Tag: pune Police commissioner

Pune Police News Today | पत्रकार, महाविकास आघाडीचे कार्यकर्ते यांच्यावर लाठीमार करणारे पोलीस निरीक्षक पांढरे यांना त्वरित निलंबित करा | माजी आमदार मोहन जोशी

Categories
Breaking News Political पुणे

Pune Police News Today | पत्रकार, महाविकास आघाडीचे कार्यकर्ते यांच्यावर लाठीमार करणारे पोलीस निरीक्षक पांढरे यांना त्वरित निलंबित करा | माजी आमदार मोहन जोशी

 

Pune Police News Today | पुणे | शांततेने कार्यक्रम करणाऱ्या महाविकास आघाडीचे नेते, कार्यकर्ते आणि पत्रकार यांच्यावर नाहक लाठीमार करणारे चतुःश्रृंगी पोलीस ठाण्याचे निरीक्षक बालाजी पांढरे (Balaji Pandhare PI) यांना तातडीने निलंबित करावे, अशी मागणी माजी आमदार, प्रदेश काँग्रेसचे उपाध्यक्ष मोहन जोशी (Mohan Joshi Pune Congress) यांच्या नेतृत्वाखालील शिष्टमंडळाने पोलिस आयुक्त रितेश कुमार (Pune Police Commissioner Ritesh Kumar) यांच्याकडे निवेदनाद्वारे आज (शनिवारी) केली. (Pune Police News Today in Marathi)

या शिष्टमंडळात आमदार रवींद्र धंगेकर (Ravindra Dhangekar MLA Pune), शिवसेना शहरप्रमुख गजानन थरकुडे, अभय छाजेड, संजय बालगुडे, विरेंद्र किराड, रमेश अय्यर, प्रथमेश आबनावे, प्रशांत सुरसे, चैतन्य पुरंदरे आदी पदाधिकारी सहभागी झाले होते.

माजी नगरसेवक दत्ता बहिरट (Datta Bahirat Patil) यांच्या पुढाकाराने माता रमाई बाबासाहेब आंबेडकर जलकुंभ आशानगर , जनवादी येथे उभारणी केली. पालिकेच्या सभेत उदघाटनाचा ठरावही मंजूर करण्यात आला होता. असे असतानाही भाजपचे आमदार सिद्धार्थ शिरोळे यांनी दत्ता बहिरट यांना विश्वासात न घेता, आपली राजकीय पोळी भाजण्यासाठी हाच कार्यक्रम आपला म्हणून घेण्याचे ठरविले.

या प्रकाराचा निषेध नोंदवत महाविकास आघाडीने प्रतिकात्मक उदघाटनाचा कार्यक्रम ठेवला. त्याप्रमाणे पोलीस निरीक्षक बालाजी पांढरे यांच्याशी चर्चाही केली. शासनाच्या कार्यक्रमाच्या वेळी आम्ही कोणीही जाणार नाही, असेही त्यांना सांगितले. तरीही पांढरे यांनी सर्वांना ताब्यात घेण्याचे आदेश पोलीसांना दिले. त्यानंतर पोलिसांनी काँग्रेस नेते मोहन जोशी, आमदार रवींद्र धंगेकर, रमेश बागवे, गजानन थरकुडे, संजय बालगुडे, दत्ता बहिरट आणि महाविकास आघाडीचे कार्यकर्ते यांना धक्काबुक्की केली आणि लाठीमार करण्यात आला. एखाद्या अट्टल गुन्हेगाराला द्यावी तशी वागणूक आम्हाला दिली, त्याचा आम्ही निषेध करीत आहोत, असे पोलीस आयुक्तांना दिलेल्या निवेदनात म्हटले आहे.

तसेच पुढारी वृत्तपत्र समूहाचे पत्रकार आणि कॅमेरामन यांचा कॅमेरा हिसकावून त्यांना धक्काबुक्की केली, अटक करण्याचा प्रयत्न झाला, पोलीसांच्या या गैरवर्तणुकीचा आम्ही निषेध करीत आहोत, असे निवेदनात म्हटले आहे.

