Tag: contract employees

PMC Contract Employees | Diwali Bonus | कंत्राटी कामगारांना दिवाळी बोनस मिळण्यासाठी लढा तीव्र करणार | कामगार युनियन चा प्रशासनाला इशारा 

Categories
Breaking News PMC social पुणे

PMC Contract Employees | Diwali Bonus | कंत्राटी कामगारांना दिवाळी बोनस मिळण्यासाठी लढा तीव्र करणार | कामगार युनियन चा प्रशासनाला इशारा

PMC Contract Employees | Diwali Bonus अखिल भारतीय म्युनिसिपल फेडरेशन संलग्न (AICCTU) महानगरपालिका / नगरपालिका कंत्राटी कामगारांचा हक्क दिन कंत्राटी कामगारांच्या बोनस, घरभाडे भत्ता, रजावेतन मिळवण्याकरता महापालिका कामगार युनियन (pune Mahanagarpalika Kamgar union) च्या वतीने इशारा मोर्चा काढून साजरा केला. तसेच यंदा दिवाळी बोनस कंत्राटी कामगारांना मिळवून देण्यासाठी आपला लढा तीव्र करणार आणि एकजुटीच्या ताकदीवर आपला दिवाळी बोनस, घरभाडे भत्ता, रजावेतन मिळवूया असा निर्धार यावेळी करण्यात आला. (PMC Contract Employees | Diwali Bonus)
याबाबत कामगार युनियन च्या वतीने अतिरिक्त आयुक्त यांना निवेदन देण्यात आले. त्यानुसार गेल्या 3 वर्षांपासून पुणे महानगरपालिकेने (Pune Municipal Corporation) कंत्राटी कामगारांचा दिवाळी बोनस, घरभाडे भत्ता, रजावेतन  बेकायदेशीर पद्धतीने बंद केला आहे. गेल्या 3  वर्षांपासून प्रशासन पातळीवर दिवाळी बोनस, रजावेतन, घरभाडे भत्ता मिळवण्यासाठी सातत्याने लढत आहोत. अवघ्या दोन महिन्यांवर दिवाळी सण येऊ घातला आहे. (PMC Pune)
यावर्षीपासून तरी कंत्राटी कष्टकरी कामगारांची दिवाळी गोड व्हावी, यासाठी आपण आज “इशारा मोर्चा” द्वारे पुणे महानगरपालिका भवन येथे कंत्राटी कामगारांची निदर्शने केली. दिवाळी बोनस, घरभाडे भत्ता, रजावेतन मिळेपर्यंत लढा उभारण्याचा निर्धार मोर्चा मध्ये करण्यात आला.
राष्ट्रवादी काँग्रेस पक्षाचे शहराध्यक्ष प्रशांत जगताप यांनी आज या निदर्शनास जाहीर पाठिंबा दर्शविला.
पुणे शहराचे आरोग्याचे रक्षण करताना, स्वतःच्या आरोग्याची हानी करून प्रसंगी जीव देऊन काम करणाऱ्या कंत्राटी कामगारांना सरकारने तसेच पुणे मनपा प्रशासनाने वार्‍यावर सोडलेले आहे. पुणे महानगरपालिका कामगार युनियन (मान्यताप्राप्त) ने मनपा प्रशासनाच्या पातळीवर बोनस, घरभाडे भत्ता, रजावेतन हे प्रश्न सोडवावेत, अन्यथा दिवाळीपूर्व तीव्र आंदोलन करण्याचा तयारीला आपण सुरुवात करणार आहोत. जर 10 ऑक्टोबर पर्यंत या प्रश्नावर तोडगा निघाला नाही तर 11 ऑक्टोबर पासून बेमुदत निदर्शने करण्याची हाक कंत्राटी कामगारांना देण्यात आली.
——
News Title | PMC Contract Employees | Diwali Bonus | Contract workers will intensify their fight to get Diwali bonus Labor union warning to the administration

