Tag: contract employees

Layoff of Contract employees | ४५ वर्षावरील कर्मचाऱ्यांना कामावरून कमी केल्याच्या निषेधार्थ राष्ट्रवादीचा पुणे महापालिकेवर मोर्चा

Categories
Breaking News PMC Political पुणे

४५ वर्षावरील कर्मचाऱ्यांना कामावरून कमी केल्याच्या निषेधार्थ राष्ट्रवादीचा पुणे महापालिकेवर मोर्चा

ठेकेदारांच्या हितासाठी पुणे महानगरपालिकेच्या (PMC Pune) कर्मचाऱ्यांना वयोमर्यादेचे कारण देत काढून टाकणाऱ्या पुणे महानगरपालिका प्रशासनाच्या विरोधात आज राष्ट्रवादी काँग्रेस पार्टीने पुणे (NCP Pune) महानगरपालिकेच्या मुख्य कार्यालयावर भव्य मोर्चा काढला.

पुणे महानगरपालिकेत सुरक्षा रक्षक म्हणून कंत्राटी काम करत असलेल्या कर्मचाऱ्यांना ४५ वर्ष वय झाल्याचे कारण देत कामावरून कमी करणाऱ्या पुणे महानगरपालिका प्रशासनाच्या निषेधार्थ आज राष्ट्रवादी काँग्रेस पार्टीच्या वतीने काढलेल्या मोर्चामध्ये मोठ्या संख्येने कर्मचाऱ्यांनी सहभाग घेतला.

शहराध्यक्ष प्रशांत जगताप यांनी सांगितले कि, केंद्र शासनाने निवृत्तीचे वय ६० व ५८ वर्ष निश्चित केलेले असताना पुणे महानगरपालिका प्रशासन केवळ ठेकेदारांच्या हितासाठी मनमानी पद्धतीने कारभार करत आहे. ४५ वर्षावरील कर्मचाऱ्यांना अचानकपणे या वयात कामावरून काढून टाकत त्यांच्यावर उपासमारीचे संकट पुणे महानगरपालिकेच्या प्रशासनामुळे येणार आहे. राज्यात सत्तेत आलेल्या शिंदे- फडणवीस सरकारच्या काळात रोजगार तर मिळाले नाहीत परंतु आहेत ते रोजगार कसे जातील याकडे राज्यातील शिंदे फडणवीस सरकार बारकाईने लक्ष ठेवून आहे. त्याचाच एक भाग म्हणून पालिका प्रशासनातील सुरक्षा कर्मचाऱ्यांना कामावरून काढून टाकण्याचा प्रकार करण्यात आलेला आहे. तसेच येत्या काही दिवसात स्वच्छता विभागाच्या कर्मचाऱ्यांना देखील अशाच प्रकारे कामावरून काढून टाकण्यात येणार आहे. त्यामुळे ज्या कर्मचाऱ्यांमुळे या शहराची संपूर्ण घडी व्यवस्थितपणे चालते त्या कर्मचाऱ्यांना कामावरून काढून टाकत बेरोजगार करण्याचे पाप पुणे महानगरपालिका प्रशासन करत आहे या गोष्टीचा राष्ट्रवादी काँग्रेस पार्टी तीव्र शब्दांमध्ये निषेध करते. तसेच सदर कर्मचाऱ्यांना तात्काळ पुन्हा कामावर हजर करून घेण्यात यावे अशी मागणी करण्यात आली. तसेच या मागणीचे निवेदन या मोर्चाच्या वेळी यांनी पुणे महानगरपालिकेच्या उपायुक्तांना देण्यात आले.

या आंदोलन प्रसंगी शहराध्यक्ष प्रशांत जगताप, सौ.नंदा लोणकर,योगेश ससाने, रुपालिताई पाटील , प्रदीप देशमुख,प्रदीप गायकवाड ,अशोक कांबळे,वनराज आंदेकर,नितीन कदम,मृणालिनी वाणी,किशोर कांबळे , आदी पदाधिकारी व मोठ्या संख्येने महानगरपालिका कर्मचारी उपस्थित होते.

