Tag: MLA sunil Tingre

Pune Nagar Road Traffic  | एनएचआयचा दुमजली उड्डाणपूल थेट रामवाडीपर्यंत | नगर रस्त्यावर येरवडा ते वाघोली आता जा सुसाट

Categories
Breaking News PMC Political social पुणे

Pune Nagar Road Traffic  | एनएचआयचा दुमजली उड्डाणपूल थेट रामवाडीपर्यंत | नगर रस्त्यावर येरवडा ते वाघोली आता जा सुसाट

| शास्त्रीनगर चौकात उड्डाणपुल आणि ग्रेड सेपरेटर होणार

| पालकमंत्री अजित पवार अध्यक्षतेखाली झालेल्या बैठकीत निर्णय

Pune Nagar Road Traffic | नगर रस्त्यावरील वाहतूक कोंडी सोडविण्यासाठी सातत्याने पाठपुरावा करणाऱ्या आमदार सुनिल टिंगरे (MLA Suil Tingre ) यांच्या प्रयत्नांना अखेर यश आले आहे. नगर रस्त्यावर एनएचआयच्या (NHAI) माध्यमातून होणारा दुमजली उड्डाणपूल (Double Decker Flyover) आता वाघोलीऐवजी थेट रामवाडीपर्यंत करण्याचा आणि त्यापुढे शास्त्रीनगर चौकात महापालिकेच्या (Pune Municipal Corporation) माध्यमातून उड्डाणपूल आणि ग्रेड सेपरेटर करण्याचा निर्णय पालकमंत्री अजित पवार (Ajit Pawar) यांच्या अध्यक्षतेखाली झालेल्या बैठकीत घेण्यात आला. (Pune News)

नागपुर हिवाळी अधिवेशनात पुण्यातील वाहतूक कोंडीच्या प्रश्नावरील लक्षवेधीत वडगाव शेरीचे आमदार सुनिल टिंगरे यांनी नगर रस्ता सिग्नल फ्री करण्यासाठी बैठक घेण्याची मागणी केली होती. मंत्री उदय सामंत यांनी सभागृहात ही बैठक घेण्याचे आश्वासन दिले होते. त्यानुसार शनिवार पालकमंत्री अजित पवार यांच्या अध्यक्षतेखाली बैठक झाली. या बैठकीला उद्योगमंत्री उदय सामंत, आमदार सुनिल टिंगरे, आयुक्त विक्रम कुमार, पुणे जिल्हाधिकारी डॉ राजेश देशमुख, अतिरिक्त आयुक्त विकास ढाकणे, एनएचआयचे वरिष्ठ अधिकारी अभिजित आवटे, वाहतूक पोलिस सहआयुक्त श्री संखे उपस्थित होते. या बैठकीत नगर रस्त्यावरील वाहतुक कोंडी फोडण्यासाठी एनएच आयच्या माध्यमातून शिरूर ते वाघोलीपर्यंत जो दुमजली उड्डाणपुल प्रस्तावित आहे. तो थेट विमाननगर- रामवाडीपर्यंत करण्याचा निर्णय घेण्यात आला. त्यानुसार सविस्तर प्रकल्प आराखडा तयार करण्यात आलाय अशा सूचना एनएच आयला करण्यात आले. तसेच शास्त्रीनगर चौकातील कोंडी सोडविण्यासाठी याठिकाणी महापालिकेच्या माध्यमातून उड्डाणपूल आणि भुयारी मार्ग ( ग्रेड सेपरेटर) उभारण्यात येणार असून त्यासंबंधीची निविदा प्रक्रिया तातडीने राबविण्यात यावी असे आदेश पालकमंत्री पवार यांनी महापालिका आयुक्तांना दिले.

यावेळी रखडलेल्या शिवणे- खराडी रस्ताबाबतही चर्चा झाली. हा रस्ता तातडीने मार्गी लावण्यासाठी तातडीने भूसंपादनाची कार्यवाही पूर्ण करावी आणि या रस्त्याचे काम मार्गी लावावे अशी सुचना पवार यांनी महापालिकेच्या अधिकाऱ्याना दिल्या. तसेच वडगाव शेरी विधान सभा मतदार संघातील धानोरी, संतनगर, फाईव्ह नाईन चौक ते धानोरी, विश्रांतवाडी येथील पर्यायी रस्ते मार्गी लावण्यासाठी अतिरिक्त आयुक्तांनी जागेवर जाऊन पाहणी करावी आणि त्यासंदर्भात कार्यवाही करावी अशा सूचनाही पवार यांनी बैठकीत केल्या.
————————————————
मेट्रो मार्गिका विमानतळापर्यंत करा – पवारांच्या सूचना

