Tag: Prithviraj Sutar

Shiv sainiks Pune | Uddhav Thackeray | पुण्यातील शिवसैनिकांना काय म्हणाले उद्धव ठाकरे? 

Categories
Breaking News Political पुणे महाराष्ट्र

पुण्यातील शिवसैनिकांना काय म्हणाले उद्धव ठाकरे?

पुण्यातील शिवसैनिकांनी नुकतीच उद्धव ठाकरे यांची भेट घेतली. यावेळी भारतीय जनता पार्टीला शिवसेना संपवायची आहे, त्यांचा डाव हाणून पाडण्यासाठी मला तुमची ताकद हवी आहे, हा प्रवास विनातिकीट करायचा आहे.  सोबत रहा अशा भावनिक शब्दांमध्ये उद्धव ठाकरे यांनी सोमवारी दुपारी पुण्यातील शिवसैनिकांना साद घातली.

मातोश्री या निवासस्थानी ठाकरे यांनी पुण्यातील शिवसैनिकांची भेट घेतली. विधानपरिषदेच्या उपसभापती डॉ. नीलम गोर्हे यांच्यासह शहरप्रमुख संजय मोरे, गजानन थरकुडे, महापालिकेतील माजी गटनेते पृथ्वीराज सुतार, माजी नगरसेवक विशाल धनवडे व अन्य माजी नगरसेवक, उपशहरप्रमुख रुपेश पवार, विजय देशमूख, अनंत गोयल तसेच बरेच शिवसैनिक उपस्थित होते.

ठाकरे यांनी त्यांना सांगितले की, भाजपाने शिवसेनेला संपवण्याचा विडा उचलला आहे. त्यासाठीच हे सगळे सुरू आहे. यापुढचा प्रवास विनातिकीट आहे. माझ्याकडे तुम्हाला देण्यासाठी काहीही नाही, मात्र ताकदीने माझ्यासमोर उभे रहा, आपण शिवसेना पुन्हा उभी करू, त्यांचा डाव हाणून पाडू. फुटून बाहेर पडलेल्या आमदारांनी हिंमत असेल तर आमदारकीचा राजीनामा द्यावा व पुन्हा निवडून येऊन दाखवावे असे आव्हानही त्यांनी दिले.

Prithviraj Sutar | क्ष-किरण तपासण्या ज्येष्ठ नागरिकांसाठी त्वरीत मोफत सुरू कराव्यात | अन्यथा आंदोलन करण्याचा पृथ्वीराज सुतार यांचा इशारा 

Categories
Breaking News PMC आरोग्य पुणे

क्ष-किरण तपासण्या ज्येष्ठ नागरिकांसाठी त्वरीत मोफत सुरू कराव्यात

| अन्यथा आंदोलन करण्याचा पृथ्वीराज सुतार यांचा इशारा

पुणे | पुणे शहरातील ज्येष्ठ नागरिकांच्या क्ष-किरण तपासण्या मोफत आरोग्य तपासणी योजनेअंतर्गत करण्यात येत होत्या. मात्र आरोग्य अधिकाऱ्यांच्या आदेशाने या तपासण्या मोफत करणे बंद करण्यात आले आहे. यामुळे जेष्ठ नागरिकांची गैरसोय होत आहे. त्यामुळे क्ष-किरण तपासण्या ज्येष्ठ नागरिकांसाठी त्वरीत मोफत सुरू कराव्यात, अशी मागणी शिवसेना माजी गटनेते पृथ्वीराज सुतार यांनी आरोग्य अधिकारी डॉ आशिष भारती यांच्याकडे केली आहे. तसे नाही झाल्यास आंदोलन करण्याचा इशारा देखील सुतार यांनी दिला आहे.

