Tag: Dr Manisha Naik

PMC Pune Shahari Garib Yojana | गरिबांनाच मिळतो आहे शहरी गरीब योजनेचा लाभ! | येरवडा परिसरातील गरिबांनी घेतला सगळ्यात जास्त लाभ

Categories
Breaking News PMC social आरोग्य पुणे

PMC Pune Shahari Garib Yojana | गरिबांनाच मिळतो आहे शहरी गरीब योजनेचा लाभ! | येरवडा परिसरातील गरिबांनी घेतला सगळ्यात जास्त लाभ

| पुणे महापालिका योजनेच्या लाभावरून समाधानी

PMC Pune Shahari Garib Yojana | पुणे महापालिकेच्या आरोग्य विभागाच्या (PMC Health Department) वतीने शहरी गरिबांसाठी आरोग्य योजना (Shahari Garib Yojana) सुरु केली आहे. वार्षिक उत्पन्न 1 लाख असणाऱ्या गरिबांना याचा लाभ दिला जातो. मात्र मागील काळात श्रीमंत लोक देखील याचा लाभ घेताना दिसत होते. मात्र पुणे महापालिकेने (Pune Municipal Corporation) ही योजना ऑनलाईन करत यावर चाप बसवला आहे. त्यानुसार आता गरिबांनाच याचा लाभ मिळतो आहे. अशी महापालिकेची खात्री झाली आहे. कारण येरवडा, भवानी पेठ, धनकवडी, हडपसर अशा क्षेत्रीय कार्यालय (Ward Offices) अंतर्गत येणाऱ्या झोपडी धारकांनीच याचा जास्त लाभ घेतलेला दिसत आहे. अशी माहिती महापालिकेच्या सहायक आरोग्य प्रमुख डॉ मनीषा नाईक (Assistant Health Officer Dr Manisha Naik) यांनी दिली. (PMC Pune Shahari Garib Yojana)
शहरी गरीब वैद्यकीय सहाय्य योजना (Urban Poor Medical Assistant Scheme) ही पुणे मनपा (PMC Pune) कार्यक्षेत्रातील झोपडपट्ट्यांमध्ये राहात असलेल्या दारिद्रय रेषेखालील पिवळे रेशनिंगकार्ड व ज्या कुटुंबाचे वार्षिक उत्पन्न (Yearly income) १ लाख पर्यंत असणाऱ्या कुटूंबीयांना लागू करण्यात आलेली आहे. शहरी गरीब वैद्यकीय सहाय्य योजने अंतर्गत नागरिकांना सभासदत्व देण्यासाठी नव्याने संगणक प्रणाली विकसित करुन पूर्णपणे कार्यान्वीत करणेत येत आहे. त्यानुसार नागरिकांचे सभासदत्व रजिस्ट्रेशन, व्हेरिफिकेशन प्रोसेस, प्री-अॅथोरायझेशन, बिलींग प्रोसेस याबाबत कार्यवाही करणेत येत आहे. चालू आर्थिक वर्षांपासून याची सुरवात करण्यात आली आहे. सुरुवातीला नागरिकांना याबाबतच्या गोंधळाला सामोरं जावे लागले. मात्र आता यात सुसूत्रितपणा आला आहे. तसेच पूर्वी जी महापालिकेची फसवणूक केली जायची ती देखील कमी झाली आहे. (PMC Pune Health Department)
शिवाय महापालिकेची खात्री झाली आहे कि या योजनेचा लाभ हा गरिबांनाच मिळतो आहे. कारण भवानी पेठ, येरवडा, हडपसर, धनकवडी, कसबा विश्रामबागवाडा या क्षेत्रीय कार्यालय अंतर्गत येणाऱ्या झोपडीधारकांना याचा चांगला लाभ होताना दिसत आहे. यात सगळ्यात कमी संख्या ही औंध, वानवडी, ढोले पाटील रोड या क्षेत्रीय कार्यालय अंतर्गत येणाऱ्या परिसरातील आहे. दरम्यान एप्रिल पासून आतापर्यंत महापालिका आरोग्य विभागाकडून 11 हजाराहून जास्त कार्ड दिले आहेत. सगळ्यात जास्त कार्ड भवानी पेठ क्षेत्रीय कार्यालय परिसरात म्हणजे 1802 दिले आहेत. त्या खालोखाल धनकवडी-सहकारनगर 1522, येरवडा 1177, तर कसबा 1017 कार्ड दिले आहेत. 
—-
 
शहरी गरीब योजना ऑनलाईन केल्यामुळे शहरातील खऱ्या गरिबांना लाभ घेता आला आहे. यामुळे योजनेत सुधारणा करण्याची संधी मिळाली. याचा लाभ  झोपडीतील लोकांना मिळतंय हे लक्षात आलं आहे.
 
