Tag: Marathi news
PMC Pune Employees Transfer | बदली झालेल्या कर्मचाऱ्यांचा अजूनही अहवाल नाही
| खातेप्रमुखांना धरले जाणार जबाबदार
पुणे महानगरपालिका (Pune Municipal Corporation) प्रशासनाकडील व प्राथमिक शिक्षण विभागाकडील विविध हुद्यावरील अधिकारी / कर्मचारी यांची पदस्थापनेने नियुक्ती व नियतकालिक बदली करण्यात आलेली आहे. त्यानुसार संबंधितांनी पदस्थापनेच्या व बदलीच्या खात्यामध्ये तात्काळ हजर होणेबाबत आज्ञापत्रांमध्ये नमूद करण्यात आलेले आहे. तथापि, असे निदर्शनास आले आहे की संबंधित अधिकारी / कर्मचारी आज्ञापत्रांनुसार
पदस्थापनेच्या व बदलीच्या खात्यामध्ये हजर न होता अजूनही त्यांच्या मूळ खात्यात कामकाज करीत होते.
Sajag Nagrik Manch pune | दीपक बच्चेपाटील यांना यंदाचा सजग नागरिक माहिती अधिकार पुरस्कार घोषित
Sajag Nagrik Manch Pune | माहिती अधिकार कायद्याच्या (Right To Information act) प्रचार व प्रसारासाठी २००६ साली स्थापन झालेल्या सजग नागरिक मंच (Sajag Nagrik Manch) या संस्थेच्या माध्यमातून गेली १४ वर्षे महाराष्ट्रात माहिती अधिकार कायद्याच्या क्षेत्रात उल्लेखनीय कामगिरी करणाऱ्या एका कार्यकर्त्याला दरवर्षी सजग नागरिक माहिती अधिकार पुरस्कार देऊन गौरविण्यात येते. यंदा चा (२०२२) पुरस्कार निगडी येथील दीपक बच्चे पाटील यांना जाहीर झाला आहे. अशी माहिती मंचाचे अध्यक्ष विवेक वेलणकर (President Vivek Velankar) यांनी दिली. (Sajag Nagrik manch pune)
दीपक बच्चेपाटील यांनी धरण सुरक्षा या विषयात देशभरात तीन हजार हून अधिक माहिती अधिकार अर्ज करून शासनाच्या धरणसुरक्षा धोरणात आमूलाग्र बदल घडवून आणण्यासाठी मोलाचे कार्य केले आहे.
या पुरस्कार वितरणाचा कार्यक्रम येत्या रविवारी ७ मे रोजी सायंकाळी ५ वाजता IMDR संस्थेच्या स्वातंत्र्यवीर सावरकर सभागृहात होणार असून मध्य प्रदेशातील मुख्य माहिती आयुक्त राहुल सिंग यांचे हस्ते पुरस्कार प्रदान करण्यात येणार आहे. असे वेलणकर यांनी सांगितले. (Sajag nagrik manch president Vivek Velankar)
दीपक मानकर यांच्या वाढदिवसानिमित्त राष्ट्रवादीचे गिरीश गुरनानी व सनी मानकर यांच्यावतीने नोकरी महोत्सवाचे 6 मे रोजी आयोजन
पुणे : राष्ट्रवादी काँगेस पक्षाचे पुणे शहराचे नेते व माजी उपमहापौर दीपक मानकर यांच्या वाढदिवसानिमित्त राष्ट्रवादी युवक काँग्रेसच्या वतीने भव्य नोकरी महोत्सवाचे आयोजन करण्यात आले असल्याची माहिती राष्ट्रवादीचे गिरीश गुरनानी आणि सनी मानकर यांनी दिली आहे. राष्ट्रवादीचे गिरीश गुरनानी आणि सनी मानकर यांनी या महोत्सवाचे आयोजन केले आहे.