या प्रकाराची दखल घेऊन चौकशीसाठी समिती नेमत असून त्याचा अहवाल तीन दिवसांत येईल. त्यानुसार संबंधितांवर कारवाई करण्यात येईल, असे आश्वासन पोलीस आयुक्तांनी शिष्टमंडळाला दिले.

या शिष्टमंडळातउमेश वाघ,प्रवीण डोंगरे, चेतन अगरवाल, सुरेश कांबळे, आयुब पठाण, किशोर मारणे, जयकुमार ठोंबरे, दीपक ओव्हाळ, गोरख पळसकर, ज्योती परदेशी, गणेश शेडगे, फैय्याज अन्सारी, महेंद्र चव्हाण, रवी रजपूत, मंगेश थोरवे, राजू नाणेकर, कान्होजी जेधे, बाबा सय्यद, प्रशांत मिठापल्ली, सचिन बहिरट, नितीन जाधव, शेखर थोपटे, प्रथमेश लभडे, साहिल राऊत, गोरख बाळंदे, राज गेहलोत, साहिल भिंगे, उमेश काची, मंदार लांजेकर, समीर गांधी, युवराज मदगे, हेरॉल्ड मेस्सी, रोहन जाधव, अक्षय पाटील-खांगटे आदींचा समावेश होता.

Pune Drug Racket | Shivensena UBT | अमली पदार्थ व गुटख्याच्या विळख्यातून पुण्याला सोडवा | पुणे पोलिस आयुक्तांना शिवसेनेचे (UBT) निवेदन 

Categories
Breaking News Political social पुणे

Pune Drug Racket | Shivensena UBT | अमली पदार्थ व गुटख्याच्या विळख्यातून पुण्याला सोडवा | पुणे पोलिस आयुक्तांना शिवसेनेचे (UBT) निवेदन

 

Pune Drug Racket | Shivsena UBT | अमली पदार्थ व गुटख्याच्या (Pune Drug) विळख्यातून पुण्याला सोडवा, अशी मागणी शिवसेना पुणे (Shivsena Pune UBT) च्या वतीने करण्यात आली आहे. याबाबत पुणे पोलिस आयुक्तांना (CP Pune) निवेदन देण्यात आले आहे.

शिवसेनेच्या निवेदनानुसार  पुणे शहर विद्येचे माहेर घर म्हणून परिचित आहे, त्यासोबत भारतातील महत्वाचे आय टी हब म्हणून ही बघितले जाते. या शहरात तरुणांची संख्या मोठ्या प्रमाणात आहे, या तरुण पिढीला ड्रग, गांजा , गुटखा , या सारख्या अमली पदार्थ सेवन करण्यासाठी पुणे शहरात सहज उपलब्ध होत आहे. हे मागील काही शहरातील घटनांमधून निदर्शनास आले आहे. पुणे पोलीसांनी ड्रग्ज व्यावसायिकाला पकडल्यामुळे खूप मोठ रॅकेट हाती लागले आहे. त्याची पाळेमुळे खूप खोलवर रुजलेली आहेत. जे कोणी छोटे मोठे उत्पादक, व्यावसायिक, हितसंबंधित व्यक्ति अथवा राजकीय वरदहस्त ठेवलेले नेते या रॅकेटमधे सहभागी असतील त्या प्रत्येकावर कारवाई करून त्याचा तपास निष्पक्षपातीपणे व्हावा. अशी मागणी शिवसेना पक्ष म्हणून आम्ही करत आहोत . यामुळे पुणे शहर पोलिसांचा नावलौकिक जागतिक पातळीवर उंचावला जाईल.

तसेच अत्यंत महत्वाचे पुणे शहरात शाळा महाविद्यालयांच्या जवळ, वस्ती भागात अनेक पान टपऱ्यांमध्ये , दुकानांमध्ये तसेच काही व्यक्तींकडे आरोग्याला घातक गोष्टी सहज उपलब्ध होत आहेत आणि सर्रास पणे विकल्या जात आहेत. संपूर्ण महाराष्ट्रात बंदी असलेला गुटखा पुण्यात सहज उपलब्ध होऊन सर्रास पणे विकला जात आहे. आमच्या माहितीप्रमाणे रोज 20 कोटी रू चा गुटखा पुण्यात आणला जातो. बिनदिक्कतपणे त्याची विक्री होते आणि त्याचे सेवन केले जाते. कॅन्सरचे प्रमाण याच कारणाने दिवसेंदिवस वाढत आहे. पोलीस प्रशासनाचा यावर वचक असावा, असे आपणास सूचित करावयाचे आहे. सध्या तरी असे दिसते कि याचे मोठे उदाहरण ससून हाॅस्पिटल मधील ड्रग्ज रॅकेट हे आहे ,

