Tag: Nana Bhangire

Shivsena | Pune | बाळासाहेबांच्या विचाराचा आणि भगव्याचा विजय | नाना भानगिरे | जल्लोषाने भारावून गेले पुण्याचे शिवसेना भवन

Categories
Breaking News Political पुणे महाराष्ट्र

बाळासाहेबांच्या विचाराचा आणि भगव्याचा विजय | नाना भानगिरे

| जल्लोषाने भारावून गेले पुण्याचे शिवसेना भवन

केंद्रीय निवडणूक आयोगाने राज्याचे मुख्यमंत्री  एकनाथ शिंदे साहेब यांच्या बाळासाहेबांची शिवसेना या पक्षाला शिवसेना हे नाव आणि धनुष्यबाण हे चिन्ह देऊन निवडणूक आयोगाचा निर्णय दिला. या निर्णयाची बातमी येताच पुणे शहरातील असंख्य शिवसैनिकांनी सारसबाग येथील शिवसेना मध्यवर्ती कार्यालय कडे कुच करत एकच जल्लोष केला.

ढोल-ताशांच्या निनादात फटाक्यांच्या आतिषबाजीत बेधुंद होवून आणि तितक्याच आनंदात मिरवणूक काढत पुणे शहराचे शहर प्रमुख प्रमोद नाना भानगिरे, सहसंपर्कप्रमुख अजय बापू भोसले, युवा सेना राज्य सचिव किरण साळी ल,शर्मिला येवले शहरातील सर्व उपशहर प्रमुख पदाधिकारी यांनी महालक्ष्मी मंदिरात जावून या निर्णयाचे स्वागत करीत महाआरती केली. असंख्य शिवसैनिकांनी दिलेल्या आत्तापर्यंतच्या खंबीर साथीचा हा विजय असून सामान्य शिवसैनिकांना बळ देण्याचं काम एकनाथजी शिंदे यांनी केलेला असून हा भगव्याचा आणि बाळासाहेबांच्या विचारांचा विजय आहे. असे उदगार पुणे शहरप्रमुख प्रमोदनाना भानगिरे यांनी काढले.

याच जल्लोषात मिरवणूक सारसबाग जवळील बाळासाहेब ठाकरे सभागृहातील तैलचित्रांना नमन करून असंख्य शिवसैनिकांनी या जल्लोषात सहभाग घेतला.

Katraj Traffic | कात्रज परिसरातील वाहतूक कोंडी वरून धिक्कार आंदोलन  | नाना भानगिरे यांच्या पुढाकारामुळे मुख्यमंत्र्यांशी झाला संवाद 

Categories
Breaking News PMC Political social पुणे

कात्रज परिसरातील वाहतूक कोंडी वरून धिक्कार आंदोलन

| नाना भानगिरे यांच्या पुढाकारामुळे मुख्यमंत्र्यांशी झाला संवाद

कात्रज परिसरातील वाहतूक कोंडीसोडविण्यासाठी मेट्रो, उड्डाणपूल आणिग्रेड सेपरेटर या तिन्ही प्रकल्पांचा एकात्मिक वाहतूक आराखडा करण्यातयावा, यांसह पाणी, डीपी रस्ते, आरक्षितजागा आणि वाढलेला कर अशाविविध मागण्यांसाठी रविवारी सकाळीशेकडो नागरिकांनी कात्रज विकासआघाडीच्या नेतृत्त्वाखाली ‘धिक्कारआंदोलन’ केले. यावेळी मुख्यमंत्र्यांनी फोनद्वारे संवाद साधूनसर्व मागण्या पूर्ण करण्याचे आश्वासन दिल्यानंतर आंदोलन स्थगित करण्यातआले. यामध्ये बाळासाहेबांची शिवसेनेचे शहर अध्यक्ष नाना भानगिरे (city president Nana Bhangire) यांचा पुढाकार महत्वाचा ठरला.
कात्रजमधील विविध समस्यांच्यापार्श्वभूमीवर नागरिकांनी कात्रज विकासआघाडी तयार केली आहे. रविवारीविविध मागण्यांसाठी आंदोलनाची हाक देण्यात आली होती. विविध मागण्यांचेफलक हातात घेऊन सकाळी शेकडोनागरिक चौकात एकत्र आले होते.या वेळी बाळासाहेबांच्या शिवसेनेचेशहरप्रमुख प्रमोद भानगिरे तेथे आले. त्यांनी नागरिकांच्या मागण्यांबाबत फोनद्वारे मुख्यमंत्र्यांशी संवाद घडवून आणला. यानंतर ‘धिक्कार आंदोलन स्थगित करण्यात आल्याचे विकास आघाडीचे प्रमुख नमेश बाबर यांनी सांगितले. आंदोलनादरम्यान चौकात मोठी गर्दी झाल्याने काही काळ वाहतूक कोंडी झाली होती.