गिरीश गुरनानी, सनी मानकर म्हणाले, दीपक भाऊ यांच्या वाढदिवसाच्या निमित्ताने आम्ही दिनांक 6 मे 2023 सकाळी 9.00 वा, उत्सव मंगल कार्यालय, कोथरूड, पुणे. येथे भव्य नोकरी महोत्सवाचे आयोजन केले आहे. या नोकरी महोत्सवाच्या माध्यमातून युवकांना रोजगाराची हमखास संधी मिळणार आहे.
या नोकरी महोत्सवात सहभागी होऊ इच्छिणाऱ्या युवकांनी ऑनलाईन फॉर्म भरून आपली नाव नोंदणी करावी. अथवा तुम्ही रोजगार मेळाव्याच्या दिवशी मेळाव्याच्या ठिकाणीही नोंदणी करू शकता. अशी माहिती गुरनानी, मानकर यांनी दिली आहे.
अर्जाचे_संकेत_स्थळ :
ऑनलाईन फॉर्म भरण्यासाठी दिलेल्या QR Code चा वापर करावा अथवा दिलेल्या लिंकचा वापर करावा.
https://shorturl.at/mHRW9
अथवा तुम्ही रोजगार मेळाव्याच्या दिवशी मेळाव्याच्या ठिकाणीही नोंदणी करू शकता.अधिक माहितीसाठी संपर्क:-7387281150 (केतन), 9579032641(सचिन) या क्रमांकावर संपर्क साधावा असे आवाहन गुरनानी यांनी केले आहे.
School of Sweepers Children | केंद्रीय सफाई कर्मचारी आयोगाच्या सदस्यांची सफाई कामगारांच्या मुलांच्या शाळेला भेट
National Commission For Scavengers |हाताने मैला उचलण्यास प्रतिबंध कायद्याच्या काटेकोर अंमलबजावणीकडे लक्ष द्या | डॉ. पी. पी. वावा
राष्ट्रीय सफाई कर्मचारी आयोगाच्या सदस्यांकडून सफाई कामगारांच्या समस्यांचा आढावा
National Commission For Scavengers | राष्ट्रीय सफाई कर्मचारी आयोगाचे (National Commission For Scavengers) सदस्य डॉ. पी. पी. वावा (Dr P P Wawa) यांच्या अध्यक्षतेखाली विधानभवनात आयोजित बैठकीत सफाई कर्मचाऱ्यांच्या समस्यांबाबत विविध विभागांकडील कार्यवाहीचा आढावा घेण्यात आला.
विभागीय आयुक्त सौरभ राव (Divisional commissioner Saurabh Rao) यांच्या प्रमुख उपस्थितीत झालेल्या या बैठकीस पिंपरी- चिंचवड मनपा आयुक्त शेखर सिंह (PCMC Commissioner shekhar sing), पुणे महानगरपालिकेचे अतिरिक्त आयुक्त डॉ. कुणाल खेमणार (PMC Additional Commissioner Dr Kunal Khemnar), राष्ट्रीय सफाई कर्मचारी आयोगाचे सल्लागार गिरेंद्र नाथ, पिंपरी चिंचवड मनपा अतिरिक्त आयुक्त जितेंद्र वाघ, बी. जे. वैद्यकीय महाविद्यालयाचे उप अधीष्ठाता डॉ. नरेश झांजड आदींसह सफाई कर्मचारी संघटनांचे प्रतिनिधी उपस्थित होते. National Commission For Scavengers
बैठकीत पुणे महानगरपालिका, पिंपरी चिंचवड महानगरपालिका तसेच पुणे ग्रामीण हद्दीत मागील काळात झालेल्या सफाई कर्मचारी मृत्यू प्रकरणातील आर्थिक मदतीबाबत सविस्तर आढावा घेण्यात आला. हाताने मैला उचलण्यास प्रतिबंध कायद्याच्या काटेकोर अंमलबजावणीकडे लक्ष द्यावे, असे निर्देष श्री. वावा यांनी दिले. (Pune Municipal corporation)
काम करत असताना मृत्यू झालेल्या सफाई कर्मचाऱ्यांच्या वारसांना वेळेत नुकसानभरपाईची रक्कम मिळण्यासाठी संवेदनशीलपणे काम करावे, वारसांना घरकुल योजनेतून पक्का निवारा उपलब्ध करुन देणे, सामाजिक सुरक्षा योजनांचा लाभ द्यावा. विविध योजनांतर्गत सफाई कर्मचाऱ्यांची कर्जप्रकरणे बँकेतून गतीने मार्गी लावावीत, असे निर्देशही श्री. वावा यांनी दिले.
