Tag: Sunil Shinde
मनपातील कंत्राटी कामगारांनी एस आय सी चे लाभ घ्यावेत
– चंद्रकांत पाटील
पुणे :- राष्ट्रीय मजदूर संघातर्फे पुणे महानगरपालिकेमध्ये काम करणाऱ्या कंत्राटी कामगारांसाठी एक दिवसीय प्रशिक्षण शिबिर आयोजित करण्यात आले होते. या प्रशिक्षण शिबिराचे उद्घाटन (एस आय सी) कामगार राज्य विमा महामंडळ आचे उपायुक्त चंद्रकांत पाटील यांनी केले. या कार्यक्रमात प्रमुख पाहुणे म्हणून एडवोकेट अभय छाजेड हे उपस्थित होते.
यावेळी बोलताना पाटील म्हणाले, पुणे महानगर पालिके मधील सर्व कंत्राटी कर्मचाऱ्यांना एस आय सी हा कायदा लागू होतो. या सर्व कामगारांनी लाभ घेतले पाहिजेत. वैद्यकीय कारणासाठी लहान-मोठे आजार, त्याचप्रमाणे मोठी ऑपरेशन्स यासाठी कर्मचारी व त्यांचे कुटुंबीय यांना लाभ दिले जातात. त्याचप्रमाणे इतरही लाभ कसे व कोणते मिळतात याचे विवेचन त्यांनी यावेळी केले. जर एखादा कंत्राटदार ई एस आय सी चे फायदे कर्मचाऱ्यांना देत नसेल, किंवा जाणीवपूर्वक दुर्लक्ष करत असेल, त्यावर खडक कारवाई करण्यात येईल. त्यामध्ये राष्ट्रीय मजदूर संघाने पुढाकार घ्यावा व अशा कंत्राटदारांची नावे आम्हाला कळवावे असेही सांगितले.
यावेळी राष्ट्रीय मजदूर संघाचे अध्यक्ष कामगार नेते सुनील शिंदे यांनी पुणे महानगरपालिकेतील कंत्राटी कामगारांचे इतरही अनेक प्रश्न कसे सोडवावेत व संघटनेच्या माध्यमातून संघर्ष कसा उभारावा, यासंदर्भात मार्गदर्शन केले या मार्गदर्शन शिबिरात पुणे महानगरपालिकेतील विविध विभागातील कंत्राटी कामगार उपस्थित होते.
पुणे महानगरपालिकेतील सुरक्षारक्षकांची सुरक्षा वाऱ्यावर | सुनील शिंदे
पुणे – पुणे महानगरपालिकेमध्ये क्रिस्टल कंपनी मार्फत कंत्राटी सुरक्षा रक्षकांची नेमणूक करण्यात आली आहे. हे सुरक्षा रक्षक पुणे महापालिकेचा विविध आस्थापनांमध्ये दवाखाने, गार्डन, वेगवेगळ्या इमारती, कार्यालय यांची सुरक्षा ठेवण्याचे काम करीत आहेत. परंतु या सर्व सुरक्षा रक्षकांना कामगार कायदा अंतर्गत कोणतेच लाभ मिळत नाहीत. त्यामुळे मोठे आंदोलन करण्याबाबतचा निर्णय घ्यावा लागेल असा इशारा राष्ट्रीय मजदूर संघाचे अध्यक्ष सुनील शिंदे यांनी दिला आहे.
