Tag: Pune Municipal Corporation

PMC Accident Insurance | समूह अपघात विमा योजना | अपघाताची माहिती देण्याचे कामगार विभागाचे कर्मचाऱ्यांना आदेश

Categories
Breaking News PMC आरोग्य पुणे

PMC Accident Insurance | समूह अपघात विमा योजना  | अपघाताची माहिती देण्याचे कामगार विभागाचे कर्मचाऱ्यांना आदेश

PMC Accident Insurance | (Author – Ganesh Mule) पुणे महापालिकेच्या (Pune Municipal Corporation) वतीने कर्मचाऱ्यांसाठी समूह अपघात विमा योजना (PMC Group Accident Insurance Scheme) चालवली जाते. कर्मचाऱ्याकडून 136 रुपये घेऊन 10 लाखाचा विमा उतरवला जायचा. मात्र यंदा रक्कम वाढवली आहे. वर्ग-१ साठी २५ लाख, वर्ग-२ साठी २० लाख, वर्ग-३ व ४ साठी १५ लाख इतका विमा असेल. दरम्यान ज्या कर्मचाऱ्यांचा अपघात झाला आहे. त्यांना लाभ देण्यासाठी आगामी 10 दिवसांत त्याची माहिती कामगार विभागाकडे देण्याचे आदेश मुख्य कामगार अधिकारी नितीन केंजळे यांनी दिले आहेत.  (PMC Pune News) 

 – सर्व अधिकारी आणि कर्मचाऱ्यांसाठी लागू योजना

 महापालिकेच्या (PMC Pune) विविध विभागात अनेक कर्मचारी (PMC Pune Employees) काम करतात. जवळपास 20 हजार कर्मचारी आहेत. शहराच्या सर्व विकासकामांची जबाबदारी त्यांच्याकडे आहे.  यामध्ये अ गटातील अधिकाऱ्यांसह ड गटातील कर्मचाऱ्यांचाही समावेश आहे.  या कामगारांच्या सुरक्षिततेसाठी पालिकेकडून विविध योजना (PMC Services) दिल्या जातात.  आतापर्यंत पालिकेकडून कामगारांना अपघात विमा दिला जात नव्हता.  परंतु 2016-17 पासून महापालिकेच्या अधिकारी व कामगारांना विमा संरक्षण मिळत आहे.  कारण जेव्हा एखादा कामगार अपघाताला बळी पडतो तेव्हा त्याचे आयुष्य पूर्णपणे उद्ध्वस्त होते. अनेकांना आपले दोन्ही हात आणि पाय गमवावे लागतात, काहींना डोळे गमवावे लागतात.  यामुळे हे लोक काम करण्यास सक्षम राहत नाहीत.  अशा कामगारांना पालिका विम्याच्या माध्यमातून आधार देत आहे.  अशा प्रकारची योजना राज्य सरकारने आपल्या कर्मचाऱ्यांसाठी उपलब्ध करून दिली आहे. याअंतर्गत पालिका कर्मचाऱ्यांना 10 लाखांचा विमा मिळत होता. जे कायमचे अपंग असतील, त्यांना या योजनेचा 100 टक्के लाभ दिला जातो.  कारण अपंगत्वाच्या प्रकारानुसार त्याचा लाभ कामगारांना मिळ आहे.  पालिकेत काम करणाऱ्या अ गटातील अधिकाऱ्यांपासून ते ड गटातील कर्मचाऱ्यांना या योजनेचा लाभ मिळतो.  यासाठी या कामगारांना त्यांच्या पगारातून दरमहा केवळ १३६ रुपये द्यावे लागत होते. महापालिका प्रशासनाने २०१६-१७ या वर्षापासून या योजनेची अंमलबजावणी सुरू केली आहे.  आतापर्यंत सुमारे 19 कर्मचाऱ्यांच्या नातेवाईकांना या योजनेचा लाभ मिळाला आहे. त्यांना महापालिकेने 1 कोटी 74 लाख रुपये दिले आहेत. (PMC Accident Insurance News) 

| असा मिळेल लाभ

दरम्यान यंदा वैयक्तिक अपघात योजना गट-अ ते ड मधील सर्व अधिकारी / कर्मचाऱ्यांना लागू असेल. वैयक्तिक अपघात योजनेचा राशीभूत विमा (Capital Sum Assured) रक्कम १) वर्ग-१ साठी रु.२५ लाख, २) वर्ग-२ साठी रु. २० लाख, ३) वर्ग-३ व ४ साठी रु. १५ लाख इतका असेल. अपघातामध्ये आलेला मृत्यु, कायमचे अपंगत्व / विकलांगता किंवा दोन हात, दोन पाय किंवा दोन्ही डोळे गमावून अपंगत्व / विकलांगता आल्यास त्यास १००% लाभ अनुज्ञेय असेल. कायमचे अंशत: अपंगत्व / विकलांगता आल्यास अंपगत्वाच्या स्वरूपानुसार लाभाची टक्केवारी विहीत करण्यात आली आहे. (Pune Municipal Corporation News)

| अशी असेल वर्गणी

त्यासाठी पुणे महानगरपालिकेतील सर्व अधिकारी / कर्मचारी यांना या  वर्षासाठी समुह अपघात वार्षिक सभासद वर्गणी १) वर्ग-१ साठी प्रत्येकी ४७२ २) वर्ग-२ साठी प्रत्येकी ३७१.१०, ३) वर्ग-३ व ४ साठी प्रत्येकी २६५.५०/- कपात करण्यात येणार आहे.
—
या योजनेचा लाभ हवा असल्यास 30 दिवसात संबंधित कंपनीला माहिती देणे आवश्यक असते. त्यामुळे कर्मचाऱ्यांनी आगामी 10 दिवसांत याची माहिती कामगार विभागाकडे द्यावी. जेणेकरून प्रकरण पुढे देता येईल.
– नितीन केंजळे, मुख्य कामगार अधिकारी 

PM Modi Pune Tour Expenditure | पंतप्रधान नरेंद्र मोदींच्या पुणे दौऱ्याचा खर्च 1 कोटी 15 लाख! 

