Tag: Hemant Rasane

Kasba Constituency Civic Issues | कसबा मतदारसंघातील नागरी समस्यांचे निवारण करण्यासाठी महापालिका आयुक्ताकडे मागणी 

Categories
Breaking News PMC Political social पुणे

Kasba Constituency Civic Issues | कसबा मतदारसंघातील नागरी समस्यांचे निवारण करण्यासाठी महापालिका आयुक्ताकडे मागणी

| हेमंत रासने यांच्या अध्यक्षतेखालील शिष्टमंडळाने आयुक्तांची घेतली भेट

 

Kasba Constituency Civic Issues | गेल्या चार महिन्यांपासून कसबा विधानसभा मतदारसंघातील (Kasba Constituency)  विविध प्रभागांमध्ये सुरू केलेल्या भारतीय जनता पार्टीच्या कार्यालयांच्या (BJP Offices) माध्यमातून नागरिकांशी थेट संपर्क साधून त्यांच्या समस्या जाणून घेण्यात आल्या आहेत. यामध्ये पेठ विभागातील अनियमित व कमी दाबाने होणारा पाणीपुरवठा,   जुन्या वाड्यातील ड्रेनेज लाईन, मोठ्या पावसामध्ये नागझरी लगत असणाऱ्या वसाहती मध्ये पावसाळ्यात होणाऱ्या पाणी समस्यांच्या दृष्टीने उपाययोजना करणे,  पेठांमधील धोकादायक वाढलेली झाडे व फांद्यांची छाटणी करणे तसेच सार्वजनिक शौचालयांमध्ये विविध सोयी सुविधा उपलब्ध करणे अशा समस्यांचा समावेश आहे. याचे निवारण करण्याबाबतचे निवेदन पुणे मनपाचे आयुक्त विक्रम कुमार (PMC Commissioner Vikram Kumar)  यांना कसबा विधानसभा निवडणूक प्रमुख हेमंत  रासने (Hemant Rasane) यांच्या वतीने देण्यात आले. यावेळी विविध मान्यवर उपस्थित होते. (Kasba Constituency Civic Issues)

या समस्यांमध्ये महापालिकेच्या विविध विभागातील पुढील तक्रारींचा प्रामुख्याने समावेश आहे.

1.पाणीपुरवठा
कसबा विधानसभा मतदारसंघातील सर्व प्रभागांमध्ये पाणीपुरवठ्याची समस्या गंभीर आहे. अपुरा, कमी दाबाने आणि अनियमित पाणीपुरवठ्यामुळे नागरिक त्रस्त आहेत. या समस्यांची दखल घेऊन परिसरातील पाणीपुरवठा सुरळीत करण्यात यावा. (Pune Municipal Corporation)

2. रस्ते विकास
विविध ठिकाणी सुरू असलेल्या विकासकामांमुळे रस्त्यांची दुरावस्था झालेली आहे. ठिकठिकाणी रस्त्यांची दुरुस्ती, रस्त्यात पडलेले खड्डे बुजविणे, डांबरीकरण करण्याची गरज आहे. (PMC Pune)

3. पार्किंग
कसबा विधानसभा मतदारसंघामध्ये पार्किंगचा प्रश्न नागरिकांना भेडसावत आहे. ठिकठिकाणी पार्किंगचे फलक लावलेले नाहीत. तसेच पार्किंगच्या पट्ट्याही अस्पष्ट आहेत. त्यामुळे नागरिकांना विनाकारण त्रास सहन करावा लागतो.

4. पदपथ
कसबा विधानसभा मतदारसंघातील बहुतांश पदपथांवर अतिक्रमण करण्यात आलेले आहे. तसेच पदपथ नादुरुस्त झालेले आहेत. चौकातील झेब्रा क्रॉसिंगच्या खुणा अस्पष्ट झाल्या आहेत. मतदारसंघातील पदपथ दुरुस्त करण्याची नितांत आवश्यकता आहे. ज्यामुळे पादचाऱ्यांना सुरक्षितपणे चालता येईल.

5. ड्रेनेज लाईन आणि पावसाळी गटारे

मतदारसंघातील विविध प्रभागांमध्ये ड्रेनेज लाईन तुंबलेल्या आहेत .चेंबर खचलेली आहेत. ड्रेनेजच्या झाकणाची दुरुस्ती करणे आवश्यक आहे. तसेच पावसाळी गटार लाईन मधील राडाराडा काढून ते प्रवाही करण्याची गरज आहे.

