Tag: Lok Sabha Election 2024

Cast your Vote | विवाह मंडपातच वधू-वराकडून मतदानाची शपथ | नवजीवनाचे पहिले पाऊल सोबतीने मतदानाचा निश्चय करून

Categories
Breaking News social पुणे

Cast your Vote | विवाह मंडपातच वधू-वराकडून मतदानाची शपथ

| नवजीवनाचे पहिले पाऊल सोबतीने मतदानाचा निश्चय करून

Cast Your Vote – (The Karbhari News Service) – विवाहाची मिरवणूक निघालेली…फेटे बांधलेले वराती लग्नासाठी निघालेले…सनईच्या स्वरात सर्वांचे मंडपात दिलखुलास स्वागत… आणि लग्नघटीका समिप आली असताना वर-वधूंनी नवजीवनात प्रवेश करताना पहिले पाऊल मतदानाचा संकल्प करून टाकले. त्यांनी इतरांनाही मतदान करण्याचे आवाहन केले.

विवाहात ज्येष्ठांनी आशीर्वाद देतानाच थोरा मोठ्यांचा मान ठेवण्याचा, सामाजिक जबाबदारी पार पाडण्याचा संदेश दिला. त्याचे पालन करण्याचा निश्चय करतानाच देशाविषयीचे कर्तव्य म्हणून मतदान करणार असल्याचे सांगितले. नव्या संसाराची सुरुवात येत्या लोकसभा निवडणुकीत मतदान करण्याचा संकल्प करुन नवविवाहीत जोडप्याने करुन एक मोठा सामाजिक संदेश समाजाला दिला.

आंबगेाव तालुक्यातील जवळे गावात अक्षय लोखंडे आणि उत्कर्षा घोडेकर यांच्या विवाहाची तयारी सुरू कसताना नवरदेवाची स्वारीही आली. अशात स्वीप पथकाच्या मार्गदर्शनाखाली काढण्यात आलेल्या मतदान जनजागृती फेरीतील विद्यार्थ्यांनी वऱ्हाडी मंडळीला मतदानाचे आवाहन केले. त्याला प्रतिसाद देत सर्वांनी मतदान करण्याची प्रतिज्ञा घेतली.

शिरुर लोकसभा मतदार संघाअंतर्गत आंबेगाव विधानसभा मतदार संघातील स्वीप पथक मतदार संघात ठिकठिकाणी मतदान जनजागृती करत आहे. जवळे गावात विवाहाच्या मिरवणुकीत मतदार जनजागृती करून वर-वधू आणि वऱ्हाडी मंडळींना मतदानाचा संकल्प करण्याचे आवाहन करण्यात आले. यावेळी सर्वांनी मतदान संकल्प पत्र भरू दिले. या उपक्रमात स्वीप सदस्य नारायण गोरे, तुषार शिंदे, सुनिल भेके, सचिन तोडकर यांच्यासह जिल्हा परिषद शाळेच्या विद्यार्थ्यांनी सहभाग घेतला.

—-

जवळे गावात सून म्हणून प्रवेश करताना भारतीय नागरीक आणि आंबेगाव तालुक्यातील सजग मतदार म्हणून मतदान करेल. नागरिकांनीही मतदानात सहभाग घ्यावा.

– उत्कर्षा घोडेकर, वधू

 

——

संसाराच्या कर्तव्यासोबत मी देशाप्रती असणारे कर्तव्यही पार पाडणार आहे आणि मतदान करणार आहे.

– अक्षय लोखंडे, वर

0000

PMC election department has asked all departments for information on ongoing development works!

