Tag: PMC solid waste management department

PMC Aspirational Toilets | 4 आकांक्षी शौचालय तयार करण्याच्या बदल्यात 4 ठिकाणी होर्डिंग उभारायला महापालिका ठेकेदाराला देणार परवानगी! 

Categories
Breaking News PMC social पुणे

PMC Aspirational Toilets | 4 आकांक्षी शौचालय तयार करण्याच्या बदल्यात 4 ठिकाणी होर्डिंग उभारायला महापालिका ठेकेदाराला देणार परवानगी!

| महापालिकेला दरवर्षी मिळणार 1 लाख 20 हजार; दर तीन वर्षांनी 5% वाढ

PMC Aspirational Toilets | पुणे महापालिका (Pune Municipal Corporation (PMC) शहरातील 4 ठिकाणी ठेकेदाराच्या माध्यमातून आकांक्षी शौचालय (Pune Aspirational Toilet) तयार करणार आहे. त्या बदल्यात महापालिका ठेकेदाराला शहरातील 4 ठिकाणी होर्डिंग उभारायला परवानगी देणार आहे. नेटवर्क मीडिया सोल्युशन (Network Média Solution) कंपनीला हे काम 10 वर्षासाठी देण्यात आले आहे. त्यातून महापालिकेला दरवर्षी 1 लाख 20 हजार उत्पन्न मिळणार आहे. दर तीन वर्षांनी यात 5 टक्क्यांची वाढ केली जाणार आहे. याबाबतचा प्रस्ताव प्रशासनाकडून स्थायी समिती (PMC Standing Committee) समोर ठेवण्यात आला आहे. (PMC Solid Waste Management Department) 

पुणे महापालिका हद्दीमध्ये एकूण २९२ सार्वजनिक, ८२२ वस्तीपातळीवरील शौचालय व १७४ मुताऱ्या असे एकूण १२८८ ब्लॉक कार्यरत आहेत. तसेच सार्वजनिक शौचालयांची देखभाल व दुरुस्ती करणेकरिता पुणे महानगरपालिकेस दर वर्षी मोठ्या प्रमाणात खर्च करावा लागतो. दर वर्षी होणाऱ्या स्वच्छ सर्वेक्षण अंतर्गत शहरातील शौचालय, मुतारी यांची नियमित देखभाल, दुरुस्ती व तपासणी करण्यात येते. त्यामुळे काही शौचालय ठेकेदाराच्या माध्यमातून विकसित करून घेण्यात येणार आहेत. त्यानुसार हा प्रस्ताव ठेवण्यात आला आहे.

1.  लोकेशन १ शौचालय | जुना एअरपोर्ट रोड, टिंगरे नगर रोड,
2. लोकेशन २ शौचालय | विश्रांतवाडी चौक, जुना एअरपोर्ट रोड
3. लोकेशन ३ शौचालय | चंदन नगर, नगर रोड,
 4. लोकेशन 4 शौचालय खराडी गाव
या 4 ठिकाणी ठेकेदार नेटवर्क मिडिया सोल्युशन यांनी  अस्तित्वातील शौचालय दुरुस्ती करणेस व शौचालयलगत मोबाईल चार्जिंग पॉइंट सह ATM ब्लॉक उभारण्यात येऊन आकांक्षी शौचालय तयार करायचे आहे.
त्यानुसार खालील ठिकाणी ठेकेदाराला होर्डिंग उभारायला परवानगी दिली जाणार आहे.
1. एफ सी रोड Fergusson College Road (18.530898, 73.844168)
2. कोरेगाव पार्क Koregaon Park (18.539203, 73.901690)
3. कल्याणी नगर Kalyani Nagar 1 (18.542443, 73.904840)
4. कल्याणी नगर Kalyani Nagar 2 (18.549770, 73.902486)
याप्रमाणे एकूण ४ होर्डिंग ठेकेदार स्वखर्चाने शासकीय यंत्रणेच्या आवश्यक परवानगी, ना हरकत प्रमाणपत्र घेऊन उभारणार आहे. एक होर्डिंगचे ९०० स्क्वे. फुट क्षेत्र असून एकूण चार होर्डिंगचे ३६०० स्क्वे. फुट क्षेत्र राहील. याप्रमाणे आवश्यक जाहिरात शुल्क आकारणी व वसुली करण्याची कार्यवाही व होर्डिंग उभारणे संदर्भातील पुणे मनपा च्या परवाना व आकाशचिन्ह विभागाचे सर्व अटीशर्ती व प्रचलित कायद्याचे आधीन राहून परवाना परवाना घेणे व शुल्क अदा करणे, नुतनीकरण करणे होर्डिंग उभारणे या बाबी ठेकेदाराने करायच्या आहेत.
दरम्यान हे काम 10 वर्षासाठी देण्यात आले आहे. पहिल्या वर्षी महापालिकेला 1 लाख 20 हजार इतके उत्पन्न मिळणार आहे. तर पुढील प्रत्येक 3 वर्षांनी यात 5% वाढ केली जाणार आहे. या वाढीने 10 व्या वर्षी महापालिकेला 1 लाख 38 हजार 915 रुपये मिळतील.

Deep Cleaning Drive | PMC Pune | पुणे महापालिकेची विशेष सूक्ष्म स्वच्छता मोहीम | 22 जानेवारी पर्यंत शहरातील सर्व प्रभागातील मंदिरे स्वच्छ करण्याचे नियोजन