– डॉ मनीषा नाईक, सहायक आरोग्य अधिकारी. 
—-

Ward Office Name and SGY 

1. AUNDH- BANER  – 279
2. BHAVANI PETH – 1802
3. BIBVEWADI – 583
4. DHANKAWADI-SAHAKAR NAGAR – 1522
5. DHOLE PATIL ROAD – 294
6. HADPSAR-MUNDHAWA – 1021
7. KASBA -VISHRAMBAG WADA – 1017
8. KONDHAWA YEOLEWADI – 130
9. KOTHRUD-BAVDHAN – 837
10. NAGAR ROAD-VADGAON SHERI – 446
11. SHIVAJI NAGAR-GHOLE ROAD – 811
12. SINGHAD ROAD – 535
13. VANWADI-RAMTEKDI – 104
14. WARJE-KARVE NAGAR – 616
15. YERWADA-KALAS-DHANORI – 1177
—

PMC Health Service | माजी नगरसेविकेची आक्रमकता आणि सहायक आरोग्य अधिकाऱ्याच्या प्रयत्नाने अखेर वरिष्ठ नागरिकाला मिळाला न्याय!

Categories
Breaking News PMC Political social आरोग्य पुणे

PMC Health Service | माजी नगरसेविकेची आक्रमकता आणि सहायक आरोग्य अधिकाऱ्याच्या प्रयत्नाने अखेर वरिष्ठ नागरिकाला मिळाला न्याय!

| शहरी गरीब योजनेत अजून सुधारणा आवश्यक | नागरिकांची अपेक्षा

PMC Health Service | पुणे महापालिकेच्या (Pune Municipal Corporation) वतीने शहरी गरीब वैद्यकीय योजना (Urban poor Medical Assistance Scheme) राबवली जाते. ही योजना आता ऑनलाईन (Online) करण्यात आली आहे मात्र या योजनेतील काही तांत्रिक गोष्टीमुळे  बालाजीनगरच्या वरिष्ठ नागरिकाला योजनेचे कार्ड घेण्यात अडचणी येत होत्या. यामध्ये भाजपच्या स्थानिक माजी नगरसेविका राणी भोसले (Ex corporator Rani Bhosale) यांनी पुढाकार घेतला. भोसले यांनी आक्रमक भूमिका घेत संबंधित नागरिकाला कार्ड देण्याची मागणी प्रशासनाकडे केली. त्यानुसार सहायक आरोग्य अधिकारी डॉ मनीषा नाईक (Assistant Health Officer Dr Manisha Naik) यांनी सगळी माहिती घेत आणि योजनेतील तरतुदीनुसार संबंधित नागरिकाला योजनेचे कार्ड दिले. असे असले तरी संबंधित नागरिकाला यात बराच काळ वाट पाहावी लागली. त्यामुळे योजनेत अजून सुधारणा कराव्यात अशी अपेक्षा नागरिकांनी व्यक्त केली. (PMC Health Service)
शहरी गरीब वैद्यकीय सहाय्य योजना (Urban Poor Medical Assistant Scheme) ही पुणे मनपा (PMC Pune) कार्यक्षेत्रातील झोपडपट्ट्यांमध्ये राहात असलेल्या दारिद्रय रेषेखालील पिवळे रेशनिंगकार्ड व ज्या कुटुंबाचे वार्षिक उत्पन्न (Yearly income) १ लाख पर्यंत असणाऱ्या कुटूंबीयांना लागू करण्यात आलेली आहे. शहरी गरीब वैद्यकीय सहाय्य योजने अंतर्गत नागरिकांना सभासदत्व देण्यासाठी नव्याने संगणक प्रणाली विकसित करुन पूर्णपणे कार्यान्वीत करणेत येत आहे. त्यानुसार नागरिकांचे सभासदत्व रजिस्ट्रेशन, व्हेरिफिकेशन प्रोसेस, प्री-अॅथोरायझेशन, बिलींग प्रोसेस याबाबत कार्यवाही करणेत येत आहे. (PMC Health Department) 
 
 शुक्रवारी दुपारच्या सुमारास बालाजीनगर मधील एक रहिवासी या योजनेचे कार्ड काढण्यासाठी आले होते. मात्र शहरी गरीब योजनेच्या तरतुदी आणि नागरिकाचे रेशन कार्ड यात मेळ बसत नसल्याने संबंधित नागरिकाला अडचणी येत होत्या. याआधी देखील एकाच घरातील काही व्यक्ती दोन-तीन कार्ड घेत असल्याचा अनुभव महापालिकेच्या आरोग्य विभागाला होता. त्यामुळे या प्रकरणात आरोग्य विभागाने सावध भूमिका घेतली होती. तर दुसरीकडे संबंधित नागरिकाची देखील काही चूक नव्हती. कारण रेशन कार्डवरील आपल्या मुलाचे नाव कमी करण्याबाबत त्यांनी संबंधित कार्यालयाकडे अर्ज केला आहे. मात्र गेल्या काही दिवसापासून हे पोर्टल बंद असल्याने ती प्रक्रिया होऊ शकली नव्हती. त्यामुळे नागरिकाला नाहक त्रास सहन करावा लागत होता. त्यामुळे संबंधित नागरिकाने याबाबतची तक्रार माजी नगरसेविका राणी भोसले यांच्याकडे केली. तक्रार येताच भोसले तात्काळ मदतीला धावून आल्या. कार्ड जिथे दिले जातात तिथेच जाऊन भोसले यांनी याबाबतची चौकशी केली. तिथे त्यांचा आणि काही कर्मचाऱ्यांचा शाब्दिक वाद देखील झाला. मात्र नागरिकाला न्याय द्यायचाच या हेतूने भोसले यांनी आपले प्रयत्न सुरु ठेवले. हे प्रकरण सहायक आरोग्य अधिकारी डॉ मनीषा नाईक यांच्या कानावर घातले. डॉ नाईक यांना देखील या प्रकरणाचे गांभीर्य कळले. त्यानुसार त्यांनी यात लक्ष घेतले. संबंधित नागरिकाच्या अर्जाची पूर्ण माहिती घेतली. योजनेचे कार्ड या नागरिकाला मिळू शकते हे त्यांच्या लक्षात आले. त्यानुसार नागरिकांकडून एक अर्ज घेतला गेला.  आपल्या मुलाचे नाव रेशन कार्डवरून कमी करण्यास हरकत नाही, असे त्या अर्जात म्हटले. त्यानंतर नागरिकाला योजनेचे कार्ड देण्यात आले. (Pune Municipal Corporation News) 
—-

