Tag: Shivsena pune

Loksabha Election | Shivsena Pune | शिवसेनेचे मिशन 48 ..!  लोकसभा निवडणुकीची तयारी सुरु 

Categories
Breaking News Political पुणे महाराष्ट्र

Loksabha Election | Shivsena Pune | शिवसेनेचे मिशन 48 ..!  लोकसभा निवडणुकीची तयारी सुरु

| शिवसंकल्प अभियानाच्या झंझावाती दौऱ्याला होणार सुरूवात !

 

 LokSabha Election | Shivsena Pune | राज्यातील महायुती सरकारने (Mahayuti)  केलेल्या कामांच्या बळावर आपल्याला मतं मागायची असून मिशन ४८ ची सुरूवात करण्यासाठी शिवसंकल्प अभियान (Shivsena Shivsankalp Abhiyan) हाती घेतले असल्याचे मुख्यमंत्री एकनाथ शिंदे (CM Eknath Shinde) यांनी जाहीर केले. लोकसभा निवडणुकीच्या (Loksabha Election 2024) प्रचाराचा शुभारंभ करण्यासाठी मुख्यमंत्री एकनाथ शिंदे स्वतः शिवसंकल्प अभियानाद्वारे राज्यभर प्रचार मेळावे घेऊन लोकसभा निवडणुकीचे रणशिंग फुंकणार आहेत. या शिवसंकल्प अभियान दौऱ्याची सुरुवात शिरूर व मावळ लोकसभेपासून करण्यात येणार असून, येत्या ०६ जानेवारी २०२४ रोजी मुख्यमंत्री एकनाथ शिंदे  यांच्या नेतृत्वाखाली हा दौरा संपन्न होणार आहे. (Pune Shivsena News – Lok Sabha Election )

याच पार्श्वभूमीवर आज पुण्यातील शिवसेना (Pune Shivsena) मध्यवर्ती कार्यालयात शहरातील पदाधिकाऱ्यांची नियोजन बैठक पार पडली. या बैठकीत पुण्यातील शिवसेनेचे प्रमुखपदाधिकारी, युवासेना, महिला आघाडी व अंगिकृत संघटनांचे सर्व पदाधिकारी उपस्थित होते. (Pune Shivsena News – Lok Sabha Election )

यावेळी, शिवसेनेचे शहरप्रमुख प्रमोद नाना भानगिरे (Pramod Nana Bhangire) म्हणाले की, शिंदे साहेबांच्या नेतृत्वात शिवसैनिकांना मोठी ताकद मिळाली असून, भविष्यात या ताकदीचा वापर करून, एकनाथ शिंदे साहेबांचे व शिवसेनेचे काम तळागाळापर्यंत पोहचवा असे सांगितले. याचसोबत येत्या ६ जानेवारीला शिरूर व मावळ लोकसभेमध्ये होणाऱ्या शिवसंकल्प अभियानाला प्रचंड संख्येने उपस्थित राहण्याचे आवाहन देखील त्यांनी यावेळी केले.

तसेच, शिवसेना पुणे जिल्ह्याचे लोकसभा निरीक्षक किशोर भोसले यांनी पक्षातील शिवदूत, बुथप्रमुख इथपासून ते शहरप्रमुखांपर्यंत नव्या जोमाने कामाला लागून, पक्षाला नव्याने उभारी देण्यासाठी आणि नव्या उमेदीने पक्ष बांधणी करून, पक्ष वाढीस हातभार लावूयात असे सांगितले आहे.

दरम्यान, शिवसंकल्प अभियानाचे प्रचार मेळावे दोन टप्प्यात पार पडणार असून त्यातील पहिला टप्पा  ६ जानेवारी रोजी शिरूर येथुन सुरू होणार असून ११ जानेवारी रोजी छत्रपती संभाजीनगर
येथील सभेने पहिल्या टप्प्यातील प्रचारदौरा पूर्ण होणार आहे.

दुसऱ्या टप्प्यात २५ जानेवारीपासून पुन्हा प्रचार मेळाव्याना पुन्हा सुरूवात होणार असून २५ जानेवारी रोजी शिर्डी येथे दुसरा प्रचार मेळावा पार पडेल, तर या प्रचार मेळाव्यांचा समारोप ३० जानेवारी रोजी हातकणंगले येथे होईल.

या प्रचार मेळाव्यांच्या समारोपासह पक्षाच्या वतीने कोल्हापूर येथे दोन दिवसीय विशेष महाशिबिराचे आयोजन करण्यात येणार असून त्यानंतर या शिवसंकल्प अभियानाची सांगता होणार आहे.