(Katraj Traffic agitation)
आंदोलकांच्या मागण्या काय? 
कात्रज वंडर सिटी ते कात्रज- कोंढवा रस्त्यावरील चालू असलेल्या उड्डाणपुलाचे काम चुकीच्या पद्धतीने सुरू आहे. ते त्वरित थांबवावे. भविष्याचा वेध घेऊन मेट्रो, उड्डाणपूल, ग्रेड सेपरेटर या तिन्ही प्रकल्पांचा एकात्मिक वाहतूक आराखडा (डीपीआर) करण्यात यावा. कात्रजसाठी सुरक्षित जागेत ‘महावितरण’चे अति उच्चदाब उपकेंद्र उभारावे, २४ तास पाणीपुरवठा योजना मार्गी लावावी, पालिकेत समावेश झालेल्या गावांना पायाभूत सुविधा द्याव्यात, वाढवण्यात आलेला कर कमी
करावा, अशा अनेक मागण्या या वेळी करण्यात आल्या.
मुख्यमंत्र्यांचा नागरिकांशी  संवाद
आंदोलनादरम्यान बाळासाहेबांच्या शिवसेनेचे शहरप्रमुख भानगिरे यांनी नागरिकांचा आक्रोश प्रमोद पाहून थेट मुख्यमंत्री एकनाथ शिंदे यांना फोन लावला आणि माहिती दिली. यानंतर मुख्यमंत्री शिंदे यांनी आंदोलकांशी संवाद साधला. ‘चांदणी चौकामधील वाहतूक कोंडीचा प्रश्न जसा सोडवला,
तसा कात्रज चौकातील वाहतुकीचा प्रश्न सोडवावा, नागरिकांना मूलभूत सुविधा द्याव्यात, महापालिकेचा वाढीव कर कमी करावा, अशा अनेक मागण्या मुख्यमंत्र्यांकडे करण्यात आल्या. यावर शिंदे यांनी सर्व मागण्यांना सकारात्मक प्रतिसाद देत लवकरच वरिष्ठ पातळीवर बैठक घेऊन वाहतूक कोंडीसह सर्व प्रश्न सोडवण्याचे आश्वासन दिले.

Balasahebanchi Shivsena | कसबा पोटनिवडणूक | महायुतीचा उमेदवार निवडून आणण्यासाठी बाळासाहेबांची शिवसेना पूर्ण ताकद लावणार 

