Tag: Pune Metro

Ruby Hall to Ramwdi Pune Metro | रूबी हॉल ते रामवाडी मेट्रोचे अखेर होणार उद्घाटन | काँग्रेसच्या आंदोलनाला मिळाले यश – माजी आमदार मोहन जोशी

Categories
Breaking News Political social पुणे

Ruby Hall to Ramwdi Pune Metro | रूबी हॉल ते रामवाडी मेट्रोचे अखेर होणार उद्घाटन

| काँग्रेसच्या आंदोलनाला मिळाले यश – माजी आमदार मोहन जोशी

 

पुणे : (The Karbhari News Service) – Ruby Hall to Ramwadi Pune Metro | पुणेकरांची वाहतूक कोंडीतून सुटका होण्यासाठी रुबी हॉल ते रामवाडी मेट्रो मार्ग सुरू होणे गरजेचे होते. परंतु पंतप्रधान नरेंद्र मोदी यांना सोयीची वेळ मिळत नसल्याने तिथपर्यंत मेट्रो सेवा सुरू होत नव्हती, या विरोधात काँग्रेस पक्ष आणि ‘वेकअप’ पुणेकर यांनी जनमताचा रेटा उभा केला, त्याला यश आले, परिणामी येत्या ६ मार्च रोजी मेट्रो मार्गाचे उदघाटन होत आहे, अशी प्रतिक्रिया माजी आमदार, महाराष्ट्र प्रदेश काँग्रेसचे उपाध्यक्ष मोहन जोशी यांनी व्यक्त केली आहे. (Mohan Joshi Pune Congress)

पुणेकरांना शहरात ठिकठिकाणी वाहतूक कोंडीला तोंड द्यावे लागते. यावर उपाययोजना म्हणून वनाज ते रामवाडी हा मेट्रो मार्ग चालू होणे खूप गरजेचे आहे. लांब अंतरापर्यंत मेट्रो धावली तर जास्तीत जास्त पुणेकर तिचा लाभ घेतील. कोथरूडहून स्टेशनपर्यंत जाणाऱ्यांची सोय होईल आणि रस्त्यावरील वाहतुकीचा, रहदारीचा ताण कमी होईल. मात्र, ते लक्षात न घेता पंतप्रधानांच्या सोयीसाठी निम्म्याहून अधिक मेट्रो मार्ग अडविला गेला होता. या प्रकाराच्या विरोधात पुणेकरांचा आवाज उठविण्यासाठी काँग्रेस पक्षाच्या वतीने विविध आंदोलने करण्यात आली. अलीकडेच समाजसेवक सार्वजनिक काका यांच्या पुतळ्यासमोर घंटानाद आंदोलनही केले होते. त्याला लोकांचा प्रतिसाद मिळाला होता. ‘वेकअप’ पुणेकर अभियानांतर्गत वाहतूक तज्ज्ञ आणि मेट्रो अधिकाऱ्यांच्या बैठका घेण्यात आल्या. त्यातून जनमताचा रेटा निर्माण केला. त्यापुढे सत्ताधारी भाजपला झुकावे लागले. ऑनलाईन पद्धतीने का होईना पंतप्रधान मोदी ६ तारखेला मेट्रो मार्गाचे उदघाटन करणार आहेत, असे मोहन जोशी यांनी पत्रकात म्हटले आहे.

मेट्रो सेवा मुळात काँगेसचा प्रकल्प आहे. हा प्रकल्प राबवताना २०१४ पासून भारतीय जनता पक्षाने यात उदंड राजकारण केले. त्यांच्यातील अंतर्गत वादात प्रकल्प लांबत गेला आणि खर्च वाढला. आजही भाजपचे तेच राजकारण चालू आहे. पुण्याचे प्रश्न सोडविण्याविषयी त्यांच्यात अनास्थाच आहे. लोहगाव विमानतळ टर्मिनल २ विमान वाहतुकीसाठी सज्ज झाले आहे. पण, तिथेही भाजपचे श्रेयाचे राजकारण चालू असून, उदघाटन अजूनही झालेले नाही, अशी टीका मोहन जोशी यांनी पत्रकाद्वारे केली आहे.

MLA Sunil Tingre | प्रवाशांच्या सोईसाठी मेट्रो विमानतळापर्यंत जोडावी | आमदार सुनिल टिंगरेंची विधानसभेत मागणी

Categories
Breaking News Political social पुणे महाराष्ट्र

MLA Sunil Tingre | प्रवाशांच्या सोईसाठी मेट्रो विमानतळापर्यंत जोडावी

| आमदार सुनिल टिंगरेंची विधानसभेत मागणी

 

MLA Sunil Tingre | पुणे शहरात मेट्रोचे (Pune Metro) जाळे उभे राहत आहे. मात्र, पुणे विमानतळाला मेट्रोची लाईन जोडण्यात आलेली नाही, प्रवाशांच्या सोईसाठी ही मेट्रो विमानतळापर्यंत (Pune Airport) नेण्यात यावी अशी मागणी वडगाव शेरीचे आमदार सुनिल टिंगरे (MLA Sunil Tingre) यांनी विधानसभेत केली.