6. सुलभ शौचालयांची दुरुस्ती
कसबा विधानसभा मतदारसंघातील वस्ती विभाग आणि जुन्या वाड्यांच्या परिसरामध्ये सुलभ शौचालये दुरावस्था झालेली आहे. दरवाजे बदलणे आवश्यक आहे. तसेच सार्वजनिक ठिकाणच्या स्वच्छतागृहांमध्ये नियमितपणे साफसफाई होत नसल्याचे निदर्शनास आले. कृपया तातडीने उपाययोजना कराव्यात.

7. वृक्ष छाटणी
पावसाळा अर्ध्यावर आला तरी देखील मतदारसंघातील धोकादायक पद्धतीने वाढलेल्या वृक्षांची छाटणी करण्यात आलेली नाही. त्यामुळे नागरिकांमध्ये असुरक्षिततेची भावना निर्माण झाली आहे. कृपया तातडीने वृक्षांची छाटणी करावी

8. पथदिवे आणि सीसीटीव्ही यंत्रणा
मतदारसंघात विविध ठिकाणी पथदिवे नादुरुस्त झाले आहेत. तसेच काही ठिकाणी नवीन उभारण्याची गरज आहे. काही ठिकाणी सीसीटीव्ही यंत्रणा कार्यान्वित नाही त्यासाठी उपाय योजना कराव्यात.

विषयांची तातडीने नोंद घेऊन कसबा विधानसभा मतदारसंघातील नागरी समस्या सोडवाव्यात अशी मागणी महापालिका आयुक्तांना यावेळी करण्यात आली. (PMC Pune News)

News Title | Request to the Municipal Commissioner to solve the civil problems in Kasba Constituency

Pune Sanas Ground | सणस मैदानावरील सिंथेटिक ट्रॅक खुला | हेमंत रासने, अर्चना पाटील यांचा पुढाकार

Categories
Breaking News PMC Political पुणे

Pune Sanas Ground | सणस मैदानावरील सिंथेटिक ट्रॅक खुला | हेमंत रासने, अर्चना पाटील यांचा पुढाकार

Pune Sanas Ground |पुणे मनपाच्या (Pune Municipal Corporation) बाबुराव सणस स्पोर्टस ग्राउंड (Baburao Sanas Sports Ground) येथील ॲथलेटिक्ससाठी असणारा सिंथेटिक ट्रॅक स्थायी समितीचे माजी अध्यक्ष हेमंत रासने (Hemant Rasane) यांच्या पुढाकारातून खुला करण्यात आला. (Pune Sanas Ground)

सुरक्षिततेच्या कारणास्तव गेल्या काही दिवसांपासून प्रशासनाने ट्रॅक बंद ठेवला होता. तो बंद असल्याने खेळाडूंची अडचण होत होती. प्रशासनाच्या विरोधात संतप्त पालकांनी आज दुपारी तीन वाजता मोर्चा काढण्याचे ठरविले होते. रासने यांनी पालकांची भेट घेतली. (PMC Pune News)

त्यानंतर रासने यांनी महापालिका आयुक्तांशी (PMC Commissioner) संपर्क साधून प्रशासनाशी चर्चा केली. पालक, खेळाडू आणि प्रशासन यांच्यामध्ये रासने यांनी समन्वय घडवून सिंथेटिक ट्रॅक खुला केला. ऑलिम्पिक, राष्ट्रकुल स्पर्धा अशा आंतरराष्ट्रीय स्पर्धांच्या तयारीसाठी हा ट्रॅक उपयुक्त आहे, आजच्या निर्णयामुळे या खेळाडूंची गैरसोय दूर होणार आहे. (Pune News)

माजी नगरसेवक अजय खेडेकर, अर्चना पाटील, प्रमोद कोंढरे, राजेंद्र काकडे, संजयमामा देशमुख, धनंजय जाधव यांची प्रमुख उपस्थिती होती.

News Title | Pune Sanas Ground | Synthetic track open at Sanas Maidan | Initiative of Hemant Rasane

Ravindra Dhangekar | हा विजय रविंद्र धंगेकरांचा! महाविकास आघाडीने हुरळून जाऊ नये

Categories
Breaking News Political पुणे महाराष्ट्र

हा विजय रविंद्र धंगेकरांचा! महाविकास आघाडीने हुरळून जाऊ नये 

पुणेः भाजपचा बालेकिल्ला असलेल्या कसबा पेठ मतदारसंघामध्ये काँग्रेस उमेदवार रवींद्र धंगेकर यांचा दणदणीत विजय झाला आहे. धंगेकरांना ७२ हजार ५९९ तर भाजप उमेदवार हेमंत रासने यांना ६१ हजार ७७१ मतं मिळाली आहेत. साधारण १० हजार ८०० मतांनी धंगेकर विजयी झाले आहेत.