Categories
Breaking News Political पुणे

कसबा पोटनिवडणूक | महायुतीचा उमेदवार निवडून आणण्यासाठी बाळासाहेबांची शिवसेना पूर्ण ताकद लावणार

| शहर अध्यक्ष नाना भानगिरे यांचे बैठकीत आश्वासन

पुणे | कसबा हा भाजपचा बालेकिल्ला आहे. भाजप आणि बाळासाहेबांची शिवसेना पक्षाचा अजेंडा हा हिंदुत्वाचा आहे. त्यामुळे पोटनिवडणुकीत महायुतीचा उमेदवार निवडून आणण्यासाठी आमचा पक्ष पूर्ण ताकद लावणार आहे. असे आश्वासन बाळासाहेबांची शिवसेना पक्षाचे शहर अध्यक्ष नाना भानगिरे यांनी महायुतीच्या बैठकीत दिले. तसेच निवडणुकीत आपण स्वतः उभे आहोत, असे समजून काम करा, असा सल्ला देखील त्यांनी उपस्थित कार्यकर्त्यांना दिला. (city president Nana Bhangire)
पालकमंत्री चंद्रकांतदादा पाटील यांच्या प्रमुख उपस्थितीत आज बाळासाहेबांची शिवसेना पक्षाच्या शहरातील प्रमुख कार्यकर्त्यांची बैठक पार पाडली. निवडणुकीतील प्रचाराचे या बैठकीत नियोजन करण्यात आले. यावेळी आपले मत व्यक्त करताना शहर अध्यक्ष नाना भानगिरे यांनी पक्षाची पूर्ण ताकद लावणार असल्याचा निर्धार केला. यावेळी भाजपच्या आमदार माधुरी मिसाळ, प्रदेश सरचिटणीस मुरलीधर मोहोळ, किरण साळी आदी नेते उपस्थित होते. (Balasahebanchi Shivsena)
भानगिरे पुढे म्हणाले, या निवडणुकीत आपण स्वतः उमेदवार आहोत, असे समजून सर्वांनी काम करायचे आहे. त्यासाठी कुठलाही मानपान न ठेवता आणि कुणाच्या मेसेजची वाट न पाहता उत्साहाने काम करायचे आहे. आमच्या पक्षाचे कार्यकर्ते पूर्ण ताकदीने कामाला लागले आहेत. आम्ही आमच्या स्वतंत्र टीम तयार केल्या आहेत. त्या माध्यमातून आम्ही तळागाळापर्यंत पोचतो आहोत. तसेच पदयात्रा, पत्रक वाटप अशी कामे करत घरोघरी पोचतो आहोत. पुढे ही जाणार आहोत. भानगिरे म्हणाले, कालच मुख्यमंत्र्यांनी मला प्रचाराच्या नियोजनाबाबत फोन करून मार्गदर्शन केले. त्यांनी सांगितले चंद्रकांत दादांच्या मार्गदर्शनाखाली आपल्या पक्षाने ताकद लावून काम करायचे आहे. कारण आपला हिंदुत्वाचा अजेंडा आहे. त्यानुसार आम्ही काम करणार आहोत. कसबा मतदारसंघ हा गिरीश बापट, दिवंगत आमदार मुक्ता टिळक यांचा आहे. तो तसाच भाजपच्या हातात ठेवण्यासाठी आपल्या सर्वाना उत्साहाने काम करायचे आहे.
नाना भानगिरे पुढे म्हणाले, समन्वय ठेऊन आम्ही कार्यकर्त्यांच्या बैठका घेणार आहोत. तसेच पीएमपी कर्मचाऱ्याच्या सातव्या वेतन आयोगासाठी आपण प्रयत्न केले होते. ते मतदार देखील आपल्याला सहकार्य करणार आहेत. अशा सर्वच घटकांशी आम्ही संपर्क ठेऊन आहोत. आमचे सर्वच कार्यकर्ते मन लावून आणि पूर्ण ताकदीने काम करतील, असा विश्वास यावेळी भानगिरे यांनी दिला. (Balasahebanchi Shivsena)

kasba By-Election | कसबा पोट निवडणुक| उमेदवारांच्या नावाची घोषणा राष्ट्रीय समिती करणार | चंद्रकांत पाटील यांची माहिती