Categories
Breaking News PMC social पुणे

PMC election department has asked all departments for information on ongoing development works!

 |  Deputy Commissioner Chetna Kerure’s order to provide information on the background of the Lok Sabha Code of Conduct

 Pune – Loksabha Election 2024 Code of Conduct – (The Karbhari News Service) – Loksabha Election 2024 Code of Conduct may come into effect in the next few days.  In this background, Pune Municipal Election Department (PMC Election Department) Deputy Commissioner Chetna Kerure (PMC) has ordered all the departments of the Municipal Corporation to submit information about the ongoing development works.  (Pune PMC News)
 The Lok Sabha elections are going on all over the country.  On that occasion, rush is on to complete the development works.  In view of the Lok Sabha elections, the Pune Collectorate has also started strong preparations.  Code of Conduct for Lok Sabha General Election 2024 can be implemented anytime.  Against this backdrop, the collector’s office has sent a letter to the election department of the municipal corporation and asked it to submit information about the ongoing development works of the municipal corporation.  Accordingly, all the municipal departments of the Municipal Election Department have been ordered to submit the information about the ongoing development work to the District Election Department immediately.  Accordingly, action has been taken by the department.  (Pune Municipal Corporation (PMC)

Loksabha Election 2024 Code of Conduct | महापालिका निवडणूक विभागाने सर्व विभागाकडून मागवली चालू विकास कामांची माहिती! 

Categories
Breaking News PMC पुणे

Loksabha Election 2024 Code of Conduct | महापालिका निवडणूक विभागाने सर्व विभागाकडून मागवली चालू विकास कामांची माहिती!

| लोकसभा आचारसंहितेच्या पार्श्वभूमीवर माहिती देण्याचे उपायुक्त चेतना केरुरे यांचे आदेश

पुणे – Loksabha Election 2024 Code of Conduct – (The Karbhari News Service) – लोकसभा निवडणुकीची आचारसंहिता (Loksabha Election 2024 Code of Conduct) येत्या काही दिवसांत लागू शकते. या पार्श्वभूमीवर पुणे महापालिका निवडणूक विभागाच्या (PMC Election Department) उपायुक्त चेतना केरुरे (Chetna Kerure PMC) यांनी  महापालिकेच्या सर्व विभागांना चालू विकास कामांची माहिती सादर करण्याचे आदेश दिले आहेत. (Pune PMC News)
लोकसभा निवडणुकीची देशभरात लगबग सुरु आहे. त्या निमित्ताने विकास कामे उरकून घेण्याबाबत लगीनघाई सुरु आहे. लोकसभा निवडणुकीच्या दृष्टीने पुणे जिल्हाधिकारी कार्यालयाने देखील जोरदार तयारी सुरु केली आहे. लोकसभा सार्वत्रिक निवडणूक 2024 ची आचारसंहिता कधीही लागू शकते. त्या पार्श्वभूमीवर जिल्हाधिकारी कार्यालयाने महापालिकेच्या निवडणूक विभागाला पत्र पाठवत महापालिकेच्या चालू विकास कामांची माहिती सादर करण्यास सांगितले आहे. त्याला अनुसरून महापालिका निवडणूक विभागाच्या  महापालिकेच्या सर्व विभागांना आदेशित केले आहे कि चालू विकास कामाची माहिती जिल्हा निवडणूक विभागाला तात्काळ सादर करावी. त्यानुसार विभागाकडून यावर कार्यवाही सुरु करण्यात आली आहे. (Pune Municipal Corporation (PMC)

Loksabha election 2024 Mahayuti | लोकसभेची निवडणूक महायुती एकदिलाने लढणार! | चंद्रकांतदादा पाटील यांच्या अध्यक्षतेखालील बैठकीत सर्व घटक पक्षांचा निर्धार

Categories
Breaking News Political पुणे

Loksabha election 2024 Mahayuti | लोकसभेची निवडणूक महायुती एकदिलाने लढणार!