सफाई कर्मचाऱ्यांची प्रकरणे, त्यांच्या समस्या गतीने मार्गी लावण्यासाठी ही बैठक उपयुक्त ठरेल असा विश्वास विभागीय आयुक्त श्री. राव यांनी व्यक्त केला.
डॉ. कुणाल खेमनार यांनी पुणे महानगरपालिकेच्यावतीने सफाई कर्मचारी व त्यांच्या कुटुंबियांसाठी राबविण्यात येत असलेल्या वैद्यकीय विमा योजना, सुरक्षा साधनांचा पुरवठा, पाल्यांना शैक्षणिक सहाय्य आदी कल्याणकारी योजनांची माहिती दिली. दोन्ही महानगरपालिका तसेच बी. जे. वैद्यकीय महाविद्यालय, ससून रुग्णालयातील सफाई कर्मचाऱ्यांचे प्रश्न तसेच मयत कर्मचाऱ्यांच्या वारसांना नोकरी याविषयीदेखील बैठकीत आढावा घेण्यात आला. (PMC Pune Sanitation Employees)
बैठकीस विभागीय आयुक्तालयातील उपायुक्त सचिन इथापे, जिल्हा अग्रणी बँक व्यवस्थापक श्रीकांत कारेगावकर, समाज कल्याण आयुक्तालयाचे उपायुक्त प्रशांत चव्हाण, सहायक आयुक्त समाजकल्याण संगीता डावखर आदी उपस्थित होते.
PMC Pune Employees | महाराष्ट्र दिनाच्या कार्यक्रमाला गैरहजर राहणे महापालिका कर्मचाऱ्यांना भोवणार
| अनुपस्थित कर्मचाऱ्यावर कारवाई करण्याचे महापालिका आयुक्ताचे आदेश
PMC Pune Employees | महाराष्ट्र राज्य स्थापना दिनाच्या (Maharashtra Day) निमित्ताने महापालिकेत 1 मे रोजी ध्वजारोहनाच्या कार्यक्रम घेण्यात आला. यासाठी पालिकेच्या मुख्य इमारती मधील सुमारे अडीच हजार कर्मचाऱ्यांना उपस्थित राहणे बंधनकारक करण्यात आले होते. त्याबाबतचे आदेश आधीच देण्यात आले होते. याबाबत ‘द कारभारी’ (The Karbhari) वृत्तसंस्था कडून वृत्त देखील प्रसारित करण्यात आले होते. मात्र कार्यक्रमासाठी अवघे दोनशे कर्मचारी उपस्थित राहिल्याचे समोर आले आहे. तर, ध्वजारोहनाची वेळ झाली तरी अनेक कर्मचारी उशिरा आल्याने गर्दीच नव्हती. त्यामुळे, संतापलेल्या महापालिका आयुक्तांनी (PMC Commissioner Vikram Kumar) अनुपस्थित असलेल्या कर्मचाऱ्यांवर कारवाई करण्याचे आदेश दिले आहेत. (PMC Pune Employees News)
काय होते आदेश!