 
स्थानिक उमेदवार आणि स्थानिक मुद्दे घेऊन कसब्याची निवडणूक झाली. शिवाय रवींद्र धंगेकर यांचं ग्राऊंड लेव्हलवरील काम, त्यांचा साधेपणा; हे मुद्दे काँग्रेसच्या आणि महाविकास आघाडीच्या कामी आले आहेत. काँग्रेसला धंगेकरांच्या माध्यमातून विजयाचा सूर गवसू शकतो. 
दरम्यान या विजयामुळे आपण येत्या स्थानिक स्वराज्य संस्था आणि विधानसभा निवडणुकीत विजय हासील करू शकतो. असे स्वप्नरंजन महाविकास आघाडीचे नेते पाहताहेत. पण असं होण्याची शक्यता कमी आहे. कारण भाजपवर जर लोक नाराज असते तर चिंचवड मध्ये देखील भाजपचा पराभव झाला असता. मात्र असे झाले नाही. कसबा जरी भाजपचा बालेकिल्ला असला तरी मुक्ता टिळक यांच्या घरातील उमेदवार न दिल्याने लोक पहिलेच नाराज होते. शिवाय व्यक्ती म्हणून रविंद्र धंगेकर त्या परिसरात खूप लोकप्रिय आहेत. यामुळे ही जागा महाविकास आघाडीला मिळाली आहे. भाजपने आखलेली रणनीती पाहता धंगेकर यांच्या जागेवर दुसरा उमेदवार असता तर तो टिकू शकला नसता. त्यामुळे भाजपची लोकप्रियता कमी झाली आहे. असे मानण्याचे कारण नाही. मात्र महाविकास आघाडीला आणि भाजपला कळून चुकले असेल कि निवडणूक जिंकायची असेल तर रविंद्र धंगेकर यांच्यासारखे उमेदवार तयार करावे लागतील.

By election | प्रचाराच्या तोफा थंडावल्या | रविवारी मतदान | जनता कुणासोबत महाविकास आघाडी कि महायुती?

Categories
Breaking News Political पुणे महाराष्ट्र

प्रचाराच्या तोफा थंडावल्या | रविवारी मतदान

| जनता कुणासोबत महाविकास आघाडी कि महायुती?

Kasba-Chinchwad ByEelction : कसबा आणि चिंचवड पोटनिवडणुकीचा प्रचार अखेर आज संध्याकाळी ५ वाजता संपला. यानंतर रविवारी, २६ फेब्रुवारी रोजी दोन्ही मतदारसंघात मतदान पार पडेल. या दोन्ही मतदारसंघात जोरदार प्रचार पार पडला. भाजप-शिवसेनेसह महाविकास आघाडीचे सर्व दिग्गज नेत्यांनी इथं प्रचार सभा घेतल्या. त्यामुळं मतदान किती होईल आणि कोण निवडून येईल याची उत्सुकता शिगेला पोहोचली आहे. तसेच जनतेचा कल महाविकास आघाडीकडे आहे कि महायुती कडे याबाबतही तर्क वितर्क लढवले जात आहेत. (Kasba Chinchwad ByEelction Campaign ends vote on Sunday)

दरम्यान, चिंचवडमध्ये भाजप-शिवसेना युतीचे उमेदवार आश्विनी जगताप तर महाविकास आघाडीचे उमेदवार नाना काटे यांच्यासह काही अपक्ष उमेदवार रिंगणात आहेत. तर कसब्यात युतीचे उमेदवार हेमंत रासने आणि मविआचा रविंद्र धंगेकर तसेच आनंद दवे, अभिजीत बिचुकले आणि इतर अपक्ष उमेदवार यांच्यात लढत होणार आहे. पण दोन्ही मतदारसंघात युती आणि आघाडीच्या उमेदवारांचा जोरदार प्रचार पार पडला.