Categories
Breaking News PMC social देश/विदेश पुणे

PM Modi Pune Tour Expenditure | पंतप्रधान नरेंद्र मोदींच्या पुणे दौऱ्याचा खर्च 1 कोटी 15 लाख!

| खर्चाचा प्रस्ताव अवलोकनासाठी स्थायी समिती समोर

PM Modi Pune Tour Expenditure | पुणे | पंतप्रधान नरेंद्र मोदी (PM Narendra Modi) हे ऑगस्ट महिन्यात पुणे दौऱ्यावर आले होते. या दौऱ्याचा खर्च 1 कोटी 15 लाख 14 हजार इतका आला आहे. महापालिकेकडून सर्व कामे ही 67 3 k नुसार केली होती. त्यानुसार खर्चाचा प्रस्ताव महापालिका प्रशासनाकडून (PMC Pune) अवलोकनासाठी स्थायी समिती (PMC Standing Committee) समोर ठेवला आहे. (Pune Municipal Corporation)
स्थायी समितीच्या प्रस्तावानुसार पंतप्रधान नरेंद्र मोदी  यांचा दौरा होऊन एस. पी. कॉलेज मैदान, टिळक रोड येथे सभा आयोजीत करण्यात आली होती. या कॉलेज मधील मैदानामध्ये नवीन डांबरी रस्ते तसेच पार्किंग साठी जागा विकसित करणे अत्यावश्यक होते. त्याकरीता मुरूम, जीएसबी डीबीएम, बीसी ई.ची कामे करणे आवश्यक होते. राज्य शासनाने विहित केलेल्या नियमावली नुसार  कामाची व्याप्ती मोठया स्वरूपाची असल्यामुळे व सदरचे काम तातडीने करावयाचे असल्याने जाहिर निविदा न काढता महाराष्ट्र महानगरपालिका अधिनियम १९४९ चे कलम ६७ (३) (क) नुसार अति. महापालिका आयुक्त( वि) यांचे तोंडी आदेशानुसार ठेकेदार  धनराज अस्फाल्ट कं, मे. एस ए इन्फ्रा आणि मे. साईलीला कं यांनी वेगवेगळी कामे केली होती. त्यानुसार ठेकेदार  धनराज अस्फाल्ट कं यांना 67 लाख 99 हजार मे. एस ए इन्फ्रा यांना 38 लाख 61 हजार आणि मे. साईलीला कं यांना 9 लाख 31 हजार असे एकूण 1 कोटी 15 लाख देण्यात येणार आहेत. त्यानुसार हा प्रस्ताव ठेवण्यात आला आहे. (PMC Pune News)

PMC Ward No 2 | अतिरिक्त आयुक्त विकास ढाकणे ‘अँक्शन मोडवर’ | प्रभाग दोन मध्ये पाहणी दौरा ; विकासकामांचा घेतला आढावा

Categories
Breaking News PMC Political social पुणे

PMC Ward no 2 | अतिरिक्त आयुक्त विकास ढाकणे ‘अँक्शन मोडवर’ | प्रभाग दोन मध्ये पाहणी दौरा ; विकासकामांचा घेतला आढावा

| माजी उपमहापौर डॉ. सिद्धार्थ धेंडे यांचा पुढाकार

 

Vikas Dhakane | Dr Siddharth Dhende | चुकीच्या पद्धतीने होणारे फुटपाथवरील अतिक्रमण हटविणे, दुरुस्ती करणे, अनधिकृत फ्लेक्स काढणे, एअरपोर्ट रस्त्यावर सिग्नल व्यवस्था सुरळीत करणे आदीवर त्वरीत कार्यवाही करून विकासकामांना निधी देण्यासाठी महापालिका स्तरावर कार्यवाही करू, असे आश्वासन पुणे महापालिकेचे अतिरिक्त आयुक्त विकास ढाकणे यांनी दिले. (Pune Municipal Corporation)

पुणे महापालिकेच्या प्रभाग दोन मधील नागपूर चाळ, महाराष्ट्र हाउसिंग बोर्ड मध्ये विविध विकासकामांचा, समस्यांचा अतिरिक्त आयुक्त विकास ढाकणे यांनी आढावा घेतला. माजी उपमहापौर डॉ. सिद्धार्थ धेंडे यांच्या पुढाकाराने या पाहणी दौऱ्याचे आयोजन करण्यात आले होते. या वेळी ढाकणे यांनी हे आश्वासन दिले. या वेळी ढाकणे यांनी रखडलेली विकासकामे मार्गी लावण्याच्या सूचना अधिकाऱ्यांना दिल्या.

या पाहणी दौऱ्यात महापालिका उपायुक्त किशोरी शिंदे, येरवडा कळस धानोरी क्षेत्रीय कार्यालयाचे अधिकारी विजय नायकल, आरोग्य निरीक्षक कुटळ आदीसह अधिकारी प्रभागातील नागरिक मोठ्या संख्येने उपस्थित होते.

डॉ. धेंडे यांनी नागपूर चाळ, महाराष्ट्र हाउसिंग बोर्ड मधील नागरिकांना भेडसावणाऱ्या समस्यांचे गाऱ्हाणे मांडले. रखडलेले प्रकल्प मार्गी लावण्याची विनंती केली. या मध्ये प्रभागात पाण्याच्या पाइपलाइन आणि ड्रेनेज लाईन जवळून जात असल्याने नागरिकांना दूषित पाणी पुरवठा होत असल्याचे निदर्शनास आणले. त्याबाबत योग्य खबरदारी घेण्याचे सुचविले. नागपूर चाळ येथील मंडईचे काम चुकीच्या पद्धतीने झाल्याने त्याचा वापर व्यापाऱ्यांना होताना दिसत नसल्याचे निदर्शनास आणले. परिणामी या गाळ्यांचा गैरवापर होत आहे असे सांगितले. तसेच याच्या शेजारी असलेल्या धोकादायक ट्रानसफॉर्मर स्थलांतरित करण्याची मागणी केली.