शिंदे म्हणाले, त्याबाबतची तक्रार अनेकदा पुणे महापालिकेकडे करण्यात आली आहे. परंतु अद्याप पर्यंत त्यावर कोणताही तोडगा निघत नाही. या सर्व कर्मचाऱ्यांना तीन-चार महिने पगार उशिराने होत आहे, त्याच प्रमाणे त्यांच्या पगारात कोणतेही कारण न सांगता कपात केली जाते, पगार स्लिप देण्यात येत नाही, अशा अनेक तक्रारी सातत्याने येत आहेत. बऱ्याचदा कोणतेही कारण न सांगता कामावरून काढून टाकले जाते. या तक्रारीसंदर्भात अनेकदा महापालिकेचे आयुक्त संबंधित अधिकारी यांचेकडे पत्रव्यवहार केला आहे परंतु अद्याप पर्यंत कोणतीही कारवाई होताना दिसत नाही. त्यामुळे हे सर्व सुरक्षा रक्षक हवालदिल झाले असून त्यांमध्ये असंतोषाचे वातावरण पसरले आहे व लवकरच मोठे आंदोलन करण्याबाबतचा निर्णय घ्यावा लागेल असे राष्ट्रीय मजदूर संघाचे अध्यक्ष सुनील शिंदे यांनी सांगितले.
कंत्राटी चालकाला कामावरुन कमी करणार नाही
: महापालिका आयुक्तांचे राष्ट्रीय मजदूर संघाला आश्वासन
कंत्राटदार व अधिकारी यांची बैठक घेऊन मनपा कर्मचाऱ्यांचे प्रश्न सोडवणार
: कामगार नेते सुनील शिंदे यांचे आश्वासन
पुणे : महापालिका कामगारांना किमान वेतन कायद्याप्रमाणे वेतन मिळत नाही. फंड , रजा, बोनस, सुट्ट्या असे कोणते फायदे देण्यात येत नाहीत. या सर्वांना बाबत लवकरच महापालिकेतील पाणी पुरवठ्याचे प्रमुख यांचे कडे संघटना प्रतिनिधी व संबंधित कंत्राटदार व अधिकारी यांची बैठक घेऊन प्रश्न सोडवण्याचे आश्वासन कामगार नेते सुनील शिंदे यांनी यावेळी दिले.
पुणे महानगरपालिकेतील वडगाव जलशुद्धीकरण केंद्रातील कर्मचाऱ्यांनी राष्ट्रीय मजदूर संघामध्ये सभासदत्व स्वीकारले. आज राष्ट्रीय मजदूर संघाच्या नाम फलकाचे अनावरण कामगार नेते व संघटनेचे अध्यक्ष सुनील शिंदे यांच्या हस्ते करण्यात आले. यावेळी संघटनेचे उपाध्यक्ष सीताराम चव्हाण व इतर पदाधिकारी उपस्थित होते. या कामगारांचे चार महिन्यापासून वेतन थकलेले असून कामगार कायदा मध्ये असणाऱ्या कोणत्याच बाबींचे लाभ या कामगारांना मिळत नसल्याचे त्यांनी यावेळी सांगितले. येथील कामगारांना किमान वेतन कायद्याप्रमाणे वेतन मिळत नाही. फंड , रजा, बोनस, सुट्ट्या असे कोणते फायदे देण्यात येत नाहीत. या सर्वांना बाबत लवकरच महापालिकेतील पाणी पुरवठ्याचे प्रमुख यांचे कडे संघटना प्रतिनिधी व संबंधित कंत्राटदार व अधिकारी यांची बैठक घेऊन प्रश्न सोडवण्याचे आश्वासन कामगार नेते सुनील शिंदे यांनी यावेळी बोलताना दिले.
असंघटित कामगार काँग्रेसच्या राष्ट्रीय समन्वयक पदी सुनील शिंदे यांची निवड
पुणे:- काँग्रेस पक्षाच्या असंघटित कामगार व कर्मचारी काँग्रेसच्या राष्ट्रीय समन्वयक पदी कामगार नेते सुनील शिंदे यांची निवड करण्यात आली आहे. काँग्रेस पक्षाच्या राष्ट्रीय अध्यक्षा श्रीमती सोनिया गांधी यांच्या मान्यतेने पक्षाचे राष्ट्रीय सरचिटणीस के. सी. वेणुगोपाल यांनी श्री शिंदे यांची निवड झाल्याचे कळविले आहे.