कसबा पोटनिवडणुक | छोट्या पक्षांचा पाठिंबा मिळविण्यावर काँग्रेस, भाजपचा भर

Categories
Breaking News Political पुणे महाराष्ट्र

कसबा पोटनिवडणुक | छोट्या पक्षांचा पाठिंबा मिळविण्यावर काँग्रेस, भाजपचा भर

 कसबा विधानसभेच्या पोटनिवडणुकीत भाजपचे हेमंत रासने यांच्यासमोर कडवे आव्हान उभे करणारे काँग्रेसचे उमेदवार रवींद्र धंगेकर यांना शहरातील विविध संघटना आणि अनेक राजकीय पक्षांच्या स्थानिक घटकांनी पाठिंबा दिला आहे. याचाच सामना करत, भाजपने मुक्ता टिळक यांच्या निधनानंतर रिक्त झालेली कसबा जागा राखण्यासाठी सर्वतोपरी प्रयत्न केले आहेत आणि पक्षाच्या अनेक वरिष्ठ नेत्यांना आणि आघाडीतील भागीदारांना एकत्र केले आहे.
 26 फेब्रुवारी रोजी होणाऱ्या पोटनिवडणुकीसाठी काँग्रेसला राष्ट्रवादी काँग्रेस आणि उद्धव ठाकरे यांच्या नेतृत्वाखालील शिवसेनेचा पूर्ण पाठिंबा असून आघाडीच्या नेत्यांनी निवडणूक प्रचारात भाग घेतला आहे.
 सोशलिस्ट पार्टी ऑफ इंडियानेही धंगेकरांना पाठिंब्याचे पत्र दिले असून, त्यांचे कार्यकर्ते त्यांचा प्रचार करतील.  दीपक निकाळजे गटाच्या नेतृत्वाखालील आरपीआय आणि ऑल इंडिया रिपब्लिकन पक्षानेही धंगेकरांना पूर्ण पाठिंबा देण्याची ग्वाही दिली असून, माकपचे अजित अभ्यंकर यांनी त्यांच्या पाठीशी उभे राहण्याचा निर्णय घेतला आहे.
 समविचारी पक्षांनी एकत्र येण्याची आणि भाजपचा एकजुटीने सामना करण्याची वेळ आली आहे.  कसबा पोटनिवडणूक धर्मनिरपेक्षतेवर विश्वास ठेवणारा उमेदवार निवडून आणण्यासाठी आणि विधानसभेत जनतेचे प्रतिनिधित्व करण्याच्या रणनीतीचा एक भाग आहे,” असे सोशलिस्ट पार्टी ऑफ इंडियाच्या एका नेत्याने सांगितले.
 दुसरीकडे, भाजपला राष्ट्रीय समाज पक्षाचे महादेव जानकर, आरपीआय (ए)चे केंद्रीय मंत्री रामदास आठवले आणि मुख्यमंत्री एकनाथ शिंदे यांच्या नेतृत्वाखाली शिवसेनेच्या नेत्यांनी रासनेना पाठिंबा दिला आहे.  भाजपने शहराचे खासदार गिरीश बापट यांनाही आजारी असताना सभेला संबोधित करण्यासाठी आणले आणि मुक्ता टिळक यांच्या कुटुंबातील सदस्यांना रासने यांच्या प्रचारासाठी राजी केले.  पक्षाचे तिकीट न मिळाल्याने टिळक कुटुंबीयांनी यापूर्वी नाराजी व्यक्त केली होती.
महादेव जानकर म्हणाले, “आम्ही भाजपसोबतच्या युतीसाठी वचनबद्ध आहोत आणि कसब्यात त्यांच्या उमेदवाराला सर्वतोपरी पाठिंबा देऊ.
 अलीकडच्या काळात मनसे अध्यक्ष राज ठाकरे यांची भाजपसोबतची वाढती जवळीकही रासणेंना दिलासा देणारी ठरली आहे.  मनसेने हिंदुत्वाचा अजेंडा आणि विकासावर लक्ष केंद्रित करत भाजपला पाठिंबा दिला आहे.  मात्र, निवडणूक प्रचारात सक्रिय सहभाग घेतलेला नाही.
 योगायोगाने, कॉंग्रेसचे धंगेकर हे मनसेचे माजी नेते आहेत ज्यांनी 2017 मध्ये पक्ष बदलला परंतु त्यांच्या पूर्वीच्या पक्षातील स्थानिक नेते आणि कार्यकर्त्यांशी त्यांचे चांगले संबंध आहेत.
 रासने  यांच्या प्रचारासाठी भाजपने माजी राज्यसभा खासदार संजय काकडे यांच्यासह शहरभरातील पक्षाचे माजी नगरसेवकही घेतले आहेत.  रासने यांच्यासाठी घरोघरी जाऊन प्रचार करण्यावर भर आहे.