| नागरिकांच्या अपेक्षा 

 
दरम्यान संबंधित नागरिकाला हे कार्ड मिळण्यात बराच अवधी लागला. त्यामुळे नाहक त्रास सहन करावा लागतो. वरिष्ठ नागरिकांना ऑनलाईन अर्ज करण्यात देखील बऱ्याच अडचणी येतात. यात लक्ष घालण्याची मागणी नागरिकांकडून करण्यात येत आहे. तसेच सूचना व्यवस्थित दिल्या जाव्यात, वरिष्ठ नागरिकांसाठी स्वतंत्र कक्ष असावा. एकूणच योजनेत अजून सुधारणा कराव्यात अशी मागणी नागरिकांनी या निमित्ताने केली आहे. (PMC Pune News) 
—

| महापालिका कर्मचाऱ्यांच्या अपेक्षा 

 
शहरी गरीब योजनेचे कार्ड घेण्यावरून आरोग्य विभागातील कर्मचारी आणि नागरिक यांच्यात नेहमी हुज्जत झालेली पाहायला मिळते. यात शाब्दिक चकमक होते. नागरिकांसोबतच कर्मचारी देखील याला वैतागले आहेत. त्यामुळे कर्मचाऱ्यांनी अपेक्षा केली आहे कि नागरिकांनी आमच्याशी सौजन्याने वागावे. आम्ही आमच्या वरिष्ठांचे आदेश पाळत असतो. आम्हांला देखील नागरिकांचे काम पूर्ण करावे वाटते. मात्र अधुरी माहिती आणि तांत्रिक गोष्टीमुळे उशीर होतो. त्यामुळे नागरिकांनी सहकार्य करावे, अशी अपेक्षा कर्मचाऱ्यांनी व्यक्त केली. (PMC Pune Health Service) 
——
 
शहरी गरीब योजना नागरिकांसाठी निर्माण केली आहे. त्यामुळे योजना अजून नागरिकाभिमुख करणे आवश्यक आहे. नागरिकांना कळेल अशा सूचना द्यायला हव्यात. तसेच वरिष्ठ नागरिकांशी स्वतंत्र कक्ष करावा. जेणेकरून त्यांचे हाल न होता त्यांना लाभ मिळेल. तसेच कर्मचाऱ्यांनी देखील नागरिकांशी सौजन्याने वागणे अभिप्रेत आहे. 
 
– राणी भोसले, माजी नगरसेविका.
—-
एकाच कुटुंबात शहरी गरीब योजनेचे जास्त कार्ड जाऊ नयेत म्हणून रेशन कार्डवर कुटुंबातील सर्वांची नावे असावीत असे बंधन केले आहे. कुटुंब विभक्त असेल तर नावे काढून टाकली गेलेली असायला हवीत. नागरिकांनी याबाबत काळजी घ्यावी. 
– डॉ. मनीषा नाईक, सहायक आरोग्य अधिकारी. 
—–
News Title | PMC Health Service | The aggression of the former councilor and the efforts of the assistant health officer finally got justice for the senior citizen!
 

PMC Shahari Garib Yojana |  पुणे महापालिकेच्या शहरी गरीब वैद्यकीय योजनेचा लाभ हवा असेल तर ही माहिती जाणून घ्या  

Categories
Breaking News PMC social आरोग्य पुणे

PMC Shahari Garib Yojana |  पुणे महापालिकेच्या शहरी गरीब वैद्यकीय योजनेचा लाभ हवा असेल तर ही माहिती जाणून घ्या