ESIC Benefit | PMC Contract employees | कंत्राटी कामगारांना ईएसआईसी चे फायदे देण्यासाठी महापालिका पुढाकार घेईल| शिवाजी दौंडकर

Categories
Breaking News PMC social पुणे

 कंत्राटी कामगारांना ईएसआईसी चे फायदे देण्यासाठी महापालिका पुढाकार घेईल| शिवाजी दौंडकर

पुणे मनपा (PMC Pune) मधील कंत्राटी कर्मचाऱ्यांसाठी (Contract employees) कामगार राज्य महामंडळाचे (ESIC) फायदे कसे घ्यावेत या संदर्भामध्ये मनपा व कामगार राज्य विमा महामंडळ यांच्या संयुक्त विद्यमाने कार्यशाळेचे आयोजन करण्यात आले होते. यावेळी कामगार सल्लागार तथा सह महापालिका आयुक्त शिवाजी दौंडकर (Labor Adviser and Joint Municipal Commissioner Shivaji Daundkar) आश्वासन दिले कि पुणे महानगरपालिका सर्व कंत्राटी कामगारांना ईएसआईसी चे फायदे देण्यासाठी पुढाकार घेईल व प्रयत्न करेल. (Pune Municipal corporation)

या कार्यशाळेमध्ये ई एस आय सी चे पुणे रिजनचे उपनिदेशक हेमंत पांडे , डेप्युटी संचालक चंद्रकांत पाटील, तर मनपाचे कामगार सल्लागार शिवाजी दौंडकर, कामगार अधिकारी नितीन केंजळे, अरुण खिलारी हे उपस्थित होते. ही कार्यशाळा कामगार नेते व इ एस आय सी चे स्थानीय सल्लागार समितीचे सदस्य सुनील शिंदे (Sunil Shinde) यांच्या पुढाकाराने आयोजित करण्यात आली होती.(PMC Pune)

या कार्यशाळेमध्ये हेमंत पांडे यांनी ईएसआयसी च्या वेगवेगळ्या कायद्याबाबत माहिती दिली. चंद्रकांत पाटील यांनी वेगवेगळे लाभ कसे घ्यावेत या संदर्भातले सविस्तर प्रेझेंटेशन दिले. शिवाजी दौंडकर यांनी पुणे महानगरपालिका सर्व कंत्राटी कामगारांना ईएसआईसी चे फायदे देण्यासाठी पुढाकार घेईल व प्रयत्न करेल असे सांगितले. सुनील शिंदे यांनी एस आय सी चे लाभ घेण्यासाठी त्याची नोंदणी सर्व कामगारांनी तात्काळ करून घ्यावी व त्याचे लाभ व नोंदणी करण्यासाठी संघटनेच्या कार्यालयामध्ये मोफत संगणक व मार्गदर्शक नेमण्यात येणार असून त्याद्वारे सर्व कंत्राटी कामगारांनी एस आय सी चा लाभ घ्यावा. असे आवाहन यावेळी केले. त्याचबरोबर ही कार्यशाळा आयोजित करण्यासाठी मनपाचे आयुक्त विक्रमकुमार व अतिरिक्त आयुक्त डॉक्टर कुणाल खेमनार यांनी परवानगी दिल्याबद्दल त्यांचेही आभार व्यक्त केले.

केंजळे यांनी सूत्रसंचालन केले. या कार्यशाळेचे आयोजन बालगंधर्व रंगमंदिर पुणे येथे करण्यात आले होते. यासाठी मोठ्या संख्येने पुणे महानगरपालिकेतील कंत्राटी कामगार हे उपस्थित होते. (ESIC)

Contract Employees | PMC pune | पुणे मनपातील कंत्राटी कामगारांचा मुद्दा विधानसभेत

Categories
Breaking News PMC Political पुणे महाराष्ट्र

पुणे मनपातील कंत्राटी कामगारांचा मुद्दा विधानसभेत

| कामगारांच्या भवितव्यावरून आ. चेतन विठ्ठल तुपे यांनी मुख्यमंत्र्यांना थेट केला सवाल