सुतार यांच्या पत्रानुसार पुणे मनपाच्या मार्फत क्रस्ना डायग्नोस्टीक्स कडून कमला नेहरू रूग्णालय व कै. जयाबाई सुतार दवाखाना कोथरूड येथे पुणे शहरातील ज्येष्ठ नागरिकांच्या क्ष-किरण तपासण्या मोफत आरोग्य तपासणी
योजनेअंतर्गत करण्यात येत होत्या, त्याचा फार मोठा फायदा पुणे शहरातील ज्येष्ठ नागरिकाना होत होता. परंतु आरोग्य विभागा मार्फत  २० जून २०२२ रोजी लेखी पत्राद्वारे क्रस्ना डायग्नोस्टीक्स सेटरला कळविण्यात आले की आपण फक्त पॅथालॉजीच्या तपासण्या उदा. हिमोग्राम, युरीन, रक्त, इ या मोफत कराव्यात व क्ष-किरण तपासण्या मोफत करू नयेत. यामुळे ज्येष्ठ नागरिकांची मोठी अडचण व गैरसोय झाली असून, याबाबत ज्येष्ठ नागरिक मोठया प्रमाणावर तक्रार करीत आहेत. हा निर्णय म्हणजे ज्येष्ठ नागरिकावरती अन्याय करणारा निर्णय आहे. आम्ही या पत्राद्वारे आपल्याकडे पूर्वीप्रमाणेच क्ष-किरण तपासण्या ज्येष्ठ नागरिकांसाठी त्वरीत मोफत सुरू कराव्यात अशी मागणी करीत असून, आपण त्वरीत मोफत तपासण्या सुरू केल्या नाहीत तर आमच्या शिवसेना पक्षाच्या माध्यमातून ज्येष्ठ नागरिकाच्या सहकार्याने तीव्र आंदोलन आपल्या दालनात करण्यात येईल व त्याची संपूर्ण जबाबदारी आपली राहील, असे ही सुतार यांनी म्हटले आहे.

Shivsena | Kothrud | एकनाथ शिंदेच्या फोटोला जोडे मारत कोथरूड मध्ये शिवसेनेचे जोरदार आंदोलन 

Categories
Breaking News Political पुणे महाराष्ट्र

एकनाथ शिंदेच्या फोटोला जोडे मारत कोथरूड मध्ये शिवसेनेचे जोरदार आंदोलन

कोथरूड येथे  शिवसेना अंगार है, बाकी सब भंगार है, ज्याला भगवा कळेल त्याचेच संकट टळेल, गद्दारांना माफी नाही, उद्धव साहेब आम्हास आपला सार्थ अभिमान आहे.अशी जोरदार घोषणाबाजी करत पुण्यातील कोथरूड येथे एकनाथ शिंदे आणि बंडखोर आमदारांच्या विरोधात आंदोलन करण्यात आले. यावेळी कार्यकर्त्यांनी बंडखोर आमदारांच्या फोटोला जोडे मारत कोथरूड येथील कर्वे पुतळा चौकात रस्त्यावर उतरत बंडखोर आमदारांचा निषेध करत आंदोलन केले.

आम्ही उध्दव ठाकरे बरोबरच असल्याचे आंदोलकांनी सांगितले. एकनाथ शिंदे यांनी असंख्य आमदारांना घेऊन शिवसेनेसोबत बंड केल्याने शिवसैनिकांमध्ये संपूर्ण महाराष्ट्रात संतापाची लाट उसळली आहे. निम्म्यापेक्षा जास्त शिवसेनेचे आमदार हे मंत्री शिंदे यांच्यासोबत आहेत. याच्‍या विरोधात आज कोथरुड येथे शिवसेना व युवासेनेच्या वतीने आंदोलन करण्यात आले आहे.

शिवसेना, महिला आघाडी, युवासेना, युवतीसेना, अंगिकृत संघटनेतील सर्व पदाधिकारी व शिवसैनिक मोठ्या संखेने सहभागी होते. यावेळी अनेक शिवसैनिकांनी संतप्त प्रतिक्रिया व्यक्त केल्या. यावेळी शहरप्रमूख गजानन थरकुडे यांच्या नेतृत्वाखाली हे आंदोलन केले त्याप्रसंगी माजी गटनेता पृथ्वीराज सुतार, योगेश मोकाटे,नितिन शिंदे भारत सुतार, श्रीपाद चिकणे,
किशोर सोनार ,राजेश पळसकर, राम थरकुडे,नितिन पवार, अनिल घोलप,उमेश भेलके वैभव दिघे,नंदकुमार घाटे,दिलिप गायकवाड,कांताआप्पा बराटे,दिनेश बराटे,बाप्पू चव्हाण,अमित आल्हाट
बाळासाहेब धनवडे, अनिल भगत ,योगेश मारणे
राजू कुलकर्णी,गौरव झेंडे, शिवाजी गाढवे,शुभम कांबळे,लखन तोंडे,कूणाल कांदे सविताताई मते,छायाताई भोसले प्रज्ञा लोणकर,भारती भोपळे शर्मिला शिंदे,जोती चांदिरे पल्लवी नागपुरे,अनिल माझीरे जगदीश दिघे,अनिल भगत मंदार धुमाळ,पुरुषोत्तम विटेकर, सागर तनपुरे,दिनेश नाथ,महेश शिंदे
ऋषिकेश कुलकर्णी,आदि उपस्थित होते.

