Tag: MLA sunil Tingre

MLA Sunil Tingre | Ajit Pawar | विश्रांतवाडी चौकातील फ्लाईओवर व ग्रेडसेपरेटरचे काम एका महिन्यात  सुरू करा | उपमुख्यमंत्री अजित पवार यांचे मनपा प्रशासनास आदेश

Categories
Breaking News PMC Political पुणे

MLA Sunil Tingre | Ajit Pawar | विश्रांतवाडी चौकातील फ्लाईओवर व ग्रेडसेपरेटरचे काम एका महिन्यात  सुरू करा

| उपमुख्यमंत्री अजित पवार यांचे मनपा प्रशासनास आदेश

 

MLA Sunil Tingre | Ajit Pawar | विश्रांतवाड़ी (Vishrantwadi) येथील मुकुंदराव आंबेडकर चौकातील वाहतूक समस्या सोडविण्यासाठी फ्लाईओवर व ग्रेडसेपरेटरचे नियोजन करण्यात आले आहे. या कामाचे टेंडर काढून महिन्याभरात काम सुरू करण्याचा आदेश उपमुख्यमंत्री अजित पवार (DCM Ajit Pawar) यांनी मनपा प्रशासनास शनिवारी दिला.  या कामासाठी वडगांवशेरी मतदार संघाचे आमदार सुनिल टिंगरे (MLA Sunil Tingre)  सतत पाठपुरावा करीत आहेत.

कौन्सिल हॉल येथे शनिवारी सकाळी अजित पवार यांनी मनपा अधिकार्‍यांची बैठक घेतली. या बैठकीत विभिन्न विषयांसोबतच विश्रांतवाड़ी परिसरातील वाहतूक समस्या सोडविण्यासाठी करण्यात येत असलेल्या उपायों की माहिती मागण्यात आली. बैठकीमध्ये आमदार सुनिल टिंगरे, विभागीय आयुक्त सौरभ राव (IAS Saurabh Rao), जिल्हाधिकारी डॉ. राजेश देशमुख (IAS Dr Rajesh Deshmukh), मनपा आयुक्त विक्रम कुमार (IAS Vikram Kumar), अतिरिक्त आयुक्त डॉ. कुणाल खेमनार (IAS Dr Kunal Khemnar), विकास ढाकणे व अन्य अधिकारी उपस्थित होते.

यावेळी मनपा प्रशासनाने विश्रांतवाडी येथील मुकुंदराव आंबेडकर चौकात करण्यात येणार्‍या फ्लाईओवर व ग्रेडसेपरेटर सहित संपूर्ण कामाचे सादरीकरण करण्यात आले. वाहतूक समस्या सोडविण्यासाठी करण्यात आलेल्या उपायांची माहिती देण्यात आली. यावेळी उपस्थित करण्यात आलेल्या शंकांचे समाधान देखील प्रशासनाने केले. या प्रकल्पाची संपूर्ण माहिती घेतल्यानंतर अजित पवार यांनी एका महिन्याच्या अवधिमध्ये या कामाचे टेंडर काढून प्रत्यक्ष कामाची सुरूवात करण्याचा आदेश प्रशासनाला दिला.

—-

विश्रांतवाडी येथील मुकुंदराव चौकातील वाहतूक समस्या सोडविण्यासाठी विभिन्न उपायांवर एकसाथ अंमलबजावणी करणे गरजेचे आहे. या चौकात चार रस्ते एकत्र येतात, परंतु रस्त्यांच्या दिशा वेगळ्या असल्याने इतर ठिकाणी केलेल्या उपायांवर येथे अंमलबजावणी करने योग्य नाही. येथे फ्लाईओवर व ग्रेडसेपरटची एकसाथ गरज आहे. याकरिता मागील कित्येक महिन्यांपासून पाठपुरावा केला जात आहे. अनेक वेळा महापालिकेच्या अधिकार्‍यांसोबत प्रत्यक्ष पाहणी देखील केली आहे. येथील कामाच्या डिझाइन बाबतही अधिकार्‍यांसोबत चर्चा करण्यात आली आहे. आता या प्रकल्पाचे काम लवकरात लवकर सुरू करून या परिसरातील नागरिकांच्या समस्या सोडविल्या जातील.

– सुनिल टिंगरे (आमदार – वडगावशेरी विधानसभा मतदार संघ)

Ajit Pawar | लोहगाव उपजिल्हा रुग्णालयाचे काम येत्या जानेवारी अखेरपर्यंत पूर्ण करा | उपमुख्यमंत्री अजित पवार यांचे निर्देश

Categories
Breaking News Political social पुणे

Ajit Pawar | लोहगाव उपजिल्हा रुग्णालयाचे काम येत्या जानेवारी अखेरपर्यंत पूर्ण करा

| उपमुख्यमंत्री अजित पवार यांचे निर्देश

Ajit Pawar | पुणे जिल्ह्यातील लोहगाव परिसरातील (Lohgaon) नागरिकांना आरोग्याच्या सुविधा उपलब्ध होण्याच्या दृष्टीने लोहगाव येथील 6 एकर जागेत 100 खाटांचे उपजिल्हा रुग्णालय (Sub District Hospital) व निवासस्थानांचे बांधकाम करण्यात येत आहे. सद्यस्थितीत 90 टक्के बांधकाम पूर्ण झाले असून रुग्णालयाची उर्वरित कामे येत्या जानेवारी अखेरपर्यंत पूर्ण करण्याचे निर्देश उपमुख्यमंत्री अजित पवार (DCM Ajit Pawar) यांनी आज दिले.

