Tag: Pune Metro

Pune Metro | पुणे मेट्रोचे ई-तिकीट आता व्हॉट्सअँप वर उपलब्ध

Categories
Breaking News social पुणे लाइफस्टाइल

पुणे मेट्रोचे ई-तिकीट आता व्हॉट्सअँप वर उपलब्ध

पुणे मेट्रोचे काम शहरामध्ये प्रगतीपथावर आहे. मेट्रो लवकरच नवीन मार्ग प्रवासासाठी सुरु करणार असल्याने मेट्रोने प्रवाश्यांच्या सोयीसाठी तिकीट व्हॉट्सअँप वर उपलब्ध करून दिले आहे. प्रत्येक नागरिक व्हॉट्सअँपचा मोठ्याप्रमाणावर उपयोग करत असतो. तरुणाई या ऑनलाईन साधनांचा वापर सहज करत असते. त्यासाठी पुणे मेट्रोने प्रवाश्यांना तिकिटाच्या रांगेत उभे राहायला लागू नये आणि त्यांच्या वेळेची बचत व्हावी यासाठी व्हॉट्सअँप वर तिकीट काढण्याची सोय केली आहे.

व्हॉट्सअँपवर ई-तिकीट काढण्याच्या दोन पद्धती आहेत. पहिली पद्धत म्हणजे मेट्रोने प्रत्येक स्थानकात उपलब्ध करून दिलेल्या किऑस्क मशीनच्या साहाय्याने प्रवासी स्वतः हे तिकीट काढू शकतो. तर दुसरी पद्धत म्हणजे स्थानकात जाऊन टॉम (TOM) ऑपरेटरशी संपर्क साधून आपल्याला हे ई तिकीट मिळवता येईल.
पहिली पद्धत – किऑस्क मशीनद्वारे
१. स्थानकात गेल्यावर आपल्याला हवा तो मार्ग व मेट्रोची वेळ, तिकिटांची संख्या किऑस्क मशीनवर निवडा
२. त्यानंतर तिकिटाचे पैसे देताना आपल्याला कागदी तिकीट वा ई-तिकीट असा पर्याय विचारेल, त्यातील आपल्याला हवा तो पर्याय निवडा
३. ई-तिकीट असा पर्याय निवडल्यावर आलेला स्कॅनर (QR कोड) आपल्या मोबाईलद्वारे स्कॅन करा
५. स्कॅन केल्यावर आपल्या व्हॉट्सअँप वर क्रमांकावर OTP येईल
६. हा OTP किऑस्क मशीनमध्ये टाईप करा
७. OTP मान्य झाल्यावर आपल्याला मोबाईल वर एक लिंक मिळेल
८. या लिंक वर क्लिक केल्यावर आपल्याला आपले ई-तिकीट दिसेल
दुसरी पद्धत – TOM काउंटर/टॉम (TOM) ऑपरेटरशी संपर्क साधून
१. स्थानकात गेल्यावर आपल्याला हवा तो मार्ग व मेट्रोची वेळ निवडा
२. त्यानंतर तिकिटाचे पैसे देताना टॉम (TOM) ऑपरेटर आपल्याला कागदी तिकीट वा ई-तिकीट असा पर्याय विचारेल
३. आपण टॉम (TOM) ऑपरेटरला ई-तिकीट असा पर्याय सांगितल्यावर तो आपणास काउंटरवर लावण्यात आलेला
स्कॅनर (QR कोड) देईल
४. TOM काउंटरवर लावण्यात आलेला स्कॅनर (QR कोड) आपल्या मोबाईलद्वारे स्कॅन करा.
५. स्कॅन केल्यावर आपल्या व्हॉट्सअँप वर क्रमांकावर OTP येईल
६. हा OTP टॉम (TOM) ऑपरेटरला सांगा
७. OTP मान्य झाल्यावर आपल्याला मोबाईल वर एक लिंक मिळेल
८. या लिंक वर क्लिक केल्यावर आपल्याला आपले ई-तिकीट दिसेल

याव्यतिरिक्त पुणे मेट्रोने ९४२०१०१९९० हा व्हॉट्सअँप सुरु केला आहे. दररोज प्रवास करणाऱ्या प्रवाश्यांची आपल्या मोबाईलमध्ये हा नं सेव्ह करून ठेवावा. प्रवासी पुणे मेट्रोच्या या फोन नंबर वर 'हाय' मेसेज पाठवून चॅटबॉटशी संवाद साधण्यासाठी किंवा कोणत्याही मेट्रो स्टेशनवर उपलब्ध QR कोड स्कॅन करून व्हॉट्सअॅप चॅट सुरू करू शकतात.
सध्या, व्हॉट्सअॅपद्वारे QR कोड ई-तिकीट TOM काउंटर आणि डिजिटल किओस्क मशीनद्वारे वितरित केले जाते. लवकरच प्रवासी व्हॉट्सअॅप चॅटबॉटद्वारे तिकिटे बुक करू शकतील आणि व्हॉट्सअॅप वापरकर्ते त्यांच्या तिकिटांसाठी पेमेंट करू शकतील. व्हॉट्सअॅपवर त्यांचा प्रवास तपशील निवडल्यानंतर एकात्मिक पेमेंट पार्टनरद्वारे रिचार्ज करू शकतील.

