूक आराखडा (School travel improvement plan) तयार करणार आहे. यासाठी महापालिकेच्या पथ विभागाने (PMC Road dept) खाजगी वास्तुरचना काराकडून प्रस्ताव मागवले होते. त्यातील तीन जणांचे प्रस्ताव अंतिम करण्यात आले आहेत. त्यानुसार ९ शाळांमध्ये त्याची ११ ते १६ डिसेंबर या कालावधीत ट्रायल घेतली जाणार आहे. अशी माहिती पथ विभागाचे अधीक्षक अभियंता साहेबराव दांडगे यांनी दिली.

पुणे शहर हे विद्येचे माहेरघर आहे. इथे खूप शैक्षणिक संस्था आहेत. त्यामुळे देश विदेशातून इथे विद्यार्थी शिकायला येत असतात. शिक्षणाच्या बाबतीत देश पातळीवर पुण्याचे नाव घेतले जाते. मात्र पुणे शहरात वाहतुकीची समस्या खूपच मोठ्या प्रमाणात जाणवू लागली आहे. यासाठी महापालिका प्रशासनाच्या माध्यमातून विविध उपाययोजना केल्या जातात. मात्र त्या अपुऱ्या पडताना दिसून येतात. महापालिकेकडून करोडो खर्च करूनही वाहतूक समस्या तशीच आहे. यामुळे शालेय विद्यार्थ्यांना देखील शाळेत जाताना या समस्येला सामोरे जावे लागते. सायकलवर अथवा घरातून चालत शाळेत जाणे देखील पालकांना आणि विद्यार्थ्यांना भीतीदायक वाटते. त्यामुळे पालक पैसे खर्च करून आपल्या पाल्याला स्कूल van ने शाळेत पाठवतात. तसेच अपघाताचे देखील प्रकार पाहायला आढळतात. हीच समस्या महापालिकेच्या पथ विभागाने ओळखून त्या दिशेने पाऊले टाकण्यास सुरुवात केली आहे. आगामी काळात विद्यार्थी कुठल्याही अडचणी शिवाय आणि कुणावरही अवलंबून न राहता बिनधास्तपणे शाळेत जाऊ शकेल. यासाठी पथ विभागाकडून आराखडा तयार केला जाणार आहे. (School travel improvement plan)

याबाबत पथ विभागाचे अधीक्षक अभियंता साहेबराव दांडगे यांनी सांगितले कि, विद्यार्थी हा केंद्रबिंदू ठेऊन आम्ही हा प्रकल्प राबवणार आहेत. विदेशात school safe zone नावाची संकल्पना राबवली जाते. त्याच धर्तीवर आम्ही हा प्रकल्प साकारणार आहोत. यामध्ये शाळेच्या परिसरातील १ किमी चा परिसर आम्हाला विकसित करायचा आहे. ज्यामध्ये ५ ते १२ वी पर्यंतचा कुठलाही विद्यार्थी आरामात सायकलवर किंवा चालत देखील आपल्या शाळेत जाऊ शकेल. यासाठी शहरातील ९ झोन आम्ही तयार केले आहेत. त्यानुसार खाजगी वास्तुरचना काराकडून प्रस्ताव मागवले होते. या ९ झोन मध्ये डेक्कन जिमखाना, हडपसर, लोहगाव-धानोरी, कोथरूड, वडगाव बुद्रुक, पर्वती-बिबवेवाडी, पाषाण, कोंढवा, आणि खराडी अशा झोन चा समावेश आहे. त्यानुसार प्रमुख तीन प्रस्ताव अंतिम केले गेले आहेत. (School travel improvement plan)

महापालिकेचे वाहतूक नियोजनकार निखिल मिजार यांनी सांगितले कि, खराडी परिसरासाठी अभिजित कोंढाळकर आणि टीम काम करणार आहे. तर डेक्कन परिसरासाठी अर्चना कोठारी आणि टीम तसेच पर्वती परिसरासाठी रोहित गादिया आणि टीम आराखडा बनवण्याचे काम करतील. या तीनही परिसरातील प्रत्येकी तीन अशा ९ शाळामध्ये ट्रायल घेतली जाईल. ११ ते १६ डिसेंबर या कालावधीत ही ट्रायल घेण्यात येईल. याबाबत पालक आणि विध्यार्थ्यांना सूचित करण्यात आले आहे. तसेच पुणे पोलिसांचा देखील यात सहभाग असणार आहे. (School travel improvement plan)