Categories
Breaking News Political पुणे महाराष्ट्र

कसबा पोट निवडणुक| उमेदवारांच्या नावाची घोषणा राष्ट्रीय समिती करणार | चंद्रकांत पाटील यांची माहिती

| भाजपा- शिवसेना महायुती पूर्ण ताकदीने लढणार

| पालकमंत्री चंद्रकांतदादा पाटील यांच्या बैठकीत महायुतीच्या नेत्यांचा निर्धार

आ. मुक्ताताई टिळक यांच्या निधनाने रिक्त झालेली कसबा विधानसभेची पोटनिवडणूक भारतीय जनता पक्ष, बाळासाहेबांची शिवसेना, रिपाइं (आठवले गट), शिवसंग्राम, रासप, रयत क्रांती आदींसह महायुतीतील सर्व घटक पक्ष पूर्ण ताकदीने लढवायचा निर्धार आज करण्यात आला. कसबा विधानसभा पोटनिवडणुकीसाठी भाजपा सहयोगी पक्षांच्या पदाधिकाऱ्यांसह बैठक आज संपन्न झाली. (kasba by election)

या बैठकीला पालकमंत्री ना. चंद्रकांतदादा पाटील, प्रदेश सरचिटणीस मुरलीधर मोहोळ, भाजपा पुणे शहर अध्यक्ष जगदीशजी मुळीक, पुणे शहर संघटन सरचिटणीस राजेश पांडे, बाळासाहेबांची शिवसेनाचे पुणे शहरप्रमुख नाना भानगिरे, प्रदेश सचिव किरण साळी, संपर्कप्रमुख अजय भोसले, लीनाताई पानसरे, पुणे जिल्हा अध्यक्ष रमेश कोंडे, रिपाइं आठवले गट शहराध्यक्ष शैलेंद्र चव्हाण, डॉ. सिद्धार्थ धेंडे, ॲड. मंदार जोशी, बाळासाहेब जानराव, शिवसंग्रामचे भारत लगड, कालिंदीताई गोडांबे, पतितपावन संघटनेचे स्वप्नील नाईक, राजाभाऊ पाटील, दिनेश भिलारे, मनोज नायर, श्रीकांत शिळीमकर भाजपा नेते शैलेश टिळक, माजी स्थायी समिती अध्यक्ष हेमंत रासने, गणेश बिडकर, धीरज घाटे, प्रदेश प्रवक्ते संदीप खर्डेकर, माजी उपमहापौर सुनीता वाडेकर, भाजपा कसबा मंडल अध्यक्ष प्रमोद कोंढरे, महिला मोर्चा अध्यक्ष अश्विनी पांडे यांच्या सह इतर मान्यवर उपस्थित होते.

बैठकीनंतर पालकमंत्री चंद्रकांतदादा पाटील यांनी पत्रकारांशी संवाद साधला. ते म्हणाले की, कसबा विधानसभा मतदारसंघ हा भारतीय जनता पक्षाचा परंपरागत मतदारसंघ आहे. आ. मुक्ताताई टिळक यांच्या निधनाने रिक्त झालेल्या कसबा विधानसभेची पोटनिवडणूक बिनविरोध व्हावी; यासाठी सर्वांची भूमिका आहे. मात्र, तरीही गाफिल न राहता ही निवडणूक भाजपा, बाळासाहेबांची शिवसेना, रिपाइं (आठवले गट), शिवसंग्राम, रासप, रयत क्रांती यांच्यासह सहयोगी घटक पक्ष सर्वजण पूर्ण ताकदीने लढवणार आहेत.

नामदार चंद्रकांतदादा पाटील म्हणाले की, पोट निवडणुकीसाठी उमेदवारांच्या नावांची घोषणा पक्षाची राष्ट्रीय निवड समिती करेल. त्यामुळे महायुतीच्या सर्व पक्षांचे कार्यकर्ते यासाठी कामाला लागले आहेत. सोमवार दिनांक ६ फेब्रुवारी रोजी दोन्ही मतदारसंघासाठी महायुतीचे उमेदवार आपला उमेदवारी अर्ज दाखल करतील.

