Tag: Dr kunal Khemnar

  Prithviraj B P IAS accepted charge of the post of Additional Pune Municipal Commissioner 

Categories
PMC पुणे

  Prithviraj B P IAS accepted charge of the post of Additional Pune Municipal Commissioner

 Prithviraj B P IAS – (The Karbhari News Service) – Pune Municipal Corporation Additional Commissioner (E) post Prithviraj B.P. IAS) Accepted today from Dr Kunal Khemnar IAS.
 Dr.  Kunal Khemnar welcomed them with a bouquet.  Additional Municipal Commissioner (E) of Pune Municipal Corporation B.P.  After accepting Prithviraj  he said that it is a great opportunity to work in Pune Municipal Corporation.  Will work with everyone.  (Pune Municipal Corporation (PMC)
 Additional Municipal Commissioner Ravindra Binwade IAS was present on this occasion.
 Dr Kunal Khemnar (IAS) working as Additional Commissioner in Pune Municipal Corporation has been transferred.  In his place, the state government has appointed Prithviraj B P IAS as Municipal Additional Commissioner.
 Dr. Khemnar’s term had been completed for a long time.  Finally, the government has transferred him.  Dr. Khemnar has been transferred by the government as Commissioner of Sugar, Pune.  So Dr. Khemnar will stay in Pune.  Meanwhile, after the vacancy of Dr. Khemnar, the state government has immediately appointed a new additional commissioner to the Pune Municipal Corporation.  Government has appointed Prithviraj BP as Additional Commissioner of Pune Municipal Corporation.  Prithviraj was working as the CEO of Nagpur Smart City.

Bonus | contract workers | मनपा कंत्राटी कामगारांना सानुग्रह अनुदान देण्यास प्रशासन सकारात्मक | कामगार नेते सुनील शिंदे यांची माहिती

Categories
Breaking News PMC पुणे

मनपा कंत्राटी कामगारांना सानुग्रह अनुदान देण्यास प्रशासन सकारात्मक

| कामगार नेते सुनील शिंदे यांची माहिती

 पुणे :- पुणे मनपातील कंत्राटी कामगारांना कायम कामगारांप्रमाणेच 8.33% बोनस व सानुग्रह अनुदान मिळावे, या मागणीसाठी राष्ट्रीय मजदूर संघाच्या नेतृत्वाखाली पुणे महानगरपालिकेच्या गेटवर विविध आंदोलने करण्यात आली. त्याचे दखल घेऊन आज पुणे महापालिकेचे अतिरिक्त आयुक्त डॉ. कुणाल खेमनार यांनी बैठकीचे आयोजन केले होते. बोनस देण्याबाबत प्रशासन सकारात्मक असल्याची माहिती कामगार नेते सुनील शिंदे यांनी दिली आहे.
सुनील शिंदे यांनी दिलेल्या निवेदनानुसार या बैठकीमध्ये कंत्राटी कामगार हे कायम कामगारांप्रमाणेच सारखेच काम करत असून कायम कामगारांना मात्र 8.33% बोनस व 19 हजार रुपये सानुग्रह  अनुदान देण्यात आले. कंत्राटी कामगारांना मात्र काहीही देण्यात आलेले नाही. हा त्यांच्यावर अन्याय झाला आहे. ही बाजू कामगार नेते सुनील शिंदे यांनी यावेळी मांडली ते पुढे म्हणाले कंत्राटी कामगार कायदा अधिनियम 1971 मधील तरतुदीनुसार या सर्व कंत्राटी कामगारांनाही कायम कामगारांन प्रमाणे बोनस व सानुग्रह अनुदान दिले पाहिजे.  यावेळी झालेल्या चर्चेमध्ये डॉ खेमनार यांनी सकारात्मक दृष्टिकोन ठेवून याबाबतचा प्रस्ताव तयार करण्याचे आदेश संबंधित अधिकाऱ्यांना या बैठकीत दिले. सदर बाबींचा प्रस्ताव तयार करून तो प्रस्ताव स्थायी समिती व मुख्य सभेपुढे मांडू असे आश्वासन त्यांनी  यावेळी दिले.
    या बैठकीला पुणे महानगरपालिकेचे कामगार सल्लागार शिवाजी दौंडकर, मुख्य लेखापाल उल्का कळस्कर, विधी सल्लागार हे उपस्थित होते. राष्ट्रीय मजदूर संघाचे अध्यक्ष सुनील शिंदे, एस के पळसे, सिताराम चव्हाण, विजय पांडव, उज्वल साने, जानवी दिघे, संदीप पाटोळे, इत्यादी पदाधिकारी उपस्थित होते.