ही सुविधा मराठी, हिंदी आणि इंग्रजी भाषांमध्ये उपलब्ध असेल. हि सुविधा प्रवाश्यांसाठी लागू करताना महामेट्रोचे व्यवस्थापकीय संचालक डॉ. ब्रिजेश दीक्षित म्हंटले आहे की, पुणे मेट्रोच्या नवीन व्हॉट्सअॅप चॅटबॉट सुविधेमुळे प्रवाशांना सुलभ आणि त्रासमुक्त प्रवास उपलब्ध होणार आहे. ही नवीन
तिकीट प्रणाली नागरिकांचा वेळ वाचवण्यासाठी खूप मदत करेल आणि हे एक पर्यावरणास अनुकूल पेपरलेस तिकीट समाधान देखील आहे. पुणे मेट्रो पुण्यातील नागरिकांना आणि अभ्यागतांना जलद, सुरक्षित आणि आरामदायी प्रवास देण्यावर विश्वास ठेवते. पुणे मेट्रोने लोकांना व्हॉट्सअॅप चॅटबॉट सेवा वापरण्याचे आवाहन केले आहे.

Pune Metro | पुणे मेट्रोच्या पिंपरी चिंचवड महानगरपालिका स्थानक ते रेंजहील स्थानक या उन्नत मार्गिकेवरील शेवटच्या सेगमेंटची उभारणी

Categories
Breaking News social पुणे

पुणे मेट्रोच्या पिंपरी चिंचवड महानगरपालिका स्थानक ते रेंजहील स्थानक या उन्नत मार्गिकेवरील शेवटच्या सेगमेंटची उभारणी

पुणे मेट्रोच्या पिंपरी चिंचवड महानगरपालिका स्थानक ते स्वारगेट या मार्गिकेमध्ये पिंपरी चिंचवड महानगरपालिका स्थानक ते रेंजहील स्थानक हा १२ किमीचा मार्ग उन्नत असून उर्वरित मार्ग भूमिगत आहे. या १२ किमी उन्नत मार्गाच्या शेवटच्या सेगमेंटची उभारणी आज पूर्ण करण्यात आली. त्यामुळे फुगेवाडी स्थानक ते सिव्हिल कोर्ट स्थानक या मार्गावर लवकरच मेट्रो धावण्याची चाचणी घेणे शक्य होणार आहे. चाचणीनंतर फुगेवाडी स्थानक ते सिव्हिल कोर्ट स्थानक हा मार्ग प्रवाश्यांसाठी खुला करण्यात
येईल.

पिंपरी चिंचवड महानगरपालिका स्थानक ते रेंजहील स्थानक या १२.०६४ किमी उन्नत मार्गासाठी एकूण ३९३४ सेगमेंट बनविण्यात आले होते. या सेगमेंटद्वारे ४५१ स्पॅन उभारण्यात आले व १२.०६४ किमीचा उन्नत मार्ग बनविण्यात आला. या मार्गावर पहिला मेट्रोचा खांब दिनांक ७/१०/२०१७ रोजी बांधण्यात आला. नाशिक फाटा येथे भव्य कास्टिंग यार्डची उभारणी करण्यात आली. ज्यात ३९३४ सेगमेंट बनविण्यात आले. या मार्गिकेसाठी लागणारा पहिला सेगमेंट दिनांक २९/८/२०१७ रोजी बनविण्यात आला व शेवटचा सेगमेंट १९/१०/२०२२ रोजी बनविण्यात आला. तसेच या मार्गावर पहिला सेगमेंट १४/१२/२०१७ रोजी पिअर नं. ३४८-३४९ यामधील स्पॅनसाठी उभारण्यात आला. या सुरुवातीचा आज शेवटच्या टप्प्यात पिअर नं. १४९-१५० मधील स्पॅनसाठी शेवटचा (३९३४ वा) सेगमेंट उभारण्यात आला. अश्याप्रकारे संपूर्ण १२.०६४ किमी उन्नत मार्गाचे व्हायाडक्तचे काम आज पूर्ण झाले.

