Tag: MLA sunil Tingre

Housing societies | MLA Sunil Tingre | गृहनिर्माण सोसायट्यांमध्ये नगरसेवकाच्या निधीमधून विकास कामे करण्यास मंजूरी द्या  | आमदार सुनील टिंगरे यांची महापालिका आयुक्ताकडे मागणी 

Categories
Breaking News PMC Political पुणे

गृहनिर्माण सोसायट्यांमध्ये नगरसेवकाच्या निधीमधून विकास कामे करण्यास मंजूरी द्या

| आमदार सुनील टिंगरे यांची महापालिका आयुक्ताकडे मागणी

पुणे | महाराष्ट्र शासनाच्या नियोजन विभागाने, आमदार स्थानिक विकास कार्यक्रमाअंतर्गत, नागरी स्थानिक स्वराज्य संस्थांच्या क्षेत्रात सहकारी गृहनिर्माण संस्थेच्या जागेवर, आमदार निधीची कामे अनुज्ञेय केलेली आहेत. त्याच धर्तीवर महानगरपालिका क्षेत्रातील, गृहनिर्माण सोसायट्यांमध्ये कामे करण्यास नगरसेवक निधी अनुज्ञेय करावा, अशी मागणी राष्ट्रवादीचे आमदार सुनील टिंगरे यांनी महापालिका आयुक्ताकडे केली आहे.

आमदार टिंगरे यांच्या पत्रानुसार  शहरामध्ये नगरसेवकांना नगरसेवक निधी वापरण्यास खुप मोठया प्रमाणात अडचणी निर्माण होताना दिसून येत आहे. पुणे महानगरपालिका क्षेत्रात नागरीक मोठया प्रमाणात सहकारी गृहनिर्माण सोसायट्यामध्ये वास्तव्यास आहेत. त्यांच्या सोसायटी परिसरात विकास कामे करतांना मोठया प्रमाणात तांत्रिक व शासकीय अडचणी निर्माण होत आहेत. नगरसेवकांना नगरसेवकांचा विकास निधी खर्च करण्याकरीता अनेकदा जागेचा प्रश्न निर्माण होतांना दिसून येत आहे. तसेच सहकारी गृहनिर्माण सोसायट्यांमधील नागरीक वारंवार आपल्या समस्या घेऊन नगरसेवकांकडे येत असतात. सहकारी नागरीक हे महानगरपालिकेचे पाणी पट्टी, घरपट्टी मालमत्ता कर असे विविध कर नियमीत भरत असतात.
परंतु महानगरपालिकेद्वारा सहकारी गृहनिर्माण संस्थांमध्ये मुलभुत विकासाची कामे करण्यात येत नाहीत. बऱ्याच समस्या हया त्यांच्या सोसायटीमधील रस्ते, ड्रेनेज विद्यूत, पावसाळी लाईन, आदी मुलभूत सुविधांसंदर्भात असतात. त्यामुळे नगरसेवकांना त्यांच्या समस्यांचे निराकरण करणे आवश्यक आहे.

पत्रात पुढे म्हटले आहे कि, २२ जून २०२२ रोजी महाराष्ट्र शासनाच्या नियोजन विभागाने, आमदार स्थानिक विकास कार्यक्रमाअंतर्गत, नागरी स्थानिक स्वराज्य संस्थांच्या क्षेत्रात सहकारी गृहनिर्माण संस्थेच्या जागेवर, आमदार निधीची कामे अनुज्ञेय केलेली आहेत. त्याच धर्तीवर महानगरपालिका क्षेत्रातील, गृहनिर्माण सोसायट्यांमध्ये कामे करण्यास नगरसेवक निधी अनुज्ञेय करावा. असे ही म्हटले आहे.