नगर रस्त्यावर रामवाडीपर्यंत असलेला मेट्रो मार्ग थेट पुणे विमानतळापर्यंत जोडा असे आदेश पालकमंत्री पवार यांनी मेट्रोच्या अधिकाऱ्याना दिले. याबाबत तातडीने कार्यवाही करावी असेही त्यांनी सांगितले.
————————————

Nagar Road Pune | MLA Sunil Tingre | नगर रस्ता सिग्नल फ्री करण्यासाठी मंत्री उदय सामंत यांनी शनिवारी बोलविली बैठक|  आमदार सुनिल टिंगरे यांच्या मागणीवर कार्यवाही

Categories
Breaking News PMC Political social पुणे

Nagar Road Pune | MLA Sunil Tingre | नगर रस्ता सिग्नल फ्री करण्यासाठी मंत्री उदय सामंत यांनी शनिवारी बोलविली बैठक|  आमदार सुनिल टिंगरे यांच्या मागणीवर कार्यवाही

Nagar Road Pune | MLA Sunil Tingre |नगर रस्त्यावरील (Nagar Road Pune) येरवडा ते वाघोली भागातील वाहतूक कोंडीचा प्रश्न सोडवून नगर रस्ता सिग्नल फ्री करण्यासाठी मंत्री उदय सामंत (Minister Uday Samant) येत्या शनिवारी ( दि. २३) बैठक बोलविण्यात आली आहे. पुण्यातील वाहतूक कोंडीच्या (Traffic congestion in Pune) लक्षवेधीवर वडगाव शेरीचे आमदार सुनील टिंगरे (Vadgaosheri MLA Sunil Tingre) यांनी केलेल्या मागणीवर ही बैठक लावण्यात आली आहे. (Nagar Road Pune | MLA Sunil Tingre)

पुण्यातील वाहतूक कोंडीच्या प्रश्नावर आमदार टिंगरे म्हणाले, महापालिकेत समाविष्ट गावात ३०० किमीचे रस्ते असून त्यामधील फक्त १४० किमीचे रस्ते आत्तापर्यंत विकसित झाले आहेत. उर्वरित रस्त्यांची अवस्था चालता येणार नाही अशी आहे. पर्यायी रस्ते विकसित करण्यासाठी महापालिकेकडून काहीच कार्यवाही होत नाही. सार्वाधिक वाहतूक कोंडी असलेल्या नगर रस्त्याला पर्यायी असलेला शिवणे ते खराडी हा रस्ता १९९७ पासून कागदावरच आहे. लोहगावमधील संतनगरमध्ये सातत्याने वाहतूक कोंडी होते.

विश्रांतवाडी चौक येथे उड्डांणपुलाचे काम लवकरच सुरू होणार आहे. येथेही वाहतूक कोंडी होणार असल्याने पर्यायी रस्त्यांची आवश्यकता आहे. तोही विकसित झालेला नाही. लोहगाव – धानोरी परिसरात जाण्यासाठी फाईव्ह नाईन चौकातून धानोरीला जाण्यासाठी कलम २०५ अंतर्गत रस्ता आखण्यात आला आहे. त्याचेही भूसंपादन झालेले नाही. धानोरी गावात मारुती मंदिर परिसरात वाहतूक कोंडीचा प्रश्न असून याठिकाणी माझ्या मालकीची जागा असताना अद्यापपर्यंत भूसंपादनासाठी महापालिकेने मलाही नोटीस बजावली नसल्याचे आमदार टिंगरे यांनी सांगितले.

ही वाहतूक कोंडी सोडविण्यासाठी आणि जुन्या पुणे मुंबई रस्त्यावरील दापोडी ते निगडी प्रमाणे नगर रस्ता सिग्नल फ्री करण्यासाठी विशेष बैठक लावण्यात यावी अशी मागणीही आमदार टिंगरे यांनी केली. त्यावर मंत्री उदय सामंत यांनी ही बैठक बोलविण्याचे आश्वासन दिले. त्यानुसार येत्या शनिवारी ही बैठक बोलविण्यात आली असल्याचे आमदार टिंगरे यांनी सांगितले.
————————————-
महापालिका फक्त बिल्डरांचे रस्ते करते – टिंगरे यांचा आरोप

महापालिकेने पीपीपीच्या माध्यमातून ५०० कोटींच्या रकमेतून १६० किमीचे सिमेंट काँक्रीटचे रस्ते विकसित करत आहे. मात्र हे सर्व रस्ते बिल्डरांसाठीचे आहेत. गोर गरीबांच्या वस्त्या असलेल्या ठिकाणाचे रस्ते महापालिका करत नाही. रस्त्यावरील खड्डे बुजविण्यासाठी अंदाजपत्रकात असलेली तरतूद सुद्धा खर्च केलेली नाही. त्यामुळे निधी असतानाही खड्डे न बुजविणाऱ्या अधिकाऱ्यांवर कारवाई करण्यात यावी अशी मागणही आमदार टिंगरे यांनी केली.