Lad Page Committee | कंत्राटी कामगारांचा विभागीय आयुक्त कार्यालयावर मोर्चा 

Categories
Breaking News PMC social पुणे महाराष्ट्र

Lad Page Committee|कंत्राटी कामगारांचा विभागीय आयुक्त कार्यालयावर मोर्चा

Lad Page Committee  | घाणी मध्ये काम करणाऱ्या कामगारांना लाड पागे समितीच्या शिफारशी प्रमाणे घाण भत्ता ,त्याचप्रमाणे वारसा हक्काने नोकरी, हे लाभ मिळतात. परंतु राज्य सरकारने हे लाभ सध्या स्थगित केले आहेत. त्याचप्रमाणे कंत्राटी कामगारांना (Contract employees) किमान वेतन, बोनस, रजा, मिळाले पाहिजेत. त्याचबरोबर कंत्राटदार बदलला तरी कामगार तेच राहतील. कंत्राटी कामगारांचा सन्मान केला पाहिजे. या संदर्भामध्ये आवाज उठवण्यासाठी पुणे महानगरपालिका (Pune Municipal Corporation), नगरपालिका कृती समिती तर्फे आज भव्य मोर्चा विभागीय आयुक्त (Divisional commissioner office) कार्यालया वर काढण्यात आला. (Lad Page Committee)

या मोर्चामध्ये पुणे जिल्ह्यातील नगरपालिका मध्ये काम करणारे कर्मचारी व महानगरपालिकेतील कर्मचारी मोठ्या संख्येने उपस्थित होते. या मोर्चाचे आयोजन एस के पळसे व प्रकाश जाधव यांच्या नेतृत्वाखाली कृती समितीच्या वतीने करण्यात आले होते. या मोर्चाला कामगार नेते सुनील शिंदे (Labour leader sunil shinde)  यांनी मार्गदर्शन केले. लाड पागे समितीच्या शिफारसी व कामगारांवरील अन्याय यावेळी त्यांनी उपस्थित कामगारांसमोर मांडला व यापुढे हा संघर्ष खूप मोठा करून न्याय मिळवून देण्यासाठी आपण प्रयत्न करू असे आश्वासन यावेळी दिले. त्यानंतर विभागीय आयुक्त  सौरभ राव यांना मागण्यांचे निवेदन देण्यात आले. (Contract employees news)
—-

News Title | Lad Page Committee | March of contract workers on Divisional Commissioner’s office

E-Identity | कंत्राटी कामगारांना ई पेहचान पत्र दिल्याशिवाय ठेकेदारांना बिल मिळणार नाही | मुख्य कामगार अधिकाऱ्यांचे आदेश

Categories
Breaking News PMC social पुणे

कंत्राटी कामगारांना ई पेहचान पत्र दिल्याशिवाय ठेकेदारांना बिल मिळणार नाही

| मुख्य कामगार अधिकाऱ्यांचे आदेश

पुणे | पुणे महानगरपालिके अंतर्गत ठेकेदाराकडील कंत्राटी कामगारांना राज्य कामगार विमा योजनचे ई-पेहचान पत्र वितरीत करणे बंधनकारक आहे. मात्र काही कर्मचाऱ्यांना हे पत्र मिळत नसल्याची तक्रार आहे. त्यामुळे मुख्य कामगार अधिकारी शिवाजी दौंडकर यांनी  याबाबत कडक धोरण अवलंबले असून कंत्राटी कामगारांना ई पेहचान पत्र दिल्याशिवाय ठेकेदारांना बिल देऊ नये, असे आदेश मुख्य कामगार अधिकाऱ्यांनी सर्व खात्यांना दिले आहेत.

पुणे महानगरपालिकेतर्फे विविध विकास प्रकल्प व देखभाल दुरुस्तीची कामे निविदेव्दारे कंत्राटी कामगारांमार्फत करण्यात येत आहेत. कंत्राटी कामगार (नियमन व निर्मूलन) अधिनियम, १९७० मधील व राज्य कामगार विमा अधिनियम १९४८ तरतुदींच्या अनुषंगाने राज्य कामगार विमा योजनेचे परिणामकारक अंमलबजावणी व कंत्राटी कामगारांना वैद्यकीय सुविधा मिळणेकामी  कंत्राटी कामगारांकरीता कार्यशाळा आयोजित करण्यात आली होती.

यामध्ये  राज्य कामगार विमा अधिनियम १९४८ मधील तरतुदीनुसार कंत्राटी कामगारांना त्यांचा विमा क्रमांक अवगत होणे, आधारकार्ड लिंक करणे, वैद्यकीय सुविधा मिळणेसाठी ई-पेहचान पत्र कंत्राटी कामगारांकडे असणे आवश्यक आहे, इत्यादी बाबींच्या अनुषंगाने मार्गदर्शन करण्यात आले.  पुणे महानगरपालिकेतील ठेकेदारामार्फत सेवा घेण्यात येणाऱ्या कंत्राटी कामगारांना ईएसआय रकमेचा भरणा करूनही ई-पेहचान पत्र मिळत नसल्याबाबत तक्रारी प्राप्त होत आहेत. याअनुषंगाने पुढीलप्रमाणे कार्यवाही करणेबाबत अतिरिक्त महापालिका आयुक्त (ज.) यांनी निर्देश दिले आहेत.
मनुष्यबळाची सेवा घेणाऱ्या सर्व संबंधित विभागाचे पर्यवेक्षकीय अधिकारी यांनी त्यांचे विभागाकडील ठेकेदारामार्फत घेण्यात येणाऱ्या कंत्राटी कामगारांचा ४% रक्कमेचा भरणा राज्य कामगार विमा प्राधिकरणाकडे केला जात आहे व संबंधित कर्मचाऱ्यांना ई-पेहचान पत्र प्राप्त होत असल्याची खातरजमा करावी. कंत्राटी कामगारांना ई- पेहचान पत्र प्राप्त न झाल्यास व सदर कंत्राटी कर्मचारी / कुटूंब वैद्यकीय सुविधेपासून वंचित राहिल्यास त्याची संपूर्ण जबाबदारी पर्यवेक्षकीय अधिकाऱ्याची राहील, ही बाब संबंधित खातेप्रमुख यांनी पर्यवेक्षकीय अधिकारी यांना अवगत करावी. असे आदेशात म्हटले आहे.
तसेच मनुष्यबळाची सेवा घेण्यात येणाऱ्या संबंधित विभागांनी त्यांचेकडील सर्व कंत्राटी कामगारांना ई-पेहचान पत्र वितरीत केल्याची खात्री केल्याशिवाय संबंधित ठेकेदारांची देयके आदा करण्यात येवू नयेत.
या  निर्देशांचे सर्व संबंधित खातेप्रमुख, क्षेत्रिय अधिकारी व पर्यवेक्षकीय अधिकारी यांनी पालन करण्याची दक्षता घ्यावी. असेही आदेशात म्हटले आहे.

Contract Employers-: कंत्राटी कामगारांचा जिल्हाधिकारी कार्यालयावर प्रचंड मोर्चा ! | मागण्या मान्य न झाल्यास मतदानावर बहिष्कार टाकण्याचा इशारा

Categories
Breaking News PMC social पुणे महाराष्ट्र

कंत्राटी कामगारांचा जिल्हाधिकारी कार्यालयावर प्रचंड मोर्चा !

| मागण्या मान्य न झाल्यास मतदानावर बहिष्कार टाकण्याचा इशारा

पुणे | पुणे महानगरपालिकेच्या सर्व खात्यात एकूण १०,७९० कंत्राटी पद्धतीने अतिशय प्रामाणिकपणे कामे  करतात. तरीदेखील गेली दोन वर्षे झाले  बोनस, घरभाडे व रजा वेतन पुणे महानगरपालिकेने बंद केलेलं आहे. सुरक्षा रक्षकाच्या सेवा निवृत्तीचे वय ४५ वर्षाची अट रद्द करुन वय ४५ वर्षाच्या अटी वरून घरी बसवलेले आहे. काही सुरक्षा रक्षकांना ४ ते ५ महिने वेतन मिळालेलं नाही तरी ते काम करत आहेत. स्थानिक स्वराज्य संस्थांचे किमान वेतन २४ फेब्रुवारी २०१५  आले होते आणि ते २४ फेब्रुवारी २०२० मध्ये सुधारीत वेतन अदा करणे आवश्यक होते. पण महाराष्ट्र शासनाने कंत्राटी कामगारांच्या किमान वेतनात वाढ केलीच नाही. शिवाय तीन वर्षानंतरही या बाबतची प्रक्रिया सुद्धा अद्यापही चालू केली नाही. अशा सर्व प्रलंबित मागण्यासाठी पुणे महानगरपालिका कामगार युनियन (मान्यताप्राप्त) कडून  आज श्रमिक भवन ते कलेक्टर ऑफिस कंत्राटी कामगारांचा भव्य मोर्चा काढण्यात आला होता. असे संघटनेकडून सांगण्यात आले.
संघटनेच्या निवेदनानुसार  कंत्राटी कामगारांचा भविष्य निर्वाह निधी व ई. एस. आय.ची पूर्ण रक्कम कामगारांच्या गण संख्येनुसार व कुटुंबाच्या गणसंख्येनुसार भरली जात नाही सबंधीत कंत्राटदार दवाखान्याचे कार्ड अद्यावत करून देत नाही.  शिवाय त्याच्या कार्यालयात कार्ड तयार करून देण्याची यंत्रणाच उपतब्ध नाही. त्यामुळे त्यांच्या कुटुंबातील आजारी पडलेल्या सदस्याला उपचाराविना तडफडून जीव गमावावा लागत आहे. कंत्राटी कामगारांचा वैद्यकीय उपचारांसाठी इ.एस.आय.सी. कार्ड कंत्राट दार उपलब्ध करून देत नाहीत. या सर्व प्रलंबित प्रश्नांकरिता पुणे महानगरपालिका कामगार युनियन (मान्यताप्राप्त) कडून  आज श्रमिक भवन ते कलेक्टर ऑफिस कंत्राटी कामगारांचा भव्य मोर्चा काढण्यात आला होता.
मोर्चात हजारोंच्या संख्येने आज कंत्राटी कामगार आपल्या मागण्यांकरिता रस्त्यावर उतरले होते. महाराष्ट्र शासनाने कंत्राटी कामगारांची होणारी पिळवणूक व त्यांचा मागण्यांकडे त्वरित लक्ष देऊन कंत्राटी कामगारांची होणारी पिळवणूक थांबवावी व त्यांचा मागण्या त्वरित पूर्ण करण्यासाठीच्या लढ्याला आज पुण्यातून पुणे महानगरपालिका कामगार युनियन (मान्यताप्राप्त) ने सुरुवात केली आहे.

कामगार विरोधी धोरणामुळे कष्टकरी कामगार वर्ग देशोधडीला लागत आहे. सत्तेचा वापर सर्व सामान्यांचा आवाज बंद न करता घटनेने दिलेल्या अधिकारांचे रक्षण करण्याकरीता केले पाहिजे. शिवाय तमाम कंत्राटी कामगार वर्गाला व आम जनतेला न्याय हक्कापासून, योग्य मागण्या पासून वंचित ठेवले तर मतदानावर बहिष्कार टाकण्याचा निर्णय घ्यावा लागेल असा इशारा  देण्यात आला.

Contract Employees | पुणे मनपातील कंत्राटी कामगारांचा मेळावा | 250 सुरक्षा रक्षकांना पुन्हा कामावर घेण्याच्या निर्णयाबद्दल प्रशासनाचे मानले आभार

Categories
Breaking News PMC पुणे

पुणे मनपातील कंत्राटी कामगारांचा मेळावा

| 250 सुरक्षा रक्षकांना पुन्हा कामावर घेण्याच्या निर्णयाबद्दल प्रशासनाचे मानले आभार

पुणे महानगरपालिकेतील (PMC pune) कंत्राटी कामगारांचा मेळावा (Contract employees Gathering) काँग्रेस भवन येथे पार पडला. या मेळाव्यामध्ये राष्ट्रीय मजदूर संघाचे अध्यक्ष कामगार नेते सुनील शिंदे (Sunil Shinde) यांचे प्रमुख मार्गदर्शन झाले. या मेळाव्यामध्ये गेली सहा महिन्यापासून 45 वयाची अट या व इतर कारणांसाठी विनाकारण कामावरून काढून टाकण्यात आलेल्या सुमारे 250 सुरक्षा रक्षकांना पुन्हा कामावर घेण्याचा निर्णय मनपा आयुक्त व संबंधित अधिकाऱ्यांनी घेतल्याबद्दल आभार व्यक्त करण्यात आले व पेढे वाटून आनंद उत्सव साजरा करण्यात आला. (contract employees)


या मेळाव्यासाठी पाणीपुरवठा विभाग, सुरक्षारक्षक विभाग, उद्यान विभाग, स्मशानभूमी विभाग, झाडन काम, कचरा वाहतूक करणारे चालक अशा विविध खात्यातील कंत्राटी कामगार मोठ्या संख्येने उपस्थित होते. या मेळाव्यामध्ये बोलताना कामगार नेते व राष्ट्रीय मजूर संघाचे अध्यक्ष सुनील शिंदे यांनी सर्व सुरक्षा रक्षकांनी संघटनेवर विश्वास ठेवला व संघटनेच्या पाठीशी उभे राहिले म्हणून त्यांच्यासाठी संघटनेने आंदोलन उभारले व त्या आंदोलनाला यश येऊन या सर्व सुरक्षारक्षकांना पुन्हा पूर्ववत कामावर घेण्यात आले असे सांगितले. त्याचप्रमाणे सुनील शिंदे यांनी पुणे महापालिकेतील कंत्राटी कामगारांना कायम कामगारांना एवढाच बोनस व 19 हजार रुपये दिला पाहिजे ही मागणी ही प्रशासनाने मान्य केली असून लवकरच याबाबत ही ठोस निर्णय संघटना करून घेईल असे आश्वासन यावेळी दिले ते पुढे बोलताना म्हणाले कंत्राटदार बदलला तरी कामगार तेच राहिले पाहिजे. किमान वेतन कायद्यातील फरकाशी रक्कम तात्काळ दिली गेली पाहिजे, अशा महत्त्वाच्या मागण्या मान्य करून घेण्यासाठी राष्ट्रीय मजदूर संघ कटिबद्ध असल्याचे सांगितले. या मागण्यांबाबत आपण प्रशासनाबरोबर वारंवार चर्चा करत असून या बाबतीत पालिका अधिकाऱ्यांनी तात्काळ निर्णय घेतला नाही तर यापुढे मोठे आंदोलन छेडण्याचा निर्णयही यावेळी जाहीर केला.
या वेळामध्ये संघटनेचे उपाध्यक्ष सिताराम चव्हाण, सरचिटणीस एस के पळसे यांनी मार्गदर्शन केले त्याचप्रमाणे परिमंडळ प्रमुख विजय पांडव यांनी सूत्र संचालन केले तसेच स्मशानभूमीचे प्रमुख बाबा कांबळे व्हेईकल डेपोचे संदीप पाटोळे संजीवन हॉस्पिटलच्या मेघमाला काकडे इत्यादी कामगार नेत्यांनी आपले मनोगत व्यक्त केले. (pune municipal corporation)

Sunil Shinde | RMS| उद्यापासून कंत्राटी कर्मचारी महापालिका गेटवर आमरण उपोषण करणार | सुनिल शिंदे

Categories
Breaking News PMC social पुणे

उद्यापासून कंत्राटी कर्मचारी महापालिका गेटवर आमरण उपोषण करणार | सुनिल शिंदे

पुणे | महापालिकेत (PMC Pune) काम करणाऱ्या कंत्राटी कर्मचाऱ्यांच्या (contract Employees) समस्या तशाच आहेत. कर्मचाऱ्यांच्या मागण्या मान्य होईपर्यंत उद्यापासून पुणे महापालिका गेटवर आमरण उपोषण (Hunger strike) करण्यात येणार आहे. अशी भूमिका राष्ट्रीय मजदूर संघाचे अध्यक्ष सुनिल शिंदे (RMS president Sunil Shinde) यांनी घेतली आहे.


पुणे महानगरपालिकेतील कंत्राटी कामगारांच्या समस्या संदर्भात काँग्रेस भवन पुणे येथे बैठक घेण्यात आली. यावेळी राष्ट्रीय मजदूर संघाचे अध्यक्ष व कामगार नेते सुनील शिंदे यांनी उपस्थित कामगारांना मार्गदर्शन केले. यावेळी बोलताना ते म्हणाले, अजूनही जवळजवळ 200 सुरक्षारक्षकांना कामावर घेण्यात आलेले नाही. या संदर्भामध्ये यापूर्वीच आयुक्तांनी मान्य  करूनही सर्व कामगार गेली पाच महिन्यापासून कामापासून वंचित आहेत. त्यांना पगारही देण्यात आलेला नाही. त्याचप्रमाणे कायम कामगारांना एक पगार आणि 19 हजार रुपये एवढा बोनस देण्यात आला, तेवढाच बोनस सर्व कंत्राटी कामगारांना देण्यात यावा. ही मागणी मान्य करूनही अजून त्याच्यावर अंमलबजावणी झालेली नाही. ईएसआयसी चे कार्ड अजूनही कर्मचाऱ्यांना वाटप करण्यात आलेच नाही. या व अशा अनेक प्रश्नांसाठी मंगळवार दिनांक 28 मार्च रोजी सकाळी दहा वाजल्यापासून पुणे मनपाच्या गेटवर हे सर्व कर्मचारी आमरण उपोषण आंदोलन सुरू करणार आहेत. जोपर्यंत मागण्या मान्य होणार नाहीत तोपर्यंत कोणीही त्या जागेवरून उठणार नाही. असे ही शिंदे म्हणाले. 