Categories
Breaking News PMC social पुणे

Deep Cleaning Drive | PMC Pune | पुणे महापालिकेची विशेष सूक्ष्म स्वच्छता मोहीम

| 22 जानेवारी पर्यंत शहरातील सर्व प्रभागातील मंदिरे स्वच्छ करण्याचे नियोजन

Deep Cleaning Drive | PMC Pune | स्वच्छ भारत अभियान (Swachh Bharat Abhiyan), स्वच्छ सर्वेक्षण २०२४ (Swachh Survey 2024) अंतर्गत पुणे महानगरपालिकेमार्फत (Pune Municipal Corporation) संपूर्ण शहरात विशेष सूक्ष्म/खोलवर स्वच्छता मोहीमेचे (deep cleaning drive) आयोजन करण्यात येत आहे. हे स्वच्छता अभियान १५ क्षेत्रिय कार्यालयाकडील एकूण ४२ प्रभागांमध्ये दिनांक १७  ते २२ जानेवारी या कालावधीत आयोजित करण्यात आले आहे. त्यानुसार शहरात स्वच्छता करण्यात येत आहे. अशी माहिती महापालिका घनकचरा विभागाच्या (PMC Solid Waste Management Department) वतीने देण्यात आली. (Deep Cleaning Drive | PMC Pune)
२२ जानेवारी रोजी अयोध्येत प्रभू श्रीरामांची प्राणप्रतिष्ठा होत असून थोडेच दिवस बाकी आहेत. येत्या २२ जानेवारी रोजी संपूर्ण हिंदुस्थानात सर्वात मोठी दीपावली साजरी होत आहे. या अनुषंगाने देशाचे पंतप्रधान नरेंद्र मोदी यांनी केलेल्या आवाहनानुसार देशभर मंदिर व सर्व पुजास्थळांची स्वच्छता करण्यात येत आहे. काल डहाणूकर कॉलनी प्रभू श्रीराम मंदिर स्वच्छ करणे आले यावेळी स्वच्छतेचे ब्रॅन्ड अँबेसिडर व जेष्ठ गायक, संगीतकार, दिग्दर्शक व कवी डॉ. सलील कुलकर्णी (Dr Saleel Kulkarni) आणि सहाय्यक आरोग्य अधिकारी डॉ.केतकी घाटगे यांच्या उपस्थितीत पुणे महानगरपालिकेचे महापालिका आयुक्त श्री विक्रम कुमार ,अतिरिक्त महापालिका आयुक्त डॉ. कुणाल खेमनार व उप आयुक्त घनकचरा व्यवस्थापन श्री.संदीप कदम यांच्या मार्गदर्शनानुसार वरिष्ठ आरोग्य निरीक्षक, आरोग्य निरीक्षक व अधिकारी / कर्मचारी (आरोग्य विभाग) नवचैतन्य हास्य क्लब, कमिन्स इंडिया लिमिटेड, जनवानी, स्वच्छ संस्था, हर्षदीप फाउंडेशन,
सेवासयोग,नागरिक यांच्या सोबत मंदिर स्वच्छता अभियान राबवण्यात आले. माजी आमदार मेधा कुलकर्णी, मा. स्थायी समिती अध्यक्ष श्री. शाम देशपांडे यांच्या हस्ते मंदिरातील आतील परिसराची जेटींग मशिनच्या सहाय्याने पाण्याच्या फवाऱ्याने साफ करण्यात आले. शिवाय पुजा पार्क व प्रभागातील गणपती, म्हसोबा, मारुती, भवानी माता, दुर्गामाता, महादेव, विठ्ठल या विविध देवतांचे मंदीर, तसेच मंदीराच्या बाहेरील परिसर सर्व क्षेत्रातील सन्माननीय लोकप्रतिनिधी व नागरिकांनी स्वच्छता अभियानात उत्स्फूर्तपणे सहभागी होऊन स्वच्छता केली.

PMC Wheelbarrow | संकलित केलेल्या कचऱ्याची वाहतूक करण्यासाठी 2 बकेट असलेल्या 1425 व्हीलबॅरो खरेदी करणार महापालिका 

Categories
Breaking News PMC social पुणे

PMC Wheelbarrow | संकलित केलेल्या कचऱ्याची वाहतूक करण्यासाठी 2 बकेट असलेल्या 1425 व्हीलबॅरो खरेदी करणार महापालिका

| 95 लाखांचा येणार खर्च

PMC Wheelbarrow | पुणे महापालिकेच्या )Pune Municipal Corporation) विविध क्षेत्रीय कार्यालयाच्या वतीने कचरा गोळा केला जातो. हा संकलित केलेला कचरा वाहतुक करण्यासाठी ढकल गाड्यांची (Pushkarts) आवश्यकता असते. त्यामुळे क्षेत्रीय कार्याकाया कडून मागणी केली जाते. त्यानुसार 2 बकेट असलेल्या 1425 व्हीलबॅरो (Wheelbarrow) महापालिका खरेदी करणार आहे. यासाठी 95 लाखांचा खर्च येणार आहे. हे काम पायल इंडस्ट्रीज ला देण्यात आले आहे. याबाबतचा प्रस्ताव स्थायी समिती (PMC Standing Committee) समोर ठेवण्यात आला आहे. (PMC Pune News)

पुणे मनपा मोटार वाहन विभागाच्या कर्मशाळा विभागाकडून मनपाच्या विविध कार्यालयातील लाकडी फर्निचर दुरुस्ती, नवीन तयार करणे तसेच कचरा संकलनासाठी उपलब्ध तरतूदीनुसार ढकलगाडे, व्हिलबॅरो खरेदी करुन पुरविणे त्यांची दुरुस्ती करणे व इतर तदनुषंगिक कामे करण्यात येतात. पुणे मनपाच्या १५ क्षेत्रिय कार्यालयांच्या हद्दीमधील विविध ठिकाणावरून ओला व सुका कचरा संकलनाचे काम मनपा सेवक व स्वच्छ संस्थेमार्फत करण्यात येते. विविध ठिकाणावरून संकलित केलेला कचरा उचलणे व तो अनलोडिंगच्या ठिकाणापर्यंत वाहतुक करणेसाठी सेवकांमार्फत ढकलगाडे, व्हिलबॅरो, गाळगाडे यांचा वापर केला जातो. (PMC Solid Waste Management Department)

केंद्र शासनाकडील १५ व्या वित्त आयोग अंतर्गत पुणे महानगरपालिकेला सन २०२०-२१ ते २०२५-२६ एस डब्ल्यू वॉटरसाठी सुमारे ४५८ कोटी टप्याटप्याने वितरीत करण्यात येत आहे. यामधील पुणे महानगरपालिकेच्या क्षेत्रीय कार्यालयाच्या मागणीनुसार २ बकेट असलेली १५०० नग व्हिलवॅरो (पुशकार्टस) व ४ बकेट असलेली १५०० नग ढकलगाड्या (पुशकार्टस) खरेदी करणे कामी  महापालिका आयुक्त यांची मान्यता मिळाली आहे.
तथापि, मोटार वाहन विभागाकडे याकामासाठी तांत्रिक सेवकवर्ग अत्यंत अपुऱ्या प्रमाणात उपलब्ध असल्याने घनकचरा विभागाचे मागणीनुसार विविध क्षेत्रीय कार्यालयासाठी २ बकेटसह असलेले व्हिलबॅरो (पुशकार्टस) पद्धतीने जाहीर निविदा मागवुन खरेदी करणे प्रस्तावित होते.  त्यानुसार याची टेंडर प्रक्रिया करण्यात आली होती. हे काम पायल इंडस्ट्रीज ला देण्यात आले आहे. यासाठी 95 लाख इतका खर्च येणार आहे.