Pankaja Munde | आम्ही प्रत्येक निवडणूक चुरशीची समजून लढवत असतो | पंकजा मुंडे

Categories
Uncategorized

आम्ही प्रत्येक निवडणूक चुरशीची समजून लढवत असतो | पंकजा मुंडे

| हेमंत रासने यांच्या पदयात्रेत पंकजा मुंडे यांचा सहभाग

पुणे: भारतीय जनता पक्ष, बाळासाहेबांची शिवसेना, आर.पी.आय. (आठवले गट), शिवसंग्राम, रा.स.प., रयत क्रांती संघटना, पतित पावन संघटना महायुतीचे कसबा विधानसभा मतदारसंघाचे उमेदवार हेमंत रासने यांच्या प्रचारार्थ भाजपाच्या राष्ट्रीय चिटणीस पंकजा मुंडे सहभागी झाल्या होत्या. या पदयात्रेला मतदारांचा  मोठा प्रतिसाद लाभला होता. पालखी चौक येथून सुरू झालेली प्रचार यात्रा वटेश्वर, गाडीखाना, शिवाजी महाराज रस्त्याने आंग्रे वाडा येथे समाप्त झाली.  समारोपप्रसंगी मुंडे पत्रकारांशी बोलत होत्या.
उमेदवार हेमंत रासने, आमदार माधुरी मिसाळ, कसब्याचे अध्यक्ष प्रमोद कोंढरे, स्थानिक नगरसेवक सम्राट थोरात, आरती कोंढरे, अजय खेडेकर l, विजयालक्ष्मी हरिहर, तेजेंद्र कोंढरे यांच्यासह मोठ्या संख्येने कार्यकर्ते सहभागी झाले होते
आम्ही प्रत्येक निवडणूक चुरशीची समजून लढवत असतो. त्यामुळे कार्यकर्ता अलर्ट राहतो कधी कधी मते मिळवण्यासाठी आम्ही प्रयत्न करीत असतो. मी भारतीय जनता पार्टीची कार्यकर्ता नात्याने या ठिकाणी प्रचाराला आली आहे, असे मुंडे म्हणाल्या.
मुंडे पुढे म्हणाल्या ‘कसब्यात प्रचंड प्रतिसाद मिळत आहे कार्यकर्त्यांचा उत्साह दांडगा आहे. त्यामुळे विजय निश्चित आहे. पक्षासाठी पक्षाच्या जन्मापासून आयुष्य वेचलेले खासदार गिरीश बापट हे पक्षाच्या निवडणुकीत सहभाग घेऊन हेमंत रासने आशीर्वाद यांना देण्यासाठी प्रचारात सहभागी झाले होते.

Affidavit Hemant Rasane | हेमंत रासने यांच्याकडे 17 कोटींची संपत्ती  | निवडणूक प्रतिज्ञापत्रात दिली माहिती 

Categories
Breaking News Political पुणे

हेमंत रासने यांच्याकडे 17 कोटींची संपत्ती 

| निवडणूक प्रतिज्ञापत्रात दिली माहिती

पुणे : कसबा पेठ पोटनिवडणुकीसाठी (Kasba peth Byelection) भाजपचे (BJP) उमेदवार हेमंत रासने (Hemant Rasne) यांनी सोमवारी आपला उमेदवारी अर्ज दाखल केला. त्यावेळी त्यांनी सादर केलेल्या प्रतिज्ञा पत्रातून त्यांच्याकडे जवळपास 17 कोटींची संपत्ती असल्याची माहिती दिली आहे. त्यात जमीन विकत घेण्याकडे त्यांचा जास्त कल असल्याचे दिसून आले.

यामध्ये स्थावर जंगम मालमत्ता १२ कोटी ४९ लाख ४५४ रुपये इतकी आहे. तर रोख रक्कम १ लाख ३५ हजार ९०० रुपये इतकी आणि १० तोळे सोने आहे. तसेच त्यांच्या पत्नी मृणाली रासने यांच्या नावाने स्थावर जंगम मालमत्ता ४ कोटी ६२ लाख २६ हजार ८५२ रुपये इतकी आहे. तर रोख रक्कम २२ हजार २०० रुपये इतकी आणि १८ तोळे सोने आहे. त्यांची एकूण संपत्ती तब्ब्ल १७ कोटी इतकी असून त्यांचा जमीन खरेदी करणे याकडे जास्त कल असल्याचे दिसत आहे. त्याचबरोबर त्यांनी आपला मुलगा आणि मुलीच्या नावाने जवळपास एक कोटी रुपयांची संपत्ती असल्याचे जाहीर केले आहे. तसेच त्यांच्या नावावर गुन्हेगारी, फौजदारी स्वरूपाचा एकही गुन्हा दाखल नाही, अशी माहिती त्यांनी निवडणूक प्रतिज्ञापत्रात दिली आहे.

हेमंत रासने यांचे शिक्षण बारावीपर्यंत झाले आहे. ते स्वतः बांधकाम व्यवसायाचे काम करत असून तीन कंपन्यामध्ये भागीदार आहेत. तर त्यांच्या पत्नी या व्यवसाय तसेच शेती करत असल्याचे जाहीर केले आहे. त्यांची विशेष करून कोकणातील रत्नागिरी जिल्ह्यातील दापोली जवळच्या बोरघर, टाळसुरे, तर सिंधुदुर्ग जिल्ह्यातील देवगड जवळील पोंभुर्ले तसेच पुणे जिल्ह्यातील हवेली तालुक्यातील म्हाळुंगे आणि भोर तालुक्यातील गोरड म्हशिवली येथे शेतजमीन आहे. हेमंत रासने आणि त्यांची पत्नी मृणाली रासने अशी दोघांच्या नावे २५ एकरहून अधिक जमीन आहे. त्याचबरोबर पुणे शहरातील सदाशिव पेठ येथे दोन फ्लॅट बुधवार पेठ येथे एक फ्लॅट देखील आहे.