विधानसभेत 293 व्या ठराव्यावरील चर्चेत आमदार टिंगरे यांनी सहभाग घेतला. यावेळी ते म्हणाले, शहरात मेट्रोचे जाळे अतिशय मोठ्या प्रमाणात पसरत चालले आहे, त्याला प्रवाशांचा प्रतिसाद मिळतोय. या मेट्रोने शिवाजीनगर, पुणे स्टेशन रेल्वे स्टेशन, स्वारगेट एसटी स्टॅन्ड असे महत्वाचे भाग जोडले आहेत. मात्र, शहरात विमानतळ आहे याचा विसर पडलेला दिसतो. नगर रस्त्यावर रामवाडीपर्यंत ही मेट्रो आलेली आहे. मात्र, ती विमानतळाला जोडलेली नाही, त्यामुळे विमानतळावर ये-जा करणार्‍या प्रवाशांची गैरसोय होत आहे. आपण परदेशात विमानतळापासून थेट मेट्रोची सुविधा पाहतो. त्याचप्रमाणे प्रवाशांच्या सोईसाठी पुणे विमानतळापर्यंत मेट्रो नेण्यात यावी अशी मागणी आमदार टिंगरे यांनी सरकारकडे केली.
———————

2024 पर्यंतच्या झोपडपट्टीधारकांना घरे द्यावीत

झोपडपट्टीतील रहिवाशांना हक्काची घरे देण्यासाठी राबविण्यात आलेल्या एसआरए योजनेत 2011 पर्यंतच्या झोपडपट्टीधारकांना घरे दिली जात आहे. मात्र, या योजनेच्या नियमावलीत सुधारणा करून 2024 पर्यंतच्या झोपडपट्टीधारकांचा समावेश करून त्यांना घरे देण्यात यावी, जेणेकरून कुटुंब वाढलेल्या झोपडपट्टीधारकांना त्याचा फायदा मिळू शकेल अशी मागणीही आमदार टिंगरे यांनी सरकारकडे केली.

Pune Metro | Pune Airport New Terminal | रूबी हॉल ते रामवाडी मेट्रो आणि नवीन विमानतळ टर्मिनलचे उदघाटनासाठी घंटानाद आंदोलन!

Categories
Breaking News Political social पुणे

Pune Metro | Pune Airport New Terminal | रूबी हॉल ते रामवाडी मेट्रो आणि नवीन विमानतळ टर्मिनलचे उदघाटनासाठी घंटानाद आंदोलन!

|सार्वजनिक काकांनी दाखविलेल्या सनदशीर मार्गाने सत्ताधाऱ्यांचे लक्ष वेधण्यासाठी आंदोलन : मोहन जोशी

 

The karbhari | पुणे – रूबी हॉल ते रामवाडी मेट्रो (Ruby Hall to Ramwadi Metro) आणि लोहगाव विमानतळाचे नवीन टर्मिनल (Pune Airport New Terminal), या प्रकल्पांचे लवकरात लवकर उदघाटन करा, या मागणीसाठी माजी आमदार, महाराष्ट्र प्रदेश काँग्रेसचे उपाध्यक्ष मोहन जोशी (Mohan Joshi Pune Congress) यांच्या नेतृत्वाखाली सार्वजनिक काका (Sarvajanik Kaka) यांच्या पुतळ्यासमोर आज (शुक्रवारी) दुपारी घंटानाद आंदोलन करण्यात आले.

इंग्रज सरकारच्या विरोधात सनदशीर मार्गाने होणाऱ्या चळवळीचा पाया कै.गणेश वासूदेव जोशी उर्फ सार्वजनिक काका यांनी रचला. त्यांच्या सनदशीर आंदोलनाचे अनुकरण करीत बाजीराव रस्त्यावरील सार्वजनिक काकांच्या पुतळ्यासमोर काँग्रेस पक्षाने घंटानाद आंदोलन केले. सद्यस्थितीत मोदी सरकारला जागे करण्यासाठी हे आंदोलन केल्याचे मोहन जोशी यांनी सांगितले.

रूबी हॉल ते रामवाडी मेट्रो आणि लोहगाव विमानतळाचे टर्मिनल हे दोन प्रकल्प पुणेकरांच्या सोयीसाठी लवकरात लवकर कार्यान्वित होणे गरजेचे आहे. जनतेच्या कोट्यवधी रुपयांतून हे प्रकल्प उभे करण्यात आले आहेत. हे प्रकल्प पूर्णपणे तयार आहेत. मात्र, पंतप्रधान नरेंद्र मोदी यांना या प्रकल्पांच्या उदघाटनासाठी सोयीची वेळ मिळावी म्हणून उदघाटन लांबवले जात आहे. दि. १९ फेब्रुवारीला पंतप्रधानांच्या हस्ते विमानतळ टर्मिनलचे उदघाटन होणार म्हणून पुणे जिल्ह्याचे पालकमंत्री अजित पवार यांनी तयारीसाठी अधिकाऱ्यांची बैठकही घेतली. प्रत्यक्षात उदघाटन झालेच नाही, हा संतापजनक प्रकार आहे. सरकारला जागे करण्यासाठीच सार्वजनिक काकांच्या पुतळ्याच्या साक्षीने काँग्रेस पक्षाने घंटानाद आंदोलन केले आहे. या मागण्यांसाठी यापुढेही सनदशीर मार्गाने तीव्र आंदोलन केले जाईल, असा इशारा मोहन जोशी यांनी दिला.