या शिवसंकल्प अभियान पूर्व नियोजित आढावा बैठकीत, राज्यातील लोकसभेच्या ४८ जागा पूर्ण ताकदीनिशी लढवण्याचा निर्धार शिवसैनिक, तथा सर्व पदाधिकऱ्यांच्या वतीने व्यक्त करण्यात आला आहे.

दरम्यान, या बैठकीला शिवसेना शहरप्रमुख प्रमोद नाना भानगिरे, पुणे लोकसभा निरीक्षक किशोर भोसले, जिल्हाप्रमुख रमेश बाप्पू कोंडे, उल्हासभाऊ तुपे, युवासेना सचिव किरण साळी, युवासेना जिल्हाप्रमुख निलेश घारे, निलेश गिरमे, युवासेना सहसंपर्क प्रमुख अविनाश खेडेकर,  महिला आघाडी शहर प्रमुख पुजाताई रावेतकर, माथाडी कामगार सेना जिल्हाप्रमुख निलेश माझीरे, शहर संघटक श्रीकांत पुजारी, शहर समन्वयक शंकर संगम, नवनाथ निवंगुणे, राजाभाऊ भिलारे,  धनंजय जाधव, प्रमोद प्रभुणे, शिवसेना पुणे प्रवक्ते अभिजित बोराटे, लक्ष्मण आरडे, उपशहर प्रमुख सुधीर कुरुमकर, सुनील जाधव, गौरव साईनकर, संजय डोंगरे, सचिन थोरात, महिला उपशहर प्रमुख श्रद्धा शिंदे, श्रुती नाझिरकर, चैत्राली गुरव, ओबीसी शहर अध्यक्ष मकरंद केदारी  व शिवसेना, युवासेना सर्व पदाधिकारी, महिला आघाडी, अंगिकृत संघटना व असंख्य शिवसैनिक उपस्थित होते.

Wakdewadi | Shasan Aaplya Dari | वाकडेवाडी परिसरात राबवण्यात आला  ‘शासन आपल्या दारी’ उपक्रम | संतोष लांडगे आणि सोनाली लांडगे यांचा पुढाकार 

Categories
Breaking News Political social पुणे

Wakdewadi | Shasan Aaplya Dari | वाकडेवाडी परिसरात राबवण्यात आला  ‘शासन आपल्या दारी’ उपक्रम | संतोष लांडगे आणि सोनाली लांडगे यांचा पुढाकार

 

Wakdewadi | Shasan Aaplya Dari |शिवाजीनगर भागातील वाकडेवाडी परिसरात महाराष्ट्र सरकारचा शासन आपल्या दारी (Shasan Aaplya Daari) हा उपक्रम राबवण्यात आला. माजी नगरसेविका सोनाली लांडगे (Sonali Landge) आणि शिवसेना विभाग प्रमुख संतोष लांडगे (Santosh Landge) यांनी यात पुढाकार घेऊन नागरिकांना आवश्यक दाखले मिळवून दिले. (Pune News)

याबाबत संतोष व सोनाली लांडगे यांनी सांगितले कि, महाराष्ट्र शासनाच्या व केंद्र शासनाच्या विविध योजना, तसेच विविध दाखले जसे कि, उत्पन्नाचा दाखला,  आधार कार्ड, रेशन कार्ड, जातीचा दाखला, डोमेसाईल सर्टिफिकेट, आयुष्यमान भारत योजना कार्ड, ज्येष्ठ नागरिक कार्ड,  यांचा लाभ नागरिकांना व्हावा म्हणून शासन आपल्या दारी कार्यक्रम राबवण्यात आला. यावेळी स्थानिक नागरिकांचा मोठा सहभाग होता. सर्व प्रकारच्या योजनांचा लाभ व दाखले त्यांना या कार्यक्रमाच्या वेळी देण्यात आले. असेही लांडगे म्हणाले.