हेमंत रासने यांनी आपले वार्षिक उत्पन्न ५ लाख ७५ हजार ४१० रुपये रुपये तर पत्नी मृणाली ४ लाख ३० हजार ८३० रुपये इतके दाखवले आहे. तसेच हेमंत रासने यांच्याकडे एक इनोव्हा कार आणि एक दुचाकी वाहन आहे.

Kasba By election | Mahayuti | कसब्यात महायुतीचे शक्ती प्रदर्शन

Categories
Breaking News Political पुणे महाराष्ट्र

कसब्यात महायुतीचे शक्ती प्रदर्शन

कसबा विधानसभा पोटनिवडणुकीसाठी भाजप, शिवसेना (बाळासाहेब ठाकरे), रिपब्लिकन पार्टी ऑफ इंडिया (आठवले गट), राष्ट्रीय समाज पक्ष, शिवसंग्राम, रयत क्रांती संघटना आणि पतित पावन संघटना महायुतीचे अधिकृत उमेदवार हेमंत रासने यांनी आज हजारो कार्यकर्त्यांसह शक्ती प्रदर्शन करून उमेदवारी अर्ज दाखल केला.

आज सकाळी भाजपचे प्रदेशाध्यक्ष चंद्रशेखर बावनकुळे, पालकमंत्री चंद्रकांतदादा पाटील, शहराध्यक्ष जगदीश मुळीक, आमदार माधुरी मिसाळ, सिद्धार्थ शिरोळे, प्रदेश सरचिटणीस मुरलीधर मोहोळ, शिवसेना (बाळासाहेब ठाकरे) पक्षाचे शहर प्रमुख नाना भानगिरे, रिपब्लिकन पार्टी ऑफ इंडिया (आठवले गट) शहराध्यक्ष शैलेंद्र चव्हाण, शिवसंग्रामचे अध्यक्ष भारत लगड, शहर भाजप प्रभारी धीरज घाटे, संघटन सरचिटणीस राजेश पांडे, शहर उपाध्यक्षा स्वरदा बापट, डॉ. सिद्धार्थ धेंडे, अजय भोसले, किरण साळी, बाळासाहेब जानराव यांची प्रमुख उपस्थिती होती.

सकाळी ग्रामदैवत कसबा गणपतीची महाआरती करून पदयात्रेला सुरुवात झाली. पदयात्रेत महायुतीचे हजारो कार्यकर्ते, गणपती मंडळ, संस्था-संघटनांचे कार्यकर्ते मोठ्या संख्येने सहभागी झाले होते. त्यानंतर दगडूशेठ हलवाई गणपतीची महाआरती करण्यात आली. त्यापुर्वी रासने यांनी डॉ. बाबासाहेब आंबेडकर आणि लोकमान्य टिळकांच्या पुतळ्याला अभिवादन केले. रासने यांनी निवडणूक निर्णय अधिकारी नेहा कितवे यांच्याकडे उमेदवारी अर्ज दाखल केला.
———-
विक्रमी मताधिक्याने विजयी होऊ! | हेमंत रासने यांचा विश्वास

गेल्या वीस वर्षांत कसबा विधानसभा मतदारसंघात भारतीय जनता पार्टीच्या माध्यमातून केलेली विविध विकासकामे, सेवा कार्याच्या माध्यमातून प्रस्थापित केलेला जनसंपर्क, महायुतीच्या कार्यकर्त्यांची भक्कम संघटनात्मक फळी, गणेशोत्सव मंडळाच्या कार्यकर्त्यांचा पाठींबा आणि कसब्यातील मतदारांचा दृढ विश्वास या बळावर विक्रमी मताधिक्याने ही निवडणूक जिंकू असा विश्वास हेमंत रासने यांनी व्यक्त केला.