MLA Fund | Sunil Tingre | सोसायट्यांमध्ये होणार आता आमदार निधीतून विकासकामे

Categories
Breaking News Political social पुणे महाराष्ट्र

सोसायट्यांमध्ये होणार आता आमदार निधीतून विकासकामे

– आमदार सुनिल टिंगरे यांच्या पाठपुराव्याला यश

पुणे |  शहरी भागातील सहकारी गृहनिर्माण सोसायट्यांमध्ये आता स्थानिक आमदार निधीच्या माध्यमातून विकासकामे करता येणार आहेत. त्यानुसार एका सोसायट्यांमध्ये जास्तीत जास्त 50 लाखापर्यंतची विकासकामे करता येणार असून त्यामध्ये रस्ते, पेव्हिंग ब्लॉक़, सीसीटिव्ही कॅमेरे अशा कामांचा समावेश आहे.
          राष्ट्रवादी काँग्रेसचे वडगाव शेरीचे आमदार सुनिल टिंगरे यांनी सोसायट्यांमध्ये विकासकामे करण्यास परवानगी मिळावी यासाठी गेली वर्षभर सातत्याने पाठपुरावा केला होता. त्यानुसार उपमुख्यमंत्री अजित पवार यांनी पुढाकार घेतला. त्यानुसार राज्य शासनाने हा निर्णय घेतला आहे. यापुर्वी आमदार निधीतून सहकारी सोसायट्यांमध्ये विकासकामे करता येत नव्हती. त्यात अनेक सोसायट्यांमधील नागरि समस्या सोडविण्यास मर्यादा येत होती. या निर्णयाने मात्र सोसायटीधारकांनाही मोठा दिलासा मिळणार आहे. दरम्यान या कामांसाठी काही अटी शर्ती घालून दिल्या आहेत. त्यानुसार एका आमदाराला एका वर्षात अडीच कोटींची विकासकामे करता येणार आहेत. संबधित सहकारी गृहनिर्माण संस्थेची नोंदणी महाराष्ट्र सहकारी संस्थेतंर्गत झालेली असणे बंधनकारक आहे. तसेच या सोसायटीला महापालिकेची मंजुरी असणे म्हणजेच भोगवटापत्र असणे आवश्यक आहे.

सोसायट्यांमध्ये करता येणारी विकासकामे

– रस्त्यांचे डांबरीकरण करणे
– सिस्थेटिंक रस्ते विकसीत करणे
– सोसायट्यांतील रस्त्यांवर पेव्हिंग बसविणे
– जॉगिग ट्रॅक विकसीत करणे
– व्यायाम शाळा अथवा छोटे मैदान करणे
– छोटे उद्यान आणि ट्रि गार्डन करणे
– सीसीटिव्ही कॅमेरे आणि अग्निशमन यंत्रणा बसविणे
– इलेट्रिक व्हेईकल चार्जींग स्टेशन उभारणे
– सोलर सिस्टीम यंत्रणा बसविणे
– सांडपाणी प्रक्रिया प्रकल्प उभारणे
– कचरा प्रक्रिया प्रकल्प उभारणे
– रेन हार्विस्टिंग प्रकल्प उभारणे
———————————
शहरी भागातील मोठ्या सोसायट्यांमध्ये काही हजार नागरिक असतात. त्यात विकासकामे करण्यास परवानगी नव्हती. प्रामुख्याने सोसायट्यांतील रहिवाशांना फ्लॅटचे हप्ते, मिळकतकर, मेंटेन्स याचा खर्चाचा भार सहन करावा लागत असल्याने सोसायट्यातील अंतर्गत विकासकामे करण्यास अडचण येत होती. आता मात्र हा प्रश्न सुटणार आहे.
             सुनिल टिंगरे, आमदार, राष्ट्रवादी काँग्रेस.

Yerwada, Kalas, Dhanori : MLA Sunil Tingre : पुराचे पाणी शिरु नये यासाठी अल्पकालीन व दीर्घकालीन उपाययोजनांवर अमल करावा : आमदार सुनिल टिंगरे यांचे निर्देश

Categories
Breaking News PMC Political पुणे

 पुराचे पाणी शिरु नये यासाठी अल्पकालीन व दीर्घकालीन उपाययोजनांवर अमल करावा

: आमदार सुनिल टिंगरे यांचे निर्देश

: पूरग्रस्त ठिकाणची केली पाहणी.