Dr. Kunal Khemnar | ठेकेदाराने बिल सादर केल्यानंतर 7 दिवसात 70% बिल अदा करा  | अतिरिक्त आयुक्त डॉ कुणाल खेमणार यांचे आदेश 

Categories
Breaking News PMC पुणे

ठेकेदाराने बिल सादर केल्यानंतर 7 दिवसात 70% बिल अदा करा

| अतिरिक्त आयुक्त डॉ कुणाल खेमणार यांचे आदेश

पुणे महानगरपालिकेकडून शहरात विविध ठिकाणी मोठ्या प्रमाणावर विकास कामे करण्यात येत आहेत. ज्या कामांची निविदा रक्कम रुपये ५० कोटी किंवा त्यापेक्षा जास्त असेल अशा कामांची सादर होणारी चालू
देयके आदा करताना कार्यपद्धती ठरवून दिली आहे. त्यानुसार  ठेकेदाराने बिल सादर केल्यानंतर 7 दिवसात 70% बिल अदा करा. असे आदेश महापालिका अतिरिक्त आयुक्त डॉ कुणाल खेमणार यांनी दिले आहेत.

| अशी असेल कार्यपद्धती

१) संबंधित निविदाधारकांनी पूरक कागदपत्रांसह खात्याच्या अभियंत्याकडे देयक सादर केल्यानंतर देयक सादर केल्याच्या दिनांकापासून सात कार्यालयीन कामकाजाच्या दिवसामध्ये ७०% देय रक्कम संबंधित निविदाधारकास चालू बिलापोटी संबंधितानी आदा करावी.
२) उपरोक्त प्राप्त चालू देयकासोबत सादर कागदपत्रांची/प्रमाणपत्रांची व कामाच्या गुणवत्तेची खातरजमा करून त्यामध्ये असलेल्या त्रुटींची पूर्तता देयक सादर केल्यापासुनच्या १४ दिवसांमध्ये संबंधित निविदाधारकाने करावी. तदनंतर कार्यालयीन कामकाजाचे २८ दिवसाच्या आत सदरची
उर्वरित ३०% रक्कम संबंधितानी आदा करावी.
तदनुषंगाने, यापुढे उपरोक्त कार्यपद्धतीप्रमाणे सर्व संबंधितानी कार्यवाही करावी.

Single Use Plastic | प्लास्टिक बाबत कठोर कारवाई न करता आधी जनजागृती करा  | व्यापारी संघटनांची महापालिकेला सूचना 

Categories
Breaking News Commerce PMC social पुणे

प्लास्टिक बाबत कठोर कारवाई न करता आधी जनजागृती करा

| व्यापारी संघटनांची महापालिकेला सूचना

प्लास्टिक बंदीची प्रभावी अंमलबजावणी करण्याच्या अनुषंगाने पुणे महानगरपालिका व शहरातील विविध असोसिएशन्सचे प्रतिनिधी यांची बैठक झाली. यामध्ये व्यापारी संघटनांनी महापालिकेला सूचना केली कि प्लास्टिक बाबत कठोर कारवाई न करता आधी जनजागृती करा.