या १२.०६४ किमीच्या उन्नत मार्ग पूर्ण करण्यासाठी अनेक अडचणींवर मात करण्यात आली. सर्वात मोठी अडचण सैन्यदलाकडून हॅरिस पूल ते खडकी येथील जागा मिळवणे हि होती. त्यासाठी सैन्यदलाकडे निरंतर पाठपुरावा करून जुलै २०२२ मध्ये मेट्रो उभारणीस जागा देण्यात आली. सैन्यदलाकडून या मार्गास जमीन मिळण्यास विलंब झाला तरी देखील मेट्रोने काम न थांबवता रेंजहील स्थानक ते खडकी आणि फुगेवाडी स्थानक ते हॅरिस पूल या टप्प्याची कामे चालू ठेवली आणि वेळेत पूर्णत्वास नेली. आजच्या शेवटच्या सेगमेंटची उभारणी केल्यामुळे पिंपरी चिंचवड महानगरपालिका स्थानक ते हॅरिस पूल आणि रेंजहील स्थानक ते खडकी यामधील गॅप भरण्यात येऊन व्हायाडक्तचे काम पूर्णत्वास येत आहे. कोरोना काळात सर्वच मोठे प्रकल्प ठप्प पडले आणि त्याचा फटका महामेट्रोलाही बसला. या भागामध्ये वाहतूक नियमन हि अत्यंत्य गुंतागुंतीचे होते. संबंधित विभागांमध्ये समन्वय साधून खडकी येथील वाहतूक नियमन करण्यात आले
व आपल्या नियोजित वेळेत हे काम पूर्ण करण्यात आले.

फुगेवाडी स्थानक ते सिव्हिल कोर्ट स्थानक व गरवारे कॉलेज स्थानक ते सिव्हिल कोर्ट स्थानक या मार्गावरील कामे ३० नोव्हेंबर २०२२ पर्यंत पूर्ण करण्याचे नियोजन मेट्रोने केले आहे. त्याला अनुसरूनच आजच्या शेवटच्या सेगमेंटची उभारणी होत आहे. सैन्यदलाकडील जमीन, कोरोना आणि वाहतूक नियमन इत्यादी अडचणींवर मात करून नियोजित वेळेत या १२.०६४ किमी उन्नत मार्गाचे काम पूर्ण होत
आहे. त्यामुळे नोव्हेंबर २०२२ अखेर हे काम पूर्णत्वास घेऊन जाणे शक्य होईल.

या प्रसंगी महामेट्रोचे व्यवस्थापकीय संचालक डॉ. ब्रिजेश दीक्षित यांनी म्हंटले आहे की, " आजचा दिवस पुणे मेट्रोच्या कामाचा महत्वाचा टप्पा आहे. पिंपरी चिंचवड महानगरपालिका स्थानक ते रेंजहील स्थानक या १२.०६४ किमी उन्नत मार्गाच्या व्हायाडक्तचे काम नियोजित वेळात पूर्ण होत आहे. लवकरच फुगेवाडी स्थानक ते सिव्हिल कोर्ट स्थानक व गरवारे कॉलेज स्थानक ते सिव्हील कोर्ट स्थानक या
मार्गावर मेट्रोच्या चाचण्यांना सुरुवात होणार आहे.

Khadakwasla – Kharadi Metro | खडकवासला – खराडी मेट्रो | साडेआठ हजार कोटींचा खर्च अपेक्षित  | महामेट्रोकडून महापालिकेस प्रारूप आराखडा सादर

Categories
Breaking News Commerce PMC social पुणे

खडकवासला – खराडी मेट्रो | साडेआठ हजार कोटींचा खर्च अपेक्षित

| महामेट्रोकडून महापालिकेस प्रारूप आराखडा सादर

पुणे : महामेट्रोकडून खडकवासला ते खराडी या 25 किलोमीटर अंतराचा मेट्रोचा प्रारूप प्रकल्प आराखडा महापालिकेस सादर केला आहे. या मार्गासाठी सुमारे 8 हजार 565 कोटी रूपयांचा खर्च अपेक्षित असणार असल्याची माहिती महामेट्रोकडून देण्यात आली.

