Tag: Ajit Deshmukh
मिळकतकर विभागाने एका दिवसात केली ३५ कोटीची वसुली
| आतापर्यंत १२८५ कोटी मिळाले
पुणे | पुणे महापालिकेच्या मिळकत कर विभागाने एका दिवसात ३५ कोटी रुपये वसूल केले आहेत. विभागाने वसुली वर जोर दिला आहे. आगामी काळात जास्तीत जास्त वसुली करण्याचे उदिष्ट ठेवले आहे. आतापर्यंत विभागे १२८५ कोटी उत्पन्न मिळवले आहे. अशी माहिती करसंकलन व कर आकारणी विभाग प्रमुख अजित देशमुख यांनी दिली.
देशमुख यांनी सांगितले कि, विभागाने कारवाई करत मंगळवारी रिलायन्स जिओ २८ कोटी ६४ लाख वसूल केले. तर मालपाणी IT कंपनी कडून ४ कोटी ४१ लाख वसूल केले. असे एका दिवसात ३५ कोटी रुपये वसूल केले आहेत. विभागाने वसुली वर जोर दिला आहे. आगामी काळात जास्तीत जास्त वसुली करण्याचे उदिष्ट ठेवले आहे. आतापर्यंत विभागे १२८५ कोटी उत्पन्न मिळवले आहे.
४०% कर सवलत | अंतिम निर्णय मुख्यमंत्री घेणार | महापालिकेने सद्यस्थितीत वाढीव रक्कम घेऊ नये | बैठकीत सूचना
– उच्च व तंत्र शिक्षण मंत्री चंद्रकांत पाटील यांनी घेतली बैठक
मिळकत करामध्ये ४० टक्के सवलत देण्याबाबत आता राज्याचे मुख्यमंत्री एकनाथ शिंदे निर्णय घेणार आहेत. या विषयाबाबत मुख्यमंत्र्यांकडे बैठक लावली जाणार असून तोपर्यंत महानगरपालिकेने नागरिकांकडून कोणताही वाढीव मिळकत कर वसूल करू नये, अशा सूचना बुधवारी मुंबई येथे झालेल्या बैठकीत देण्यात आल्या.
पुणे महानगरपालिकेच्या वतीने मिळकत करामध्ये दिली जाणारी ४० टक्के सवलत पुन्हा लागू करावी तसेच नागरिकांकडून घेतली जाणारी ही फरकाची रक्कम वसूल करू नये, अशी मागणी पुणेकर नागरिक आणि सामाजिक संघटनांकडून केली जात आहे. यावर चर्चा करून पुणेकरांना दिलासा देण्यासाठी कोथरूड विधानसभा मतदार संघाचे आमदार आणि राज्याचे उच्च व तंत्रशिक्षण मंत्री चंद्रकांत पाटील यांनी बुधवारी मुंबई येथे बैठक घेतली. त्यामध्ये पुणे महानगपालिकेतील मिळकत कर विभागाचे अधिकारी, नगर विकास विभाग २ चे अधिकारी उपस्थित होते. पालिकेतील माजी सभागृह नेते गणेश बिडकर यांनी अशी बैठक घेऊन निर्णय घ्यावा, अशी विनंती पाटील यांना केली होती. त्या पार्श्वभूमीवर ही बैठक घेण्यात आली. माजी सभागृह नेते बिडकर, भाजपचे शहर प्रवक्ते संदिप खर्डेकर, नगर विकास विभागाच्या उपसचिव छापवाले मॅडम, मिळकत कर विभागाचे प्रमुख अजित देशमुख, मुख्य विधी अधिकारी निशा चव्हाण, यावेळी उपस्थित होते.
शहरातील मिळकत धारकांना दिली जाणारी ४० टक्के सवलत रद्द करण्यात येत असून पालिकेने यापुढील काळात ही सवलत देऊ नये, असे राज्य सरकारने यापूर्वीच पालिकेला कळविले आहे. त्यानुसार पालिका आयुक्त विक्रम कुमार यांनी ४० टक्के सवलत रद्द केली आहे. तसेच गेल्या तीन वर्षापासून ही सवलत रद्द झाल्याने नागरिकांकडून फरकाची रक्कम वसूल करण्याच्या सूचना केलेल्या आहेत. यामुळे वाढीव कराचा बोजा नागरिकांवर पडणार आहे. ही फरकाची रक्कम तातडीने भरण्याबाबतचे एसएमएस देखील पालिका प्रशासनाने पाठविल्याने नागरिकांमध्ये असंतोष आहे. यावर तोडगा काढण्यासाठी उच्च व तंत्रशिक्षण मंत्री पाटील यांनी बुधवारी ही बैठक घेतली. यामध्ये सर्व अधिकाऱ्यांचे म्हणणे ऐकून घेतल्यानंतर राज्याचे मुख्यमंत्री एकनाथ शिंदे यांच्याबरोबर बैठक घेऊन या विषयावर तोडगा काढण्याचा निर्णय बैठकीत घेण्यात आला. मुख्यमंत्री शिंदे यांच्याबरोबर बैठक होऊन जोपर्यंत कोणताही निर्णय घेतला जात नाही तोपर्यंत महापालिकेने नागरिकांकडे ही रक्कम भरण्याचा तगादा लावू नये, अशा स्पष्ट सूचना यावेळी देण्यात आल्या.