या आंदोलनात संजय बालगुडे, दत्ता बहिरट, बुवासाहेब नलावडे, जयसिंग भोसले, बाळासाहेब मारणे, नीता रजपूत, शेखर कपोते, प्रशांत सुरसे, प्रथमेश आबनावे, शाबिर खान, राजेंद्र पडवळ, सुरेश कांबळे, चेतन अग्रवाल, राजेंद्र धनवडे, रोहन सुरवसे, स्वाती शिंदे, सौरभ आमराळे, गोरख पळसकर, बबलू कोळी, मंगेश थोरवे, मंगेश कोंडे, नितीन यल्लापूरे, अंजलीताई सोलापूरे, प्रथमेश लभडे, किशोर साळुंखे, संकेत गलांडे, सचिन बहिरट, वाहिद वीयाबानी, नरेश धोत्रे, प्रशांत ओव्हाळ, जीवन चाकणकर, विनय तांबटकर, महेश हराळे, आनंद खन्ना, प्रदीप किराड, अयुब पठाण, उमेश काची, चंद्रकांत चव्हाण, गोपाळ चव्हाण, गणेश उबाळे, प्रवीण बिराजदार, नरेश नलावडे, समीर गांधी, राजश्री अडसूळ आदी पदाधिकारी, कार्यकर्ते सहभागी झाले होते.

Pune Metro Commissions 4.3 MW Rooftop Solar Power Plant

Categories
Breaking News social पुणे

Pune Metro Commissions 4.3 MW Rooftop Solar Power Plant

 

Pune | Pune Metro Rail Project consists of two corridors, North- South Corridor (Purple line) and East-West Corridor (Aqua line) with a total length of 33.2 KM and 30 stations. Length of the elevated section is 27.2 KM and the length of the underground section is 6 KM. There are 2 maintenance depots, one each at Range Hills and Vanaz.Sections from PCMC to Phugewadi (7 KM) and Vanaz to Garware (5 KM) were inaugurated by Hon’ble PM on 06th March .2022 and on 1st August 2023 Phugewadi to Civil Court (6.91 KM, 4 Stations) and Garware to Ruby Clinic ( 4.75 Km, 7 Stations) were again inaugurated by Hon’ble PM.

The vision of Pune Metro is to establish an energy-efficient Metro Rail System of international standards. This system aims to enhance the quality of life for Pune’s citizens and play a key role in the city’s overall development, making it more vibrant and attractive. Additionally, it seeks to harness the full potential of ‘Green Energy,’ including solar and wind power.

Pune Metro has installed solar panels at 10 of its stations and two car maintenance depots viz., Vanaz, Anand Nagar, Ideal Colony, Nal Stop, Garware College, PCMC, Sant Tukaram Nagar, Bhosari, Kasarwadi, and Phugewadi, as well as at both its depots, Range Hill Depot and Vanaz Depot. Today, on January 25th 2024, the Solar Power Plant at Range Hill Depot was inaugurated by the MD of Maha Metro, marking the commencement of power generation to be utilized for operating the station and depot. Director Works, Shri Atul Gadgil, Director Systems & Operations Shri Vinod Agrawal, Executive Director O & M Shri Rajesh Diwedi, Executive Director Admin & PR- Dr.Hemant Sonawane along with Shri. Anup Jhamtani & Shri Virendra Bhagwat from Jhamtani Prosumers Solar pvt ltd were also present during the inaugural ceremony.

The first solar plant with a capacity of 200 kWp was installed at Sant Tukaram Metro Station in February 2022, and soon Pune Metro will predominantly operate on green electricity. The 4300 kWp solar plant is expected to generate 7 million units of electricity annually, resulting in savings of huge reduction in Co2 emissions. M/s. Jhamtani Prosumers Solar Pvt. Ltd. installed the solar plant under the RESCO mode for Pune Metro, and they will operate it for the next 25 years. The project utilised best-in-class solar modules. Before the commissioning of the solar panels at Range Hill Depot IWB (758 KWp), the average energy export was approximately 1000-1300 units/day. Since the commissioning of the solar panels at Range Hill Depot IWB (758 KWp) on January 20th, 2024, the average energy export has increased to approximately 4300 units/day.
The daily average power generation through solar panels is 15557 units (kWh). Thus Rs.6.53 cr. savings in power bill per annum.
On this occasion, Shri. Shravan Hardikar, MD Maha Metro said,” Maha Metro is committed to generate as much green energy as it can. This will help in environment conservation and reducing the pollution”.

Pune Metro News | Pune Metro Solar Power Plant | पुणे मेट्रोने सुरु केला 4.3 मेगावॅट क्षमतेचा रूफटॉप सोलर पॉवर प्लांट

Categories
Breaking News social पुणे

Pune Metro News | Pune Metro Solar Power Plant | पुणे मेट्रोने सुरु केला 4.3 मेगावॅट क्षमतेचा रूफटॉप सोलर पॉवर प्लांट

| रेंज हिल डेपो येथील सौरऊर्जा प्रकल्पातून वीज निर्मिती सुरू

 

Pune Metro News |Pune Metro Solar Power Plant | पुणे मेट्रो प्रकल्पाच्या (Pune Metro Rail Project) एकूण १० मेट्रो स्थानकांवर (वनाझ, आनंद नगर, आयडियल कॉलनी, नळस्टॉप, गरवारे कॉलेज, पीसीएमसी, संत तुकाराम नगर, भोसरी, कासारवाडी आणि फुगेवाडी) तर २ देखभाल डेपो (रेंज हिल डेपो, हिल व्ह्यू पार्क डेपो वनाझ ) येथे सौर ऊर्जेपासून विद्युत निर्मितीचे पॅनल (Pune Metro Solar Panel) बसविण्यात आलेले आहे. आज, 25 जानेवारी रोजी, रेंज हिल डेपो येथील सौर ऊर्जा प्रकल्पाचे (Pune Metro Solar Power Plant) सोलर पॉवर प्लांट) उद्घाटन महामेट्रोचे व्यवस्थापकीय संचालक श्रावण हर्डीकर यांच्या हस्ते करण्यात आले.  या सौर ऊर्जा प्रकल्पामधून निर्माण होणाऱ्या विजेचा वापर स्थानके आणि डेपोच्या संचलनासाठी होणार आहे. (Pune Metro News |Pune Metro Solar Power Plant)

या उदघाटन प्रसंगी पुणे मेट्रोचे संचालक श्री. अतुल गाडगीळ (कार्य), श्री. विनोदकुमार अग्रवाल (संचलन व प्रणाली), कार्यकारी संचालक श्री. राजेश द्विवेदी (संचालन आणि देखभाल), डॉ. हेमंत सोनवणे (प्रशासन आणि जनसंपर्क) यांच्यासह जमतानी प्रोझ्युमर्स सोलर प्रायव्हेट लिमिटेडचे व्यवस्थापकीय संचालक अनुप झमतानी तसेच श्री वीरेंद्र भागवत हे देखील उपस्थित होते. (Pune Metro Stations)

पुणे मेट्रो रेल्वे प्रकल्पामध्ये दोन मार्गिका आहेत. ज्यामध्ये पर्पल मार्गिका (उत्तर-दक्षिण) आणि एक्वा मार्गिका (पूर्व -पश्चिम) यांचा समावेश आहे. ज्याची एकूण लांबी 33.2 किमी आणि त्यांत 30 स्थानके आहेत. ह्या मार्गिकामधील उन्नत विभागाची लांबी 27.2 किमी आणि भूमिगत विभागाची लांबी 6 किमी आहे. पुणे मेट्रोचे रेंज हिल्स डेपो आणि वनाझ येथील हिल व्ह्यू पार्क डेपो असे 2 देखभाल डेपो आहेत. (Pune Metro Online Ticket)

पर्पल मार्गिकेवरील पीसीएमसी ते फुगेवाडी (७ किमी, ५ स्थानके) आणि एक्वा मार्गिकेवरील वनाज ते गरवारे महाविद्यालय मेट्रो स्थानक (५ किमी, ५ स्थानके) या पहिल्या टप्प्याचे उद्घाटन ०६ मार्च २०२२ रोजी तर फुगेवाडी ते दिवाणी न्यायालय (६.९१ किमी, ४ स्थानके) आणि गरवारे महाविद्यालय मेट्रो स्थानक ते रुबी क्लिनिक ( 4.75 किमी, 7 स्टेशन) या दुसऱ्या टप्प्याचे उद्घाटन १ ऑगस्ट २०२३ रोजी माननीय पंतप्रधान नरेंद्र मोदी यांच्या हस्ते करण्यात आले.

आंतरराष्ट्रीय दर्जाची ऊर्जा-कार्यक्षम मेट्रो रेल्वे व्यवस्था स्थापन करणे हे पुणे मेट्रोचे ध्येय आहे. पुण्यातील नागरिकांचे जीवनमान उंचावणे व शहराच्या सर्वांगीण विकासात महत्त्वाची भूमिका बजावणे आणि पुणेकरांचे जीवनमान अधिक चैतन्यशील आणि आकर्षक बनवणे हा या प्रणालीचा उद्देश आहे. याव्यतिरिक्त, या तंत्रज्ञानाच्या साहाय्याने सौर आणि पवन ऊर्जेसह ‘हरित ऊर्जेच्या’ निर्मितीचा आणि पूर्ण क्षमतेने वापर करण्याचा पुणे मेट्रो प्रयत्न करते.

200 kWp क्षमतेचा पहिला सोलर प्लांट फेब्रुवारी 2022 मध्ये संत तुकारामनगर मेट्रो स्टेशनवर बसवण्यात आला आणि भविष्यात पुणे मेट्रो प्रामुख्याने हरित उर्जेवर चालणारी मेट्रो असू शकेल. 4300 kWp सौर प्रकल्पातून वार्षिक 7 दशलक्ष युनिट वीज निर्मिती अपेक्षित आहे, परिणामी कार्बन उत्सर्जनात मोठी बचत होईल. मे. झामतानी प्रोझ्युमर्स सोलर प्रा. लि.ने पुणे मेट्रोसाठी रेस्को मोड अंतर्गत सोलार प्लांट बसवला आणि त्या प्लांटचे संचलन कंपनी पुढील 25 वर्षे करणार आहे. या प्रकल्पात सर्वोत्कृष्ट सोलर मॉड्यूल्सचा वापर करण्यात आला. रेंज हिल डेपो IWB (758 KWp) येथे सौर पॅनेल सुरू होण्यापूर्वी, सरासरी ऊर्जा निर्यात अंदाजे 1000-1300 युनिट्स/दिवस होती. 20 जानेवारी 2024 रोजी रेंज हिल डेपो IWB (758 KWp) येथे सौर पॅनेल कार्यान्वित झाल्यापासून, सरासरी ऊर्जा निर्यात अंदाजे 4300 युनिट्स/दिवस झाली आहे. सौर पॅनेलद्वारे दररोज सरासरी वीज निर्मिती 15557 युनिट्स (किलो वॅट) इतकी आहे. यामुळे दरवर्षी 6.53 करोड रुपयांची वीजबिलात बचत होणार आहे.