Prithviraj Sutar | सार आय टी व सायबर टेक या कंपन्यांना काळ्या यादीत टाका  | पृथ्वीराज सुतार यांचा आंदोलनाचा इशारा 

Categories
Breaking News PMC Political पुणे

सार आय टी व सायबर टेक या कंपन्यांना काळ्या यादीत टाका

: पृथ्वीराज सुतार यांचा आंदोलनाचा इशारा

पुणे | मिळकत करात देण्यात येत असलेली ४०% सवलत बंद करायची की नाही काढायची, केव्हापासुन बंद करायची हा निर्णय अजून प्रलंबित आहे असे असताना या सार आय टी व सायबर टेक कंपनींच्या चुकीच्या कामांमुळे पुणे शहरातील लाखो नागरिकांना चुकीची बिले मिळाली आहेत. त्यामुळे त्यांना नाहक भुर्दड बसला असून, याबाबत पुणेकर नागरिक त्रस्त झाले आहेत. त्यामुळे या कंपन्यांना काळ्या यादीत टाका.  शिवाय प्रशासनाने उर्वरीत बिल या कंपन्यांना देण्याचा प्रयत्न केल्यास शिवसेना पुणेकरांसाठी रस्त्यावर उतरल्याशिवाय राहणार नाही. असा इशारा शिवसेना नेते पृथ्वीराज सुतार यांनी महापालिका प्रशासनाला दिला आहे.

सुतार यांच्या पत्रानुसार पुणेकर नागरिक हे नियमानुसार वेळेत कर भरणारे करदाते आहेत. दरवर्षी साधारण १७०० ते १९०० कोटी पर्यंतचा मिळकत कर पुणेकरांकडून पुणे मनपास प्राप्त होतो मनपाचा उत्पन्नाचा मुख्य स्त्रोत हा मिळकतकर आहे, परंतु या मिळकतधारकांना प्रशासनाकडून मोठया प्रमाणात अन्याय केला जात आहे. पुणेकरांना जी ४०% सवलत सर्वसाधारण करामध्ये दिली जायची ती आता बंद करण्यात आली आहे. ती GSI मॅपींग
करणाऱ्या सार आय टी व सायबर टेक कंपनीच्या चुकीच्या कामांमुळे. या कंपनीनी कसल्याही प्रकारची शहानीशा न करता प्रत्यक्ष जागेवर न जाता पुणेकरांची ४०% सवलत चुकीचा रिपोर्ट देऊन काढली आहे.

४०% सवलत बंद करायची की नाही काढायची, केव्हापासुन बंद करायची हा निर्णय अजून प्रलंबित आहे असे असताना या सार आय टी व सायबर टेक कंपनींच्या चुकीच्या कामांमुळे पुणे शहरातील लाखो नागरिकांना चुकीची बिले मिळाली आहेत. त्यामुळे त्यांना नाहक भुर्दड बसला असून, याबाबत पुणेकर नागरिक त्रस्त झाले आहेत. करदात्या पुणेकरांना सवलत देण्याऐवजी प्रशासन चुकीचे काम करणाऱ्या कंपन्यांना पोसण्याचे काम
करीत आहे. सार आय टी व सायबर टेक या कंपन्यांनी मनपाला चुकीचे रिपोर्ट देऊन, अटी व शर्तीप्रमाणे काम न करता मनपाची आर्थिक फसवणूक केली आहे. तरी सुध्दा मनपाचे काही अधिकारी या कंपनींना त्यांचे
उर्वरीत बिल कसे मिळेल यासाठी प्रयत्न करीत आहेत.