|  चंद्रकांतदादा पाटील यांच्या अध्यक्षतेखालील बैठकीत सर्व घटक पक्षांचा निर्धार

Pune – (The Karbhari News Service) – लोकसभेच्या निवडणुकीचे पडघम वाजू लागले आहेत. भारतीय जनता पक्ष, शिवसेना, राष्ट्रवादी काँग्रेस यांच्यासह महायुती एकदिलाने आणि पूर्ण ताकदीनिशी लढणार असल्याचे प्रतिपादन राज्याचे उच्च व तंत्रशिक्षण वस्त्रोद्योग आणि संसदीय कार्य मंत्री तथा बारामती, पुणे आणि शिरुर लोकसभा मतदारसंघाचे क्लस्टर प्रमुख चंद्रकांतदादा पाटील यांनी केले. आगामी लोकसभा निवडणुकीच्या पार्श्वभूमीवर बारामती, पुणे आणि शिरूर लोकसभा मतदारसंघातील महायुतीच्या प्रमुख पदाधिकाऱ्यांची बैठक नामदार चंद्रकांतदादा पाटील यांच्या प्रमुख उपस्थितीत संपन्न झाली. यानंतर आयोजित पत्रकार परिषदेत ते बोलत होते.

यावेळी भाजपा प्रदेश सरचिटणीस मुरलीधर मोहोळ, उपाध्यक्ष माधव भांडारी, आ. माधुरीताई मिसाळ, सिद्धार्थ शिरोळे, शहराध्यक्ष धीरज घाटे, समन्वय समितीचे प्रमुख तथा प्रदेश प्रवक्ते संदीप खर्डेकर,शिवसेनेचे संपर्कप्रमुख संजय माशेलकर, शहर प्रमुख प्रमोदनाना भागगिरे, राष्ट्रवादी काँग्रेसचे शहराध्यक्ष दीपक मानकर, जिल्हाध्यक्ष प्रदीपदादा गारटकर यांच्या सह मित्र पक्षांचे सर्व प्रमुख पदाधिकारी उपस्थित होते.

नामदार चंद्रकांतदादा पाटील म्हणाले की, लोकसभा निवडणुकीसाठी कोणत्याही क्षणी आचारसंहिता लागू होईल. त्यामुळे निवडणूक काळात महायुतीमध्ये योग्य समन्वय रहावा. प्रचारामध्ये कोणते मुद्दे असावेत, त्यातून कार्यकर्ते आणि पदाधिकाऱ्यांमध्ये स्पष्टता असावी यासाठी महायुतीतील सर्व घटक पक्षांची बारामती, शिरुर, आणि पुणे लोकसभा मतदारसंघनिहाय बैठक झाली. या बैठकीत माननीय मोदीजींना पुन्हा पंतप्रधान करण्यासाठी सर्वांनी एकदिलाने आणि पूर्ण ताकदीने निवडणूक लढण्याचा निर्धार केला.

ते पुढे म्हणाले की, लोकसभेमध्ये एनडीएला ४०० पार करुन माननीय मोदीजींना पुन्हा पंतप्रधान करणं, यावर सर्वांचच एकमत आहे. आजच्या लोकसभा मतदारसंघ निहाय बैठकीनंतर प्रत्येक पक्षाचे नेते विधानसभा मतदारसंघ आणि बूथ स्तरापर्यंत जाऊन संपर्क करणार आहेत.

नामदार पाटील पुढे म्हणाले की, जम्मू काश्मीर मध्ये ३७० कलम हटविण्यात आलं. त्यामुळे प्रत्येक मतदारसंघात बूथवर मिळणाऱ्या मतांमध्ये ३७० मते अधिक मिळाली पाहिजेत, अशी सूचना पक्ष श्रेष्ठींनी केली आहे. त्यामध्ये महायुतीच्या घटक पक्षांची मतांची संख्या काढली, ती देखील ४०० पार करतील, आणि लोकसभेच्या सर्व ४८ मतदारसंघात महायुतीचे उमेदवार विजयी होतील, असा विश्वास त्यांनी यावेळी व्यक्त केला.

या बैठकीला राज्याच्या महिला आयोगाच्या अध्यक्षा रुपाली चाकणकर, माजी मंत्री तथा शिवसेना नेते विजयबापू शिवतारे, खासदार श्रीरंग बारणे, आमदार भीमराव तापकीर, यांच्या सह भाजप, शिवसेना, राष्ट्रवादी काँग्रेस, रिपाइं, लोकजनशक्ती पार्टी, शिवसंग्राम शेतकरी संघटना यांचे प्रमुख पदाधिकारी उपस्थित होते.