यावेळी बोलताना संजय मोरे म्हणाले शिवसेना ( उद्धव बाळासाहेब ठाकरे) पुणे शहरातील तरुणांच्या आरोग्य , शिक्षण विषयात गांभीर्याने लक्ष देत असून आपण तत्पर यावर कारवाई करावी, अन्यथा शिवसेना सामान्य पुणेकरांसाठी वेळप्रसंगी रस्त्यावर उतरून सदर गुटखा भरलेल्या गाड्या अडवून संपूर्ण गुटख्याची होळी करून आम्ही जनआंदोलन घेण्यासही मागे पुढे पाहणार नाही .

यावेळी शिष्टमंडळात पुणे शहरप्रमुख संजय मोरे ,गजानन थरकुडे ,विधानसभाप्रमुख विशाल धनवडे, उत्तम भुजबळ, राजेश मोरे, अनंत घरत, मकरंद पेठकर उपस्थित होते.

CP Pune | PMC Pune | पावसाळ्यात पुणेकरांना नाहक त्रास होणार नाही याची काळजी घ्या | पुणे पोलीस आयुक्तांच्या पुणे महापालिकेला सूचना

Categories
Breaking News PMC social पुणे

CP Pune | PMC Pune | पावसाळ्यात पुणेकरांना नाहक त्रास होणार नाही याची काळजी घ्या | पुणे पोलीस आयुक्तांच्या पुणे महापालिकेला सूचना

CP Pune | PMC Pune | यावर्षी पावसाळा (Monsoon) सुरु होणेपुर्वी शहरातील वॉटर लॉगींगचे ठिकाणांची (Water Logging Places) व ड्रेनेजच्या झाकणांची (Drainage Covers) पाहणी करा. तसेच रस्त्यावरील खड्यांची (Potholes) पाहणी करुन तात्काळ दुरुस्ती आणि उपाययोजना करुन घेणे उचित होणार आहे. जेणेकरुन वाहतूक कोंडी (Traffic Jam) होणार नाही.  तसेच नागरीकांना नाहक त्रास होणार नाही. अशा सूचना पुणे पोलीस आयुक्त रितेश कुमार (CP Pune Ritesh Kumar) यांनी पुणे महापालिकेला (Pune Municipal Corporation) केल्या आहेत. (CP Pune | PMC Pune)

विकासकाम झाल्यानंतर काळजी घेतली जात नाही

पोलीस आयुक्तांनी महापालिकेला दिलेल्या पत्रानुसार पुणे शहरामध्ये विविध विकासकामे (Devlopment Works) सुरु असुन विविध विकासकामांकरीता रस्ते खोदाई ( ड्रेनेज लाईन / पिण्याचे पाईपलाईन / इलेक्ट्रीसीटी केबल / गॅस लाईन ) करण्यात येते. मात्र काम पूर्ण झालेनंतर त्या कामाकरीता खोदलले रस्ते तात्काळ दुरुस्त केले जात नाहीत. कंपनीने नियुक्त केलेला ठेकेदार खोदलेला रस्ता व्यवस्थित बुजवत नाहीत. खडी, माती टाकून बुजवलेल्या रस्त्यावरुन गाडी गेल्यास रस्ता लगेच खचून तो वाढतच जातो. त्यात पाणी साचल्याने खड्डे तयार होतात व असे खड्डे अपघातास कारणीभूत होतात.  विकास कामांकरीता रस्ते खोदाई झालेनंतर खोदलेला भाग बऱ्याच ठिकाणी तसाच ठेवला जात असून त्यामुळे वाहनचालक व नागरिकांना मोठया गैरसोयीला सामोरे जावे लागते. प्रसंगी अपघात होण्याची शक्यता वाढते. (Pune Police)

मेट्रोच्या कामाने अडचणी वाढल्या

पुणे शहरामधील अनेक रस्त्यावर मेट्रोचे कामकाज (Pune Metro) चालु असुन त्या कामाच्या अनषंगाने रस्त्यावर खोदण्याचे कामे करण्यात आलेली आहे. काम पुर्ण झालेनंतर त्याकारीता खोदलेले रस्ते दुरूस्त केले गेलेले नाहीत. त्यामध्ये तात्पुरती खडी, माती टाकुन ते बुजविण्यात येतात. या ठिकाणावरून वाहने जाऊन रस्ता खचला जातो. त्यामुळे मोठा खड्डा होऊन पावसाचे पाणी साठवुन अपघात होण्याची शक्यता असते. मेट्रोच्या कामाचा राडारोडा रस्त्यावर तसाच पडुन वाहतुकीची कोंडी होवुन नागरिकांना नाहक त्रास सहन करावा लागतो. मेट्रोच्या कामकाजाकरीता बरेच ठिकाणी बॅरीकेडस् करण्यात आले असुन मेट्रोचे कामकाज पुर्ण झालेनंतरही सदर ठिकाणाचे बॅरीकेडस् तसेच असल्याने वाहतुकीस कॅरेज वे कमी मिळुन अडथळा होवुन पावसाळयामध्ये सदर बॅरीकेडस् चुकविण्यात पावसाच्या पाण्यामुळे वाहने घसरून अपघात होतात. मेट्रोच्या बांधकामासाठी वापरण्यात आलेली मशिनरी रोडवर तशीच ठेवण्यात आलेली आहे.  त्यामुळे वाहतुकीस अडथळा होत असुन वाहन चालकांना कसरत करावी लागत आहे. (Pune Municipal Corporation News)

वाहनचालकांना करावी लागते कसरत

विविध कामांमुळे रस्त्यांची दूरावस्था होवून त्यामुळे वाहनचालकांना कसरत करावी लागत असून, पादचाऱ्यांना नेहमी जीव मुठीत घेवून रस्त्यावर चालावे लागत आहे. अनेक भागात सांडपाण्याची वाहिनी तुंबल्यामुळे अगर फुटल्यामुळे सांडपाणी रस्त्यावर साचल्यामुळे रस्ता वाहतूकीस उपलब्ध होत नाही. त्यामुळे वाहनचालकांना कसरत करावी लागते. अनेक ठिकाणी ड्रेनेजची तुटलेली झाकणे, रस्त्यावर अर्धवट बाहेर आलेली झाकणे यामुळे अपघातास निमंत्रण ठरते व रस्त्यावरचे खड्डे व अशी तुटलेली झाकणे चुकविण्याचे नादात वाहनचालकांचे वाहनावरचे लक्ष विचलीत होवून पायी चालणाऱ्या नागरिकांचा तसेच इतर वाहनचालकांचा जीव धोक्यात येऊ शकतो. (Pune police commissioner)

अनधिकृत फेरीवाल्यावर कारवाई आवश्यक

पुणे शहरामध्ये विविध ठिकाणी फुटपाथ, रस्ते या ठिकाणी विशेषतः शहराचे मध्यवर्ती भागात मोठया प्रमाणात अतिक्रमणे झाली आहेत परिणामी वाहतूकीस रस्ता कमी प्रमाणात उपलब्ध होत असल्याने वाहतूक
कोंडीच्या घटना घडत आहेत, रस्त्यावर वाहनांच्या लांबच लांब रांगा लागत आहेत. अशा ठिकाणी वाहनचालक रस्त्यातच वाहन उभे करीत असतात, फुटपाथवर झालेल्या अतिक्रमणांमुळे पादचाऱ्यांना रस्त्यावरुन चालावे लागते त्यामुळेही अपघात होण्याची शक्यता वाढते. याकरीता अशी अतिक्रमणे काढण्यात येवून फेरीवाले, पथारीवाले यांचेवर दैनंदिन कारवाई करणे आवश्यक आहे. त्यामुळे नागरिकांना फुटपाथवरुन चालणे शक्य होवून पादचाऱ्यांचे अपघात कमी होतील. तसेच त्यामुळे वाहतूक कोंडीही कमी होण्यास मदत होईल. (Hawker’s in Pune)

