Tag: pmc recruitment

PMC Recruitment | स्वच्छता निरिक्षक पदाची अनुभवाची अट रद्द करण्याची मागणी | काँग्रेस शिष्टमंडळाकडून मनपा आयुक्तांना निवेदन

Categories
Breaking News PMC Political पुणे

स्वच्छता निरिक्षक पदाची अनुभवाची अट रद्द करण्याची मागणी

| काँग्रेस शिष्टमंडळाकडून मनपा आयुक्तांना निवेदन

पुणे | पुणे महानगरपालिकेने सरळ सेवा पदभरतीसाठी जाहिरात प्रसिध्द केली असून या जाहिरातीतील वरिष्ठ आरोग्य निरिक्षक, सिनियर सॅनिटरी इन्स्पेक्टर, विभागीय आरोग्य निरिक्षक व आरोग्य निरिक्षक, सॅनिटरी इन्स्पेक्टर या पदासाठी ५ वर्षांच्या अनुभवाची अट घातलेली आहे. ही अट रद्द करण्याची मागणी पुणे शहर काँग्रेस कडून करण्यात आली आहे. काँग्रेस कडून याबाबत महापालिका आयुक्त विक्रम कुमार यांना निवेदन देण्यात आले आहे.

काँग्रेसच्या निवेदनानुसार वास्तविक महाराष्ट्रातील बहुतांशी स्थानिक स्वराज्य संस्थांनी रॉनिटरी इन्स्पेक्टर या पदाची तात्पुरती भरती केलेली नाही. कंत्राटी अथवा हंगामी स्वरूपाची भरती ही कायदेशिररित्या १ वर्षाकरीता ग्राह्य असते. यामुळे ५ वर्षे अनुभव असलेले उमेदवार मिळणे निश्चितच कठिण बाब आहे. तात्पुरती शासकीय अनुभव असलेल्या ठिकाणी महाराष्ट्रात स्वच्छता निरिक्षकाचे प्रशिक्षण घेतलेले अंदोज दहा हजार विद्यार्थी आहेत. परंतु आपल्या ५२ वर्षांच्या अनुभवाच्या अटीमुळे त्यांना या पदासाठी परिक्षा देता येणार नाही.

निवेदनात पुढे म्हटले आहे कि, म. न. पा. च्या वतीने भरती प्रक्रियेत निर्देशित केलेली अनुभवाची अट ही अन्यायकारक असून काही उमेदवारांना मॅनेज करण्यासाठी ही गैर लागू अट समाविष्ट करण्यात आली आहे, असे बहुतांशी इच्छुक उमेदवारांचे मत आहे. सद्य स्थितीत पिंपरी चिंचवड महानगरपालिकेकडे अनुभवाची अट समाविष्ट करण्यात आलेली नाही. त्याच धर्तीवर पुणे महानगरपालिकेने वस्तूस्थितीचे आकलन करून स्वच्छता निरिक्षक पदाकरीता अनुभवाची अट रद्द करावी अशी आमची मागणी आहे.

PMC Recruitment | पुणे महापालिकेत 320 पदांसाठी भरती | 10 मार्चपर्यंत निघणार जाहिरात

Categories
Breaking News PMC social पुणे

पुणे महापालिकेत 320 पदांसाठी भरती | 10 मार्चपर्यंत निघणार जाहिरात

| वर्ग 1 ते 3 मधील विविध 11 पदांसाठी असेल भरती

पुणे | पुणे महापालिकेतील दुसऱ्या टप्प्यातील भरती प्रक्रिया लवकरच सुरु होणार आहे. पहिल्या टप्प्यात 448 पदांची भरती करण्यात आली. तर दुसऱ्या टप्प्यात 320 पदांची भरती करण्यात येणार आहे. वर्ग 1 ते 3 मधील विविध 11 पदांसाठी ही भरती असणार आहे. याबाबतचा प्रस्ताव महापालिका प्रशासनकडून स्थायी समिती समोर ठेवण्यात आला आहे. दरम्यान या भरती प्रक्रियेची जाहिरात 10 मार्चपर्यंत येणे अपेक्षित आहे. असे महापालिका प्रशासनाकडून सांगण्यात आले.

महापालिकेच्या प्रस्तावानुसार उमेदवारांकडून अर्ज मागविण्यासाठी जाहिरात देणे आवश्यक आहे. त्यानुसार महापालिका संकेतस्थळ आणि वर्तमानपत्रात जाहिरात देण्यात येईल. राज्य सरकारच्या नियमानुसार गट ब आणि क मधील पदांसाठी ( फायरमन/ अग्निशमन विमोचन पदा व्यतिरिक्त) परीक्षेसाठी सामान्य ज्ञान, मराठी, इंग्रजी आणि बुद्धिमत्ता चाचणी या विषयावर वस्तुनिष्ठ बहुपर्यायी प्रश्न असतील. तर अभियांत्रिकी विषयाशी संबंधित प्रश्न पदवी/पदविका परीक्षेच्या दर्जासमान राहतील. प्रति प्रश्न 2. गुण प्रमाणे १०० प्रश्नांचे एकूण २०० गुणांकरिता होणाऱ्या परीक्षेसाठी एकत्रितपणे १२० मिनिटांचा कालावधी अनुज्ञेय राहील. भरती प्रक्रियेच्या अनुषंगाने खालीलप्रमाणे गुणांकन तक्ता तयार करण्यात आला

