Tag: Pune Ganeshotsav

PMC Encroachment Department | पुणे मनपा अतिक्रमण विभागाकडून 22 गणेश मंडळावर कारवाई

Categories
Breaking News PMC social पुणे

PMC Encroachment Department | पुणे मनपा अतिक्रमण विभागाकडून 22 गणेश मंडळावर कारवाई

| मांडव न काढणाऱ्या मंडळांना नोटिसा बजावण्याचे काम सुरु

PMC Encroachment Department | पुणे : महापालिका अतिक्रमण विभागाच्या नियमानुसार गणेशोत्सव (Pune Ganeshotsav) संपल्यानंतर दोन दिवसात मंडळांनी मांडव काढून घेऊन रस्ता रिकामा करणे आवश्‍यक आहे. मात्र, अद्याप अनेक मंडळांचे मांडव रस्त्यावर उभे आहेत. अशा मंडळांना क्षेत्रीय कार्यालयांकडून (PMC Ward Offices) नोटिसा बजावण्याचे काम सुरु झाले आहे. तसेच 22 मंडळावर कारवाई करण्यात आली आहे. अशी माहिती उपायुक्त माधव जगताप (PMC Deputy Commissioner Madhav Jagtap) यांनी दिली. (Pune Municipal Corporation)!
पुणे शहरात गणेश मंडळांतर्फे गणेशोत्सवात देखाव्यांसाठी मोठे मांडव उभारले जातात. तसेच विसर्जन मिरवणुकीतील रथ रस्त्यात उभे केले जातात. गणेशोत्सव संपल्यानंतर त्यांनी दोन दिवसात हे मांडव, देखावा, रथावरील सजावट काढून घेऊन रस्ता रिकामा करणे आवश्‍यक आहे. पण अद्यापही मांडव काढला गेला नसल्याने वाहतुकीस अडथळा निर्माण होत आहे. काही मंडळांनी मांडव काढण्याचे काम सुरु केले आहे, पण त्यासाठी मंडळासमोराचा संपूर्ण रस्ता बंद ठेवून काम केले जात असल्याने वाहतूक कोंडीत आणखी भर पडत आहे. (PMC Pune Encroachment Department)
याबाबत जगताप यांनी सांगितले कि, पुणे शहरामध्ये नुकत्याच पार पडलेल्या गणेशोत्सव नंतर विहित मुदतीत म्हणजे दोन दिवसाच्या आत मध्ये मांडव कमानी रनिंग मंडप न काढल्यामुळे शहरातील 22 गणेशोत्सव मंडळाचे मंडप  काढण्यात आलेले आहेत. त्याचबरोबर शहरातील अनधिकृत फ्लेक्स बोर्ड बॅनर्स काढणे बाबतची कार्यवाही सुरू करण्यात आलेली असून पुढील काही दिवस सदाची कारवाई तीव्र करून संपूर्ण शहर अतिक्रमण मुक्त करण्याबाबतची मोहीम हाती घेण्यात आलेली आहे. या मंडळांनी मुदतीत मंडप कमानी काढलेल्या नाहीत त्यांना नोटीस देण्याबाबतची कार्यवाही देखील सुरू करण्यात आलेली आहे.  असेही माधव जगताप म्हणाले. (PMC Pune)
—–
News Title | PMC Encroachment Department | Pune Municipal Encroachment Department action on 22 Ganesh Mandals

Pune Metro Service | गणेशोत्सवात पुणे मेट्रोची दिवाळी | साडे नऊ लाखाहून अधिक लोकांचा प्रवास | दीड कोटी पर्यंत मिळाले उत्पन्न

Categories
Breaking News social पुणे

Pune Metro Service | गणेशोत्सवात पुणे मेट्रोची दिवाळी | साडे नऊ लाखाहून अधिक लोकांचा प्रवास | दीड कोटी पर्यंत मिळाले उत्पन्न