पुणे:  येरवडा कळस धानोरी लोहगाव क्षेत्रिय कार्यालय अंतर्गत येणाऱ्या  भागात पावसाचे पाणी शिरू नये यासाठी आवश्यक उपाय योजना करण्याच्या सूचना महापालिका अधिकाऱ्यांना दिल्या आहेत. मात्र तरीही यावर्षी  पुन्हा नागरीकांच्या घरात पुराचे पाणी शिरण्याचे प्रकार घडल्यास संबधित महापालिका अधिकाऱ्यांना जबाबदार धरून कारवाईची मागणी विधी मंडळात केली जाईल असा इशारा पाहणी करताना आमदार सुनिल टिंगरे यांनी दिला आहे.
          येरवडा कळस धानोरी लोहगाव क्षेत्रिय कार्यालय अंतर्गत येणार्या भागात गेल्या काही वर्षांपासून पावसाळ्यात सातत्याने पाणी घुसून नागरिकांचे नुकसान होत आहे. महापालिकेकडून तरीही ठोस उपाय योजना होत नाही.  येत्या पावसाळ्यात पुन्हा पूर परिस्थितीमुळे नागरिकांचे नुकसान होऊ नये यासाठी ज्या जागी पूराचे पाणी जमा होते अशा पूरग्रस्त ठिकाणे आणि नालेसफाईची कामे यांची पाहणी आमदार टिंगरे यांनी महापालिका अधिकारांसमवेत येरवडा कळस धानोरी लोहगाव क्षेत्रिय कार्यालय अंतर्गत येणार्या विविध भागात प्रत्यक्ष जागेवर जाऊन केली. त्यात प्रामुख्याने डाॅ बाबासाहेब आंबेडकर काॅलिनी, फुलेनगर, प्रतिकनगर, शांतीनगर, गंगा कूंज सोसायटी कळस, वैभव काॅलनी, धनेश्वर शाळा मुंजाबा वस्ती धानोरी, मयुर किलबिल सोसायटी लगत नाला धानोरी, लक्षमीनगर सोसायटी धानोरी, संकल्प सोसायटी लोहगाव, कर्मभूमी नगर लोहगाव व कलवड याठिकाणी प्रत्यक्ष भेट देऊन पाहणी केली.
         यावेळी आमदार टिंगरे यांनी प्रत्येक पूराने बाधित ठिकाणी जाऊन पूर परिस्थिती निर्माण होण्याची कारणे काय आहेत, त्यावर तत्कालीन आणि दीर्घकालीन काय काय उपाययोजना करतील यातील माहिती अधिकाऱ्याकडून घेतली. तसेच याबाबत अधिकाऱ्यांना अहवाल सादर करण्याच्या सूचना केल्या. या संदर्भात येत्या गुरुवारी आयुक्तांच्या दालनात बैठक घेण्यात येणार असल्याचे ही आमदार सुनिल टिंगरे यांनी दिली. यावेळी मा.नगरसेविका शितल सावंत, शशि टिंगरे, अशोक खांदवे, नवनाथ मोझे, बंडू खांदवे, राजेंद्र खांदवे, मिलिंद खांदवे, विश्वास खांदवे, मा. नगरसेवक सतिश म्हस्के, डाॅ. राजेश साठे, निखिल गायकवाड, बंटी म्हस्के, विनोद पवार, सतिश धापटे, राहुल म्हस्के, दाजी शेटकर, सिध्दार्थ कांबळे, सुभाष खेसे, कुलदीप शर्मा, महेश खांदवे, अमित जंगम, राहुल टेकवडे, पंकज निकाळजे, बाबू कांबळे  पुणे महानगरपालिका मलःनिसरण विभागाचे कार्यकारी अभियंता रविंद्र मुळे, उप अभियंता विनायक शिंदे, कनिष्ठ अभियंता खरे, येरवडा कळस धानोरी क्षेत्रिय कार्यालयाचे पुणे मनपा सहायक आयुक्त वैभव कडलख,  उप अभियंता व कनिष्ठ अभियंता उपस्थित होते.

MLA Sunil Tingre : वडगाव शेरीत पुराचे पाणी शिरल्यास थेट अधिकाऱ्यांवर कारवाई : आमदार सुनिल टिंगरे यांचा इशारा

Categories
Breaking News PMC Political पुणे

वडगाव शेरीत पुराचे पाणी शिरल्यास थेट अधिकाऱ्यांवर कारवाई

: आमदार सुनिल टिंगरे यांचा इशारा

: पूरग्रस्त ठिकाणची केली पाहणी.