असून. प्रश्नपत्रिकेची संख्या – एक (प्रत्येक पदासाठी) एकूण गुण -२०० असणार आहे. तसेच नियम २ (५)(३) नुसार अग्निशमन-विमोचन / फायरमन या पदाकरिता परिक्षेसाठी मराठी, इंग्रजी, सामान्य ज्ञान, बुध्दीमत्ता चाचणी या विषयावर वस्तुनिष्ठ बहुपर्यायी प्रश्न असतील. ६० प्रश्न वस्तुनिष्ठ बहुपर्यायी (MCQ) स्वरुपाचे असून प्रत्येक प्रश्नास २ गुण असतील. (एकुण गुण १२०) परीक्षेसाठी एकत्रितपणे ७५ मिनिटांचा कालावधी अनुज्ञेय राहील. तसेच ८० गुणांची व्यावसायिक चाचणी (शारीरिक पडताळणी) असेल, याबाबत स्वतंत्र वेळापत्रक प्रसिद्ध करणेत येईल.
शासनाने भूतपूर्व दुय्यम सेवा निवड मंडळांच्या कक्षेतील (महाराष्ट्र लोकसेवा आयोगाच्या कक्षेबाहेरील) गट-ब (अराजपत्रित) गट-क व गट ड संवर्गातील नामनिर्देशनाच्या कोट्यातील पदे सरळसेवेने भरताना स्पर्धा परीक्षा प्रक्रिया TCS-ION (टाटा कन्सल्टन्सी सर्व्हिसेस लिमिटेड) व IBPS (इंस्टीट्यूट ऑफ बँकिंग पर्सोनेल सिलेक्शन) या कंपनींमार्फत राबविणेबाबत सूचित केले आहे. शासन निर्णय  नुसार शासनाने TCS-ION (टाटा कन्सल्टन्सी सर्व्हिसेस लिमिटेड) व IBPS (इंस्टीट्यूट ऑफ बँकिंग पर्सोनेल सिलेक्शन) या कंपन्यांमार्फत स्पर्धा परीक्षा प्रक्रिया राबविताना प्रति उमेदवार आकारावयाचे परीक्षा शुल्क निश्चित केले आहे. तथापि, पुणे महानगरपालिका आस्थापनेवरील टप्पा क्र. १ मधील रिक्त ४४८ पदे भरणेची संपूर्ण प्रक्रिया IBPS संस्थेमार्फत राबविण्यात आली होती. सदर भरती प्रक्रिया यशस्वीपणे पार पडली आहे. त्यामुळे पुणे महानगरपालिका आस्थापनेवरील
टप्पा क्र. २ मधील रिक्त ३२० पदे IBPS संस्थेमार्फत भरणे उचित ठरेल. सदर पदभरती प्रक्रीयेच्या अनुषंगाने खुला प्रवर्गाच्या उमेदवारांसाठी र.रु. १०००/- व मागास प्रवर्गाच्या उमेदवारांसाठी र.रु. ९००/- परीक्षेचे प्रवेशशुल्क निश्चित करण्यात आले आहे. सदरचे प्रवेशशुल्क हे ऑनलाईन स्वीकारण्यात येणार असून, बँक ऑफ महाराष्ट्र, पी.एम.सी शाखा, (१४३०), शिवाजीनगर, पुणे येथील खाते क्रमांक ६००३९६३६६४७ वर जमा करण्यात येणार आहे. या बाबतचा प्रस्ताव स्थायी समिती समोर ठेवण्यात आला आहे.
– ही असतील पदे

१) क्ष-किरण तज्ञ (रेडिओलॉजिस्ट/सोनोलॉजिस्ट) (८ पदे)
२) वैदयकीय अधिकारी/ निवासी वैदयकीय अधिकारी (२० पदे)
३) उप संचालक (प्राणी संग्रहालय) (१ पद)
४) पशु वैदयकीय अधिकारी (२ पदे)
५) वरिष्ठ आरोग्य निरीक्षक / सिनिअर सॅनिटरी इन्स्पेक्टर / विभागीय आरोग्य निरीक्षक (२०
पदे)
६) कनिष्ठ अभियंता (विद्युत) (१० पदे)
७) आरोग्य निरीक्षक / सॅनिटरी इन्स्पेक्टर (४० पदे)
८) वाहन निरीक्षक / व्हेईकल इन्स्पेक्टर (३ पदे)
९) औषध निर्माता (१५ पदे)
१०) पशुधन पर्यवेक्षक (लाईव्ह स्टॉक सुपरवायझर) (१ पद),
११) अग्निशामक विमोचक / फायरमन (२०० पदे)

PMC Pune | पुणे महापालिका वर्धापनदिन विशेष | पुणे महापालिका तृतीय पंथीयांना देणार नोकरी!

Categories
Breaking News PMC social पुणे

पुणे महापालिका वर्धापन दिन विशेष

पुणे महापालिका तृतीय पंथीयांना देणार नोकरी!

| पहिल्या टप्प्यात 28 जणांना घेतले जाणार कामावर

पुणे | पुणे महापालिका शहरात वेगवेगळे सामाजिक उपक्रम राबवत असते. याचाच एक भाग म्हणून महापालिका तृतीय पंथीयांना महापालिकेत नोकरी देणार आहे. तृतीय पंथीयांना समाजाच्या मुख्य प्रवाहात आणण्यासाठी महापालिका प्रयत्नशील आहे. त्यासाठी महापालिका 50 तृतीय पंथीयांना नोकरी देणार आहे. यामध्ये पहिल्या टप्प्यात लवकरच 28 जणांना कामावर घेतले जाणार आहे. यासंबंधीचा प्रस्ताव सुरक्षा विभागाने तयार केला असून तो अंतिम मंजुरीसाठी महापालिका आयुक्तांसमोर ठेवला जाणार आहे. अशी माहिती प्रशासकीय सूत्रांनी दिली. (Pmc Pune)
पुणे महापालिका आज आपला 73 वा वर्धापन दिन साजरा करत आहे. महापालिका शहरात नेहमी नाविन्यपूर्ण उपक्रम राबवत असते. त्याचाच एक भाग म्हणून आणि सामाजिक काम म्हणून महापालिका तृतीय पंथीयांना नोकरी देणार आहे. काही सामाजिक संघटनांनी याबाबत महापालिकेकडे मागणी केली होती. याबाबत प्रशासन आणि संघटनांच्या वारंवार बैठका देखील झाल्या होत्या. सामाजिक संघटनांचे म्हणणे होते कि तृतीय पंथीयांना समाजाच्या मुख्य प्रवाहात सामील करून घेणे आवश्यक आहे. त्यासाठी महापालिका पुढाकार घेऊ शकते. त्यातून ही संकल्पना पुढे आली आहे. (Pmc Pune anniversary special)
सूत्रांच्या माहितीनुसार कंत्राटी पद्धतीने हे तृतीयपंथी कामावर घेतले जातील. एकूण 50 जणांना कामावर घेतले जाईल. त्यासाठी महापालिकेने त्यांच्यासाठी स्वतंत्र मूलभूत सुविधा देखील तयार केल्या आहेत. यामध्ये स्वतंत्र स्वछतागृह, आदींचा समावेश आहे. तसेच  महापालिका कर्मचाऱ्यांना देखील त्यांच्यासोबत सौहार्दाने, सलोख्याने वागण्याच्या सूचना दिल्या आहेत. त्यानुसार पहिल्या टप्प्यात 28 जणांना कामावर घेतले जाणार आहे. या लोकांना उद्यान विभाग, हॉस्पिटल आणि अतिक्रमण विभागात काम दिले जाणार आहे. याबाबतचा प्रस्ताव लवकरच महापालिका आयुक्तांच्या मंजूरीसाठी ठेवण्यात येणार आहे. (Pune Municipal Corporation)
दरम्यान महापालिकेला अतिक्रमण कारवाई करताना बऱ्याच अडचणींना सामोरे जावे लागते. महापालिका कर्मचाऱ्यांना मारहाण देखील होते. खास करून जेव्हा महिला नागरिक अंगावर येतात तेव्हा महापालिका कमर्चारी प्रतिकार करू शकत नाहीत. नुकतीच औंध परिसरात महापालिका कर्मचाऱ्यांना मारहाण झाली होती. त्यामुळे अतिक्रमण कारवाईच्या पथकात एक तृतीयपंथी दिला तर कारवाई करणे सोपे जाईल. असे महापालिका प्रशासनाला वाटते. त्यामुळे 15 क्षेत्रीय कार्यालयाच्या पथकात तृतीयपंथी नेमण्यात येतील. याची तयारी महापालिका प्रशासनाने केली असून लवकरच त्यावर अंमल केला जाणार आहे. (Transgender recruiting)