खडकवासला ते स्वारगेट- हडपसर आणि खराडी असा हा स्वतंत्र मार्ग असणार असून या मार्गावर 22 स्थानके असणार आहेत. या पूर्वी हा मार्ग मेट्रो आणि पीएमआरडीएकडून संयुक्त करण्यात येणार होता. मात्र, पुम्टाच्या बैठकीत हा स्वतंत्र मार्ग करण्याची शिफारस करण्यात आली. त्यानुसार, महामेट्रोने हा डीपीआर तयार केला असल्याची माहिती महामेट्रोचे व्यवस्थापकीय संचालक अतुल गाडगीळ यांनी दिली. महापालिका आयुक्त विक्रम कुमार यांच्यासह महामेट्रो आणि महापालिकेचे अधिकारी उपस्थित होते. दरम्यान, हा प्रारूप आराखडा असून महापालिका प्रशासनाकडून त्यात, बदल सुचविल्यानंतर अंतिम आराखडा करून राज्यशासन तसेच केंद्रशासनाच्या मान्यतेसाठी पाठविण्यात येणार असल्याचे गाडगीळ यांनी स्पष्ट केले.

हा मार्ग खडकवासला-सिंहगड रस्ता- स्वारगेट- शंकरशेठ रस्ता- राम मनोहर लोहिया उद्यान- मुंढवा चौक – खराडी असा असणार आहे. हा संपूर्ण मार्ग इलिव्हेटेड असणार आहे. हा मार्ग मुख्य सिंहगड रस्त्याने सारसबागेच्या समोरून गणेश कलाक्रीडा मंचाच्या समोरून जेधे चौकातून शंकरशेठ रस्त्याने पुढे जाणार आहे. या मार्गावर एकूण 22 स्थानके असणार असून स्थानके तसेच मेट्रो मार्गासाठी जास्तीत जास्त शासकीय जागेचे भूसंपादन केले जाणार आहे. या शिवाय, ज्या ठिकाणी रस्त्यांची रूंदी कमी आहे. त्या ठिकाणी रस्त्याच्या वाहतूकीला अडथळा होणार नाही अशा पध्दतीने खांबाची उभारणी केली जाणार असल्याचे गाडगीळ यांनी स्पष्ट केले.

खडकवासला, दालवेवाडी, नांदेडसिटी, धायरी फाटा, माणिकबाग, हिंगणे चौक, राजारामपूल, पु.ल देशपांडे उद्यान, दांडेकरपूल, स्वारगेट, सेव्हन लव्हज चौक, पुणे छावणी, रेसकोर्स, फातिमानगर, रामटेकडी, हडपसर, मगरपट्टा साऊथ, मगरपट्टा मेन, मगरपट्टा नॉर्थ, हडपसर रेल्वे स्टेशन, साईनाथ नगर आणि खराडी चौक ही स्थानके असणार आहेत. तर स्वारगेट येथे नेहरू स्टेडीयमच्या समोर स्थानक असणार असून या ठिकाणी येऊन प्रवाशांना स्वारगेट भूमिगत मेट्रोने पिंपरी-चिंचवड तसेच कात्रजकडे जाता येणार आहे, तसेच स्वारगेट येथील मल्टीमॉडेल हबचे पार्किंगच या कामासाठी वापरता येणार आहे.

Shivaji Nagar to Hinjewadi Metro | शिवाजी नगर ते हिंजवडी मेट्रो प्रकल्प प्राधान्याने पूर्ण करणार |मंत्री दीपक केसरकर यांची माहिती

Categories
Breaking News Political पुणे महाराष्ट्र

शिवाजी नगर ते हिंजवडी मेट्रो प्रकल्प प्राधान्याने पूर्ण करणार

|मंत्री दीपक केसरकर यांची माहिती

पुणे शहरातील वाहतूक कोंडीवर तोडगा काढण्यासाठी सर्व संबंधितांची व्यापक बैठक बोलावली जाईल, असे मंत्री दीपक केसरकर यांनी आज विधानसभेत सांगितले. तसेच शिवाजी नगर ते हिंजवडी मेट्रो रेल्वे प्रकल्पाची पूर्तता प्राधान्याने केली जाईल, असेही त्यांनी सांगितले.

विधानसभेत उपस्थित केलेल्या लक्षवेधी सूचनेस उत्तर देताना त्यांनी ही माहिती दिली.

मंत्री केसरकर यांनी सांगितले की, शिवाजी नगर ते हिंजवडी मेट्रो रेल्वे प्रकल्पाची २३.३ किलोमीटर लांबी आहे. संकल्पना करा, बांधा, आर्थिक पुरवठा करा, वापरा आणि हस्तांतरित करा या तत्वानुसार हा प्रकल्प बांधण्यात येत आहे. या कामास सुरुवात झाली असून प्रकल्प कालावधी ४० महिने आहे. या प्रकल्पातील एकात्मिक उड्डाण पुलाचे काम सुरू आहे. या कामामुळे वाहतूक कोंडी होऊ नये यासाठी एकेरी मार्ग करणे, नो पार्किंग, नो हॉल्टिंग झोन करणे, सायकल ट्रॅक आणि फुटपाथ काढून रस्ता रुंदीकरण करण्यात आले आहेत.