 

पुणे जिल्ह्याच्या लोहगाव (ता. हवेली) येथील उपजिल्हा रुग्णालय व निवासस्थान बांधकामाचा आढावा उपमुख्यमंत्री अजित पवार यांनी मंत्रालयात घेतला. बैठकीस कौशल्य, रोजगार, उद्योजकता आणि नाविन्यता विकास मंत्री मंगलप्रभात लोढा, आमदार सुनील टिंगरे (MLA Sunil Tingre), वित्त विभागाचे अपर मुख्य सचिव डॉ. नितीन करीर (Nitin Kareem), कौशल्य, रोजगार, उद्योजकता विभागाचे अपर मुख्य सचिव आशिष कुमार सिंह, उपमुख्यमंत्र्यांचे प्रधान सचिव आशिष शर्मा, नियोजन विभागाचे प्रधान सचिव सौरभ विजय, सार्वजनिक बांधकाम विभागाचे सचिव संजय दशपुते, व्यवसाय शिक्षण व प्रशिक्षण संचालनालयाचे संचालक दिगंबर दळवी, पुण्याचे मुख्य अभियंता अतुल चव्हाण आदी उपस्थित होते.

या बैठकीत उपमुख्यमंत्री पवार म्हणाले की, उपजिल्हा रुग्णालयाचे काम लवकरात लवकर पूर्ण होणे गरजेचे आहे. या रुग्णालयाच्या माध्यमातून लोहगाव परिसरातील जनतेला आरोग्यसेवा पुरविण्यात येणार आहेत. रुग्णालयाचे बांधकाम, आतील फर्निचरसह इतर सोयीसुविधा, रुग्णांवर उपचारासाठी साधने, आरोग्ययंत्रणा, आवश्यक मनुष्यबळ उपलब्ध करण्याबाबतची कार्यवाही तातडीने पूर्ण करण्यात यावी,असे निर्देशही उपमुख्यमंत्री पवार यांनी संबंधित अधिकाऱ्यांना दिले.

============
येरवडा आयटीआयची (Yerwada ITI) उभारणी जलद करा – उपमुखमंत्र्यांचे निर्देश

पुणे जिल्ह्यातील येरवडा आणि हवेली येथील नवीन शासकीय औद्योगिक प्रशिक्षण संस्थांची उभारणी जलद गतीने करावी. या औद्योगिक प्रशिक्षण संस्थांमध्ये स्थानिक उद्योगांसाठी उपयुक्त ठरणारे अभ्यासक्रम सुरू करावेत, असे निर्देश उपमुख्यमंत्री अजित पवार यांनी दिले. येरवडा येथील औद्योगिक प्रशिक्षण संस्थेचा आढावा घेतला. यावेळी मार्गदर्शन करताना उपमुख्यमंत्री पवार म्हणाले की, पुणे परिसरात औद्योगिक प्रशिक्षण संस्थांमधील विद्यार्थ्यांना पारंपरिक अभ्यासक्रम शिकविण्यापेक्षा आधुनिक तंत्रज्ञानावर आधारित व स्थानिक गरजा विचारात घेऊन इंडस्ट्री ४.० अंतर्गत रोबोटिक्स, सीएनसी मशीन हँडलिंग, मेकॅनिक्स यासारखे अभ्यासक्रम उपलब्ध करून द्यावेत. यामुळे परिसरात सुरू असलेल्या उद्योगांमध्ये मोठ्या प्रमाणात रोजगार उपलब्ध होऊ शकतो. तसेच औद्योगिक प्रशिक्षण संस्थांसाठी मंजूर करण्यात आलेल्या पदांपैकी निकडीची पदे तात्काळ भरण्याची प्रक्रिया सुरू करा. असे निर्देशही उपमुख्यमंत्री पवार यांनी दिले आहेत.
या बैठकीची मागणी वडगावशेरी मतदारसंघाचे आमदार सुनिल टिंगरे यांनी केली होती.
******

Pune News | महाराष्ट्र पोलीस मेगा सिटी गृहप्रकल्प मधील गैरव्यवहाराची चौकशी करणार | आमदार सुनिल टिंगरे यांच्या लक्षवेधीवर उपमुखमंत्री देवेद्र फडणवीस यांचे उत्तर