| गणेशोत्सवात पुणे व पिंपरी चिंचवडकरांची मेट्रोला पसंती

Pune Metro Service | गणेशोत्सवाच्या (Pune Ganeshotsav) काळात मेट्रोतून प्रवासाला पुणे व पिंपरी चिंचवडकरांची पसंती दिली आहे. दिनांक १८ते २८ सप्टेंबर या काळात पिंपरी चिंचवड स्थानक (Pune Metro Stations) ते सिव्हिल कोर्ट स्थानक या मार्गावर ४,०५,२८० प्रवास झाला आणि यातून ६३,२३,७१८/- रुपये इतके उत्पन्न मिळाले. तर वनाझ स्थानक ते रुबी हॉल क्लिनिक स्थानक या मार्गावर ५,५६,०८२ प्रवास झाला आणि यातून ७७,४७,३३६/- रुपये इतके उत्पन्न मिळाले. २८ सप्टेंबर रोजी पुणे मेट्रोमधून जास्त प्रवास होणारी स्थानके अनुक्रमे पीएमसी, डेक्कन जिमखाना, पीसीएमसी, वनाझ आणि गरवारे कॉलेज ही आहेत. गणेशोत्सवाच्या काळात मेट्रोने प्रवाशांच्या सोईसाठी मेट्रोच्या वेळेमध्ये वाढ केली होती. अशी माहिती पुणे मेट्रोच्या वतीने देण्यात आली. (Pune Metro Service)
ऑगस्ट २०२३ या महिन्यात एकूण प्रवास २१,१६,७७२ इतका होता आणि यातून ३,२५,८८,९००/- इतके उत्पन्न मिळाले. तर सप्टेंबर २०२३ या महिन्यात (२८ तारखेपर्यंत) १९,१३,२२७ इतका प्रवास होऊन यातून २,८१,८९, ७६०/- इतके उत्पन्न मिळाले.
ऑगस्ट महिन्यातील सर्वात जास्त प्रवास (१,६९,५१२) आणि उत्पन्न (३०,६३,३५०/-) हे दिनांक १५ ऑगस्ट २३ या दिवशी होते. सप्टेंबर महिन्यातील सर्वात जास्त प्रवास (१,६३,२२७) आणि उत्पन्न (२५,४८,३८४/-) हे काल अनंत चतुर्दशीच्या दिवशी दिनांक २८ सप्टेंबर २३ या दिवशी होते. (Pune Metro News)
दिनांक १ ऑगस्ट २३ रोजी पुणे मेट्रोच्या मार्गांचे विस्तारीकरण झाल्यापासून दिनांक २८ सप्टेंबर २३ पर्यंत पिंपरी चिंचवड स्थानक ते सिव्हिल कोर्ट स्थानक या मार्गावर  १६,८९,८५८ प्रवास झाला आणि यातून २,६७,४४,३०४/- रुपये इतके उत्पन्न मिळाले. वनाझ स्थानक ते रुबी हॉल क्लिनिक स्थानक या मार्गावर २२,७४,१९७ प्रवास झाला आणि यातून ३,२२,४२,६६५/- रुपये इतके उत्पन्न मिळाले.
पुणे मेट्रोचे पुढील मार्ग सुरू झाल्यापासून पालकमंत्री मा. चंद्रकांत दादा यांनी मेट्रोमधून दोन वेळा प्रवास केला. अनंत चतुर्दशीच्या दिवशी पालकमंत्री महोदय यांनी वनाज ते पीएमसी असा प्रवास केला. यावेळी त्यांच्या बरोबर महा मेट्रो चे व्यवस्थापकीय संचालक श्री. श्रावण हर्डीकर आणि महा मेट्रो चे कार्यकारी संचालक डॉ. हेमंत सोनावणे होते. पालकमंत्री महोदय यांनी मेट्रो प्रवासादरम्यान मेट्रो मधील स्वछतेचे कौतुक केले.

Pune Metro Passenger | अनंत चतुर्दशीला दीड लाखापेक्षा जास्त पुणेकरांचा मेट्रोने प्रवास

Categories
Breaking News cultural Political social पुणे

Pune Metro Passenger | अनंत चतुर्दशीला दीड लाखापेक्षा जास्त पुणेकरांचा मेट्रोने प्रवास

आगामी काळात ही मेट्रोला प्राधान्य देण्याचे चंद्रकांतदादा पाटील यांचे आवाहन

 

Pune Metro Passenger |पालकमंत्री चंद्रकांतदादा पाटील (Pune Guardian Minister Chandrakant Patil )यांनी अनंत चतुर्दशीसाठी (Anant Chaturdashi) केलेल्या आवाहनाला पुणेकरांकडून उत्स्फूर्त प्रतिसाद मिळाला असून; गणरायाला निरोप देण्यासाठी गुरुवारी एक लाख ६३ हजार पुणेकरांनी मेट्रोने (Pune Metro Service) प्रवास केला. आगामी काळात सण उत्सवाच्या काळात ही पुणेकरांनी वाहतूककोंडीत न अडकता; मेट्रोला प्राधान्य देण्याचे आवाहन नामदार पाटील यांनी केले आहे. (Pune Metro Passenger)