महाराष्ट्र शासनाच्या पर्यावरण विभागाने अधिसूचना क्रमांक प्लॅस्टीक २०१८ / प्र.क्र. २४/तां.क्र.४ ११२०१७ दिनांक एप्रिल २३ मार्च २०१८ नुसार अविघटनशील कचऱ्यामुळे एकूणच नागरिकांच्या आरोग्यावर अनिष्ट परिणाम होत असल्याने महाराष्ट्र प्लॅस्टीक व थर्मोकॉल अविघटनशील वस्तूंचे ( उत्पादन वापर विक्री, वाहतुक हाताळणी साठवणूक व तद्नंतर वेळोवेळी केलेल्या सुधारणा) अधिसूचना, २०१८ संपूर्ण राज्यासाठी लागू करण्यात आली आहे.” तसेच तदनंतर दिनांक ११ एप्रिल २०१८, दिनांक ३० जून २०१८, दिनांक १४ जून २०१९, दिनांक १२ ऑगस्ट २०२१, दिनांक १६ फेब्रुवारी २०२२ व दिनांक २८ मार्च २०२२ अन्वये वेळोवेळी सुधारीत अधिसूचना पारीत करण्यात आलेल्या आहेत. त्या अनुषंगाने पुणे शहरात प्लास्टिक बंदीची प्रभावी अंमलबजावणी करण्यासाठी अतिरिक्त महापालिका आयुक्त (ई) यांचे अध्यक्षतेखाली दिनांक ०५/०८/२०२२ रोजी शहरातील विविध संघटनांची बैठक आयोजित केली. सदर बैठकीसाठी डॉ. कुणाल खेमनार, आशा राऊत, उप आयुक्त, घनकचरा व्यवस्थापन, माधव जगताप, मा. उप आयुक्त अतिक्रमण / अनधिकृत बांधकाम निर्मुलन विभाग, सचिन इथापे, मा. उप आयुक्त, सामान्य प्रशासन विभाग व इतर अधिकारी तसेच महाराष्ट्र प्रदूषण नियंत्रण मंडळाकडील  शंकर वाघमारे, प्रादेशिक अधिकारी,  प्रताप
जगताप, उप प्रादेशिक अधिकारी, महाराष्ट्र प्लास्टिक मॅन्यूफॅक्चरर्स असोसिएशन, व्यापारी संघटना, बेकरी, कन्फेक्शनरी, स्टेशनरी, कापड विक्रेते, भाजीपाला विक्रेते, मिठाई विक्रेते, कटलरी, हॉटेल, कॅटरिंग व इतर व्यावसायिक प्रतिनिधी इ. उपस्थित होते.
पुणे महानगरपालिका व महाराष्ट्र प्रदूषण नियंत्रण मंडळ यांचेमार्फत  केंद्र शासन व राज्य शासनाने पारीत केलेल्या सर्व जी. आर. च्या अनुषंगाने प्लास्टिकच्या कोणत्या वस्तुंना परवानगी आहे व कोणत्या वस्तू प्रतिबंधीत आहेत याबाबत सविस्तर सादरीकरण केले. या सर्व सूचनांचे सर्व उपस्थितांमार्फत स्वागत करून महाराष्ट्र राज्यात सिंगल युज प्लास्टिक व
कॅरी बॅगच्या संपूर्ण बंदीची प्रभावी अंमलबजावणी करण्याच्या दृष्टीने सहकार्य करण्याची ग्वाही सर्व उपस्थितांनी दिली.
तसेच महाराष्ट्र प्लास्टिक मॅन्युफॅक्चरर्स असोसिएशन यांनी EPR अंतर्गत brand owners व importers यांची जबाबदारी निश्चित करणे आवश्यक असल्याचे सुचविले. तसेच छोट्या व्यावसायिकांवर/किरकोळ विक्रेत्यांवर कठोर कारवाई न करता आधी जनजागृती करण्यात यावी अशी विनंती इतर सर्व संघटनांच्या प्रतिनिर्धीमार्फत करण्यात आली.
पुणे महानगरपालिकेमार्फत प्लास्टिक बंदीची प्रभावी अंमलबजावणी करण्यासाठी प्लास्टिक व्यवस्थापन कक्ष स्थापन करण्यात आला असून त्यांचेमार्फत शहरात आवश्यक ती कार्यवाही केली जाणार असल्याचे उप आयुक्त, घनकचरा व्यवस्थापन यांनी यावेळी सांगितले. तसेच सर्व उपस्थित संघटनांनी देखील शहरात प्लास्टिक बंदीबाबत जनजागृतीपर
करणे, कापडी पिशव्यांकरीता बायबॅक यंत्रणा राबविणे असे अनेक पर्यावरणपूरक उपक्रम राबविण्यात येतील असे सांगितले. तसेच दर दोन महिन्यांनी अशा प्रकारच्या बैठका आयोजित करून शहरात प्लास्टिक बंदीबाबतच्या कामांचा आढावा घेतला जाईल असे सांगितले.