हाउसिंग बोर्ड मधील घरांचा पुनर्विकास होणार आहे. सद्या या भागात पिण्याच्या पाण्याचे मीटर मीटर बसविण्याचे काम थांबवा अशी विनंती केली. अर्बन 95 अंतर्गत सुरू असलेल्या कामाची माहिती दिली. प्रभागातील फुटपाथाची दुरवस्था दाखवली. बायोगॅस कचरा संकलित केल्यानंतर बायोगॅस प्रकल्पामध्ये विल्हेवाट लावली जाते. त्या प्रकल्पाचे कामकाज दाखवले. एअरपोर्ट रस्त्यावरील वाहतुकीच्या नियोजनासाठी बदामी चौकात सिग्नल यंत्रणा कार्यान्वित करण्याची मागणी केली. हा सिग्नल येरवडा चौका सिग्नलशी सुसंगत केल्यास संभाव्य वाहतूक कोंडीचा प्रश्न सुटेल असे सुचविले. तसेच गोल्फ क्लब उड्डाणपुलावरून खाली आल्यानंतर डाव्या बाजूला वाहने वळविण्यासाठी दुभाजक बसविण्याची मागणी केली. त्यामुळे जीएसटी कार्यालय, आयकर भवन, आयटी पार्कसाठी जाणाऱ्यांची गैरसोय दूर होईल. या बरोबरच कॉमरझोन ते अग्रेसन हायस्कूलच्या रस्त्याचे काम दाखविण्यात आले. काॅमरझोन ते मेंटल चौक पावसाळी लाईन टाकणे , सम्राट अशोक चौक ते मेंटल चौक रस्ता करणे, चंद्रमानगर येथील बीएसयु पीची घरे लवकर करणे. या कामासह प्रभागात सीसीटीव्ही देखभाल दुरुस्ती करणे विविध ठिकाणी पाहणी केली. रखडलेल्या कामासाठी महापालिकेने निधी द्यावा, अशी मागणी डॉ. धेंडे यांनी केली.

या वेळी अतिरिक्त आयुक्त ढाकणे यांनी सर्व परिस्थिती पाहून समस्या दूर करण्याचे आश्वासन दिले. तसेच प्रभागातील विकासकामांसाठी योग्य निधीबाबत तरतूद करण्याची ग्वाही दिली.

————

पुणे महापालिकेत प्रशासक कार्यरत आहेत. नगरसेवकांचा कार्यकाळ संपल्याने निधी उपलब्ध होत नाही. त्यामुळे विविध समस्यांचा प्रभागातील नागरिकांना सामना करावा लागत आहे. या वर उपाय काढण्यासाठी या पाहणी दौऱ्याचे आयोजन केले होते. या मध्ये प्रभागातील समस्या दाखविल्या. निधी देण्याची मागणी केली. अतिरिक्त आयुक्तांनी देखील या बाबत सकारात्मक भूमिका घेत कार्यवाही करू असे सांगितले.

– डॉ. सिद्धार्थ धेंडे, माजी उपमहापौर, पुणे महापालिका.

PMC Solid Waste Management Department | पुणे महापालिकेच्या घनकचरा विभागाकडून स्वच्छतेबाबत आरोग्य निरिक्षक, वरिष्ठ आरोग्य निरीक्षकांना  प्रशिक्षण देण्यास सुरुवात 

Categories
Breaking News PMC पुणे

PMC Solid Waste Management Department | पुणे महापालिकेच्या घनकचरा विभागाकडून स्वच्छतेबाबत आरोग्य निरिक्षक, वरिष्ठ आरोग्य निरीक्षकांना  प्रशिक्षण देण्यास सुरुवात

PMC Solid Waste Management Department | पुणे महापालिकेच्या घनकचरा विभागाने (PMC Pune Solid Waste Management Department) नुकताच अधिकारी आणि कर्मचाऱ्यांसाठी इंदौर शहराची (PMC Indore Tour) स्वच्छते बाबत पाहणी करण्यासाठी दौरा आयोजित केला होता. दौऱ्यांनंतर तात्काळ  विभागाकडून उपाययोजना हाती घेण्यात आल्या आहेत. त्यानुसार  आरोग्य निरिक्षक आणि वरिष्ठ आरोग्य निरीक्षक यांना प्रशिक्षण देण्यास सुरुवात करण्यात आली आहे. यामध्ये त्यांना इंदोर आणि पुणे शहराची तुलना करत घरोघरी १०० टक्के कचरा संकलन, त्याचे वाहतुक नियोजन, कर्मर्शियल भागातील कचरा याबाबत केलेले सुयोग्य नियोजन तसेच झाडणकाम इ.बाबत प्रशिक्षण देण्यात आले. अशी माहिती घनकचरा विभागाच्या वतीने देण्यात आली. (Pune Municipal Corporation)

घोले रोड क्षेत्रीय कार्यालयात हे प्रशिक्षण आयोजित केले होते. यामध्ये औंध आणि वारजे क्षेत्रीय कार्यालयाच्या सहायक आयुक्त यांनी तसेच इंदोर च्या दौरा केलेल्या इतर अधिकाऱ्यांनी मार्गदर्शन केले. पुणे महानगरपालिकेमार्फत ३० नोव्हेंबर व 1 डिसेम्बर रोजी इंदौर शहराचा पाहणी दौरा आयोजित करण्यात आला होता. या दौ-यासाठी पुणे महानगरपालिकेचे अधिकारी व कर्मचारी यांची नियुक्ती करण्यात आली होती. इंदोर शहरामध्ये स्वच्छतेचा आयाम राखणेकामी ज्या ज्या बेस्ट प्रॅक्टीसेस जसे की घरोघरी १०० टक्के कचरा संकलन, वाहतुक नियोजन, कर्मर्शियल भागातील कच याबाबत केलेले सुयोग्य नियोजन तसेच झाडणकाम इ.बाबतची पाहणी करण्यात आले या पाहणी दरम्यान आढळलेल्या बाबींचे अनुषंगाने आरोग्य निरीक्षक व वरिष्ठ आरोग्य निरीक्षक यांना याबाबत अवगत करणे व त्याबाबतचे प्रशिक्षण देणे आवश्यक आहे. त्यानुसार परिमंडळ नुसार हे प्रशिक्षण देण्यास सुरुवात करण्यात आली आहे. आगामी काही दिवस हे प्रशिक्षण दिले जाणार आहे. असे घनकचरा विभागाकडून सांगण्यात आले. (PMC News)

India’s First Girls’ School Groundbreaking for National Monument!