MLA Sunil Tingre | वाड्यांबाबत अभिप्राय देणाऱ्यांना निलंबित करा | आमदार टिंगरे यांची चौकशीची मागणी

Categories
Breaking News PMC Political social पुणे

MLA Sunil Tingre | वाड्यांबाबत अभिप्राय देणाऱ्यांना निलंबित करा | आमदार टिंगरे यांची चौकशीची मागणी

 

MLA Sunil Tingre | नागपूर : ‘पुणे शहराच्या मध्यभागात झोपडपट्टी पुनर्वसनाच्या (SRA) नावाखाली’ जुन्या वाड्यांचा (Old Wadas) पुनर्विकास करण्याचा घाट घालून कोट्यवधी रुपयांचे हस्तांतरणीय विकास हक्क (TDR) लाटण्याचा प्रयत्न झाला आहे. वाड्यांना झोपडपट्टीसदृश असल्याचे अभिप्राय देणाऱ्या महापालिका अधिकाऱ्यांची चौकशी करून त्यांचे निलंबन करावे,’ अशी मागणी आमदार सुनील टिंगरे (MLA Sunil Tingre) यांनी विधानसभेत केली. (Pune Municipal Corporation)

पुणे झोपडपट्टी पुनर्वसन प्राधिकरणाकडून (एसआरए) घोषित केलेल्या झोपडपट्ट्यांनाच झोपडपट्टी पुनर्विकासाच्या सवलती देण्यात येतात. असे असतानाही वाड्यांनाच झोपडपट्टी दाखवून पुनर्विकासाचे फायदे लाटण्यात येत असल्याचा प्रकार महापालिकेत उघडकीस आला आहे. या प्रकरणात आमदार टिंगरे यांनी औचित्याच्या मुद्दयाद्वारे सभागृहाचे लक्ष वेधले आणि संबंधितांवर कारवाई करण्याची मागणी केली.

आमदार टिंगरे म्हणाले, ‘पुणे महापालिकेत टीडीआर घोटाळा समोर आला आहे. विकासकाकडून महापालिका आणि ‘एसआरए’च्या अधिकाऱ्यांशी संगनमत जुन्या वाड्यांना झोपडपट्टीसदृश दाखविण्यात येत आहे. या वाड्यांमध्ये राहणाऱ्या भाडेकरूंना झोपडपट्टीधारक दर्शवण्यात येत आहे. या वाड्यांच्या पुनर्विकासासाठी ‘एसआरए’च्या नियमावलीनुसार ‘टीडीआर’ निर्माण करण्यात येत असून, पुणे शहरात अशा प्रकारे ७० झोपडपट्टीसदृश वाडे विकसित करण्याचा प्रयत्न झाला आहे. महापालिका अधिकाऱ्यांकडून देण्यात आलेल्या अभिप्रायामुळे हा ‘टीडीआर’ निर्माण झाला आहे. निर्माण झालेला ‘टीडीआर’, त्याची झालेली विक्री ही एक प्रकारची फसवणूक आहे. या प्रकरणात त्वरित कारवाई करून असे अभिप्राय देणाऱ्या अधिकाऱ्यांना निलंबित करावे.’

PMC Illegal Construction | पुणे महापालिकेच्या अनधिकृत बांधकामावरील कारवाईच्या रॅकेटची चौकशी करणार | मंत्री उदय सामंत यांचे विधी मंडळात आदेश

Categories
Breaking News PMC Political पुणे

PMC Illegal Construction | पुणे महापालिकेच्या अनधिकृत बांधकामावरील कारवाईच्या रॅकेटची चौकशी करणार

| मंत्री उदय सामंत यांचे विधी मंडळात आदेश

PMC Illegal Construction | महापालिकेत समाविष्ट झालेल्या ३४ गावांमधील (PMC Including 34 Villages) छोट्या प्लॉटवर बांधकाम करण्यासाठी कोणतीही नियमावली नाही. त्यामुळे गोर गरिबांना नाईलाजास्तव अनधिकृत बांधकामे करावी लागते. अशी बांधकामे पूर्ण झाल्यावर महापालिका त्यावर कारवाई करते. मात्र, अनधिकृत बांधकामाची तक्रार करणाऱ्याशी आर्थिक देवाणघेवाण केल्यानंतर कारवाई होत नसल्याचे सांगत वडगाव शेरीचे आमदार सुनिल टिंगरे (MLA Sunil Tingre) यांनी पुणे महापालिकेच्या (Pune Municipal Corporation) अनधिकृत कारवाईच्या रॅकेटचा विधीमंडळात पर्दाफाश केला. त्यावर मंत्री उदय सामंत (Minister Uday Samant) यांनी या प्रकरणाची चौकशी केली जाईल छोट्या प्लॉटवरील आणि अग्रिकल्चर झोनमधील बांधकामे नियमित करण्याबाबत योग्य ती कार्यवाही केली जाईल असे सांगितले. (MLA Sunil Tingre)