महापालिका आयुक्तांच्या (IAS Vikram Kumar) आदेशानुसार महाराष्ट्र राज्य वर्धापन दिनानिमित्त (Maharashtra Diwas) आयोजित राष्ट्रध्वज वंदन व संचलन कार्यक्रमासाठी पुणे महानगरपालिकेतील सर्व अधिकारी व सेवकांची उपस्थित अनिवार्य आहे. या अनुषंगाने सर्व खातेप्रमुख यांनी आपल्या नियंत्रणाखालील सर्व विभाग व उप विभागातील सेवकांना ध्वजारोहण कार्यक्रमाचे अगोदर किमान १० मिनिटे महापालिका भवन प्रांगणात उपस्थित राहण्याच्या सूचना द्याव्यात. कार्यक्रमास उपस्थित असलेल्या अधिकारी / सेवकांची उपस्थिती घेण्यात यावी व उपस्थितीचा अहवाल सर्व खातेप्रमुख यांनी न चुकता दिनांक ४/५/२०२३ पर्यंत कामगार कल्याण विभागाकडे सादर करावा. ज्या अधिकारी / सेवकांना ध्वजारोहण समारंभास उपस्थित राहणे शक्य नसेल त्यांनी नजिकच्या शासकीय अथवा सार्वजनिक ठिकाणी ध्वजारोहण समारंभास उपस्थित राहून तसे लेखी प्रमाणपत्र खातेप्रमुखांकडे सादर करावे. (PMC Administrator Vikram Kumar)
तरी, सर्व संबंधितांनी राष्ट्रीय पोषाख परिधान करून ध्वजारोहण कार्यक्रमाचे अगोदर किमान १० मिनिटे महापालिका भवन प्रांगणात उपस्थित रहावे. असे आदेशात म्हटले होते. (Maharashtra State Anniversary)
मुख्य इमारतीमधील सर्व कर्मचाऱ्यांना हा कार्यक्रम अनिवार्य होता, मात्र, मुख्य इमारतीमधील अडीच हजार कर्मचाऱ्यांपैकी केवळ दिडशें ते दोनशें कर्मचारीच या कार्यक्रमासाठी उपस्थित राहिले. त्यातही सुरक्षा विभाग तसेच महापालिकेच्या विभाग प्रमुखांची संख्या अधिक होती. त्यामुळे, कार्यक्रमाच्या वेळेसच आयुक्त कुमार यांच्या निदर्शनास ही बाब येताच त्यांनी, संबधित अधिकाऱ्यांकडे नाराजी व्यक्त करत अनुपस्थित राहिलेल्या सर्वांवर कारवाई करण्याचा आदेश दिला आहे.
Cabinet Meeting Decision News | मंत्रिमंडळ बैठक : एकूण निर्णय- 5 | जाणून घ्या सविस्तर
वन विभाग
कांदळवन, सागरी जैवविविधतेच्या परदेशातील उच्च शिक्षणासाठी दरवर्षी २५ शिष्यवृत्ती
Cabinet Meeting Decision News | कांदळवन व सागरी जैवविविधता या विषयात जगभरातील सर्वोत्कृष्ट विद्यापीठात जाऊन संशोधन करण्यासाठी ७५ मुलांना तीन वर्षासाठी परदेशी शिष्यवृत्ती देण्यास आज झालेल्या मंत्रिमंडळ बैठकीत मान्यता देण्यात आली. बैठकीच्या अध्यक्षस्थानी मुख्यमंत्री एकनाथ शिंदे होते.
दरवर्षी २५ मुलामुलींना शिष्यवृत्ती दिली जाईल.
वन विभागाच्या कांदळवन सागरी जैवविविधता संवर्धन प्रतिष्ठानच्या माध्यमातून ही शिष्यवृती देण्यात येणार असून टाईम्स हायर एज्युकेशन रँकिंग (THE च्या २०० च्या आतील किंवा QS – Qacquuarelli Symonds रँकिंग १५० च्या आतील) परदेशी शैक्षणिक संस्थामध्ये प्रवेश घेणाऱ्या विद्यार्थ्यांना ही शिष्यवृत्ती दिली जाईल. यापैकी तीस टक्के जागांवर मुलींची निवड करण्यात येईल. मरिन सायन्स, मरिन इकॉलॉजी, ओशोनोग्राफी, मरिन बायोलॉजी, मरिन फिशरीज, मरिन बायोटेक्नॉलॉजी, मायक्रोबायोलॉजी, बायोडायर्व्हिसीटी या अभ्यासक्रमांसाठी १५ पदव्यूतर पदवी आणि १० पीएचडी अशा दरवर्षी २५ शिष्यवृत्ती दिल्या जातील. पदव्यूत्तर शिष्यवृत्तीसाठी विद्यार्थ्यांचे वय कमाल ३५ वर्षे आणि पीएचडीसाठी कमाल वय ४० वर्षे असावे. तसेच विद्यार्थ्यांच्या पालकांचे वार्षिक उत्पन्न ८ लाखांपेक्षा जास्त नसावे. या योजनेसाठी ३१ कोटी ५० लाख रुपये इतका खर्च येणार आहे. या शिष्यवृत्तीसाठी दरवर्षी एप्रिल किंवा मे महिन्यात कांदळवन प्रतिष्ठानच्या अधिकृत संकेतस्थळावर जाहिरात प्रसिद्ध केली जाईल. (Cabinet decision marathi news)
—–०—–
नगर विकास विभाग
शहरांमध्ये आयसीटी तंज्ञत्रानावर आधारित घनकचरा प्रक्रिया प्रकल्प राबवणार
राज्यातील सर्व नागरी स्थानिक स्वराज्य संस्थामधील घनकचरा प्रक्रियेसाठी आयसीटी तंत्रज्ञानावर आधारित प्रकल्प राबविण्याचा निर्णय आज झालेल्या मंत्रिमंडळ बैठकीत घेण्यात आला. बैठकीच्या अध्यक्षस्थानी मुख्यमंत्री एकनाथ शिंदे होते.
या प्रकल्पांसाठी महाराष्ट्र सुवर्ण जयंती नगरोत्थान महाभियानांतून १०० टक्के अर्थसहाय्य करण्यात येईल. ५७८ कोटी ६३ रुपये किंमती हा प्रकल्प असेल.
शहरांमधील घनकचऱ्याचे संकलन, वर्गीकरण, वाहतूक यावर शास्त्रोक्तपद्धतीने प्रक्रिया होणे आवश्यक आहे. केंद्रीय पद्धतीने याचे प्रभावी संनियत्रंण होण्यासाठी आयसीटी तंत्रज्ञानावर आधारित प्रणालीचा वापर त्रयस्थ संस्थांमार्फत बंधनकारक केले होते. मात्र निधी अभावी या प्रणालीची अंमलबजावणी होत नसल्याचे निदर्शनास आले. आता या प्रणालीची काटकोर अंमलबजावणी करण्यासाठी निधी उपलब्ध करण्याचा तसेच घनकचरा उचलणाऱ्या सर्व वाहनांचे जीपीएस किंवा आयसीटी आधारित ट्रँकिंग देखील करण्याचा निर्णय घेण्यात आला आहे.
या प्रकल्पाच्या अंमलबजावणीसाठी स्वच्छ भारत मिशन – नागरी हे राज्यस्तरावर करारनामा करतील व आयुक्त, मुख्याधिकारी यांच्यामार्फत या प्रकल्पाची अंमलबजावणी करतील. (Cabinet meeting marathi news)
—–०—–
सार्वजनिक बांधकाम विभाग
रस्त्यांच्या गुणवत्तापूर्ण, वेगवान देखभाल दुरुस्तींसाठी महाराष्ट्र राज्य पायाभूत सुविधा विकास महामंडळ स्थापन
राज्यातील रस्त्यांच्या गुणवत्तापूर्ण, वेगवान देखभाल दुरुस्तींसाठी महाराष्ट्र राज्य पायाभूत सुविधा विकास महामंडळ स्थापन करण्याचा निर्णय आज झालेल्या मंत्रिमंडळ बैठकीत घेण्यात आला. बैठकीच्या अध्यस्थानी मुख्यमंत्री एकनाथ शिंदे होते.
या महामंडळाचे भागभांडवल १०० कोटी रुपये राहणार असून, ५१ टक्क्यांचा शासन हिस्सा टप्प्याटप्प्याने उपलब्ध करून दिला जाणार आहे. रस्ते व इमारती विकास व देखभाल पूरक निधीची देखील उभारणी येईल. राज्यातील ३ लाख किमी इतक्या लांबीच्या रस्त्यांपैकी १ लाख किमीचे प्रमुख राज्य मार्ग व प्रमुख जिल्हा मार्ग सार्वजनिक बांधकाम विभागाकडे आहेत. या रस्त्यांची वेळोवेळी देखभाल व दुरुस्ती करावी लागते. अवजड वाहनाच्या रहदारीमुळे रस्ते खराब होतात. त्यामुळे या महामंडळाची स्थापन करण्यात येत आहे.
—–०—–
सार्वजनिक आरोग्य विभाग
शिरोळ तालुक्यात ३६५ खाटांचे प्रादेशिक मनोरुग्णालय
कोल्हापूर जिल्ह्यातील शिरोळ तालुक्यातील जयसिंगपूर येथे मौ. उदगांव येथे ३५० खाटांचे प्रादेशिक मनोरुग्णालय स्थापन करण्याचा निर्णय आज झालेल्या मंत्रिमंडळ बैठकीत घेण्यात आला. बैठकीच्या अध्यक्षस्थानी मुख्यमंत्री एकनाथ शिंदे होते.
यासाठी येणारा १४६ कोटी २२ लाख रुपयांचा निधी टप्प्याटप्याने उपलब्ध करून देण्यात येईल.
या मनोरुग्णालयास रत्नागिरीच्या प्रादेशिक रुग्णालयाच्या पदांप्रमाणे पदे निर्माण करण्यास मान्यता देण्यात आली. राज्यात पुणे, ठाणे, नागपूर आणि रत्नागिरी याठिकाणी प्रादेशिक मनोरुग्णालये असून, त्यात ५ हजार ६९५ मनोरुग्णांना भरती करता येते. अंबेजोगाई येथे १०० खाटांचे वृद्धत्व आरोग्य व मानसिक आजार केंद्र स्थापन केले असून, जालना जिल्ह्यात ३६५ खाटांचे प्रादेशिक मनोरुग्णालय स्थापन्यात येणार आहे. कोल्हापूर जिल्ह्यात शासकीय मनोरुग्णालय नसल्याने रुग्णांना पुणे किंवा रत्नागिरी येथे जावे लागते. त्यामुळे मौजे उदगाव (ता. शिरोळ) प्रादेशिक मनोरुग्णालय स्थापन करण्याचा निर्णय घेण्यात आला. (Cabinet meeting today news)
—–०—–
महसूल विभाग
करमणूक शुल्क आकारणीमध्ये सूट देण्याचा निर्णय
राज्यात १६ सप्टेंबर २०१७ पासून वस्तू व सेवा कर (जीएसटी) अधिनियम लागू करण्यात आला. या दिनांकापासून ते राज्य शासनाचे करमणूक शुल्क आकारणी व वसुलीचे अधिकार स्थानिक प्राधिकरणाकडे हस्तांतरित करण्याच्या दिनांकापर्यंतच्या कालावधीसाठी करमणूक शुल्क आकारणीतून सूट देण्याचा निर्णय आज झालेल्या मंत्रिमंडळ बैठकीत घेण्यात आला. बैठकीच्या अध्यक्षस्थानी मुख्यमंत्री एकनाथ शिंदे होते.
PMC Pune Medical College News | पुणे महापालिकेच्या मेडिकल कॉलेजच्या आकृतिबंधास राज्य सरकारची मंजूरी
| 535 पदाचा आकृतिबंध व सेवाप्रवेश नियमावलीस मान्यता
: आकृतिबंधाचा प्रस्ताव महापालिका आयुक्तांनी मंजूरीसाठी पाठवला होता
पुणे महानगरपालिकेमार्फत भारतरत्न अटलबिहारी वाजपेयी वैद्यकीय महाविद्यालय, पुणे सुरू करण्यासाठी पुणे महानगरपालिका वैद्यकीय शिक्षण ट्रस्ट स्थापन करण्यास सरकारकडून मंजूरी देण्यात आलेली आहे. तसेच पुणे महानगरपालिका वैद्यकीय शिक्षण ट्रस्ट (PMC-MET) संस्थेचे नियम व नियमावली (करारनामा) करण्यात आलेले आहे. (Pune Mahanagarpalika Medical College News)
पुणे महानगरपालिका वैद्यकीय शिक्षण ट्रस्ट (PMC-MET) संचलित भारतरत्न अटलबिहारी वाजपेयी वैद्यकीय महाविद्यालय, पुणे या संस्थेस शंभर विद्यार्थी प्रवेश क्षमतेचे वैद्यकीय महाविद्यालय सुरू करण्यास राष्ट्रीय आयुर्विज्ञान आयोग (NMC), नवी दिल्ली यांची मान्यता प्राप्त झालेली आहे. त्यास वैद्यकीय शिक्षण व द्रव्ये विभागाने दि.१६.०३.२०२२ रोजीच्या शासन निर्णयान्वये मंजूरी दिलेले आहे. (Pmc Pune Medical College)
पुणे महानगरपालिका वैद्यकीय शिक्षण ट्रस्ट (PMC-MET) या संस्थेचे नियम व नियमावलीतील (करारनामा) शासनाचे अधिनियम, नियम, अधिसूचना संस्थेवर बंधनकारक आहे. पुणे महानगरपालिका वैद्यकीय शिक्षण ट्रस्ट संचालक मंडळाने आकृतिबंध व सेवाप्रवेश नियमास मान्यता दिलेली आहे. त्यास अनुसरून आयुक्त, पुणे महानगरपालिका यांचा पुणे महानगरपालिका वैद्यकीय शिक्षण ट्रस्ट (PMC-MET) भारतरत्न अटलबिहारी वाजपेयी वैद्यकीय महाविद्यालय, पुणे आकृतीबंध व सेवाप्रवेश नियमास मान्यता मिळणेबाबतचा प्राप्त झालेला प्रस्ताव शासनाच्या विचाराधीन होता. त्यानुसार यास मान्यता देण्यात आली आहे. (PMC pune news)
– किती पदाचा आहे आकृतिबंध?
Daund MlA Rahul Kul News | पुणे महापालिकेकडून मुठा उजव्या कालव्यात सोडण्यात येत असलेले सांडपाणी बंद करण्याची मागणी
| दौंड चे आमदार राहुल कुल यांची जिल्हाधिकारी यांच्याकडे मागणी
Daund MLA Rahul Kul | पुणे महानगरपालिकेकडून (Pune Municipal Corporation) खडकवासला नवीन मुठा उजव्या कालव्यात (Khadakwasla New Mutha River Right canal) सोडण्यात आलेले सांडपाणी (Strom water) तातडीने बंद करण्याची मागणी दौंड चे आमदार राहुल कुल (Daund MLA Rahul Kul) यांनी पुणे जिल्हाधिकारी (Pune Collector) यांच्याकडे केली आहे. याबाबत आमदार कुल यांनी जिल्हाधिकारी यांना पत्र दिले आहे.
आमदार राहुल कुल यांनी काय म्हटले आहे पत्रात?
आमदार कुल यांच्या पत्रानुसार पुणे महानगरपालिकेकडून वैदूवाडी (हडपसर) परिसरात नवीन मुठा कालव्यात कोणतीही प्रक्रिया न करता पुणे महानगरपालिकेचे विषारी दूषित सांडपाणी सोडण्यात आलेले आहे. या कालव्याच्या पाण्यावर हवेली, दौंड व इंदापुर तालुक्यातील नगरपालिका व विविध गावांच्या पाणीपुरवठा योजना तसेच शेती देखील अवलंबून आहे. थेट सोडण्यात आलेले विषारी दूषित सांडपाणी ही बाब गंभीर स्वरूपाची आहे. या प्रदूषित पाण्यामुळे नागरिकांच्या आरोग्यावर व शेतकऱ्यांच्या शेतीतील पिकांवर दुष्परिणाम होत आहे. तसेच जनावरांना त्वचेचे रोग तसेच इतर रोग होण्याचा धोका निर्माण झाला आहे. (PMC pune News)
तरी, पुणे महानगरपालिकेकडून नवीन मुठा उजव्या कालव्यात सोडलेले सांडपाणी बंद करणेबाबत आपणाकडून तातडीने कार्यवाही व्हावी. असे आमदार कुल यांनी म्हटले आहे. (Daund MLA Rahul Kul Marathi news)