दरम्यान, लोकसभा निवडणुकीसाठी नामदार चंद्रकांतदादा पाटील हे लवकरच बारामती, पुणे आणि शिरुर लोकसभा मतदारसंघाचा तालुकानिहाय दौरा करणार असून, याद्वारे महायुतीच्या सर्व कार्यकर्त्यांशी संवाद साधणार आहेत.

Lok Sabha Election Expenditure | निवडणूक खर्च दरनिश्चिती समितीची बैठक संपन्न

Categories
social पुणे महाराष्ट्र

Lok Sabha Election Expenditure | निवडणूक खर्च दरनिश्चिती समितीची बैठक संपन्न

 

Lok Sabha Election Expenditure |  लोकसभा सार्वत्रिक निवडणुकीसाठी निवडणूक खर्च दरनिश्चिती समितीची बैठक जिल्हाधिकारी डॉ.सुहास दिवसे यांच्या उपस्थितीत घेण्यात आली. निवडणूकीसाठी राजकीय पक्षांना आवश्यक साहित्य व प्रचारासाठीच्या विविध बाबींचे दर निश्चित करताना जिल्ह्याच्या विविध भागातील आणि जिल्ह्याबाहेरील दरांची माहिती घेण्यात यावी, असे निर्देश जिलहधिकारी डॉ.सुहास दिवसे (Suhas Diwase IAS) यांनी दिली.

बैठकीला निवडणूक खर्च समन्वय अधिकारी तथा अपर जिल्हाधिकारी सोनप्पा यमगर, उप जिल्हा निवडणूक अधिकारी मीनल कळसकर यांच्यासह विविध शासकीय विभागांचे अधिकारी उपस्थित होते. बैठकीत विविध प्रकारच्या निवडणूक खर्चाबाबत बाबनिहाय आढावा घेण्यात आला. दरनिश्विती करताना राजकीय पक्षांनादेखील प्रक्रियेची माहिती देण्याच्या सूचना जिल्हाधिकाऱ्यांनी दिल्या.

Suhas Diwase IAS | आगामी निवडणुकीसाठी योग्य समन्वय व संवाद साधून कामे करा |  जिल्हाधिकारी डॉ. सुहास दिवसे यांच्या सूचना

Categories
पुणे महाराष्ट्र

Suhas Diwase IAS | आगामी निवडणुकीसाठी योग्य समन्वय व संवाद साधून कामे करा |  जिल्हाधिकारी डॉ. सुहास दिवसे यांच्या सूचना

 

Suhas Diwase IAS |  आगामी लोकसभा सार्वत्रिक निवडणुकीसाठी (Loksabha election 2024)  अधिकारी व कर्मचाऱ्यांनी योग्य समन्वय व संवाद साधून कामे करावीत; कामांच्या अनुषंगाने सूक्ष्म नियोजन करुन उत्कृष्ट आराखडा तयार करावा, अशा सूचना जिल्हाधिकारी डॉ. सुहास दिवसे यांनी दिल्या.

जिल्हाधिकारी कार्यालय येथे आयोजित समन्वय अधिकाऱ्यांच्या आढावा बैठकीत ते बोलत होते. यावेळी अतिरिक्त विभागीय आयुक्त अण्णासाहेब चव्हाण, अपर जिल्हाधिकारी अजय मोरे, महानगरपालिकेचे उपायुक्त महेश पाटील, निवासी उपजिल्हाधिकारी ज्योती कदम, उप जिल्हा निवडणूक अधिकारी मीनल कळसकर, उपजिल्हाधिकारी तथा स्वीप नोडल अधिकारी अर्चना तांबे, सहायक निवडणूक अधिकारी तसेच संबंधित विभागाचे अधिकारी उपस्थित होते.