राष्ट्रवादी काँग्रेसचे वडगाव शेरी विधानसभा मतदार संघाचे आमदार सुनिल टिंगरे यांनी लक्षवेधीच्या माध्यमांतून समाविष्ट ३४ गावांमधील छोट्या प्लॉटवरील अनधिकृत बांधकामे नियमीत करण्यासंदर्भात आणि त्यावर महापालिकेकडून होणारी करावाई याकडे सरकारचे लक्ष वेधले. यावेळी आमदार टिंगरे म्हणाले, पंतप्रधान नरेंद्र मोदी यांनी देशातील प्रत्येकाला हक्काचे घर देण्यासाठी पंतप्रधान आवास योजना राबविली आहे. याउलट पुणे महापालिकेत समाविष्ट झालेल्या ३४ गावांमधील गोर गरिबांच्या घरे पाडण्याचे काम महापालिका करीत आहे. शहरात कामानिमित्त आलेल्या आणि प्रामुख्याने झोपडपट्टीत आणि भाड्याच्या घरात राहणाऱ्या नागरिकांनी पालिकेत येण्यापूर्वीच समाविष्ट गावांमध्ये एक – दोन गुंठ्यांचे छोटे प्लॉट घेतले. आता ही गावे पालिकेत आली आहेत. मात्र, अशा छोट्या प्लॉटवर बांधकामे करण्यास परवानगी मिळत नाही, त्यामुळे नाईलाजास्त या गोर-गरिबांना अनधिकृत बांधकामे करावी लागतात. मात्र, अशी बांधकामे पूर्णत्वास आल्यावर महापालिका त्यांना कारवाईची नोटीस बजावते. अशा वेळी कारवाई रोखायची असेल तर संबंधित तक्रारदार यांना भेटण्यास सांगितले जाते. तक्क्रारदार लाखो रुपयांची मागणी करतो. लोक त्यांची मागणी पूर्ण करतात, त्यांची कारवाई थांबते. मात्र, जी गोर- गरीब पैसे देऊ शकत नाही. त्यांच्या बांधाकांमावर कारवाई होते. आयुष्याची सर्व पुंजी लावून बांधलेली पडल्यानंतर हे लोक रस्त्यावर येतात. त्यामुळे अशा कारवाया थांबविण्यात याव्यात आणि छोट्या व अग्रीकल्चर प्लॉटवरील बाधकामे नियमीत करण्यासाठी नियमावली करावी अशी मागणी आमदार टिंगरे यांनी केली. तसेच सरकारने यापूर्वी अनधिकृत बांधकामे नियमित करण्यासाठी आणलेल्या योजनेतून लाखो बांधकामांतून केवळ १०४ बांधकामे नियमित करण्यासाठी अर्ज आले असून त्यासाठी लाखो रुपयांची कपाऊंड शुल्क द्यावे लागत असल्याचे त्यांनी निदर्शनास आणले.

आमदार टिंगरे यांच्या लक्षवेधीवर उत्तर देताना मंत्री सामंत यांनी अनधिकृत बांधकामे करणे हा गुन्हा आहे. मात्र, अशी बांधकामे सुरू होतात. तेव्हा लगेचच त्यांच्यावर कारवाई झाली पाहिजे, मात्र, बांधकामे पूर्णत्वास आल्यानंतर कारवाई होत असेल आणि त्यात ठराविक बांधकामावर कारवाईची पुणे चौकशी केली जाईल असे सभागृहात सांगितले.
——————

Nagar Road BRTS | नगर रस्ता सिग्नल फ्री करणार |आमदार सुनिल टिंगरे

Categories
Breaking News PMC Political social पुणे

Nagar Road BRTS | नगर रस्ता सिग्नल फ्री करणार |आमदार सुनिल टिंगरे

 