यावेळी माजी नगरसेविका सोनाली संतोष लांडगे, शिवसेना पुणे शहर प्रमुख प्रमोद  नाना भानगिरे, महिला शहर प्रमुख पूजाताई रावेतकर, उपशहर प्रमुख संजय डोंगरे, उपशहर संघटिका श्रद्धा शिंदे, विभाग प्रमुख राकेश सपकाळ, विभाग संघटिका विमल यादव, शहर समन्वयक शंकर संगम, अमित पिल्ले, शाखाप्रमुख संकेत मोरे, शाखाप्रमुख राजेश यादव, उपशाखाप्रमुख बंटी कांबळे, सामाजिक कार्यकर्ते समाधान शिंदे, महादेव भडकवाड, उपविभाग प्रमुख विशाल डोंगरे, सुनिता पढेर, शिल्पा मारणे, सुप्रिया पाटेकर, अक्षदा धुमाळ इत्यादी उपस्थित होते

Kondhwa Dafanbhumi | Pramod Nana Bhangire | कोंढव्यातील दफन भूमीच्या निर्णयावरून प्रमोद नाना भानगिरे यांचा आंदोलनाचा इशारा! 

Categories
Breaking News PMC Political social पुणे

Kondhwa Dafanbhumi | Pramod Nana Bhangire | कोंढव्यातील दफन भूमीच्या निर्णयावरून प्रमोद नाना भानगिरे यांचा आंदोलनाचा इशारा!

Kondhwa Dafanbhumi | Pramod Nana Bhangire |  कोंढव्यातील सर्वे नं 44 (Survey No 44 Kondhwa) या भागात दफन भूमी केली जाणार आहे. मात्र या निर्णयाचा शिवसेना शहर प्रमुख प्रमोद नाना भानगिरे (Pramod Nana Bhangire) यांनी विरोध केला आहे. हा निर्णय मागे नाही घेतला तर शिवसेना स्टाईल ने आंदोलन करण्याचा इशारा भानगिरे यांनी महापालिका प्रशासनाला (PMC Pune) दिला आहे. (Pramod Nana Bhangire Shivsena Pune)

भानगिरे यांनी महापालिका आयुक्त यांना दिलेल्या पत्रानुसार कोंढव्यातील साधारणतः १० ते १५ हजार हिंदू लोकवस्ती असलेल्या सर्वे नं ४४ या भागात, लहान मुलांच्या खेळासाठी असलेले फुटबॉलच्या मैदानासाठी महानगरपालिकेने ४५ लाख रुपयांचा निधी मंजूर करून दिला होता. त्यानंतर स्थानिक लोकप्रतिनिधींनी महानगरपालिकेकडे संबंधित ठिकाणी मुस्लिम समाजाची दफनभूमी व्हावी, यासाठी पाठपुरावा केला होता. याच पार्श्वभूमीवर सद्यस्थितीला या मैदानावर दफनभूमी होत आहे. (Pune Municipal Corporation)

भानगिरे यांनी म्हटले आहे कि, मात्र हा परिसर लोकवस्तीचा असल्यामुळे, कायद्यानुसार भर लोकवस्तीत दफनभूमी करता येत नाही. दफनभूमी करण्यास आमचा कोणताही विरोध नाही. त्यामुळे दफनभूमी ही लोकवस्तीच्या बाहेर असावी, हे सर्वज्ञात असताना देखील, या दफनभूमीस ज्या अधिकाऱ्यांनी मंजुरी दिली आहे, त्यांच्यावर तात्काळ कारवाई करावी. याचसोबत येत्या आठ दिवसांत फुटबॉल मैदानावर होऊ पाहणाऱ्या दफन भूमीचा निर्णय मागे घेण्यात यावा. अथवा आम्ही संविधानिक मार्गाने शिवसेना स्टाईलने पुणे महानगरपालिका येथे आंदोलन करू. आंदोलनादरम्यान कायदा व सुव्यवस्था बिघडल्यास यास सर्वस्वी जबाबदार हे प्रशासन राहील. असा इशारा भानगिरे यांनी दिला आहे.

Pramod Nana Bhangire | महम्मदवाडीचे आता होणार महादेववाडी | आमदार भरतशेठ गोगावले यांची मुख्यमंत्र्यांकडे मागणी 