पुणे :  वडगाव शेरीतील विविध भागात पावसाचे पाणी शिरू नये यासाठी आवश्यक उपाय योजना करण्याच्या सूचना महापालिका अधिकाऱ्यांना दिल्या आहेत. मात्र तरीही यावर्षी  पुन्हा नागरीकांच्या घरात पुराचे पाणी शिरण्याचे प्रकार घडल्यास संबधित महापालिका अधिकाऱ्यांना जबाबदार धरून कारवाईची मागणी विधी मंडळात केली जाईल असा इशारा आमदार सुनिल टिंगरे यांनी दिला आहे.
          वडगाव शेरीतील विविध भागात गेल्या काही वर्षांपासून पावसाळ्यात सातत्याने पाणी घुसून नागरिकांचे नुकसान होत आहे. महापालिकेकडून तरीही ठोस उपाय योजना होत नाही.  येत्या पावसाळ्यात पुन्हा पूर परिस्थितीमुळे नागरिकांचे नुकसान होऊ नये यासाठी ज्या जागी पूराचे पाणी जमा होते अशा पूरग्रस्त ठिकाणे आणि नालेसफाईची कामे यांची पाहणि आमदार टिंगरे यांनी महापालिका अधिकारांसमवेत वडगाव शेरीतील विविध भागात प्रत्यक्ष जागेवर जाऊन केली. त्यात प्रामुख्याने विमाननगर, शास्त्रीनगर, कल्याणीनगर, सोमनाथनगर, आदर्शनगर, हरीनगर, गार्डेनिया सोसायटी, करण घरोंदा, डाॅन बाॅस्को शाळा, पार्क आयलंड सोसायटी, कल्याणीनगर जाॅगर्सपार्क शेजारील नाळा, आनंदा हायईट्स, थिटेवस्ती, चंदननगर पोलिस स्टेशन, पिट्टी मैदान याठिकाणी प्रत्यक्ष भेट देऊन पाहणी केली.
         यावेळी आमदार टिंगरे यांनी प्रत्येक ठिकाणी जाऊन पूर परिस्थिती निर्माण होण्याची कारणे काय आहेत, त्यावर तत्कालीन आणि दीर्घकालीन काय काय उपाययोजना करतील यातील माहिती अधिकार्यनाकडून घेतली. तसेच याबाबत अधिकाऱ्यांना अहवाल सादर करण्याच्या सूचना केल्या.
यावेळी नारायण गलांडे, उषा कळमकर, नाना नलवडे, प्रमोद देवकर, माऊली कळमकर, आशिष माने, निता गलांडे, आनंद सरवदे, अभिजित रोकडे, प्रभा बागळकोटकर, बाबासाहेब गलांडे, मनोज पाचपुते, कुलदीप वर्मा, समीर शेख, मोरेश्वर चांधरे,  पुणे महानगरपालिका मलःनिसरण विभागाचे कार्यकारी अभियंता रविंद्र मुळे, उप अभियंता विनायक शिंदे, कनिष्ठ अभियंता सिध्दाराम पाटील, नगररोड क्षेत्रिय कार्यालयाचे पुणे मनपा सहायक आयुक्त सुहास जगताप,  उप अभियंता व कनिष्ठ अभियंता उपस्थित होते.

NCP’s agitation : शरद पवार यांच्यावर झालेल्या हल्ल्याच्या निषेधार्थ पुणे राष्ट्रवादीचे आंदोलन 

Categories
Breaking News Political पुणे महाराष्ट्र

शरद पवार यांच्यावर झालेल्या हल्ल्याच्या निषेधार्थ पुणे राष्ट्रवादीचे आंदोलन

पुणे : शरद पवार यांच्या मुंबई येथील निवासस्थानी महाराष्ट्राच्या झालेल्या भ्याड हल्ल्याचा जाहीर निषेध करण्यासाठी राष्ट्रवादी काँग्रेस पार्टीच्या शेकडो कार्यकर्त्यांनी बालगंधर्व चौक येथे तीव्र निषेध आंदोलन केले.

राष्ट्रवादी काँग्रेस पार्टीचे शहराध्यक्ष  प्रशांत जगताप म्हणाले, एस.टी. कर्मचाऱ्यांच्या संपाचा विषय हा पूर्णपणे न्यायप्रविष्ट असताना तसेच  शरद पवारसाहेबांचा या विषयाशी काहीही संबंध नसताना निव्वळ विरोधी पक्ष भाजप व भाजपचे प्रवक्ते असणारे वकील गुणरत्न सदावर्ते एसटी कर्मचाऱ्यांची माथी भडकवण्याचे काम करत आहेत. जेव्हापासून  पवारसाहेबांच्या महाविकास आघाडीच्या प्रयोगामुळे राज्यातील सत्ता देवेंद्र फडणवीस यांच्या हातून गेली आहे, तेव्हापासून वारंवार फडणविसांनी वेगवेगळ्या माध्यमातून आदरणीय शरदचंद्रजी पवार साहेब यांच्या बाबतीत टीका-टिप्पणी करण्यासाठी आपल्या बगलबच्च्यांना पुढे केले आहेत. गोपीचंद पडळकर,चित्रा वाघ, प्रसाद लाड, गुणरत्न सदावर्ते ही पूर्णपणे भाजपची पिलावळ असून देशाच्या विकासात अमुल्य योगदान देणाऱ्या देणे शरदचंद्रजी पवार साहेब यांच्याबद्दल इतक्या खालच्या पातळीचे राजकारण महाराष्ट्राच्या इतिहासात यापूर्वी कधीही झाले नव्हते. एकीकडे ईडी, सीबीआय या सर्व केंद्रीय यंत्रणा खोट्या कारवाया करत आमच्या नेत्यांना बदनाम करत आहेत, तर दुसरीकडे अतिशय खालच्या पातळीवर जाऊन आपल्या दुसऱ्या फळीतील नेत्यांकडून अशा प्रकारची विधाने करून घेणे, एसटीचा संप चिघळवणे या सर्व खेळ्यानमागचे सूत्रधार देवेंद्र फडणवीस हेच आहेत.