पुणे मुंबई महामार्गावरील चांदणी चौकातील पुलाचे कामही लवकरच पूर्ण केले जाईल, असे मंत्री दीपक केसरकर यांनी सदस्य भीमराव तापकीर यांनी विचारलेल्या उपप्रश्नाला उत्तर देताना सांगितले.

याबाबत सदस्य सिध्दार्थ शिरोळे, राहुल कुल, भीमराव तापकीर यांनी चर्चेत सहभाग घेतला.

Pune Metro | CM Eknath Shinde | पुणे मेट्रोच्या कामाचा मुख्यमंत्री एकनाथ शिंदे यांच्याकडून आढावा

Categories
Breaking News Political पुणे महाराष्ट्र

पुणे मेट्रोच्या कामाचा मुख्यमंत्री एकनाथ शिंदे यांच्याकडून आढावा

आज मुंबई येथे  मुख्यमंत्री एकनाथ शिंदे यांनी पुणे मेट्रो प्रकल्पाचा आढावा घेतला. महामेट्रोचे कार्यकारी संचालक डॉ. ब्रिजेश दिक्षित यांनी पुणे मेट्रोच्या सद्यस्थितीच्या प्रगतीची माहिती मुख्यमंत्री यांना दिली.

याव्यतिरिक्त पिंपरी चिंचवड ते निगडी व स्वारगेट ते कात्रज या विस्तारित मार्गांच्या मान्यतेची सद्यस्थिती, तसेच पुणे मेट्रोच्या ४८.२ किमीच्या फेज २ या प्रकल्प अहवाल बनवण्याच्या सद्यस्थितीबद्दल माहिती मा. मुख्यमंत्री यांनी घेतली. याप्रसंगी  मुख्यमंत्री एकनाथ शिंदे यांनी पुणे मेट्रोल सर्वतोपरी सहाय्य करण्याची ग्वाही दिली.

Pune Metro: पुणे मेट्रोने महिन्याभरात 6 लाख प्रवाशांनी केला प्रवास : 80 लाखांचे मिळाले उत्पन्न

Categories
Breaking News social पुणे

पुणे मेट्रोने महिन्याभरात 6 लाख प्रवाशांनी केला प्रवास 

 

: 80 लाखांचे मिळाले उत्पन्न 

पुणे – शहर (Pune City) आणि पिंपरी चिंचवडमधील (Pimpri Chinchwad) मेट्रो प्रकल्पातील (pune Metro Project) पहिल्या टप्प्यात सुमारे ६ लाख प्रवाशांनी (Passenger) महिनाभरात प्रवास केला आहे. त्यातून मेट्रोच्या तिजोरीत सुमारे ८० लाखांचे उत्पन्न (Income) जमा झाले आहे. एकूण प्रवाशांत पुण्यातील चार लाख तर, पिंपरी चिंचवडमधील दोन लाख प्रवाशांचा समावेश आहे.

पुण्यातील वनाज – गरवारे महाविद्यालय या पाच किलोमीटरच्या तर, पिंपरी – फुगेवाडी या सहा किलोमीटरच्या पहिल्या टप्प्याचे उदघाटन ६ मार्च रोजी पंतप्रधान नरेंद्र मोदी यांच्या हस्ते पुण्यात झाले. दोन्ही शहरांत पहिल्या दिवसांपासूनच नागरिकांनी मेट्रो प्रवासाबद्दल उत्सुकता दर्शविली. दोन्ही शहरांत सुट्टीच्या दिवशी मेट्रोच्या प्रवाशांच्या संख्येत वाढ होत असल्याचे निरीक्षण महामेट्रोने नोंदविले आहे.पिंपरी चिंचवडच्या लोकसंख्येच्या तुलनेत पुण्याची लोकसंख्या जास्त आहे. तसेच पुण्यातील मेट्रो मार्गाभोवती लोकसंख्येची घनताही जास्त आहे. त्यामुळे पुण्यातील मेट्रोला प्रतिसाद जास्त आहे, असे वाटत असले तरी, पिंपरी चिंचवडमध्येही मेट्रोला अपेक्षित प्रतिसाद मिळत असल्याचे महामेट्रोने स्पष्ट केले. वाढदिवस, पुस्तक प्रकाशन, काव्य मैफील आदी उपक्रमही पुणेकरांनी मेट्रोमध्ये केले. तसेच शाळा, महाविद्यालयांच्या सहलींनीही मेट्रो एक महिन्यांत गजबजून गेली, असेही महामेट्रोकडून सांगण्यात आले. मेट्रोच्या वेळेत वाढ मेट्रो प्रकल्पाचे उदघाटन झाले तेव्हा सकाळी ८ ते रात्री ९, अशी मेट्रो प्रवासाची वेळ होती. मात्र, प्रवाशांचा वाढता प्रतिसाद लक्षात घेऊन शनिवार, रविवारी आणि सुट्ट्यांच्या दिवशी मेट्रोची वेळ १ तासाने म्हणजे रात्री १० वाजे पर्यंत वाढविण्यात आली आहे. तसेच प्रवासी संख्या लक्षात घेता मेट्रोच्या वारंवारितेत अर्ध्या तासाऐवजी २५ मिनिटे वेळ करण्यात आला आहे. प्रवाशांचा प्रतिसाद लक्षात घेऊन त्यात नजीकच्या काळात बदल होऊ शकतो.