Categories
Breaking News PMC Political social पुणे

Pramod Nana Bhangire | महम्मदवाडीचे आता होणार महादेववाडी | आमदार भरतशेठ गोगावले यांची मुख्यमंत्र्यांकडे मागणी

| मुख्यमंत्र्याचा सकारात्मक प्रतिसाद

Pramod Nana Bhangire | हडपसर विधानसभा मतदारसंघातील (Hadapsar Constituency) महंमदवाडी  (Mohammadwadi) या भागाचे नामकरण महादेववाडी (Mahadevwadi) करावे अशी मागणी शिवसेना पक्षाचे मुख्य प्रतोद आमदार भरतशेठ गोगावले  (MLA Bharatsheth Gogawale) यांनी महाराष्ट्र राज्याचे मुख्यमंत्री  एकनाथ शिंदे (CM Eknath Shinde) यांच्याकडे केली आहे. लवकरच आता महंमदवाडी या गावाचे नाव महादेव वाडी होण्यास मदत होईल. अशी माहिती शिवसेना शहर प्रमुख प्रमोद नाना भानगिरे (Pramod Nana Bhangire) यांनी दिली.
दरम्यान याबाबत मुख्यमंत्र्यांनी याची दखल घेतली आहे. तसेच महापालिका आयुक्तांना याबाबत तपासून कार्यवाही करण्याचे आदेश दिले आहेत. त्यामुळे हा प्रस्ताव लवकरच मान्य होईल. असा विश्वास भानगिरे यांनी व्यक्त केला.

Anandacha Shidha | Diwali | सिंहगड रोड भागातील एकाही स्वस्त धान्य  दुकानांमध्ये दिवाळी किट उपलब्ध नाही  | धान्य उपलब्ध करून देण्याची महेश पोकळे यांची मागणी 

Categories
Breaking News Political social पुणे महाराष्ट्र

Anandacha Shidha | Diwali | सिंहगड रोड भागातील एकाही स्वस्त धान्य  दुकानांमध्ये दिवाळी किट उपलब्ध नाही

| धान्य उपलब्ध करून देण्याची महेश पोकळे यांची मागणी

 
Anandacha Shidha | Diwali | पुणे | राज्य सरकारने दिवाळीसाठी सर्वसामान्यांना शंभर रुपयांमध्ये  कीट उपलब्ध करून देण्याची घोषणा केली होती. परंतु अवघ्या दोन दिवसांवर आली असता सिंहगड रोड भागातील एकाही स्वस्त धान्य दुकानांमध्ये दिवाळी किट आणि इतर अन्नधान्य उपलब्ध झालेले नाही. त्यामुळे योजना फसवी न वाटण्यासाठी लवकर धान्य उपलब्ध करून द्यावे, अशी मागणी शिवसेना खडकवासला मतदार संघाचे विभाग प्रमुख महेश पोकळे (Mahesh Pokale) यांनी केली आहे.
राज्य सरकारकडून दिवाळीनिमित्त देण्यात येणाऱ्या आनंदाच्या शिध्यामध्ये 1 किलो साखर, 1 लिटर खाद्यतेल तसेच प्रत्येकी अर्धा किलो रवा, चना डाळ, मैदा आणि पोहे असे जिन्नस असतील. हा आनंदाचा शिधा 25 ऑक्टोबर ते 30 नोव्हेंबर पर्यंत वितरित करण्यात येईल असे सरकारकडून जाहीर करण्यात आले आहे. परंतु दिवाळी सण काही दिवसांवर आला आहे. नागरिकांची दिवाळी तयारी सुरू आहे बाजारपेठ गर्दीने फुलून गेले आहे. परंतु राज्य सरकारने दिवाळीसाठी सर्वसामान्यांना शंभर रुपयांमध्ये  कीट उपलब्ध करून देण्याची घोषणा केली होती. परंतु अवघ्या दोन दिवसांवर आली असता सिंहगड रोड भागातील एकाही स्वस्त दुकानांमध्ये दिवाळी किट आणि इतर अन्नधान्य उपलब्ध झालेले नाही. त्यामुळे शंभर रुपये दिवाळी किराणा साहित्य ही योजना फसवी आहे का? असा प्रश्न सामान्य नागरिक उपस्थित करू लागले आहेत. ऐन दिवाळी स्वस्तात मिळणारे किराणा साहित्य मिळत नसल्यामुळे सर्वसामान्य नागरिकांनी दिवाळी सण साजरा करायचा कसा ? स्वस्त धान्य दुकानात दिवाळीचे किट उपलब्ध करून द्यावे अशी आम्ही नागरिकांच्या तसेच शिवसेनेच्या वतीने मागणी करत आहोत. असे पोकळे यांनी प्रसिद्धीस दिलेल्या निवेदनात म्हटले आहे.
—