“आज झालेला हा हल्ला पूर्णपणे भाजप प्रणित आहे त्याची उच्चस्तरीय चौकशी करावी व हल्ल्याच्या मागचे नेमके सूत्रधार शोधून काढावेत” ,अशी मागणी राष्ट्रवादी काँग्रेस पार्टीचे शहराध्यक्ष  प्रशांत जगताप यांनी केली आहे.

यावेळी संपूर्ण परीसर “देश का नेता कैसा हो …शरद पवार जैसा हो” , “महाराष्ट्राचा बुलंद आवाज, शरद पवार.. शरद पवार…” , ” पवार साहेब तुम आगे बढो..हम तुम्हारे साथ है….” या घोषणांनी संपूर्ण जंगली महाराज रस्ता दणाणून सोडला होता.

या प्रसंगी शहराध्यक्ष  प्रशांत जगताप प्रवक्ते प्रदीप देशमुख, दिपक मानकर, रवींद्र माळवदकर,वनराज आंदेकर,महेंद्र पठारे,रुपाली ठोंबरे पाटील,महेश हांडे,मृणालिनी वाणी, गणेश नलावडे,रेखा टिंगरे,अब्दुल हाफिज,विक्रम जाधव,दिपक कामठे, आदींसह शेकडो कार्यकर्ते उपस्थित होते.

राष्ट्रीय नेते, खासदार शरदचंद्रजी पवार साहेब यांच्या निवासस्थानी झालेल्या भ्याड हल्ल्याचा आम्ही तीव्र निषेध करतो. पवार साहेब यांनी विविध घटकांचे प्रश्न सोडवण्यासाठी आयुष्य वेचले. मात्र एस टी कर्मचाऱयांची दिशाभूल करून त्यांना भडकाविन्याचा प्रयत्न काही मंडळींनी सातत्याने केला. या हल्ल्यामागील असलेला “मास्टर माईंड” शोधून त्यांच्यावर कडक कारवाई करावी अशी आमची मागणी आहे.

– सुनिल टिंगरे, आमदार, वडगाव शेरी.

MLA Sunil Tingre : महापालिकेच्या अधिकाऱ्यांवर आमदार सुनील टिंगरे यांनी आणला हक्कभंग