बिनविरोध निवडणुकीसंदर्भात विचारले असता नामदार पाटील म्हणाले की, कसबा आणि चिंचवड विधानसभा पोटनिवडणूक बिनविरोध व्हावी अशी अपेक्षा आहे. त्यासाठी पक्षाच्या नेत्या आ. माधुराताई मिसाळ यांनी सर्वच विरोधी पक्षातील प्रमुख नेत्यांशी संपर्क साधला आहे. दोन्ही जागा बिनविरोध करण्यासाठी पत्र देखील पाठवले आहे. त्या पत्रांच्या उत्तराची आम्ही सर्वजण वाट पाहत आहोत. तसेच राज्य स्तरीय नेते देखील सर्व प्रमुख नेत्यांच्या संपर्कात असल्याचे पाटील यांनी यावेळी स्पष्ट केले.

संदीप खर्डेकर यांची समन्वयक म्हणून नियुक्ती

कसबा विधानसभा मतदारसंघ पोटनिवडणुकीसाठी भाजपा प्रदेश प्रवक्ते संदीप खर्डेकर यांच्याकडे महायुतीतील सर्वच घटक पक्ष आणि विविध ज्ञाती संस्थांशी संपर्कासाठी समन्वयक म्हणून नियुक्ती करण्यात आली असल्याची घोषणा पालकमंत्री चंद्रकांतदादा पाटील यांनी यावेळी केली.

Good News For PMPML Employees | पीएमपी कर्मचाऱ्यांना सातवा वेतन आयोग लागू | डिसेंबर च्या वेतनात फरकाची ५०% रक्कम जमा केली जाणार

Categories
Breaking News PMC Political पुणे

पीएमपी कर्मचाऱ्यांना सातवा वेतन आयोग लागू | डिसेंबर च्या वेतनात फरकाची ५०% रक्कम जमा केली जाणार

पुणे : पीएमपीच्या कर्मचाऱ्यांना (PMPML employees) अखेर सातवा वेतन आयोगा (7th pay commission) लागू झाला आहे. त्यानुसार वेतन मिळणार आहे. महापालिकेच्या धर्तीवर सातव्या वेतन आयोगा नुसार डिसेंबर महिन्याच्या वेतनात आयोगाच्या फरकानुसार वाढणाऱ्या वेतनाची 50 टक्के रक्कम जमा केली जाणार आहे. तर जानेवारी 2023 मध्ये आयोगा बाबत मुख्यमंत्री एकनाथ शिंदे (CM Eknath Shinde) आणि दोन्ही महापालिका आयुक्तांची संयुक्त बैठक घेऊन सातवा वेतन आयोग लागू केल्यानंतर उर्वरीत 50 टक्केवाढीनुसार, वेतन देण्यास सुरूवात केली जाणार आहे.(7th pay commission for PMPML Employees)

पीएमपी कर्मचाऱ्यांच्या सातव्या वेतन आयोगाबाबत बाळासाहेबांची शिवसेना पक्षाचे शहर प्रमुख नाना भानगिरे (Nana Bhangire) यांनी मुख्यमंत्र्यांकडे पाठपुरावा केला होता. तसेच पीएमपी कामगार संघटना देखील यासाठी प्रयत्न करत होत्या. त्यानंतर, आज पीएमपी मध्ये या मागणीबाबत बैठक घेण्यात आली. त्यात, हा निर्णय घेण्यात आल्याचे भानगिरे यांनी सांगितले. पीएमपीचे अध्यक्ष आणि व्यवस्थापकीय संचालक ओम प्रकाश बकोरिया (PMP CMD Omprakash Bakoriya) यांनी ही बैठक घेतली. नाना भानगिरे यांच्यासह कामगार प्रतिनिधी नरेंद्र आवारे, श्रवण तौर, उमेश पांढरे यावेळी उपस्थित होते. (7th pay commission)