———–

 “महा मेट्रो शक्य तितकी हरित ऊर्जा निर्माण करण्यासाठी वचनबद्ध आहे. यामुळे पर्यावरण संवर्धन आणि प्रदूषण कमी होण्यास मदत होणार आहे.”

– श्रावण हर्डीकर, व्यवस्थापकीय संचालक महामेट्रो

Shivajinagar Bus Station Pune | अडीच वर्षात शिवाजीनगर येथील बसस्थानाकाचे काम पूर्ण होणार!

Categories
Breaking News Political social पुणे

Shivajinagar Bus Station Pune | अडीच वर्षात शिवाजीनगर येथील बसस्थानाकाचे काम पूर्ण होणार!

| उपमुख्यमंत्री अजित पवार यांच्याकडून शिवाजीनगर बसस्थानकाच्या कामांचा आढावा

 

Shivajinagar Bus Station Pune | पुणे | उपमुख्यमंत्री तथा जिल्ह्याचे पालकमंत्री अजित पवार (Ajit pawar) यांनी शासकीय विश्रामगृह येथे झालेल्या बैठकीत शिवाजीनगर बसस्थानक (Shivajinagar Bus Station) आणि सावित्रीबाई फुले पुणे विद्यापीठ येथील उड्डाणपूल कामांचा आढावा घेतला. (Shivajinagar Bus Station Pune)

बैठकीला आमदार सिद्धार्थ शिरोळे, सुनील टिंगरे, विभागीय आयुक्त सौरभ राव, पुणे महानगरपालिकेचे आयुक्त विक्रम कुमार, महामेट्रोचे व्यवस्थापकीय संचालक श्रावण हर्डीकर, पुणे पोलीस आयुक्त रितेश कुमार, जिल्हाधिकारी डॉ.राजेश देशमुख,पीएमआरडीएचे आयुक्त राहुल महिवाल, मुख्य अभियंता अतुल चव्हाण, अधीक्षक अभियंता बप्पा बहिर आदी उपस्थित होते.

महामेट्रोने त्यांच्या खर्चातून करावयाची कामे त्वरित सुरू करावी. उर्वरित इमारतीच्या कामासाठी राज्य शासनातर्फे निधी देण्यात येईल. राज्य परिवहन महामंडळाने इमारतीतील त्यांना आवश्यक जागेची माहिती द्यावी, इतर जागेत शासकीय कार्यालयासाठी जागा देण्याबाबत प्रशासनाने माहिती घ्यावी, असे श्री.पवार यांनी सांगितले.

सावित्रीबाई फुले पुणे विद्यापीठ येथील वाहतूक कोंडी टाळण्यासाठी पर्यायी मार्गावर वाहतूक वळविण्याबाबत विचार व्हावा. ब्रेमेन चौकातून जाणाऱ्या रस्त्याच्या दुरुस्तीचे कामे पुणे महानगरपालिकेने तातडीने करावे. कृषी महाविद्यालय ते सिंचन नगर मैदानाकडून जाणाऱ्या रस्त्यावर दुचाकी आणि कारची वाहतूक वळविण्यात यावी, अशा सूचना त्यांनी दिल्या.

बसस्थानक कामाचा आराखडा प्राप्त झाला असून पुढील अडीच वर्षात शिवाजीनगर येथील बसस्थानाकाचे काम पूर्ण करण्यात येईल, असे श्री.हर्डीकर यांनी सांगितले.

यशदाला देशातील सर्वोत्तम प्रशिक्षण संस्था करा

उपमुख्यमंत्री श्री.पवार यांनी यशदाच्या मास्टर प्लॅनचा आढावा घेतला. यशदाला भारतातील सर्वोत्तम संस्था करण्यासाठी आराखडा तयार करावा, त्यासाठी आवश्यक सर्व सहकार्य करण्यात येईल. आदर्श आराखड्यासाठी स्पर्धा घेण्यात यावी आणि त्यातून उत्तम कल्पनांचा समावेश अंतिम आराखड्यात करावा, अशा सूचना त्यांनी दिल्या.

बैठकीला यशदाचे अतिरिक्त महासंचालक सचिंद्र प्रताप सिंह आणि इतर अधिकारी उपस्थित होते.

उपमुख्यमंत्र्यांसमोर सहकार भवनचेही सादरीकरण करण्यात आले. यावेळी सहकार आयुक्त अनिल कवडे उपस्थित होते. आराखड्यात सभागृहाची क्षमता वाढविण्याबाबत विचार करावा, साखर संकुल आणि पणन विभागाची गरजही लक्षात घ्यावी,अशी सूचना श्री.पवार यांनी केली.