PMC Pune | Recruitment | कशी झाली पुणे महापालिका भरती प्रक्रिया? | जाणून घ्या सविस्तर!

Categories
Breaking News PMC पुणे

कशी झाली पुणे महापालिका भरती प्रक्रिया? | जाणून घ्या सविस्तर!

| पारदर्शी कारभारामुळे सामान्य प्रशासन विभागाच्या कामाचे कौतुक

पुणे | पुणे महापालिकेकडून (PMC Pune) विविध रिक्त पदासाठी भरती प्रक्रिया (Recruitment) राबवण्यात आली होती. सर्व पदासाठी परीक्षा घेण्यात आली. यामध्ये कनिष्ठ अभियंता (यांत्रिकी), कनिष्ठ अभियंता (वाहतूक नियोजन), सहायक अतिक्रमण निरीक्षक, सहायक विधी अधिकारी तसेच कनिष्ठ लिपिक/ टंकलेखक पदाचा समावेश आहे. सर्व उमेदवारांच्या नेमणुका देखील करण्यात आल्या आहेत. दरम्यान या अगोदर घेण्यात आलेल्या महापालीलेच्या सर्वच परीक्षेत काही ना काही अडचणी आल्या होत्या. मात्र ही प्रक्रिया कसल्याही अडथळा शिवाय पार पडली. शिवाय पारदर्शी कारभार केल्यामुळे सामान्य प्रशासन विभागाचे कौतुक केले जात आहे.  (Pune Municipal corporation Recruitment)

पुणे महानगरपालिका आस्थापनेवरील गट २ व गट ३ मधील रिक्त असणारी पदे सरळसेवा प्रवेशाने
भरणेसाठी जाहिरात क्र.१/३९८ दि. २०/०७/२०२२ अन्वये प्रसिध्द करण्यात आली होती. सदर
जाहिरातीमधील पदे ही प्रशासकीय अभियांत्रिकी, तांत्रिक व विधी सेवेमधील होती. सदर जाहिरातीत रिक्त
पदांचा तपशिल पदाकरिता आवश्यक शैक्षणिक अर्हता व अनुभव, वेतनश्रेणी, वयोमर्यादा परीक्षा शुल्क,
ऑनलाईन अर्ज करण्याची पध्दत अर्ज करण्याची मुदत व इतर आवश्यक अटी व शर्ती इ. तपशील नमुद केला होता. (PMC Pune)

सदर जाहिरातीत वर्ग २ मधील ४ पदे व वर्ग ३ मधील ४४८ पदाकरिता इच्छुक उमेदवारांकडुन
दि.२०/७/२०२२ पासुन ते दि. १०/८/२०२२ पर्यंत ऑनलाईन पध्दतीने अर्ज मागविण्यात आले.
• पुणे, औरंगाबाद, अमरावती, नागपुर, मुंबई, नवी मुंबई, सातारा, कोल्हापूर, सोलापूर, सांगली या
शहरात निश्चित केलेल्या परीक्षा केंद्रावर ऑनलाईन स्वरूपात परीक्षा घेण्यात आली.

• पुणे मनपाच्या एकुण ४४८ पदांकरिता एकुण प्राप्त अर्ज ८७०३६ त्यापैकी परिक्षेला उपस्थित उमेदवार
६७,३५९ इतके होते. (Pune municipal corporation)

• कनिष्ठ अभियंता (यांत्रिकी)

एकुण ५ पदांसाठी २१३९ अर्ज प्राप्त झाले. सदर पदाची परिक्षा दि. २६/०९/२०२२ एका केंद्रावर आयोजित करण्यात आली. त्यासाठी पुणे मनपाच्या २४ निरिक्षकांची नेमणुक केली होती. सदर परीक्षा केंद्रावर एकुण २१३९ प्राप्त अर्ज उमेदवारांपैकी १४७९ उमेदवार उपस्थित होते. सदर पदासाठी १४७९ उमेदवारांचा परिक्षा निकाल दि. ०७/१०/२०२२ रोजी प्रसिध्द करण्यात आला. कनिष्ठ अभियंता (यांत्रिकी) या पदासाठी निवड यादी व प्रतिक्षा यादी तयार करण्यात आली. निवड यादीतील ५ उमेदवारांना दि. ११/१०/२०२२ रोजी आज्ञापत्रक पारित करण्यात आले. सदर पदांसाठी १० उमेदवारांचा प्रतिक्षा यादीत समावेश करण्यात आलेला आहे.