आमची या पत्राद्वारे मागणी आहे की या कंपनीकडून पूर्वी दिलेली बिलाची रक्कम वसूल करावी, त्यांना दंड करावा, त्यांना त्यांची उर्वरीत बाकी राहीलेली रक्कम अदा न करता त्यांना काळ्या यादीत टाकावे. या सर्व चुकीच्या बीलांमुळे पुणेकरांना जो नाहक भुर्दड बसला आहे व जो नाहक त्रास झाला आहे, त्यांचे निवारण करण्यासाठी पुन्हा जागेवर जाऊन प्रशासनाने या बीलांची तपासणी करून ४०% सवलत पुन्हा
पुणेकरांना देऊन त्यांना दिलासा दयावा. जर प्रशासनाने उर्वरीत बिल या कंपन्यांना देण्याचा प्रयत्न केल्यास शिवसेना पुणेकरांसाठी रस्त्यावर उतरल्याशिवाय राहणार नाही. असे सुतार म्हणाले.

Prithviraj Sutar : खाजगी रुग्णालयांत कोरोना रुग्णांसाठी राखीव बेड ठेवण्याचे आदेश द्या  : शिवसेना गटनेता पृथ्वीराज सुतार यांची आयुक्तांकडे मागणी 

Categories
Breaking News PMC Political आरोग्य पुणे

खाजगी रुग्णालयांत कोरोना रुग्णांसाठी राखीव बेड ठेवण्याचे आदेश द्या

: शिवसेना गटनेता पृथ्वीराज सुतार यांची आयुक्तांकडे मागणी

पुणे : महापौर यांनी घेतलेल्या पक्षनेत्यांच्या कोरोना आढावाच्या बैठकीमध्ये प्रशासनाकडून खाजगी रुग्णालयांमध्ये ( Private Hospitals) कोरोना रुग्णांसाठी राखीव बेड ठेवले आहेत, असे सांगितले होते. परंतु प्रत्यक्षामध्ये परिस्थिती वेगळी आहे. याचा अर्थ प्रशासनाने अजूनही या कोविडच्या परिस्थितीला गांभीर्याने घेतलेले दिसत नाहीत. त्यामुळे  त्वरीत सर्व खाजगी रुग्णालयांबाबत कोरोना रुग्णांसाठी राखीव बेड (Reserve Beds) ठेवण्याबाबत आदेश काढावेत. जी रुग्णालये आदेशाचा भंग करतील,त्यांच्यावर कारवाई करावी. अशी मागणी महापालिकेतील शिवसेनेचे गटनेते पृथ्वीराज सुतार यांनी महापालिका आयुक्तांकडे केली आहे. अन्यथा “शिवसेना “( Shivsena) पक्षामार्फत तीव्र आंदोलन करण्यात येईल. असा इशारा ही सुतार यांनी दिला आहे.

: आंदोलन करण्याचा इशारा

सुतार यांच्या पत्रानुसार पुणे शहरामध्ये कोरोनाचे संकट पुन्हा वाढले असून , साधारण रोज सहा हजाराच्या आसपास पॉझिटिव्ह रुग्णांची ( Positive Patients) संख्या पोहोचली आहे. ज्या रुग्णांना उपचारांची गरज आहे असे रुग्ण जेव्हा खाजगी रुग्णालयांमध्ये अॅडमिट होण्यासाठी जातात तेव्हा त्यांना खाजगी रुग्णालयांमध्ये अॅडमिशन मिळत नाही. खाजगी रुग्णालयांकडून त्यांना आम्ही कोरोनासाठी बेडस ठेवले नाहीत असे सांगितले जाते. आपल्या मनपाच्या डॅशबोर्डवरती उपलब्ध बेड्सची संख्या रुग्णालयाचे नाव दाखबिले जाते. त्याप्रमाणे रुग्णांचे नातेवाईक संबंधित रुग्णालयांमध्ये गेल्यावर त्यांना परत पाठविले जाते. यामुळे नातेवाईकांना व रुग्णांना मनस्ताप सहन करावा लागत आहे. महापौर यांनी घेतलेल्या पक्षनेत्यांच्या कोरोना आढावाच्या बैठकीमध्ये प्रशासनाकडून खाजगी रुग्णालयांमध्ये कोरोना रुग्णांसाठी राखीव बेड ठेवले आहेत. असे सांगितले होते. परंतु प्रत्यक्षामध्ये परिस्थिती वेगळी आहे.याचा अर्थ प्रशासनाने अजूनही या कोविडच्या परिस्थितीला गांभीर्याने घेतलेले दिसत नाहीत. आपण त्वरीत सर्व खाजगी रुग्णालयांबाबत कोरोना रुग्णांसाठी राखीव बेड ठेवण्याबाबत आदेश काढावेत. जी रुग्णालये आदेशाचा भंग करतील,त्यांच्यावर कारवाई करावी. अन्यथा “शिवसेना ” पक्षामार्फत तीव्र आंदोलन करण्यात येईल. असा इशारा सुतार यांनी दिला आहे.