भानगिरे यांनी दिलेल्या माहितीनुसार, पीएमपी कामगारांना सातवा वेतन आयोग मिळावा यासाठी मुख्यमंत्री एकनाथ शिंदे यांच्याकडे सातत्याने पाठपुरावा केला. त्यानंतर, मुख्यमंत्री एकनाथ शिंदे यांनीही याबाबत घोषणा केली होती. त्यानुसार, ही बैठक घेण्यात आली. यात पीएमपीचे व्यवस्थापकीय संचालक बकोरिया डिसेंबर महिन्याच्या वेतनापासूनच सातव्या वेतन आयोगाच्या फरकानुसारची 50 टक्के वेतनवाढ दिली जाणार असल्याचे सांगितले आहे. त्यामुळे, सुमारे 11 हजार कर्मचाऱ्यांना याचा लाभ होणार असून जानेवारी महिन्यात याबाबत अंतीम निर्णय होऊन त्यानंतर आयोगानुसार, उर्वरीत 50 टक्के रकमेचे वेतन सुरू केले जाणार आहे. या शिवाय, पीएमपीच्या कर्मचाऱ्यांना हक्काचे घर मिळावे यासाठी जागा निश्‍चित करणे , वैद्यकीय बिलांसाठी तातडीनं निधी उपलब्ध करून तसेच डेपोच्या परिसरात महिला व पुरूषांसाठी स्वतंत्र स्वच्छतागृह उभारणे , कर्मचाऱ्यांसाठी कॅन्टीन सुरू करणार अशा मागण्याही मान्यता करण्यात आल्याचे भानगिरे यांनी स्पष्ट केले. (PMPML pune)
—————————

कामगार संघटनेच्या सोबत आज बैठक झाली. त्यानुसार, सातव्या वेतन आयोगाच्या नुसार, वेतनाच्या फरकात 50 टक्केवाढ केली जाणार आहे. त्याबाबत उद्या ( मंगळवारी) अधिकृत आदेश काढला जाणार आहे. तर उर्वरीत वेतनवाढ मुख्यमंत्री एकनाथ शिंदे यांच्या सोबत बैठक झाल्यानंतर घेण्यात येईल.

– ओम प्रकाश बकोरीया ( अध्यक्ष आणि व्यवस्थापकीय संचालक, पीएमपीएमएल)

Nana Bhangire | ढाल-तलवार तळागाळापर्यंत पोहोचवणार | पुणे शहराध्यक्ष नाना भानगिरे यांची पहिली प्रतिक्रिया 

Categories
Breaking News Political पुणे महाराष्ट्र

ढाल-तलवार तळागाळापर्यंत पोहोचवणार | पुणे शहराध्यक्ष नाना भानगिरे यांची पहिली प्रतिक्रिया

पुणे | उद्धव ठाकरे यांच्या शिवसेनेला मशाल हे चिन्ह मिळाल्यानंतर शिंदे गटालाअर्थात बाळासाहेबांची शिवसेनेला  कुठले चिन्ह मिळणार, याबाबत महाराष्ट्रभर उत्सुकता होती. अखेर आयोगाने ढाल तलवार हे चिन्ह दिले आहे. त्यावर शिंदे गटाचे अर्थात बाळासाहेबांची शिवसेना पक्षाचे पुण्याचे शहर अध्यक्ष नाना भानगिरे यांनी याचे स्वागत केले आहे. भानगिरे म्हणाले, ढाल तलवार हे चिन्ह तळागाळापर्यंत पोहोचवणार आहे. तशी योजना आखण्याचे काम सुरु आहे.
नाना भानगिरे पुढे म्हणाले, चिन्ह मिळल्यामुळे आनंद झाला आहे. पक्ष वाढीसाठी आता प्रयत्न केले जातील. पुणे शहरात आता जोमाने काम सुरु होईल. पुढील आठवड्यात कार्यकर्ते आणि पदाधिकाऱ्यांची बैठक बोलावली आहे. यामध्ये शहराच्या प्रश्नाबाबत आढावा घेऊन नियोजन केले जाईल. यामध्ये खास करून शहराचे रखडलेले प्रकल्प, समान पाणीपुरवठा योजना, 40% टॅक्स सवलत, 34 गावांना आवश्यक 9 हजार कोटींचा निधी, रस्त्यावरील खड्डे, सांडपाणी प्रकल्प, नदी सुधार योजना, मेट्रोचा विस्तार अशा सर्व विषयावर चर्चा केली जाईल. तसेच यामध्ये गती आणण्यासाठी प्रयत्न केले जातील. लवकरच याबाबत कार्यकर्ते आणि पदधिकाऱ्याना सूचित केले जाईल. असे ही भानगिरे म्हणाले.