पार्किंग व्यवस्था उपलब्ध करणे आवश्यक

पुणे शहरामध्ये वाहनांची संख्या दिवसेंदिवस वाढत असून वाहनांकरीता पार्किंग उपलब्ध नसल्याने रोडवर वाहने पार्क होत असतात, याकरीता पुणे महानगरपालिके तर्फे जास्तीत जास्त पार्किंग व्यवस्था उपलब्ध करणे आवश्यक आहे. शहरामध्ये ज्या ज्या ठिकाणी बाजारपेठ / भाजीमंडई आहे अशा ठिकाणी महानगरपालिकेमार्फत पार्किंगची व्यवस्था / पार्किंग प्लाझा करणे गरजेचे आहे. (Parking Management)

सिग्नल यंत्रणा असणे गरजेचे

पुणे शहरामध्ये नव्याने समाविष्ट झालेल्या भागामध्ये बऱ्याच ठिकाणी चौकांमध्ये सिग्नल यंत्रणा उपलब्ध नसल्याने वाहतूक नियमन करणे जिकिरीचे होत आहे. त्यातच पुणे शहरातील प्रवेशाचे ठिकाणी जेथे अवजड वाहतूकीची संख्या जास्त आहे, अशा ठिकाणी रस्त्यांची रुंदी जास्त असणे तसेच चौकामध्ये सिग्नल व्यवस्था असणे गरजेचे आहे. (Signal Management)

वाहतूक कोंडीवर उपाययोजनासठी बैठक आवश्यक

पुणे शहरामध्ये वारंवार होणारी वाहतूक कोंडी सोडविण्यासाठी वरील सर्व स्टेक होल्डर्स यांची संयुक्त बैठक झाल्यास एकत्रित चर्चा होऊन पावसाळयापुर्वी उपाययोजना करणेबाबत तात्काळ अंमलबजावणी करणे सोयीचे होईल. जेणेकरुन पावसाळ्यामध्ये उद्भवणाऱ्या समस्यांमुळे व वाहतूक कोंडीमुळे नागरिकांना मनस्ताप सहन करावा लागणार नाही. तसेच पोलीसांना वाहतूक नियमन करणे सोईस्कर होईल. ( Pune Traffic update)

पावसाळ्यात खड्डे होणार नाहीत याची दक्षता घ्या

पावसामुळे शहरातील विविध ठिकाणी रस्त्यांवर खड्डे पडल्याने तसेच विविध कारणांमुळे रस्त्यावर मोठया प्रमाणात पाणी साठून वाहतूक कोंडी झाल्याने वॉटर लॉगींगचे ठिकाणांचे सर्वेक्षण करण्यात येवून वॉटर लॉगींग होणाऱ्या ठिकाणी उपाययोजना होणे आवश्यक आहे. मागील वर्षी पावसाचे पाणी साठून वॉटर लॉगींग
झाल्याने त्याचा परिणाम शहरातील वाहतूकीवर झाला होता, शहरामध्ये जागोजागी प्रचंड प्रमाणात वाहतूक
कोंडी होऊन नागरिकांची गैरसोय झाली होती. त्यामुळे नागरिकांना इच्छितस्थळी पोहोचणेसाठी त्रास सहन करावा लागला होता. वॉटर लॉगींगचे ठिकाणी रस्त्यांची दुरावस्था होऊन लहान मोठे अपघात झाले. तसेच जागोजागी ड्रेनेजचे झाकणातुन तुंबलेले पाणी रस्त्यावर येऊन बरीचशी वाहने रस्त्यात अडकुन पडल्याने
नागरिकांना त्रास झाल्याने प्रशासनास नागरिकांचा रोष सहन करावा लागला. या सर्व गोष्टी टाळण्यासाठी
पावसाळयापुर्वीच ड्रेनेज झाकणांची दुरुस्ती तसेच रस्त्यांची दुरुस्ती वेळेत होणे अत्यंत आवश्यक आहे. जेणेकरुन नागरिकांना तसेच प्रशासनास नाहक त्रास सहन करावा लागणार नाही व नागरिकांची गैरसोय
होणार नाही. माहितीचे अनुषंगाने यावर्षी पावसाळा सुरु होणेपुर्वी अशा वॉटर लॉगींगचे ठिकाणांची व ड्रेनेजच्या झाकणांची पाहणी तसेच रस्त्यावरील खड्यांची पाहणी करुन तात्काळ दुरुस्ती / उपाययोजना करुन घेणे उचित राहील जेणेकरुन वाहतूक कोंडी होणार नाही तसेच नागरीकांना नाहक त्रास होणार नाही. असे पोलिस आयुक्तांनी आपल्या पत्रात म्हटले आहे.
—-
News Title | CP Pune |  PMC Pune |  Take care that Pune residents do not face any hardship during monsoon season  Notice of Pune Police Commissioner to Pune Municipal Corporation

