Tag: Encroachment Department
अतिक्रमण विभागा ऐवजी भवन विभाग करणार फूड वॉकिंग प्लाझाचे काम
– बजेटमध्ये 7.5 कोटींची तरतूद
पुणे | सारसबागेत प्रवेश करण्यासाठी या परिसरातील विक्रेत्यांनी अस्ताव्यस्त मांडलेल्या टेबल-खुर्च्या, त्यापुढे विविध खेळणी आणि इतर विक्रेत्यांचे अतिक्रमण अशी अडथळ्यांची शर्यत पार करावी लागते. त्यामुळे येथील चौपाटीची पुनर्रचना करण्याचा निर्णय पुणे महापालिकेने घेतला आहे. सारसबाग चौपाटी येथे ‘फूड वॉकिंग प्लाझा’ प्रस्तावित असून, त्याचा प्राथमिक आराखडा तयार झाला आहे. तसेच यासाठी 8 कोटी 73 लाखाचा खर्च येणार आहे. इस्टिमेट कमिटीने याला मान्यता दिली आहे. हे काम अतिक्रमण विभागाकडून करण्यात येणार होते. मात्र आता हे काम भवन विभाग करणार आहे. महापालिका आयुक्तांनी बजेट मध्ये त्यासाठी 7.5 कोटींची तरतूद केली आहे.
सारस बाग परिसरातील विक्रेत्यांना अटी-शर्तींनुसार खुर्च्या व छतासाठी जागा निश्चित करून दिली जाईल. त्यामुळे उर्वरित जागेत नागरिकांना निर्धास्तपणे चालणे शक्य होणार आहे. रस्त्यावर दुतर्फा खाद्यपदार्थांचे स्टॉल; तसेच मुलांसाठी लहान-मोठ्या खेळण्यांचेही स्टॉल आहेत. महापालिकेने या परिसरात ५३ जणांना व्यवसाय परवाने दिले आहेत. मात्र, व्यावसायिकांनी स्टॉलला हॉटेलचे स्वरूप दिले असून, अनेकांचे कामगारही तेथेच राहतात. त्यामुळे नियमभंग होत असल्याने महापालिकेच्या अतिक्रमण विभागाने १४ मे रोजी येथील ५३ स्टॉल सील केले होते. परवानगी दिलेल्या जागेतच व्यवसाय करू, अतिक्रमण करणार नाही, कामगार येथे मुक्कामी राहणार नाहीत, असे हमीपत्र दिल्यासच या स्टॉलचे सील काढण्यात येईल, अशी भूमिका पालिका प्रशासनाने घेतली होती.
पथारी व्यावसायिक संघटनांनी यावर कायमस्वरूपी तोडगा काढण्याची मागणी केली होती. यानुसार आता वॉकिंग प्लाझाचा आराखडा तयार करण्यात आला आहे. वॉकिंग प्लाझा तयार झाल्यानंतर चौपाटी परिसरात दुचाकी आणि चारचाकी वाहनांना पेशवे उद्यानाजवळ असलेल्या वाहनतळापर्यंत आपली वाहने नेता येतील. त्यामुळे सारसबागेत येणाऱ्यांना आता या रस्त्यावर निर्धास्तपणे चालणे शक्य होईल.
नियमित परवाना शुल्क भरणाऱ्या पथविक्रेत्यांनाच मतदान करण्याचा अधिकार
| अतिक्रमण विभागाचे आदेश
पथारी व्यावसायिकांना दिलासा | जुलै अखेर पर्यंत तीन हफ्त्यात थकबाकी द्यावी लागणार
| अतिक्रमण विभागाकडून हमीपत्र घेण्यास सुरुवात
तुळशीबागेतील व्यावसायिकांसाठी असे असेल हमीपत्र
मी खाली सही करणार या हमीपत्राद्वारेवर लिहून देते/देतो की, दि. / / २०२२ रोजी माझे वरील व्यवसाय जागेवर वरिष्ठ अतिक्रमण अधिकारी यांचेमार्फत अचानक तपासणी करण्यात आली असून त्यावेळी
माझ्याकडून झालेल्या परवाना अटी/शर्तीचा भंग झालेबाबत त्यांचे निदर्शनास आले होते. त्या अनुषंगाने त्यांनी माझे व्यवसाय साधन बंद करून त्यास कार्यालयीन सील लावण्यात आले होते व सदर बाब मला मान्य आहे.