Categories
Breaking News PMC social पुणे

India’s First Girls’ School Groundbreaking for National Monument!

| The work was done under police protection

Bhide Wada Smarak | PMC Pune | The Pune Municipal Corporation is planning to build a national memorial dedicated to the social reformer couple Jyotiba and Savitribai Phule. The municipal corporation and the police jointly started the operation to seize the building of the first girls school of India (First girls school of India) started by Mahatma Jyotiba Phule and Savitribai Phule at Bhide Wada in Budhwar Peth  (4th) night. This time, with the help of JCB, this dangerous mansion was razed to the ground at night. Pune Municipal Corporation and Pune Police have taken an important step towards making Bhide Wada a national monument by taking this action through guerrilla poetry. (Bhide Wada National Memorial)

A month after a court order, the Pune Municipal Corporation (PMC Pune) early on Tuesday demolished the dilapidated building of Bhide Wada, where social reformer Mahatma Jyotiba Phule and his wife Savitribai Phule started the first school for girls in 1848.

India’s first school for girls was started by Phule on January 1, 1848 at the historic Bhide Wada in Pune. The civic body is planning to construct a national memorial dedicated to the social reformer couple at the site, officials said. However, local citizens and traders refused to vacate the place and approached the court.

The Bombay High Court and the Supreme Court recently cleared the way for the Pune Municipal Corporation to construct a national monument on the site and ordered the shop owners and tenants of the dilapidated building to vacate the site.

“The legal process will be completed and we will proceed with the work related to the National Monument project at the site,” said a Pune Municipal Corporation (PMC) official. Meanwhile, as the Municipal Corporation demolished the building, a large police force was deployed in the area. The castle was completely demolished sometime after midnight.

Bhide Wada Smarak | PMC Pune | भारतातील पहिली मुलींची शाळा राष्ट्रीय स्मारकासाठी जमीनदोस्त! | पोलीस बंदोबस्तात करण्यात आले काम

Categories
Breaking News PMC social पुणे

Bhide Wada Smarak | PMC Pune | भारतातील पहिली मुलींची शाळा राष्ट्रीय स्मारकासाठी जमीनदोस्त!

| पोलीस बंदोबस्तात करण्यात आले काम

Bhide Wada Smarak | PMC Pune | ज्योतिबा आणि सावित्रीबाई फुले या समाजसुधारक जोडप्याला समर्पित राष्ट्रीय स्मारक उभारण्याची पुणे महापालिका योजना आखत आहे. महात्मा ज्योतिबा फुले, सावित्रीबाई फुले यांनी बुधवार पेठेतील भिडे वाड्यात सुरू केलेल्या मुलींच्या पहिल्या शाळेची (First girls school of India) इमारत सक्तीने ताब्यात घेण्याची कारवाई महापालिका आणि पोलिसांनी संयुक्तपणे सोमवारी (ता. ४) रात्री सुरू केली. यावेळी जेसीबीच्या सहाय्याने मोडकळीस आलेला हा धोकादायक वाडा रात्रीच्या सुमारास जमीनदोस्त करण्यात आला. पुणे महापालिका (Pune Municipal Corporation) आणि पोलिसांनी (Pune Police) गनिमी काव्याच्या मार्गाने ही कार्यवाही करत भिडे वाडा राष्ट्रीय स्मारक करण्याच्या दृष्टीने महत्त्वाचे पाऊल पुढे पडले आहे. (Bhide Wada National Memorial)
 न्यायालयाच्या आदेशानंतर एक महिन्यानंतर, पुणे महानगरपालिकेने (PMC Pune) मंगळवारी पहाटे भिडे वाड्याची जीर्ण इमारत उद्ध्वस्त केली, जिथे समाजसुधारक महात्मा ज्योतिबा फुले आणि त्यांच्या पत्नी सावित्रीबाई फुले यांनी 1848 मध्ये मुलींसाठी पहिली शाळा सुरू केली.
 मुलींसाठी भारतातील पहिली शाळा फुलेंनी १ जानेवारी १८४८ रोजी पुण्यातील ऐतिहासिक भिडे वाड्यात सुरू केली.  या ठिकाणी समाजसुधारक जोडप्याला समर्पित राष्ट्रीय स्मारक बांधण्याची नागरी संस्था योजना आखत आहे, अधिकाऱ्यांनी सांगितले.  मात्र, स्थानिक नागरिक आणि व्यापाऱ्यांनी जागा रिकामी करण्यास नकार देत न्यायालयात धाव घेतली होती.
 मुंबई उच्च न्यायालय आणि सर्वोच्च न्यायालयाने अलीकडेच पुणे महापालिकेला जागेवर राष्ट्रीय स्मारक बांधण्याचा मार्ग मोकळा केला आणि जीर्ण इमारतीतील दुकान मालक आणि भाडेकरूंना जागा रिकामी करण्याचे आदेश दिले.
 “कायदेशीर प्रक्रिया पूर्ण करू आणि आम्ही त्या जागेवर राष्ट्रीय स्मारक प्रकल्पाशी संबंधित कामासाठी पुढे जाऊ,” असे पुणे महानगरपालिकेच्या (PMC) अधिकाऱ्याने सांगितले. दरम्यान महापालिकेने  इमारत उद्ध्वस्त केल्याने परिसरात मोठा पोलिस बंदोबस्त तैनात करण्यात आला होता.  मध्यरात्रीनंतर काही वेळाने वाडा पूर्णपणे पाडण्यात आले.