Sachin Ahir | Shivsena UBT Pune | खडकवासलामध्ये शेकडोजणांचा शिवसेनेत प्रवेश

Categories
Breaking News Political आरोग्य पुणे

Sachin Ahir | Shivsena UBT Pune | खडकवासलामध्ये शेकडोजणांचा शिवसेनेत प्रवेश

राज्यात आरोग्यसेवाच व्हेंटिलेटरवर – संपर्कप्रमुख आमदार सचिन अहिर

पुणे|  राज्यातील तिघाडी सरकार केवळ सत्ता उपभोगण्यात दंग आहे. आरोग्यसेवा पूर्णपणे कोलमडली आहे. सरकारी रुग्णालयांमध्ये मृत्यूचे सत्र सुरूच असून, आरोग्यसेवा व्हेंटिलेटरवर गेली आहे. हजारोंच्या संख्येने नोकऱ्या गेल्यामुळे राज्यात बेरोजगारी वाढत चालली आहे. अशावेळी महाराष्ट्राला केवळ सत्ताधारी नेतृत्व नको, तर राज्याचा कुटुंबप्रमुख म्हणून जबाबदारी स्वीकारणाऱ्या नेतृत्वाची गरज असल्याचे प्रतिपादन शिवसेना (उद्धव बाळासाहेब ठाकरे) पक्षाचे जिल्हा संपर्कप्रमुख, आमदार सचिन अहिर यांनी केले.

खडकवासला विधानसभा मतदारसंघातील प्रदीप दोडके यांच्यासह शेकडो कार्यकर्त्यांनी शिवसेना (उद्धव बाळासाहेब ठाकरे) पक्षामध्ये प्रवेश केला. यावेळी शिवसेना, युवा सेना यांच्या वतीने आयोजित मेळाव्यात मार्गदर्शन करताना अहिर बोलत होते. जिल्हाप्रमुख शंकर मांडेकर, शहरप्रमुख गजानन थरकुडे, संजय मोरे, शहर समन्वयक बाळा ओसवाल, विस्तारक राजेश पळसकर, नीलेश बडदे, युवासेना जिल्हा युवा अधिकारी सचिन पासलकर, विधानसभा प्रमुख नितीन वाघ, युवा सेना शहर अधिकारी सनी गवते, राम थरकुडे, उपशहरप्रमुख भरत कुंभारकर, संतोष गोपाळ, तालुकाप्रमुख तानाजी पवळे, उपजिल्हाप्रमुख रवी मुजुमले, समन्वयक गणपत खाटपे, शिवम लांडगे, निवृत्ती वाव्हळ यांच्यासह शिवसेना, महिला आघाडी, युवासेनेचे पदाधिकारी उपस्थित होते.

सचिन अहिर म्हणाले, राज्यातील तिघाडी सरकारच्या अनास्थेमुळे राज्यातील आरोग्य सेवा व्हेंटिलेटरवर गेली आहे. आरोग्य विभागाचे जबाबदार मंत्र्यांकडून या परिस्थितीत जबाबदारी झटकून आपली कातडी वाचवली जात आहे. कोरोनाच्या काळात राज्याचे मुख्यमंत्री म्हणून पक्षप्रमुख उद्धव ठाकरे यांनी केवळ राज्यच सावरले नाही तर संपूर्ण आरोग्य व्यवस्था देखील सांभाळून प्रत्येक प्रसंगाची व घटनेची जबाबदारी स्वतः स्वीकारली होती, याची आठवण त्यांनी करून दिली. ‘फोक्सवॅगन’चा प्रकल्प पुणे जिल्ह्यातून बाहेरच्या राज्यात गेला. अनेक उद्योग बंद पडले, त्यामुळे राज्यात आणि जिल्ह्यात बेरोजगारी चे वाढली आहे. तिघाडी सरकारमुळे हे प्रश्न निर्माण झाले असून, सरकारला धडा शिकवण्यासाठी ही या योग्य वेळ असल्याचे अहिर म्हणाले.

शिवसेनेत यांनी प्रवेश केला.
खडकवासला मतदारसंघातील प्रदीप दोडके, प्रीतम दोडके, केतन दोडके, भालचंद्र सणस, श्रीकांत चौघुले, स्वप्नील कांबळे, स्वप्नील उत्तेकर, अक्षय सावंत, विशाल साळवी, विठ्ठल दाभेकर, विजय पन्हाळे, अजय पन्हाळे, सूरज मैंदाड यांच्यासह अनेकांनी शिवसेना (उद्धव बाळासाहेब ठाकरे ) पक्षात प्रवेश केला. त्यांच्या हाती भगवा झेंडा देऊन त्यांचे शिवसेनेत स्वागत करण्यात आले.

Kothrud Constituency | Shivsena UBT | कोथरूड विधानसभा मतदार संघात होऊ द्या चर्चा, बोलघेवडया सरकारचा भांडाफोड कार्यक्रमाचे आयोजन 

Categories
Breaking News Political social पुणे

Kothrud Constituency | Shivsena UBT | कोथरूड विधानसभा मतदार संघात होऊ द्या चर्चा, बोलघेवडया सरकारचा भांडाफोड कार्यक्रमाचे आयोजन

 

Kothrud Constituency | Shivsena UBT|शिवसेना कोथरूड विधानसभा मतदार संघामध्ये ६ ऑक्टोबर रोजी होऊ द्या चर्चा, बोलघेवडया सरकारचा भांडाफोड या कार्यक्रमाचे कोथरूड मध्ये सुतार दवाखाना, आशिष गार्डन चौक, किनारा हॉटेल, मोरे विद्यालय चौकसुतारदरा, नवभूमी शास्त्रीनगर, किष्किंदानगर, छत्रपती शिवाजी महाराज चौक कोथरूड गावठाण या ठिकाणी आयोजन करण्यात आले. या कार्यक्रमामध्ये लोकत सांस्कृतिक ग्रुपच्या वतीने पथनाटयद्वारे नागरिकांमध्ये सत्तारूढ पक्षाच्या नाकर्तेपणाची माहिती देण्यात आली. (Kothrud Constituency | Shivsena Pune)

कार्यक्रमासाठी सह- संपर्क प्रमुख अदित्यजी शिरोडकर, शहरप्रमुख गजानन थरकुडे, योगेश मोकाटे, चंद्रकांत मोकाटे , शिवसेना गटनेते पृथ्वीराज सुतार उपस्थित होते, तसेच या कार्यक्रमामध्ये विद्यार्थी, बेरोजगार तरूण, महिला व ज्येष्ठ नागरिक मोठ्या संख्येने सहभागी झाले. ठिकठिकाणी होऊ द्या चर्चा या कार्यक्रमाला मोठया प्रमाणात प्रतिसाद मिळाला.

हा कार्यक्रम यशस्वी होण्यासाठी युवाधिकारी राम थरकुडे, नितीन शिंदे, अनिल भगत, आकाश सुतार, विशाल उभे, उमेश भेलके, जयदिप पडवळ, योगेश थोरात, चेतन डेरे, भारत सुतार, दिलीप गायकवाड, नितीन पवार, पुरषोत्तम विटेकर, मनोज आल्हाट, श्रीपाद चिकणे, कांता बराटे, सुधीर जानोरकर यांनी सहकार्य केले.

Sasoon Hospital Pune | ससून रुग्णालयात कैद्यांवर उपचार करा; पाहुणचार नको | शिवसेना शहर प्रमुखांची ससूनच्या डीन कडे कारवाईची मागणी

Categories
Breaking News Political social आरोग्य पुणे

Sasoon Hospital Pune | ससून रुग्णालयात कैद्यांवर उपचार करा; पाहुणचार नको | शिवसेना शहर प्रमुखांची ससूनच्या डीन कडे कारवाईची मागणी

Sasoon Hospital Pune | ससून सर्वोपचार रुग्णालयात (Pune Sasoon Hospital) उपचार करण्यासाठी येत असलेल्या कैद्यांचा उपचार सोडून पाहुणचार होत असल्याचा प्रकार निदर्शनास आला आहे. रुग्णालयात उपचार घेत  असलेला कैदी परवा पोलिसांच्या हातावर तुरी देऊन पळून गेला आहे. त्यामुळे यावर वेळीच कारवाई करण्याची मागणी शिवसेना शहर प्रमुख प्रमोद नाना भानगिरे (Pramod Nana Bhangire) यांनी ससूनच्या डीन (Sasoon Dean) कडे केली आहे.
 भानगिरे यांनी दिलेल्या पत्रानुसार अमली पदार्थाच्या तस्करीतील प्रमुख सूत्रधार असलेला ललित पाटील हा ससून रुग्णालयातून फरार झाला. तसेच या रुग्णालयात कैद्यांना मिळत असलेल्या विशेष उपचारांची माहिती ही उघड झाली आहे. ससून रुग्णालयात दाखल होणाऱ्या कायद्यांची शहानिशा करून रुग्णालयातील दाखल होणाऱ्या कैदयांच्या आरोग्याची माहिती ही संबंधित डॉक्टरांकडून त्यांच्यावर कोणते उपचार करण्यात येतात. त्याबाबतच्या त्यांच्या कोणत्या तपासण्या होतात. तसेच प्रलंबित असलेल्या तपासण्यांना अतिशय गांभीर्याने घेऊन कोणत्याही कैद्यावर अत्यावश्यक उपचार सोडून प्राथमिक उपचारासाठी भरती करू नये, तसेच वैद्यकीय उपचारांच्या नावाखाली सरकारी रुग्णालयातून अमली पदार्थाचे रॅकेट चालवण्यात येत असल्याच्या बातम्या या अतिशय वेदनादायी आहेत. आपण अधिष्ठाता या नात्याने या संपूर्ण प्रकरणाची तात्काळ चौकशी करून यापुढे रुग्णालयात दाखल होणाऱ्या कैद्यांवर अतिशय पारदर्शकपणे उपचार होतील यासंबंधीची दक्षता घ्यावी. तसेच अशा पद्धतीचा अनुचित प्रकार घडू नये यासाठी कठोर कार्यवाही करण्यात यावी. असे भानगिरे यांनी म्हटले आहे. (Pune Shivsena)
——