रासने म्हणाले, मी भारतीय जनता पार्टी ही जगातील सर्वात मोठी संघटना आहे. गेल्या तीस वर्षांपासून मी पक्षाचा शिस्तबद्ध कार्यकर्ता म्हणून काम करत आहे. आजपर्यंत पक्षाने दिलेली प्रत्येक जबाबदारी मी प्रामाणिकपणे पार पाडली आहे. त्यामुळे पक्षाने माझ्यावर विश्वास दाखवून मला उमेदवारी दिली. भाजप, बाळासाहेबांची शिवसेना, आरपीआय, शिवसंग्राम, रयत क्रांती संघटना, पतित पावन संघटना आणि गणेश मंडळाच्या पूर्ण ताकदीसह ही निवडणूक मोठ्या मताधिक्क्याने जिंकू.

kasbapeth Bypoll | कसबा पेठ पोटनिवडणूक | अखेर ठरलं | रासने विरुद्ध धंगेकर 

Categories
Breaking News PMC Political पुणे संपादकीय

कसबा पेठ पोटनिवडणूक | अखेर ठरलं | रासने विरुद्ध धंगेकर

पुणे | कसबा पेठ पोटनिवडणुकीसाठी अखेर काँग्रेस ने आपला उमेदवार जाहीर केला आहे. रवींद्र धंगेकर यांना उमेदवारी देण्यात आली आहे. त्यानुसार आता पोटनिवडणुकीच्या ही लढाई हेमंत रासने विरुद्ध रवींद्र धंगेकर होईल. मुख्य लढत आता हीच असणार आहे. दोन्ही पक्षासाठी ही लढाई प्रतिष्ठेची आणि अस्तित्वाची असणार आहे.
भाजपकडून हेमंत रासने यांना उमेदवारी जाहीर झाल्यानंतर रासने यांना बराच विरोध सुरु झाला होता. टिळक कुटुंबातील एखादा उमेदवार दिला जाईल, अशी सगळ्यांना अपेक्षा होती. मात्र तसं झालं नाही. त्यामुळे ब्राम्हण समाज नाराज झाल्याची चर्चा आहे. मात्र भाजपचा सर्वे सांगतो कि कसब्यात रासने याना पसंती आहे. त्यामुळे त्यांना उमेदवारी दिली गेली. मात्र त्यामुळे नाराजी पसरली आहे, हे नक्की. असं असलं तरी भाजपने ही लढाई आपली संघटना म्हणून प्रतिष्ठेची केली आहे. भाजपकडून संदेश गेला आहे कि कसब्यात कमळ निवडून आणायचे आहे. त्यानुसार नाराज कार्यकर्त्या सहित सर्वांनी कमळ निवडून आणण्याचा चंग बांधला आहे. किमान आपल्या मोबाईलचे तसे स्टेटस ठेवले आहेत. असं असलं तरीही भाजपचे संघटन मजबूत आहे, हे सर्वच जाणतात. त्यामुळे संघटन म्हणून काम केल्यांनतर भाजपसाठी सोपे काम होणार आहे.
काँग्रेस कडून रवींद्र धंगेकर यांना उमेदवारी दिल्यांनतर तसा फारसा कुणाचा विरोध झाला नाही. बागवे पिता पुत्र नाराज असल्याचे बोलले जात आहे. मात्र ते वेगळ्याच कारणासाठी. धंगेकर यांना उमेदवारी दिली जावी, ही महाविकास आघाडीतील सर्वच छोट्या मोठ्या कार्यकर्त्यांची भावना होती. नेहमीसारखे धक्के न देता काँग्रेसने ही धंगेकर यांना उमेदवारी दिली. या पोटनिवडणुकीत धंगेकर हे एकदम तगडा उमेदवार मानले जातात. गिरीश बापट यांना देखील धंगेकर यांनी टस्सल दिली होती. पूर्वी ते मनसेत होते. ते कुठेही असले तरी लोकांच्या कामासाठी ते नेहमीच धावून जातात, असे म्हटले जाते. जनमानसात त्यांची प्रतिमा ‘आपला माणूस’ अशी आहे. त्याचा फायदा काँग्रेस आणि महाविकास आघाडीला होणार आहे. कसंही असो धंगेकर उमेदवार असल्यामुळे निवडणुकीत रंगत येणार आहे. याबाबत मात्र सगळ्यांचे एकमत आहे.

Analysis | Kasba By-election | भाजपासाठी कसब्याची पोटनिवडणूक सोपी नाही, हे नक्की! 

Categories
Breaking News Political पुणे

भाजपासाठी कसब्याची पोटनिवडणूक सोपी नाही, हे नक्की!