Categories
Breaking News PMC Political पुणे महाराष्ट्र

महापालिकेच्या अधिकाऱ्यांवर आमदार सुनील टिंगरे यांनी आणला हक्कभंग

 : विकास कामांसाठी ना हरकत प्रमाणपत्र न दिल्याने होणार कारवाई

पुणे :  वारंवार पाठपुरावा करूनही विविध विकास कामांसाठी ना हरकत प्रमाणपत्र न दिल्याने राष्ट्रवादी काँग्रेसचे आमदार सुनिल टिंगरे यांनी महापालिकेच्या अधिकाऱ्यांवर हक्कभंगाचा प्रस्ताव मांडला आहे. आता या प्रकरणी विधी मंडळ सचिवायलयाने संबधित अधिकाऱ्यांना नोटीसा बाजाविल्या आहेत.
               वडगाव शेरी मतदारसंघातील विविध झोपडपट्या आणि दलित वस्तीमध्ये दिड कोटी रुपयांची विविध विकासकामे आमदार टिंगरे यांनी त्यांच्या आमदार निधीतून सुचविली होती. सार्वजनिक बांधकाम विभागाने  झोपडपट्टीमधील ही कामे करण्यासाठी महापालिकेचे ना हरकत पत्र मागविले होते. त्यानुसार आमदार टिंगरे यांनी नगर रस्ता आणि येरवडा क्षेत्रिय कार्यालयाच्या संबधित अधिकाऱयांकडे या कामांसाठी ना हरकत प्रमाणपत्र देण्याची मागणी केली होती. यासंदर्भात दि. 6 जानेवारीला जिल्हाधिकारी आणि महापालिका अधिकाऱयांची बैठक झाली. त्यात दोन दिवसांत हे ना हरकत प्रमाणपत्र देण्याचे आश्वासन महापालिकेकडून देण्यात आले होते.  त्यानंतर दि. 12 जानेवारीला आमदार टिंगरे यांनी पालिका आयुक्तांची भेट घेऊन ना हरकत पत्राची मागणी केली होती.  मात्र, त्यानंतर वारंवार पाठपुरावा करूनही हे पत्र मिळाले नाही. जिल्हाधिकारी यांनी ही महापालिकेला दोन वेळा स्मरणपत्र पाठविले होते. त्यानंतरही पालिका प्रशासनाकडून टाळाटाळ करण्यात आली. अखेर मार्च अखेरीस या कामांसाठी देण्यात आलेला निधी लॅप्स होण्याची वेळ आली. त्यामुळे आमदार टिंगरे यांनी या प्रकरणी विधी मंडळाच्या प्रधान सचिवांकडे तक्रार केली. त्यात त्यांनी वारंवार पाठपुरावा करूनही  पालिकेच्या संबधित अधिकाऱयांनी विकास कामांसाठी ना हरकत प्रमाणपत्र न देऊन माझ्या कामांमध्ये जाणीवपूर्वक अडथळा आणला.
अशा प्रकारे लोकप्रतिनिधीना अपमानास्पद वागणूक व मानसिक त्रास देऊन संबधित अधिकारयांनी अवमान केला असल्याने त्यांच्यावर हक्क भंग आणण्याची मागणी केली. त्यानुसार आता विधीमंडळ सचिवालयाने नगररस्ता क्षेत्रिय सहायक आयुक्त सुहास जगताप, येरवडा क्षेत्रिय सहायक आयुक्त वैभव कडलख, डीपीडीसीचे समन्वय अधिकारी उंडे आणि क्षेत्रिय कार्यालयाचे संबधित उप अभियंता आणि शाखा अभियंता यांना विशेषाअधिकारभंग आणि अवमान नोटीस बजावली असून त्यावर खुलासा मागविला आहे.

Oxygen Park : MLA Sunil Tingre : खराडी-वडगावशेरी परिसरामध्ये 7 एकर परिसरात ऑक्सीजन पार्क विकसित होणार : आमदार सुनील टिंगरे

Categories
Breaking News cultural Political पुणे

खराडी-वडगावशेरी परिसरामध्ये 7 एकर परिसरात ऑक्सीजन पार्क विकसित होणार : आमदार सुनील टिंगरे

: उपमुख्यमंत्री अजीत पवार यांच्या हस्त रविवारी भूमिपूजन
पुणे : खराडी आणि वडगावशेरी परिसरातील नागरिकांसाठी सात एकर क्षेत्रामध्ये एक भव्य उद्यान विकसित केले जात आहे. महाविकास आघाडी शासनाच्या माध्यमाने २० कोटी रुपये खर्च करून तसेच शहरामध्ये पहिल्यांदा सीईआरएफ (कॉर्पोरेट एन्वायर्मेंट रिस्पांसबिलिटी फंड) चा उपयोग करून ऑक्सीजन पार्क केले जात आहे. या महत्वाच्या प्रकल्पाचा भूमिपूजन समारंभ रविवार १३ मार्च रोजी राज्याचे उपमुख्यमंत्री अजीत पवार आणि पर्यटन राज्यमंत्री आदिती तटकरे यांच्या हस्ते होणार आहे. अशी माहिती वडगावशेरी मतदार संघाचे आमदार सुनील टिंगरे यांनी दिली.
सुनील टिंगरे यांनी माहिती देताना सांगितले कि खराडी आणि वडगाव शेरी परिसरातील नागरिकांची आपल्या भागात एक मोठे उद्यान असावे अशी गेल्या अनेक वर्षांची इच्छा होती. विधानसभा निवडणुकीच्या दरम्यान या भागात प्रचारासाठी फिरताना येथील नागरिकांनी उद्यान विकसित करण्याची मागणी केली होती. आमदार झाल्यानंतर लगेचच या उद्यानाच्या आश्वासन पूर्तीसाठी पाठपुरावा सुरू करण्यास सुरुवात केली आणि आपल्या या स्वप्नपूर्तीसाठी आता पहिलं पाऊल पडत आहे. वडगाव खराडी येथील सर्वे नंबर ३० येथील सात एकर क्षेत्रावर महाविकास आघाडी शासनाच्या माध्यमातून आपण तब्बल २० कोटी रुपये खर्चाचे ऑक्सीजन पार्क विकसित करत आहोत. उपमुख्यमंत्री अजितदादा पवार आणि पर्यटन राज्यमंत्री आदितीताई तटकरे यांच्या प्रयत्नातून हे उद्यान उभे राहत असून त्यांच्याच शुभहस्ते या ऑक्सीजन पार्क उद्यानाचा भूमिपूजन कार्यक्रम होणार आहे.
सर्व वयोगटाचा विचार करून अंतर्गत व्यवस्था