Contract Employees | कंत्राटी कामगारांच्या प्रलंबित प्रश्नांबाबत 5 एप्रिलला कामगार युनियनचा मोर्चा

Categories
Breaking News Education PMC पुणे

कंत्राटी कामगारांच्या प्रलंबित प्रश्नांबाबत 5 एप्रिलला कामगार युनियनचा मोर्चा

पुणे महापालिकेत कार्यरत कंत्राटी कामगारांचे प्रलंबित प्रश्न मोठ्या प्रमाणावर आहेत. हे प्रश्न सोडवण्यासाठी महापालिका कामगार संघटनेकडून 5 एप्रिलला मोर्चा काढण्यात येणार आहे. संघटनेच्या वतीने ही माहिती देण्यात आली.
संघटनेच्या निवेदनानुसार युनियन नेहमीच कंत्राटी कामगारांचा प्रश्नांसाठी व्यापक व सर्वसमावेशक भूमिका मांडत असते. घोले रोड क्षेत्रीय कार्यालय, कोथरूड क्षेत्रीय कार्यालय, नगररोड-वडगाव शेरी कार्यालय येथे सर्व कंत्राटी कामगारांना एकत्र करून कंत्राटी कामगारांची बैठक घेण्यात आली. ई.एस.आय. चे कार्ड, पी.एफ. जमा करणे बाबत, कामगारांचे किमान वेतन, घरभाडे,बोनस  अश्या विविध प्रश्नांवर चर्चा करण्यात आली. कंत्राटी कामगारांचा येत्या ५ एप्रिलला आपण प्रलंबित प्रश्नांकरिता मोर्चा काढणार आहोत त्याची कामगारांना माहिती देण्यात आली. कंत्राटी कामगारांची एकजूट व अन्याय विरोधात लढण्याची ताकदच कंत्राटी कामगारांना न्याय मिळवून देणार असल्याचा विश्वास कामगारांमध्ये जागृत करण्यात आला.

Agitation | Contract Employees | कंत्राटी मोटार सारथी व कामगारांना कामावरून कमी न करण्याचे प्रशासनाचे आश्वासन

Categories
Breaking News PMC social पुणे

 कंत्राटी मोटार सारथी व कामगारांना कामावरून कमी न करण्याचे प्रशासनाचे आश्वासन

| कामगार संघटनेकडून निदर्शने

कंत्राटी मोटार सारथी यांच्या कंत्राटदार जरी बदलला तरी मोटार सारथी व कामगार यांना कामावरून कमी करू नये. तसेच मोटार सारथी कडून कर्तव्य बजावत असताना अनावधानाने अपघात झाला तर त्यांच्याकडून भरपाई करून घेऊ नये. भविष्य निर्वाह निधी व ई. एस. आय. ची रक्कम भरून उपचारासाठी दवाखान्याचे कार्ड काढून देणे, वेतन चिठ्ठी व ओळखपत्र तसेच गणवेश इत्यादी सुविधा देणे शिवाय अपघात नुकसान भरपाई देणे तसेच कर्तव्य बजावत असताना नैसर्गिक किंवा अपघातात कामगार मृत्यूमुखी पडला तर त्यांच्या वारसांना मानवतेच्या दृष्टिकोनातून कामावर घ्यावे या व इतर मागण्यांसाठी आज महानगरपालिकेच्या प्रवेशद्वारा जवळ कामगार संघटनेकडून मोठ्या प्रमाणात निदर्शने करण्यात आली. यावेळी प्रशासनाकडून आश्वासन देण्यात आले कि यातील कुणालाही कामावरून कमी केले जाणार नाही. (PMC contract Employees)

पुणे महानगरपालिकेत महानगरपालिकेत व्हेईकल डेपो व १५ क्षेत्रिय कार्यालयाच्या अंतर्गत कचरा वहातुक, सार्वजनिक स्वच्छता व सर्व खात्यातील व अस्थापना विभागात कंत्राटी पद्धतीने महानगरपालिकेची जहाज रूपी यंत्रणेचे सारथ्य करणारी १३७० कंत्राटी पद्धतीने काम करणारे मोटार सारथी गेली पंधरा वर्षापासून महानगरपालिकेत अतिशय तुटपुंजा वेतनामध्ये काम करत आहेत. तसेच कोविडच्या कालखंडामध्ये हे सर्व मोटार सारथी स्वतःच्या जीवाची परवा न करता दवाखान्याच्या अँब्युलन्सवर कोविडने मृत्यू पावलेले प्रेते व व रुग्णांची सेवा केली त्यामध्ये काम करता करता १३ कंत्राटी कामगार व मोटार सारथी मृत्युमुखी पडले त्यांचे कुटुंबे उध्वस्त झाली तरीही प्रशासनाने व संबंधित कंत्राटदाराने कोणत्याही पद्धतीची मदत केली नाही त्यामुळे त्यांच्या कुटुंबातील सदस्यांना उपासमारीची वेळ आली आहे. सरकारच्या धोरणानुसार पंधरा वर्षाखालील सर्व जुनी वाहने स्क्रॅप होणार आहेत. (Vehicle depot)

त्यामुळे व्हेईकल डेपो मधील कामाचे कंत्राट संपणार आहे त्या ठिकाणी कंत्राटदारा मार्फतच नवीन वाहनासहित निविदा मान्य केलेले आहेत त्यामुळे त्या वाहनावर संबंधित ठेकेदाराचेच नवीन मोटार सारथी व कामगार असणार आहेत असे खबर कामगार युनियनला लागली. त्या अनुषंगाने आंदोलन करण्यात आले. (PMC kamgar union)

या निदर्शनामध्ये मार्गदर्शन करत असताना युनियनचे अध्यक्ष कॉ. उदय भट असे म्हणाले की,” महानगरपालिकेच्या प्रशासनाने निविदेच्या अटी शर्तीचे पालन करावे तसेच कंत्राटदार जरी बदलला तरी मोटार सारथी व कामगार कदापिही बदलू देणार नाही. त्यांनाच नवीन कंत्राटदारांच्या गाडीवर काम द्यावे. तसेच त्यांना किमान वेतनाप्रमाणेच वेतन अदा करावे त्यांच्या वेतनातून एकही रुपया कमी करू देणार नाही आणि कोणत्याही मोटार सारथीला व कामगारांना कमी करू देणार नाही जर प्रशासनाने या कामगारांवर अन्याय केला तर युनियन म्हणून आम्ही तो सहन करणार नाही असे प्रशासनाला ठणकावले”. (PMC Pune)

सदर कामगारांच्या मागण्यांचे निवेदन अतिरिक्त रवींद्र बिनवडे यांना देण्यात आले. तसेच अतिरिक्त आयुक्त व्हेईकल डेपोचे उपायुक्त महेश कुमार डोईफोडे यांच्याशी सकारात्मक चर्चा केली. एकही मोटार सारथी व कंत्राटी कामगार कमी केला जाणार नाही अशा आश्वासन युनियनला दिले.

सदर निदर्शनामध्ये युनियनचे संयुक्त चिटणीस कॉ. मधुकर नरसिंगे, उपाध्यक्ष कॉ. शोभा बनसोडे कॉ. सुदाम गोसावी, कॉ. दिलीप काबळे, कॉ. अनंत मालप, कॉ. मदन प्रधान, कॉ. वैजीनाथ गायकवाड, विभागीय अध्यक्ष कॉ. राम अडागळे, कॉ. रमेश पारसे, कॉ. शरद , कॉ. सिद्धार्थ प्रभुणे, कॉ. प्रकाश हुरकडली, कॉ. प्रकाश चव्हाण, कॉ. निलेश चव्हाण यांनी मार्गदर्शन केले. समारोप कॉ. शोभा बनसोडे यांनी केले. तसेच सदर निदर्शनामध्ये मोठ्या संख्येने उपस्थित होते.