—

Prithviraj Sutar : Water Supply Charges: शिवसेनेचा पाणीपट्टी वाढीला विरोध!

Categories
PMC Political पुणे

शिवसेनेचा पाणीपट्टी वाढीस विरोध

: गटनेते पृथ्वीराज सुतार यांची भूमिका

पुणे :  महापालिका प्रशासन पाणीपट्टी वाढीचा प्रस्ताव स्थायी समिती समोर दाखल करणार आहे. या प्रस्तावाला शिवसेनेचा विरोध राहील. अशी भूमिका शिवसेनेचे महापालिकेतील गटनेते पृथ्वीराज सुतार यांनी घेतली आहे. हा प्रस्ताव आणल्यास आंदोलन केले जाईल. असा इशारा देखील सुतार यांनी दिला आहे. तसे एक पत्र सुतार यांनी महापालिका आयुक्त यांना दिले आहे.

: आंदोलन करण्याचा इशारा

सुतार यांच्या पत्रानुसार महापालिका प्रशासन पाणीपट्टी वाढीचा प्रस्ताव स्थायी समिती समोर दाखल करणार आहे, असे समजले. महापालिकेकडून पुणेकरांना अद्यापपर्यंत नियमितपणे पाणीपुरवठा होत नाही. तसेच २४/७ चीयोजना अजूनही पूर्ण झालेली नाही.पाणी पुरवठ्याबाबत पुणेकरांच्या वारंवार तक्रारी येत आहेत आणि आपण पाणीपुरवठा लोकांना नियमित देत नसतानासुद्धा पुणेकरांवर पाणीपट्टीची वाढ आपण लादत आहात. याला शिवसेनेचा पूर्ण विरोध आहे. आपण स्वत:हून हा प्रस्ताव मागे घ्यावा अन्यथा शिवसेना पुणेकरांसह रस्त्यावर उतरून आंदोलन करील, असा इशारा सुतार यांनी दिला आहे.

Prithviraj Sutar : PMC: महानगरपालिकेत अत्यावश्यक सेवेसाठी कायमस्वरूपी M.B.B.S डॉक्टरची व ॲम्बुलन्सची व्यवस्था करा

Categories
PMC Political पुणे

 महानगरपालिकेत अत्यावश्यक सेवेसाठी कायमस्वरूपी M.B.B.S डॉक्टरची व ॲम्बुलन्सची व्यवस्था करा

: शिवसेना गटनेते पृथ्वीराज सुतार यांची मागणी

पुणे : पुणे महानगरपालिका आवारात आरोग्य विषयक कोणती घटना घडल्यास तातडीने आरोग्य विषयक सेवा देणारी व्यवस्था नाही. मागील एक वर्षात नगरसेवक, पालिकेचे कर्मचारी, येणारे नागरिक यांच्याबाबत अशा काही घटना घडल्या आहेत की त्यांना प्रशासन आरोग्य विषयक कोणत्याही तातडीच्या सुविधा पुरवू शकले नाही व हे निश्चितच संतापजनक आहे, त्यामुळे महानगरपालिकेमध्ये तातडीने कायमस्वरूपी M.B.B.S डॉक्टरची व ॲम्बुलन्सची व्यवस्था करण्यात यावी अशी मागणी शिवसेना गटनेते नगरसेवक पृथ्वीराज सुतार यांनी केली आहे. 

