Tag: Objections

Zilla Parishad and Panchayat Samiti elections | जिल्हा परिषद व पंचायत समित्यांच्या निवडणुकांसाठी 18 जुलैला प्रारूप मतदार याद्यांची प्रसिद्धी

Categories
Breaking News पुणे महाराष्ट्र

जिल्हा परिषद व पंचायत समित्यांच्या निवडणुकांसाठी 18 जुलैला प्रारूप मतदार याद्यांची प्रसिद्धी

 

मुंबई| राज्यातील 25 जिल्हा परिषदा व त्यांतर्गतच्या 284 पंचायत समित्यांच्या सार्वत्रिक निवडणुकांसाठी निवडणूक विभाग व निर्वाचक गणनिहाय प्रारुप मतदार याद्या 18 जुलै 2022 रोजी प्रसिद्ध करण्यात येणार असून त्यावर 22 जुलै 2022 पर्यंत हरकती व सूचना दाखल करता येतील, असे राज्य निवडणूक आयोगाने जाहीर केले आहे.

भारत निवडणूक आयोगाने तयार केलेल्या व 31 मे 2022 रोजी अस्तित्वात असलेल्या विधानसभा मतदार संघाच्या मतदार याद्या या निवडणुकांसाठी वापरण्यात येणार आहेत. निवडणूक विभाग व निर्वाचक गणनिहाय प्रारुप मतदार याद्या 18 जुलै 2022 रोजी प्रसिद्ध झाल्यानंतर त्यावर त्या दिवसापासून 22 जुलै 2022 पर्यंत हरकती व सूचना दाखल करता येतील. त्यानंतर निवडणूक विभाग व निर्वाचक गणनिहाय मतदार याद्या 29 जुलै 2022 रोजी अंतिम व अधिप्रमाणित करून प्रसिद्ध करण्यात येतील. मतदान केंद्रांची यादी व मतदान केंद्रनिहाय मतदार याद्या 8 ऑगस्ट 2022 रोजी प्रसिद्ध केल्या जातील.

निवडणूक होणाऱ्या जिल्हा परिषदांची नावे : रायगड, रत्नागिरी, सिंधुदुर्ग, नाशिक, जळगाव, अहमदनगर, पुणे, सातारा, सांगली, सोलापूर, कोल्हापूर, औरंगाबाद, जालना, परभणी, हिंगोली, बीड, नांदेड, उस्मानाबाद, लातूर, अमरावती, बुलढाणा, यवतमाळ, वर्धा, चंद्रपूर आणि गडचिरोली.

PMC election 2022 | हरकती सूचनांसाठी अतिरिक्त कर्मचारी!  | उद्या प्रारूप मतदार यादी प्रसिद्ध होणार 

Categories
Breaking News PMC पुणे

हरकती सूचनांसाठी अतिरिक्त कर्मचारी!

: उद्या प्रारूप मतदार यादी प्रसिद्ध होणार

पुणे : पुणे महानगरपालिकेचा (PMC) निवडणूक विभाग आगामी  निवडणुकांसाठी मतदार यादी अंतिम करण्याच्या प्रक्रियेत आहे आणि त्याबाबत सूचना आणि हरकती मागवणार आहे. उद्या म्हणजेच 23 जून ला प्रारूप मतदार यादी प्रसिद्ध होणार आहे. त्यामुळे  मतदार 23 जून ते 1 जुलै या कालावधीत आपल्या संबंधित समस्यांचे निराकरण करू शकतात. यासाठी महापालिका प्रशासनाने अतिरिक्त कर्मचाऱ्यांची नियुक्ती केली आहे. याबाबत अतिरिक्त आयुक्तांनी आदेश काढले आहेत.

: काय आहेत आदेश?