Nagar Road BRTS | नगर रोडवरील बीआरटी काढण्याबाबत आमदार सुनील टिंगरे (MLA Sunil Tingre) यांनी महापालिकेचे (PMC Pune) स्वागत केले आहे. टिंगरे म्हणाले,  नगर रस्त्यावर वाहतूक कोंडी सोडविण्यासाठी आणि अपघात रोखण्यासाठी बीआरटी काढावी यासाठी गेली चार वर्ष मी पाठपुरावा करत होतो. विधी मंडळात हा प्रश्न मांडला आणि सरकारचे लक्ष वेधले. उपमुख्यमंत्री अजितदादा पवार यांनीही स्वतः नगर रस्त्यांची पाहणी करुन बीआरटी काढण्याची सुचना केली होती. अखेर गोखले सस्थेने केलेल्या सर्व्हेंशनात आमच्या बीआरटी हटविण्याच्या भूमिकेवर शिक्कामोर्तब केला. येरवडा ते विमाननगर रस्त्यावरील बीआरटी मार्ग महापालिकेने बुधवारी रात्री काढला. त्यासाठी उपमुखमंत्री अजितदादा पवार आणि पुणे महापालिका यांचे आभार व्यक्त करतो. केवळ विमाननगर पर्यंतच नाही तर संपूर्ण मार्गावरील बीआरटी काढावी अशी आमची मागणी आहे. त्यासाठी पाठपुरावा कायम सुरू राहील. नगर रस्ता सिग्नल फ्री करणे आज आगामी काळातील आमचा अजेंडा असणार आहे. असे  ही टिंगरे म्हणाले.

MLA Sunil Tingre | सिध्दार्थनगर वासियांचा 14 वर्षांचा वनवास अखेर संपला |आमदार सुनिल टिंगरे यांच्या प्रयत्नांना यश

Categories
Breaking News Political social पुणे

MLA Sunil Tingre | सिध्दार्थनगर वासियांचा 14 वर्षांचा वनवास अखेर संपला |आमदार सुनिल टिंगरे यांच्या प्रयत्नांना यश

| हक्काचे घर देण्याचे शासनाचे आदेश

MLA Sunil Tingre | राष्ट्रकुल युवा स्पर्धेसाठी वडगाव शेरी मतदार संघातील सिध्दार्थनगर (विमाननगर) येथील व्हीआयपी रस्ता रुंदीकरणामुळे विस्थापित झोपडपट्टीधारकांना निशुल्क स्वरुपात घरे देण्याचे आदेश ग़ृहनिर्माण विभागाने झोपडपट्टी पुर्नवसन प्राधिकरणाला दिले आहेत. त्यामुळे सिध्दार्थनगर वासियांचा 14 वर्षांचा वनवास अखेर संपला आहे.
वडगाव शेरीचे राष्ट्रवादी काँग्रेसचे आमदार सुनिल टिंगरे यांनी यासंबधीची माहिती दिली. (Pune News)

 

पुण्यात 2009 मध्ये झालेल्या राष्ट्रकुल युवा स्पर्धेसाठी सिध्दार्थनगर (विमाननगर) येथुन जाणार्‍या व्हीआयपी रस्त्याचे रुंदीकरण महापालिकेने केले होते. त्यासाठी अनेक झोपड्या काढाव्या लागल्या होत्या. संबंधित बाधितांना घरे देऊन त्यांचे पुर्नावसन करण्याचे आश्वासन महापालिकेने दिले होते. मात्र, आत्तापर्यंत त्यांना हक्काची घरे मिळू शकली नव्हती. यासंदर्भात आमदार सुनिल टिंगरे यांनी विधी मंडळ अधिवेशनात संबधीचा प्रश्न उपस्थित करून सरकारचे लक्ष वेधले होते. तसेच उपमुख्यमंत्री अजित पवार यांच्याकडे तसेच महापालिका आणि एसआरएकडे सातत्याने पाठपुरावा केला होता. आमदार टिंगरे यांच्या या प्रयत्नांना अखेर यश आले असून गृहनिर्माण विभागाने या रस्ता बाधित झोपडपट्टीधारकांना त्यांच्या पसंतीची 169 उपलब्ध करून द्यावीत असे आदेश एसआरएचे मुख्य कार्यकारी अधिकारी निलेश गटने यांना दिले आहेत. त्यासाठी पुणे महापालिकेने त्यांच्या ताब्यातील विमाननगर येथील घरे उपलब्ध करून द्यावीत असेही या आदेशात म्हटले आहे. त्यामुळे आता सिध्दार्थनगर वासियांना हक्काचे घर मिळणार आहे.
———————————–

एक लोकप्रतिनिधी म्हणून जनतेच्या विश्वासाला तडा जाऊ न देता मी कायम जनसामान्यांच्या प्रश्नांना प्राधान्य देऊन ते सोडविण्यासाठी प्रयत्नशील राहिलो. सिध्दार्थनगर मधील रहिवाशांना घर मिळाल्याचे आदेश आल्यानंतर त्यांच्या चेहर्‍यावरील आनंद पाहून आपण केलेल्या प्रयत्नांचे फळ मिळाल्याचे समाधान वाटले. उपमुख्यमंत्री अजित पवार यांचे यासाठी मोलाची मदत झाली.