Pune Metro : PMPML : मेट्रो स्थानकापर्यंत असणार पीएमपीची पूरक सेवा : जाणून घ्या मार्ग

Categories
Breaking News social पुणे

मेट्रो स्थानकापर्यंत पीएमपीची पूरक सेवा

पुणे : पुणे आणि पिंपरी-चिंचवड येथील मेट्रो स्थानकापर्यंत नागरिकांना पोहोचण्यासाठी पीएमपीएमएलकडून पूरस सेवा देण्याची सोमवारपासून सुरुवात झाली. पुण्यामध्ये दोन तर पिंपरी-चिंचवडमध्ये चार ठिकाणांहून वर्तुळाकार मार्गावरून ही सेवा कार्यरत राहणार आहे. या बससेवेमुळे नागरिकांना मेट्रो स्थानकापर्यंत पोहोचणे सोयीचे होणार आहे. या सेवेसाठी मिडी बसचा उपयोग करण्यात आला आहे. त्यामुळे वाहतूक कोंडी टाळण्यास मदत होणार आहे. या सर्व मार्गावर बसच्या वीस फेऱ्या होणार असून दोन फेऱ्यांदरम्यान ४० मिनिटांची वारंवारिता असेल.

गरवारे महाविद्यालय मेट्रो स्थानक येथून पुणे महामेट्रोचे व्यवस्थापकीय संचालक ब्रिजेश दीक्षित, पीएमपीएमएलचे अध्यक्ष व व्यवस्थापकीय संचालक लक्ष्मीनारायण मिश्रा आणि सहव्यवस्थापकीय संचालक डॉ. चेतना केरूरे यांच्या हस्ते बसला हिरवा झेंडा दाखवून पूरक सेवेचे उद्घाटन करण्यात आले.  पुणे महामेट्रोचे संचालक विनोदकुमार अग्रवाल, संचालक अतुल गाडगीळ, जनसंपर्क अधिकारी हेमंत सोनावणे, पीएमपीएमएलचे महाव्यवस्थापक सुनील गवळी, मुख्य वाहतूक व्यवस्थापक दत्तात्रय झेंडे, चंद्रकांत वरपे, जनसंपर्क अधिकारी सतीश गाडे या वेळी उपस्थित होते.

पूरक सेवेचे मार्ग 

  • मार्ग क्र. १ : गरवारे महाविद्यालय मेट्रो स्थानक, संजीवनी हॉस्पिटल, खिलारेवाडी, म्हात्रे पूल, दत्तवाडी, आंबील ओढा, लोकमान्यनगर, टिळक चौक, डेक्कन कॉर्नर, गरवारे महाविद्यालय मेट्रो स्थानक
  • मार्ग क्र. २ : नळ स्टॉप मेट्रो स्थानक, एसएनडीटी, अलंकार पोलीस चौकी, विठ्ठल मंदिर, डी. पी. रस्ता, पटवर्धन बाग, मेहेंदळे गॅरेज, महादेव मंदिर, नळ स्टॉप मेट्रो स्थानक
  • मार्ग क्र. ३ : पिंपरी-चिंचवड मेट्रो स्थानक, गांधीनगर, एच. ए. कॉर्नर, अण्णासाहेब मगर स्टेडियम, टेल्को कंपनी, के. एस. बी. चौक, पिंपरी-चिंचवड मेट्रो स्थानक
  • मार्ग क्र. ४ : संत तुकाराम नगर मेट्रो स्थानक, वल्लभनगर एसटी स्थानक, फुलेनगर, एमआयडीसी कॉर्नर, पिंपरी डेपो, नेहरुनगर कॉर्नर, डी. वाय. पाटील महाविद्यालय पिंपरी, संत तुकाराम नगर मेट्रो स्थानक
  • मार्ग क्र. ५ : नाशिक फाटा भोसरी मेट्रो स्थानक, सी. आय. आर. टी., एमआयडीसी कॉर्नर, फिलीप्स कंपनी, इलेक्ट्कि भवन, क प्रभाग कार्यालय, ज्योती इंग्लिश स्कूल, नेहरुनगर कॉर्नर, वाय. सी. एम. हॉस्पिटल, संत तुकाराम नगर, नाशिक फाटा भोसरी मेट्रो स्थानक
  • मार्ग क्र. ६ : फुगेवाडी मेट्रो स्थानक, मार्शल कंपनी, कासारवाडी, कासारवाडी रेल्वे स्थानक, दत्त मंदिर, सृष्टी चौक, पिंपळे गुरव मनपा शाळा, काटेपूरम चौक, शितळादेवी चौक, सीएनजी पंप, फुगेवाडी मेट्रो स्थानक