 महापालिका आयुक्त विक्रम कुमार यांना देण्यात आलेल्या निवेदनात सुतार यांनी म्हंटले आहे की, महानगरपालिकेमध्ये रोज हजारो नागरिक, लोकप्रतिनिधी येत असतात. हजारोंच्या संख्येने या ठिकाणी कर्मचारी काम करीत आहेत. त्यांना जर आरोग्याशी निगडीत कोणतीही अपत्कालीन मदत लागली तर ती देण्याची व्यवस्था महापालिकेत नाही.

पालिकेत  स्ट्रेचरची व्यवस्था नसल्यामुळे कोणती घटना घडल्यास रुग्ण व्यक्तीला झोळीमध्ये घेऊन जावे लागते. तसेच ॲम्बुलन्स नसल्यामुळे कोणाच्यातरी गाडीची वाट पहावी लागते आणि डॉक्टर कायमस्वरुपी नसल्यामुळे त्यांना डॉक्टर शोधण्यास धावाधाव करावी लागते. यामुळे सदरच्या रुग्णाच्या जीवास धोका निर्माण होऊ शकतो. आरोग्य विषयक तातडीने सेवा देण्याची व्यवस्था महापालिकेत नसणे हे खेदजनक आहे.

तरी आमची शिवसेना पक्षाच्या वतीने मागणी आहे की आपण त्वरीत एक महिला व पुरुष डॉक्टर यांची नेमणूक करावी.त्याचबरोबर एक ॲम्बुलन्स पालिकेच्या आवारात तैनात करावी व एक बेसिक उपचारासाठी OPD ची व्यवस्था करावी. या मागणीची त्वरीत अंमलबजावणी करावी नाहीतर शिवसेनेच्या वतीने आंदोलन करण्यात येईल असा इशारा पृथ्वीराज सुतार यांनी दिला आहे.

Prithviraj Sutar : पोलीस कर्मचाऱ्यांना दिवाळी भेट :  शिवसेना गटनेते पृथ्वीराज सुतार यांचा १५ वर्षा पासूनचा उपक्रम 

Categories
cultural पुणे

पोलीस कर्मचाऱ्यांना दिवाळी भेट

शिवसेना गटनेते पृथ्वीराज सुतार यांचा १५ वर्षा पासूनचा उपक्रम

पुणे : रात्रं-दिवस काम करून जे समाजाला सुरक्षित ठेवतात,कोव्हिड-१९ च्या आपत्कालीन संकटामध्ये आपल्या जीवाची पर्वा न करता सर्व स्तरातील नागरिकांना आधार देण्याचे काम सर्व पोलीस कर्मचारी बंधु-भनिनींनी केले. या कोव्हिड योद्धांच्या प्रति ऋण व्यक्त करण्यासाठी दरवर्षीप्रमाणे दीपावलीच्या निमित्ताने ड्रायफ्रूट बॉक्स चे वाटप पोलीस कर्मचारी बंधु-भनिनींना करण्यात आले. गेल्या पंधरा वर्षांपासून हा उपक्रम सुरू आहे. शिवसेना गटनेते व स्थानिक नगरसेवक पृथ्वीराज शशिकांत सुतार यांच्या वतीने हा उपक्रम सुरु आहे.

: पोलीस कर्मचाऱ्या मध्ये आनंदाचे वातावरण

शिवसेना गटनेते व स्थानिक नगरसेवक पृथ्वीराज शशिकांत सुतार यांच्या वतीने हे वाटप करण्यात आले. हे वाटप कोथरूड पोलीस स्टेशन,अलंकार पोलीस स्टेशन,विशेष शाखा परिमंडळ क्र.(३) पुणे शहर कार्यालय व कोथरूड वाहतुक विभाग पुणे शहर चे पोलीस अधिकारी व पोलीस कर्मचारी यांना करण्यात आले. या प्रसंगी कोथरूड पोलीस स्टेशनचे वरिष्ठ पोलीस निरीक्षक महेंद्र जगताप,कोथरूड पोलीस स्टेशनचे पोलीस निरीक्षक(गुन्हे) बाळासाहेब बडे,अलंकार पोलीस स्टेशनचे वरिष्ठ पोलीस निरीक्षक प्रतिभाताई जोशी,कोथरूड वाहतुक वरिष्ठ पोलीस निरीक्षक जयराम पायगुडे, विशेष शाखा परिमंडळ क्र.(३) पुणे शहर कार्यालय वरिष्ठ पोलीस निरीक्षक संजीवन जगदाळे विशेष शाखा परिमंडळ क्र.(३) पुणे शहर कार्यालय पोलीस उपनिरीक्षक आर.एस.किरवे हे उपस्थित होते. हा कार्यक्रम यशस्वी होण्यासाठी शिवराज सुतार,धर्मराज सुतार,सुधीर वरघडे,हेमंत मोहोळ,सुमित माथवड,संजय डाळिंबकर,शशी नाकते,शरद डहाळे,नचिकेत घुमटकर,सुरज अवधूत,सुंदर खुडे यांनी सहकार्य केले.