डॉ. दिवसे म्हणाले, सार्वत्रिक निवडणुकीच्या अनुषंगाने भारतीय निवडणूक आयोगाने दिलेल्या मानकांचे सर्व अधिकाऱ्यांनी अवलोकन करावे. मानके सर्वांना अवगत होईल अशा सोप्या भाषेत भाषांतरीत करावीत. तसेच या मानकांचे सर्वांनी तंतोतंत पालन करावे.

निवडणूकीच्या कालावधीचा विचार करता निवडणुकीच्या अनुषंगाने अधिकारी व कर्मचाऱ्यांचे योग्य प्रशिक्षण होईल, याबाबत दक्षता घ्यावी. ईव्हीएम सुरक्षिततेच्या अनुषंगाने महसूल व पोलीस प्रशासनाचे संयुक्त प्रशिक्षण आयोजित करावे. यामध्ये आचारसंहितेचे पालन, उल्लंघन, हिंसककृत्य, विविध परवानग्या, सुरक्षितता तसेच व्हिडीओ कॅमेरे, सीसीटिव्ही, वेबकास्टिंग आदी बाबींचा समावेश करावा.

पुण्यासारख्या प्रगत जिल्ह्यात मतदानाची टक्केवारी कमी राहता कामा नये. विशेषतः युवक आणि महिलांची टक्केवारीत वाढ होण्याच्यादृष्टीने ‘स्वीप’अंतर्गत मतदार जनजागृतीकरीता विविध उपक्रम राबवावेत. यासाठी त्या क्षेत्रातील स्वयंसेवी संस्थांची मदत घेण्यासह समाज माध्यमांद्वारे जनजागृतीवर भर द्यावा.

ईव्हीएम सुरक्षितता महत्वाची असून त्यामध्ये ईव्हीएम कक्ष, कक्षाची डागडुजी, कक्षातील वीजयंत्रणा, सीसीटीव्ही, वेबकास्टिंग, अभिलेख जतन तसेच वाहन जीपीएस ट्रॅकिंग, परिसरातील वाहनतळ, ईव्हीएम ने-आण करताना येणारे अडथळे आदी बाबींचा विचार करुन कार्यवाही करावी.

निवडणूकीच्यावेळी निर्माण होणारे संभाव्य धोके लक्षात सूक्ष्म आराखडा तयार कामाचे नियोजन करावे. समन्वय कक्षाने सर्वंकष आराखडा तयार करावा. माहिती पाठवताना भारतीय निवडणूक आयोगाने दिलेल्या विहीत नमुन्यात माहिती सादर करा. सूक्ष्म निरीक्षकांची नेमणूक करावी. सर्व अधिकारी व कर्मचाऱ्यांनी निवडणुकीच्या अनुषंगाने दिलेल्या सूचनांचे पालन करावे, असेही जिल्हाधिकारी म्हणाले.

यापूर्वीच्या आणि आगामी सार्वत्रिक निवडणूकीची परिस्थिती लक्षात घेता संवेदनशील आणि अतिसंवदेनशील (क्रिटीकल आणि वल्नरेबल) मतदान केंद्रे निश्चित करावीत. निवडणुकीच्या अनुषंगाने भारत निवडणूक आयोगाकडून वेळोवेळी प्राप्त होणाऱ्या शासन निर्णय, शासन परिपत्रक, कायदे यामधील सूचनांची काटेकोर अमंलबजावणी करुन कामकाज सुरळीत पार पाडावे. मागील निवडणुकीच्या वेळी आलेल्या समस्यांचे निराकरण करण्यासाठी आवश्यक त्या उपाययोजना कराव्यात असेही डॉ. दिवसे म्हणाले.

यावेळी जिल्हाधिकारी डॉ. दिवसे यांनी अधिकारी कर्मचारी नियुक्ती, निवडणूक प्रशिक्षण, निवडणूक साहित्य व लेखनसामुग्री, वाहन अधिग्रहन, वाहन आराखडा, संगणकीकरण, स्वीप उपक्रम, ईव्हीएम, आदर्श आचारसंहिता, निवडणूक खर्च, कायदा व सुव्यवस्था, माध्यम कक्ष आदी विषयांबाबत आढावा घेतला.