००००००००००००
मिळकत करामध्ये ४० टक्के सवलत आणि फरकाची रक्कम वसूल करू नये, अशी भाजपची भूमिका आहे. आजच्या बैठकीत सकारात्मक चर्चा झाली. मुख्यमंत्री एकनाथ शिंदे यांच्याबरोबर बैठक होईपर्यंत पुणेकरांकडून कोणतीही वाढीव रक्कम वसूल करू नये, अशा सूचना देण्यात आल्या आहेत.
– गणेश बिडकर, माजी सभागृह नेते, पुणे महानगरपालिका
थकबाकी असलेल्या 121 मिळकती टॅक्स विभागाने केल्या सील
| उपायुक्त अजित देशमुख यांची माहिती
महापालिकेच्या मिळकत कर आकारणी आणि कर संकलन विभागाने आज एका दिवसांत मिळकतकर थकलेल्या तब्बल १२१ मिळकती सील केल्या आहेत. या थकबाकीदारांकडे ११ कोटी ४२ लाख रुपये थकबाकी आहे. महापालिका आयुक्तांच्या मार्गदर्शनाखाली ही कारवाई करण्यात आली. अशी माहिती उपायुक्त अजित देशमुख यांनी दिली.
यंदाच्यावर्षी पहिल्याच दोन महिन्यांत 1 हजार कोटीपेक्षा अधिक उत्पन्न मिळविले आहे. मागील वर्षाच्या तुलनेत हे उत्पन्न अधिक आहे.
यानंतर आता या विभागाने मोठ्या थकबाकीदारांकडे पुन्हा मोर्चा वळविला आहे. आज एका दिवसांत विशेष मोहीमेअंतर्गत आज एका दिवसांत मिळकतकर थकलेल्या तब्बल १२१ मिळकती सील केल्या आहेत. या थकबाकीदारांकडे ११ कोटी ४२ लाख रुपये थकबाकी आहे. महापालिकेच्या कारवाईनंतर २४ मिळकत धारकांनी तातडीने ४५ लाख रुपये थकबाकी भरली आहे, अशी माहिती मिळकत कर विभागाचे उपायुक्त अजित देशमुख (Ajit Deshmukh ) यांनी दिली.
5 ते 10% सवलतीत मिळकतकर भरण्यासाठी 3 जून पर्यंत मुदतवाढ
: महापालिका प्रशासनाची माहिती
पुणे : महापालिका प्रशासनाकडून एप्रिल आणि मे महिन्यात मिळकतकर भरणाऱ्या नागरिकांना 5 ते10% सवलत दिली जाते. शेवटच्या दिवशी खूप कर भरला जातो. मात्र 31 मे लाच महापालिकेची ऑनलाईन यंत्रणा बंद होती. त्यामुळे इच्छा असताना देखील नागरिकांना भरणा करता आला नाही. यामुळे प्रशासनाला टीकेचा सामना करावा लागला. त्यामुळे प्रशासनाने 3 जून पर्यंत सवलतीत कर भरण्यासाठी मुदतवाढ दिली आहे. दरम्यान १ एप्रिल ते ३१ मे या दोन महिन्याच्या कालावधीत महापालिकेच्या तिजोरीत पुणेकरांनी तब्बल ९३९ रुपये कोटी रुपये केले आहेत. गेल्यावर्षी या दोन महिन्यात ७४६ कोटी रुपये जमा झाले होते. अशी माहिती उपायुक्त अजित देशमुख यांनी दिली.
पुणे महापालिकेतर्फे नागरिकांना मिळकत कर भरण्यासाठी प्रोत्साहन म्हणून १एप्रिल ते ३१ मे या कालावधीत २५ हजारापेक्षा जास्त मिळकत कर असल्यास पाच आणि २५ हजारापेक्षा कमी रक्कम असल्यास दहा टक्के सवलत दिली जाते. पुणे शहरात एकूण अकरा लाख जास्त मिळकतधारक आहेत. त्यापैकी पाच लाख ९३ हजार २७० नागरिकांनी यंदा दोन महिन्यात कर भरला आहे. ९३९ कोटी रुपये रक्कम जमा झाली असून म सवलतीसाठी १९.२१ कोटी रक्कम माफ केली आहे.