Multipurpose workers | महापालिकेच्या विविध खात्यात घेतले जाणार बहुउद्देशीय कामगार  | 5 जुलै पर्यंत आवश्यक कामगारांची माहिती देण्याचे अतिरिक्त आयुक्तांचे आदेश 

Categories
Breaking News PMC पुणे

महापालिकेच्या विविध खात्यात घेतले जाणार बहुउद्देशीय कामगार

| 5 जुलै पर्यंत आवश्यक कामगारांची माहिती देण्याचे अतिरिक्त आयुक्तांचे आदेश

पुणे | महापालिकेच्या विविध खात्यात बहुउद्देशीय कामगारांची आवश्यकता असते. मात्र महापालिकेकडे कायमस्वरूपी कामगार कमी आहेत. त्यामुळे ठेकेदारांच्या माध्यमातून कामगार घेतले जातात. विविध खात्यात कामगाराची आवश्यकता पाहून कामगार घेतले जाणार आहेत. त्यासाठी विविध खात्याकडून आवश्यक कामगारांची माहिती मागवण्यात आली आहे. 5 जुलै पर्यंत ही माहिती देण्याचे आदेश अतिरिक्त आयुक्त कुणाल खेमणार यांनी विविध विभागांना दिले आहेत.
पुणे महानगरपालिकेतील सुरक्षा विभागामार्फत सुरक्षा रक्षक / बहुउददेशीय कामगार प्रत्येक खात्यास त्यांचे मागणीनुसार मान्य संख्येच्या अनुषंगाने पुरविले जातात. कायम सुरक्षा रक्षक कमी असल्यामुळे कंत्राट. पध्दतीने बहुउददेशीय कामगार घेतले जातात. पुणे महानगरपालिकेतील विविध विभागाकडून तसेच मा. सभासद यांचेकडून अतिरिक्त सुरक्षा सेवकांची मागणी केली जाते. नविन ठिकाणे व जुनी ठिकाणे यांचे देखभाल व सुरक्षा व्यवस्थेकामी बहुउददेशीय कामगारांची आवश्यकता असते.

तरी सुरक्षा विभागामार्फत नविन १ / २०२२ निविदा प्रक्रिया राबविण्यात येणार असलेने आपल्या विभागात कार्यरत बहुउददेशीय कामगार संख्या व नविन गावात तयार होणारी ठिकाणे यासह माहिती त्वरित सुरक्षा विभागाकडे लेखी कळविण्यात यावी. जेणेकरुन सुरक्षा विभागास निश्चित
अशी संख्या गृहित धरुण निविदा प्रक्रिया रबविणे सोइस्कर होइल. निविदा प्रक्रिया करणे कामी आपल्या विभागाची निश्चित संख्या कळविणे आवश्यक आहे.