सुनिल टिंगरे, आमदार, वडगाव शेरी.

MLA Sunil Tingre | म्हाडा वसाहतींच्या पुनर्विकासासाठी राबविण्यात येणाऱ्या अभय योजनेमुळे सदनिकाधारकांची होणार आर्थिक भुर्दंडापासून मुक्तता

Categories
Breaking News Political social पुणे महाराष्ट्र

MLA Sunil Tingre | म्हाडा वसाहतींच्या पुनर्विकासासाठी राबविण्यात येणाऱ्या अभय योजनेमुळे सदनिकाधारकांची होणार आर्थिक भुर्दंडापासून मुक्तता

| वडगाव शेरी मतदार संघाचे आमदार सुनील टिंगरे यांनी विधिमंडळात केलेल्या मागणीला यश

MLA Sunil Tingre |  म्हाडा वसाहतींच्या (MHADA Building) पुनर्विकास करताना सदनिका घेतली त्या वेळच्या रेडीरेकनर (Ready Reckoner) नुसार स्टॅम्प ड्युटी (Stamp Duty) आकारावी अशी प्रमुख मागणी आमदार सुनील टिंगरे (MLA Sunil Tingre) यांनी वारंवार निवेदने व विधिमंडळात प्रश्न उपस्थित करून केली होती.
अनेक वर्षापासून म्हाडाच्या वसाहती पुनर्विकासाच्या प्रतीक्षेत होत्या, ह्यातील मूळ समस्या ही आकारण्यात येणारा दंड व नव्या रेडीरेकनर नुसार भरावी लागणारी स्टॅम्प डुटी ह्या होत्या.यामुळे होणाऱ्या आर्थिक भुर्दंडामुळे सदनिका धारक त्रस्त होते.
परंतु मंत्रिमंडळ बैठकीमध्ये हा प्रमुख प्रश्न निकाली निघाला असून म्हाडा वसाहती पुनर्विकास करताना सदनिका खरेदी केल्याचा वेळी असणारा रेडीरेकनर दरानुसार स्टॅम्प ड्युटी आकारण्यात येणार असून भरावा लागणाऱ्या दंडापासून नागरिकांची मुक्तता होणार आहे.
राज्य सरकारने घेतलेल्या ह्या महत्वपूर्ण निर्णयाबद्दल सरकारचे आभार. असे आमदार टिंगरे यांनी म्हटले आहे.

Wadgaon sheri Constituency | उपमुख्यमंत्री अजित पवार यांच्याकडून वडगावशेरी मतदारसंघातील विकास कामांची पाहणी

Categories
Breaking News PMC Political social पुणे

Wadgaon sheri Constituency | उपमुख्यमंत्री अजित पवार यांच्याकडून वडगावशेरी मतदारसंघातील विकास कामांची पाहणी

पुणे शहराच्या वैभवात भर घालणारे काम करा | अजित पवार

 

Wadgaon sheri Constituency |पुणे शहरात सुरू असलेल्या विविध विकासकामांमध्ये पारंपरिक आणि आधुनिकतेचा संगम साधत शहराच्या वैभवात भर घालणारे काम करा, असे निर्देश उपमुख्यमंत्री तथा जिल्ह्याचे पालकमंत्री अजित पवार (Ajit Pawar) यांनी शहरातील विविध विकासकामांच्या पाहणी दौऱ्याचेवेळी दिले.

विकास कामांची पाहणी करतांना उपमुख्यमंत्री श्री. पवार यांनी संबंधित अधिकाऱ्यांकडून कामाबाबत माहिती घेतली. सार्वजनिक विकासकामे करतांना ती गुणवत्तापूर्ण, दर्जेदार, टिकाऊ आणि वेळेत पूर्ण होईल, याकडे लक्ष द्यावे. विकास कामांसाठी निधीची कमतरता भासू देणार नाही. कामांमुळे बाधित होणाऱ्या नागरिकांना आवश्यक ते सहकार्य केले जाईल. विकासकामांसाठी नागरिकांनी सहकार्य करावे, असे आवाहन श्री. पवार यांनी केले.


मुळा-मुठा नदी पुनरुज्जीवन प्रकल्पाअंतर्गत (Mula Mutha River Rijuvenation Project) बंड गार्डन परिसरात नदीचे कामे करताना भविष्यातील पूरपरिस्थितीचा विचार करावा. अशी परिस्थिती उद्भवल्यास पाण्याचा प्रवाह अधिकाधिक वेगाने झाला पाहिजे. पायऱ्यावरील दगडात अंतर राहणार नाही, याकडे लक्ष द्यावे. या परिसरात विविध जातीची झाडे लावावी. नागरिकांच्या माहितीसाठी त्यांची नावे इंग्रजीसह मराठीत लिहावीत. ज्येष्ठ नागरिकांना सुलभ सुविधा उपलब्ध करुन देण्यावर भर देण्यात यावा. लहान मुलांच्या सुरक्षिततेच्यादृष्टीने विचार करण्यात करण्यात यावा, अशा सूचना श्री. पवार यांनी दिल्या.