 

 

Pramod Nana Bhangire | शिवसेना शहराध्यक्ष नाना भानगिरे यांचा मदतीचा हात | एकनाथ शिंदे फाउंडेशन बाळासाठी ठरलं देवदूत..!!

Categories
Breaking News Political social आरोग्य पुणे महाराष्ट्र

Pramod Nana Bhangire | शिवसेना शहराध्यक्ष नाना भानगिरे यांचा मदतीचा हात | एकनाथ शिंदे फाउंडेशन बाळासाठी ठरलं देवदूत..!!

Pramod Nana Bhangire | पुणे | शिवसेनेचे शहराध्यक्ष नाना भानगिरे यांच्या कडून राजकारणाच्या पलिकडे समाजकार्य होताना वेळोवेळी पाहायला मिळत आहे. अश्यातच पुण्यातील गायकवाड कुटुंबीयाला मदतीचं हात देत भानगिरे यांनी समाजाच्या समोर एक आदर्श निर्माण केला आहे. (Pramod Nana Bhangire)
शिवसेनेचे शहराध्यक्ष नाना भानगिरे यांच्याकडे पुण्यातील मयूर दीपक गायकवाड हे त्यांच्या दहा महिन्याच्या बाळाला घेऊन आले होते.त्यांच्या बाळाला जेनेटिक डिसऑर्डर आजार झाल्याने त्यावर जे उपचार म्हणून इंजेक्शन मिळतात ते भारतात एकाच ठिकाणी मिळत आहे.व ते ही खूप महाग मिळत आहे.ही बाब त्याचे वडील मयूर दीपक गायकवाड यांनी लक्षात आणून दिल्यावर भानगिरे यांनी कोणत्याच शनाचा विलंब न करता आधीराज गायकवाड या दहा महिन्याच्या बाळाला दोन इंजेक्शन उपलब्ध करून देऊन समाजात एक आदर्श निर्माण करून दिलं आहे. (Eknath Shinde Foundation)
पुण्यातील मयुर गायकवाड यांच्या दहा महिन्याच्या बाळाला (नाव: आधिराज गायकवाड) वैद्यकीय उपचारासाठी इस्पितळात भरती केले असता बाळाला MPS Type 1 hurlar syndram
genetic disorder चे निदान डॉक्टरांनी केले, यात बाळाची कोणतीही शारीरिक वाढ होत नाही, त्याकरिता तातडीने दोन इंजेक्शन Injection – Aldurazyme 2.9mg ( laronidase)  देण्याचा सल्ला डॉक्टरांनी दिला, या दोन्ही इंजेक्शनची किंमत सुमारे एक लाख सहा हजार असून एकनाथ शिंदे फाउंडेशन व शिवसेना शहर प्रमुख प्रमोद नाना भानगिरे यांच्या वतीने या दोन्ही इंजेक्शन चा संपूर्ण खर्च करण्यात येणार आला. आपल्या मदतीने जर कुणाचे प्राण वाचत असतील तर त्यापेक्षा मोठे सेवा समाधान नाही. हीच शिकवण लोकनेते एकनाथ शिंदे साहेबांनी दिली आहे,बाळाची तब्येत लवकरात लवकर बरी होवो हीच प्रार्थना. अशी भावना भानगिरे यांनी यावेळी व्यक्त केली.