आपल्या विभागा कडून प्रमाणित माहिती प्राप्त न झाल्यास निविदा प्रक्रिया झालेनंतर आपले मागणीचा विचार करणेत येणार नाही. खात्यामार्फत पाठविणेत आलेली माहिती अतिरिक्त महापालिका आयुक्त
यांचे मार्फत प्रमाणीत करून पाठविण्यात यावी. आपल्या मागणीच्या अनुषंगाने प्रस्ताव तयार करुन त्यास आयुक्त यांची मान्यता घेणेकामी कार्यवाही करण्यात येईल. त्यामुळे 5 जुलै पर्यंत हीमाहिती देण्यास सांगण्यात आले आहे.

culvert construction | कल्व्हर्ट बांधकाम / दुरुस्तीच्या कामांचा अतिरिक्त आयुक्तांनी मागवला अहवाल  | 7 जुलै पूर्वी अहवाल सादर करण्याचे निर्देश 

Categories
Breaking News PMC पुणे

कल्व्हर्ट बांधकाम / दुरुस्तीच्या कामांचा अतिरिक्त आयुक्तांनी मागवला अहवाल

| 7 जुलै पूर्वी अहवाल सादर करण्याचे निर्देश

पुणे | पावसाळ्याच्या दिवसात कल्वर्ट दुरुस्त न केल्याने किंवा त्याचे बांधकाम व्यवस्थित न झाल्याने अपघातक्षम परिस्थिती निर्माण होते. हे टाळण्यासाठी महापालिका प्रशासनाने गंभीरपणे पाऊल उचलले आहे. तसेच या बाबतच्या कामाचा अहवाल 7 जुलै पूर्वी सादर करण्याचे आदेश महापालिका अतिरिक्त आयुक्त डॉ कुणाल खेमणार यांनी दिले आहेत.

असे आहेत आदेश

पुणे मनपा हद्दीमध्ये विविध ठिकाणी विविध पॅकेजेस अंतर्गत कल्व्हर्टचे नवीन बांधकाम / दुरुस्तीची आदेश पथ विभागा अंतर्गत करण्यात येत आहेत. चालू पावसाळ्याचा विचार करता कार्यवाहीत असलेली नवीन बांधकामे व दुरुस्तीची कामे त्वरेने पूर्ण होणे आवश्यक आहे. तसेच सदर कामामुळे नाला / ओढा यांच्या प्रवाहात अडथळा होईल अशा प्रकारे कामाचा राडारोडा
अथवा अन्य साहित्य राहणार नाही याची खात्याकडून दक्षता घेणे आवश्यक आहे. सुरु असलेल्या बांधकाम / दुरुस्तीच्या कामामुळे कोणत्याही ठिकाणी पूरस्थिती निर्माण होणार नाही यासाठी काटेकोर उपाययोजना करण्यात यावी. अपघातक्षम परिस्थिती निर्माण होऊ नये यासाठी आवश्यक तेथे वाहतुकीसाठी पर्यायी मार्गाची व्यवस्था व सुरक्षा कठड्यांची व्यवस्था करावी. आपल्या विभागा अंतर्गत सुरु असलेल्या कल्व्हर्ट बांधकाम / दुरुस्तीच्या कामांची अद्ययावत मद्यस्थिती बाबतचा (पॅकेज निहाय) अहवाल आमचेकडे दिनांक ०७/०७/२०२२ पूर्वी सादर करावा. असे आदेशात म्हटले आहे.

NCP Youth | Girish Gurnani | पालखी मार्गाच्या पाहणी बाबत राष्ट्रवादी युवक चे अतिरिक्त आयुक्तांना निवेदन

Categories
Breaking News cultural PMC Political पुणे

पालखी मार्गाच्या पाहणी बाबत राष्ट्रवादी युवक चे अतिरिक्त आयुक्तांना निवेदन

आगामी आषाढी वारी सोहळ्या निमित्त पालखी चे प्रस्थान लवकरच पुण्यात होणार आहे. याच अनुषंगाने वारकऱ्यांची गैरसोय होऊ नये यासाठी काळजी घ्यावी व वेळ असता उपाययोजना कराव्यात असे निवेदन राष्ट्रवादी युवक चे कोथरूड चे अध्यक्ष .गिरीश गुरूनानी यांनी आज अतिरिक्त आयुक्त कार्यालयात कुणाल खेमणार साहेब यांच्याकडे दिले.