Loksabha Election | Shivsena Pune | शिवसेनेचे मिशन 48 ..!  लोकसभा निवडणुकीची तयारी सुरु 

Categories
Breaking News Political पुणे महाराष्ट्र

Loksabha Election | Shivsena Pune | शिवसेनेचे मिशन 48 ..!  लोकसभा निवडणुकीची तयारी सुरु

| शिवसंकल्प अभियानाच्या झंझावाती दौऱ्याला होणार सुरूवात !

 

 LokSabha Election | Shivsena Pune | राज्यातील महायुती सरकारने (Mahayuti)  केलेल्या कामांच्या बळावर आपल्याला मतं मागायची असून मिशन ४८ ची सुरूवात करण्यासाठी शिवसंकल्प अभियान (Shivsena Shivsankalp Abhiyan) हाती घेतले असल्याचे मुख्यमंत्री एकनाथ शिंदे (CM Eknath Shinde) यांनी जाहीर केले. लोकसभा निवडणुकीच्या (Loksabha Election 2024) प्रचाराचा शुभारंभ करण्यासाठी मुख्यमंत्री एकनाथ शिंदे स्वतः शिवसंकल्प अभियानाद्वारे राज्यभर प्रचार मेळावे घेऊन लोकसभा निवडणुकीचे रणशिंग फुंकणार आहेत. या शिवसंकल्प अभियान दौऱ्याची सुरुवात शिरूर व मावळ लोकसभेपासून करण्यात येणार असून, येत्या ०६ जानेवारी २०२४ रोजी मुख्यमंत्री एकनाथ शिंदे  यांच्या नेतृत्वाखाली हा दौरा संपन्न होणार आहे. (Pune Shivsena News – Lok Sabha Election )

याच पार्श्वभूमीवर आज पुण्यातील शिवसेना (Pune Shivsena) मध्यवर्ती कार्यालयात शहरातील पदाधिकाऱ्यांची नियोजन बैठक पार पडली. या बैठकीत पुण्यातील शिवसेनेचे प्रमुखपदाधिकारी, युवासेना, महिला आघाडी व अंगिकृत संघटनांचे सर्व पदाधिकारी उपस्थित होते. (Pune Shivsena News – Lok Sabha Election )

यावेळी, शिवसेनेचे शहरप्रमुख प्रमोद नाना भानगिरे (Pramod Nana Bhangire) म्हणाले की, शिंदे साहेबांच्या नेतृत्वात शिवसैनिकांना मोठी ताकद मिळाली असून, भविष्यात या ताकदीचा वापर करून, एकनाथ शिंदे साहेबांचे व शिवसेनेचे काम तळागाळापर्यंत पोहचवा असे सांगितले. याचसोबत येत्या ६ जानेवारीला शिरूर व मावळ लोकसभेमध्ये होणाऱ्या शिवसंकल्प अभियानाला प्रचंड संख्येने उपस्थित राहण्याचे आवाहन देखील त्यांनी यावेळी केले.

तसेच, शिवसेना पुणे जिल्ह्याचे लोकसभा निरीक्षक किशोर भोसले यांनी पक्षातील शिवदूत, बुथप्रमुख इथपासून ते शहरप्रमुखांपर्यंत नव्या जोमाने कामाला लागून, पक्षाला नव्याने उभारी देण्यासाठी आणि नव्या उमेदीने पक्ष बांधणी करून, पक्ष वाढीस हातभार लावूयात असे सांगितले आहे.

दरम्यान, शिवसंकल्प अभियानाचे प्रचार मेळावे दोन टप्प्यात पार पडणार असून त्यातील पहिला टप्पा  ६ जानेवारी रोजी शिरूर येथुन सुरू होणार असून ११ जानेवारी रोजी छत्रपती संभाजीनगर
येथील सभेने पहिल्या टप्प्यातील प्रचारदौरा पूर्ण होणार आहे.