• कनिष्ठ अभियंता (वाहतूक नियोजन)

एकुण ४ पदांसाठी १२५ अर्ज प्राप्त झाले. सदर पदाची परिक्षा दि. २६/०९/२०२२ एका केंद्रावर एका सत्रात आयोजित करण्यात आली. त्यासाठी एका निरिक्षकाची  नेमणुक केली होती. सदर परीक्षा केंद्रावर एकुण १२५ प्राप्त अर्ज उमेदवारांपैकी ९७ उमेदवार उपस्थित होते. सदर पदासाठी ९७ उमेदवारांचा परिक्षा निकाल दि. ०७/१०/२०२२ रोजी प्रसिध्द करण्यात आला. कनिष्ठ अभियंता (वाहतूक नियोजन) या पदासाठी निवड यादी व प्रतिक्षा यादी तयार करण्यात आली. निवड यादीतील ४ उमेदवारांना दि. ११/१०/२०२२ रोजी आज्ञापत्रक पारित करण्यात आले. सदर पदासाठी ६ उमेदवारांचा प्रतिक्षा यादीत समावेश करण्यात आलेला आहे.

• सहाय्यक विधी अधिकारी

एकुण ४ पदांसाठी ६८० अर्ज प्राप्त झाले. सदर पदाची परिक्षा दि.०४/१०/२०२२ एका केंद्रावर एका सत्रात आयोजित करण्यात आली. त्यासाठी ७ निरिक्षकांची नेमणुक केली होती. सदर परीक्षा केंद्रांवर एकुण ६८० प्राप्त अर्ज उमेदवारांपैकी ४९९ उमेदवार उपस्थित होते. सदर पदासाठी ४९९ उमेदवारांचा परिक्षा निकाल दि. १८/१०/२०२२ रोजी प्रसिध्द करण्यात आला. सहाय्यक विधी अधिकारी या पदासाठी निवड यादी व प्रतिक्षा यादी तयार करण्यात आली. निवड यादीतील ४ उमेदवारांना दि. ११/१०/२०२२ रोजी आज्ञापत्रक पारित करण्यात आले. सदर पदासाठी ७ उमेदवारांचा प्रतिक्षा यादीत समावेश करण्यात आलेला आहे.

• कनिष्ठ अभियंता (स्थापत्य)

एकुण १३५ पदांसाठी १७२७३ अर्ज प्राप्त झाले. सदर पदाची परिक्षा दि.०३/१०/२०२२ रोजी १५ शहरातील ७३ केंद्रांवर एका सत्रात आयोजित करण्यात आली. त्यासाठी पुणे मनपाचे १५२ निरिक्षकांची नेमणुक केली होती. सदर पदासाठी १२७०२ उमेदवारांचा परिक्षा निकाल दि. १७/१०/२०२२ रोजी पुणे मनपाच्या संकेतस्थळावर प्रसिध्द करण्यात आला. कनिष्ठ अभियंता (स्थापत्य) या पदासाठी निवड यादी व प्रतिक्षा यादी तयार करण्यात आली. निवड यादीतील १३५ उमेदवारांना दि. ३०/१२/२०२२ रोजी आज्ञापत्रक पारित करण्यात आले. सदर पदासाठी १३६ उमेदवारांचा प्रतिक्षा यादीत समावेश करण्यात आलेला आहे.

• सहाय्यक अतिक्रमण निरिक्षक

एकुण १०० पदांसाठी ३१६३ अर्ज प्राप्त झाले. सदर पदाची परिक्षा दि.०४/१०/२०२२ एका शहरात ९ केंद्रांवर एका सत्रात आयोजित करण्यात आली. त्यासाठी पुणे मनपाचे ३६ निरिक्षकांची नेमणुक केली होती. सदर पदासाठी २४९१ उमेदवारांचा परिक्षा निकाल

दि. ३१/१०/२०२२ रोजी पुणे मनपाच्या संकेतस्थळावर प्रसिध्द करण्यात आला. सहाय्यक अतिक्रमण
निरिक्षक या पदासाठी निवड यादी व प्रतिक्षा यादी तयार करण्यात आली. निवड यादीतील ९७
उमेदवारांना दि.०४/०१/२०२३ रोजी आज्ञापत्रक पारित करण्यात आले. तसेच सदर पदासाठी ३
जागांसाठी (अनुसूचित जमाती २ जागा व विमुक्त जाती (अ) १ जागा) उमेदवार उपलब्ध झालेले
नाहीत. उर्वरित पदासाठी ४२ उमेदवारांचा प्रतिक्षा यादीत समावेश करण्यात आलेला आहे.
• लिपिक टंकलेखक एकुण २०० पदांसाठी ६३६५६ अर्ज प्राप्त झाले. सदर पदाची परिक्षा
दि. १०/१०/२०२२, दि. १२/१०/२०२२ आणि दि. १३/१०/२०२२ तीन दिवस १० शहरात ३८
केंद्रावर ६ सत्रात आयोजित करण्यात आली. त्यासाठी पुणे मनपाचे १८० निरिक्षकांची नेमणुक केली
होती. सदर पदासाठी ५००९६ उमेदवारांचा परिक्षा निकाल दि. १२/११/२०२२ रोजी पुणे मनपाच्या
संकेतस्थळावर प्रसिध्द करण्यात आला. लिपिक टंकलेखक या पदासाठी निवड यादी व प्रतिक्षा यादी
तयार करण्यात आली. निवड यादीतील २०० उमेदवारांना दि.०४/०१/२०२३ रोजी आज्ञापत्रक
पारित करण्यात आले. सदर पदासाठी ४१९ उमेदवारांचा प्रतिक्षा यादीत समावेश करण्यात आलेला
आहे.
● प्रत्येक पदनिहाय निकाल संकेतस्थळावर प्रसिध्द केलेनंतर पुणे महानगरपालिकेकडुन संभाव्य
पात्र/प्रतिक्षा यादीतील उमेदवारांना कागदपत्रे पडताळणीकरिता वेळापत्रकानुसार बोलविण्यात आले.
उमेदवारांकडुन प्राप्त झालेल्या शैक्षणिक, अनुभव कागदपत्रांची आणि ऑनलाईन अर्जात नमुद केलेल्या
कागदपत्रांची छाननी करणेकरिता पुणे महानगरपालिकेतील विविध कार्यालयातील अधिकारी/कर्मचारी वर्गाची नेमणुक करणेत आली.
● उपरोक्त सर्व पदांसाठी परीक्षा निकाल प्रसिध्द केलेनंतर पुणे महानगरपालिकेत मा. कर्मचारी निवड
समिती बैठकीचे आयोजन करण्यात आले. बैठकीत पदनिहाय उपलब्ध पदे व पद संख्या, रिक्त जागांचे
प्रवर्गनिहाय सामाजिक / समांतर आरक्षण याबाबत माहिती देण्यात येऊन प्रत्येक पदाचा निकाल,
उमेदवाराच्या कागदपत्रे पडताळणीचा नोंदी, आरक्षण, अंशकालीन / भुकंपग्रस्त / खेळाडु / माजी
सैनिक / महिला / दिव्यांग / अनाथ याबाबतची प्रमाणपत्रे यांची पडताळणी समितीने केली.