Categories
Breaking News Political पुणे महाराष्ट्र

Pune News | महाराष्ट्र पोलीस मेगा सिटी गृहप्रकल्प मधील गैरव्यवहाराची चौकशी करणार

| आमदार सुनिल टिंगरे यांच्या लक्षवेधीवर उपमुखमंत्री देवेद्र फडणवीस यांचे उत्तर

Pune News | वडगाव शेरी मतदार संघामध्ये (Vadgaonsheri Constituency) लोहगावमध्ये पोलिसांसाठी उभारण्यात येणाऱ्या गृहनिर्माण संस्थेत बांधकाम व्यवसायिकाकडून मोठ्या प्रमाणात गैरव्यवहार झाला आहे. याबाबत अधिवेशनात आमदार सुनिल टिंगरे (MLA Sunil Tingre) यांनी लक्षवेधी सूचना मांडली. याबाबत उपमुख्यमंत्री देवेंद्र फडणवीस (DCM Devendra Fadnavis) यांनी सकारात्मक प्रतिसाद देत याची चौकशी करणार असल्याचे सांगितले. (Pune News)
याबाबत आमदार सुनील टिंगरे यांनी सांगितले कि, वडगाव शेरी मतदार संघामध्ये लोहगावमध्ये पोलिसांसाठी उभारण्यात येणाऱ्या गृहनिर्माण संस्थेत बांधकाम व्यवसायिकाकडून मोठ्या प्रमाणात गैरव्यवहार झाला आहे. त्यामुळे २००९ पासून अद्यापपर्यंत ७ हजार २०० पोलिस बांधवांना हक्काची घरे मिळालेली नाहीत. अजूनही हे काम अत्यंत संथगतीने सुरु असून ते तसंच सुरु राहिल्यास पुढील अनेक वर्षे पोलिसांना घरे मिळणार नाहीत. लक्षवेधी सूचनेच्या माधयमातून या गंभीर विषयाकडे सरकारचं लक्ष वेधत या गैरव्यवहाराची चौकशी करुन गैरव्यवहार करणाऱ्या बिल्डरवर कारवाई करण्याची आणि पोलिसांना तातडीने हक्काची घरे मिळवून देण्याची मागणी केली. उपमुख्यमंत्री व गृहमंत्री देवेंद्र फडणवीस  यांनी त्यावर सकारात्मक प्रतिसाद दिला. असेही आमदार टिंगरे म्हणाले.
———
News Title |Pune News | Maharashtra Police to investigate malpractice in mega city housing project| Deputy Chief Minister Devendra Fadnavis’s reply to MLA Sunil Tingre’s attention

Nagar Road BRTS | पुणे महापालिकेकडून नगर रोड बीआरटी मार्ग हटवण्याचे काम सुरू | पावणे तीन वर्षांपासून मार्ग होता बंद

Categories
Breaking News PMC Political social पुणे

Nagar Road BRTS | नगर रोड बीआरटी मार्ग हटवण्याचे काम सुरू | पावणे तीन  वर्षांपासून मार्ग होता बंद

Nagar Road BRTS | नगर रस्त्यावरील येरवडा (गुंजन चौक) ते विमाननगर फिनिक्स मॉल पर्यतच्या बीआरटी मार्ग (Nagar Road BRTS) काढण्याच्या कामास शनिवारी सकाळपासून सुरवात झाली. मेट्रोच्या कामामुळे (Pune Metro Work) बीआरटीचा सर्व मार्ग बंद अवस्थेत होता. त्यामुळे प्रायोगिक तत्त्वावर (Pilot Project) हा मार्ग हटविण्याचा निर्णय घेण्यात आला. विभागीय आयुक्त, महापालिका आयुक्त आणि वाहतूक पोलिस यांच्यात चर्चा करुन हा निर्णय घेण्यात आल्याची माहिती महापालिका अतिरिक्त आयुक्त विकास ढाकणे (PMC Additional Commissioner Vikas Dhakane) यांनी दिली.
अतिरिक्त आयुक्त ढाकणे यांनी सांगितले कि मागील जवळपास पावणे तीन वर्षांपासून हा मार्ग बंदच होता. त्यामुळे वाहतुकीच्या सोयीच्या दृष्टीने सर्वच पक्षाच्या लोकांनी सामाजिक संस्थांनी हा मार्ग हटवण्याची मागणी केली होती.  त्यानुसार विभागीय आयुक्त, महापालिका आयुक्त आणि वाहतूक पोलिस, पीएमपी यांच्यात चर्चा करुन हा निर्णय घेण्यात आला आहे. आगामी आठवडाभरात याचे काम पूर्ण होईल, असेही अतिरिक्त आयुक्तांनी सांगितले. (Pune News)
—-
नगर रस्त्यावरील वाहतूक कोंडी सोडविण्यासाठी बीआरटी मार्गिका काढावी अशी मागणी मी सातत्याने करत होतो. विधीमंडळ अधिवेधनातही हा प्रश्न उपस्थित केला होता. अखेर महापालिका आणि वाहतूक पोलिस यांनी एकत्र येऊन बंद अवस्थेत असलेला गुंजन चौक ते हयात हॉटेलपर्यतचा बीआरटीमार्ग प्रायोगिक तत्त्वावर काढण्याचा निर्णय घेतला. त्यामुळे निश्चितच नगर रस्त्यावरील वाहतूक कोंडी सोडविण्यासाठी एक पाऊल पुढे पडले आहे. प्रशासनाने घेतलेल्या या निर्णयाबद्दल मी वडगाव शेरी मतदारसंघातील नागरिकांच्यावतीने आभार व्यक्त करतो.
  – सुनिल टिंगरे, आमदार, वडगाव शेरी.
—
News Title | Nagar Road BRTS | Removal of Nagar Road BRT route started The road was closed for fifty three years