पुणे शहराला गणेशोत्सवाची (Pune Ganeshotsav) वेगळी परंपरा आहे. अनंत चतुर्दशीची विसर्जन मिरवणूक (Ganesh Immersion pune) पाहण्यासाठी पुणे जिल्ह्यासह आसपासचे नागरिक पुण्यात येत असतात. परिणामी वाहतुकीवर मोठ्या प्रमाणात ताण येऊ अनेक भागात पुणेकरांना वाहतुककोंडीच्या समस्येला सामोरे जावे लागते. त्यामुळे ही संभाव्य वाहतूककोंडी होऊ नये; यासाठी पालकमंत्री चंद्रकांतदादा पाटील यांनी स्वतः मेट्रोने प्रवास करण्याचा संकल्प केला होता. तसेच, पुणेकरांनीही मेट्रोनेच प्रवास करण्याचे आवाहन केले होते.

नामदार पाटील यांनी संकल्पाप्रमाणे विसर्जन मिरवणुकीचा शुभारंभ करण्यासाठी वनाझ ते पुणे महापालिका मेट्रोने प्रवास केला. या प्रवासावेळी नामदार पाटील यांनी अनेक मेट्रो प्रवाशांशी अनौपचारिक संवाद ही साधला. यावेळी पुणेकरांनीही मेट्रोचे भरभरून कौतुक केले होते. त्यानंतर पालकमंत्री पाटील यांच्या आवाहनानुसार विसर्जन मिरवणूक पाहण्यासाठी शहरात जाणाऱ्या नागरिकांनी मेट्रोनेच प्रवास करणे पसंत केले. जवळपास एक लाख ६३ हजार पुणेकरांनी गुरुवारी मेट्रोने प्रवास केला.

पुणेकरांच्या या नव्या विक्रमाबद्दल पालकमंत्री चंद्रकांतदादा पाटील यांनी सर्व पुणेकरांसह महामेट्रोचे व्यवस्थापकीय संचालक श्रावण हर्डीकर, जनसंपर्क अधिकारी आणि प्रशासन हेमंत सोनावणे सर्वांचे अभिनंदन करुन आभार मानले आहेत. तसेच, आगामी काळात नवरात्री, दिवाळी यांसारखे अनेक सण होणार आहेत. त्यामुळे या काळात ही खरेदीसाठी बाहेर पडताना मेट्रोला प्राधान्य द्यावे, असे आवाहन नामदार पाटील यांनी केले आहे.

News Title | Pune Metro Passenger | On Anant Chaturdashi, more than one and a half lakh Pune residents travel by metro Chandrakantada Patil’s appeal to give priority to Metro in the future

Ganesh Idol Immersion | गणेशमुर्त्यांचे पुर्नविसर्जन वाघोली येथील खाणीमध्ये | महापालिकेचे नियोजन तयार! 

Categories
Breaking News cultural PMC social पुणे

Ganesh Idol Immersion | गणेशमुर्त्यांचे पुर्नविसर्जन वाघोली येथील खाणीमध्ये | महापालिकेचे नियोजन तयार!

 

Ganesh Idol Immersion | पर्यावरणपूरक गणेशोत्सवाच्या (Eco friendly Ganeshotsav) अनुषंगाने पुणे महानगरपालिका, घनकचरा व्यवस्थापन विभागामार्फत (PMC Solid Waste Management Department) नियोजन करण्यात आले आहे. गणेशमुर्त्यांचे पुर्नविसर्जन सन्मानपूर्वकरित्या वाघोली येथील खाणीमध्ये (Wagholi Mine) करण्यात येणार असलेबाबत  जिल्हाधिकारी,  प्रादेशिक अधिकारी, महाराष्ट्र प्रदुषण नियंत्रण मंडळ (MPCB), पोलीस आयुक्त तसेच  पोलीस अधिक्षक, पुणे ग्रामीण तसेच यांना कळविण्यात आले आहे. वाघोली येथे खाणीमध्ये गणेशमुर्त्यांचे पुर्नविसर्जन करणेबाबत परिमंडळ निहाय दिवस ठरवून देण्यात आलेले असून त्यानुसार गणेशमुर्त्यांचे पुर्नविसर्जन केले जाणार आहे.