सुनील शिंदे हे गेली पंचवीस वर्षे संघटित व असंघटित क्षेत्रातील कामगारांना न्याय देण्याचे काम करीत आहेत. त्यांनी या पूर्वी महाराष्ट्र राज्य घरेलू कामगार कल्याण मंडळाचे संचालक म्हणूनही काम केले आहे. सध्या पुणे जिल्हा माथाडी मंडळाचे संचालक म्हणूनही कार्यरत आहेत. कामगार क्षेत्रातील कार्य संदर्भात शिंदे यांना विविध देशांमध्ये कामगार प्रश्नांवर बोलण्यासाठी ही यापूर्वी संधी मिळाली आहे. पुण्यातील कामगार नेत्याला काँग्रेस पक्षातर्फे राष्ट्रीय पातळीवर काम करण्याची संधी दिल्याबद्दल येथील कामगारांनी व विविध संघटनांच्या प्रतिनिधींनी श्रीमती सोनिया गांधी यांचे आभार व्यक्त केले व आनंदही व्यक्त केला आहे. असंघटित कामगारांचे प्रश्न राष्ट्रीय पातळीवर सोडविण्यासाठी व त्यांना न्याय मिळवून देण्यासाठी याचा उपयोग होईल असे शिंदे यांनी सांगितले व ही मोठी संधी दिल्याबद्दल श्रीमती सोनिया गांधी व असंघटित कामगार व कर्मचारी काँग्रेसचे राष्ट्रीय अध्यक्ष डॉक्टर उदित राज यांचेही आभार व्यक्त केले आहेत.
पुणे महानगरपालिकेतील कंत्राटी कामगारांचे जागरण गोंधळ आंदोलन
: कामगार नेते सुनिल शिंदे यांची माहिती
पुणे : महानगरपालिकेच्या कंत्राटी कामगारांच्या(Contract labours) विविध प्रश्नांकडे लक्ष वेधण्यासाठी राष्ट्रीय मजदूर संघ(RMS) या संघटनेच्या वतीने पुणे महानगरपालिकेच्या मुख्य प्रवेशद्वारासमोरआज जागरण गोंधळ आंदोलन करण्यात आले. या आंदोलनात कंत्राटी सुरक्षा रक्षक, स्मशान भूमी कर्मचारी, पाणी पुरवठा, कीटक नाशक, झाडणकाम अशा विविध विभागातील बहुसंख्य कर्मचाऱ्यांनी आंदोलनात भाग घेतला. यावेळी कामगारांनी विविध मागण्यांचे निवेदन मनपा आयुक्तांना(PMC Commissioner) देण्यात आले.
ठेकेदार बदलला तरी कामगारांना कामावरून कमी करु नये, कंत्राटी सेवकांना दिवाळी बोनस, सानुग्रह अनुदान,कोविड भत्ता, मिळावा, पगार वेळेवर मिळावा, सुधारित वेतन फरक आणि इ. एस. आय. सी. आणि पी. एफ. विवरण पत्र मिळाले,, राष्ट्रीय सणांच्या सुट्टी मिळावी अशा विविध मागण्यांचे निवेदन आयुक्तांना देण्यात आले. जागरण गोंधळ आंदोलनाच्या वेळी कामगारांना संबोधित करताना राष्ट्रीय मजदूर संघ या संघटनेचे अध्यक्ष सुनिल शिंदे यांनी कामगारांना आश्वासन दिले की एकाही कामगाराची नोकरी जाणार नाही. याची संघटनेकडून खात्री आहे. मात्र कामगारांनी कोणत्याही आमिषाला बळी न पडता संघटनेशी एकनिष्ठ राहिले पाहिजे.