पालखी मार्गाची पाहणी करून अडथळा आणि धोकादायक वृक्षांची छाटणी, फिरती शौचालये, औषधांची फवारणी, पिण्याचे स्वच्छ पाणी, उघड्या चेंबर्स ना झाकण बसवणे तसेच अग्निशमन वाहने ही पुरवावित अश्या अनेक योजनांबद्दल गुरुनानी यांनी मा. अतिरिक्त आयुक्त यांच्या बरोबर चर्चा केली. अतिरिक्त आयुक्तांनी ही या वेळी सर्व निवेदन लक्षात घेऊन त्यावर नक्कीच उपाय केले जातील असे आश्वासन ही दिले.

कोरोना रुग्णांची वाढती रुग्ण संख्या लक्षात घेता त्या वर ही ठोस उपाय व्हायला हवेत असे मत ही आयुक्तां समोर मांडण्यात आले. पालखी सोबत वैद्यकीय पथक व औषध व्यवस्थाही असावी अशी मागणी ही या वेळी करण्यात आली. तसेच वारकऱ्यांना कुठल्याही प्रकारची अडचण येऊ नये अथवा कोणताही अडथळा निर्माण होऊ नये याच विचारातून आयुक्तांची भेट घेण्यात आल्याचे गुरूनानी यांनी माध्यमांशी बोलत असताना सांगितले.

या वेळी राष्ट्रवादी युवकचे मोहित बराटे,केदार कुलकर्णी,ऋषिकेश शिंदे,अजिंक्य साळुंखे,कृष्ण पुजारी आदि कार्यकर्ते उपस्थिती होते.

Road Works | रिईनस्टेटमेंट च्या नावाखाली चुकीची कामे | कॉंग्रेसचा आरोप 

Categories
Breaking News PMC Political पुणे

रिईनस्टेटमेंट च्या नावाखाली चुकीची कामे | कॉंग्रेसचा आरोप

रस्त्याची निकृष्ट कामे करणाऱ्या अधिकारी आणि ठेकेदारावर कारवाई करा

: कॉंग्रेसची महापालिका अतिरिक्त आयुक्ताकडे मागणी

पुणे | सिमेंट रस्त्यावर डांबरीकरण न करण्याची मागणी कॉंग्रेसच्या वतीने महापालिका अतिरिक्त आयुक्त कुणाल खेमणार यांच्याकडे करण्यात आली आहे. शिवाय  निकृष्ट दर्जाची रस्त्याची कामे करणाऱ्या ठेकेदार व अधिकारी याच्यावर कारवाई करण्याची मागणी देखील करण्यात आली आहे.

याबाबत कॉंग्रेसचे सरचिटणीस ऋषिकेश बालगुडे यांनी अतिरिक्त आयुक्तांना पत्र दिले आहे. त्यानुसार  मध्यवर्ती भागामध्ये ड्रेनेज,२४-७ पाणी पुरवठा, यांचीं कामे चालू आहेत.हि कामे करीत असताना रस्त्यावर राडारोडा,पाईप,माती य तश्याच आहेत. हि कामे पूर्ण करण्यात आलेली नाहीत. त्यामुळे रस्त्यावर खड्डे च पाहायला मिळत आहे. मनपा ने दिलेल्या अटी व शर्तीचा भंग केल्याचे वर्तमानपत्रातून अनेक वेळा दिसून येत आहे, या कामाच्या ठिकाणी अनेक वेळा अपघात सुद्धा झाले आहेत,रस्ते व्यवस्थित नसल्यामुळे याचा नागरिकांना प्रचंड प्रमाणात त्रास सहन करावा लागत आहे. पुणे मनपा मुळे नागरिकांचा जीवीतास धोका निर्माण झाला आहे, अशी परीस्थीती शहरात आहे. नागरिकांनी याची तक्रार मनपा च्या पथ आणि ड्रेनेज विभाग याच्याकडे करून सुद्धा त्याच्याकडे अधिकारी कानाडोळा करून संबधित ठेकेदार यांना पाठीशी घालून कामे निकुष्ट दर्जाची करून घेत आहेत. यामुळे पावसाळ्यात रस्ते खचणे,रस्त्यावर पाणी साचणे हे प्रकार घडणार आहेत.