दुसऱ्या टप्प्यात २५ जानेवारीपासून पुन्हा प्रचार मेळाव्याना पुन्हा सुरूवात होणार असून २५ जानेवारी रोजी शिर्डी येथे दुसरा प्रचार मेळावा पार पडेल, तर या प्रचार मेळाव्यांचा समारोप ३० जानेवारी रोजी हातकणंगले येथे होईल.

या प्रचार मेळाव्यांच्या समारोपासह पक्षाच्या वतीने कोल्हापूर येथे दोन दिवसीय विशेष महाशिबिराचे आयोजन करण्यात येणार असून त्यानंतर या शिवसंकल्प अभियानाची सांगता होणार आहे.

या शिवसंकल्प अभियान पूर्व नियोजित आढावा बैठकीत, राज्यातील लोकसभेच्या ४८ जागा पूर्ण ताकदीनिशी लढवण्याचा निर्धार शिवसैनिक, तथा सर्व पदाधिकऱ्यांच्या वतीने व्यक्त करण्यात आला आहे.

दरम्यान, या बैठकीला शिवसेना शहरप्रमुख प्रमोद नाना भानगिरे, पुणे लोकसभा निरीक्षक किशोर भोसले, जिल्हाप्रमुख रमेश बाप्पू कोंडे, उल्हासभाऊ तुपे, युवासेना सचिव किरण साळी, युवासेना जिल्हाप्रमुख निलेश घारे, निलेश गिरमे, युवासेना सहसंपर्क प्रमुख अविनाश खेडेकर,  महिला आघाडी शहर प्रमुख पुजाताई रावेतकर, माथाडी कामगार सेना जिल्हाप्रमुख निलेश माझीरे, शहर संघटक श्रीकांत पुजारी, शहर समन्वयक शंकर संगम, नवनाथ निवंगुणे, राजाभाऊ भिलारे,  धनंजय जाधव, प्रमोद प्रभुणे, शिवसेना पुणे प्रवक्ते अभिजित बोराटे, लक्ष्मण आरडे, उपशहर प्रमुख सुधीर कुरुमकर, सुनील जाधव, गौरव साईनकर, संजय डोंगरे, सचिन थोरात, महिला उपशहर प्रमुख श्रद्धा शिंदे, श्रुती नाझिरकर, चैत्राली गुरव, ओबीसी शहर अध्यक्ष मकरंद केदारी  व शिवसेना, युवासेना सर्व पदाधिकारी, महिला आघाडी, अंगिकृत संघटना व असंख्य शिवसैनिक उपस्थित होते.

8th Pay Commission Update | 8 व्या वेतन आयोगाची केंद्र सरकारची तयारी सुरू!

Categories
Breaking News Commerce Political social देश/विदेश लाइफस्टाइल

8th Pay Commission Update |  8 व्या वेतन आयोगाची केंद्र सरकारची तयारी सुरू!

8th Pay Commission Update |  2024 च्या लोकसभा निवडणुकीच्या (Lok sabha Election 2024) पार्श्वभूमीवर केंद्र सरकारी कर्मचाऱ्यांवर (Central Government Employees) मोदी सरकार (Modi Government) मेहरबानी करणार असल्याची शक्यता आहे.  सरकार त्यांना खूप चांगली बातमी देणार आहे.  सूत्रांकडून मिळालेल्या माहितीनुसार, 7व्या वेतन आयोगानंतर (7th Pay Commission) आता 8व्या वेतन आयोगाची (8th Pay Commission Update) चर्चा सुरू झाली आहे.  चर्चा नुसती एवढीच नाही, तर याबाबतचा प्रस्ताव तयार होत असल्याची आनंदाची बातमी आहे.  पुढील वर्षी मोदी सरकार केंद्रीय कर्मचाऱ्यांसाठी मोठी घोषणा करेल, अशी शक्यता वर्तवली जात आहे. (8th Pay Commission Update)
 केंद्रीय कर्मचाऱ्यांच्या किमान पगारात मोठी वाढ होऊ शकते.  पुढील वर्षी केंद्र सरकार आपल्या कर्मचाऱ्यांना ही भेट देऊ शकते.  आतापर्यंत 8 वा वेतन आयोग येणार नाही अशी चर्चा होती.  पण, आता 7व्या वेतन आयोगाच्या  बातम्यांनंतर पुढील वेतन आयोगाची तयारी सुरू होण्याची शक्यता आहे.  मात्र, सरकारकडून अद्याप कोणतीही पुष्टी करण्यात आलेली नाही.  पण, सरकारचा तसा इरादा असल्याचे सरकारी सूत्रांचे म्हणणे आहे.  कर्मचाऱ्यांच्या सततच्या मागणीनंतर पुढील वेतन आयोगाची भेट होऊ शकते. (8th Pay Commission Latest News)