Pune Metro : पुणे मेट्रो सुसाट!   :अवघ्या ८ दिवसांत 32 लाखांपेक्षा जास्त उत्पन्न 

Categories
Breaking News social पुणे

पुणे मेट्रो सुसाट!

:अवघ्या ८ दिवसांत 32 लाखांपेक्षा जास्त उत्पन्न

पुणे : घरबसल्या पुणे मेट्रोचे  बुकिंग (pune metro ticket booking) करणारे मेट्रो ॲप (metro app) आतापर्यंत २७ हजार जणांनी डाऊनलोड करून घेतले आहे. अवघ्या ८ दिवसात मेट्रोला २ लाख २७ हजार ९५० प्रवासी मिळाले. त्यांच्याकडून मेट्रोला ३२ लाख ४५ हजार ६७३ रुपयांचे उत्पन्न मिळाले.

रविवारी सुटीच्या दिवशी (दि. १३) मेट्रोमधून ६७३५० नागरिकांनी प्रवास केला. त्यातून मेट्रोला लाखोंचे उत्पन्न मिळाले. मेट्रोला नागरिकांचा पुणे व पिंपरी – चिंचवड अशा दोन्ही शहरांमध्ये वाढता प्रतिसाद आहे.

पुण्यात वनाज ते गरवारे व पिंपरी चिंचवडमध्ये पिंपरी ते फुगेवाडी या मार्गांवर शालेय मुलांपासून ते वृद्ध व्यक्ती तसेच समाजाच्या सर्व स्तरातील नागरिक मेट्रो सफारीचा आनंद लुटत आहेत. मेट्रोचे पुढील मार्ग काम पूर्ण होऊन त्वरित सुरू व्हावेत अशी अपेक्षा नागरिक व्यक्त करत आहेत.

Mobile App For Pune Metro : Online Ticket : हे मोबाईल ऍप घ्या आणि पुणे मेट्रोचे तिकीट घरबसल्या ऑनलाईन काढा 

Categories
Breaking News social पुणे

हे मोबाईल ऍप घ्या आणि पुणे मेट्रोचे तिकीट घरबसल्या ऑनलाईन काढा

: महामेट्रोने उपलब्ध करून दिली सुविधा

पुणे : पंतप्रधान नरेंद्र मोदींच्या ( PM Narendra Modi) हस्ते पुण्यातील गरवारे ते वनाज या पुणे मेट्रोचे (Pune Metro) उदघाटन झाल्यावर पुणे आणि पिंपरी चिंचवड शहरातील मेट्रो नागरिकांसाठी सुरु करण्यात आली. त्यानंतर गेल्या तीन – चार दिवसात ५० हजारांपेक्षा जास्त पुणेकरांनी मेट्रोने प्रवास केला आहे. नागरिकांच्या उदंड प्रतिसादात मेट्रो सुरु असल्याचे दिसू लागले आहे. पण मेट्रोने जाण्यासाठी स्टेशनच्या तिकीट काउंटरवर नागरिक मोठ्या प्रमाणावर गर्दी करत आहेत. परंतु त्यावर उपाय म्हणून महामेट्रो प्रशासनाने घरबसल्या तिकीट मिळवण्याची सुविधाही उपलब्ध करून दिली आहे.