Prithviraj Sutar : महापालिका कर्मचाऱ्यांसाठी दिवाली फराळाचे आयोजन  : शिवसेना गटनेता पृथ्वीराज सुतार यांचा उपक्रम 

Categories
cultural PMC पुणे

महापालिका कर्मचाऱ्यांसाठी दिवाली फराळाचे आयोजन

: शिवसेना गटनेता पृथ्वीराज सुतार यांचा उपक्रम

पुणे : दरवर्षी प्रमाणे शिवेसना गटनेते आणि स्थानिक नगरसेवक  पृथ्वीराज शशिकांत सुतार यांच्या वतीने व श्री शिवसाम्राज्य प्रतिष्ठान (ट्रस्ट) यांच्या सहकार्याने  मनपाच्या आरोग्य विभाग,कीटक विभाग, ड्रेनेज, पाणीपुरवठा, विद्युत, अतिक्रमण, उद्यान, भवन, गवनी, श्वानपथक अशा विविध विभागातील अधिकारी व कर्मचारी यांच्यासाठी दिवाळी फराळाचे आयोजन करण्यात आले होते. गेल्या पंधरा वर्षांपासून हा उपक्रम राबवला जात आहे. अशी माहिती गटनेता पृथ्वीराज सुतार यांनी दिली.

सर्व कर्मचारी वर्षभर रात्रं-दिवस जनतेची सेवा करीत असतात.  आपल्या सर्वांना त्यांनी वर्षभर कामासाठी केलेल्या सहकार्याची आठवण म्हणून अशा या कौटुंबिक दिवाळी फराळाचे आयोजन करण्याचा मूळ हेतू असतो. यावर्षी कोरोनाच्या आपत्कालीन संकटामध्ये या सर्व विविध विभागांच्या कोविड योध्यांनी आपले सेवा-कार्य बजावून समाजाला सुरक्षित ठेवण्याचे कर्तव्य पार पाडले, त्यांच्या या सेवेबद्दल कृतज्ञता व्यक्त करण्यासाठी या सर्वांना दिवाळीच्या निमित्ताने फराळ व ड्रायफ्रूट बॉक्सचे वाटप करण्यात आले. या प्रसंगी शिवसेना विभागप्रमुख-भारत सुतार व श्री शिवसाम्राज्य प्रतिष्ठान(ट्रस्ट) चे अध्यक्ष-सुमित माथवड उपस्थित होते.

हा कार्यक्रम यशस्वी होण्यासाठी धर्मराज सुतार, शिवराज सुतार, सुधीर वरघडे, गजानन सातपुते,जितेंद्र खुंटे,अनिल भगत, हेमंत मोहोळ, गणेश घोलप, नचिकेत गुमटकर,आकाश सुतार,आप्पा वाघ, विशाल उभे,महेश चव्हाण,योगेश चौधरी, संजय घारमाळकर, सुयोग बांदल, शरद डहाळे, सागर आगरकर, मनोज आल्हाट, केदार तपस्वी, प्रशांत पाटील, अभिजित चव्हाण, संजय डाळिंबकर, निलेश मिस्त्री, सुरज अवधुत, राकेश क्षत्रिय, सचिन डाळिंबकर,संजय डाळिंबकर,योगेश क्षीरसागर, निलेश मिस्त्री, भूषण माथवड, परेश नारकर, आदित्य भगत, सुंदर खुडे, अशोक चंदनकेरी, शशिकांत नाकते, अरुण घोरवडे, अरुण सरोदे यांनी सहकार्य केले.
या कार्यक्रमाचे प्रास्ताविक अनिल भगत यांनी केले व धर्मराज सुतार यांनी आभार मानले.