ऑक्सीजन पार्क पुणे शहरातील सर्वात मोठे आणि वैविध्यपूर्ण असे उद्यान ठरणार आहे. या ऑक्सीजन पार्क मध्ये फ्लॉवर गार्डन, क्रोमो थेरेपी गार्डन, फजल गार्डन, लहान मुलांसाठी साहसी खेळ, ज्येष्ठ नागरिकांसाठी सीनियर सिटीजन कट्टा, योगा आणि हास्य क्लबसाठी लॉन, तरूणांसाठी ओपन जिम, एक किमी लांबीचा जॉगिंग व वॉकिंग ट्रॅक, एम्फी थिएटर, सायकल ट्रॅक, पॅगोडा अशा वैविध्यपूर्ण कलाकृती असणार आहेत. संपुर्ण उद्यानात सीसीटीव्ही यंत्रणा एवढेच नाही तर येथे उद्यानाच्या बाहेर हॉकर्स झोन विकसित करणार असून आपल्या भागातील नागरिकांना छोटा-मोठा व्यवसाय करण्याची संधी मिळू शकणार आहे.

विविध प्रकारच्या सुविधांचा समावेश

याशिवाय उद्यानात येणार्‍या नागरिकांच्या वाहनांच्या पार्किंगसाठी स्वतंत्र इमारत व्यवस्था करण्यात येणार आहे. या इमारतीच्या ग्राऊंड फ्लोअरवर पार्कींगची सोय असणार आहे. याशिवाय या इमारतीत एटीएम, एका मजल्यावर विद्यार्थ्यांसाठी अभ्यासिका, व्यायामशाळा सुरक्षा रक्षकांची राहण्याची व्यवस्था तसेच इमारतीवर सोलर सिस्टीम उभारण्यात येणार आहे. या इमारतीवर एडव्हारटायझिंग व्यवस्थेच्या माध्यमातून संपूर्ण उद्यानाचा देखभाल दुरुस्तीचा खर्च निघावा यासाठी सोय करण्यात आली आहे. त्यामुळे खराडी-वडगाव शेरी हे ऑक्सीसन पार्क उद्यान आपल्या भागाला एका नव्या उंचीवर घेऊन जाईल असा विश्वास वाटतो आहे. असे सुनील टिंगरे यांनी सांगितले.

MLA Sunil Tingare : Porwal Road: धानोरीतील पोरवाल रस्त्यावरील वाहतूक कोंडी सुटणार! : आमदार सुनिल टिंगरे यांच्या प्रयत्नांना यश

Categories
PMC Political पुणे

धानोरीतील पोरवाल रस्त्यावरील वाहतूक कोंडी सुटणार!

: आमदार सुनिल टिंगरे यांच्या प्रयत्नांना यश

: 24 मीटर रुंदीच्या नविन रस्त्यास महापालिकेची मंजुरी

पुणे :  धानोरी येथील पोरवाल रस्त्याला समातंर असा 24 मीटर रुंदीचा नविन पर्यायी रस्ता आखण्यास महापालिकेच्या शहर सुधारणा समितीबरोबर महापालिकेच्या मुख्य सभेतही मंजुरी देण्यात आली. राष्ट्रवादीचे आमदार सुनिल टिंगरे यांनी उपोषणाचा इशारा दिल्यानंतर या रखडलेल्या रस्त्याचा मार्ग मोकळा झाला आहे. त्यामुळे पोरवाल रस्त्यावरील वाहतुक कोंडीचा प्रश्न आता सुटणार आहे.
       पोरवाल रस्ता परिसरात  गेल्या काही वर्षांत गेल्या काही वर्षांत 500 पेक्षा अधिक सोसायट्या उभ्या राहिल्या आहेत. या भागाला जाणारा पोरवाल रस्ता हा एकमेव पर्याय असल्याने वाहतुक कोंडीची मोठी समस्या निर्माण झाली होती. हा प्रश्न सोडविण्यासाठी स्थानिक आमदार सुनिल टिंगरे यांनी या रस्त्याला पर्याय म्हणून 205 अंतर्गत सुधारित रस्त्याची आखणी करण्यात यावी आणि रस्त्याचे काम मार्गी लागावे अशी मागणी महापालिका प्रशासनाकडे केली होती. मात्र, त्यावर कार्यवाही होत नसल्याने आमदार टिंगरे यांनी उपोषणाचा इशारा दिला होता. त्यानंतर खडबडून जाग्या झालेल्या प्रशासनाने धानोरी स. न. 12, 14, 15 व 17 मधून 24 मीटर रुंदीचा रस्ता कलम 205 अन्वये रस्ता आखण्याचा प्रस्ताव शहर सुधारणा समितीपुढे मंजुरीसाठी ठेवला होता. त्यास मंजुरी देण्यात आली. त्यानंतर लगेचच मुख्यसभेत हा प्रस्ताव दाखल करून घेऊन त्यास मंजुरी देण्यात आल्याने आमदार टिंगरे यांनी सांगितले. त्यामुळे गेल्या अनेक वर्षांपासून प्रलंबित असलेल्या रस्त्याचा मार्ग मोक़ळा झाला आहे.
—————————
विधानसभा निवडणूकीत या रस्त्याचा प्रश्न सोडविण्याचे आश्वासन मी दिले होते. त्यानुसार दोन वर्षांपासून प्रशासनाकडे पाठपुरावा केला होता. अधिवेशन सुरू असतानाही मी शहर सुधारणा समिती आणि मुख्यसभेला  स्वत: उपस्थित राहून हा प्रस्ताव मंजुर करून घेत दिलेले आश्वासनपुर्ती केली आहे.
         सुनिल टिंगरे, आमदार, वडगाव शेरी.