Road Repair work | पहिल्या टप्प्यात 50 रस्त्यांवर दुरुस्तीची कामे केली जाणार  | 140 ठिकाणाची केली जाणार डागडुजी 

Categories
Breaking News PMC पुणे

पहिल्या टप्प्यात 50 रस्त्यांवर दुरुस्तीची कामे केली जाणार

| 140 ठिकाणाची केली जाणार डागडुजी

पुणे |. यंदा पावसाचा जोर जास्त दिवस राहिल्याने डागडुजी केलेले रस्ते नंतर खराब झाले होते. याबाबत महापालिकेच्या पथ विभागाने आता गंभीरपणे पाऊल उचलले आहे. महापालिका आता शहरभरातील दुरुस्त केलेले रस्ते सोडुन सर्व रस्ते दुरुस्त करणार आहे. याबाबतच्या प्रस्तावाला नुकतीच इस्टिमेट कमिटीने मान्यता दिली आहे. त्यानुसार पहिल्या टप्प्यात 50 रस्त्यांची निवड करण्यात आली असून त्यावरील 140 ठिकाणची दुरुस्ती केली जाणार आहे. त्याबाबत पथ विभागाकडून लवकरच टेंडर प्रक्रिया केली जाणार आहे. याबाबतची पथ विभागाची तयारी पूर्ण झाली आहे. यासाठी महापालिकेला 194 कोटींचा खर्च अपेक्षित आहे. अशी माहिती पथ विभागाचे अधीक्षक अभियंता साहेबराव दांडगे यांनी दिली.
पुणे शहरात रस्त्यांचे जाळे पसरले आहे. मात्र पावसाळ्याच्या दिवसात हे रस्ते खराब होतात. महापालिकेकडून याची तात्काळ दुरुस्ती केली जाते. यंदा मात्र रस्त्यांची अवस्था चांगलीच खराब झाली होती. कारण अतिरिक्त पावसाने डागडुजी केलेले रस्ते नंतर खराब झाले. याबाबत शहरातील नागरिकांकडून ओरड होत होती. त्यामुळे महापालिका प्रशासनाने आता याबाबत गंभीरपणे पाऊल उचलले आहे. महापालिका आता शहरातील सर्व रस्ते दुरुस्त करणार आहे. याबाबत पथ विभागाकडून नियोजन करण्यात आले आहे. याबाबतचा प्रस्ताव देखील महापालिका प्रशासनाकडून इस्टिमेट कमिटीसमोर ठेवण्यात आला होता. त्याला नुकतीच मंजुरी देण्यात आली आहे.
याबाबत साहेबराव दांडगे यांनी सांगितले कि पहिल्या टप्यात 50 रस्त्यांवरील कामे हाती घेण्यात येतील. त्यावरील 140 ठिकाणावर दुरुस्तीचे काम केले जाणार आहे. जवळपास 150 किमीचे हे रस्ते आहेत. हे काम करण्यासाठी टेंडर प्रक्रिया राबवण्याचे काम सुरु आहे. 3 पॅकेज मध्ये प्रक्रिया केली जाणार आहे. यासाठी 194 कोटींचा खर्च अपेक्षित आहे. दांडगे पुढे म्हणाले, ही कामे सिमेंट, utwt आणि डांबरी अशा पद्धतीने केली जातील. डांबरी रस्त्याच्या कामासाठी 6 महिन्याची मुदत असेल तर सिमेंट रस्त्यासाठी 12 महिन्याची मुदत असेल. टेंडर प्रक्रिया लवकरच सुरु केली जाईल, असे ही दांडगे म्हणाले.