बालगुडे निवेदनात म्हटल्यानुसार रिईनस्टेटमेंट च्या नावाखाली चुकीची कामे केली जात आहेत. शहरातील खोदाई झालेल्या ठिकाणी डांबरीकरण करण्या ऐवजी त्या ठिकाणी सिमेंट कॉंक्रीट केले जाते.हे व्यवस्थित केले जात नाही. यामुळे रोड खचणे व त्यावर डांबर टाकणे असा प्रकार पथ विभाग आणि ड्रेनेज विभाग यांच्याकडून होत आहे,एक काम दोन ते तीन वेळा करण्याचे प्रकार घडत आहे. या विषयी आपणकडे २७-१-२०२२ रोजी तक्रार केलेली आहे.तरी यावर त्वरित कारवाई करण्यात यावी. अशी मागणी करण्यात आली आहे.

Prevent accidents : रहदारीच्या चौकातील अपघात रोखणार महापालिका  : पायलट प्रोजेक्ट वर काम सुरु 

Categories
PMC social पुणे

रहदारीच्या चौकातील अपघात रोखणार महापालिका

: पायलट प्रोजेक्ट वर काम सुरु

: सुरक्षित प्रवासासाठी वाहनचालक – पादचाऱ्यांसाठी स्वतंत्र लेन

 

पुणे : महापालिका हद्दीत अशी काही ठिकाणे आणि चौक आहेत, जिथे वारंवार अपघात घडत राहतात. यामुळे नागरिकांना आपला जीव देखील गमवावा लागला आहे. मात्र आगामी काळात अशा घटना घडू नयेत म्हणून महापालिका प्रशासनाने गंभीरपणे पावले उचलली आहेत. उंड्री चौकात वाहतूककोंडी पादचारी आणि वाहनचालकांसाठी प्रायोगिक तत्त्वार सुरक्षित प्रवास उपक्रम हाती घेतला आहे, त्यामध्ये वाहनचालक-पादचाऱ्यांसाठी स्वतंत्र मार्ग तयार केला आहे. दरम्यान गेल्या 15 दिवसापासून यावरील अपघाताचे प्रमाण कमी झाल्याचे पाहण्यास मिळाले आहे. त्यामुळे शहरात आणखी 5 ठिकाणी पायलट प्रोजेक्ट राबवण्यात येणार आहेत. अशी माहिती महापालिका पथ विभागाचे अधीक्षक अभियंता साहेबराव दांडगे यांनी दिली.

सेव्हलाईफ फाउंडेशन व महापालिका यांच्या संयुक्त विद्यमाने उंड्री चौकामध्ये प्रायोगिक तत्त्वार सुरू केलेल्या प्रायोगिक प्रकल्पाची पालिका आयुक्तांसह अधिकाऱ्यांनी नुकतीच पाहणी केली. याप्रसंगी मनापा अतिरिक्त आयुक्त कुणाल खेमणार, संस्थेचे प्रमुख पियुष तिवारी, मुख्य अभियंता व्ही. जी. कुलकर्णी, अधीक्षक अभियंता साहेबराव दांडगे,  उपस्थित होते.

दांडगे यांनी दिलेल्या माहितीनुसार महापालिका हद्दीतील अपघात रोखण्यासाठी आम्ही प्रयत्नशील आहोत. त्यानुसार पायलट प्रोजेक्ट राबवण्यात येत आहेत. त्यामुळे अपघात होण्याचे प्रमाण देखील कमी झाले आहे. त्यामुळे शहरात आणखी दोन ठिकाणी म्हणजे खराडी बायपास आणि वैदूवाडी परिसरात हे पायलट प्रोजेक्ट राबवण्यात येणार आहेत.  पुढी आठवड्यापासून सर्वेक्षणाला सुरुवात होणार असून पावसाळ्यापूर्वी चर्चा करून आराखडे निश्चित केले जातील.  कामाची अंमलबजावणी पावसाळ्यावर अवलंबून असेल आणि त्याला विलंब होऊ शकतो. हे झाल्यानंतर महापालिका पक्के काम करणार आहे. त्यासाठी NHAI शी देखील आम्ही चर्चा करणार आहोत.