MNS : Police Commissioner : जनजागृती अभियान कार्यक्रम हाती घेऊन पुणे शहरातील ध्वनिप्रदूषण थांबवा : मनसेची पोलिस आयुक्तांकडे मागणी

Categories
Breaking News Political पुणे

जनजागृती अभियान कार्यक्रम हाती घेऊन पुणे शहरातील  ध्वनिप्रदूषण थांबवा

: मनसेची पोलिस आयुक्तांकडे मागणी

पुणे : पुणे शहरातील अनेक धार्मिकस्थळांवर बेकायदेशीर  लाऊडस्पीकर लावण्यात आलेले आहेत त्यावर कायदेशीर कारवाई करण्यात यावी. नागरिकांनी फोन, व्हाट्सएप, मेल अथवा पत्र पाठवून कळविले तरी आपण गंभीर दखल घेऊन त्याबाबतीतही  योग्य ती  कार्यवाही करावी. तसेच ध्वनिप्रदूषणाच्या विषयी पुणे पोलिसांकडून जनजागृती अभियान कार्यक्रम हाती घेऊन पुणे शहरातील
ध्वनिप्रदूषण थांबवावे, अशी मागणी शहर मनसे कडून पोलीस आयुक्त अमिताभ गुप्ता यांच्याकडे करण्यात आली आहे. याबाबत मनसेच्या शिष्टमंडळाने आयुक्तांना निवेदन देखील दिले आहे.
मनसेच्या शिष्टमंडळाचे पोलीस आयुक्तांना निवेदन
शहर मनसेच्या निवेदनानुसार राजसाहेब ठाकरे यांनी सातत्याने आवाज उठवत सर्वसामान्य जनतेला त्रासदायक ठरणाऱ्या भोंग्या  बाबत मनसे ची भूमिका मांडली आहे . या भूमिके नुसार व सर्वोच्च न्यायालयाने पर्यावरण संरक्षणाचा कायदा सन 1986 व ध्वनी प्रदूषण अधिनियम 2000 मधील तरतूदींचे सक्त पालन करण्याबाबत मार्गदर्शक सूचना दिलेल्या आहेत. त्यानूसार रात्री 10 वाजल्यापासून सकाळी 6 वाजेपर्यंत लाऊड स्पीकर, फटाके, वाद्ये वाजविण्यास सक्त बंदी केलेली आहे.
 तसेच सकाळी 6 वाजल्यापासून रात्री 10 वाजेपर्यंत सुध्दा लाऊड स्पीकर, फटाके, वाद्ये इत्यादी मर्यादा ठेवण्यात आल्या आहेत.
ध्वनिप्रदूषणाचा त्रास हा लोकांच्या आरोग्यालाही होतो. त्याचे दुष्परिणाम खूप आहेत. ध्वनिप्रदूषण करणाऱ्यांवर कारवाई करा, असे आदेश उच्च न्यायालयाने वारंवार दिल्यानंतरही पुणे पोलिसांकडून सक्त कारवाई होताना दिसत नाही. त्यामुळे शहरातील ध्वनिप्रदूषणाला चाप लावण्यासाठी काय करणार, असा यक्ष प्रश्न निर्माण झालेला आहे. या विषयी  कृती आराखडाच आता उच्च न्यायालयाने मुंबई पोलिस आयुक्तांकडे मागितला असल्याचे समजते. अशी वेळ पुणे पोलीसांवर येऊ नये  पोलिसांच्या या कारवाई दिरंगाईबद्दल सर्वसामान्यांमध्येही नाराजी आहे.
ध्वनिप्रदूषणाचाअत्यंत गंभीर प्रश्न असून ध्वनिप्रदूषणाच्या बाबतीत पोलिसांकडून अजूनही अपेक्षेप्रमाणे कार्यवाही होताना दिसत नाही . फोनवरील तक्रारीची तात्काळ दखल घेऊन कारवाई केली जातानाही पाहायला मिळत नाही. आता न्यायालयाच्या दट्ट्यानंतर तरी पोलिस या गंभीर प्रश्नाची दखल घेऊन कार्यवाही करावी अशी सामान्य जनतेची  अपेक्षा आहे. पुणे शहरातील अनेक धार्मिकस्थळांवर बेकायदेशी लाऊडस्पीकर लावण्यात आलेले आहेत त्यावर कायदेशीर कारवाई करण्यात यावी. नागरिकांनी फोन, व्हाट्सएप, मेल अथवा पत्र पाठवून कळविले तरी आपण गंभीर दखल घेऊन त्याबाबतीतही  योग्य ती  कार्यवाही करावी. तसेच ध्वनिप्रदूषणाच्या विषयी पुणे पोलिसांकडून जनजागृती अभियान कार्यक्रम हाती घेऊन पुणे शहरातील
ध्वनिप्रदूषण थांबवावे. असे मनसेच्या वतीने निवेदनात म्हटले आहे.