School Travel Improvement Plan | विद्यार्थ्यांच्या सुरक्षित वाहतुकीसाठी पुणे महापालिका सरसावली!  | पथ विभागाने वास्तुरचनाकाराकडून मागवले प्रस्ताव

Categories
Breaking News PMC social पुणे

विद्यार्थ्यांच्या सुरक्षित वाहतुकीसाठी पुणे महापालिका सरसावली!

| पथ विभागाने वास्तुरचनाकाराकडून मागवले प्रस्ताव

पुणे | शालेय विद्यार्थ्यांचा शाळेत जातानाचा प्रवास सुखकारक व्हावा, तसेच त्यांना शाळेत एकटे जाताना वाहतुकीची कसलीही अडचण येऊ नये आणि विद्यार्थ्याने वाहतुकीसाठी कुणावरही अवलंबून राहू नये, यासाठी महापालिका प्रयत्नशील आहे. त्यासाठी महापालिका एक वाहतूक आराखडा तयार करणार आहे. यासाठी महापालिकेच्या पथ विभागाने खाजगी वास्तुरचना काराकडून प्रस्ताव मागवले आहेत. येत्या शुक्रवारी त्यातील तीन जणांचे प्रस्ताव अंतिम करून त्यानुसार त्याची लवकरच ट्रायल घेतली जाणार आहे. अशी माहिती पथ विभागाचे अधीक्षक अभियंता साहेबराव दांडगे यांनी दिली.

पुणे शहर हे विद्येचे माहेरघर आहे. इथे खूप शैक्षणिक संस्था आहेत. त्यामुळे देश विदेशातून इथे विद्यार्थी शिकायला येत असतात. शिक्षणाच्या बाबतीत देश पातळीवर पुण्याचे नाव घेतले जाते. मात्र पुणे शहरात वाहतुकीची समस्या खूपच मोठ्या प्रमाणात जाणवू लागली आहे. यासाठी महापालिका प्रशासनाच्या माध्यमातून विविध उपाययोजना केल्या जातात. मात्र त्या अपुऱ्या पडताना दिसून येतात. महापालिकेकडून करोडो खर्च करूनही वाहतूक समस्या तशीच आहे. यामुळे शालेय विद्यार्थ्यांना देखील शाळेत जाताना या समस्येला सामोरे जावे लागते. सायकलवर अथवा घरातून चालत शाळेत जाणे देखील पालकांना आणि विद्यार्थ्यांना भीतीदायक वाटते. त्यामुळे पालक पैसे खर्च करून आपल्या पाल्याला स्कूल van ने शाळेत पाठवतात. तसेच अपघाताचे देखील प्रकार पाहायला आढळतात. हीच समस्या महापालिकेच्या पथ विभागाने ओळखून त्या दिशेने पाऊले टाकण्यास सुरुवात केली आहे. आगामी काळात विद्यार्थी कुठल्याही अडचणी शिवाय आणि कुणावरही अवलंबून न राहता बिनधास्तपणे शाळेत जाऊ शकेल. यासाठी पथ विभागाकडून आराखडा तयार केला जाणार आहे.

याबाबत पथ विभागाचे अधीक्षक अभियंता साहेबराव दांडगे यांनी सांगितले कि, विद्यार्थी हा केंद्रबिंदू ठेऊन आम्ही हा प्रकल्प राबवणार आहेत. विदेशात school safe zone नावाची संकल्पना राबवली जाते. त्याच धर्तीवर आम्ही हा प्रकल्प साकारणार आहोत. यामध्ये कुठल्याही शाळेच्या परिसरातील १ किमी चा परिसर आम्हाला विकसित करायचा आहे. ज्यामध्ये ५ ते १२ वी पर्यंतचा कुठलाही विद्यार्थी आरामात सायकलवर किंवा चालत देखील आपल्या शाळेत जाऊ शकेल. यासाठी शहरातील ९ झोन आम्ही तयार केले आहेत. त्यानुसार खाजगी वास्तुरचना काराकडून प्रस्ताव मागवले होते. या ९ झोन मध्ये डेक्कन जिमखाना, हडपसर, लोहगाव-धानोरी, कोथरूड, वडगाव बुद्रुक, पर्वती-बिबवेवाडी, पाषाण, कोंढवा, आणि खराडी अशा झोन चा समावेश आहे. दांडगे यांनी सांगितले कि, आतापर्यंत ८ लोकांचे प्रस्ताव आम्हाला प्राप्त झाले आहेत. येत्या शुक्रवारी या सर्व प्रस्तावांची छाननी करण्यात येईल. त्यासाठी मुख्य अभियंता, अधीक्षक अभियंता, पथ विभागातील प्रमुख अधिकारी आणि वाहतूक पोलीस यांच्या उपस्थितीत हे प्रस्ताव अंतिम केले जातील. यामधील प्रमुख तीन प्रस्ताव अंतिम केले जातील. त्यानुसार डिसेंबर महिन्यात याची ट्रायल घेतली जाईल.