PMC Pune new Villages | समाविष्ट 34 गावांच्या समस्या सोडवण्यासाठी समिती स्थापन करण्याचे राज्य सरकारचे आदेश 

Categories
Breaking News PMC Political social पुणे महाराष्ट्र

PMC Pune new Villages | समाविष्ट 34 गावांच्या समस्या सोडवण्यासाठी समिती स्थापन करण्याचे राज्य सरकारचे आदेश

| विभागीय आयुक्तांच्या अध्यक्षतेखाली समिती स्थापन करण्याचे निर्देश

PMC Pune new Villages | पुणे महानगरपालिकेत (Pune Municipal Corporation) नव्याने समाविष्ट 34 गावांच्या (Merged 34 villages) समस्या सोडवण्यासाठी “लोकप्रतिनिधी समिती” (Representative Committee) नियुक्त करण्याचे आश्वासन राज्य सरकारकडून (State Government) देण्यात आले होते. अधिवेशनात आमदार सुनील टिंगरे यांनी समाविष्ट गावांच्या सोडवण्याची मागणी केली होती. मात्र  त्याचा कुठलाही अध्यादेश आलेला नव्हता. याकडे शिवसेना शहर अध्यक्ष प्रमोद (नाना) भानगिरे (Shivsena City President Pramod Bhangire) यांनी मुख्यमंत्री एकनाथ शिंदे (CM Eknath Shinde) यांचे लक्ष वेधले होते. तसेच समाविष्ट गावांना न्याय देण्याची मागणी भानगिरे यांनी मुख्यमंत्र्यांकडे केली होती.  त्यानुसार आता राज्य सरकारने विभागीय अध्यक्ष यांच्या अध्यक्षतेखाली समिती स्थापन करण्याचे आदेश दिले आहेत. (PMC Pune New Village’s)
पुणे महापालिका (PMC Pune) हद्दीत 34 गावांचा समावेश करण्यात आला आहे. त्यामुळे पुणे शहराच्या हद्दीत वाढ झाली आहे. तसेच या गावांना महापालिकेचे सर्व नियम लागू झाले आहेत. मिळकत कराची (PMC Pune property Tax) वसुली देखील सुरु झाली आहे. मात्र या गावांमध्ये मूलभूत सुविधाचा अभाव आहे.  यावर  नुकत्याच झालेल्या अर्थसंकल्पीय अधिवेशनात (Budget session) देखील चर्चा झाली होती. आमदार सुनील टिंगरे, आमदार संजय जगताप यांनी याविषयी मागणी केली होती.  मंत्री उदय सामंत यांनी ह्या विषयाबाबत दखल घेतली होती. शासनाकडून 34 गावातील लोकप्रतिनिधी मिळून विभागीय आयुक्त व पुणे महानगरपालिका आयुक्तांकडून समिती ताबडतोब नेमली जाईल व त्या समितीमार्फत निधी देऊन कामे होतील असे अधिवेशनात सांगितले होते. (PMC Pune village news)

मात्र समिती स्थापन न झाल्याने  प्रमोद भानगिरे यांनी मुख्यमंत्र्यांचे लक्ष वेधले होते. भानगिरे यांनी मुख्यमंत्र्यांना पत्र दिले होते. त्यानुसार लवकरात लवकर आपण समिती नेमण्यासाठी पुणे विभागीय आयुक्तांना आदेश द्यावा व लवकरात लवकर कार्यवाही करावी व ह्या ३४ गावांना योग्य तो न्याय द्यावा. अशी मागणी भानगिरे यांनी केली होती. त्यानुसार राज्य सरकारकडून याबाबतचे आदेश जारी करण्यात आले आहेत. राज्य सरकारने विभागीय अध्यक्ष यांच्या अध्यक्षतेखाली समिती स्थापन करण्याचे आदेश दिले आहेत. याबाबतचा अहवाल देण्याचे निर्देश देखील सरकारने विभागीय आयुक्त यांना दिले आहेत. (Pune Municipal Corporation News)
—-
समाविष्ट ३४ गावांना न्याय देण्यासाठी या समितीची स्थापना होणे आवश्यक आहे. त्यानुसार आम्ही मुख्यमंत्री यांच्याकडे वारंवार पाठपुरावा करत होतो. त्यानुसार आमच्या मागणीला यश आले आहे. विभागीय आयुक्तांनी लवकरात लवकर समितीची स्थापना करावी.
– प्रमोद भानगिरे, शहर अध्यक्ष, शिवसेना, पुणे. 
—-
समाविष्ट गावांमध्ये मुलभूत सुविधा पुरविणे गरजेचे आहे. त्यानुसार अर्थसंकल्पीय अधिवेशनात हा प्रश्न उपस्थित केला होता. त्यानुसार सरकारने समिती स्थापन करण्याचे आश्वासन दिले होते. आता विभागीय आयुक्त यांच्या अध्यक्षतेखाली समिती स्थापन होणार आहे. मात्र सद्यस्थितीत आमदार यांच्याशिवाय कुणी लोकप्रतिनिधी नाही. त्यामुळे या समितीत स्थानिक आमदार यांनाच प्राधान्य देणे गरजेचे आहे. तशी आमची मागणी आहे.
– सुनील टिंगरे, आमदार, वडगावशेरी 
—-
News Title | PMC Pune New Villages | The state government orders to set up a committee to solve the problems of the 34 villages involved| Instructions to constitute a committee under the chairmanship of the Divisional Commissioner