पुणे | कसब्याच्या पोटनिवडणुकीच्या निमित्ताने शहराचे राजकीय वातावरण चांगलेच तापलेले पाहायला मिळते आहे. मात्र भाजपने टिळक परिवार सोडून दुसरा उमेदवार का दिला, याचे कोडे मात्र भाजपच्या लोकांना सुटलेले दिसत नाही. कारण मुक्ता टिळक यांचे पती शैलेश टिळक नाराज आहेत. तसेच मतदार संघातील ब्राम्हण समाजाने देखील नाराजी दाखवली आहे. तसेच वारंवार एकाच माणसाला वेगवेगळ्या पदावर संधी दिली जाते, म्हणूनही अंतर्गत कलह आहे. त्यातच महाविकास आघाडी देखील जोरदार तयारी करत आहे. रवींद्र धंगेकर सारखा तगडा उमेदवार आघाडीने दिला तर भाजप साठी ही निवडणूक त्यांना वाटते तेवढी सोपी नसणार हे नक्की मानले जात आहे.
कसबा पेठ विधानसभा मतदारसंघ हा भाजपचा बालेकिल्ला, पारंपारिक गड मानला जातो. राजकीय धुरंधर मानत होते कि या जागेवर दगड जरी उभा केला तरी भाजपच निवडून येईल. काही काळापूर्वी तशी परिस्थिती होती देखील. मात्र आता पुलाखालून बरेच पाणी वाहून गेले आहे. या मतदारसंघावर खासदार गिरीश बापट यांचे वर्चस्व होते. मात्र आता भाजपनेच तीच परिस्थिती बदलली आहे. त्यामुळे बापट मागे पडले होते. शिवाय बापटांना त्यांची तब्येत देखील आता साथ देत नाही. बापट यांना जनमानसातील नेता म्हणून ओळखले जायचे. बापट लोकांबरोबर वागायचे देखील तसेच. त्यामुळे कसबा पेठ फक्त भाजपचाच राहिला. बापट खासदार झाल्यामुळे मुक्ता टिळक यांना इथे संधी  मिळाली. त्यांनी संधीचं सोनं केलं. मात्र नियतीनं डाव टाकला आणि मुक्ता टिळक यांना हे सुख फार काळ लाभू दिले नाही. मुक्ता टिळक यांच्या निधनाने इथे पोटनिवडणूक घ्यावी लागत आहे.
पोटनिवडणुकीसाठी बऱ्याच इच्छुकांची नावे  चर्चेत होती. यामध्ये टिळक पिता पुत्र म्हणजे शैलेश टिळक आणि कुणाल टिळक, हेमंत रासने, गणेश बिडकर आणि धीरज घाटे यांचा समावेश होता. मात्र पक्षाने हेमंत रासने यांना संधी दिली आहे. त्यामुळे आता नाराजी वाढताना दिसून येत आहे. शैलेश टिळक यांनी फडणवीस यांच्याकडे ही नाराजी बोलून दाखवली आहे. साक्षात गिरीश महाजन याना टिळकांची मनधरणी करण्यासाठी केसरी वाड्यावर यावे लागले. मात्र एवढ्याने टिळकांचे समाधान होणार नाही. तसेच ब्राम्हण समाजाने देखील उघडपणे नाराजी बोलून दाखवली आहे. या मतदारसंघात अपेक्षित होते कि टिळक परिवारातील आणि ब्राम्हण समाजाचाच उमेदवार दिला जाईल. मात्र तसे न झाल्याने लोक नाराज झाले आहेत.
भाजपने कितीही नाकारले तरी भाजपने उद्धव ठाकरे यांच्याबाबतीत जे केलं, तो प्रसंग विसरायला लोक तयार नाहीत. अजूनही त्यांच्याविषयी लोकांमध्ये सहानुभूती आहे. तसेच भाजपविषयी रोष देखील. तसेच भाजपमध्ये अंतर्गत कलह देखील आहे. कारण हेमंत रासने याना महापालिकेत 4 वेळा स्थायी समितीचा अध्यक्ष बनण्याची संधी देण्यात आली होती. त्यानंतर आता आमदारकी साठी देखील त्यांचेच नाव पुढे करण्यात आले आहे. त्यामुळे हा रोष वाढतानाच दिसतो आहे.
दुसरीकडे महाविकास आघाडीने ही निवडणूक खूप गंभीरतेने घेतली आहे. कारण टिळक घराण्यातील जरी उमेदवार दिला असता तरी आघाडी ही निवडणूक बिनविरोध नकरता लढणारच होती. हे भाजपच्या गोटात कळायला उशीर लागला नाही. त्यामुळेच भाजपला देखील तशी तयारी करावी लागत आहे. कसबा मतदार संघात सर्व जाती धर्माचे लोक राहतात, फक्त ब्राम्हण समाज नाही. काँग्रेसच्या रवींद्र धंगेकर यांचा इथल्या लोकांशी चांगला संपर्क आहे. शिवाय महाविकास आघाडीतील सर्वच पक्ष आणि कार्यकर्ते मानतात कि धंगेकर उमेदवार असतील तर आम्ही प्रामाणिकपणे काम करू. असं झालं तर महाविकास आघाडीचं पारडं जड होईल. भाजपासाठी सध्या तरी जमेच्या गोष्टी कमी आहेत. भाजपला काहीतरी चमत्कार करावा लागणार. तसा तो होऊही शकेल. मात्र पोटनिवडणूक सोपी नाही, हे नक्की आहे.