पुणे महानगरपालिका सार्वत्रिक निवडणूक २०२२ प्रस्तावित असून राज्य निवडणूक आयोग, महाराष्ट्र राज्य यांनी दिलेल्या आदेशानुसार मतदार यादी तयार करण्याचे कामकाज सुरु करण्यात आलेले आहे. पुणे महानगरपालिकेच्या क्षेत्रिय कार्यालयामार्फत प्राप्त झालेल्या कंट्रोल चार्ट नुसार दिनांक २३/०६/२०२२ रोजी प्रारूप मतदार यादी निवडणूक विभाग, पुणे महानगरपलिके मार्फत प्रसिद्ध करण्यात येत आहे. प्रसिद्ध झालेल्या प्रारूप मतदार यादीवर दिनांक २३/०६/२०२२ ते ०१/०७/२०२२ रोजी कार्यालयीन वेळेपर्यंत हरकती व सूचना स्विकारून त्याची विहित मुदतीत पूर्तता करावयाची आहे.
प्रारूप मतदार यादीवर प्राप्त झालेल्या हरकती व सूचनांचा हरकतदार व क्षेत्रिय कार्यालयाकडील नोडल अधिकारी (कनिष्ठ अभियंता) यांचेसमवेत पडताळणी करून हरकतींचा निपटारा करणे, हरकती / सूचनांवर संबंधित क्षेत्रिय कार्यालयाकडील महापालिका सहाय्यक आयुक्त यांचे समवेत निर्णय घेणे व अंतिम मतदार यादी तयार करणेकामी अंतिम कंट्रोल चार्ट तयार करणेसाठी खालील प्रमाणे उप अभियंता /शाखा अभियंता / कनिष्ठ अभियंता यांची नियुक्ती करणेत येत आहे. सदर कामकाज यशवंत माने, उप आयुक्त, निवडणूक विभाग व    संदीप कदम, पदनिर्देशित अधिकारी
(मतदार यादी) तथा उप आयुक्त परिमंडळ क्र.०४ पुणे मनपा यांचे नियंत्रणाखाली विहित मुदतीत व बिनचूकपणे पार पाडावयाचे आहे.

—

Hearing On Ward Structure : PMC Election 2022 : आज 1380 हरकतींवरील सुनावणी पार पडली!

Categories
Breaking News PMC पुणे

आज 1380 हरकतींवरील सुनावणी पार पडली!

पुणे :. पुणे महानगरपालिका सार्वत्रिक निवडणूक 2022 (PMC election 2022)  प्रारुप प्रभाग रचना (Ward structure) हरकत व सुचना (Objection and Suggestion)  सुनावणी बालगंधर्व रंगमंदिर येथे आज पार पडली. आजच्या सुनावणीमध्ये प्रभाग क्र. १ ते २० व २७ ते ३१ तसेच ३३ व ३५ यांचा समावेश होता. वरील सर्व प्रभागातील १३८० इतक्या हरकती व सुचना आल्या असून त्यावर सुनावणी घेण्यात आली. मा. आजी माजी सभासद, राजकीय हरकतदार व नागरिक यांनी हरकती व सुचना दाखल केल्या होत्या. राहिलेल्या प्रभागावर उद्या सुनावणी होणार आहे. अशी माहिती महापालिका प्रशासनाकडून देण्यात आली.
राज्य निवडणूक आयोग, महाराष्ट्र, पुणे महानगरपालिका सार्वत्रिक निवडणूक २०२२ प्रारुप रचनेबाबत प्राप्त झालेल्या हरकती व सुचनांवर गुरुवार दि. २४/२/२०२२ व शुक्रवार दि. २५/२/२०२२ रोजी जाहीर सुनावणी होणार असल्याचे जाहीर करण्यात आले होते. त्यानुसार २४/२/२०२२ रोजीची सुनावणी मा. चोकलिंगम, महासंचालक यशदा, (राज्य निवडणूक
आयोग प्राधिकृत अधिकारी), पुणे यांच्या अधिपत्याखाली पार पडली.  सुनावणी बालगंधर्व रंगमंदिर, शिवाजीनगर, पुणे ५ येथे सकाळी १० वाजता सुरु झाली. आज दि. २४/२/२०२२ च्या सुनावणीमध्ये प्रभाग क्र. १ ते २० व २७ ते ३१ तसेच ३३ व ३५ यांचा समावेश होता. वरील सर्व प्रभागातील १३८० इतक्या हरकती व सुचना आल्या असून त्यावर सुनावणी घेण्यात आली. कोविड-१९ च्या अनुषंगाने सर्व शासन नियमांचे काटेकोरपणे पालन करुन सदर सुनावणी कार्यक्रम शांततेत पार पडला. मा. आजी माजी सभासद, राजकीय हरकतदार व नागरिक यांनी हरकती व सुचना दाखल केल्या होत्या.
सुनावणी प्रसंगी महापालिका आयुक्त विक्रम कुमार, अतिरिक्त महापालिका आयुक्त (ज) रविंद्र बिनवडे, अप्पर जिल्हाधिकारी सुरज वाघमारे, सचिव राज्य निवडणूक आयोग महाराष्ट्र दिपक नलावडे, अप्पर सचिव राज्य निवडणूक आयोग महाराष्ट्र अतुल जाधव, उप आयुक्त राज्य निवडणूक
आयोग महाराष्ट्र अविनाश सणस, उप आयुक्त (निवडणूक) अजित देशमुख इत्यादी अधिकारी व कर्मचारी उपस्थित होते.

Hearing : Objections : Ward Structure : प्रभाग रचना : हरकतींची संख्या जास्त असल्याने आता दोन दिवस सुनावणी

Categories
Breaking News PMC पुणे

प्रभाग रचना : हरकतींची संख्या जास्त असल्याने आता दोन दिवस सुनावणी

: बालगंधर्व रंगमंदिरात पूर्ण होणार प्रक्रिया 

पुणे- महापालिकेच्या प्रभाग रचनेच्या प्रारूप आराखड्यावर आलेल्या हरकतींची संख्या जास्त आहे. त्यामुळे आता ही सुनावणी दि. 24 आणि 25 फेब्रुवारीदरम्यान होणार आहे. पहिल्यांदा एकच दिवस सुनावणीसाठी देण्यात आला होता. बालगंधर्व रंगमंदिरात ही प्रक्रिया पार पडणार आहे. सुनावणीसाठी सर्व हरकतदारांना नोटीस देऊन ठिकाण आणि वेळ कळविण्यात आल्याचे महापालिकेच्या निवडणूक विभागाकडून सांगण्यात आले.

प्रभाग रचनेवर सुमारे 3 हजार 596 हरकती आल्या आहेत. सुनावणींसाठी राज्य निवडणूक आयोगाकडून “यशदा’चे महासंचालक एस. चोक्कलिंगम यांची प्राधिकृत अधिकारी म्हणून नियुक्ती करण्यात आलेली आहे. आयोगाच्या सुचनेनुसार महापालिकेची प्रारूप प्रभाग रचना 1 फेब्रुवारीला जाहीर करण्यात आली होती.

 

तर 14 फेब्रुवारीपर्यंत त्यावर हरकती घेण्याची मुदत होती. तर, यावर सुनावणी घेऊन त्याचा अहवाल महापालिकेस 2 मार्चला राज्य निवडणूक आयोगास सादर करायचा आहे. त्यानुसार ही सुनावणी होणार आहे. त्याबाबतचा सविस्तर कार्यक्रम महापालिकेच्या संकेतस्थळावर जाहीर केला जाणार आहे.

हरकतींचे स्वरूप एकाच प्रकारचे असल्यास एकत्र गटाने सुनावणी घेण्याचे आदेश राज्य निवडणूक आयोगाने दिले आहेत. त्यानुसार प्रभागनिहाय एक प्रकारच्या हरकतींचे गट तयार करण्यात आले आहेत. दरम्यान, मनपा प्रशासनाने सुनावणीसाठी यापूर्वी एकच दिवस निश्‍चित केला होता. मात्र, हरकतींची संख्या जास्त असल्याने आता दोन दिवस ही सुनावणी होणार आहे.