नेमून दिलेल्या जागेवर मान्य व्यवसाय करताना भविष्यात माझेकडून परवान्यामधील/प्रमाणपत्रामधील नमूद कोणत्याही अटी/शर्तीचा भंग होणार नाही, याची मी कायम दक्षता घेईन. मनपाने नेमून दिलेल्या मान्य
मापाच्या जागेवर मान्य साधनामध्ये स्वतः मान्य व्यवसाय करीन. माझा परवाना इतर कोणासही भाड्याने अथवा अनाधिकृतपणे चालविणेस देणार नाही. मनपाकडील मान्य परवानाशुल्काची माहे जून २०२२ अखेरपर्यंत असलेली थकबाकी माहे जुलै २०२२ अखेर पर्यंत ३ हत्यांमध्ये अथवा एकवट रकमेद्वारे मी भरून घेईन. दिलेल्या मुदतीनंतर थकबाकी राहिल्यास मनपाकडून माझेवर जी कारवाई केली जाईल ती मला मान्य राहील. तसेच यापुढील परवाना शुल्क नियमानुसार मुदतीमध्ये भरले जाईल. वरील नमूद सर्व बाबींची पूर्तता करणेची संपूर्ण जबाबदारी माझी असून ती मी सातत्याने पाळणार असलेबाबत हे स्वयंघोषित हमीपत्र मी लिहून देत आहे व ते माझ्यावर संपूर्णपणे बंधनकारक आहे.
सारस बागेतील व्यावसायिकांसाठी असे असेल हमीपत्र
देखील माझ्याकडून पूर्तता करण्यात येईल.
१) स्टॉल समोरील मनपा जागेत गिहाईकांकरिता अनधिकृतपणे टेबल, खुर्च्या मांडल्या जाणार नाहीत. तसेच अनधिकृतपणे पत्राशेड / ओनियन शेड टाकण्यात येणार नाही. महानगरपालिकेकडून रितसर परवानगी मिळाल्यानंतरच टेबल, खुर्च्या यांचा वापर सुरु करील.
२) मान्य मापाच्या स्टॉलमध्ये स्वतः व्यवसाय करीन. सदर स्टॉलमध्ये कामगारांना रात्रीच्यावेळी राहण्यास ठेवले जाणार नाही. स्टॉल बाहेरील जागेत कोणतीही अनधिकृत पक्क्या स्वरूपातील अतिक्रमणे केली जाणार
नाहीत.
३) महानगरपालिकेकडून नव्याने सदर ठिकाणी फूड प्लाझा (खाऊगल्ली) बाबत धोरण निश्चित करून नियोजित प्लॅन / योजना मान्य करून अमलात आणली जाईल, त्यावेळेस त्यामधील सर्व अटी, शर्ती व नवीन परवाना
शुल्क दर मला मान्य राहील.
४) स्टॉल समोरील यापूर्वी टाकलेल्या फरशा/काँक्रीट व मागील मनपा जागेवरील अनधिकृत पक्क्या स्वरूपातील बांधकामे स्वखर्चाने काढून पुन्हा अशी अतिक्रमणे केली जाणार नाहीत.
वरिल बाबींची कायदेशीर पूर्तता आजपासून १५ दिवसांचे आत मी स्वतः जबाबदारीने पूर्ण करून घेईन. याबाबत मी मनपास कोणतीही तोशिष लागू देणार नाही. याबाबतचे हे स्वयंघोषित हमीपत्र लिहून देत आहे.
शहरातील सर्व नोंदणीकृत व्यावसायिकांसाठी असे असेल हमीपत्र
करण्यात आली असून त्यावेळी माझ्याकडून झालेल्या परवाना अटी/शर्तीचा भंग झालेबाबत त्यांचे निदर्शनास आले होते. त्या अनुषंगाने त्यांनी माझे व्यवसाय साधन बंद करून त्यास कार्यालयीन सील लावण्यात आले होते
व सदर बाब मला मान्य आहे. नेमून दिलेल्या जागेवर मान्य व्यवसाय करताना भविष्यात माझेकडून परवान्यामधील/प्रमाणपत्रामधील नमूद कोणत्याही अटी/शर्तीचा भंग होणार नाही, याची मी कायम दक्षता घेईन. मनपाने नेमून दिलेल्या मान्य मापाच्या जागेवर मान्य साधनामध्ये स्वतः मान्य व्यवसाय करीन. माझा परवाना इतर कोणासही भाड्याने अथवा अनाधिकृतपणे चालविणेस देणार नाही. मनपाकडील मान्य परवानाशुल्काची माहे जून २०२२ अखेरपर्यंत असलेली थकबाकी माहे जुलै २०२२ अखेर पर्यंत ३ हत्यांमध्ये
अथवा एकवट रकमेद्वारे मी भरून घेईन. दिलेल्या मुदतीनंतर थकबाकी राहिल्यास मनपाकडून माझेवर जी कारवाई केली जाईल ती मला मान्य राहील. तसेच यापुढील परवाना शुल्क नियमानुसार मुदतीमध्ये भरले
जाईल याची या हमीपत्राद्वारे मी हमी देतो. वरील नमूद सर्व बाबींची पूर्तता करणेची संपूर्ण जबाबदारी माझी असून ती मी सातत्याने पाळणार असलेबाबत हे स्वयंघोषित हमीपत्र मी लिहून देत आहे व ते माझ्यावर संपूर्णपणे बंधनकारक राहील.