कनिष्ठ अभियंता (स्थापत्य) या पदाकरिता कागदपत्रांच्या तपासणीकरिता बोलविण्यात आलेल्या
उमेदवारांच्या कागदपत्रांची तपासणी करताना दि. २१/१०/२०२२ रोजीच्या जाहीर प्रकटनामध्ये
अनुभवाबाबत नमूद केलेल्या कागदपत्रांपैकी उचित तर्कसंगत कागदपत्रे सादर केलेली आहेत त्यांची
शहानिशा करून त्या उमेदवारांचे नावापुढे पात्र/अपात्र करणेस शिफारस बाबत तपासणी पथकाचे
अभिप्राय विचारात घेणेत आले आहेत. त्याचप्रमाणे उमेदवारांनी सादर केलेल्या अनुभव विषयक
प्रमाणपत्रांची ईमेलद्वारे पडताळणी करणेत आली.

कागदपत्रे छाननीकरिता बोलावलेल्या तसेच काही उमेदवारांच्या पात्रतेबद्दल काही अर्जदारांकडून प्राप्त
झालेल्या तक्रारीचे अनुषंगाने उचित तपासणी करून पडताळणी पथकाने निर्णय घेतले आहेत.
त्यादृष्टीने पथकाने कागदपत्रांची पडताळणी केली असून, त्यांनी पूर्ण तपासणीअंती शिफारसी केलेल्या
आहेत.
• तपासणी पथक निवड समिती यांनी उमेदवाराने सादर केलेल्या कागदपत्रांची सर्वतोपरी खातरजमा
करून पडताळणी करणेत आली आहे. तसेच सर्व तर्कसंगत शक्यतांचा व त्यांचे व्यवहारिकतेचा परामर्श
घेऊन उमेदवाराचे अनुभवविषयी सिद्धतेचा निर्णय घेतलेला आहे. त्यानुसार उमेदवाराने दिलेल्या
दस्तऐवजाचे आधारे अनुभव ग्राह्य धरणेचा अथवा नाकारणेचा निर्णय घेणेत आला आहे. तपासणी
पथकाचे अभिप्राय अंतिम करून मा.कर्मचारी निवड समितीने सदर शिफारशीनुसार निवड व प्रतिक्षा
यादी तयार केलेली आहे.
• नियुक्तीपूर्वी याबाबत संबंधित उमेदवारांकडून अनुभव दाखला व इतर दाखल कागदपत्रांच्या वैधता व
सत्यतेबाबत प्रतिज्ञापत्र घ्यावे व त्या प्रतिज्ञापत्रात उमेदवाराने सादर केलेल्या कागदपत्राच्या सत्यतेची
जबाबदारी त्यांचेवर ठेऊन कोणतीही कागदपत्रे खोटी आढळल्यास त्याचेवर फौजदारी स्वरुपाची
कारवाई होणेस ते पात्र असतील तसेच त्यांना नोकरीवरून कमी करून ते इतरत्र नोकरीस पात्र
असणार नाहीत अशी अट आज्ञापत्रकात टाकण्यात आली आहे.
उपरोक्त सर्व पदांसाठी उमेदवारांची अपात्रतेची प्रमुख कारणे वैध कागदपत्रे नसणे, अपूर्ण कागदपत्रे,
विहीत शैक्षणिक अर्हता नाही, तीन वर्षाचा अनुभव सिध्द न होणे, आरक्षण प्रवर्गानुसार प्रकल्पग्रस्त,
खेळाडू, अंशकालीन सक्षम दाखला नसणे इत्यादि आहेत.

Assistant Encroachment Inspectors | पुणे महापालिकेकडून भरती केलेल्या ९७ सहायक अतिक्रमण निरीक्षकांच्या नेमणुका

Categories
Breaking News PMC पुणे

पुणे महापालिकेकडून भरती केलेल्या ९७ सहायक अतिक्रमण निरीक्षकांच्या नेमणुका

पुणे | पुणे महापालिकेकडून (PMC Pune) विविध रिक्त पदासाठी भरती प्रक्रिया (Recruitment) राबवण्यात आली होती. सर्व पदासाठी परीक्षा घेण्यात आली. यामध्ये कनिष्ठ अभियंता (यांत्रिकी), कनिष्ठ अभियंता (वाहतूक नियोजन), सहायक अतिक्रमण निरीक्षक, सहायक विधी अधिकारी तसेच कनिष्ठ लिपिक/ टंकलेखक पदाचा समावेश आहे.  महापालिका प्रशासनाने याआधी कनिष्ठ अभियंता (यांत्रिकी) आणि कनिष्ठ अभियंता (वाहतूक नियोजन), कनिष्ठ अभियंता (स्थापत्य), लिपिकांच्या आणि सहायक विधी अधिकाऱ्यांच्या हंगामी नेमणुका देखील केल्या आहेत. दरम्यान काल महापालिकेकडून ९७ सहायक अतिक्रमण निरीक्षकांच्या हंगामी नेमणुका केल्या आहेत. नुकतेच महापालिका प्रशासनाकडून याबाबतचे आदेश जारी करण्यात आले आहेत. (Pune Municipal Corporation)

पुणे महापालिकेत विविध खात्यातील 448 पदांसाठी भरती करण्यात येणार आहे. महानगरपालिकेच्या आस्थापनेवरील गट-२ व गट ३ मधील रिक्त असणारी पदे सरळसेवा प्रवेशाने भरण्यासाठी जाहिरात प्रसिद्ध करण्यात आली होती. यासाठी 20 जुलै ते 10 ऑगस्ट या कालावधीत अर्ज मागवण्यात आले होते. त्यानुसार कनिष्ठ अभियंता (यांत्रिकी) आणि कनिष्ठ अभियंता (वाहतूक नियोजन) या पदासाठी 26 सप्टेंबर ला परीक्षा घेण्यात आली. कनिष्ठ अभियंता (सिव्हिल इंजिनियर) या पदासाठी 3 ऑक्टोबर ला परीक्षा घेण्यात आली. 4 ऑक्टोबर ला सकाळच्या सत्रात सहायक अतिक्रमण निरीक्षक या पदासाठी तर दुपारच्या सत्रात सहायक विधी अधिकारी पदासाठी परीक्षा झाली. तर कनिष्ठ लिपिक/ टंकलेखक पदाच्या परीक्षा या 10, 12 आणि 13 ऑक्टोबर झाल्या. (PMC Pune)