सवलतीत टॅक्स भरण्याच्या शेवटच्या आठवड्यामध्ये मोठ्या प्रमाणात भरणा केला जातो. यंदा ३० आणि ३१ मे या दोन दिवसात तब्बल १३२.६७ कोटी रुपयांचा भरणा झालेला आहे. शेवटच्या दिवसात ऑनलाइन भरणे करताना महापालिकेच्या संकेतस्थळावर लोड येऊ शकतो. त्यामुळे यंत्रणा सतर्क असते मात्र, यावर्षी ही यंत्रणा शेवटच्या दिवशी कोलमडून पडली. ३१ मे रोजी सकाळी दहा वाजल्यापासून ते रात्री साडेदहा वाजेपर्यंत ऑनलाइन पद्धतीने पैसे भरता येत नसल्याने नागरिकांनी संताप व्यक्त केला. नागरिकांची भावना लक्षात घेऊन अखेर महापालिका प्रशासनाने मिळकत कर भरण्यासाठी तीन दिवसांची मुदतवाढ दिली आहे. नागरिकांना एक जून ते तीन जून या कालावधीत पाच ते दहा टक्के सवलतीचा फायदा घेता येणार आहे.
“यंदा गेल्या वर्षीच्या तुलनेत १९३.८८ कोटी रुपये जास्त उत्पन्न या दोन महिन्यात मिळालेले आहे. गेल्यावर्षी ७४६ कोटी रुपये पालिकेच्या तिजोरीत जमा झाले होते तर यंदा ९३९ कोटी रुपये जमा झालेले आहेत. यंदा पाच लाख ९३ हजार २७० नागरिकांनी कर भरलेला आहे.
अजित देशमुख, उपायुक्त
पहिल्या दोन महिन्यांत 751 कोटी मिळकतकर जमा
: मागील वर्षी पेक्षा 190 कोटींनी अधिक
पुणे : महापालिकेच्या मिळकतकर विभागास आर्थिक वर्षाच्या पहिल्या दोन महिन्यांतच 1 एप्रिल ते 27 मे या कालावधीत तब्बल 751 कोटी 31 लाख रुपयांचे उत्पन्न मिळाले आहे. मागील वर्षाच्या तुलनेत 190 कोटींनी अधिक आहे. मागील वर्षी याच कालावधीत 560कोटी 34 लाख रुपयांचे उत्पन्न मिळाले होते. अशी माहिती कर संकलन विभागाचे उपायुक्त अजित देशमुख यांनी दिली.
देशमुख म्हणाले, महापालिकेकडून आर्थिक वर्षाच्या पहिल्या दोन महिन्यांत कर भरणाऱ्या नागरिकांना मिळकतकरातील सर्वसाधारण करात 5 ते 10 टक्के सवलत दिली जाते. त्यासाठी 31 मे ही मुदत निश्चित करण्यात आली आहे त्यामुळे जास्तीत जास्त पुणेकर या दोन महिन्यांत कर भरतात. दरम्यान, यंदा दि. 1 एप्रिलपासून सुमारे 4 लाख 92 हजार 752 मिळकतकरधारकांनी कर जमा केला आहे. तर या मिळकतधारकांना 5 ते 10 टक्केच्या सवलतीपोटी महापालिकेने सुमारे 16 कोटींचा 60 लाखांचा कर माफ केला आहे. या कर संकलनात सर्वाधिक 466 कोटींचा कर ऑनलाइन जमा करण्यात आला असून, सुमारे 70 कोटींची रक्कम रोख भरण्यात आली आहे. तर धनादेशाद्वारे 214 कोटींचा महसूल जमा करण्यात आला आहे.
महापालिकेच्या मिळकतकर सवलतीत भरण्यासाठी पालिकेकडून 31 मेपर्यंत मुदत देण्यात आली आहे. जास्तीत जास्त नागरिकांनी या मुदतीत कर भरावा. शनिवारी आणि रविवारीही सुट्टीच्या दिवशीही कर भरण्यासाठी महापालिकेची नागरी सुविधा केंद्र सुरू असतील. असे अजित देशमुख यांनी आवाहन केले आहे.
मिळकतकर विभागाची जबाबदारी उपायुक्त अजित देशमुख यांच्याकडे!
: महापालिका आयुक्तांचे आदेश
: असे आहेत महापालिका आयुक्तांचे आदेश
संपुष्टात आणून आशा राऊत, उप आयुक्त (मध्यवर्ती भाडार) यांचेकडे सोपविण्यात येत आहे. आशा राऊत्त, उप आयुक्त (मध्यवर्ती भांडार) यांनी स्वतःचे पदाचे कामकाज सांभाळून उप आयुक्त (घनकचरा व्यवस्थापन) या पदाचे अतिरिक्त कामकाज करावयाचे आहे.