—

Objections : Suggestions : ward Formation : प्रभाग रचना : आज एकाच दिवशी 2804 हरकती  : तर एकूण 3596 हरकती प्राप्त 

Categories
Breaking News PMC पुणे

प्रभाग रचना : आज एकाच दिवशी 2804 हरकती

: तर एकूण 3596 हरकती प्राप्त

पुणे : महापालिका निवडणुकीसाठी(PMC Election) प्रभाग रचना(Ward Formation) जाहीर करण्यात आली आहे. त्यावर नागरिकांना हरकती आणि सूचना(Suggestions and objections) देण्यासाठी 14 फेब्रुवारी पर्यंत मुदत देण्यात आली होती. ही मुदत आता समाप्त झाली आहे. या कालावधीत महापालिकेच्या निवडणूक विभागाकडे शहरातून सुमारे 3596 हरकती प्राप्त झाल्या आहेत. तर शेवटच्या दिवशी म्हणजे 14 फेब्रुवारीला 2804 हरकती प्राप्त झाल्या आहेत. यामध्ये नागरिक आणि सर्वच पक्षाच्या राजकीय नेते आणि कार्यकर्त्यांनी हरकती नोंदवल्या आहेत. दरम्यान निवडणूक कार्यालय खालोखाल वानवडी रामटेकडी क्षेत्रीय कार्यालय अंतर्गत सर्वात जास्त हरकती दाखल झाल्या आहेत. तर सर्वात कमी हरकती शिवाजीनगर घोले रोड क्षेत्रीय कार्यालयाकडे दाखल झाल्या आहेत.  दरम्यान सर्वच राजकीय पक्षांनी या रचनेबाबत आक्षेप घेतलेला आहे.

: 15 दिवसापैकी 3 दिवशी 0 हरकती

महापालिका प्रशासनाकडून मिळालेल्या माहितीनुसार हरकती सूचना नोंदवण्यासाठी 14 फेब्रुवारी हा अंतिम कालावधी देण्यात आला होता. त्यानुसार महापालिकेचे निवडणूक कार्यालय आणि क्षेत्रीय कार्यालयात ही सुविधा उपलब्ध करून देण्यात आली होती. त्यानुसार या 15 दिवसात महापालिकेकडे एकूण 3596 हरकती प्राप्त झाल्या आहेत. त्यातील 1 फेब्रुवारी तसेच 6 आणि 13 फेब्रुवारीला एक ही हरकत दाखल झाली नाही. 15 फेब्रुवारीला मात्र 2804 हरकती प्राप्त झाल्या. एकूण 3596 पैकी सर्वात जास्त म्हणजे 1295 हरकती निवडणूक कार्यालयाकडे तर त्याखालोखाल 1034 हरकती वानवडी रामटेकडी क्षेत्रीय कार्यालयाकडे प्राप्त झाल्या आहेत. तर सर्वात कमी हरकती शिवाजीनगर घोले रोड क्षेत्रीय कार्यालयाकडे दाखल झाल्या आहेत. शेवटच्या दिवशी देखील वानवडी रामटेकडी क्षेत्रीय कार्यालयाकडे सर्वात जास्त म्हणजे 1020 हरकती प्राप्त झाल्या आहेत.
आता यावर 28 फेब्रुवारीला अंतिम सुनावणी होईल. त्यासाठी निवडणूक आयोगाने यशदा चे महासंचालक एस चोक्कलिंगम यांची यासाठी नियुक्ती केली आहे. 2 मार्च पर्यंत त्याचा अहवाल आयोगाकडे जाईल.

: क्षेत्रीय कार्यालयानुसार आलेल्या हरकती

क्षेत्रीय कार्यालय                       हरकती
औंध-बाणेर                              35
भवानी पेठ                                23
बिबवेवाडी                                68
धनकवडी-सहकारनगर               289
ढोले पाटील रोड                        113
हडपसर-मुंढवा                           88
कसबा-विश्रामबाग                     253
कोंढवा – येवलेवाडी.                   51
कोथरूड-बावधन                        77
नगर रोड-वडगावशेरी                   156
शिवाजीनगर-घोलरोड                  12
सिंहगड रोड                               25
वानवडी-रामटेकडी                      1034
वारजे-कर्वेनगर                           62
येरवडा-कळस-धानोरी                 15
निवडणूक कार्यालय                    1295
एकूण                                         3596