CM Eknath Shinde | मुख्यमंत्र्यांनी पुण्यात सत्कार नाकारला | कारण घ्या जाणून 

Categories
Breaking News Political पुणे महाराष्ट्र

मुख्यमंत्र्यांनी पुण्यात सत्कार नाकारला | कारण घ्या जाणून

एक रिक्षावाला राज्याचा मुख्यमंत्री बनला, त्याच्या सत्कारासाठी पुण्यातील रिक्षाचालकांनी, शिवसैनिकांनी आणि आठवले गटाने जय्यत तयारी केली होती. भर पावसात सायंकाळपासून हे कार्यकर्ते उभे होते. मात्र, मुख्यमंत्री एकनाथ शिंदे यांनी या साऱ्यांकडून सत्कार, जल्लोष नम्रपणे नाकारला आहे.

मुख्यमंत्री स्टेजवर आल्यावर त्यांना भला मोठा हार घालण्यात येत होता. बाहेर ढोल ताशे, फटाके वाजविण्यास सुरुवात झाली होती. इतक्यात शिंदे यांनी माईक हातात घेतला. ”सर्वांना माझी नम्र विनंती आहे, कुठेही वाद्ये फटाके वाजवू नका. कारण अमरनाथमध्ये पुण्यातील तीन जण मृत्यूमुखी पडले आहेत. यामुळे कुठेही जल्लोष करू नका”, असे भावनिक आवाहन उपस्थित समर्थक, आठवले गटाच्या कार्यकर्त्यांना मुख्यमंत्र्यांनी केले.

मी तुम्हाला खास भेटायला आलोय. मी आषाढी एकादशीच्या पुजेला जात आहे, वेळेत पोहोचायचे आहे. सर्वांचे आभार मानतो. अमरनाथ यात्रेत मृत्यूमुखी पडलेल्यांना मी श्रद्धांजली अर्पण करतो. सर्वांनी दोन मिनिटे उभे राहून या मृतांना श्रद्धांजली द्यावी, असे आवाहन एकनाथ शिंदे यांनी केले.

 

मी पुन्हा आपल्याला भेटायला येईन. तुम्हा सर्वांच्या आणि राज्यातील जनतेच्या आशिर्वादाने या राज्याचे नेतृत्व करण्याची संधी मिळाली आहे. मी मुख्यमंत्री पदाचा वापर जनतेच्या भल्यासाठी, कामासाठी करेन, असे आश्वासन शिंदे यांनी दिले. बाळासाहेब, दिघेंचे विचार पुढे नेण्याचे काम करणार आहे, असे शिंदे म्हणाले.

युवासेना सहसचिव महाराष्ट्र राज्य किरण साळी, शिवसेना सहसंपर्क प्रमुख अजय भोसले, युवासेना उपाध्यक्ष विद्यापीठ कक्ष आकाश शिंदे आदी उपस्थित होते. महत्वाची बाब म्हणजे शिवसेनेचे माजी नगरसेवक नाना भानगिरे यांनी या कार्यक्रमाचे आयोजन केले होते. मात्र ट्राफिकमध्ये अडकल्याने कार्यक्रमात पोहचू शकले नाहीत.