खराडी येथील ऑक्सिजन पार्कची पाहणी केल्यानंतर श्री. पवार म्हणाले, अधिकाधिक ऑक्सिजन देणाऱ्या वृक्षांची लागवड करा. विविधरंगी गवताची लागवड करावी. प्रेक्षक गॅलरीत सुटसुटीत बैठक व्यवस्था करावी. येथील नागरिकांच्या मागणीचा विचार करता परिसरात योगासनांसाठी जागा निश्चित करुन त्याठिकाणी लवकरात लवकर छत्र आणि सुलभ शौचालयाची व्यवस्था करा. आरोग्याच्यादृष्टीने पदपथावर पेव्हर ब्लॉक ऐवजी मातीचा वापर करण्याबाबत विचार करावा, अशा सूचना श्री. पवार यांनी दिल्या.

 

राष्ट्रीय नदी संवर्धन प्रकल्प अंतर्गत खराडी येथील मल:निसारण प्रक्रिया प्रकल्प, स्वारगेट येथील महामेट्रो प्रकल्प विकास कामांची पाहणी करुन कामे गतीने पूर्ण करण्याच्या सूचना उपमुख्यमंत्री श्री. पवार यांनी दिल्या.

यावेळी आमदार सुनील टिंगरे (MLA Sunil Tingre), पुणे महानगरपालिका आयुक्त विक्रम कुमार (IAS Vikram Kumar), महामेट्रो रेल कॉर्पोशनचे व्यवस्थापकीय संचालक श्रावण हार्डीकर (Mahametro MD Shravan Hardikar), जिल्हाधिकारी डॉ.राजेश देशमुख (IAS Dr Rajesh Deshmukh), अतिरिक्त आयुक्त डॉ. कुणाल खेमनार (IAS Kunal Khemnar), रवींद्र बिनवडे (IAS Ravindra Binwade), विकास ढाकणे (PMC Additional Commissioner Vikas Dhakane), सार्वजनिक बांधकाम विभागाचे मुख्य अभियंता अतुल चव्हाण, अधीक्षक अभियंता बाप्पा बहिर, पुणे महानगरपालिकेचे आरोग्य प्रमुख डॉ. भगवान पवार (PMC Health Officer Dr Bhagwan Pawar) उपस्थित होते.

Vishrantwadi Flyover | PMC Estimate Committee | विश्रांतवाडी येथील उड्डाणपुलाला एस्टिमेट कमिटीत मान्यता | 62 कोटींचा निधी 

Categories
Breaking News PMC Political social पुणे

Vishrantwadi Flyover | PMC Estimate Committee | विश्रांतवाडी येथील उड्डाणपुलाला एस्टिमेट कमिटीत मान्यता | 62 कोटींचा निधी

Vishrantwadi Flyover | PMC Estimate Committee |विश्रांतवाडी येथे उड्डाणपूल व ग्रेड ग्रेड सेपरेटर निर्मितीसाठी पुणे महापालिकेच्या इस्तीमेट समितीने आज 62 कोटी रुपयांच्या निधीला मान्यता दिली आहे.

केंद्र सरकारच्या रस्ता सुरक्षा अभियानांतर्गत सन 2019 मध्ये शहरातील 200 किलोमीटर रस्त्यांचे रोड सेफ्टी ऑडिट करण्यात आले होते. पुणे नगर रस्ता हा वाहतुकीसाठी सर्वात धोकादायक असल्याचे बाब समोर आली होती. याचा विचार करून पुणे नगर रस्ता हे एक एक मानून नगर रस्ता एकात्मिक वाहतूक आराखडा तयार केला होता. त्यामध्ये मेट्रो मार्गांचे नियोजन, बीआरटी मार्गांचे सक्षमीकरण व पुरेशी बस संख्या ठिkठिकाणी उड्डाणपूल, ग्रेड सेपरेटर, भुयारी मार्ग आणि रोड सेफ्टी ऑडिटमध्ये सुचविलेल्या उपाययोजना करण्याचे ठरविले होते. त्यानुसार येरवडा येथील गोलफ चौकातील उड्डाणपुलाचे काम पूर्ण झाले आहे. विश्रांतवाडी येथे उभारण्यात येणाऱ्या उड्डाणपूलासाठी एस्टिमेट कमिटीने आज 62 कोटी रुपयांना मान्यता दिली. (Pune Municipal Corporation)