PMC Solid Waste Management Department | इंदौर दौऱ्यानंतर महापालिकेच्या घनकचरा विभागाकडून तात्काळ उपाययोजना सुरु | आरोग्य निरिक्षक, वरिष्ठ आरोग्य निरीक्षकांना दिले जाणार प्रशिक्षण 

Categories
Breaking News PMC social पुणे

PMC Solid Waste Management Department | इंदौर दौऱ्यानंतर महापालिकेच्या घनकचरा विभागाकडून तात्काळ उपाययोजना सुरु | आरोग्य निरिक्षक, वरिष्ठ आरोग्य निरीक्षकांना दिले जाणार प्रशिक्षण

PMC Solid Waste Management Department | पुणे शहराला अजून स्वच्छ बनवण्यासाठी आणि देशात प्रथम क्रमांकाचे स्वच्छ शहर बनवण्यासाठी महापालिकेच्या घनकचरा विभागाने (PMC Pune Solid Waste Management Department) कंबर कसली आहे. त्यासाठी महापालिका अधिकारी आणि कर्मचाऱ्यांसाठी इंदौर शहराची (PMC Indore Tour) याबाबत पाहणी करण्यासाठी दौरा आयोजित केला होता. दौऱ्यांनंतर दुसऱ्याच दिवशी विभागाकडून उपाययोजना हाती घेण्यात आल्या आहेत. त्यानुसार सर्वप्रथम आरोग्य निरिक्षक आणि वरिष्ठ आरोग्य निरीक्षक यांना प्रशिक्षण देण्यात येणार आहे. यामध्ये त्यांना घरोघरी १०० टक्के कचरा संकलन, वाहतुक नियोजन, कर्मर्शियल भागातील कच याबाबत केलेले सुयोग्य नियोजन तसेच झाडणकाम इ.बाबत प्रशिक्षण दिले जाणार आहे. अशी माहिती उपायुक्त संदीप कदम (Deputy Commissioner Sandeep Kadam) यांनी दिली. (Pune Municipal Corporation)

पुणे महानगरपालिकेमार्फत ३० नोव्हेंबर व 1 डिसेम्बर रोजी इंदौर शहराचा पाहणी दौरा आयोजित करण्यात आला होता. या दौ-यासाठी पुणे महानगरपालिकेचे अधिकारी व कर्मचारी यांची नियुक्ती करण्यात आली होती. इंदोर शहरामध्ये स्वच्छतेचा आयाम राखणेकामी ज्या ज्या बेस्ट प्रॅक्टीसेस जसे की घरोघरी १०० टक्के कचरा संकलन, वाहतुक नियोजन, कर्मर्शियल भागातील कच याबाबत केलेले सुयोग्य नियोजन तसेच झाडणकाम इ.बाबतची पाहणी करण्यात आले या पाहणी दरम्यान आढळलेल्या बाबींचे अनुषंगाने आरोग्य निरीक्षक व वरिष्ठ आरोग्य निरीक्षक यांना याबाबत अवगत करणे व त्याबाबतचे प्रशिक्षण देणे आवश्यक आहे. त्यानुसार परिमंडळ नुसार हे प्रशिक्षण दिले जाणार आहे. (PMC News)

 

| अधिकारी आणि कर्मचाऱ्यांना ही देण्यात आली आहे जबाबदारी

1. वरिष्ठ आरोग्य निरीक्षक  राम सोनवणे, आरोग्य निरीक्षक  जालिंदर चांदगुडे व   नवनाथ शेलार यांनी इंदौर शहराची केलेल्या पहाणीबाबत पुणे महानगरपालिकेच्या परिमंडळ क्र. १ ते ५ मधील सर्व वरिष्ठ आरोग्य निरीक्षक व आरोग्य निरीक्षक यांना प्रशिक्षण देणेकामी दैनंदिन बॅचेस तयार करून दु.०३.०० ते सायं ०५.०० या कालावधीत शिवाजीनगर घोलेरोड क्षेत्रिय कार्यालयाकडील ऑडिटोरियम मध्ये प्रशिक्षण पूर्ण करण्यात यावे.

2. तसेच वरिष्ठ आरोग्य निरीक्षक श्री राम सोनवणे, आरोग्य निरीक्षक श्री. जालिंदर चांदगुडे व श्री. नवनाथ शेलार यांनी दिलेल्या प्रशिक्षणाबाबतचा अहवाल मुख्य खात्याकडे सादर करावा.

3. प्रशिक्षणासाठी लागणारा शिवाजीनगर घोलेरोड क्षेत्रिय कार्यालयाकडील ऑडिटॉरियम (उप आयुक्त कार्यालय परिमंडळ क्र. १) येथील उपलब्धतेबाबत व त्याबाबतचे योग्य ते आवश्यक नियोजन प्र. सहायक
आरोग्य अधिकारी डॉ. केतकी घाटगे व वरिष्ठ आरोग्य निरीक्षक श्री. इमामुद्दीन इनामदार यांनी करावयाचे आहे.