PMC Shahari Garib Yojana | २०२३ – २०२४ च्या आर्थिक वर्षापासून प्रत्येक आर्थिक वर्षात शहरी गरीब वैद्यकीय सहाय्य योजनेच्या (PMC Pune Urban Poor Medical Assistance scheme) नियम व अटीशूर्तीनुसार पुणे मनपा कार्यक्षेत्रातील नागरिकांनी पॅनेलवरील समाविष्ट असणाऱ्या हॉस्पिटलमध्ये अडमिट पेशंटसाठी हमीपत्र देण्याची प्रक्रिया पूर्णतः ऑनलाईन करण्यात येणार आहे. त्याकरीता शहरी गरीब योजनेच्या धोरणानुसार (Shahari Garib yojana policy) सदर योजनेचे सभासद कार्ड (Shahari Garib yojana card) अॅडमिशन पूर्वी तयार केलेले असणे पेशंटला अनिवार्य आहे. कार्ड नसल्यास साहाय्य करता येणार नाही. अशी माहिती महापालिका आरोग्य विभागाच्या सहायक आरोग्य अधिकारी डॉ मनीषा नाईक (PMC Assistant Health officer) यांनी दिली. (PMC Shahari Garib Yojana)
शहरी गरीब वैद्यकीय सहाय्य योजना ही पुणे महानगरपालिका कार्यक्षेत्रातील पिवळे रेशनकार्डधारक, ग.व.नि सेवाशुल्क धारक व केशरी रेशनकार्डधारक ज्यांचे वार्षिक उत्पन्न एक लाखापर्यंत असणाऱ्या गरीब कुटुंबियासाठी दरवर्षी १ एप्रिल ते ३१ मार्च या कालावधीत लागू करण्यात येते. तथापि ही सवलत फक्त जे नागरीक आरोग्य विमा योजनेचे सभासद होतील त्यांच्यापुरतीच लागू राहील. तसेच हि योजना फक्त जनरल वॉर्डसाठी लागू आहे. सेमी-प्रायव्हेट, प्रायव्हेट व डिलक्स रूम घेणाऱ्या रुग्णाला या योजनेचा फायदा मिळणार नाही. (PMC Health Schemes)
शहरी गरीब वैद्यकीय योजनेअंतर्गत पॅनेलवरील प्रायव्हेट हॉस्पिटल मधील अंर्तरुग्ण विभागातील वैद्यकीय उपचारांसाठी सी.जी.एस.एस. मान्य दराने ५०% किंवा १००% हमीपत्रांतर्गत एका वर्षासाठी एका कुटुंबाला जास्तीत जास्त एक लाख किंवा दोन लाख (किडनी, हृद्यरोग व कॅन्सर) या कमाल मर्यादेपर्यंत खर्च करण्यात येतो. या मर्यादेपेक्षा जास्त होणारा खर्च सबंधित रुग्णाने भरणे आवश्यक आहे. (PMC Pune Health Department)

योजनेचे सभासदत्व घेण्यासाठी आवश्यक कागदपत्रे

१) मनपा झोपडपट्टीत राहत असल्याचे ग.व.नि. विभागाचे चालू आर्थिक वर्षाचे सेवा शुल्क भरलेली पावती किंवा दारिद्र्य रेषेखालील असलेले पिवळे रेशनकार्ड पुरावा व वरील व्यतिरिक्त पुणे मनपाच्या कार्यक्षेत्रात राहत- असलेल्या केशरी रेशनकार्डधारक ज्यांचे वार्षिक उत्पन्न र.रु. एक लाखपर्यंत असलेला मा. तहसीलदार, पुणे यांचा दाखला.
२) पुणे मनपा कार्यक्षेत्रातील पिवळे किंवा केशरी रेशनकार्ड
३) आपत्यांचे आधार कार्ड (वय वर्ष २५ खालील)
४) कुटुंबातील पात्र सर्व सभासदांचे आधारकार्ड (पुणे मनपा कार्यक्षेत्रातील)
५) कुटुंबातील पात्र सर्व सभासदांचे दोन फोटो (आयकार्ड साईझ)
६) सदर योजनेची नोंदणी फी रु. १००/- वार्षिक शुल्क रु. १००/- अशी एकूण रक्कम र.रु.२००/- शुल्क आकारण्यात येत आहे.
शहरी गरीब योजना राबविताना पारदर्शकता येण्यासाठी माहे सप्टेंबर २०२२ पासून संगणक प्रणाली राबवण्यात येत आहे. बरेचसे रुग्ण हे रुग्णालयात दाखल झाल्यानंतर सदर योजनेचे कार्ड काढून रुग्णालयात दाखल झाल्यापासूनचे लाभ मिळण्याची मागणी करीत आहेत. सन २०२३ – २०२४ च्या आर्थिक वर्षापासून प्रत्येक आर्थिक वर्षात शहरी गरीब वैद्यकीय सहाय्य योजनेच्या नियम व अटीशूर्तीनुसार पुणे मनपा कार्यक्षेत्रातील नागरिकांनी पॅनेलवरील समाविष्ट असणाऱ्या हॉस्पिटलमध्ये अॅडमिट पेशंटसाठी हमीपत्र देण्याची प्रक्रिया पूर्णतः ऑनलाईन करण्यात येणार आहे. त्याकरीता शहरी गरीब योजनेच्या धोरणानुसार सदर योजनेचे सभासद कार्ड अॅडमिशन पूर्वी तयार केलेले असणे पेशंटला अनिवार्य आहे. तसेच सभासदत्वाच्या दिनांकापासून वैद्यकीय उपचाराच्या बिलांची प्रतीपूर्ती अंशदायी वैद्यकीय सहाय्य योजनेच्या नियमानुसार पुणे मनपा कडून देय राहील. (Pune Municipal Corporation)
—–
News Title | PMC Shahari Garib Yojana | If you want the benefit of Urban Poor Medical Scheme of Pune Municipal Corporation, know this information

PMC Health Schemes | लाखोंचा मिळकत कर भरूनही शहरी गरीब योजनेचा फायदा लाटू पाहणाऱ्यांना पुणे मनपा आरोग्य विभागाने शिकवला धडा

Categories
Breaking News PMC social आरोग्य पुणे

PMC Health Schemes | लाखोंचा मिळकत कर भरूनही शहरी गरीब योजनेचा फायदा लाटू पाहणाऱ्यांना पुणे मनपा आरोग्य विभागाने शिकवला धडा

| महापालिकेने एप्रिल पासून 41 प्रकरणे नाकारली

PMC Health Schemes | पुणे महापालिकेच्या (Pune Municipal Corporation) वतीने शहरातील गरीब लोकांना (Poor People) आरोग्य सुविधा (Health service) मिळावी यासाठी शहरी गरीब योजना सुरु केली आहे. मात्र यातून गरिबांपेक्षा धनदांडग्याचाच लाभ होताना दिसत होता. त्यामुळे महापालिका प्रशासनाने या योजनेचे संगणकीकरण (Online) केले आहे. या माध्यमातून महापालिकेला खरा गरीब कोण हे शोधता येणे सोपे झाले आहे. लाखोंचा मिळकतकर (Property Tax) भरणारे लोकदेखील चुकीचा उत्पन्नाचा दाखला दाखवून या योजनेचा लाभ घेऊ पाहत होते. मात्र महापालिकेच्या ऑनलाईन योजनेत अशा लोकांचे पितळ उघडे पडले आहे. एप्रिल पासून असा 41 केसेस महापालिका आरोग्य विभागाने नाकारल्या आहेत. यामुळे महापालिकेचे लाखो रुपये वाचले आहेत. शिवाय खऱ्या गरिबांना लाभ देखील मिळू लागला आहे. अशी माहिती महापालिकेच्या सहायक आरोग्य प्रमुख डॉ मनीषा नाईक (Assistant Health Officer Dr Manisha Naik) यांनी दिली. (PMC Health Scheme)
शहरी गरीब वैद्यकीय सहाय्य योजना (Urban Poor Medical Assistant Scheme) ही पुणे मनपा (PMC Pune) कार्यक्षेत्रातील झोपडपट्ट्यांमध्ये राहात असलेल्या दारिद्रय रेषेखालील पिवळे रेशनिंगकार्ड व ज्या कुटुंबाचे वार्षिक उत्पन्न (Yearly income) १ लाख पर्यंत असणाऱ्या कुटूंबीयांना लागू करण्यात आलेली आहे. शहरी गरीब वैद्यकीय सहाय्य योजने अंतर्गत नागरिकांना सभासदत्व देण्यासाठी नव्याने संगणक प्रणाली विकसित करुन पूर्णपणे कार्यान्वीत करणेत येत आहे. त्यानुसार नागरिकांचे सभासदत्व रजिस्ट्रेशन, व्हेरिफिकेशन प्रोसेस, प्री-अॅथोरायझेशन, बिलींग प्रोसेस याबाबत कार्यवाही करणेत येत आहे. चालू आर्थिक वर्षांपासून याची सुरवात करण्यात आली आहे. सुरुवातीला नागरिकांना याबाबतच्या गोंधळाला सामोरं जावे लागले. मात्र आता यात सुसूत्रितपणा आला आहे. तसेच पूर्वी जी महापालिकेची फसवणूक केली जायची ती देखील कमी झाली आहे. (PMC Pune Health Department)
याबाबत डॉ नाईक यांनी सांगितले कि, एप्रिल महिन्यापासून online शहरी गरीब योजना सुरु करण्यात आली आहे. योजनेचा लाभ घेणाऱ्या संबंधित लोकांची माहितीसाठी  आम्ही त्यांच्याकडून रेशन कार्ड, उत्पन्नाचा  दाखला तसेच आधार कार्ड घेतो. शहरी गरीब योजनेचे सॉफ्टवेअर हे प्रॉपर्टी टॅक्स विभागाशी लिंक आहे. त्यामुळे आम्हाला लाभार्थ्यांची पटकन माहिती मिळते. लाखोंचा मिळकत कर भरणारे नागरिक देखील 1 लाखाच्या उत्पन्नाचा दाखला दाखवत आहेत. त्यामुळे अशा केसेस आम्ही तात्काळ नाकारतो. डॉ नाईक यांनी सांगितले कि एप्रिल पासून आम्ही अशी 42 प्रकरणे नाकारली आहेत. यामुळे महापालिकेचे लाखों वाचले आहेत शिवाय महापालिकेची फसवणूक देखील थांबली आहे. (Pune Municipal Corporation News)
डॉ नाईक यांनी पुढे सांगितले कि, बोगस रेशन कार्ड सादर करून महापालिकेची फसवणूक केल्याबाबत आम्ही नुकताच एक गुन्हा देखील दाखल केला आहे. आगामी काळात देखील गुन्हे दाखल केले जातील. (PMC Pune Marathi News)
—-
ऑनलाईन शहरी गरीब योजनेचा चांगला फायदा होताना दिसतो आहे. महापालिकेची फसवणूक करणाऱ्यावर आम्ही आळा घालतोय. त्यामुळे महापालिकेची पैशाची बचत झालेली आहे.  खऱ्या गरजू आणि गरीब लोकांपर्यंत ही योजना पोचवणे आवश्यक आहे. श्रीमंत लोकांनी याचा लाभ घेण्याचा प्रयत्न करू नये.
– डॉ मनीषा नाईक, सहायक आरोग्य अधिकारी 
—-
News title | PMC Health Schemes |  The Pune Municipal Health Department has taught a lesson to those who seek to benefit from the Urban Poor Scheme despite paying lakhs of income tax.

PMC Pune Health Scheme | पुणे महापालिकेच्या अंशदायी वैद्यकीय योजनेबाबत आरोग्य विभागाचे नवीन आदेश 

Categories
Breaking News PMC आरोग्य पुणे

PMC Pune Health Scheme | पुणे महापालिकेच्या अंशदायी वैद्यकीय योजनेबाबत आरोग्य विभागाचे नवीन आदेश

PMC Pune Health Scheme | पुणे महापालिकेच्या (Pune Municipal Corporation) अंशदायी वैद्यकीय योजनेबाबत (Health scheme) आरोग्य विभागाकडून (PMC Health Department) नवीन आदेश काढण्यात आले आहेत. त्यानुसार आर्थिक वर्ष २०२३-२४ पासून पुढील दर आर्थिक वर्षात उपरोक्त नमूद सेवक, सेवानिवृत्त सेवक, आजी व माजी नगरसेवक यांनी वैयक्तिक खर्चाची वैद्यकीय परतावा बिले हि त्या-त्या आर्थिक वर्षातच सादर करावी. असे आदेशात म्हटले आहे. उप आरोग्य अधिकारी डॉ कल्पना बळिवंत (Deputy Health Officer Dr Kalpana Baliwant) आणि सहायक आरोग्य अधिकारी डॉ मनीषा नाईक (Assistant Health officer Dr Manisha Naik) यांनी हे आदेश जारी केले आहेत. (PMC Pune Health Scheme)

पुणे महानगरपालिकेच्या आरोग्य विभागामार्फत (PMC Pune Health Department) अंशदायी वैद्यकीय सहाय्य योजना चालवली जात आहे. या अंशदायी वैद्यकीय सहाय्य योजने अंतर्गत पुणे महानगरपालिका सेवक, सेवानिवृत्त सेवक शिक्षण मंडळ व पीएमपीएमएल विभागाकडील सेवक / सेवानिवृत्त सेवक, मा.आजी व मा.माजी सभासद यांची वैद्यकीय उपचारार्थ वैयक्तिक स्व खर्चाची वैद्यकीय परतावा बिले सादर करुन त्यांची वैद्यकीय बिले प्रतिपूर्ती करण्यात येत आहेत. या योजनेबाबत आता आरोग्य विभागाकडून काही आदेश जारी करण्यात आले आहेत. (PMC Pune Marathi News)

त्यानुसार आर्थिक वर्ष सन २०२३-२४ पासून पुढील दर आर्थिक वर्षात उपरोक्त नमूद सेवक, सेवानिवृत्त सेवक,  आजी व माजी सभासद यांनी वैयक्तिक खर्चाची वैद्यकीय परतावा बिले हि त्या-त्या आर्थिक वर्षातच सादर करावी. तसेच सदर रुग्ण मनपा सेवक / सेवानिवृत्त सेवक, शिक्षण मंडळ व पीएमपीएमएल विभागाकडील सेवक / सेवानिवृत्त सेवक अथवा मा. आजी / मा.माजी सभासद हे जर दि. ३१/०३/२०२३ ला रुग्णालयात दाखल झाल्यास त्यांनी सदर वैद्यकीय परतावा बिल हे पुढील आर्थिक वर्षातील माहे एप्रिल अथवा रुग्णांचा रुग्णालयातील डिस्चार्ज प्रमाणे जी गोष्ट आधी घडली आहे त्या दिनांकापासून एक महिन्याच्या आत बिले सादर करण्यात यावीत.
तसेच या पुढील काळात त्या- त्या र्थक वर्षात वैयक्तिक वैद्यकीय परतावा बिल सादर न केल्यास त्या बिलांचा परतावा मिळणार नाही याची सर्व सेवकांनी नोंद घ्यावी. असे आदेशात म्हटले आहे. (Pune Municipal Corporation News)
—
News Title | PMC Pune Health Scheme | New Order of Health Department regarding Contributory Medical Scheme of Pune Municipal Corporation

Urban Poor Medical Scheme | शहरी गरीब वैद्यकीय योजना | नागरिकांचे हेलपाटे वाचवण्यासाठी ऑनलाईन सोबत ऑफलाईनची देखील असणार सुविधा!

Categories
Breaking News PMC social आरोग्य पुणे

शहरी गरीब वैद्यकीय योजना | नागरिकांचे हेलपाटे वाचवण्यासाठी ऑनलाईन सोबत ऑफलाईनची देखील असणार सुविधा!

| अजून एक खिडकी सुरु केली जाणार 

पुणे | शहरातील गरीब नागरिकांना आरोग्याची सुविधा मिळावी या हेतूने महापालिका (PMC Pune) आरोग्य विभागाने शहरी गरीब योजना (urban poor health scheme) सुरु केली आहे. तसेच महापालिकेत वारंवार चकरा माराव्या लागू नयेत म्हणून ही सुविधा ऑनलाईन (online) देखील करण्यात आली आहे. मात्र ऑनलाईन सुविधेमुळे नागरिकांची डोकेदुखी वाढली आहे. त्यांना जास्त हेलपाटे मारावे लागत आहेत. याबाबतच्या तक्रारी पाहता महापालिका ही सुविधा ऑफलाईन (offline) देखील करणार आहे. यासाठी अजून एक खिडकी सुरु केली जाणार आहे. त्यासाठी अतिरिक्त कर्मचारी नियुक्त केले जाणार आहेत.  तसेच नागरिकांना ही योजना आणि त्यासाठी अर्ज करणे, आवश्यक कागदपत्रे याबाबतची माहिती देण्यासाठी फ्लेक्स लावण्यात येणार आहेत. अशी माहिती महापालिकेच्या सहायक आरोग्य अधिकारी डॉ मनीषा नाईक (Assistant Health Officer Dr Manisha Naik) यांनी दिली.
| ऑनलाईन योजनेबाबत नागरिकांच्या वाढल्या होत्या तक्रारी
शहरी गरीब वैद्यकीय सहाय्य योजना ही पुणे मनपा कार्यक्षेत्रातील झोपडपट्ट्यांमध्ये राहात असलेल्या दारिद्रय रेषेखालील पिवळे रेशनिंगकार्ड व ज्या कुटुंबाचे वार्षिक उत्पन्न रु.१ लाख पर्यंत असणाऱ्या कुटूंबीयांना लागू करण्यात आलेली आहे. सन २०२२-२३
या मध्ये एकुण १७३५५ नागरीकांना सभासदत्व कार्ड देण्यात आलेले असून एकुण १७५०५ नागरिकांनी लाभ
घेतलेला आहे. शहरी गरीब वैद्यकीय सहाय्य योजने अंतर्गत नागरिकांना सभासदत्व देण्यासाठी नव्याने संगणक प्रणाली विकसित करुन पूर्णपणे कार्यान्वीत करणेत येत आहे व त्यानुसार नागरिकांचे सभासदत्व रजिस्ट्रेशन, व्हेरिफिकेशन प्रोसेस, प्री-अॅथोरायझेशन, बिलींग प्रोसेस याबाबत कार्यवाही करणेत येत आहे. नागरिकाना वारंवार महापालिकेत येण्याची आवश्यकता भासू नये म्हणून महापालिकेने ऑनलाईन ची सुविधा केली खरी, मात्र यामुळे जे नागरिक याबाबत user friendly नव्हते, त्यांना मात्र नाहक त्रास सहन करावा लागतो आहे. कारण याबाबतची प्रक्रिया माहित नसल्याने त्यांना खूप वेळ रांगेत उभे राहावे लागते. तसेच हेलपाटे देखील मारावे लागतात. सुविधा ऑनलाईन असल्याने ऑफलाईन कडे फारसे लक्ष दिले गेले नाही. त्यामुळे नागरिकांच्या तक्रारी वाढल्या. मात्र याबाबत महापालिकेने गंभीर दखल घेतली आहे.
| एप्रिल पासून नागरिकांच्या तक्रारी कमी होणार
याबाबत महापालिका सहायक आरोग्य अधिकारी डॉ मनीषा नाईक यांनी सांगितले कि खऱ्या गरीब लोकांना या योजनेचा फायदा मिळावा, यासाठी आम्ही प्रयासरत आहोत. त्यानुसार ऑनलाइन सुविधा करण्यात आली आहे. यातील तक्रारी कमी करण्यासाठी आम्ही एप्रिल पासून ही सुविधा ऑफलाईन देखील करतो आहोत. त्यासाठी अजून एक खिडकी सुरु केली जाणार असून त्यासाठी अतिरिक्त कर्मचारी देण्यात येणार आहेत. जे नागरिक ऑनलाईन अर्ज करतील त्यांनी अर्जासोबत जोडलेल्या कागदपत्राच्या झेरॉक्स आणि मूळ कागदपत्रे देखील घेऊन यायचे आहे. जेणेकरून आमचे कर्मचारी कागदपत्रांची पडताळणी करू शकतील. नागरिकांचा नाहक त्रास कमी करण्याचा आमचा प्रयत्न असेल.
| बनावट कागदपत्रे आढळल्यास गुन्हे दाखल केले जाणार
डॉ नाईक यांनी सांगितले कि ऑनलाईन सुविधेचा एक फायदा असा होतो आहे कि खऱ्या गरीब लोकांना याचा लाभ होताना दिसतो आहे. कारण काही बनावट कागदपत्र देऊन योजनेचा लाभ लुटत असत. यावर आळा घालता येणार आहे. कारण आम्ही आता उत्पन्नाचा दाखला आणि रेशन कार्ड बनावट असेल तर ओळखू शकतो. तशी सुविधा आमच्याकडे आहे. त्यामुळे नागरिकांनी बनावट कागदपत्रे किंवा मोबाईल नंबर देऊ नयेत. असे आढळल्यास त्यावर गुन्हा दाखल करण्यात येईल. याची खबरदारी नागरिकांनी घ्यावी, असे आमचे नागरिकांना आवाहन आहे, असे ही डॉ नाईक म्हणाल्या.
——-