आळंदी रस्त्यावरील विश्रांतवाडी येथील डॉ. बाबासाहेब आंबेडकर चौकातील वाहतूक कोंडीचा प्रश्न गंभीर बनला होता. ही कोंडी सोडविण्यासाठी या ठिकाणी उड्डाणपुल उभारण्यासाठी मी सातत्याने उपमुख्यमंत्री अजितदादा पवार आणि महापालिकडे पाठपुरावा केला होता. अखेर या प्रयत्नाना यश आले असून महापालिकेच्या एस्टीमेट कमिटीच्या बैठकीत विश्रांतवाडी येथील उड्डाणपुलाच्या ६२ कोटींच्या प्रस्तावाला मंजुरी देण्यात आली. लवकरच या पुलाच्या कामासाठी निविदा प्रक्रिया निघून प्रत्यक्ष कामाला सुरवात होईल. पुलाचे काम पूर्ण झाल्यावर आळंदी रस्ता, धानोरी रस्ता आणि विमानतळ रस्ता यासर्वाकंडे जाणाऱ्यांचा मार्ग निश्चितपणे सुकर होईल.

– – सुनिल टिंगरे, आमदार, वडगाव शेरी.

———-

या उड्डाणपुलाच्या निर्मितीसाठी उपमुख्यमंत्री देवेंद्र फडणवीस, उच्च शिक्षण व तंत्रज्ञान मंत्री चंद्रकांत दादा पाटील यांनी पुढाकार घेतला. या दोघांचे मी मनापासून अभिनंदन करतो आणि हे काम वेळेत पूर्ण करण्यासाठी प्रयत्न करणार.

माजी आमदार जगदीश मुळीक

आंबेडकर चौक येथे मुख्यसभेत भारतरत्न डाॅ बाबासाहेब आंबेडकर यांचा दर्शनी भागांत पुर्णाकृती पुतळा बसवायचा ठराव पारित झालेला आहे. ते ही या ईस्टिमेट मधे असावे.

डॉ. सिद्धार्थ धेंडे, माजी उपमहापौर, पुणे मनपा

———–

Vadgaonsheri 7/12 | वडगाव शेरी गावातील गेले 15 वर्ष बंद असलेले ७/१२ पुन्हा चालू होणार

Categories
Breaking News Political social पुणे

Vadgaonsheri 7/12 |  वडगाव शेरी गावातील गेले 15 वर्ष बंद असलेले ७/१२ पुन्हा चालू होणार

| पुणे जिल्हाधिकारी डॉ. राजेश देशमुख यांचे प्रशासनाला निर्देश

Vadgaonsheri 7/12 | वडगाव शेरी मतदारसंघातील (Badgaonsheri Constituency) मौजे वडगाव शेरी गावातील सातबारे गेले पंधरा वर्षे बंद होते. या कारणास्तव स्थानिक नागरिकांना वारस नोंदणी, गृह कर्ज, खरेदी विक्री व जागा विकसित करण्याकरीता मोठी अडचण गेली पंधरा वर्ष निर्माण होत होती. नागरिकांची अडचण लक्षात घेता पुणे जिल्हाधिकाऱ्यांना मागील महिन्या मध्ये निवेदन देऊन हा प्रश्न मार्गी लावावा व यासाठी बैठक घेऊन तोडगा काढावा अशी मागणी आमदार सुनील टिंगरे (MLA Sunil Tingre) यांनी जिल्हाधिकाऱ्यांना केली होती. याच अनुषंगाने दिनांक 8 सप्टेंबर रोजी, शुक्रवारी पुणे जिल्हाधिकारी डॉ. राजेश देशमुख (IAS Dr Rajesh Deshmukh) यांच्या अध्यक्षतेखाली व आमदार सुनील टिंगरे यांच्या निदर्शनाखाली बैठक पुणे येथे पार पडली.
जिल्हाधिकाऱ्यांनी सी.टी.एस नंबर मिळेपर्यंत बंद केलेले सातबारा चालू करण्यात यावेत अशा सूचना दिल्या. जिल्हाधिकाऱ्यांनी येत्या आठ ते दहा दिवसात सातबारा चालू करण्याचे निर्देश संबंधित प्रशासकीय अधिकाऱ्यांना दिले.
लवकरच वडगाव शेरी गावातील सातबारे चालू होऊन नागरिकांच्या समस्येचे निराकरण होईल असा विश्वास आमदार सुनील टिंगरे यांनी व्यक्त केला.
या बैठकीला महसूल विभागाचे अधिकारी, प्रांत, तलाठी, सर्कल व तसेच वडगाव शेरी भागातील माजी नगरसेविका सुनीता गलांडे उपस्थित होत्या.
———–