Shivsena UBT Agitation | Pune | केंद्र सरकारच्या विरोधात शिवसेनेचे आंदोलन

Categories
Breaking News Political पुणे

 Shivsena Agitation | Pune | केंद्र सरकारच्या विरोधात शिवसेनेचे आंदोलन

 Shivsena Agitation | Pune  | केंद्र सरकारने आयुष्मान भारत योजना (Ayushman Bharat Yojana), पेन्शन योजना (Pension Scheme), भारतमाला, अयोध्या रामजन्मभूमी खरेदी , सह सात योजनांमधून मोठा घोटाळा झाल्याचे ताशेरे “कॅग” (CAG) ने आपल्या जाहिर केलेल्या अहवालात ओढले आहेत. मोदी सरकारच्या (Modi Government) कारभाराच्या विरोधात शिवसेना( उद्धव बाळासाहेब ठाकरे ) पुणे शहराच्या (Shivsena UBT Pune) वतीने भ्रष्ट केंद्र सरकारच्या विरोधात पुण्यात डेक्कन येथे आंदोलन  करण्यात आले. (Shivsena Agitation | Pune)
कॅगने आत्तापर्यंत ज्या राज्य सरकारवर व महापालिकेवर ताशेरे ओढले त्या प्रत्येकावर कारवाई करण्यात आली. मग आता कॅगने ताशेरे ओढलेल्या, केंद्र सरकारने केलेल्या भ्रष्टाचारावर कारवाई होणार का ? यावर मोदी सरकार राजीनामा देणार का ? हा प्रश्न आंदोलकांनी विचारला.
मोदी सरकारचा निषेध करताना शिवसैनिकांनी शिवसेना पक्षप्रमुख उद्धव ठाकरे यांचा गौरव करीत ”देश का नेता कैसा हो उद्धव ठाकरे जैसा हो’ च्या घोषणा दिल्या.
यावेळी बोलताना शहरप्रमुख संजय मोरे यांनी मोदी सरकारचा निषेध नोंदवीत कॅगच्या अहवाला नुसार संबंधितांवर कारवाई करणार का असा प्रश्न केला ? टोल घोटाळा, हिंदुस्थान एराॅनाॅटिक्स, अयोध्या विकास प्रकल्प, द्वारका एक्सप्रेस वे, भारतमाला प्रकल्प, गोरगरिबांच्या आयुष्मान भारत, दिव्यांग, विधवा महिला, यांच्या योजनांमध्ये भ्रष्टाचार होत असेल तर या भ्रष्ट केंद्र सरकारने पायउतार व्हावे असे ते म्हणाले.
      यावेळी आंदोलनास शहरप्रमुख संजय मोरे , उपशहरप्रमुख प्रशांत राणे, भरत कुंभारकर, बाळासाहेब भांडे , सागर माळकर , शहर संघटक राजेंद्र शिंदे , किशोर राजपूत, अनंत घरत , संतोष गोपाळ, युवासेना अधिकारी राम थरकुडे, समन्वयक युवराज पारीख,  उपशहरसंघटक नितीन पवार, उमेश गालिंदे , उमेश वाघ, विभागप्रमुख प्रविण डोंगरे, मुकुंद चव्हाण, चंदन साळुंके, महेश पोकळे, योगेश पवार, राजेंद्र शाह, अजय भुवड, विलास सोनवणे, संजय वाल्हेकर, अतुल दिघे, राहुल जेकटे, अजय परदेशी, दीपक शेंडे, नंदू घाटे, संतोष तोंडे, दिनेश बराटे, राम बाटुंगे, इम्रान खान, गजानन बगाडे, पराग थोरात, मकरंद पेठकर, सचिन देडे, अतुल कवडे, लोकेश जानगवळी, प्रतीक गालिंदे, आदिनाथ भाकरे, नागेश खडके, हर्षद ठकार, नितीन दलभंजन , समीर कानडे, रवी भोसले , सूर्यकांत पवार, तारीख शेख, बबलू पठाण, भावना थोरात , विजया मोहिते , सुरज गुळवे, अमोल घुमे, राहुल शेडगे, राजेश वाल्हेकर , संजय लोहोट , निलेश पाटील, नाना मरगळे, श्रीनिवास आखाडे, कल्पेश वाजे, अविनाश मांजरे  असंख्य पदाधिकारी व शिवसैनिक उपस्थित होते.
——-
News Title | Shivsena Agitation | Pune | Shiv Sena’s agitation against the central government