निकाल घोषित केल्यानंतर महापालिका प्रशासनाकडून नेमणुका करणे देखील सुरु करण्यात आले आहे. महापालिका प्रशासनाने याआधी कनिष्ठ अभियंता (यांत्रिकी) आणि कनिष्ठ अभियंता (वाहतूक नियोजन), कनिष्ठ अभियंता (स्थापत्य), लिपिकांच्या आणि सहायक विधी अधिकाऱ्यांच्या हंगामी नेमणुका देखील केल्या आहेत. दरम्यान काल महापालिकेकडून ९७ सहायक अतिक्रमण निरीक्षकांच्या हंगामी नेमणुका केल्या आहेत. नुकतेच महापालिका प्रशासनाकडून याबाबतचे आदेश जारी करण्यात आले आहेत.

इथे यादी पहा 

Assistant encroachment inspectors

Appointments of Clerks | महापालिकेकडून भरती केलेल्या २०० लिपिकांच्या नेमणुका

Categories
Breaking News PMC पुणे

महापालिकेकडून भरती केलेल्या २०० लिपिकांच्या नेमणुका

पुणे | पुणे महापालिकेकडून (PMC Pune) विविध रिक्त पदासाठी भरती प्रक्रिया (Recruitment) राबवण्यात आली होती. सर्व पदासाठी परीक्षा घेण्यात आली. यामध्ये कनिष्ठ अभियंता (यांत्रिकी), कनिष्ठ अभियंता (वाहतूक नियोजन), सहायक अतिक्रमण निरीक्षक, सहायक विधी अधिकारी तसेच कनिष्ठ लिपिक/ टंकलेखक पदाचा समावेश आहे.  महापालिका प्रशासनाने याआधी कनिष्ठ अभियंता (यांत्रिकी) आणि कनिष्ठ अभियंता (वाहतूक नियोजन), कनिष्ठ अभियंता (स्थापत्य)आणि सहायक विधी अधिकाऱ्यांच्या हंगामी नेमणुका देखील केल्या आहेत. दरम्यान आज महापालिकेकडून २०० लिपिकांच्या हंगामी नेमणुका केल्या आहेत. नुकतेच महापालिका प्रशासनाकडून याबाबतचे आदेश जारी करण्यात आले आहेत. (Pune Municipal Corporation)

पुणे महापालिकेत विविध खात्यातील 448 पदांसाठी भरती करण्यात येणार आहे. महानगरपालिकेच्या आस्थापनेवरील गट-२ व गट ३ मधील रिक्त असणारी पदे सरळसेवा प्रवेशाने भरण्यासाठी जाहिरात प्रसिद्ध करण्यात आली होती. यासाठी 20 जुलै ते 10 ऑगस्ट या कालावधीत अर्ज मागवण्यात आले होते. त्यानुसार कनिष्ठ अभियंता (यांत्रिकी) आणि कनिष्ठ अभियंता (वाहतूक नियोजन) या पदासाठी 26 सप्टेंबर ला परीक्षा घेण्यात आली. कनिष्ठ अभियंता (सिव्हिल इंजिनियर) या पदासाठी 3 ऑक्टोबर ला परीक्षा घेण्यात आली. 4 ऑक्टोबर ला सकाळच्या सत्रात सहायक अतिक्रमण निरीक्षक या पदासाठी तर दुपारच्या सत्रात सहायक विधी अधिकारी पदासाठी परीक्षा झाली. तर कनिष्ठ लिपिक/ टंकलेखक पदाच्या परीक्षा या 10, 12 आणि 13 ऑक्टोबर झाल्या. (PMC Pune)

निकाल घोषित केल्यानंतर महापालिका प्रशासनाकडून नेमणुका करणे देखील सुरु करण्यात आले आहे. महापालिका प्रशासनाने याआधी कनिष्ठ अभियंता (यांत्रिकी) आणि कनिष्ठ अभियंता (वाहतूक नियोजन), कनिष्ठ अभियंता (स्थापत्य)आणि सहायक विधी अधिकाऱ्यांच्या हंगामी नेमणुका देखील केल्या आहेत. दरम्यान आज महापालिकेकडून २०० लिपिकांच्या हंगामी नेमणुका केल्या आहेत. नुकतेच महापालिका प्रशासनाकडून याबाबतचे आदेश जारी करण्यात आले आहेत.

 

 

PMC recruitment | पुणे महापालिका भरती | लिपिक पदासाठी आता विद्यापीठाची पदवी आवश्यक! 

Categories
Breaking News Education PMC पुणे

महापालिका भरती | लिपिक पदासाठी आता विद्यापीठाची पदवी आवश्यक

| पूर्वी 10 वी उत्तीर्ण असलेल्यांना देता येत होती परीक्षा

पुणे | महापालिकेत (PMC Pune) लिपिक पदासाठी भरती (Clerk recruitment criteria) करताना उमेदवारांना 10 वी उत्तीर्ण असण्याची अट ठेवण्यात आली होती. आतापर्यंत याच पद्धतीने भरती प्रक्रिया राबवण्यात आली आहे. मात्र आता शैक्षणिक अर्हतेत सुधारणा करण्यात आली आहे. लिपिक पदासाठी आता मान्यताप्राप्त विद्यापीठाची पदवी (University Degree) आवश्यक आहे. याबाबतचा सुधारणेचा प्रस्ताव राज्य सरकारला पाठवण्यात येणार आहे. सरकारला पाठवण्यात येणाऱ्या प्रस्तावाला नुकतीच स्थायी समितीने (Standing Committee) मान्यता दिली आहे. (PMC Pune)

पुणे महानगरपालिका सेवा (सेवा प्रवेश व सेवांचे वर्गीकरण) नियमावली २०१४ मध्ये “लिपिक
टंकलेखक”, वर्ग ३ या पदांची विहित करण्यात आलेली शैक्षणिक अर्हता ही एस. एस. सी. परीक्षा उत्तीर्ण किंवा समकक्ष अर्हता असे नमूद आहे. त्यानुसार आजत्यागात पुणे महानगरपालिकेमध्ये लिपिक टंकलेखक या पदाची नियुक्ती करण्यात येत आहे. (Pune Municipal Corporation)