विधिमंडळात पुरवणी मागणी चर्चेत सहभाग घेतांना हडपसरचे दमदार आमदार चेतन विठ्ठल तुपे पाटील (MLA chetan tupe) यांनी पुणे महानगरपालिकेतील (PMC pune) कंत्राटी कामगारांचा (contract employees) मुद्दा उपस्थित केला. पुणे मनपाने मागील १५ वर्षांपासून सेवेत असणाऱ्या २०० सुरक्षारक्षकांना (security guards) अचानक कामावरून कमी केले आहे. यासाठी दिलेले कारणही न पटण्याजोगे आहे. ५८ किंवा ६० वर्षे निवृत्तीचे वय असताना ४५ वर्षे वयाची अट दाखवत या कामगारांना कामावरून कमी केले आहे. यावर त्यांनी विधानसभेत सवाल उपस्थित केला. (Vidhansabha)
अत्यंत तुटपुंज्या पगारावर हे कंत्राटी कामगार काम करत असून यात अनेक महिला भगिनींचा समावेश आहे. यातील अनेकजणी विधवा, परितक्त्या असून नोकरी गेल्याने त्यांच्यासमोर उपजीविकेचा प्रश्न निर्माण झाला आहे. पुणे महानरपालिकेत हे घडते आहे हे अत्यंत दुर्दैवी आहे. महिलांचा सन्मान करण्याची, त्यांना हक्क मिळवून देण्याची वक्तव्ये सत्ताधाऱ्यांकडून फक्त तोंडदेखली केली जातात का अशी खोचक टीकाही त्यांनी केली.  याबाबत काय कार्यवाही करण्यात येईल हे मा.मुख्यमंत्री महोदयांनी अवगत करावे अशी मागणी आमदार चेतन विठ्ठल तुपे यांनी केली आहे.

Security guards | contract workers | मनपा सुरक्षा रक्षक, कंत्राटी कामगारांवरीलअन्याय सहन करणार नाही | कामगार नेते सुनील शिंदे

Categories
Breaking News PMC social पुणे

मनपा सुरक्षा रक्षक, कंत्राटी कामगारांवरीलअन्याय सहन करणार नाही | कामगार नेते सुनील शिंदे

पुणे:- महानगरपालिकेतील (PMC Pune) कंत्राटी कामगारांवर (Contract workers) होत असलेला अन्याय सहन करणार नाही. असा इशारा आज कामगार नेते व राष्ट्रीय मजदूर संघाचे अध्यक्ष सुनील शिंदे (RMS president Sunil Shinde) यांनी दिला. ते पुणे महानगरपालिका मधील कंत्राटी कामगारांच्या मेळाव्यामध्ये बोलत होते.(Pune Municipal corporation)

ते पुढे म्हणाले की पुणे महानगरपालिकेतील कंत्राटी कामगारांना, कायम कामगारां एवढाच बोनस मिळाला पाहिजे. त्याचबरोबर किमान वेतन, वाढीव रकमेच्या फरकाची रक्कम मिळाली पाहिजे. समान कामासाठी समान वेतन मिळालेच पाहिजे, त्याचबरोबर कंत्राटदार बदलला तरी कंत्राटी कामगार तेच राहतील, या मागण्या या मेळाव्यात करण्यात आले. या मेळाव्यामध्ये पुणे महानगरपालिकेतील विविध खात्यांमधील कंत्राटी कामगारांनी आपले प्रश्न, होत असलेला अन्याय, या मेळाव्यामध्ये मांडला यावेळी शिंदे म्हणाले पुणे महानगरपालिकेतील कंत्राटी कामगारांना वेळेवर पगार दिला जात नाही, पगार पावती दिली जात नाही, प्र. फंडाचे रक्कम भरली जात नाही, ईएसआयचे कार्ड दिले जात नाही, शुल्लक कारणावरून कामावरून काढून टाकण्यात येते, अशा अनेक प्रकारे या कामगारांवर अन्याय चालू आहे नुकतेच सुरक्षा रक्षकांची नवीन कंत्राट आले असून या नवीन कंत्राटदारा मार्फत 45 पेक्षा जास्त वयाच्या कंत्राटी सुरक्षा रक्षकांना कामावरून काढून टाकण्याचे काम चालू आहे. ही बाब अत्यंत गंभीर असून कर्मचाऱ्यांवर अन्याय करणारे आहे. वास्तविक पाहता कुठेही निवृत्तीचे वय हे 58 ते 60 असताना महापालिकेमधील सुरक्षा रक्षकांचे वयाची अट 45 ठेवण्यात आली आहे. हा या सर्व सुरक्षारक्षक यांच्यावर अन्याय होत आहे. (PMC Pune contract workers)

शिंदे पुढे म्हणाले मनपा मधील कंत्राटी कामगारांना कायम कामगारां एवढंच बोनस देण्याबाबतची चर्चा महापालिकेमधील अधिकाऱ्यांशी चालू असून, त्याबाबत लवकरच निर्णय जाहीर होईल असे असे शिंदे यांनी यावेळी सांगितले कंत्राटी कामगारांवर कोणत्याही प्रकारचा अन्याय सहन केला जाणार नाही. गरज पडल्यास त्यासाठी आंदोलनाचा मार्ग देखील स्वीकारावा लागेल असे त्यांनी सांगितले. या मेळाव्यासाठी पुणे महानगरपालिकेतील कंत्राटी सुरक्षा रक्षक, वाहन चालक, पाणीपुरवठा विभाग, झाडू खाते, आरोग्य विभाग, स्मशानभूमी अशा विविध ठिकाणी काम करणारे कंत्राटी कामगार मोठ्या प्रमाणावर उपस्थित होते. या मेळाव्यामध्ये दीप दीप प्रज्वलन करून कामगार नेते सुनील शिंदे यांच्या हस्ते मेळाव्याचे उद्घाटन करण्यात आले. प्रास्ताविक राष्ट्रीय मजदूर संघाचे सेक्रेटरी एस के पळसे यांनी केले. सिताराम चव्हाण संघटनेचे उपाध्यक्ष यांनी व इतर पदाधिकाऱ्यांनी आपले विचार व्यक्त केले विजय पांडव यांनी सूत्रसंचालन केले. (RMS Sunil Shinde)

Bonus | contract workers | मनपा कंत्राटी कामगारांना सानुग्रह अनुदान देण्यास प्रशासन सकारात्मक | कामगार नेते सुनील शिंदे यांची माहिती

Categories
Breaking News PMC पुणे

मनपा कंत्राटी कामगारांना सानुग्रह अनुदान देण्यास प्रशासन सकारात्मक

| कामगार नेते सुनील शिंदे यांची माहिती

 पुणे :- पुणे मनपातील कंत्राटी कामगारांना कायम कामगारांप्रमाणेच 8.33% बोनस व सानुग्रह अनुदान मिळावे, या मागणीसाठी राष्ट्रीय मजदूर संघाच्या नेतृत्वाखाली पुणे महानगरपालिकेच्या गेटवर विविध आंदोलने करण्यात आली. त्याचे दखल घेऊन आज पुणे महापालिकेचे अतिरिक्त आयुक्त डॉ. कुणाल खेमनार यांनी बैठकीचे आयोजन केले होते. बोनस देण्याबाबत प्रशासन सकारात्मक असल्याची माहिती कामगार नेते सुनील शिंदे यांनी दिली आहे.
सुनील शिंदे यांनी दिलेल्या निवेदनानुसार या बैठकीमध्ये कंत्राटी कामगार हे कायम कामगारांप्रमाणेच सारखेच काम करत असून कायम कामगारांना मात्र 8.33% बोनस व 19 हजार रुपये सानुग्रह  अनुदान देण्यात आले. कंत्राटी कामगारांना मात्र काहीही देण्यात आलेले नाही. हा त्यांच्यावर अन्याय झाला आहे. ही बाजू कामगार नेते सुनील शिंदे यांनी यावेळी मांडली ते पुढे म्हणाले कंत्राटी कामगार कायदा अधिनियम 1971 मधील तरतुदीनुसार या सर्व कंत्राटी कामगारांनाही कायम कामगारांन प्रमाणे बोनस व सानुग्रह अनुदान दिले पाहिजे.  यावेळी झालेल्या चर्चेमध्ये डॉ खेमनार यांनी सकारात्मक दृष्टिकोन ठेवून याबाबतचा प्रस्ताव तयार करण्याचे आदेश संबंधित अधिकाऱ्यांना या बैठकीत दिले. सदर बाबींचा प्रस्ताव तयार करून तो प्रस्ताव स्थायी समिती व मुख्य सभेपुढे मांडू असे आश्वासन त्यांनी  यावेळी दिले.
    या बैठकीला पुणे महानगरपालिकेचे कामगार सल्लागार शिवाजी दौंडकर, मुख्य लेखापाल उल्का कळस्कर, विधी सल्लागार हे उपस्थित होते. राष्ट्रीय मजदूर संघाचे अध्यक्ष सुनील शिंदे, एस के पळसे, सिताराम चव्हाण, विजय पांडव, उज्वल साने, जानवी दिघे, संदीप पाटोळे, इत्यादी पदाधिकारी उपस्थित होते.

Contract Employees | ऐन दिवाळीच्या तोंडावर कंत्राटी कामगारांचा असंतोष सहन करावा लागेल | राष्ट्रीय मजदूर संघाचा इशारा

Categories
Breaking News PMC social पुणे

ऐन दिवाळीच्या तोंडावर कंत्राटी कामगारांचा असंतोष सहन करावा लागेल

| राष्ट्रीय मजदूर संघाचा इशारा

पुणे – पुणे महानगरपालिकेतील कंत्राटी कामगारांना कायम कामगारांप्रमाणे बोनस मिळावा,वेळेवर पगार मिळावा,या व इतर कायदेशीर मागण्या संदर्भात महानगरपालिकेतील विविध खात्यातील सुरक्षा रक्षक, पाणी पुरवठा, स्मशानभूमी कर्मचारी, आरोग्य विभाग,वाहन चालक इत्यादी ठिकाणी काम करणाऱ्यां कंत्राटी कामगारांनी राष्ट्रीय मजदूर संघाचे अध्यक्ष  सुनिल शिंदे यांच्या नेतृत्वाखाली अनेक वेळा आंदोलने केली. प्रत्येक वेळी महापालिका प्रशासनाने बैठक घेऊ, निर्णय घेऊ असे आश्वासन दिले परंतु अद्याप पर्यंत कोणताही निर्णय घेतलेला नाही. त्यामुळे आता ऐन दिवाळीत कंत्राटी कामगारांच्या असंतोषाला सामोरे जावे लागेल, असा इशारा संघाचे अध्यक्ष सुनील शिंदे यांनी महापालिका प्रशासनाला दिला आहे.
वास्तविक पाहता कंत्राटी कामगार अधिनियम १९७१ मधील तरतुदीनुसार कंत्राटदाराने पगार किंवा कायदेशीर बाबींची पूर्तता न केल्यास मुख्य नियोक्ता म्हणून महानगरपालिका प्रशासन जबाबदार आहे. त्याचप्रमाणे याच कायद्यातील तरतुदीनुसार समान काम समान वेतन दिले गेले पाहिजे. त्याच अनुषंगाने महापालिकेतील कायम कामगारांना ८.३३टक्के बोनस व १९००० रूपये सानुग्रह अनुदान देण्याचा निर्णय घेण्यात आलेला आहे आणि कंत्राटी कामगारांना पगार देण्यात आलेला नाही. यामध्ये सुरक्षा रक्षकांना गेली २ महीन्यापासून पगार देण्यात आलेला नाही या संदर्भामधे क्रिस्टल कंपनीने हात वर केले आहे. असे अनेक कंत्राटदाराने पगार प्रलंबित ठेवले आहेत. वास्तविक पाहता पुणे महानगरपालिकेला कामगार उपायुक्त कार्यालयाने कंत्राटी कामगारांना बोनस देण्याबाबत पत्र  पाठवले आहे. या संदर्भात पुणे महानगरपालिका आयुक्तांनी तात्काळ लक्ष घालून निर्णय घ्यावा अन्यथा: ऐन दिवाळीत कंत्राटी कामगारांच्या असंतोषाला पुणेकरांना सामोरे जावे लागेल असा इशारा राष्ट्रीय मजदूर संघाचे अध्यक्ष  सुनिल शिंदे यांनी दिला आहे.

PMC Pune | Contract employee Bouns | मनपा कंत्राटी कामगारांचे आंदोलन | कंत्राटी कामगारांना बोनस देण्याबाबत आयुक्त यांच्यासोबत दोन दिवसांमध्ये बैठक घेण्याचे मनपा प्रशासनाचे आश्वासन

Categories
Breaking News PMC पुणे

मनपा कंत्राटी कामगारांचे आंदोलन | कंत्राटी कामगारांना बोनस देण्याबाबत आयुक्त यांच्यासोबत दोन दिवसांमध्ये बैठक घेण्याचे मनपा प्रशासनाचे आश्वासन

पुणे:- महानगरपालिकेतील कंत्राटी कामगारांनी कामगार नेते व राष्ट्रीय मजदूर संघाचे अध्यक्ष सुनील शिंदे यांचे नेतृत्वाखाली पुणे महानगरपालिकेच्या गेटवर निदर्शने आंदोलन केले. या आंदोलनाला पुणे महानगरपालिकेतील सुरक्षा रक्षक, पाणीपुरवठा विभाग, आरोग्य खाते, स्मशानभूमी कर्मचारी, कचरा वाहतूक चालक, पाणीपुरवठा व इतर अनेक विभागातील कंत्राटी कामगार मोठ्या प्रमाणावर उपस्थित होते.

त्यावेळी जोरदार घोषणा देण्यात आल्या. यावेळी बोलताना कामगार नेते सुनील शिंदे म्हणाले, पुणे महानगरपालिकेतील कायम कामगारांना 8.33% बोनस व 19 हजार रुपये सानुगृह अनुदान त्याच बरोबर वीस हजार रुपये अग्रीम रक्कम देण्याचा निर्णय पुणे महानगर पालिकेने घेतला आहे. परंतु त्याचबरोबर कायम कामगारांच्या खांद्याला खांदा लावून काम करणारे कंत्राटी कामगार यांना मात्र काहीच देण्यात आलेले नाही. हा मनपा मधील कांत्राटी कामगारांवर खूप मोठा अन्याय आहे. या अन्यायाला वाचा फोडण्यासाठी व कंत्राटी कामगारांनाही बोनस व इतर लाभ मिळवून देण्यासाठी आज हे आंदोलन करण्यात आले. त्याचबरोबर या कंत्राटी कामगारांचे इतर अनेक एक प्रश्न आहेत तेही यावेळी उपस्थित करण्यात आले.

मागण्यांचे निवेदन महापालिकेचे कामगार सल्लागार शिवाजी दौंडकर यांना देण्यात आले. यावेळी झालेल्या चर्चा मध्ये  शिवाजी दौंडकर यांनी कामगारांचा उर्वरित पगार दिवाळीपूर्वी करण्याचा इरादा जाहीर केला. त्याचबरोबर कंत्राटी कामगारांना बोनस देण्याबाबत माननीय आयुक्त यांच्यासोबत दोन दिवसांमध्ये बैठक घेऊन सकारात्मक निर्णय घेऊ असे आश्वासन यावेळी दिले. यावेळी राष्ट्रीय मजदूर संघाचे उपाध्यक्ष सिताराम चव्हाण, सुरक्षा रक्षक प्रतिनिधी, विजय पांडव, जानवी दिघे, वेहिकल डेपोचे संदीप पाटोळे पाणीपुरवठा विभागाचे योगेश मोरे सोमनाथ चव्हाण व इतर पदाधिकारी उपस्थित होते.

Indefinite strike | Sunil Shinde | कंत्राटी कामगाराच्या विविध मागण्यासाठी 18 पासून बेमुदत धरणे आंदोलन  | राष्ट्रीय मजदूर संघाचा आक्रमक पवित्रा 

Categories
Breaking News PMC social पुणे

कंत्राटी कामगाराच्या विविध मागण्यासाठी 18 पासून बेमुदत धरणे आंदोलन

| राष्ट्रीय मजदूर संघाचा आक्रमक पवित्रा

पुणे | पुणे महापालिकेतील कंत्राटी कामगारांचे विविध प्रश्न प्रलंबित आहेत. कामगारांच्या विविध मागण्यासाठी 18 पासून महापालिका भवन समोर बेमुदत धरणे आंदोलन करण्यात येणार आहे. अशी माहिती राष्ट्रीय मजदूर संघाचे अध्यक्ष सुनील शिंदे यांनी दिली.
| या मागण्याचे निवेदन अतिरिक्त आयुक्तांना देण्यात आले
१) किमान वेतन कायद्याप्रमाणे झालेली वाढ सर्व कर्मचाऱ्यांना फरकासह त्वरित देण्यात यावी व समान कामासाठी समान वेतन कायम कामगारांप्रमाणेच देण्यात यावे.
२) सर्व कामगारांना कायम कर्मचाऱ्यांप्रमाणेच बोनस व सानुग्रह अनुदान द्यावे.
३) कंत्राटदार बदलला तरी कामगार तेच राहतील.
४) प्रत्येक महिन्याच्या ७ तारखेला पगार देण्यात यावा
५) विनाकारण कामावरून काढलेल्या सुरक्षा रक्षकांना पुर्ववत कामावर घेण्यात यावे.
६) विनाकारण सुरक्षा रक्षकांच्या व इतर कंत्राटी कामगारांच्या पगारातून कपात करण्यात येत आहे. ती त्वरित थांबविण्यात
यावी.
७) पगार स्लिप मिळत नाही. आत्ता पर्यंतच्या प्रत्येक महिन्यांच्या पगार स्लिप प्रत्येक कर्मचाऱ्याला देण्यात यावी.
८) ई. एस. आस. सी. कार्ड प्रत्येक कर्मचाऱ्याला त्वरित देण्यात यावे व आत्तापर्यंत झालेल्या दिरंगाईमुळे ज्या कर्मचाऱ्याचे
दवाखान्याचा खर्च किंवा वैद्यकिय बिले यावर झालेला खर्च कर्मचाऱ्याला देण्यात यावा.
९) म.न.पा. चे ओळख पत्र प्रत्येक कर्मचाऱ्याला त्वरित देण्यात यावे.
१०) आजपर्यंत प्रा. फंडात जमा केलेल्या रक्कमेचा तपशील प्रत्येक कर्मचाऱ्याला देण्यात यावा.
११) प्रत्येक कर्मचाऱ्याला वर्षाला दोन ड्रेस, दोन जोडी बुट, टोपी, बेल्ट, शिट्टी, लायनर, रेणकोट, स्वेटर, टॉर्च व काठी त्वरित देण्यात यावी. त्याची रक्कम रोख स्वरूपात प्रत्येक कर्मचाऱ्याला देण्यात यावी.
१२) १५ ऑगस्ट, २६ जानेवारी, १ मे, २ ऑक्टोंबर या दिवशी काम केलेल्या कर्मचाऱ्यांना अतिकालीन भत्ता दिलेला नाही. तो
त्वरित अदा करावा.
१३) ज्या महिन्यामध्ये २७ दिवस काम केले आहे. त्या महिन्यात सुध्दा २६ दिवसांचाच पगार दिलेला आहे. तो राहिलेला पगार कर्मचान्याला देण्यात यावा.
१४) सणांच्या सुट्या म.न.पा.मधील कायम कर्मचाऱ्याप्रमाणेच देण्यात याव्यात.
१५) वर्षाला देण्यात येणाऱ्या पगारी रजांची सुची व संख्या त्वरित संघटनेकडे कळविण्यात यावी.
१६) सुट्टीच्या दिवशी व आठवडा सुट्टीच्या दिवशी केलेल्या कामाचा अतिकालिन भत्ता ( ओ.टी. ) त्वरीत देण्यात यावा.