MLA Sunil Tingre : ‘या’ कामासाठी आमदार सुनील टिंगरे करणार लाक्षणिक उपोषण! 

Categories
Breaking News PMC Political पुणे

आमदार सुनील टिंगरे करणार लाक्षणिक उपोषण

पुणे : पोरवाल रस्त्याला समांतर 205 अतंर्गत रस्ता आखणी होत नसल्याने राष्ट्रवादी काँग्रेस चे आमदार सुनील टिंगरे 24 फेब्रुवारी ला लाक्षणिक उपोषण करणार आहेत. वारंवार पाठपुरावा करून देखील हे काम होत नसल्याने आमदार टिंगरे यांनी हा इशारा दिला आहे.

: महापालिका आयुक्तांना दिले पत्र

आमदार टिंगरे यांनी याबाबत महापालिका आयुक्तांना पत्र दिले आहे. पत्रानुसार धानोरी येथील पोरवाल रस्ता परिसरात गेल्या काही वर्षात मोठ्या प्रमाणात बांधकामे झाली आहे. तब्बल 500 पेक्षा अधिक सोसायट्या उभ्या राहिल्या आहेत. मात्र, या भागाला जाणारा पोरवाल हा एकमेव रस्ता आहे. त्यामुळे या रस्त्यावर प्रचंड वाहतूक कोंडी होऊन नागरिकांना त्रास होत आहे. ही कोंडी सोडविण्यासाठी पोरवाल रस्त्याला समांतर असा रस्ता कलम 205 अंतर्गत रस्ता विकसित करण्याचे काम सुरू करण्यात आले होते. मात्र, या रस्त्याचा काही भाग धानोरी हदीत तर काही भाग लोहगाव हदीत येत आहे. लोहगाव हदीतील भागावर पीएमआरडीएच्या माध्यमातून बांधकाम परवानग्या देण्यात आल्या आहेत, त्यामुळे हा रस्ता अर्धवट विकसित झाला आहे. त्यामुळे ज्या ठिकाणी बांधकामे झाली आहेत, त्याऐवजी 205 अंतर्गत सुधारित रस्त्याची आखणी करण्यात यावी आणि रस्त्याचे काम मार्गी लागावे यासाठी मी गेली दोन वर्षे मागणी करीत आहे. त्यासाठी आयुक्त, मुख्य अभियंता, पथ विभाग प्रमुख यांच्याकडे सातत्याने पाठपुरावा केला आहे. स्वतः आयुक्त विक्रम कुमार, पथ विभागाचे प्रमुख व्ही. जी कुलकर्णी आणि तत्कालीन प्रमुख अनिरुद्ध पावसकर यांनी जागेवर जाऊन पाहणी केली होती. मात्र, वारंवार पाठपुरावा करूनही या रस्त्याचा प्रश्न मार्गी लागलेला नाही. प्रशासनाकडून ही सहकार्य मिळत नाही. त्यामुळे मला नाईलाजास्तव आंदोलनाचा मार्ग स्विकारावा लागत आहे. त्यामुळे या रस्त्याचा प्रश्न मार्गी लागावा यासाठी मी गुरुवार ( दि. 24 फेब्रु.) रोजी लाक्षणिक उपोषणाला बसणार आहे. असे आमदार टिंगरे यांनी पत्रात म्हटले आहे.