या आंदोलनाची फलश्रुती म्हणजे आत्ताचे ठेकेदाराने पी.एफ. व ई. एस आय. सी आय. .कपातीचे चलन कॉपी (प्रत) संघटनेकडे सुपुर्द केली. तसेच सर्व सुरक्षा रक्षकांना गणवेश व ई. आय. एस. सी . कार्ड ताबडतोब देण्याचे मान्य केले.त्यामुळे कामगार वर्गात आनंदाचे वातावरण निर्माण झाले. लवकरच मनपा आयुक्तांच्या दालनात संबंधित अधिकारी, ठेकेदार, व संघटनेचे पदाधिकारी यांची बैठक घेण्यात येईल. सर्व प्रश्न मार्गी लावले जातील. ठेकेदारांकडून बऱ्याच गोष्टींची पूर्तता होत आहे.आता मनपा प्रशासनाने ठेकेदारांची बिले अदा केल्यास पुढील पगार वेळेवर केलें जातील असे ठेकेदारांनी मान्य केले आहे.
या आंदोलनाचे प्रास्ताविक संघटना उपाध्यक्ष सीताराम चव्हाण यांनी केले तर समारोप संघटनेचे सरचिटणीस एस. के. पळसे यांनी केले. संघटना पदाधिकारी, सुरक्षा रक्षक, पदाधिकारी, विजय पांडव, स्वप्निल कामठे,सौ. जान्हवी दिघे,बाळू दांडेकर, उज्वल माने, अरविंद आगम, सचिन घोरपडे, रमेश भोसले, विनायक देगावकर, उमेश कोडीतकर, स्मशान भूमी प्रमुख संघटना गोरख कांबळे, पाणी पुरवठा शंकर वाडे , सोमनाथ चव्हाण, योगेश मोरे, किटकनाशक विभाग श्री. पवार इत्यादी पदाधिकारी उपस्थित होते.
त्रासाला सामोरे जावे लागणाऱ्या टेम्पो चालक आणि मालकांना राष्ट्रीय मजदूर संघाचे आवाहन
पुणे : टेम्पो मालक आणि चालक यांच्या सर्व समस्यांवर मार्ग काढण्यासाठी राष्ट्रीय मजदूर संघाच्या अधिपत्याखाली पुणे शहर व जिल्ह्यातील टेम्पो चालक मालक यांची संघटना स्थापन करण्यात आली. ज्या टेम्पो चालक मालक यांना संघटनेत सभासद व्हायचे आहे. त्यांनी काँग्रेस भवन येथील राष्ट्रीय मजदूर संघाच्या कार्यालयात संपर्क साधण्याचे आवाहन कामगार नेते व राष्ट्रीय मजदूर संघाचे अध्यक्ष सुनील शिंदे यांनी केले आहे.
चालक आणि मालकांना नाहक त्रास
पुणे शहर आणि जिल्ह्यातील टेम्पो चालक मालक यांची संघटना कामगार नेते सुनील शिंदे यांच्या नेतृत्वाखाली स्थापन करण्यात आली.
सुरक्षा रक्षकांना कामावरून कमी केल्यास महापौर कार्यालयात उपोषणाला बसणार
: राष्ट्रीय मजदूर संघाचा इशारा
पुणे : पुणे महापालिकेत विविध आस्थापनात ठेकेदारांमार्फत सुरक्षा रक्षक नेमण्यात आले आहेत. हे सुरक्षा रक्षक साधारणतः १० ते १५ वर्षापासून कार्यरत आहेत. या सुरक्षा रक्षकांना कामगार कायद्यानुसार मिळणारे हक्क अधिकार मिळाले नाहीत. याना वेळेवर पगार देखील मिळत नाही. कपडे, बुट, टॉर्च, बेल्ट, काठी यांना नियमित मिळत नाहीत. सध्या सुरक्षा रक्षकांच्या कामासाठी नविन ठेकेदार नेमण्यात आले आहेत. मात्र या ठेकेदाराचं अधिकारी काही सुरक्षा रक्षकांना कामावर येण्यास मज्जाव करत आहेत. या लोकांना कामावरून कमी केल्यास आयुक्त कार्यालयात, महापौर कार्यालयात व महापौर निवास या ठिकाणी हे सर्व सुरक्षा रक्षक आमरण उपोषणास बसतील. असा इशारा राष्ट्रीय मजदूर संघाच्या सुनील शिंदे यांनी दिला आहे.