Pune 10th Ranking | Pune 5 Star City | स्वच्छ सर्वेक्षण च्या ऑल इंडिया रँकिंग मध्ये पुणे 20 वरून 10 व्या स्थानावर

Categories
Breaking News PMC social देश/विदेश पुणे

Pune 10th Ranking | Pune 5 Star City | स्वच्छ सर्वेक्षण च्या ऑल इंडिया रँकिंग मध्ये पुणे 20 वरून 10 व्या स्थानावर

| महाराष्ट्रात 2nd रँक

Pune 10th Ranking | Pune 5 Star City | पुणे महापालिका स्वच्छतेबाबत  (Pune Municipal Corporation) करत असलेल्या प्रयत्नामुळे पुणे शहर आता 5 स्टार झाले आहे. तसेच पुणे महापालिकेला (PMC Pune) स्वच्छ सर्वेक्षण 2023 (Swachh Survey 2023) मध्ये 1 लाखाहून अधिक लोकसंख्येच्या शहरात 10 वी रँक (Pune 10th Rank) मिळाली आहे. मागील वर्षी पुणे 20 व्या स्थानावर होते. तर 10 लाखांहून अधिक लोकसंख्येच्या शहरात पुणे 9 व्या स्थानावर आहे. तर इकडे महाराष्ट्रात पुणे 2 ऱ्या स्थानावर (Pune 2nd Rank in Maharashtra) आले आहे. नुकताच केंद्र सरकारकडून महापालिकेच्या वतीने हा पुरस्कार स्वीकारण्यात आला आहे. पुणे महापालिका आणि पुणे शहरासाठी ही मोठी उपलब्धी मानली जात आहे. (PMC Pune News)
देशातील राहण्यायोग्य सर्वोत्तम शहर म्हणून पुणे शहराचा नावलौकिक झाला आहे. तसेच विद्येचे माहेरघर, राज्याची सांस्कृतिक राजधानी अशी बरीच बिरुदे पुणे शहराला मिळाली आहेत. त्यात अजून एक नावलौकिकाची भर पडली आहे. पुणे शहर आता 5 स्टार झाले आहे. पुणे महापालिकेचा घनकचरा विभाग (PMC Solid Waste Management Department) यासाठी सातत्याने प्रयत्नशील होता. पुणे शहर आतापर्यंत 3 स्टार मधेच होते. मात्र आता यात वाढ होऊन ते 5 स्टार झाले आहे. याबाबत सप्टेंबर च्या शेवटच्या आठवड्यात केंद्राकडून सर्वे करण्यात आला होता. यामध्ये घरोघर कचरा जमा करणे, कचऱ्याचे वर्गीकरण करणे, अशा 20 विविध घटकांचा समावेश होता. या सर्व गोष्टीत महापालिकेने चांगली प्रगती केली आहे. त्यामुळे महापालिका हा ‘किताब मिळवू शकली आहे. पुणे महापालिका आगामी काळात 7 स्टार आणि वॉटर प्लस मानांकन मिळवण्यासाठी प्रयत्न करणार आहे. जायका प्रकल्प अंतर्गत जलशुद्धीकरण केंद्राची कामे पूर्ण झाल्यावर महापालिका यासाठी पात्र होऊ शकते. (Pune PMC News)
दरम्यान नुकतेच केंद्र सरकारकडून पुणे शहराला हे प्रमाणपत्र देण्यात आले आहे. तसेच आज म्हणजे 11 जानेवारीला पुणे महापालिकेला राष्ट्रीय पुरस्कार दिला गेला. यामध्ये शहराची स्वच्छ सर्वेक्षण मधील रँकिंग समजली आहे. त्यानुसार 1 लाखाहून अधिक लोकसंख्येच्या शहरात पुणे 20 व्या रँकिंग वरून 10 व्या स्थानावर आले आहे. तर 10 लाखांहून अधिक लोकसंख्येच्या शहरात पुणे 9 व्या स्थानावर आहे. तर इकडे महाराष्ट्रात पुणे 2 ऱ्या स्थानावर आले आहे. नुकताच केंद्र सरकारकडून महापालिकेच्या वतीने हा पुरस्कार स्वीकारण्यात आला आहे. केंद्र सरकारने  राज्यातून फक्त 3 शहरांनाच निमंत्रण दिले होते. यामध्ये नवी मुंबई, पुणे आणि पिंपरी चिंचवड शहराचा समावेश होता. पुणे महापालिकेचे याबाबत कौतुक होत आहे.
—-
पुणे शहराला याआधीच  5 स्टार प्रमाणपत्र मिळाले आहे. त्यात आता रँकिंग देखील वाढली आहे. ही पुणे महापालिकेच्या दृष्टीने मोठी गोष्ट आहे. महापालिकेने केलेल्या चांगल्या कामगिरीवर केंद्र सरकारने मोहोर लावली आहे. मागील वर्षी पेक्षा खूप सुधारणा आपण केल्या आहेत. महापालिका आपल्या कामगिरीत अजून चांगल्या सुधारणा करणार आहे. आता आपण 7 स्टार आणि वॉटर प्लस साठी प्रयत्न करणार आहोत. तसेच शहर भारत भरात पहिल्या 3 मध्ये कसे राहील, याबाबत देखील प्रयत्न सुरु राहणार आहेत.
– डॉ कुणाल खेमणार, अतिरिक्त आयुक्त, पुणे महापालिका 
—
स्वच्छ सर्वेक्षण 2023, (SS23), आपल्या पुणे महापालिकेला 5 स्टार सिटी प्रमाणपत्र मिळाले आहे. तसेच आता रँकिंग देखील कळली आहे. 20 वरून दहाव्या स्थानावर येणे आणि महाराष्ट्रात दुसऱ्या स्थानावर राहणे ही आमच्यासाठी खूप मोठी उपलब्धी आहे यात सर्वांचे मोलाचे योगदान आहे. मात्र आता आमची जबाबदारी वाढली आहे. आम्ही आता शहराला पहिल्या 5 मध्ये आणण्याचा प्रयत्न करू.
– संदिप कदम, उपायुक्त, घनकचरा व्यवस्थापन विभाग 
—

PMC Solid Waste Management Department | सार्वजनिक ठिकाणी अस्वच्छता करणे पुणेकरांना अजून पडणार महागात! | पुणे महापालिका अडीच ते तीन पटीने दंड वाढवणार