 पगारात मोठी वाढ असेल

 सूत्रांच्या माहितीनुसार, 2024 मध्ये सार्वत्रिक निवडणुका होणार आहेत.  त्यामुळे कर्मचाऱ्यांसाठी नवा वेतन आयोग गठीत केला जाऊ शकतो.  8व्या वेतन आयोगाच्या वेळीच कर्मचाऱ्यांच्या पगारात सर्वात मोठी वाढ होणार आहे.  हे प्रकरण पुढे सरकत आहे, असे खात्रीने म्हणता येईल.  नव्या वेतन आयोगात काय येणार आणि काय नाही, हे सांगणे घाईचे असल्याचेही सूत्रांचे म्हणणे आहे.  कारण, त्याची संपूर्ण जबाबदारी वेतन आयोगाच्या अध्यक्षांची असेल.  2024 च्या सार्वत्रिक निवडणुकांपूर्वी नवीन वेतन आयोगाच्या अध्यक्षांची घोषणा देखील होऊ शकते.  त्यांच्या देखरेखीखाली एक समिती स्थापन करण्यात येणार असून त्यानंतर कोणत्या सूत्राने पगार वाढवायचा याचा निर्णय घेतला जाणार आहे. (7th Pay Commission News)

 आठवा वेतन आयोग कधी येणार?

 जर सूत्रांवर विश्वास ठेवायचा असेल तर, 2024 मध्ये 8 वा वेतन आयोग स्थापन केला जावा.  त्याचबरोबर दीड वर्षात त्याची अंमलबजावणी होऊ शकते.  तज्ज्ञांच्या मते, असे झाल्यास केंद्र सरकारच्या कर्मचाऱ्यांच्या पगारात मोठी झेप होईल.  7 व्या वेतन आयोगाच्या तुलनेत 8 व्या वेतन आयोगात अनेक बदल शक्य आहेत.  फिटमेंट फॅक्टरच्या बाबतीतही काही बदल होऊ शकतात. आतापर्यंत सरकार 10 वर्षांतून एकदा वेतन आयोग स्थापन करते.

 8 व्या वेतन आयोगात किती पगार वाढणार?

 7 व्या वेतन आयोगाच्या तुलनेत 8 व्या वेतन आयोगात कर्मचाऱ्यांची लॉटरी होणार आहे.  सर्व काही सुरळीत राहिल्यास कर्मचाऱ्यांच्या पगारात मोठी झेप अपेक्षित आहे.  कर्मचाऱ्यांचे फिटमेंट फॅक्टर ३.६८ पटीने वाढेल.  तसेच फॉर्म्युला काहीही असो, कर्मचाऱ्यांच्या मूळ वेतनात ४४.४४% वाढ होऊ शकते.  त्यामुळे कर्मचार्‍यांसाठी ही आनंदाची बातमी आहे ज्यामुळे कर्मचार्‍यांना खूप आनंद होऊ शकतो.
—
News Title | 8th Pay Commission Update |  The central government’s preparations for the 8th pay commission have started!