Medical Insurance For PMC | अंशदायी वैद्यकीय योजना जाणार मेडिक्लेम कंपनीच्या ताब्यात! | महापालिका नेमणार ब्रोकर 

Categories
Breaking News PMC आरोग्य पुणे

अंशदायी वैद्यकीय योजना जाणार मेडिक्लेम कंपनीच्या ताब्यात!

: महापालिका नेमणार ब्रोकर

पुणे : महापालिका कर्मचारी आणि आजी माजी नगरसेवकांना आरोग्य सुविधा देण्यासाठी महापालिकेकडून अंशदायी वैद्यकीय सहायता योजना चालवली जाते. मात्र ही योजना आता मेडिक्लेम कंपनीच्या ताब्यात जाणार आहे. त्यासाठीची प्रक्रिया महापालिका आरोग्य विभागाने सुरु केली आहे. योजनेतील सदस्यांना वैद्यकीय विमा देण्यासाठी आणि यावर अमल करण्यासाठी महापालिका ब्रोकर (Insurance broker) नियुक्त करणार आहे. त्यासाठी आरोग्य विभागाने निविदा मागवली आहे.
महापालिका कर्मचारी आणि कर्मचारी संघटना अंशदायी वैद्यकीय सहायता योजना चालू राहावी यासाठी प्रयत्नशील आहेत. याबाबत कर्मचाऱ्यांनी वारंवार आंदोलने देखील केली आहेत. त्यानुसार कर्मचाऱ्यांना तशी खात्री देखील देण्यात आली होती. कारण कर्मचाऱ्यांना ही योजना आपली वाटते. मेडिक्लेम कंपनीच्या ताब्यात ही योजना गेली तर आमचे नुकसान होईल, असा महापालिका कर्मचाऱ्यांचा दावा आहे. तरीही महापालिका प्रशासनाने या योजनेच्या सदस्यासाठी वैद्यकीय विमा काढण्याची प्रक्रिया सुरु केली आहे. योजनेतील सदस्यांना वैद्यकीय विमा देण्यासाठी आणि यावर अमल करण्यासाठी महापालिका ब्रोकर (Insurance broker) नियुक्त करणार आहे. त्यासाठी आरोग्य विभागाने निविदा मागवली आहे.
महापालिकेने मागवलेल्या निविदेनुसार 2 जून ते 13 जून दुपारी 2:30 पर्यंत निविदा विक्री केली जाईल तसेच याच कालावधीत निविदा स्वीकृत देखील केली जाईल. तर 14 जून दुपारी 3 वाजता निविदा उघडली जाईल. कामाची मुदत 1 वर्ष असेल.
वरिष्ठ प्रशासकीय सूत्राकडून मिळालेल्या माहितीनुसार CHS योजना मेडिक्लेम कंपनीच्या ताब्यात देण्याबाबत आधीच सर्व ठरलेले आहे. आता फक्त प्रक्रिया पार पाडली जात आहे. कंपनी देखील ठरलेली आहे. यात फक्त काही नगरसेवकांनी विरोध केला म्हणून शहरी गरीब योजना यापासून दूर ठेवली आहे. त्यामुळे फक्त CHS चा यात अंतर्भाव केलेला आहे. याबाबत महापालिका कर्मचारी आणि संघटनांनी विचारपूर्वक पाऊल उचलणे गरजेचे आहे.
—
अंशदायी वैद्यकीय सहायता योजनेतील सदस्यांना वैद्यकीय विमा देण्यासाठी ब्रोकर नेमण्यात येणार आहे. त्यासाठी महापालिका प्रशासनाने निविदा मागवली आहे.
डॉ मनीषा नाईक, प्रभारी आरोग्य अधिकारी, महापालिका

—–

फक्त अंशदायी वैद्यकीय सहायता योजनेतील सदस्यासाठी हा विमा असेल. नेमण्यात येणाऱ्या ब्रोकर कडून सर्व चाचपणी करून प्रत्यक्ष योजनेवर अंमल केला जाईल.
डॉ संजीव वावरे, सहायक आरोग्य अधिकारी, महापालिका