VIP Road in pune : पुण्यातील जवळपास 20 रस्ते झाले VIP

Categories
Breaking News PMC social पुणे

पुण्यातील जवळपास 20 रस्ते झाले VIP

: महापालिका पथ विभागाचा रस्ते सुधारण्यावर भर

पुणे.  शहरातील वाहतूक समस्या ही सर्वात मोठी समस्या आहे.  त्यासाठी वाहनांच्या वाढत्या संख्येबरोबरच रस्त्यांची गैरसोय हेही कारण बनले आहे.  मात्र महापालिका प्रशासनाचा पथ विभाग आता रस्ते सुधारण्यावर भर देत आहे.  यासोबतच पुणेकरांना चांगले रस्ते देण्याचा प्रयत्न आहे.   वर्षभरात शहरात २५ व्हीआयपी रस्ते तयार करण्याचा मानस पथ विभागाने केला होता. त्यानुसार विभागाने वर्षभरात जवळपास 20 ViP रस्त्यांची कामे पूर्ण केली आहेत.  ज्यामध्ये प्रवाशांना तसेच फेरीवाले आणि सायकलस्वारांना कोणताही अडथळा न होता प्रवास करणे सोपे होत आहे. तसेच या रस्त्यांवर खड्ड्यांचे साम्राज्य  नाही.  त दोन्ही बाजूचे पदपथ, सायकल ट्रॅक, साईन बोर्ड, चांगले सिग्नल, डिव्हायडरवर रंगकाम, सोलर ब्लिंकर्स अशा सर्व सुविधा दिल्या गेल्याआहेत .  सामान्य रस्त्याच्या तुलनेत यावर अधिक चांगल्या सुविधा देण्यात आल्या आहेत.  अशी माहिती पथ विभागाचे प्रमुख व्ही.जी. कुलकर्णी यांनी दिली.

 – वाहतूक सुधारणेचा सकारात्मक प्रयत्न

 शहरात सुमारे 2100 किलोमीटरचे छोटे-मोठे रस्ते असल्याची माहिती आहे.  त्यात डीपी रस्त्यांचाही समावेश आहे.  यामध्येही 45 प्रमुख रस्ते आणि 154 महत्त्वाचे चौक असून, त्याकडे पालिका गांभीर्याने लक्ष देते.  मात्र अजूनही अनेक रस्त्यांचा विकास झालेला नाही.  रस्त्यांच्या दुरुस्तीवर दरवर्षी करोडोंची उधळपट्टी केली जाते.  तरीही पावसाळ्यात खड्ड्यांच्या समस्येला नागरिकांना सामोरे जावे लागत आहे.  कधी कधी अपघातही होतात.  पालिकेने प्रयत्न करूनही दरवर्षी हाच प्रश्न निर्माण होतो.  इंडियन रोड काँग्रेसने रस्त्याच्या बांधकामासाठी अनेक मानके ठरवून दिली आहेत.  मात्र त्याची अंमलबजावणी होत नाही.  अनेक रस्त्यांवर फूटपाथ नाहीत, त्यामुळे सायकल ट्रॅक असूनही ते वापरण्यायोग्य नाहीत.  मात्र आता अशा सर्व समस्यांवर तोडगा काढण्याचे मनपा रस्ते विभागाने मन बनवले आहे. त्यानुसार  रस्ते परिपूर्ण केले जात आहेत.