Lohgaon Water Issue | लोहगाव – धानोरी – वाघोलीचा पाणी प्रश्न कायमचा सुटणार | लोहगाव-धानोरीत 13 नवीन पाण्याच्या टाक्या बांधल्या जाणार 

Categories
Breaking News PMC Political social पुणे

Lohgaon Water Issue | लोहगाव – धानोरी – वाघोलीचा पाणी प्रश्न कायमचा सुटणार

| लोहगाव-धानोरीत 13 नवीन पाण्याच्या टाक्या बांधल्या जाणार

Lohgaon Water Issue | लोहगाव – धानोरी – वाघोलीचा पाणी प्रश्न कायमचा सुटणार असण्याची शक्यता आहे. कारण लोहगाव-धानोरीत समान पाणी पुरवठा योजने अंतर्गत 13 नवीन पाण्याच्या टाक्या बांधल्या जाणार आहेत. याबाबतच्या सुमारे 230 कोटीच्या निविदाच्या प्रस्तावाला मंगळवारच्या एस्टीमेट कमिटीत (PMC Estimate Committee) मंजूरी देण्यात आली आहे. (Lohgaon Water Issue)
महापालिकेत समाविष्ट होऊनही लोहगाव – वाघोली परिसराला पाणी टंचाईच्या प्रश्नाला सामोरे जावे लागत होते. हा पाणी प्रश्न सोडविण्यासाठी आमदार सुनिल टिंगरे यांनी महापालिका भवनासमोर उपोषण केले होते. त्यामुळे प्रशासना देखील हा विषय गंभीरपणे घेतला होता. त्यानुसार प्रशासनाकडून याबाबतचा प्रस्ताव मंजूरीसाठी एस्टीमेट कमिटी समोर ठेवला होता. याला नुकतीच मंजूरी देण्यात आली आहे. (Pune Municipal Corporation)
—
महापालिकेत समाविष्ट होऊनही लोहगाव – वाघोली परिसराला पाणी टंचाईच्या प्रश्नाला सामोरे जावे लागत होते. हा पाणी प्रश्न सोडविण्यासाठी महापालिका भवनासमोर उपोषण केले होते. त्यावेळी प्रशासनाने दिलेल्या आश्वासानुसार या योजनेच्या २३० कोटी रुपयांच्या योजनेला आज पूर्वगणन समितीत मंजुरी दिली. त्याबद्दल प्रशासनाचे मनःपूर्वक आभार. लवकरच या योजनेची निविदा प्रक्रिया राबवून काम सुरू होईल आणि लोहगाव परिसराचा पाणी प्रश्न मार्गी लागेल अशी खात्री आहे. त्यासाठी माझा पाठपुरावा कायम सुरू राहील.
   – सुनील टिंगरे, आमदार, वडगाव शेरी.
—-
News Title | Lohgaon Water Issue | Lohgaon-Dhanori-Wagholi water problem will be solved forever 13 new water tanks will be constructed in Lohgaon-Dhanori

PMC Teachers Agitation Update | शिक्षण सेवक आमरण उपोषण 4था दिवस  |  उच्च न्यायालयाने निर्णय दिलेला असताना प्रस्ताव नगरविकास विभागाकडे का पाठवला?

Categories
Breaking News Education PMC Political social पुणे

PMC Teachers Agitation Update | शिक्षण सेवक आमरण उपोषण 4था दिवस  |  उच्च न्यायालयाने निर्णय दिलेला असताना प्रस्ताव नगरविकास विभागाकडे का पाठवला? 

| विविध पक्षांच्या नेत्यांचा महापालिका प्रशासनाला प्रश्न 

PMC Teachers Agitation Update  | पुणे महापालिकेच्या शिक्षण विभागात (PMC Education Department) काम करणाऱ्या रजा मुदतीतील ९3 शिक्षण सेवकांना नियमित वेतनश्रेणी २०१७ (एप्रिल) पासून लागू करावी. या मागणीसाठी सर्व शिक्षण सेवक गेल्या चार  दिवसापासून महापालिका भवनासमोर आमरण उपोषणास (Agitation) बसले आहेत.  त्यांच्या आंदोलनाला सर्वच राजकीय पक्षांनी आणि विविध संघटनांनी पाठिंबा दिला आहे. या शिक्षण सेवकांना कायम करण्याबाबतचा प्रस्ताव महापालिका प्रशासनाने राज्याच्या नगरविकास विभागाकडे पाठवला आहे. मात्र उच्च न्यायालयाने सेवकांच्या बाजूने निर्णय दिलेला असताना पुन्हा हा प्रस्ताव राज्य सरकारकडे पाठवण्याची काय आवश्यकता होती, असा प्रश्न राजकीय नेत्यांनी महापालिका प्रशासनाला विचारला आहे.  (PMC Teachers Agitation update)

93 शिक्षण सेवकांना कायम करण्याबाबतचा आदेश २४ फेब्रुवारीस महापालिका प्रशासनास प्राप्त झाला आहे. मात्र आज  ४ महिने होऊनही उच्चन्यायालयाच्या आदेशास केराची टोपली दाखवून प्रशासन आम्हास झुलवत आहे. असा आरोप आंदोलनकर्त्या शिक्षण सेवकांनी केला असून ते गेल्या 4  दिवसापासून आंदोलास बसले आहेत.  उच्च न्यायालयाने  दिलेल्या आदेशानुसार तात्काळ कार्यवाही करावी. अशीआमची मागणी आहे. जोपर्यंत कार्यवाही करण्यात येत नाही तोपर्यंत आमचं आमरण उपोषण असंच चालू राहील. असं आंदोलनकर्त्यांनी सांगितले आहे. (PMC Pune News)

दरम्यान चौथ्या विविध पक्षाच्या राजकीय नेत्यांनी या आंदोलनकर्त्यांची भेट घेत त्यांना दिलासा दिला. काही लोकांनी प्रशासनाशी संवाद करत सेवकांना न्याय मिळवून देण्याचे आश्वासन दिले. 

| आंदोलनकर्त्यांना आज कोण भेटले?

आमदार सुनिल टिंगरे, माजी महापौर मुरलीधर मोहोळ, दत्ता धनकवडे, माजी नगरसेवक विशाल तांबे, दीपक मानकर, काँग्रेसचे माजी शहर अध्यक्ष रमेश बागवे, शिक्षण मंडळाचे माजी अध्यक्ष प्रदीप धुमाळ.

| काही आंदोलकांची प्रकृती ढासळली 

एका आंदोलक महिलेला चक्कर आली व पाठीत दुखत होते. तसेच उलटी झाल्याने व बसण्यास त्रास होत असल्याने कमला नेहरू रुग्णालयात admit करण्यात आले.

—–

शिक्षण सेवकांना कायम करून घेण्याबाबत उच्च न्यायालयाने आदेश दिले आहेत. याबाबत सरकारला दंड देखील करण्यात आला आहे. असे असताना शिक्षण सेवकांना कायम करण्याबाबतचा प्रस्ताव राज्याच्या नगरविकास विभागाकडे पाठवण्याची गरज नव्हती. तरीही आम्ही राज्य सरकारकडे याचा पाठपुरावा करून शिक्षण सेवकांना न्याय मिळवून देऊ.

– मुरलीधर मोहोळ, माजी महापौर 

—

आमरण उपोषणास बसलेल्या शिक्षण सेवकांचा प्रश्न समजून घेत याबाबत महापालिका आयुक्तांशी चर्चा केली. याबाबत आयुक्तांनी सकारात्मक निर्णय घेण्याचे आश्वासन दिले आहे.

– सुनिल टिंगरे, आमदार, वडगावशेरी.

—

उच्च न्यायालयाने दिलेल्या निर्णयानुसार या शिक्षण सेवकांना महापालिका सेवेत कायम करून घेणे आवश्यक आहे. त्यानुसार मी आणि आमदार सुनिल टिंगरे यांनी महापालिका आयुक्तांची भेट घेतली. आयुक्तांनी याबाबत सकारात्मक प्रतिसाद दिला आहे.

दत्ता धनकवडे, माजी महापौर 

——-

News Title | PMC Teachers Agitation Update | 4th day of hunger strike by education workers | Why was the proposal sent to the Urban Development Department when the High Court had given its decision?

VadgaonSheri Constituency | वडगाव शेरी मतदारसंघातील बेकायदेशीर धंद्यावर कारवाई करा | आमदार सुनिल टिंगरे यांची पोलीस आयुक्तांकडे मागणी

Categories
Breaking News social पुणे

VadgaonSheri Constituency | वडगाव शेरी मतदारसंघातील बेकायदेशीर धंद्यावर कारवाई करा

| आमदार सुनिल टिंगरे यांची पोलीस आयुक्तांकडे मागणी

VadgaonSheri Constituency |वडगाव शेरी विधानसभा मतदारसंघातील (VadgaonSheri Constituency) अनधिकृत पब, टेरेस हॉटेल आणि बेकायदेशीररित्या चालणाऱ्या अवैध धंद्यावर कारवाई करण्यात यावी. अशी मागणी आमदार सुनील टिंगरे (MLA Sunil Tingre) यांनी पोलिस आयुक्त रितेश कुमार (Pune CP Ritesh kumar) यांच्याकडे केली आहे. यावेळी आयुक्तांनी यासदर्भात तात्काळ कारवाईची मोहीम राबविण्यात येईल असे आश्वासन दिले. (VadgaonSheri Constituency)


आमदार टिंगरे यांनी कल्याणीनगर परिसरातील नागरिकांसह पोलिस आयुक्त कुमार यांची शुक्रवारी भेट घेतली. यावेळी त्यांनी पोलीस आयुक्ताना दिलेल्या निवेदनात म्हटले आहे, की विमाननगर, कल्याणीनगर, खराडी, लोहगाव तसेच विश्रांतवाडीसह अन्य भागात मोठ्या प्रमाणात पब, टेरेस (रुफटफ) हॉटेल अनधिकृतरित्या सुरु आहेत. हे पब आणि हॉटेल रात्री उशिरापर्यत सुरु असतात. त्याठिकाणी सुरु असलेल्या कर्णकर्कश साउंड सिस्टीमचा या परिसरातील नागरिकांना मोठा त्रास सहन करावा लागतो. तसेच हॉटेल/पब मध्ये तरुणवर्ग मद्यधुंद होऊन बाहेर पडतो. त्यामुळे अनेकदा अनुसुचित घटना घडतात. तसेच अनेक ठिकाणी बेकायदा दारू विक्री, हुक्का पार्लर, मटका धंदा, पत्याचे क्लब, अमली पदार्थ विक्री, मसाज पार्लर व लॉज गैरप्रकार चालू आहेत. या सर्व अनधिकृत हॉटेल, पब व बेकायदा व्यवसायावर त्वरित कारवाई करण्यात यावी. पोलिसांनी याबाबत कारवाईस टाळाटाळ केल्यास विधी मंडळाच्या पावसाळी अशिवेशनात या प्रश्नाकडे सरकारचे लक्ष वेधू असेही आमदार टिंगरे यांनी म्हटले आहे.

यावेळी त्यांच्या समवेत कल्याणीनगर येथील रचना अग्रवाल, इक्बाल जाफर, मोनिका शर्मा, सुमित कर्णिक, मुनीर वसतांनी, किरण म्हलोत्रा, निलेश चौहान, सचिन आगाशे आदी नागरिक उपस्थित होते.

News Title | Take action against illegal business in Vadgaon Sheri Constituency | MLA Sunil Tingre’s request to the Commissioner of Police

Ajit Pawar |  जाती-धर्माचे राजकारण आणू नका | अजित पवार

Categories
Breaking News Political social पुणे महाराष्ट्र

Ajit Pawar |  जाती-धर्माचे राजकारण आणू नका | अजित पवार

|राज्याच्या विरोधी पक्षनेत्यांच्या हस्ते छत्रपती संभाजी महाराज शिल्पाचे अनावरण

Ajit Pawar | जाती-धर्माचे राजकारण न करता अठरा पगड जाती धर्माच्या लोकांना एकत्र आणून हिंदवी स्वराज्याची स्थापना कशी करावी हे साडेतीनशे वर्षापूर्वी छत्रपती शिवाजी महाराजांनी दाखवून दिले असल्याचे प्रतिपादन राज्याचे विरोधी पक्षनेते अजित पवार (Opposition leader Ajit pawar) यांनी व्यक्त केले. (Ajit Pawar)

कळस येथे वडगावशेरी मतदार संघाचे आमदार सुनिल टिंगरे (MLA Sunil Tingre) यांच्या स्थानिक आमदार निधीतून (MLA fund)साकारण्यात आलेल्या स्वराज्यरक्षक छत्रपती संभाजी महाराज, श्री संत ज्ञानेश्वर महाराज, श्री संत तुकाराम महाराज यांच्या शिल्पाचे अनावरण अजित पवार यांच्या हस्ते झाले त्या वेळी ते बोलत होते. ते पुढे म्हणाले की,छत्रपतींनी हिंदवी स्वराज्याची स्थापना करून पायाभरणी केल्यामुळेच आज समाजातील सर्व धर्मातील लोक हे गुण्यागोविंदाने राहत आहेत. त्यामुळे युवा पिढीनेदेखील अशा महान थोर पुरुषांचे स्मरण करून ते आत्मसात करणे ही काळाची गरज आहे. श्री संत ज्ञानेश्वर महाराज श्री संत तुकाराम महाराज यांच्यावर लोकांनी अन्याय केला असला तरी पण त्यांच्या अभंगातूनच आज समाजाला प्रेरणा मिळत आहे.महाराष्ट्राच्या विकासाची पायाभरणी करून स्वराज्याचा झेंडा उंचावण्याचे काम छत्रपतींनी केले आहे. (Ajit pawar News)


याबरोबरच समाजाकडून होणार्‍या अन्यायाविरोधात लढा देऊन विद्येच्या माहेरघरात मुलींकरिता शाळा खुली करण्यात आली. अशा क्रांतिज्योती सावित्रीमाई फुले यांच्याबद्दल आक्षेपार्ह टीपणी केली जाते, अशांवर कठोर कारवाई करण्याची मागणी राज्यसरकारकडे करण्यात आली आहे. महान थोर पुरुषांनी महाराष्ट्राला जे चांगले विचार दिले आहेत, ते महाराष्ट्रातील जनता कदापि विसरणार नाही.त्यामुळे समाजातील युवा पिढीने एक दिलाने एक विचाराने महाथोर पुरुषांचे विचार युवा पिढीने पुढे नेण्याचे काम करावे असे आवाहन अजीत पवार यांनी केले. (MlA Sunil Tingre)

यावेळी शहराध्यक्ष प्रशांत जगताप, राजेंद्र खांदवे, शीतल सावंत, अहमद शेख, अजय सावंत, राजेंद्र खांदवे, अशोक खांदवे, सुहास टिंगरे, उषा कळमकर, नाना नलावडे, शशिकांत टिंगरे, माउली कळमकर, बंटी म्हस्के, प्रकाश म्हस्के, बंडू खांदवे, अशोक खांदवे, रवि टिंगरे, सतीश धापटे, सायबू चव्हाण आदी उपस्थित होते.

News Title | Ajit Pawar Do not bring caste-religion politics Ajit Pawar|Unveiling of Chhatrapati Sambhaji Maharaj sculpture by state opposition leaders

MLA Sunil Tingre | PMC Pune | विश्रांतवाडी चौकातील बुध्द विहार स्थलांतरित करण्यास परवानगी | आमदार सुनिल टिंगरे यांच्या पाठपुराव्याला यश

Categories
Breaking News PMC Political social पुणे

MLA Sunil Tingre | PMC Pune | विश्रांतवाडी चौकातील बुध्द विहार स्थलांतरित करण्यास परवानगी

|आमदार सुनिल टिंगरे यांच्या पाठपुराव्याला यश

| धानोरी- लोहगावकडे जाणारी वाहतूक कोंडी सुटणार

MLA Sunil Tingre | PMC Pune | विश्रांतवाडी चौकातील रस्त्यावर असलेले बुद्ध विहार (Buddha Vihar) स्थलांतरीत करण्यास महापालिका आयुक्त विक्रम कुमार (PMC Commissioner Vikram Kumar) यांनी मंजुरी दिली आहे. येथील वॉटर वर्क्स आणि प्ले ग्राउंडच्या आरक्षित जागेवर हे बुद्ध स्थलांतरीत होणार आहे. त्यामुळे धानोरी-लोहगावकडे (Dhanori-Lohgaon Road) जाणार्‍या रस्त्यावर होणारी वाहतुक कोंडीचा प्रश्न सुटणार आहे. वडगाव शेरीचे आमदार सुनिल टिंगरे (Vadgaonsheri MLA Sunil Tingre)यांनी ही माहिती दिली. (MLA Sunil Tingre | PMC Pune)

गेल्या अनेक वर्षांपासून विश्रांतवाडी चौकात (Vishrantwadi Chowk) सुमेध बुद्ध विहार (Sumedh Buddha Vihar) आहे. थेट चौकात आणि जवळपास अर्ध्या रस्त्यावर असलेल्या या बुध्द विहारामुळे धानोरी तसेच लोहगाव परिसरात जाणार्‍या वाहनाना वाहतूक कोंडीचा सामना करावा लागत होता. त्यामुळे हे बुध्द विहार स्थलांतरित करुन येथील वाहतूक कोंडीचा प्रश्न सोडवावा अशी मागणी नागरिकांकडून केली जात होती. आमदार सुनिल टिंगरे (MLA Sunil Tingre)यांनी मतदारसंघातील प्रलंबित प्रश्नांच्या सोडविण्यासाठी महापालिका भवनासमोर उपोषण केले होते. त्यावेळी त्यांनी हे बुध्द विहार स्थलांतरीत करून वाहतुक कोंडी सोडविण्याची आग्रही मागणी केली होती. त्यानंतर प्रशासनाने त्यावर कार्यवाही सुरू केली. यासदर्भात अतिरिक्त आयुक्त विकास ढाकणे (Additional Commissioner Vikas Dhakane) यांनी आमदार टिंगरे यांच्यासह संबंधित सर्व विभागांच्या अधिकार्‍यांची बैठक घेतली होती. त्यात येथील वॉटर वर्क आणि प्ले ग्राऊंडच्या आरक्षित जागेवरील 200 चौरस मीटर जागेवर हे बुद्ध विहार स्थलांतरित करण्याचा निर्णय घेण्यात आला होता. त्यानुसार प्रशासनाने प्रस्ताव तयार करुन तो आयुक्तांच्या मंजुरीसाठी ठेवला होता. मंगळवारी आयुक्तांनी या प्रस्तावास मंजुरी दिल्याचे आमदार टिंगरे यांनी सांगितले. त्यानुसार आता लवकरच हे बुद्ध विहार स्थलांतरित होऊन या चौकातील वाहतूक कोंडीचा प्रश्न मार्गी लागणार आहे. (Pune municipal Corporation)


नागरिकांची अडचण लक्षात घेऊन हे बुद्ध विहार स्थलांतरीत करण्यासाठी बुध्द विहाराचे अध्यक्ष राजीव बेंगळे यांच्यासह पालिकेचे नगराभियंता प्रशांत वाघमारे, पथ विभागाचे व्ही. जी. कुलकर्णी, बांधकाम विभागाचे अधिक्षक अभियंता रोहिदास गव्हाणे, बिपीन शिंदे, पथ विभागाचे अधिकारी मिरा सबनीस, संजय धारव तसेच एसआरए भूमी जिंदगी विभाग यासंर्वाची मोलाची मदत झाल्याचे आमदार टिंंगरे यांनी सांगितले.
—————————–

विश्रांतवाडी चौकातील वाहतुक कोंडीचा प्रश्न गंभीर आहे. हे बुध्द विहार स्थलांतरीत झाल्यामुळे लोहगाव-धानोरीकडे जाणारी वाहने आता विना अडथळा जाऊ शकतील. तसेच लवकरच या चौकातील उड्डाणपुलाच्या कामाच्या निविदा प्रक्रिया राबविली जाणार असून पुलाचे काम होऊन येथील कोंडीचा प्रश्न कायम स्वरुपी सुटेल.

– सुनिल टिंगरे, आमदार, वडगाव शेरी.
—————————–