.
• पुणे महानगरपालिकेमार्फत सर्व नागरिकांना नैसर्गिक स्त्रोतात मूर्ती विसर्जन न करता पर्यायी मार्गाचा अवलंब करण्याचे आवाहन करण्यात येत आहे. याकरीता गणेशमूर्ती विसर्जनासाठी शहरातील विविध ठिकाणी कृत्रिम विसर्जन हौदाद्वारे मूर्ती विसर्जनाची सोय करण्यात आली आहे.
– १५ क्षेत्रिय कार्यालयांतर्गत एकूण ४२ बांधलेले हौद, एकूण २६५ ठिकाणी ५६८ लोखंडी टाक्या याठिकाणी मूर्ती विसर्जनाची सोय करण्यात आली आहे.
• १५ क्षेत्रिय कार्यालयांतर्गत एकूण २५२ ठिकाणी मूर्ती संकलन केंद्रे / मूर्ती दान केंद्रे उभारण्यात आली असून नागरिकांनी नैसर्गिक स्त्रोतात मूर्ती विसर्जन न करता जास्तीत जास्त प्रमाणात मूर्ती दान करावे याबाबत क्षेत्रिय कार्यालयांमार्फत जनजागृती करण्यात येत आहे.
• क्षेत्रिय कार्यालयांतर्गत सर्व कृत्रिम हौद व मूर्ती संकलनाच्या ठिकाणी निर्माल्य संकलनाची व्यवस्था करण्यात आली आहे. यासाठी २५६ निर्माल्य कलश/कंटेनरची व्यवस्था करण्यात येणार आहे.
-पुणे महानगरपालिकेमार्फत उभारण्यात आलेल्या सर्व यंत्रणाची सविस्तर माहिती www.pmc.gov.in या संकेतस्थळावर उपलब्ध करुन देण्यात येणार आहे.
• कोणीही निर्माल्य नदीपात्र, तलावात टाकू नये असे आवाहन मा. महापालिका आयुक्त यांनी सर्व पुणेकर नागरिकांना केले आहे.
• गणेशोत्सव २०२३ मध्ये पुणे महानगरपालिका व विविध स्वयंसेवी संस्थांमार्फत पुनरावर्तन उपक्रम राबविण्यात येणार आहे. यामध्ये ECOEXIST संस्था, स्वच्छ पुणे सेवा सहकारी संस्था व इतर विविध स्वयं सेवी संस्थांमार्फत गणेश विसर्जनानंतरची शाडूची माती संकलित करून त्याचा पुर्नवापर केला जाणार आहे. शाडू माती एक मर्यादित संसाधन
असून या मातीच्या उत्खननामुळे पर्यावरणाचा -हास होत आहे. मातीच्या मूर्तीचे विसर्जन केल्यामुळे गाळ निर्माण होऊन नदीपात्रात गाळ साठल्याने सागरी जीवनावर परिणाम होतो. या शाडू मातीचा पुर्नवापर केल्यास मूर्तीकारांना मूर्ती/माती परत देऊन त्यांना मदत करता येऊ शकते. पुनरावर्तन उपक्रमाबाबतची सविस्तर माहिती व शाडू माती संकलनाच्या
केंद्राविषयीची सविस्तर माहिती www.punaravartan.org या संकेतस्थळावर उपलब्ध करून
देण्यात आली आहे.