तथापि शासकीय कामांमध्ये सध्या कर्मचाऱ्यांवर कामाची जबाबदारी वाढलेली आहे व महाराष्ट्र शासन व
महानगपालिका यामध्ये संगणकाद्वारे मोठ्या प्रमाणावर कामकाज करण्यात येते. त्यामुळे एस. एस. सी. परीक्षा उत्तीर्ण कर्मचाऱ्यांकडून काम करून घेणे हे अत्यंत जिकरीचे होत आहे. तसेच लिपिक टंकलेखक या पदासाठी एस. एस. सी. परीक्षा ही शैक्षणिक अर्हता असल्याने पदोन्नती ने उच्च पदावर काम करताना अडचणी येत आहेत. त्यामूळे लिपिक टंकलेखक ह्या पदाची एस. एस. सी. परीक्षा उत्तीर्ण किंवा समकक्ष अर्हता याऐवजी मान्यता प्राप्त विद्यापीठाची कोणत्याही शाखेची पदवी असणे आवश्यक आहे.
त्यामुळे पुणे महानगरपालिका सेवा (सेवा प्रवेश व सेवांचे वर्गीकरण) नियम २०१४ मध्ये “लिपिक टंकलेखक”, वर्ग ३ या पदांच्या विहित करण्यात आलेली नेमणुकीची पद्धत, टक्केवारी व शैक्षणिक अर्हतेबाबत  दुरुस्तीचा प्रस्ताव सुचविण्यात आला आहे. या प्रस्तावाला नुकतीच स्थायी समितीने मान्यता दिली आहे. मुख्य सभेची मान्यता मिळल्यानंतर हा प्रस्ताव राज्य सरकारला पाठवला जाईल. असे प्रशासनाकडून सांगण्यात आले. (PMC Recruitment)

PMC Recruitment | महापालिका भरती |१३५ कनिष्ठ अभियंता (स्थापत्य) च्या नेमणुका | ६ महिने असणार प्रशिक्षण कालावधी

Categories
Breaking News PMC पुणे

महापालिका भरती |१३५ कनिष्ठ अभियंता (स्थापत्य) च्या नेमणुका

| ६ महिने असणार प्रशिक्षण कालावधी

पुणे महापालिकेत विविध खात्यात विविध पदांची भरती करण्यासठी प्रक्रिया राबवण्यात आली आहे. त्यासाठी महापालिका प्रशासनाने अर्ज मागवले होते. कनिष्ठ अभियंता (सिव्हिल इंजिनियर) या पदासाठी 3 ऑक्टोबर ला परीक्षा घेण्यात आली. याचा निकाल घोषित करण्यात आलाहोता. मात्र अजूनही नियुक्त्या देण्यात आल्या नव्हत्या. दरम्यान महापालिका प्रशासनाने १३५ अभियंत्याच्या नेमणुका केल्या आहेत. मात्र या लोकांना ६ महिने प्रशिक्षण कालावधी असेल. तोपर्यंत सामान्य प्रशासन विभागाकडे काम करावे लागणार आहे. त्यानंतर प्रत्यक्ष खाते दिले जाणार आहे.

पुणे महापालिकेत विविध खात्यातील 448 पदांसाठी भरती  प्रक्रिया राबवण्यात आली. महानगरपालिकेच्या आस्थापनेवरील गट-२ व गट ३ मधील रिक्त असणारी पदे सरळसेवा प्रवेशाने भरण्यासाठी जाहिरात प्रसिद्ध करण्यात आली होती. यासाठी 20 जुलै ते 10 ऑगस्ट या कालावधीत अर्ज मागवण्यात आले होते. त्यानुसार कनिष्ठ अभियंता (यांत्रिकी) आणि कनिष्ठ अभियंता (वाहतूक नियोजन) या पदासाठी 26 सप्टेंबर ला परीक्षा घेण्यात आली.  कनिष्ठ अभियंता (सिव्हिल इंजिनियर) या पदासाठी 3 ऑक्टोबर ला परीक्षा घेण्यात आली. 4 ऑक्टोबर ला सकाळच्या सत्रात सहायक अतिक्रमण निरीक्षक या पदासाठी तर दुपारच्या सत्रात सहायक विधी अधिकारी पदासाठी परीक्षा झाली. तर कनिष्ठ लिपिक/ टंकलेखक पदाच्या परीक्षा या 10, 12 आणि 13 ऑक्टोबर झाल्या. दरम्यान सर्व परीक्षांचे निकाल घोषित करण्यात आले आहेत. मात्र नेमणुका बाकी आहेत.

महापालिका प्रशासनाने नुकत्याच १३५ अभियंत्याच्या (स्थापत्य) नेमणुका केल्या आहेत. मात्र या लोकांना ६ महिने प्रशिक्षण कालावधी असेल. तोपर्यंत सामान्य प्रशासन विभागाकडे काम करावे लागणार आहे. त्यानंतर प्रत्यक्ष खाते दिले जाणार आहे. त्यानुसार हे उमेदवार जॉईन होण्यासाठी महापालिकेत येण्यास सुरुवात झाली आहे.

दरम्यान सहायक अतिक्रमण निरीक्षक तसेच लिपिक लोकांना अजून नियुक्त्या देण्यात आल्या नाहीत. हे उमेदवार देखील याबाबत महापालिकेकडे वारंवार चकरा मारत आहेत.

pmc civil engineer recruitment

Clerical exam | PMC Pune | odd marks | लिपिक परीक्षेत मिळालेल्या विषम गुणांवर महापालिका प्रशासनाने केला खुलासा  | जाणून घ्या सविस्तर 