 – अर्थसंकल्पात 12 कोटींची तरतूद करण्यात आली होती

 यासंदर्भात रस्ते विभागाचे प्रमुख व्ही.जी.  कुलकर्णी यांनी सांगितले कि महापालिका आयुक्तांनी तशी संकल्पना सुचवली होती.  त्यानुसार शहरात 25 व्हीआयपी रस्ते बांधण्यात येणार आहेत.  त्यात शहरातील विविध भागांचा समावेश आहे.  त्यात सर्व प्रमुख आणि लहान रस्त्यांचा समावेश आहे.  या रस्त्यांवर सर्व सुविधा पुरविल्या जातील.  यामध्ये प्रमुख रस्त्यांवरील रस्ता दुभाजक, पादचारी क्रॉसिंग, थर्माप्लास्टिक रंगरंगोटी, साईन बोर्ड, कर्ब स्टोनची दुरुस्ती, रंगरंगोटी करण्यात येणार आहे.  कुलकर्णी यांच्या म्हणण्यानुसार या रस्त्यांची चांगली दुरुस्ती केली जाईल.  ज्यामध्ये प्रवाशांना तसेच फेरीवाले आणि सायकलस्वारांना कोणताही अडथळा न होता प्रवास करणे सोपे होणार आहे.  या रस्त्यांवर खड्ड्यांचे साम्राज्य दिसणार नाही.  त्यापेक्षा दोन्ही बाजूचे पदपथ, सायकल ट्रॅक, साईन बोर्ड, चांगले सिग्नल, डिव्हायडरवर रंगकाम अशा सर्व सुविधा असतील.  सामान्य रस्त्याच्या तुलनेत यावर अधिक चांगल्या सुविधा देण्यात येणार आहेत.  त्यासाठी गेल्या आर्थिक वर्षाच्या अर्थसंकल्पात 12 कोटींची तरतूद करण्यात आली होती. त्यानुसार सद्यस्थितीत 20 VIP रस्त्यांची कामे पूर्ण झाली आहेत. वर्षभरात ही कामे पूर्ण करण्यात आली आहेत.

– हे रस्ते व्हीआयपी झाले

 स्वारगेट ते कात्रज-सातारा रोड, बिबवेवाडी रोड, खादी मशीन चौक ते येवलेवाडी रोड, लुल्लानगर चौक ते ज्योती हॉटेल चौक, सय्यद नगर आणि हेलन केलर रोड, बीटी कवडे रोड, शंकरशेठ रोड, लक्ष्मी रोड, अलका टॉकीज चौक-दांडेकर पूल ते सारसबाग चौक, नेहरू रोड, माळवाडी डीपी रोड, मगरपट्टा रोड, सोलापूर रोड, सासवड रोड, नगर रोड, बंडगार्डन रोड, खंडोजीबाबा चौक ते पौड फाटा दरम्यान कर्वे रोड, पौड रोड, बावधन रोड, बाणेर रोड,

: या रस्त्यांची कामे बाकी

सिंहगड रोड, संगमवाडी रोड, गणेशखिंड रोड, शिवरकर रोड, जंगली महाराज रोड.
—
 महापालिका आयुक्तांनी गेल्या अंदाजपत्रकात ही संकल्पना सुचवली होती. त्यानुसार शहरात 25 VIP रस्ते तयार करण्यात येणार आहेत. गेल्या वर्षभरात यातील जवळपास 20 रस्त्यांची कामे पूर्ण झाली आहेत. याचा नागरिकांना चांगला फायदा होत आहे.
– व्ही.जी.  कुलकर्णी, विभागप्रमुख, पथ विभाग, पुणे महापालिका.
—
VIP रस्त्यांसाठी अंदाजपत्रकात 12 कोटींची तरतूद करण्यात आली होती.  प्रत्येक रस्त्यावर 35-40 लाख खर्च करण्यात आले आहेत. शहरातील विविध भागात हे रस्ते तयार करण्यात आले आहेत. ज्यामुळे नागरिकांना चांगल्या सुविधा मिळाल्या आहेत. बाकी रस्त्यांची कामे देखील लवकरच पूर्ण केली जातील.
– साहेबराव दांडगे, अधीक्षक अभियंता, पथ विभाग.