निर्माल्यामध्ये केवळ हार, पाने, फुले एवढ्याच गोष्टींचा समावेश होतो. त्यामध्ये प्लास्टिक, थर्माकॉल, कापडी वस्तू किंवा तसबिरी मुर्त्या किंवा त्यांचे अवशेष तसेच कुठलेही खाद्यपदार्थ टाकू नयेत. हे प्रासादिक निर्माल्य एकत्र करून त्याचे खत बनवून शेतक-यांना देण्यात येते.
-कुठल्याही वस्तू किंवा इतर कचरा निर्माल्यात टाकू नये असे आवाहन सर्व नागरिकांना करण्यात येत आहे
– कमिन्स इंडिया कंपनीच्या CSR च्या माध्यमातून निर्माल्यापासून खत निर्मिती करण्यात येणार आहे.
– क्षेत्रिय कार्यालयांमार्फत संकलित केलेल्या गणेश मूर्तीचे पुर्नविसर्जन करणेची व्यवस्था वाघोली येथील खाणीमध्ये तीन पाळ्यांमध्ये आवश्यक सेवक व पर्यवेक्षकीय अधिकारी नेमून घनकचरा व्यवस्थापन विभागामार्फत करण्यात आली आहे.
• सर्व क्षेत्रिय कार्यालयांना गणेशोत्सव कालावधीत पुणे शहरात सर्वत्र सार्वजनिक स्वच्छता राखली जाण्याच्या अनुषंगाने सर्व सार्वजनिक ठिकाणे, रस्ते, ओपन प्लॉट, क्रॉनिक स्पॉट, नदीपात्र, नदीघाट, विसर्जन हौदांची ठिकाणे, सार्वजनिक गणेश मंडळांचे परिसर या सर्व ठिकाणी स्वच्छता राखणेबाबत सूचित करण्यात आले आहे.
•वाघोली येथील खाणीच्या ठिकाणी जीवरक्षकांची नेमणूक करण्याबाबत नगररोड-वडगावशेरी क्षेत्रिय कार्यालयास कळविण्यात आले आहे.

• वाघोली येथील खाणीच्या ठिकाणी रखवालदार नियुक्त करण्याबाबत सुरक्षा विभागास कळविण्यात आले आहे.
• क्षेत्रिय कार्यालयाच्या मागणीनुसार आवश्यक गाड्यांची उपलब्धता करणेबाबत मोटार वाहन विभाग कळविण्यात आले आहे.

• पर्यावरणपूरकरीत्या गणेशोत्सव साजरा करण्याचे आवाहन सर्व नागरिकांना करण्यात आले असून पुणे महानगरपालिकेच्या सोशल मिडीया माध्यमाद्वारे VMDs, होर्डिंग्ज, बॅनर्स, पोस्टर्स इ.द्वारे जनजागृती करण्यात येत आहे.
• पुणे महानगरपालिकेमार्फत गणेशोत्सव कालावधीमध्ये एकूण ४०० मोबाईल टॉयलेट व १५० फिरत्या हौदांची व्यवस्था करण्यात येणार आहे.
• पुणे महापालिकेने पुणे शहरामधील ११८३ सार्वजनिक स्वच्छतागृहांची (CT/PT) माहिती टॉयलेटसेवा app मध्ये उपलब्ध करून दिली आहे. टॉयलेटसेवा app मध्ये पुणे शहरामधील कुठलाही पता टाकून पुणे महापालिकेची सार्वजनिक स्वच्छतागृहे शोधता येतील.
– गणेशोत्सवाच्या आधी पुणे शहरामधील सर्व सार्वजनिक स्वच्छतागृहांमध्ये QR Code स्टिकर्स लावले जातील. टॉयलेटसेवा app चा वापर करून नागरिकांनी या माहितीचा फायदा घ्यावा, सार्वजनिक स्वच्छतागृहांविषयीचा आपला अभिप्राय टॉयलेटसेवा app मधून रेटिंग्सच्या मार्फत आणि issues रिपोर्ट करून कळवावा असे आवाहन पुणे महानगरपालिकेमार्फत करण्यात आले आहे.

PMC Care | PMC CARE वर मिळवा गणेश विसर्जनाची माहिती | विसर्जन घाट, मूर्ती संकलन व दान केंद्रांची सविस्तर माहिती

Categories
Breaking News cultural PMC social पुणे

PMC Care | PMC CARE वर मिळवा गणेश विसर्जनाची माहिती

 

| विसर्जन घाट, मूर्ती संकलन व दान केंद्रांची सविस्तर माहिती

 

PMC Care | पुणे |  पुणे महानगरपालिकेचा (Pune Municipal Corporation) नव्या स्वरूपातील सिटीझन एंगेजमेंट प्लॅटफॉर्म PMC CARE नागरिकाभिमुख सेवा प्रदान करतो. त्यात सिटी अपडेट्स, ऑनलाईन मनपा सेवा, आसपासच्या डील्स आणि अजून बरेच काही उपलब्ध आहे. गुरुवार २८ सप्टेंबर रोजी गणपती विसर्जन आहे. त्यादृष्टीने पुणे महानगरपालिका (PMC Pune) सज्ज झाली आहे. महापालिकेच्या PMC CARE या सिटीझन एंगेजमेंट प्लॅटफॉर्मवर गणेश विसर्जनाविषयी माहिती उपलब्ध करून देण्यात आली आहे.