PMC Encroachment Action | FC रोड वर कारवाईचा पुन्हा दणका | शॉपिंग मॉल वर कारवाई

Categories
Breaking News PMC social पुणे

PMC Encroachment Action | FC रोड वर कारवाईचा पुन्हा दणका | शॉपिंग मॉल वर कारवाई

PMC Encroachment Action | F C रोड वर बांधकाम विकास विभागाचे (PMC Building Devlopment Department)  वतीने जोरदार कारवाई करण्यात आली. शिरोळे प्लॉट येथील विनापरवाना शॉपिंग मॉल वर ही कारवाई करण्यात आली. सदर ठिकाणी लोखंडी एंगल, गर्डर ,पत्रे इ. चे सहाय्याने दोन मजली विनापरवाना मॉल तयार करण्यात आला होता. या मध्ये छोटी मोठी मिळून 70 स्टॉल वजा दुकाने चालू होती. या कारवाईस मे. न्यायालयाने स्थगिती आदेश दिलेले होते. यामुळे कारवाई करता येत नव्हती. प्रशासनाने मोठे वकील देवून आठ वर्ष चाललेला स्थगिती आदेश उठवून घेतला. लगेच मे. उच्च न्यायालया मध्ये कॅवेट दाखल केले. आणि तातडीने कारवाई केली. या कारवाईत सुमारे 7000 चौरस फुट बांधकाम पाडण्यात आले. कशी माहिती महापालिका प्रशासनाच्या वतीने देण्यात आली. (Pune Municipal Corporation)

या मॉल मुळे F C रोड वर वाहतुकीचा ताण येत होता. तसेच मॉल मध्ये हवा उजेडाची सोय नसल्याने आणि मॉल मध्ये मोठ्या प्रमाणावर ग्राहक आणि विक्रेते असल्याने आगी सारखी दुर्घटना घडली असती तर मोठ्या प्रमाणात जिवितहानी झाली असती.
एक jcb, गॅस कटर, ब्रेकर, 15 बिगारी व पोलीस कर्मचारी यांनी सहभाग घेतला. मॉल मध्ये कपड्यांची दुकाने असल्याने आग लागण्याची शक्यता होती. यामुळे अग्नीशमन ची एक गाडी तयार ठेवण्यात आली होती. शिवाजी नगर पोलीस स्टेशन वरिष्ठ पोलीस निरीक्षक श्री विपिन हसबनिस व ईतर कर्मचारी सुद्धा उपस्थित होते. (PMC Pune News)

सदर कारवाई अधीक्षक अभियंता युवराज देशमुख, कार्यकारी अभियंता बिपीन शिंदे यांचे मार्गदर्शनाखाली सुनिल कदम उप अभियंता, राहुल रसाळे शाखा अभियंता, समीर गडइ यांनी पूर्ण केली

Meditations | Shri Shivkripanand Swami | योग द्वारेच ‘वसुधैव कुटुम्बकम” ची परिकल्पना साकार होणे संभव | परम पूज्य श्री शिवकृपानंद स्वामीजी

Categories
Breaking News cultural Education social आरोग्य देश/विदेश लाइफस्टाइल

Meditations | Shri Shivkripanand Swami | योग द्वारेच  ‘वसुधैव कुटुम्बकम” ची परिकल्पना साकार होणे संभव | परम पूज्य श्री शिवकृपानंद स्वामीजी

 

Meditations | Shri Shivkripanand Swami | पुणे मनपा (Pune Municipal Corporation) च्या सौजन्याने व श्री शिवकृपानंद स्वामी फाउंडेशन गुजरात (Shri Shivkripanand Swami Foundation Gujarat) यांच्या संयुक्त विद्यमाने आयोजित “हिमालयीन समर्पण ध्यान संस्काराचा” कार्यक्रम श्री गणेश कला, क्रीडा सभागृह, स्वारगेट, पुणे येथे दिनांक 3 डिसेंबर 2023 रोजी सकाळी 07.00 ते  10.30 या वेळेत संपन्न झाला.

हा कार्यक्रम पुणे येथील गणमान्य अधिकारी तसेच हिमालयन समर्पण ध्यानाचे साधकांसह एकूण 3000 हून अधिक श्रोत्यांच्या उपस्थितीत पार पडला. प्रमुख उपस्थिती माजी मंत्री श्री हर्षवर्धन पाटील .IPS संदीप पाटील (गडचिरोली परिक्षेत्रपदी उपमहानिरीक्षक).
डॉ.नितीन वाघमोडे साहेब (IRS), श्री. विकास ढाकणे(अतिरिक्त महापालिका आयुक्त (विशेष)), श्री प्रभाकर देशमुख माजी सचिव महाराष्ट्र शासन .श्री अंबरीश मोडक (डायरेक्टर, श्री शिवकृपानंद स्वामी फौंडेशन) अजित देशमुख उपायुक्त पुणे म न पा.हिंदी सिने अभिनेत्री मीनाक्षी शेषाद्री व इतर मान्यवर यांची उपस्थिती होती.

 

सद्गुरू श्री शिवकृपानंद स्वामीजी एक साक्षात्कारी ऋषी आहेत. बालपणापासूनच ते सत्याच्या शोधात होते. ते संपूर्ण जीवन साधनारत होते, जवळजवळ 16 वर्षे त्यांनी हिमालयात ध्यान साधना केली. ते हिमालयातील हा अनुभूती प्रधान अमूल्य ध्यानयोग संस्कार 1994 सालापासून देश- विदेशांमध्ये नि:शुल्क वाटत आहेत.

श्री शिवकृपानंद स्वामी फाउंडेशन अंतर्गत “गुरुतत्व” संचलित हिमालयन ध्यान हा 800 वर्षा पासून हिमालयात विकसित ध्यानाचा संस्कार आहे, जो 1994 साला पासून पुज्य स्वामीजींद्वारा समाजात आणला गेला आहे.

हिमालयन ध्यान हा संपूर्ण मानवजातीसाठी प्रशस्त असा ध्यानाचा संस्कार आहे जो सर्व जाती, धर्म  भाषा, लिंगभेद यांच्या पलीकडे आहे.  हिमालयीन ध्यान आत्म्याच्या उन्नतीचा मार्ग प्रशस्त करतो. नियमित ध्यान केल्याने आपण अंतर्मुखी होतो आणि आपला स्वीकार भाव , सहनशीलता, आत्मविश्वास, क्षमाशीलता वाढण्यास मदत होते.