Pune Metro Security Guard  | मेट्रोच्या सुरक्षा रक्षकाने प्रसंगावधान राखत दोन जीव वाचवले

Categories
Breaking News social पुणे

Pune Metro Security Guard  | मेट्रोच्या सुरक्षा रक्षकाने प्रसंगावधान राखत दोन जीव वाचवले

 

Pune Metro Security Guard  |पुणे मेट्रो (Pune Metro) सुरक्षा रक्षक विकास बांगर (Security Guard Vikas Bangar) याने प्रसंगावधान राखत ३ वर्षांच्या मुलाचे व त्याच्या आईचे प्राण वाचवले. आज  १९ जानेवारी  रोजी दुपारी २:२२ मिनिटांनी सिव्हिल कोर्ट उन्नत मेट्रो स्थानक (Civil Court Metro Station) येथे फलाट क्रमांक २ वरून एक 3 वर्षाचा मुलगा खेळतांना रुळावर पडला. त्यावेळी कामावर असणाऱ्या सुरक्षारक्षकाने मुलाला ट्रॅक वर पडताना पहिले. पडणाऱ्या मुलाला वाचविण्याच्या प्रयत्नात मुलाची आई देखील रुळांवर पडली. त्यावेळी प्रसंगावधान राखत सुरक्षारक्षक विकास बांगर याने फलाटावरील आपत्कालीन मेट्रो थांबविण्याचे प्लंजर (ई.एस.पी) बटन वेळीच दाबले. (Pune Metro Security Guard)

त्यामुळे स्थानकाच्या दोन्ही दिशांनी वेगाने येणाऱ्या मेट्रो ट्रेन त्वरित थांबल्या यावेळी स्थानक आणि मेट्रो यामधील अंतर केवळ ३० मीटर इतके होते. मेट्रो ट्रेन थांबल्यानंतर मुलगा व त्याच्या आईला सुखरूप रित्या रुळांवरून बाहेर काढण्यात आले व परिवाराशी त्याची भेट करून देण्यात आली.

सुरक्षारक्षक  विकास बांगर यांच्या समयसूचकतेबद्दल आणि धाडसी कार्याबद्दल पुणे मेट्रोचे कार्यकारी संचालक डॉ. हेमंत सोनवणे (प्रशासन व जनसंपर्क), महाव्यवस्थापक सोमेश शर्मा (वित्त) यांच्या हस्ते सत्कार करण्यात आला यावेळी स्थानक नियंत्रक व पुणे मेट्रोचे कर्मचारी उपस्थित होते.

PMC Solid Waste Management Department | सार्वजनिक ठिकाणी अस्वच्छता करणे पुणेकरांना अजून पडणार महागात! | पुणे महापालिका अडीच ते तीन पटीने दंड वाढवणार

Categories
Breaking News PMC social पुणे

PMC Solid Waste Management Department | सार्वजनिक ठिकाणी अस्वच्छता करणे पुणेकरांना अजून पडणार महागात!

| पुणे महापालिका अडीच ते तीन पटीने दंड वाढवणार

PMC Solid Waste Management Department | सार्वजनिक ठिकाणी तसेच रस्ता किंवा मार्गावर अस्वच्छता करणे (Unhygienic in Public places), कचरा टाकणे यासाठी पुणे महापालिकेच्या घनकचरा विभागाकडून (PMC Pune Solid Waste Management Department) दंड आकारला जातो. मागील चार महिन्यात महापालिकेने 1 कोटींचा दंड वसूल केला आहे. दरम्यान आगामी काळात सार्वजनिक ठिकाणी अस्वच्छता करणे, अजून महागात पडणार आहे. कारण यासाठी आकारण्यात येत असलेला 180 रुपयाचा दंड वाढवून तो 500 रुपये करण्यात येणार आहे. यासाठी राज्य सरकारच्या मंजुरीची आवश्यकता असते. महापालिका सरकार मान्यता देईल या भरवश्यावर नवीन दंडाची अंमलबजावणी करणार आहे. याबाबतचा प्रस्ताव प्रशासनाकडून स्थायी समिती (PMC Standing Committee) समोर ठेवण्यात आला आहे. (Pune Municipal Corporation)
प्रशासनाच्या प्रस्तावा नुसार घनकचरा व्यवस्थापन नियम २०१६ चे तरतुदींचे अनुपालन न करणाऱ्या व्यक्ती, संस्था यांना दंड करण्याचे अधिकार नगरपरिषद / नगर पंचायत यांना शासन निर्णय नुसार देण्यात आले आहेत.  त्यानुसार  पुणे महानगरपालिका, घनकचरा व्यवस्थापन कार्यालयांतर्गत सार्वजनिक ठिकाणी / रस्ता / मार्गावर अस्वच्छता करणे याकरिता १८०/- दंडाची तरतूद करण्यात आलेली आहे. पुणे शहराचा विस्तार वाढत चाललेला असून वाढती लोकसंख्या त्यातून निर्माण होणाऱ्या विविध प्रकारच्या दैनंदिन कचऱ्याचे व्यवस्थापन करणे, त्याची अंमलबजावणी करणे तसेच घनकचरा हाताळणी आणि व्यवस्थापन नियमावली २०१६ नुसार प्रभावी करणेसाठी शहरातील नागरिकांचा सक्रीय सहभाग आवश्यक आहे. शहरातील जुन्या हद्दीत व नवीन समाविष्ट गावे येथील नागरिक कचरा उघड्यावर टाकत असतात. त्यामुळे क्रोनिक स्पॉट व अनारोग्यकारक परिस्थिती निर्माण होते व सदर ठिकाणी पडलेला कचरा उचलून घेण्यासाठी अतिरिक्त मनुष्य बळ वाहतूक खर्च व मिश्र कचऱ्यावर प्रक्रिया याकरिता महानगरपालिकेला आर्थिक तोशिष सहन करावी लागत आहे. (PMC Pune News)
प्रस्तावात पुढे म्हटले आहे कि, सार्वजनिक ठिकाणी तसेच रस्त्यावर  अस्वच्छता करणे याकरिता सध्या असणारी दंडाची तरतूद अत्यल्प असल्याने नागरिकांकडून घनकचरा व्यवस्थापन नियमांचे पालन करण्यामध्ये अनास्था दिसून येत आहे. त्यामुळे सदर दंडात्मक रक्कमेमध्ये वाढ करून १८०/- ऐवजी रक्कम ५००/- इतकी दंड आकारणी केल्यास प्रतिबंध सिद्धांतानुसार (theory of Deterrence) नुसार नागरिकांमध्ये अपेक्षित बदल घडून उघड्यावर कचरा टाकण्याचे प्रमाण कमी होणार आहे. यामुळे अपेक्षित घनकचरा व्यवस्थापन नियमांची अंमलबजावणी होऊन शहर स्वच्छ व सुंदर राखण्यास मदत होणार आहे. यामध्ये नागरिकांकडून निधी वसूल करणे असे उद्दिष्ट नसून घनकचरा व्यवस्थापनामध्ये नागरिकांचा सहभाग वाढवणे व शहर विद्रुपीकरणास प्रतिबंध करणे असे ध्येय आहे. दंड रक्कम FI31A101 स्वच्छता संकल्प निधी या अर्थाशिर्षाकावर जमा होत असून या रक्कमेचा विनियोग सार्वजनिक स्वच्छतेच्या कामाकरिता केला जातो.
त्यानुसार हा प्रस्ताव स्थायी समिती आणि मुख्य सभेसमोर ठेवला जाणार आहे. त्यानंतर राज्य सरकारकडे पाठवला जाणार आहे. मात्र सरकार मान्यता देईल या भरवश्यावर नवीन दंडाची अंमलबजावणी करण्याचा मानस महापालिका प्रशासनाचा आहे.