 

PMC CARE या सिटीझन एंगेजमेंट प्लॅटफॉर्मवर गणेशोत्सवाविषयी ब्लॉग्स, लेख नागरिक वाचू शकतात. तसेच गणेश विसर्जनाविषयी माहिती देखील या प्लॅटफॉर्मवर उपलब्ध करून देण्यात आली आहे. ॲप आणि पोर्टलच्या ‘माझ्या जवळ‘ या टॅबवर क्लिक केले की, नागरिक आपल्या जवळपासचे विसर्जन घाट, मूर्ती संकलन व दान केंद्र, गणेश मंडळे, पार्किंगची जागा, बंद रस्ते, पर्यायी मार्गांविषयी माहिती मिळवू शकतात. या यादीतील एखाद्या ठिकाणाला क्लिक केले की, आपल्याला त्या ठिकाणी कसे पोहोचायचे यासाठी मॅप देखील दिसतो. अशा प्रकारे पुणेकर नागरिक ही सर्व माहिती एका क्लिकवर मिळवू शकतील. त्यासाठी मात्र हे PMC CARE ॲप आपल्या मोबाईलमध्ये डाउनलोड करणे आवश्यक आहे. नागरिक त्यासाठी पुढील लिंकचा वापर करून ॲप डाउनलोड करू शकतात.

 

गूगल प्ले स्टोअरसाठी लिंक –  https://fxurl.co/rFshd 

iOS ॲपल ॲपसाठी लिंक – https://fxurl.co/4IJJ123

Ajit Pawar | Ganeshotsav 2023 | राज्यात जोमदार पाऊस पडूदे आणि बळीराजा सुखी, समाधानी होऊ दे | अजित पवार यांचे गणपतीकडे मागणे

Categories
Breaking News cultural Political social पुणे महाराष्ट्र

Ajit Pawar | Ganeshotsav 2023 | उपमुख्यमंत्री अजित पवार यांची पुण्यातील मानाच्या गणपतींसह इतर गणेश मंडळांना भेट

राज्यात जोमदार पाऊस पडूदे आणि बळीराजा सुखी, समाधानी होऊ दे | अजित पवार यांचे गणपतीकडे मागणे

Ajit Pawar | Ganeshotsav 2023 | पुणे | उपमुख्यमंत्री अजित पवार (Ajit Pawar) यांनी पुण्यातील मानाच्या गणपतींसह (Pune Manache Ganpati) विविध गणेश मंडळांना भेट देऊन श्री गणेशाचे दर्शन घेतले. राज्यात ज्या भागात अजूनही पाऊस पडलेला नाही त्या भागातही जोमदार पाऊस पडूदे आणि शेतकरी, बळीराजा सुखी, समाधानी होऊदे असे मागणे श्रीगणेशाकडे मागितल्याचे उपमुख्यमंत्री श्री. पवार म्हणाले.

गणेश मंडळांना भेटी व दर्शनाच्या प्रसंगी महाराष्ट्र राज्य महिला आयोगाच्या अध्यक्षा श्रीमती रुपाली चाकणकर, माजी उपमहापौर दीपक मानकर, गणेश मंडळाचे अध्यक्ष, पदाधिकारी आदी उपस्थित होते.

उपमुख्यमंत्री श्री. पवार यांनी श्री कसबा गणपतीची आरती केली. तसेच भाऊसाहेब रंगारी गणपती मंडळ, तांबडी जोगेश्वरी गणपती, लक्ष्मी मार्ग येथील गुरुजी तालिम मंडळ, तुळशीबाग येथील तुळशीबाग सार्वजनिक गणेशोत्सव मंडळ, श्रीमंत दगडूशेठ हलवाई गणेशोत्सव मंडळ, महात्मा फुले मंडई येथील अखिल मंडई गणेशोत्सव मंडळ, केसरीवाडा येथील लोकमान्य टिळक वाडा गणेशोत्सव मंडळ, सदाशिव पेठ येथील राजाराम मित्र मंडळ, साने गुरूजी तरुण मंडळ येथे दर्शन घेतले तसेच श्रीगणेशाची आरती केली. यावेळी त्यांचा मंडळांच्यावतीने सत्कार करण्यात आला.
0000