त्यामुळेच जगभरातील अनेक लोक या ध्यानाच्या संस्कारास अवलंब करीत आहेत. आज हिमालयन ध्यानाचे साधक 67 देशांमध्ये हे ध्यान करीत आहेत. हिमालयन ध्यानाचे आश्रम जगभरात यु. के., ऑस्ट्रेलिया, कॅनडा, जर्मनी, दक्षिण आफ्रिका, सिंगापूर इत्यादी अनेक ठिकाणी स्थापित झालेले आहेत. तसेच भारतात गुजरात, राजस्थान, गोवा, बंगलूरू व महाराष्ट्रात नागपुर जवळ बुटीबोरी येथे मध्यभारत समर्पण आश्रम स्थापित झाले आहे. स्वामीजींच्या मते, समाजात महत्त्वाचे वेगवेगळे स्तंभ आहेत ते म्हणजे, वकील, डॉक्टर ,इंजिनिअर, अधिकारी (पोलीस व प्रशासन) राजनेते व्यावसायिक ,नोकरदार वर्ग,कृषक पत्रकार शिक्षक विद्यार्थी व इतर ज्यांच्यावर आपला समाज अवलंबून आहे. व त्यांना सतत नकारात्मक वातावरणात रहावे लागते. त्यांनी ध्यान केल्यास त्यांचे आभामंडल विकसित होऊन त्यांच्या कार्यक्षमतेत वाढ होते. ध्यान आपल्याला संतुलीत करते. आपल्याला कार्यात सफलता मिळते.  कारण संतुलित व्यक्ति चे प्रयत्न सदैव संतुलित असतात. स्वामीजींनी आपल्या सुगम भाषेमध्ये आध्यात्मिक जगतातील अत्यंत क्लिष्ट संकल्पना समजावून सांगितल्या व ध्यानाद्वारे जीवनात प्रगती करण्याचे अत्यंत सरळ मार्ग या शिबिरात सुचवले. आपल्या प्रवचनानंतर स्वामीजींनी सर्वांना ध्यानात अनुभूती प्रदान करून मंत्रमुग्ध केले. कार्यक्रमाच्या सुरुवातीस मा श्री संदीप पाटील गडचिरोली परीक्षेत्र उप महान निरीक्षक IPS यांनी ध्यान मार्गाबद्दल सुरुवातीस त्यांचे अनुभव सांगून त्याचे महत्त्व सांगितले.

कार्यक्रमानंतर पुणे महानगरपालिका उपायुक्त श्री अजित देशमुख यांनी श्री शिवकृपानंद स्वामीजी यांचे व उपस्थित सर्व मान्यवरांचे आभार मानले.

Special Article | Welcome to Indore : इंदौर हे देशातलं सगळ्यात स्वच्छ शहर का आहे?

Categories
Breaking News cultural PMC social देश/विदेश पुणे संपादकीय

Special Article | Welcome to Indore : इंदौर हे देशातलं सगळ्यात स्वच्छ शहर का आहे?

 