या प्रकारे करा तिकीटाची बुकिंग 

मोबाईलमध्ये असणाऱ्या प्ले स्टोर मधून (pune metro app) डाउनलोड करावे लागणार आहे. त्यानंतर त्या अँपमध्ये स्वतःची माहिती भरणे बंधनकारक आहे. त्यातच तुम्हाला एक पासवर्ड तयार करावा लागणार आहे. म्हणजे नेहमी अँप उघडताना तो पासवर्ड टाकावा लागेल. अँपमध्ये सध्या सुरु असलेल्या स्टेशनची नावेही देण्यात आली आहेत. नागरिकांना सिंगल आणि रिटर्नचे तिकीटही काढता येणार आहे. मेट्रोच्या तिकिटाप्रमाणेच  प्लॅटफॉर्मवर जाण्यासाठी मोबाईलमध्ये डाउनलोड केलेल्या तिकिटाचा  कोड स्कॅन करावा लागणार आहे.

मेट्रो संपूर्ण स्वयंचलित यंत्रणा

मेट्रो स्थानकावर पोहोचल्यापासून ते दुसऱ्या स्थानकातून बाहेर पडण्यापर्यंत संपूर्ण यंत्रणा ही स्वयंचलित करण्यात आली आहे. तिकीट काउंटरवर ऑनलाइन पैसे दिल्यानंतर तिकीट मिळते. त्यानंतर स्वयंचलित यंत्राद्वारे तिकिटावरील क्यूआर कोड स्कॅन केल्यानंतर प्लॅटफाॅर्मवर जाण्यास परवानगी दिली जाते. तीन डब्यांच्या मेट्रोला प्रत्येकी चार स्वयंचलित दरवाजे आहेत. आत प्रवेश केल्यानंतर संपूर्ण वातावरण वातानुकूलित होते. त्याचबरोबर चार्जिंग व्यवस्थाही केली होती.  प्रत्येक डब्यात एलइडी स्क्रीन असून आपण कोणत्या स्थानकापर्यंत प्रवास करू शकतो याची माहिती दिली आहे. स्वयंचलित दरवाजाच्यावरच एक स्क्रीन आहे त्यावर मेट्रोचा मार्ग, तसेच पुढे कोणते स्थानक आहे याची माहिती दर्शवली जात आहे.

Pune Metro : पहिल्या दिवशी 37 हजार तर दुसऱ्या दिवशी 18 हजार लोकांचा पुणे मेट्रोने प्रवास

Categories
social पुणे

पहिल्या दिवशी 37 हजार तर दुसऱ्या दिवशी 18 हजार लोकांचा पुणे मेट्रोने प्रवास 

: पुणे मेट्रोला  उदंड प्रतिसाद

पुणे : मेट्रोचे पंतप्रधान. नरेन्द्र मोदी  यांनी उदघाटन  केल्यानंतर दुपारी ३ वाजेपासून गरवारे ते वनाज , आणिपीसीएमसी ते फुगेवाडी  या मार्गावर मेट्रो सेवा सुरु करण्यात आली. दुपारी २ वाजल्यापासून स्थानकांवर लोक  येण्यास सुरवात झाली.

 पुणेआणि पीसीएमसी  नागरिकांमध्ये  प्रचंड  उत्साह दिसत होता. मोठ्यासंख्यने गृहिणी , जेष्ठ नागरिक , महाविद्यालयीन विध्यार्थी , लहान मुले , संपूर्ण कुटुंब , महाविद्यालयीन ग्रुप  इत्यादी  नागरिक मोठ्या उत्साहाने मेट्रो स्थानकांवर येत होते आणि मेट्रोने प्रवास करत होते.

      पुण्यात मेट्रो रेल्वे चालू होऊन पहिल्याच दिवशी म्हणजे ६ मार्च२०२२ रोजी दुपारी ३ ते रात्री ९:३० पर्यंत  ३७७५२ लोकांनी प्रवास केला. प्रवास करणाऱ्या लोकांमध्ये प्रचंड उत्साहाचे  वातावरण होते. गरवारेस्थानकात असलेली प्रदर्शनी हा एक सेल्फी पॉईंट झाला आहे. मेट्रोमध्येदेखील मोठ्या प्रमाणावर प्रवासी फोटो, सेल्फी , घेत होते. पूर्ण स्टेशनजय भवानी , जय शिवाजी , गणपती बाप्पा मोरया  अश्या घोषणांनी दुमदुमले होते.

   दि. ०७.०३.२०२२ रोजी देखील तेवढ्याच उत्साहाने   नागरिक मेट्रोरेल्वे स्थानकात येत होते संध्याकाळी  पाच वाजेपर्यंत १८४३९ प्रवाश्यानीमेट्रो सेवेचा वापर केला. त्यामध्ये पीसीएमसी ते फुगेवाडी आणि वनाज तेगरवारे या मार्गिके मध्ये प्रवास केला आहे.