MAHAPREIT : PMC : उर्जा बचत प्रकल्पासाठी ‘महाप्रित’चा पुणे महानगरपालिकेसोबत सामंजस्य करार

Categories
PMC social पुणे

उर्जा बचत प्रकल्पासाठी ‘महाप्रित’चा पुणे महानगरपालिकेसोबत सामंजस्य करार

पुणे : महात्मा फुले मागासवर्ग विकास महामहामंडळाअंतर्गत स्थापन करण्यात आलेल्या महात्मा फुले नविनीकरणीय उर्जा व पायाभूत प्रौद्योगिकी मर्यादीत (महाप्रित) या सहयोगी कंपनीने  पुणे महानगरपालिकेसोबत ऊर्जेची व उर्जा खर्चाची बचत, धोरण, यासाठी उपाययोजना करण्यासाठीच्या प्रकल्पासाठी सामंजस्य करार केला. या सामंजस्य करारावर ‘महाप्रित’चे अध्यक्ष तथा व्यवस्थापकीय संचालक बिपिन श्रीमाळी आणि पुणे महानगरपालिका आयुक्त विक्रम कुमार यांनी स्वाक्षऱ्या केल्या.

स्वयंरोजगार निर्मितीसंदर्भात दुर्बल घटकांच्या विकासाच्या दृष्टीकोनातून उर्जा वापराच्या खर्चात बचत करण्याची योजना या प्रकल्पामध्ये आहे. कार्बन उत्सर्जन कमी करणे आणि ‘शून्य कार्बन’ उद्दिष्ट गाठण्यासाठी पारंपारिक उर्जेच्या जागी सौर उर्जा निर्मिती हे देखील या उपक्रमाचे उद्दिष्ट आहे.

‘महाप्रित’चा हा कोणत्याही स्थानिक स्वराज्य संस्थेसोबत झालेला हा राज्यातील पहिल्याच संयुक्त उपक्रमाचा करार आहे. या उपक्रमाचा पुणे शहरासह समाजातील दुर्बल घटकांनाही उपयोग होणार आहे. स्थानिक नवोद्योजकांपैकी (स्टार्ट अप आंत्रप्र्यूनर्स) पात्र आणि कल्पक नवोद्योगांची निवड करुन त्यांना प्रोत्साहन व सहाय्य देण्याचीही या प्रकल्पाची कल्पना आहे. कार्बन उत्सर्जन कमी करण्यासाठी तसेच ऊर्जा खर्चात बचत करण्यासाठी राज्यातील इतर महानगरपालिकांमध्येही असे प्रकल्प हाती घेण्यास त्यामुळे चालना मिळेल.

यावेळी बिपीन श्रीमाळी म्हणाले, या प्रकल्पामुळे मोठ्या प्रमाणात ऊर्जा बचतीद्वारे भविष्यात पुणे महानगरपालिकेच्या विद्युत देयकांच्या खर्चातही बचत होईल.

यावेळी महापालिकेचे अतिरिक्त आयुक्त डॉ. कुणाल खेमनार, मुख्य अभियंता (विद्युत) श्रीनिवास कुंदल, अधिक्षक अभियंता (विद्युत) मनीषा शेकटकर, ‘महाप्रित’चे संचालक (संचलन) विजयकुमार काळम पाटील, कार्यकारी संचालक (प्रशासन) प्रशांत गेडाम, मुख्य महाव्यवस्थापक श्यामसुंदर सोनी, सतीश चवरे, गणेश चौधरी, विरेंद्र जाधवराव, पंकज शहा, प्रसाद दहापुते आणि जनसंपर्क अधिकारी मिलिंद अवताडे उपस्थित होते.