Katraj Dairy Pune | Play Ground Reservation | कात्रज येथील मैदानाचे आरक्षण उठवू नये या मागणीसाठी महाविकास आघाडीचे वतीने पुणे महानगरपालिकेसमोर आंदोलन

Categories
Breaking News PMC Political social पुणे

Katraj Dairy Pune | Play Ground Reservation | कात्रज येथील मैदानाचे आरक्षण उठवू नये या मागणीसाठी महाविकास आघाडीचे वतीने पुणे महानगरपालिकेसमोर आंदोलन

Katraj Dairy Pune |  Play Ground Reservation | पुणे महानगरपालिकेच्या (Pune Municipal Corporation)  विकास आराखड्यात मैदानासाठी दर्शविण्यात ३.५९१ हेक्टरचा भूखंड पुणे जिल्हा सहकारी दूध उत्पादक संघाला (Katraj Dairy) देण्याचा निर्णय झाला आहे. ही जागा मुलांना खेळासाठी राहू द्यावी अशी मागणी करत महाविकास आघाडीच्या (Mahavikas Aghadi Pune) वतीने पुणे महानगरपालिकेच्या (PMC Pune) समोर आंदोलन करण्यात आले. कात्रज येथील क्रीडांगणाचे आरक्षण उठवून दूध डेअरी व प्रक्रियेसाठी आरक्षण टाकणार असल्याच्या निषेधार्थ पुण्याचे पालकमंत्री व पुणे महानगरपालिका आयुक्त यांच्या निषेधार्थ महाविकास आघाडीच्या वतीने पुणे महानगरपालिका समोर आंदोलन घेण्यात आले. (Katraj Dairy Pune | Play Ground Reservation)

यावेळी वेगवेगळे खेळ रस्त्यावर खेळण्यात आले. कात्रज येथील डीपीमधील मैदानाचे आरक्षण उठवू नये याबाबत पुणे महानगरपालिका आयुक्त  विक्रमकुमार यांना निवेदन देण्यात आले. यावेळी पुणे शहर जिल्हा काँग्रेस कमिटीचे अध्यक्ष अरविंद शिंदे म्हणाले की, दूध डेअरी व प्रक्रिया उद्योग ग्रामीण भागाशी संबंधित आहे. महापालिकेच्या डीपीमधे याबाबत आरक्षण नाही . शहरांमध्ये खेळासाठी मैदानिची कमतरता भासत असताना ही जागा कात्रज डेअरीच्या व्यावसायिक वापरासाठी काढून घेणे योग्य नाही. पुणे शहरांमध्ये मुलांना खेळांसाठी पुरेसे क्रीडांगण नाही असे असताना जी जागा क्रीडांगणासाठी आरक्षित आहे आणि जर त्या जागेवरच आरक्षण काढून कात्रज डेअरीला ती जागा पुणे महानगरपालिका देणार असेल तर ते पुणेकरांच्या हिताचे नाही.  तसेच कात्रज, धनकवडी या भागात दाट लोकवस्ती आहे येथे मुलांना खेळांसाठी हक्काचे मैदान आवश्यक आहे. त्यामुळे महाविकास आघाडी पुणेकरांच्या हितासाठी आज रस्त्यावर उतरून आपला विरोध दर्शवित आहे. (Pune Sahkari Dudh Utpadak Sangh Pune)