PMC : अतिक्रमण कारवाई दरम्यान मनपा कर्मचाऱ्यांना मारहाण करणाऱ्या विरोधात कठोर कारवाई करा  : महापालिका संघटनाची पोलीस आयुक्तांकडे मागणी 

Categories
PMC पुणे

अतिक्रमण कारवाई दरम्यान मनपा कर्मचाऱ्यांना मारहाण करणाऱ्या विरोधात कठोर कारवाई करा

: महापालिका संघटनाची पोलीस आयुक्तांकडे मागणी

पुणे : धानोरी परिसरात अतिक्रमण निर्मुलन कारवाई दरम्यान
पुणे महानगरपालिकेतील कर्मचारी यांचेवर जबर मारहाण करण्यात आली होती. या मारहाण करणाऱ्या लोकांविरोधात कठोर कायदेशीर कारवाई करावी. अशी मागणी महापालिकेतील कमर्चारी संघटनांनी पोलीस आयुक्त यांच्याकडे केली आहे.
: पोलीस आयुक्त यांना दिले पत्र
पीएमसी एम्प्लॉईज युनियन, पुणे महापालिका कामगार युनियन, पुणे मनपा अभियंता संघ, पुणे मनपा डॉक्टर्स असोसिएशन यांनी याबाबत पोलीस आयुक्तांना पत्र दिले आहे. त्यानुसार  मंगळवार २९/०३/२०२२ रोजी दु.२.३० चे सुमारास धानोरी येथे नगररोड वडगाव शेरी व येरवडा क्षेत्रीय कार्यालयामार्फत राबविण्यात आलेल्य अतिक्रमण निर्मुलन कारवाईच्या वेळी अतिक्रमण निर्मुलन पथकातील अनिल परदेशी व जेसीबी चालकास काही  लोकांनी गर्दीचा फायदा घेऊन जबर मारहाण केली.  त्यात त्यांना गंभीर दुखापत झालेली आहे.  अनिल परदेशी यांना सह्याद्री रुग्णालय,शास्त्रीनगर येथे तपासणीसाठी पुन्हा दाखल करण्यात आले होते.  या दुर्दैवी हल्ल्यामुळे पुणे महापालिकेतील सेवकांमध्ये तीव्र भावना निर्माण झाल्या असून सदर हल्लेखोर आरोपींवर कठोर कायदेशीर कारवाई व्हावी अशी सर्व सेवकांची व सर्व कर्मचारी संघटनांची मागणी आहे. तरी, मंगळवार,दि.२९/०३/२०२२ रोजी उपरोक्त ठिकाणी घडलेल्या हल्ल्यातील आमचे पुणे मनपाचे जखमी कर्मचारी यांना न्याय मिळावा याकरिता सदर घटनेतील दोषी व्यक्तींविरुद्ध तात्काळ कठोर कायदेशीर कारवाई व्हावी. अशी मागणी पत्राच्या माध्यमातून करण्यात आली आहे.