Indore Municipal Corporation | (Author: Ganesh Mule) | काही शहरं तुम्हांला बघता क्षणी प्रेमात पाडतात. काही शहरांच्या प्रेमात तुम्ही आधीपासूनच असता. मला बघता क्षणी इंदौर शहरानं प्रेमात पाडलं. तर पुण्याच्या प्रेमात मी बऱ्याच वर्षांपासून आहे. मुंबईनं मात्र मला कधी प्रेमात पाडलं नाही. बघता क्षणी तर आधी भीतीच वाटली. एवढं सांगायचं कारण म्हणजे पुणे महापालिकेच्या घनकचरा विभागाच्या वतीने आयोजित अभ्यास दौऱ्याच्या निमित्ताने नुकतंच इंदौर शहराला भेट दिली. दोन दिवस आणि दोन रात्रीत बऱ्यापैकी शहर फिरून घेतलं. देश के सबसे स्वच्छ शहर (The Cleanest City of India) में आपका स्वागत हैं. असं म्हणून इंदौर शहरात तुमचं प्रत्येक ठिकाणी स्वागत केलं जातं. (PMC | IMC)
शहरात रात्रीच उतरलो. उतरल्याबरोबर नजरेत भरली ती त्या शहराची स्वच्छता. खरं म्हणजे स्वच्छतेबाबत या शहरानं स्वतःची जेवढी branding आणि जाहिरात केलीय, तसंच ते आहे. जाहिरात आणि वास्तवता यात फरक असतो. मात्र इथं तसं काही दिसलं नाही. जशी जाहिरात अगदी तसंच शहर स्वच्छ आहे. रात्र आणि दिवसा देखील तशीच स्वच्छता. रस्ते देखील सुटसुटीत. रस्त्यांच्या दोन्ही बाजूला शिवाय डिव्हायडर मध्ये देखील झाडांचं प्रमाण म्हणावं तेवढं चांगलं. त्यामुळे शहरात पाऊल ठेवल्याबरोबर शहरानं स्वच्छतेबाबत भ्रमनिरास केला नाही. रस्ते आणि परिसर तर स्वच्छ होताच. मात्र फ्लेक्स आणि होर्डिंग च्या बाबतीत देखील शहर स्वच्छ दिसलं. जमीन आणि आकाश असं दोन्हीवर देखील शहरानं स्वच्छता टिकवून ठेवलीय. जी इतर शहरात क्वचितच पाहायला मिळते.
मात्र शहराला सकाळी लवकर जाग येत नाही. सकाळी स्वच्छता कर्मचारी किंवा इतर दूध किंवा कामाचे लोकच तेवढे बाहेर दिसतात. दोन दिवसात जाणवलं कि शहर रात्री खूप वेळ जागं असतं. त्यामुळे कदाचित सकाळी जाग यायला उशीर होत असावा. हिंदी भाषिक असणारं हे शहर. सुखवस्तू असल्यासारखं. आहे त्यात समाधान मानण्याची लोकांची वृत्ती दिसून येतीय. फार महत्वाकांक्षा ठेऊन ऊर फुटेस्तोर धावपळ करायची नाही. आपल्या परंपरांना गालबोट लागू द्यायचं नाही. एवढी शांत वृत्ती लोकांची दिसून आली. युवकांमध्ये आक्रमकपणा दिसला पण तो तसा सगळीकडे असायचाच. बायका आणि पुरुष दोघेही दिसण्याबाबत अगदी सुंदर. गोरेगोमटे. देवी अहिल्याबाई आणि मल्हारराव होळकर जी परंपरा सोडून गेले ती अजूनही या लोकांनी जपल्यासारखी वाटते. इथल्या लोकांना आपल्या शहराविषयी प्रचंड अभिमान. त्यात स्वच्छतेच्या बाबतीत तर विचारायलाच नको. नुसता अभिमानच नाही तर लोक स्वच्छता टिकवण्यासाठी हातभार लावत असतात. एकतर लोक स्वतः कचरा करत नाहीत. आणि झाला तरी तात्काळ कचरा उचलण्याचं काम लोक करतात. मग ते दुकानदार असो कि सर्वसामान्य माणूस.  असं चित्र खूपच कमी शहरात दिसतं. असं असलं तरी शहराला महत्वाकांक्षेचे धुमारे फुटण्याची आवश्यकता आहे. ज्यामुळे शहरात उद्योग आणि आयटी सारख्या गोष्टीना चालना मिळेल आणि इथल्याच लोकांना रोजगार मिळेल.
दुसरी महत्वाची नजरेत भरणारी गोष्ट म्हणजे इथल्या व्यवस्थेत राजकीय हस्तक्षेप मात्र खूप कमी दिसतोय. हे सर्वांच्याच बोलण्यातून दिसून येत होतं. आणि वास्तव परिस्थिती देखील तशीच दिसून आली. इंदौर महापालिकेचा आयुक्त हा इथला प्रमुख आहे. म्हणजे पोलिसांपेक्षाही जास्त अधिकार. पोलिसांना कमी आणि महापालिकेच्या कर्मचाऱ्यांना इथली लोकं जास्त घाबरतात. ही देखील विरळ अशी गोष्ट आहे. 30 लाख लोकसंख्येचं शहर. जिथे दररोज 850-900 मेट्रिक टन कचरा निर्माण होतो. त्यासाठी महापालिकेच्या एकूण 20 हजार कर्मचाऱ्यांपैकी 10 हजार कर्मचारी हे घनकचरा विभागाचं काम करतात. घनकचरा विभागानं कचरा प्रक्रियांचे बरेच प्रोजेक्ट हाती घेतले आहेत. विज निर्मिती पासून ते CNG गॅस निर्माण करण्याचं काम कचऱ्यापासून होताना दिसतंय. जेवढा कचरा तयार होतोय त्यापेक्षा जास्त क्षमतेचे प्रकल्प इंदौर महानगरपालिकेकडे आहेत. ही महापालिकेची जमेची बाजू असल्याने महापालिका गेली पाच वर्ष देशात स्वच्छतेचा पहिला क्रमांक पटकावत आलीय. महापालिकेचं काम देखील याबाबतीत खरंच वाखाणण्याजोगं आहे. सर्वात महत्वाचं म्हणजे इंदौर महापालिकेनं शहरातील लोकांना स्वच्छता राखण्याची सवय लावलीय.
अर्थातच या झाल्या शहराच्या जमेच्या बाजू. काही गोष्टीत मात्र सुधारणेला नक्कीच वाव आहे. कारण शहर स्वच्छ दिसत असलं तरी ओव्हरहेड केबलनं मात्र शहराला विद्रुप करून टाकलंय. याबाबत महापालिकेला Duct करून underground cabling करायला हवंय. वाहतूक देखील फार सुरळीत आहे असं नाही. त्यावर देखील काम होऊ शकतं. तसंच शहरातून दोन नद्या वाहतात. मात्र त्यांचं देखील प्रदूषण दिसून येतं. जलशुद्धीकरण केंद्राच्या माध्यमातून पाणी शुद्ध करून नदीत सोडलं जातं असं महापालिका सांगत असली तरी त्यावर विश्वास बसत नाही.
असं असलं तरीही पुणे आणि इंदौर या शहरांची तुलना मात्र होऊ शकत नाही. कारण सर्वच बाबतीत ही शहरं वेगळी आहेत. इंदौर छोटं तर पुणे हे 70 लाखाच्या आसपास लोकसंख्या असलेलं शहर. पत्रकार म्हणून पुणे महापालिकेत (Pune Municipal Corporation) काम करत असताना लक्षात आलं कि  इंदौर पेक्षा जास्त काम पुणे महापालिका आपल्या शहरात करतीय. कचरा प्रकल्प देखील भरपूर आहेत. मात्र जाहिरात करण्यात पुणे महापालिका मागं पडतीय. होर्डिंग बाबत देखील महापालिकेकडून म्हणाव्या तशा उपाययोजना होत नाहीत. पुण्याकडं जसं देशभरातील लोकांचा ओढा असतो तसा तो इंदौर (Indore Municipal Corporation) कडे नक्कीच नाही. त्यामुळे तुलना हा विषय दोन्ही महापालिकेत येऊच शकत नाही. मात्र इंदौर महापालिकेने जसं पुणे महापालिकेकडून काही गोष्टी शिकून घेतल्या तशा पुणे महापालिकेला देखील बऱ्याच गोष्टी त्यांच्याकडून शिकता येतील. सर्वात महत्वाचं म्हणजे पुणेकरांनी महापालिकेच्या उपक्रमात सहभागी व्हायला हवीय. त्यांना साथ द्यायला हवीय. तसंच महापालिकेच्या इतर विभागानी देखील घनकचरा विभागाला साथ द्यायला हवीय. असं झालं तर महापालिका आयुक्त विक्रम कुमार, अतिरिक्त आयुक्त डॉ कुणाल खेमनार, घनकचरा विभागाचे उपायुक्त संदीप कदम यांच्या नेतृत्वात नक्कीच पुणे महापालिका देखील स्वच्छते बाबत देशात पहिला क्रमांक पटकावेल. तशी आशा करायला काही हरकत नाही.
——-