Categories
Breaking News PMC social पुणे

PMC Solid Waste Management Department | सार्वजनिक ठिकाणी अस्वच्छता करणे पुणेकरांना अजून पडणार महागात!

| पुणे महापालिका अडीच ते तीन पटीने दंड वाढवणार

PMC Solid Waste Management Department | सार्वजनिक ठिकाणी तसेच रस्ता किंवा मार्गावर अस्वच्छता करणे (Unhygienic in Public places), कचरा टाकणे यासाठी पुणे महापालिकेच्या घनकचरा विभागाकडून (PMC Pune Solid Waste Management Department) दंड आकारला जातो. मागील चार महिन्यात महापालिकेने 1 कोटींचा दंड वसूल केला आहे. दरम्यान आगामी काळात सार्वजनिक ठिकाणी अस्वच्छता करणे, अजून महागात पडणार आहे. कारण यासाठी आकारण्यात येत असलेला 180 रुपयाचा दंड वाढवून तो 500 रुपये करण्यात येणार आहे. यासाठी राज्य सरकारच्या मंजुरीची आवश्यकता असते. महापालिका सरकार मान्यता देईल या भरवश्यावर नवीन दंडाची अंमलबजावणी करणार आहे. याबाबतचा प्रस्ताव प्रशासनाकडून स्थायी समिती (PMC Standing Committee) समोर ठेवण्यात आला आहे. (Pune Municipal Corporation)
प्रशासनाच्या प्रस्तावा नुसार घनकचरा व्यवस्थापन नियम २०१६ चे तरतुदींचे अनुपालन न करणाऱ्या व्यक्ती, संस्था यांना दंड करण्याचे अधिकार नगरपरिषद / नगर पंचायत यांना शासन निर्णय नुसार देण्यात आले आहेत.  त्यानुसार  पुणे महानगरपालिका, घनकचरा व्यवस्थापन कार्यालयांतर्गत सार्वजनिक ठिकाणी / रस्ता / मार्गावर अस्वच्छता करणे याकरिता १८०/- दंडाची तरतूद करण्यात आलेली आहे. पुणे शहराचा विस्तार वाढत चाललेला असून वाढती लोकसंख्या त्यातून निर्माण होणाऱ्या विविध प्रकारच्या दैनंदिन कचऱ्याचे व्यवस्थापन करणे, त्याची अंमलबजावणी करणे तसेच घनकचरा हाताळणी आणि व्यवस्थापन नियमावली २०१६ नुसार प्रभावी करणेसाठी शहरातील नागरिकांचा सक्रीय सहभाग आवश्यक आहे. शहरातील जुन्या हद्दीत व नवीन समाविष्ट गावे येथील नागरिक कचरा उघड्यावर टाकत असतात. त्यामुळे क्रोनिक स्पॉट व अनारोग्यकारक परिस्थिती निर्माण होते व सदर ठिकाणी पडलेला कचरा उचलून घेण्यासाठी अतिरिक्त मनुष्य बळ वाहतूक खर्च व मिश्र कचऱ्यावर प्रक्रिया याकरिता महानगरपालिकेला आर्थिक तोशिष सहन करावी लागत आहे. (PMC Pune News)
प्रस्तावात पुढे म्हटले आहे कि, सार्वजनिक ठिकाणी तसेच रस्त्यावर  अस्वच्छता करणे याकरिता सध्या असणारी दंडाची तरतूद अत्यल्प असल्याने नागरिकांकडून घनकचरा व्यवस्थापन नियमांचे पालन करण्यामध्ये अनास्था दिसून येत आहे. त्यामुळे सदर दंडात्मक रक्कमेमध्ये वाढ करून १८०/- ऐवजी रक्कम ५००/- इतकी दंड आकारणी केल्यास प्रतिबंध सिद्धांतानुसार (theory of Deterrence) नुसार नागरिकांमध्ये अपेक्षित बदल घडून उघड्यावर कचरा टाकण्याचे प्रमाण कमी होणार आहे. यामुळे अपेक्षित घनकचरा व्यवस्थापन नियमांची अंमलबजावणी होऊन शहर स्वच्छ व सुंदर राखण्यास मदत होणार आहे. यामध्ये नागरिकांकडून निधी वसूल करणे असे उद्दिष्ट नसून घनकचरा व्यवस्थापनामध्ये नागरिकांचा सहभाग वाढवणे व शहर विद्रुपीकरणास प्रतिबंध करणे असे ध्येय आहे. दंड रक्कम FI31A101 स्वच्छता संकल्प निधी या अर्थाशिर्षाकावर जमा होत असून या रक्कमेचा विनियोग सार्वजनिक स्वच्छतेच्या कामाकरिता केला जातो.
त्यानुसार हा प्रस्ताव स्थायी समिती आणि मुख्य सभेसमोर ठेवला जाणार आहे. त्यानंतर राज्य सरकारकडे पाठवला जाणार आहे. मात्र सरकार मान्यता देईल या भरवश्यावर नवीन दंडाची अंमलबजावणी करण्याचा मानस महापालिका प्रशासनाचा आहे.

Pune city is now 5 stars! |Another honour in the veins of (PMC)

Categories
Breaking News PMC social पुणे

Pune city is now 5 stars! | Another honour  in the veins of (PMC) Pune Municipal Corporation!

Pune 5 Star City | PMC | Pune city is now 5 stars! | Another honorable tour in the veins of Pune Municipal Corporation! | Pune Municipal Corporation received National Award

Pune 5 Star City | PMC | Another treasure has been buried in the heart of Pune City. Due to the efforts made by Pune Municipal Corporation, Pune city has now become 5 star. Pune Municipal Corporation (PMC Pune) has received a National Award and 5 Star City Certificate in Swachh Survey 2023. The city of Pune was in the middle of 3 stars till date. However, the Municipal Corporation has achieved the honor of being 5 stars for the first time by performing well. This is considered a big achievement for Pune Municipality and Pune City. (PMC Pune News)

Pune city has earned the reputation as the best livable city in the country. Also Pune city has got many titles like capital of education, cultural capital of the state. Another reputation has been added to it. Pune city has now become 5 star. The Solid Waste Management Department of Pune Municipal Corporation (PMC Solid Waste Management Department) was constantly striving for this. Pune city was so far in 3 stars. But now it has increased to 5 stars. In fact, the municipality was trying for this since 2019. But for some reason this rating was missing. But finally the Municipal Corporation has achieved this achievement. In this regard, a survey was conducted by the Center in the last week of September. It included 24 different components such as door-to-door waste collection, waste sorting, etc. The Municipal Corporation has made good progress in all these matters. Therefore, the municipality has been able to get this book. Pune Municipal Corporation will try to get 7 star and water plus rating in the coming time. Municipal Corporation can be eligible for this after completion of water treatment plant works under Jayaka project. (Pune PMC News)

Meanwhile, the central government has recently given this certificate to Pune city. Also, the National Award will be given on January 11. In this, the ranking of the city in Swachh Survekshan will also be known. The central government has invited only 3 cities from the state on January 11. This includes the cities of Navi Mumbai, Pune and Pimpri Chinchwad. Pune Municipal Corporation is appreciating this. Pune Municipal Corporation has already become open definition free. The Municipal Corporation has also got a rating in this regard. But the municipality is still improving its performance and trying to keep the ranking in the top 5. Also, the solid waste department of the municipal corporation has also expressed its intention to get 7 star and water plus rating in the future.

—

Pune city has got 5 star certificate for the first time. In the future we will try for 7 stars. There are 8-9 cities in the country in 5 stars. It includes Pune. This is a big thing for Pune Municipal Corporation. The central government has put a stamp on the good performance of the municipal corporation. We have made a lot of improvements compared to last year. The municipality is going to improve its performance even better. Meanwhile, the city of Pune has also been invited to the program to be held in Delhi on January 11. This is even better. It will also know the national awards and your ranking.

– Dr. Kunal Khemmanar, Additional Commissioner, Pune Municipality

—

Swachh Survekshan 2023, (SS23), our Pune Municipal Corporation has received a National Award and 5 Star City Certificate. This has been possible due to the commendable leadership and trust of the Municipal Commissioner, the guidance of the Additional Commissioner, and the hard work of all officers and staff. Aji ex-officers, journalists and citizens of Pune have also contributed a lot in this. But now our responsibility has increased. We will work hard.

– Sandeep Kadam, Deputy Commissioner, Solid Waste Management Department

—

Pune 5 Star City | PMC | पुणे शहर झाले आता 5 स्टार! | पुणे महापालिकेच्या शिरपेचात आणखी एक मानाचा तुरा!

Categories
Breaking News PMC social देश/विदेश पुणे

Pune 5 Star City | PMC | पुणे शहर झाले आता 5 स्टार! | पुणे महापालिकेच्या शिरपेचात आणखी एक मानाचा तुरा!

| पुणे महापालिकेला मिळाला राष्ट्रीय पुरस्कार

Pune 5 Star City | PMC | पुणे शहराच्या (Pune City) शिरपेचात आणखी एका मानाचा तुरा खोवला गेला आहे. पुणे महापालिका (Pune Municipal Corporation) करत असलेल्या प्रयत्नामुळे पुणे शहर आता 5 स्टार झाले आहे. पुणे महापालिकेला (PMC Pune) स्वच्छ सर्वेक्षण 2023 (Swachh Survey 2023) मध्ये एक राष्ट्रीय पुरस्कार आणि स्टार सिटी प्रमाणपत्र मिळाले आहे. पुणे शहर हे आजपर्यंत 3 स्टार मधेच होते. मात्र महापालिकेने उत्तम कामगिरी करून पहिल्यांदाच 5 स्टार होण्याचा मान मिळवला आहे. पुणे महापालिका आणि पुणे शहरासाठी ही मोठी उपलब्धी मानली जात आहे. (PMC Pune News)
देशातील राहण्यायोग्य सर्वोत्तम शहर म्हणून पुणे शहराचा नावलौकिक झाला आहे. तसेच विद्येचे माहेरघर, राज्याची सांस्कृतिक राजधानी अशी बरीच बिरुदे पुणे शहराला मिळाली आहेत. त्यात अजून एक नावलौकिकाची भर पडली आहे. पुणे शहर आता 5 स्टार झाले आहे. पुणे महापालिकेचा घनकचरा विभाग (PMC Solid Waste Management Department) यासाठी सातत्याने प्रयत्नशील होता. पुणे शहर आतापर्यंत 3 स्टार मधेच होते. मात्र आता यात वाढ होऊन ते 5 स्टार झाले आहे. खरे पाहता महापालिका यासाठी 2019 सालापासूनच प्रयत्न करत होती. मात्र काहींना काही कारणाने हे मानांकन हातून सुटत होते. मात्र अखेर महापालिकेने ही उपलब्धी मिळवली आहे. याबाबत सप्टेंबर च्या शेवटच्या आठवड्यात केंद्राकडून सर्वे करण्यात आला होता. यामध्ये घरोघर कचरा जमा करणे, कचऱ्याचे वर्गीकरण करणे, अशा 24 विविध घटकांचा समावेश होता. या सर्व गोष्टीत महापालिकेने चांगली प्रगती केली आहे. त्यामुळे महापालिका हा ‘किताब मिळवू शकली आहे. पुणे महापालिका आगामी काळात 7 स्टार आणि वॉटर प्लस मानांकन मिळवण्यासाठी प्रयत्न करणार आहे. जायका प्रकल्प अंतर्गत जलशुद्धीकरण केंद्राची कामे पूर्ण झाल्यावर महापालिका यासाठी पात्र होऊ शकते. (Pune PMC News)
दरम्यान नुकतेच केंद्र सरकारकडून पुणे शहराला हे प्रमाणपत्र देण्यात आले आहे. तसेच 11 जानेवारीला राष्ट्रीय पुरस्कार दिला जाणार आहे. यामध्ये शहराची स्वच्छ सर्वेक्षण मधील रँकिंग देखील कळणार आहे. केंद्र सरकारने 11 जानेवारीला राज्यातून फक्त 3 शहरांनाच निमंत्रण दिले आहे. यामध्ये नवी मुंबई, पुणे आणि पिंपरी चिंचवड शहराचा समावेश आहे. पुणे महापालिकेचे याबाबत कौतुक होत आहे. पुणे महापालिका याआधीच ओपन डिफिकेशन मुक्त झाले आहे. याबाबत महापालिकेने मानांकन देखील मिळवले आहे. मात्र महापालिका अजून कामगिरीत सुधारणा करत असून रँकिंग पहिल्या 5 मध्ये ठेवण्यासाठी प्रयत्न करत आहे. तसेच आगामी काळात 7 स्टार आणि वॉटर प्लस मानांकन मिळवण्याचा मानस देखील महापालिकेच्या घनकचरा विभागाने व्यक्त केला आहे.
—
पुणे शहराला पहिल्यांदाच 5 स्टार प्रमाणपत्र मिळाले आहे. आगामी काळात आपण 7 स्टार साठी प्रयत्न करणार आहोत. 5 स्टार मध्ये देशातील 8-9 शहरे आहेत. त्यामध्ये पुण्याचा समावेश आहे. ही पुणे महापालिकेच्या दृष्टीने मोठी गोष्ट आहे. महापालिकेने केलेल्या चांगल्या कामगिरीवर केंद्र सरकारने मोहोर लावली आहे. मागील वर्षी पेक्षा खूप सुधारणा आपण केल्या आहेत. महापालिका आपल्या कामगिरीत अजून चांगल्या सुधारणा करणार आहे. दरम्यान 11 जानेवारीला दिल्लीला होणाऱ्या कार्यक्रमात पुणे शहराला देखील निमंत्रण आहे. ही आणखी चांगली गोष्ट आहे. यात राष्ट्रीय पुरस्कार आणि आपली रँकिंग देखील  कळणार आहे.
– डॉ कुणाल खेमणार, अतिरिक्त आयुक्त, पुणे महापालिका 
—
स्वच्छ सर्वेक्षण 2023, (SS23), आपल्या पुणे महापालिकेला एक राष्ट्रीय पुरस्कार आणि 5 स्टार सिटी प्रमाणपत्र मिळाले आहे. मनपा आयुक्त यांचे प्रशंसनीय नेतृत्व व विश्वास, अतिरिक्त आयुक्त यांचे  मार्गदर्शन, तसेच सर्व  अधिकारी आणि कर्मचारी यांचे कठोर परिश्रम यामुळे हे घडले आहे. आजी माजी पदाधिकारी, पत्रकार आणि पुणेकर नागरिक यांचे देखील यात मोलाचे योगदान आहे. मात्र आता आमची जबाबदारी वाढली आहे. आम्ही जोमाने काम करू.
– संदिप कदम, उपायुक्त, घनकचरा व्यवस्थापन विभाग 
—

Deccan Gymkhana Chitale Corner Pune | डेक्कन जिमखान्या जवळील चितळे कॉर्नरचा वाढदिवस | नवीन वर्षाची सुरुवात एका आगळ्यावेगळ्या कार्यक्रमाने!

Categories
Breaking News cultural PMC social पुणे

Deccan Gymkhana Chitale Corner Pune | डेक्कन जिमखान्या जवळील चितळे कॉर्नरचा वाढदिवस | नवीन वर्षाची सुरुवात एका आगळ्यावेगळ्या कार्यक्रमाने!

 

Deccan Gymkhana Chitale Corner Pune | डेक्कन जिमखाना परिसर समिती (Deccan Gymkhana Parisar Samiti) तर्फे एका वेगळ्याच कारणासाठी आजची सकाळ साजरी करण्यात आली. दहा वर्षे झाल्यावर अनेक जण विविध कारणांसाठी वाढदिवस साजरे करतात. डेक्कन जिमखान्यावरील चितळे कॉर्नर येथे कचऱ्याचे दोन कंटेनर होते, ते भरून रस्त्यावर वहात असत. ते काढून टाकून आज बरोबर दहा वर्षे झाली. तेव्हा पासून ही जागा स्वच्छ राहते. त्यानिमित्ताने डेक्कन जिमखाना परिसर समितीने हा एक आगळावेगळा वाढदिवस आयोजित केला होता. (Pune News)

कंटेनर मुक्त परिसर करण्यासाठी बऱ्याच जणांचे योगदान होते. महानगरपालिका अधिकाऱ्यांपासून, नगरसेवक, पालिकेचे कर्मचारी, जनवाणी आणि स्वच्छ संस्थेचे कर्मचारी, आणि परिसरातील नागरिक सगळ्यांचा सहभाग यामध्ये होता. ह्या कार्यक्रमासाठी त्यावेळचे घोलेरोड क्षेत्रिय कार्यालयाचे सहआयुक्त सध्याचे उपायुक्त (अतिक्रमण, पर्यावरण इ.) माधव जगताप,  निरीक्षक इनामदार, इतर घनकचरा अधिकारी  रूपाली जाधव,  मांडेकर व इतर सर्व निरीक्षक आणि मुकादम येनपुरे,  खंडू कसबे, प्रभागाच्या माजी नगरसेविका माधुरीताई सहस्त्रबुद्धे व माजी नगरसेवक  अनिल राणे आदींची विशेष उपस्थिती होती.

दहा वर्षांपूर्वी सर्व नागरिकांना ओला व सुका कचरा वेगळा करून देण्यासाठी परिसर समितीतील सर्वांनीच अतिशय प्रयत्न केले डॉ. सुमिता काळे, डॉ. सुषमा दाते, प्रिया भिडे, माधवी राहिरकर, स्वाती पेडणेकर, नीलिमा रानडे इत्यादी सर्व जणींनी घरोघरी जाऊन कचरा वेगळा करण्याचे महत्त्व पटवून दिले. तसेच संपूर्ण डेक्कन जिमखान्यावर स्वच्छ या संस्थेच्या मदतीने घरोघरी घंटागाडी जाऊन कचरा गोळा करण्यासाठी एक पद्धत चालू केली. त्यामुळे कंटेनर मध्ये येणारा या परिसरातील कचरा तीन-चार महिन्याच्या सातत्याच्या प्रयत्नाने थांबला. कंटेनर काढल्यामुळे रस्त्यावर मोठी मोकळी जागा तर मिळालीच त्याबरोबर त्या परिसरातील दुर्गंधी नाहीशी झाली. लोकांना याचा भरपूर फायदा झाला हेच उदाहरण घेऊन संपूर्ण प्रभागातील ३६ कंटेनर काढून टाकण्यात आले.

याप्रसंगी, महानगरपालिकेचे उपायुक्त जगताप यांनी सर्वांना आवाहन केले की, “दरवर्षी संकल्प करून आणि सर्व लोकांना एकत्र घेऊन, असेच लोकांच्या उपयोगाचे कार्यक्रम सातत्याने चालू राहावेत.” त्यांनी परिसर समितीचे आणि सगळ्या महानगरपालिकेच्या टीमचे अभिनंदन केले. श्रीमती माधुरीताई सहस्त्रबुद्धे या कार्यक्रमाच्या वेळी म्हणाल्या की, “सर्वांच्या सहकाराने आपण अत्यंत कठीण काम यशस्वीपणे करून, गेली दहा वर्षे हा कोपरा कंटेनर मुक्त ठेवला आहे.” मुकादम श्री. येनपुरे व त्यांच्या सर्व टीमसाठी डेक्कन जिमखाना परिसर समितीतर्फे विशेष आभार व्यक्त केले. सर्व उपस्थित कर्मचारी, सहकारी यांना गुलाबाचे फुल व पेढा देऊन त्यांच्या योगदानाबद्दल कौतुक केले. हा कोपरा आता कधीकधी म्हणावा तसा स्वच्छ नसतो, हे लक्षात घेऊन सर्वांनी एकत्र येऊन परत एकदा स्वच्छतेबद्दल प्रयत्नशील राहण्याचा संकल्प केला.

PMC Solid Waste Management Department | पुणे महापालिकेच्या घनकचरा विभागाने 4 महिन्यात वसूल केला 1 कोटींचा दंड! 

Categories
Breaking News PMC social पुणे

PMC Solid Waste Management Department | पुणे महापालिकेच्या घनकचरा विभागाने 4 महिन्यात वसूल केला 1 कोटींचा दंड!

| अस्वच्छता करणाऱ्या 24 हजार नागरिकांवर 4 महिन्यात कारवाई

PMC Solid Waste Management Department | पुणे | पुणे महापालिकेच्या घनकचरा व्यवस्थापन विभागाच्या (PMC Solid Waste Management Department) वतीने सार्वजनिक जागी थुंकणे, कचरा जाळणे, अस्वच्छता करणे, अशा कारणांसाठी दंडात्मक कारवाई केली जाते. विभागाने ही कारवाई गंभीरपणे सुरु केली आहे. 1 ऑक्टोबर ते 30 डिसेंबर 2023  या काळात सर्व क्षेत्रीय कार्यालयाच्या माध्यमातून  1 कोटींचा  दंड वसूल करण्यात आला आहे. तर एकूण वर्षभरात 1 कोटी 66 लाखांचा दंड वसूल करण्यात आला आहे.  स्वच्छतेबाबत जनजागृती करण्यासाठी गेल्या चार महिन्यात 24 हजाराहून अधिक तर  वर्षभरात 37 हजाराहून अधिक पुणेकरांवर ही दंडात्मक कारवाई करण्यात आली आहे. अशी माहिती उपायुक्त संदीप कदम (Deputy Commissioner Sandip Kadam PMC) यांनी दिली. (Pune Municipal Corporation)

दंड घेण्याची तरतूद

पुणे महापालिकेने सार्वजनिक जागी स्वच्छता राखण्यासाठी स्वच्छता उपविधी तयार केली आहे. त्या नियमानुसार अस्वच्छता करणाऱ्या नागरिकांस दंडात्मक कारवाई केली जाते. यामध्ये सार्वजनिक जागी थुंकणे, लघवी करणे, कचरा जाळणे, कचऱ्याचे सुका आणि ओला असे वर्गीकरण न करणे, नदीत राडारोडा टाकणे, अशा गोष्टींचा समावेश आहे. यासाठी 180 रुपयापासून ते 5 हजार रुपयांपर्यंतच्या दंडाची तरतूद आहे. लोकांमध्ये स्वच्छतेबाबत जनजागृती करण्यासाठी  महापालिका घनकचरा व्यवस्थापन विभागाने ही कारवाई सुरु केली आहे. असे कदम यांनी सांगितले. (PMC Pune)

असा केला दंड वसूल

2023 या वर्षभरात सार्वजनिक ठिकाणी थुंकण्याबाबद्दल 1248 लोकांकडून 12 लाख 48 हजार दंड वसूल करण्यात आला. सार्वजनिक ठिकाणी लघवी करणाऱ्या 858 जणांकडून 1 लाख 81 हजार 670 रुपये वसूल केले. कचरा जाळणाऱ्या 1263 लोकांकडून 7 लाख 9 हजार 100 रु वसूल करण्यात आले. कचऱ्याचे वर्गीकरण न केल्याबद्दल 2064 लोकांकडून 4 लाख 3 हजार रुपये वसूल करण्यात आले. घरगुती कचरा स्वच्छ च्या लोकांना देण्यास नकार देणाऱ्या 381 लोकांकडून 12940 वसूल करण्यात आले. सार्वजनिक ठिकाणी अस्वच्छता करणाऱ्या 30129 लोकांकडून 95 लाख 65 हजार रुपये वसूल करण्यात आले. बल्क वेस्ट जनरेटर कचरा प्रक्रिया प्रकल्प बंद बाबत 53 लोकांकडून 2 लाख 75 हजार वसूल केले. बांधकाम राडारोडा टाकणाऱ्या 298 लोकांकडून 14 लाख 65 हजार 650 वसूलण्यात आले. 548 लोकांवर प्लास्टिक कारवाई करत 27 लाख 11 हजार वसूल करण्यात आले. अशा एकूण 37 हजार 152 लोकांवर दंड ठोठावत महापालिकेने 1 कोटी 66 लाख 37 हजार 721 रुपये वसूल केले. (Pune Municipal Corporation)

चांगल्या कामाचे कौतुक होणे गरजेचे

दरम्यान या दंडात्मक कारवाईत काही क्षेत्रीय कार्यालयांनी नेत्रदीपक कामगिरी केली आहे. तर काहींनी मात्र अगदीच सुमार काम केले आहे. चांगले काम करण्यात हडपसर क्षेत्रीय कार्यालय, नगर वडगावशेरी, कोंढवा येवलेवाडी, सिंहगड रोड क्षेत्रीय कार्यालयाने खूप चांगल्या पद्धतीने जनजागृती करत दंडात्मक कारवाई केली आहे. तर येरवडा कळस धानोरी, ढोले पाटील रोड, बिबवेवाडी अशा क्षेत्रीय कार्यालयांनी मात्र सुमार काम केल्याचे आढळून येत आहे. या परिसरात कचऱ्याचे साम्राज्य असताना देखील इथे म्हणावी तशी कारवाई झाली नाही. दरम्यान क्षेत्रीय कार्यालयाच्या कामात अजून गती येण्यासाठी प्रशासनाकडून चांगल्या कामाबाबत शाबासकी देणे गरजेचे आहे. चांगले काम करणाऱ्या क्षेत्रीय कार्यालयांना बक्षीस द्यायला हवे आहे. तर सुमार काम करणाऱ्या कार्यालयांना तंबी द्यायला हवीय.

शहराबाबत लोकांची मानसिकता बदलणे गरजेचे

महापालिकेकडून शहर स्वच्छ ठेवण्यासाठी जसे प्रयत्न केले जातात, तशाच पद्धतीने पुणेकरांनी देखील प्रशासनाला प्रतिसाद देणे गरजेचे आहे. मात्र तेच होताना दिसत नाही. काही नागरिक आणि व्यावसायिक इतस्ततः कचरा फेकत राहतात. त्यामुळे शहरात उघडयावर कचरा फेकण्याच्या प्रमाणात वाढ होत राहते.  अशा लोकांनी शहराला आपलं मानण्याची आवश्यकता आहे. पुणे शहरात राज्य आणि देशभरातून लोक येऊन स्थायिक झाले आहेत. त्यामुळे त्यांना शहराविषयी आस्था वाटत नसावी, मात्र ही मानसिकता बदलणे गरजेचे आहे. तेव्हा खऱ्या अर्थाने शहर स्वच्छ होण्यास सुरुवात होईल.
——
पुणे शहराला स्वच्छ सर्वेक्षण मध्ये देशपातळीवर पहिल्या 5 क्रमांकात आणण्यासाठी आम्ही प्रयत्नशील आहोत. त्याचाच भाग म्हणून ही दंडात्मक कारवाई करण्यात येत आहे. यामुळे कचरा उघड्यावर फेकला जाणार नाही. लोकांमध्ये जनजागृती येईल. हे काम प्रभावीपणे करण्यासाठी आम्ही परिमंडळ निहाय काही अधिकाऱ्यांची नियुक्ती देखील केली आहे. दररोज कचरा उचलला जाणे, त्याचे वर्गीकरण होणे, कचरा उघड्यावर फेकला न जाणे, यावर देखरेख करण्याचे काम हे अधिकारी करतील.
– संदीप कदम, उपायुक्त्त, घनकचरा व्यवस्थापन विभाग. 
—-

PMC Sanitary Inspector (SI) Promotion | आरोग्य निरीक्षक पदोन्नती : पात्र कर्मचाऱ्यांनी अर्ज करण्याचे प्रशासनाचे आवाहन!

Categories
Breaking News PMC पुणे

PMC Sanitary Inspector (SI) Promotion | आरोग्य निरीक्षक पदोन्नती : पात्र कर्मचाऱ्यांनी अर्ज करण्याचे प्रशासनाचे आवाहन!

| 31 जानेवारी पर्यंत अर्ज करता येणार

 

PMC Sanitary Inspector (SI) Promotion |  पुणे मनपातील (Pune Municipal Corporation) कार्यरत कर्मचाऱ्यामधून किमान ३ वर्षाचा अनुभव व शैक्षणिक अर्हता धरण करणाऱ्या सेवकांची “आरोग्य निरीक्षक” वर्ग-३ (Sanitary Inspector class 3) या पदावर तात्पुरत्या पदोन्नतीने नियुक्ती देण्यात येणार आहे. त्यासाठी अर्ज करण्याचे आवाहन महापालिका प्रशासनाकडून कर्मचाऱ्यांना करण्यात आले आहे. अर्ज करण्यासाठी 31 जानेवारीचा कालावधी देण्यात आला आहे. याबाबत प्रशासना कडून परिपत्रक (PMC Circular) जारी करण्यात आले आहे. (PMC Pune)

पुणे महानगरपालिका प्रशासनाकडील घनकचरा व्यवस्थापन विभागाकडील (PMC Solid Waste Management Department) “आरोग्य निरीक्षक” या पदाच्या जागा पुणे महानगरपालिकेमधील (PMC Pune) कार्यरत कर्मचाऱ्यांमधून सेवाजेष्ठता, गुणवत्ता व किमान ३ वर्षाचा अनुभव असणाऱ्या सेवकांमधून बढतीने भरावयाच्या धोरणास शासन निर्णयानुसार व महापालिका आयुक्त यांचे ठरावानुसार मान्यता प्राप्त झाली आहे. मान्यतेनुसार पुणे महानगरपालिका प्रशासनाकडील कार्यरत कर्मचाऱ्यांमधून ज्या सेवकांची
३०/११/२०२० किंवा तत्पुर्वी शेड्युलमान्य पदावर नेमणूक करण्यात आली आहे व जे सेवक शासन निर्णयामध्ये नमूद केलेल्या अ. माध्यमिक शालांत परीक्षा (एस.एस.सी.) उत्तीर्ण आणि स्वच्छता निरीक्षक पदविका उत्तीर्ण, ब. शास्त्र शाखेची पदवीधारकास प्राधान्य, क. पुणे महानगरपालिकेच्या आस्थापनेवर सेवाजेष्ठता व गुणवत्ता याआधारे कार्यरत कर्मचाऱ्यांमधून किमान ३ वर्षाचा अनुभव असणे आवश्यक. ही पात्रता धारण करणाऱ्या सेवकांची माहिती सर्व खातेप्रमुख / विभागप्रमुख यांचेकडून विहीत नमुन्यामध्ये मागविण्यात येत आहे. विहित नमुन्यातील अर्ज पुणे महानगरपालिकेच्या https://pmc.gov.in या संकेत स्थळावर प्रसिध्द करण्यात येणार आहे. (Pune PMC News)
तरी अशा मनपातील उपरोक्त नमूद केलेली शैक्षणिक अर्हता धारण केलेल्या व ज्यांचे जातवैधता प्रमाणपत्र प्राप्त आहे अशा सेवकांची माहिती खातेप्रमुख. शिफारशीसह विहित नमुन्यामधील अर्जासह आवश्यक त्या कागदपत्रांची पूर्तता करून आस्थापना विभाग कार्यालयाकडे ३१ जानेवारी अखेर सादर करावी. असे आवाहन प्रशासनाकडून करण्यात आले आहे.
 आरोग्य निरीक्षक पदाची शैक्षणिक अर्हता व अनुभव धारण करणाऱ्या वर्ग-३ व वर्ग-४ कर्मचाऱ्यांची गुणवत्ता पडताळणी परीक्षा घेण्यात येणार आहे. परीक्षेबाबत सामान्य प्रशासन विभागाकडून सूचना पारित करण्यात येईल. नमुद केलेप्रमाणे जे संबंधित सेवक विहित केलेल्या मुदतीमध्ये साक्षांकित कागदपत्रांसह खातेप्रमुख यांचे मार्फत अर्ज सादर करणार नाहीत व अपूर्ण अर्ज / कागदपत्रे सादर करतील, अशा कर्मचाऱ्यांचा “आरोग्य निरीक्षक”, वर्ग-३ या पदासाठी विचार केला जाणार नाही. असे ही प्रशासनाकडून जारी करण्यात आलेल्या परिपत्रकात म्हटले आहे.