यावेळी पुणे शहर काँग्रेस अध्यक्ष अरविंद शिंदे, शिवसेना गटाचे (उद्धव ठाकरे गट) गजानन थरकुडे संजयजी मोरे, माजी आमदार दिप्ती चवधरी, ऍड.अभय छाजेड, संगिता तिवारी, लता राजगुरू, गोपाळ तिवारी,शिवा मंत्री, अजित दरेकर रजनी त्रिभुवन, ब्लॉक अध्यक्ष सुजित यादव, अक्षय माने,राजू याने संतोष पाटोळे, कृष्णा सोनकांबळे,एंन.एस.यू.आय.अध्क्ष अभिजित गोरे, प्रियांका रणपिसे,द.स.पोळेकर, सचिन आडेकर, सतिश पवार यशराज पारखी, बाळासाहेब मारणे लतेंद्र भिंगारे , मुन्नाभाई शेख , यासिन‌ शेख, अभिजित महामुनी, आशुतोष शिंदे आकाश माने,ओम भंवर उषा राजगुरू,रेखा गेहलोत, नलीनी दोरगे,छाया जाधव, सुंदर ओव्हाळ ,मोती उडते, सीमा महाडिक , शारदा वीर, अश्विनी गवारे, ज्योती परदेशी, दिलीप लोळगे,सेल्वराज अंथोनी,सागर खडके,नागेश कवडे दत्ता जधव आदींसह महाविकास आघाडीचे कार्यकर्ते उपस्थित होते.

Pune Airport | Pune Metro | Pune Congress | पुणे मेट्रोची सेवा तात्काळ विमानतळापर्यंत करा | काँग्रेस आक्रमक

Categories
Breaking News Political social पुणे

Pune Airport | Pune Metro | Pune Congress | पुणे मेट्रोची सेवा तात्काळ विमानतळापर्यंत  करा | काँग्रेस आक्रमक

 

Pune Airport | Pune Metro | Pune Congress | पुणे : आठ वर्षाहून अधिक काळ लांबलेला पुणे मेट्रोचा (Pune Metro) पहिला टप्पा पूर्ण करून त्यावर लवकरात लवकर वाहतूक चालू करा. पुणेकरांच्या संयमाचा अंत होऊ देऊ नका, असा इशारा माजी आमदार आणि प्रदेश काँग्रेसचे उपाध्यक्ष मोहन जोशी (Mohan Joshi Pune Congress) आणि आमदार रविंद्र धंगेकर (MLA Ravindra Dhangekar) यांनी मेट्रो प्रशासन आणि भाजप सरकारला आज सोमवारी दिला. (Pune Airport | Pune Metro | Pune Congress)

पुणे मेट्रोचा पहिला टप्पा पूर्ण करा, स्वारगेट ते कात्रज मार्ग (Swarhet katraj Underground Metro) काम लवकर सुरू करा, लोहगांव विमानतळापर्यंत (Pune Lohgaon Airport) मेट्रो सेवा द्या, अशा मेट्रो संबंधीच्या विविध मागण्यांसाठी माजी आमदार मोहन जोशी आणि रविंद्र धंगेकर यांच्या नेतृत्वाखाली काँग्रेस कार्यकर्त्यांनी मेट्रो संचालक यांच्या कार्यालयासमोर आंदोलन केले.

पंतप्रधान नरेंद्र मोदी यांनी मेट्रोच्या कामाचे भूमीपूजन सुमारे आठ वर्षापूर्वी केले. त्यावेळी मोठा गाजावाजा करण्यात आला. मेट्रो लवकरच धावू लागेल, असे आश्वासन मोदी यांनी दिले. आठ वर्ष उलटली तरी मेट्रोचा पहिला टप्पा पूर्ण झालेला नाही. भाजप नेत्यांच्या सुप्त संघर्षात मेटुोचे काम लांबत गेले, त्यामुळे लाखो रूपयांनी खर्च वाढत गेला.ज्या पुणेकरांनी भाजपला महापालिकेत सत्ता दिली, आमदार, खासदार निवडून दिले, पण पुणेकरांना मेट्रो सेवेचा पुरेपूर लाभ भाजप देवू शकले नाही. याकडे भाजपचे त्यांच्या सरकारचे लक्ष वेधण्यासाठी आंदोलन केले, असे मोहन जोशी यांनी आंदोलकांसमोर बोलताना सांगितले.

या आंदोलनात दत्ता बहिरट, सुनिल मलके, मंजुर शेख,शेखर कपोते, प्रवीण करपे, शाबिर खान, आयुब पठाण, प्रथमेश आबनावे, विनोद रणपिसे, रोहन सुरवसे पाटील, किशोर मारणे, सुरेश कांबळे, रामविलास माहेश्वरी, बाबा नायडू, महेंद्र चव्हाण, राजाभाऊ कदम, साहील राऊत, अविनाश अडसूळ, सचिन बहिरट, बाबा सय्यद, अनिकेत सोनावणे आदी कार्यकर्ते सामील झाले होते.