 

Contract Employees | मनपा व्हेईकल डेपोमधील कंत्राटी कामगार व बिगारी करणार निदर्शने

Categories
Breaking News PMC पुणे

मनपा व्हेईकल डेपोमधील कंत्राटी कामगार व बिगारी करणार निदर्शने

पुणे | आपल्या विविध मागण्यासाठी मनपा व्हेईकल डेपोमधील कंत्राटी कामगार व बिगारी निदर्शने करणार आहेत. शुक्रवारी दुपारी 3 वाजता हे आंदोलन महापालिका भवन येथे होणार आहे. महापालिका कामगार संघटनेकडून आंदोलनाची हाक देण्यात आली आहे.
कामगार संघटनेच्या निवेदनानुसार गेली अनेक वर्षे कंत्राटी कामगार व्हेईकल डेपोमध्ये ड्रायव्हर व गाड्यांवरील बिगारी म्हणून काम करत आहेत. मागील १३-१४ वर्षात अनेकवेळा कंत्राटदार बदलेले गेले मात्र कामगार व कामावर त्याचा कोणता परिणाम झालेला नव्ह्ता. मात्र आता नव्याने आलेले ठेकेदार जुन्या कामगारांना जे गेली कित्येक वर्ष निष्ठेने व प्रामाणिकपणे काम करत आहेत त्यांना काढून नवीन कामगार भरत असल्याची माहिती युनियनपर्यंत आलेली आहे. तरी  वेळीच सावध होऊन आपल्या रक्षणाकरता एकत्रित आले पाहिजे. महानगरपालिकेला ठणकावून सांगण्यासाठी पुणे महानगरपालिका कामगार युनियन निदर्शने करणार  आहे. तरी सर्व व्हेईकल डेपोमध्ये ड्रायव्हर व गाड्यांवरील बिगऱ्यांनी आंदोलनात सामील होऊन आपल्या हक्क-अधिकार मिळवण्यासाठी एकजूट दाखवूयात, असे आवाहन संघटनेकडून करण्यात आले आहे.

Contract Employees | पुणे महापालिकेत खरंच साडे आठ हजारापेक्षा जास्त कंत्राटी कर्मचारी आहेत काय? | आमदार माधुरी मिसाळ यांना पडला प्रश्न

Categories
Breaking News PMC Political पुणे

पुणे महापालिकेत खरंच साडे आठ हजारापेक्षा जास्त कंत्राटी कर्मचारी आहेत काय?

| आमदार माधुरी मिसाळ यांना पडला प्रश्न

पुणे | पुणे महापालिकेतील विविध विभागात कंत्राटी कर्मचारी घेण्यात आले आहेत. या कर्मचाऱ्यांची संख्या साडे आठ हजारापेक्षा खरंच जास्त आहे का, असा प्रश्न भाजपच्या आमदार माधुरी मिसाळ यांना पडला आहे. त्यामुळे याबाबतचा तपशील त्यांनी विधानसभेत मुख्यमंत्र्यांकडे मागितला. त्यानुसार आता महापालिका प्रशासनाने सर्व विभागाकडून कर्मचाऱ्यांची माहिती मागवली आहे.
आमदार मिसाळ यांच्या प्रश्नानुसार सन्माननीय मुख्यमंत्री पुढील गोष्टींचा खुलासा करताल काय :-
(१) पुणे महानगरपालिकेच्या आरोग्य विभाग, घनकचरा व्यवस्थापन, उद्यान विभाग, पाणी पुरवठा, पथ, मोटार वाहन, सुरक्षा विभाग, विद्युत, मंडई, सांस्कृतिक केंद्र, अतिक्रमण व अनधिकृत बांधकाम निर्मुलन विभाग, अग्निशामक दल अशा एकूण २८ विभागातील कामे
करण्यासाठी साडेआठ हजारपेक्षा जास्त कंत्राटी कामगार नियुक्त केले आहेत, हे खरे आहे काय? 
(२) असल्यास, कंत्राटी पद्धतीने नियुक्त केलेल्या कामगार व ठेकेदारांचा सर्वसाधारण तपशील काय आहे? 
(३) असल्यास, कंत्राटी कामगारांच्या वेतन देणेकामी पुणे महानगरपालिकेकडून एकूण किती खर्च करण्यात येत आहे, याचा तपशिल देण्यात यावा. 
यानुसार महापालिका प्रशासनाने सर्व खात्याकडून कर्मचाऱ्यांची संख्या, संबंधित ठेकेदाराचे नाव आणि त्यावर झालेला खर्च याची माहिती मागवली आहे.