Categories
Breaking News PMC पुणे

लिपिक परीक्षेत मिळालेल्या विषम गुणांवर महापालिका प्रशासनाने केला खुलासा

| जाणून घ्या सविस्तर

पुणे | महापालिका प्रशासनाकडून लिपिक/ टंकलेखक पदाची परीक्षा घेण्यात आली होती. नुकताच त्याचा निकाल जाहीर करण्यात आला आहे. मात्र यामध्ये काही उमेदवारांना विषम गुण मिळाले आहेत. यामुळे उमेदवारांचा गोंधळ उडाला आहे. हा गोंधळ दूर करण्यासाठी महापालिका प्रशासनाकडून खुलासा करण्यात आला आहे.
लिपिक परीक्षेचा निकाल जाहीर झाल्यानंतर उमेदवारांना प्रश्न पडला होता कि,  परीक्षा २०० मार्काची होती. (१०० प्रश्न २ मार्क प्रती प्रश्न).कोणतेही निगेटिव्ह मार्किंग नव्हते.  त्यामुळे सर्व उमेदवारांना सम संख्येत मार्क पडणे अपेक्षित होते. म्हणजे (उदा;- २,२०,१००,१२०,१८०,१२६) असे.  मात्र विषम संख्येत मार्क पडलेत  (उदा १२१,११७,१६७)विषम मार्क पडूच कसे शकतात. असा प्रश्न उमेदवारांना पडला होता.
यावर आता महापालिका प्रशासनाकडून खुलासा करण्यात आला आहे. सामान्य प्रशासन विभागाचे उपायुक्त सचिन इथापे यांनी सांगितले कि, IBPS च्या कार्यपद्धतीनुसार, सत्रांमध्ये वापरल्या जाणार्‍या test batteries (Question Paper) च्या काठीण्य पातळीतील किंचित फरक समायोजित करण्यासाठी, समान-टक्केवारी पद्धतीचा वापर करून विविध सत्रांमधील स्कोअर सामान्यीकृत / समान केले जातात.  याची माहितीही उमेदवारांना जाहिरातीद्वारे देण्यात आली.  अशा प्रकारे, प्रत्येक सत्राच्या  test batteries (Question Paper) च्या काठीण्य पातळीतील थोड्या फरकाने वेगवेगळ्या सत्रांसाठी उपस्थित असलेल्या उमेदवारांच्या अंतिम गुणांवर परिणाम होऊ शकत नाही.  ही भारतातील चाचणी संस्थांनी अनुसरलेली प्रस्थापित प्रथा आहे.
इथापे यांनी पुढे सांगितले कि, आपली लिपिक पदाची परीक्षा एकूण सहा सत्र मध्ये झाली असल्यामुळे विषम गुण मिळाले आहेत.
अशा पद्धतीने सामान्य केलेले गुण उदा. 80.5 असतील तर दुप्पट करताना 161 असे विषम गुण येऊ शकतात. त्यामुळे दुप्पट करताना सम गुण येतीलच असे नाही. याची माहिती उमेदवाराना जाहिरातीत दिली होती.

PMC Recruitment Exam Results | अखेर पुणे महापालिकेकडून घेण्यात आलेल्या लिपिक टंकलेखक या पदासाठी झालेल्या परीक्षेचा निकाल  जाहीर | २८ नोव्हेंबर ते २ डिसेंबर  ला कागदपत्रांची छाननी

Categories
Breaking News PMC पुणे

अखेर पुणे महापालिकेकडून घेण्यात आलेल्या लिपिक टंकलेखक या पदासाठी झालेल्या परीक्षेचा निकाल  जाहीर | २८ नोव्हेंबर ते २ डिसेंबर  ला कागदपत्रांची छाननी

जाणून घ्या सविस्तर

पुणे महापालिकेत विविध खात्यात विविध पदांची भरती करण्यात येणार आहे. त्यासाठी महापालिका प्रशासनाने अर्ज मागवले होते. त्यानुसार परीक्षा घेण्यात आल्या. कनिष्ठ लिपिक/ टंकलेखक पदाच्या परीक्षा या 10, 12 आणि 13 ऑक्टोबर ला झाल्या. याचा निकाल घोषित करण्यात आला आहे. महापालिकेच्या वेबसाईट वर याची यादी देण्यात आली आहे.

याबाबत उपायुक्त सचिन इथापे यांनी सांगितले कि वेबसाईट वर निकालाची सविस्तर माहिती देण्यात आली आहे. यामध्ये प्रत्येक उमेदवाराला मिळालेले मार्क आणि topers ची यादी देण्यात आली आहे. त्यानुसार मेरीट मध्ये पात्र होणाऱ्या सदर यादीमधील उमेदवारांनी दि. २८ नोव्हेंबर ते २ डिसेंबर या कालावधीत सकाळी ११:०० वाजता, श्री. छत्रपती शिवाजी महाराज सभागृह, तिसरा मजला, पुणे मनपा मुख्य इमारत, शिवाजीनगर, पुणे – ४११००५ या ठिकाणी सेवाभरती जाहिरातीमध्ये नमूद केलेले पात्रतेचे निकष पूर्ण करणारे सर्व मूळ कागदपत्रे घेऊन समक्ष उपस्थित राहावे. इथापे यांनी सांगितले कि उमेदवारांनी कुठली कागदपत्रे घेऊन यायचे आहे. हे देखील वेबसाईट च्या माध्यमातून कळवले जाईल.

पुणे महापालिकेत विविध खात्यातील 448 पदांसाठी भरती करण्यात येणार आहे. महानगरपालिकेच्या आस्थापनेवरील गट-२ व गट ३ मधील रिक्त असणारी पदे सरळसेवा प्रवेशाने भरण्यासाठी जाहिरात प्रसिद्ध करण्यात आली होती. यासाठी 20 जुलै ते 10 ऑगस्ट या कालावधीत अर्ज मागवण्यात आले होते. त्यानुसार कनिष्ठ अभियंता (यांत्रिकी) आणि कनिष्ठ अभियंता (वाहतूक नियोजन) या पदासाठी 26 सप्टेंबर ला परीक्षा घेण्यात आली.  कनिष्ठ अभियंता (सिव्हिल इंजिनियर) या पदासाठी 3 ऑक्टोबर ला परीक्षा घेण्यात आली. 4 ऑक्टोबर ला सकाळच्या सत्रात सहायक अतिक्रमण निरीक्षक या पदासाठी तर दुपारच्या सत्रात सहायक विधी अधिकारी पदासाठी परीक्षा झाली. तर कनिष्ठ लिपिक/ टंकलेखक पदाच्या परीक्षा या 10, 12 आणि 13 ऑक्टोबर झाल्या.

पुणे महानगरपालिकेच्या आस्थापनेवरील लिपिक टंकलेखक पदासाठी झालेल्या परीक्षेचा निकाल व कागदपत्र पडताळणीस पात्र उमेदवारांची यादी पाहण्यासाठी खालील संकेतस्थळाला भेट द्या.
लिंक: