Tag: PMC water supply department

Pune Water Cut Update | पालखी मुक्कामाच्या काळात पुणे शहरातील सोमवारची पाणीकपात रद्द करा 

Categories
Breaking News PMC Political social पुणे

Pune Water Cut Update | पालखी मुक्कामाच्या काळात पुणे शहरातील सोमवारची पाणीकपात रद्द करा

| माजी नगरसेविका मंजूषा नागपुरे यांची मागणी

Pune Water Cut Update | संतश्रेष्ठ ज्ञानेश्वर महाराज  (Sant DnyaneshwarMaharaj Palkhi) व जगद्गुरू तुकाराम महाराजांच्या पालख्या (Sant Tukaram Maharaj Palkhi) पुण्यात असताना सोमवारची पाणी कपात रद्द करावी. अशी माजी नगरसेविका मंजुषा नागपूरे (Manjusha Nagpure) यांनी महापालिका पाणी पुरवठा विभागाकडे (PMC Water Supply Department) आग्रही मागणी केली आहे. (Pune Water Cut Update)
याबाबत नागपुरे यांनी पाणीपुरवठा विभाग प्रमुख मंजूषा नागपुरे यांची भेट घेत त्यांना पत्र दिले आहे. नागपुरे यांच्या पत्रानुसार  दरवर्षी लाखो वारकरी पुण्यामध्ये वारीला जात असताना मुक्कामी येतात. पुणेकर देखील त्यांची सेवा मनोभावे करतात. यथोचित आदरातिथ्य करतात. यंदा या पालख्या सोमवारी पुण्यात येत असून, सिंहगड रस्त्यासह पुण्यातील काही भागात पाणी पुरवठा सोमवारी बंद ठेवण्यात येतो. परंतु, पालख्यांचे आगमन पाहता, हा पाणीपुरवठा सुरू ठेवावा अशी मागणी मंजुषा नागपुरे यांनी पाणी पुरवठा विभागाचे मुख्य अभियंता पावसकर यांच्याकडे केली. याबाबत सकारात्मक निर्णय घेऊ, असे आश्वासन अनिरुद्ध पावसकर यांनी दिले. असे नागपुरे यांनी सांगितले. (Pune water cut News)
—-
News Title | Pune Water Cut Update | Cancel Monday water cut in Pune city during Palkhi stay | Demand of former corporator Manjusha Nagpure

PMC Pune Water Supply Department | होळकर जलशुद्धीकरण केंद्रापासून चिखलवाडी स्टेडीयम (बोपोडी) पर्यंत पुणे मनपा हद्दीबाहेर उच्चदाब जलवाहिनी टाकली जाणार

Categories
Breaking News PMC social पुणे

PMC Pune Water Supply Department | होळकर जलशुद्धीकरण केंद्रापासून चिखलवाडी स्टेडीयम (बोपोडी) पर्यंत पुणे मनपा हद्दीबाहेर उच्चदाब जलवाहिनी टाकली जाणार

| 5.33 कोटींचा खर्च येणार

PMC Pune Water Supply Department | समान पाणीपुरवठा प्रकल्पांतर्गत (PMC Equal water supply project) होळकर जलशुद्धीकरण केंद्रापासून (Holkar Water treatment plant) चिखलवाडी स्टेडीयम (बोपोडी) पर्यंत पुणे महानगरपालिका (Pune Municipal Corporation) हद्दीबाहेर खडकी येथील इतर शासकीय संस्थांच्या मालकीच्या २८३० मी लांबीच्या रस्त्यामधून ६१० एम एम व्यासाची उच्चदाब जलवाहिनी टाकली जाणार आहे. या प्रकल्पीय कामासाठी 5.33 कोटी इतका खर्च येणार आहे. याबाबतचा प्रस्ताव महापालिका प्रशासनाकडून (Pune civic body) शहर सुधारणा समिती (City improvement committee) समोर ठेवण्यात आला आहे. (PMC Pune water supply department)

प्रशासनाच्या प्रस्तावानुसार समान पाणी पुरवठा प्रकल्पाच्या अंतर्गत चिखलवाडी (बोपोडी) येथे स्टेडियम मध्ये ३.५ एम एल क्षमतेच्या पाण्याच्या टाकीचे काम सुरु आहे. मान्य डीपीआर व Hydraulic Design प्रमाणे बोपोडी झोनच्या अंतर्गत सन २०३२ साली एकूण लोकसंख्या ७४८०९ येत असून त्यांची पाण्याची मागणी १७.०१ एम एल डी राहील. तसेच सन २०४७ साली ७७६४५ इतकी लोकसंख्या येत असून पाण्याची मागणी १८.८३ एम एल डी येत आहे. त्यासाठी या झोन साठी ६.२.१ एम एल पाण्याची साठवण क्षमता येत आहे. त्या नुसार ३ एम एल व ३.५ एम एल अशा दोन टाक्या प्रस्तावित असून त्यापैकी ३.५ एम एल क्षमतेच्या पाण्याच्या टाकीचे काम सुरु आहे. (PMC Pune equal water supply project)

२४× ७ पाणीपुरवठा प्रकल्प विभागाच्या (PMC Pune 24*7 water supply project) अंतर्गत पुणे शहरात विविध ठिकाणी जलवाहिन्या टाकणे पकेज ७ अंतर्गत समान पाणी पुरवठा प्रकल्पाच्या मान्य डीपीआरप्रमाणे वरील टाक्यांना पाणी पुरविण्यासाठी होळकर प्लांट पासून चिखलवाडी बोपोडी पर्यंत ६१० एम एम व्यासाची एम एस उच्च दाब जल वाहिनी टाकणे नियोजित आहे. जलवाहिनी ही होळकर प्लांटच्या बाहेर आल्यावर मुळा रोडने जुन्या पुणे-मुंबई रस्त्यावर येऊन त्यानंतर ती पुढे  पुणे-मुंबई महामार्ग व रेल्वे लाईन ओलांडून अम्युनिशन फॅक्टरी व संरक्षण विभागाच्या जागेतून बोपोडी मधील चिखलवाडी स्टेडीयमकडे जाते. या जलवाहिनीची एकूण लांबी ही ४९०० मीटर असून पुणे शहराच्या बाहेर अम्युनिशन फॅक्टरी, खडकी छावणी परिषद व संरक्षण विभागामध्ये खडकी भागात या जल वाहिनीची एकूण लांबी सुमारे २८३० मीटर आहे. (PMC Pune News)

२४× ७ पाणीपुरवठा प्रकल्प विभागाच्या अंतर्गत पुणे शहरात विविध ठिकाणी जलवाहिन्या टाकणे पकेज ७ अंतर्गत एकूण र.रु. ६४.४७ कोटीच्या पूर्वगणन किमतीस तांत्रिक समितीची  मान्यता घेण्यात आलेली आहे. वरील एकूण ४९०० मीटर लांबीसाठी मूळ कामाच्या पूर्वगणित रक्कम ६४.४७ कोटीपैकी या ४९०० मीटर लांबीपैकी पुणे महानगरपालिका हद्दीच्या बाहेर असलेल्या २८३० मी लांबीच्या ९.२२ कोटी अंदाजित खर्च येत आहे. जलवाहिनीच्या अनुषंगाने व तेथे असणाऱ्या आवश्यक त्या आयटेमनुसार रु. ९.२२ कोटीपैकी सुमारे ५.३३ कोटी रुपये खर्च अपेक्षित आहे. २४x ७ पाणीपुरवठा प्रकल्प विभागाच्या अंतर्गत पुणे शहरात विविध ठिकाणी जलवाहिन्या टाकणे पकेज ७ अंतर्गत एकूण र.रु. ६४.४७ कोटी हा खर्च  चालू आर्थिक वर्षाच्या तरतुदीमधून करण्यात येणार आहे. या कामात भाववाढ सूत्राचा समावेश आहे. (Pune Municipal Corporation News)
रेल्वे लाईनला असलेल्या समांतर रस्त्यावरून पाईप लाईन टाकण्यास खडकी भागात अॅम्युनिशन फॅक्टरी यांनी व डिफेन्स इस्टेट ऑफिसर पुणे विभाग यांनी परवानगी दिली आहे. खडकी छावणी परिषद यांच्याकडून जलवाहिनी टाकणे संदर्भात परवानगी मिळण्यासाठी आवश्यक ते प्रशासकीय शुल्क भरणेबाबत त्यांनी पुणे महानगरपालिका यांना पत्र दिले असून त्यानुसार कार्यवाही सुरु करण्यात आलेली आहे. (PMC Pune Marathi News)
समान पाणीपुरवठा प्रकल्पीय कामाची निकड लक्षात घेता पुणे महानगरपालिका हद्दीच्या बाहेर हे काम करावयाचे असल्याने व या कामावर होणारा प्रकल्पीय खर्च महानगरपालिकेच्या मान्यतेने महाराष्ट्र महानगरपालिका अधिनियम १९४९ च्या कोणत्याही प्रयोजनासाठी शहराबाहेर करता येईल अशी तरतूद या अधिनियमाच्या कलम ८९ मध्ये नमूद केली आहे. त्यानुसार हे काम केले जाणार आहे. यावर शहर सुधारणा समितीच्या पुढील बैठकीत चर्चा होईल. (PMC water supply department)
—–
News title | PMC Pune Water Supply Department | A high pressure pipeline will be laid outside Pune municipal limits from Holkar water treatment plant to Chikhalwadi Stadium (Bopodi).

Latest News on Water cuts in Pune | आता 18 मे पासून दर गुरुवारी संपूर्ण पुणे शहराचे पाणी बंद राहणार 

Categories
Breaking News PMC social पुणे

Latest News on Water cuts in Pune | आता 18 मे पासून दर गुरुवारी संपूर्ण पुणे शहराचे पाणी बंद राहणार

– महापालिका प्रशासनाचा निर्णय

Latest News on Water cuts in Pune | पुणेकरांना आगामी काळात पाणी जपून वापरावे लागणार आहे. कारण अल निनो (El-Nino) वादळाच्या धर्तीवर पाणी बचत करण्याचा निर्णय महापालिका प्रशासनाकडून (Pune civic body) घेण्यात आला आहे. त्यानुसार आता 18 मे पासून दर गुरुवारी संपूर्ण शहरात पाणी बंद ठेवण्यात येणार आहे. जून महिन्यात पुन्हा आढावा घेण्यात येईल आणि कपात सुरु ठेवायची अथवा बंद करायची याचा निर्णय घेण्यात येईल. अशी माहिती महापालिका पाणीपुरवठा विभागाचे मुख्य अभियंता अनिरुद्ध पावसकर )chief engineer Anirudh Pawaskar) यांनी दिली. Latest news on punes water supply
अलनिनो वादळाच्या पार्श्वभूमीवर पाण्याबाबत राज्य सरकार गंभीर आहे. पिण्याच्या पाण्याचे आरक्षण करण्यासोबतच आवश्यक तिथे पाणी कपात करण्याचे निर्देश सरकारने दिले आहेत. त्यानुसार महापालिकेने आराखडा केला आहे. दरम्यान पुण्यात पाणीकपात लागू होणार का? झाली तर एक दिवसाआड पाणीमिळणार? कि आठवड्यातून एक दिवस कपात होणार? याबाबतचा निर्णय कालवा समितीच्या बैठकीत होणार होता. त्यानुसार ही बैठक झाली.  पाणीकपात करण्याबाबत आढावा घेण्याचे निर्देश पालकमंत्री चंद्रकांत पाटील यांनी दिले होते. त्यानुसार महापालिका प्रशासनाकडून आढावा घेतल्यानंतर हा निर्णय घेण्यात आला आहे. Latest news on water cuts in Pune city
याबाबत पावसकर यांनी सांगितले कि, शहराला पाणीपुरवठा करणाऱ्या धरणामध्ये सद्यस्थितीत 9.70 टीएमसी पाणी उपलब्ध आहे. मागील वर्षी पेक्षा अर्धा टीएमसी ने पाणी कमी आहे. उन्हाची तीव्रता वाढत आहे. तसेच अल निनो वादळाचे संकट असणार आहे, असे हवामान विभागाने सांगितले आहे. त्यामुळे पाणी बचत करणे आवश्यक आहे. तसेच कपात करण्याबाबत राज्य सरकारने देखील आदेश दिले होते. त्यानुसार 18 मे म्हणजे पुढील गुरुवार पासून दर गुरुवारी संपूर्ण शहराचा पाणीपुरवठा बंद ठेवण्यात येणार आहे. जून महिन्यात पावसाचा अंदाज घेऊन आढावा घेण्यात येईल. त्यानंतर पाणी कपात बाबत निर्णय घेण्यात येईल. Pune Municipal Corporation (PMC) 
 
पुणेकरांची होणार तारांबळ 
 
दरम्यान शहरात असे काही भाग आहेत ज्या ठिकाणी एका दिवशी पाणी बंद ठेवल्यानंतर पुढील तीन दिवस पाणी टंचाईचा प्रश्न निर्माण होतो. त्यामुळे नागरिक त्रासून जातात. अशा भागात प्रशासन कशा पद्धतीने नियोजन करणार, हा कळीचा मुद्दा आहे. (Pune water cut News) 
—-
Latest News on Water cuts in Pune | Now from May 18, water will be shut off in the entire city of Pune every Thursday. Decision of pune civic body

Pune Municipal Corporation | PMC Water Supply Department | फेब्रुवारी 2023 मध्ये पूर्ण होणाऱ्या समान पाणीपुरवठा योजनेचे काम फक्त 60% पूर्ण!

Categories
Breaking News PMC social पुणे

Pune Municipal Corporation | PMC water supply department | फेब्रुवारी 2023 मध्ये पूर्ण होणाऱ्या समान पाणीपुरवठा योजनेचे काम फक्त 60% पूर्ण!

| मुदतवाढीच्या प्रस्तावाला मान्यता देताना ठेकेदाराला जबरी दंड ठोठावण्याची मागणी

Pune Municipal Corporation | PMC water supply department | कामाचा स्कोप २५% नी कमी करुनही समान पाणीपुरवठा योजनेचे (Equal Water Supply Scheme) काम पाच वर्षांत फक्त ६०% पूर्ण झाले आहे. फेब्रुवारी 2023 मध्ये हे काम पूर्ण होणे आवश्यक होते. आता याबाबत पुणे महापालिका प्रशासनाने  (Pune civic body) १६ महिने मुदतवाढीचा प्रस्ताव सादर केला असून त्या मुदतीत काम पूर्ण न झाल्यास जबरी दंडाची तरतूद करण्यात यावी. अशी मागणी सजग नागरिक मंचाचे अध्यक्ष विवेक वेलणकर (President of Sajag nagrik manch Vivek Velankar) यांनी महापालिका आयुक्ताकडे केली आहे. (Pune Municipal Corporation (PMC) )
याबाबत वेलणकर यांनी आयुक्तांना निवेदन दिले आहे. त्यानुसार   पुणेकरांना २४*७ पाणीपुरवठा करण्यात येईल असे गाजर दाखवून पुणे महापालिकेने ” घर घर मीटर” ( झोपडपट्टी सोडून) बसवणारी दोन हजार कोटी रुपये खर्चाची महत्वाकांक्षी योजना आणली जी फेब्रुवारी २०१८ मध्ये सुरु झाली आणि फेब्रुवारी २०२३ मध्ये पूर्ण होणे अपेक्षित होते. यासाठी २०१८ सालापासून दरवर्षी पाणीपट्टीत १५% वाढ पुणेकरांच्या माथी मारण्यात आली. नंतर आम्ही २४*७ पाणीपुरवठा करणं कसं अशक्य आहे ते दाखवून दिल्यावर महापालिकेने साळसूदपणे *या योजनेचे नावच बदलून ” समान पाणीपुरवठा योजना” असे केले*. (PMC Pune news)
कालच्या सोमवारच्या माहिती अधिकार दिनात या योजनेच्या सद्यस्थितीची माहिती घेतली असता अत्यंत धक्कादायक माहिती पुढे आला. (PMC equal water supply scheme)
१) या योजनेचा स्कोपच जवळपास २५% ने कमी करण्यात आला. 1656 किमी नवीन पाइपलाइन टाकणार होते ते कमी करुन 1300 किमी पाइपलाइन टाकण्याचे ठरवले. 3,18,564 पाणीमीटर घराघरात बसवणार होते ते उद्दिष्ट 2,39,673 मीटर वर आणण्यात आले. 82 नवीन टाक्या बांधणार होते ते उद्दिष्ट 67 टाक्यांवर आणण्यात आले.
२) कामाचा स्कोप कमी करूनही पाच वर्षे पूर्ण झाली तरी आज रोजी पाइपलाइन टाकण्याचे काम ६६% , मीटर बसवण्याचे काम ४५% , पाणीपुरवठा टाक्यांचे काम ६६% पूर्ण झाले आहे.
3) मूळ काम २३ फेब्रुवारी २०१८ ला सुरू झाले आणि ते पाच वर्षांत म्हणजे २३ फेब्रुवारी २०२३ ला संपणे आवश्यक होते . कामाचा स्कोप २५% ने कमी केला म्हणजे खरं तर हे काम २५% कमी वेळेत म्हणजेच पावणेचार वर्षांत पूर्ण होणे अपेक्षित होते.
४) काम रखडले म्हणून आजवर कंत्राटदाराला जेमतेम सव्वादोन कोटी रुपये दंड झाला आहे.
५) एवढं सगळं होऊनही आता कंत्राटदाराला आणखी १६ महिने मुदतवाढीचा प्रस्ताव प्रशासनाने ठेवला आहे.
(Pune Municipal Corporation)
—–
 आमची विनंती आहे की मुदतवाढीचा प्रस्ताव मान्य करताना त्या नंतरही वेळेत काम पूर्ण झाले नाही तर नंतर प्रतिदिन २ कोटी रुपये अशा जबरी दंडाची अट नमूद करावी जेणेकरून किमान यानंतर तरी काम वेळेत पूर्ण होईल.
– विवेक वेलणकर, अध्यक्ष, सजग नागरिक मंच, पुणे
—-
Pune Municipal Corporation (PMC) |  Only 60% of work on the same water supply scheme to be completed in February 2023!