Tag: pmc election

Draft Voter List | प्रारूप मतदार याद्यामुळे संभ्रमाचे वातावरण!  | इच्छुकांचे टेन्शन वाढले 

Categories
Breaking News PMC Political पुणे

प्रारूप मतदार याद्यामुळे संभ्रमाचे वातावरण! 

😐 इच्छुकांचे टेन्शन वाढले 

पुणे महापालिकेच्या प्रारूप मतदार याद्या करताना एका प्रभागातील मतदार दुसऱ्या प्रभागात टाकणे, काही याद्या गायब होणे असे धक्कादायक प्रकार समोर आले आहेत. धायरी आंबेगाव प्रभाग क्रमांक ५४ मध्ये तर तब्बल १ लाखापेक्षा जास्त मतदारांचा प्रभाग झाल्याने इच्छुकांचे धाबे दणाणले आहेत. या मतदार याद्या दुरुस्त  करण्याची मागणी केली जात आहे. मुळात मतदार याद्या उशिरा प्रसिद्ध केल्या. ज्या केल्या त्यामुळे संभ्रम वाढलाच आले.

पुणे महापालिकेच्या निवडणुकीसाठी निवडणूक आयोगाने प्रारूप मतदार याद्या जाहीर केल्या आहेत. त्यावर १ जुलैपर्यंत हरकती सूचना नोंदविता येणार आहेत. प्रभाग रचना अंतिम झाली तरी ल्याने राजकीय पक्ष, इच्छुकांकडून प्रभागाचा अभ्यास सुरू आहे. ज्या ठिकाणी हक्काचे मतदान आहे त्यासह अवघड भाग कोणता तेथे लक्ष घालत आहेत. पण प्रारूप मतदार याद्या जाहीर झाल्यानंतर अनेक धक्कादायक माहिती समोर आली आहे. शिरूर मतदारसंघातील व पुणे महापालिकेच्या हद्दीबाहेरील वढू या गावातील १२५ पेक्षा जास्त मतदारांचा समावेश प्रभाग क्रमांक दोनमध्ये करण्यात आला आहे. अनेक प्रभागाच्या सीमेवरील मतदारांची विभागणी होण्याऐवजी प्रभागाच्या मध्य भागात असलेले मतदार दुसऱ्या प्रभागात टाकले आहेत. प्रभाग क्रमांक ३६ कर्वेनगर येथील सोसायट्यांमधील मतदार प्रभाग क्रमांक १६ फर्ग्युसन महाविद्यालय- एरंडवणे येथे जोडले आहेत. प्रभाग क्रमांक शनिवार पेठे-नवी पेठेतील काही मतदार प्रभाग क्रमांक ५२ सनसिटी-नांदेड सिटीमध्ये टाकले आहेत. एका मतदारयादीत १ हजार ते १२०० मतदार असतात. काही प्रभागात चार ते पाच तर काही प्रभागात १० ते १५ मतदारयाद्या दुसऱ्या प्रभागात केले आहेत. अशा प्रकारे बहुतांश सर्वच प्रभागातील याद्यांमध्ये घोळ झाला आहे. प्रभाग रचनेत आपल्या सोईचा प्रभाग झाला असे वाटणाऱ्या इच्छुकांचे हक्काचे मतदार गायब झाल्याने त्यांचे धाबे दणाणले आहेत.

—

PMC election 2022 | सर्वांत जास्त मतदार असलेला प्रभाग धायरी-आंबेगाव  | सहा प्रभागात महिला मतदारांची संख्या जास्त | प्रारूप मतदारयाद्या जाहीर 

Categories
Breaking News PMC पुणे

सर्वांत जास्त मतदार असलेला प्रभाग धायरी-आंबेगाव

| सहा प्रभागात महिला मतदारांची संख्या जास्त

| प्रारूप मतदारयाद्या जाहीर 

पुणे महापालिका निवडणुकीसाठी  प्रभागनिहाय प्रारुप मतदार याद्या जाहीर करण्यात आल्या आहेत. या यादीनुसार  सहा प्रभागात महिला मतदार निर्णायक ठरणार आहेत. या प्रभागात पुरुषांपेक्षा महिला मतदारांची संख्या अधिक आहे. गेल्या निवडणुकीच्या तुलनेत यावर्षी मतदारसंख्येत 8 लाख 23 हजार 916 मतदारांची वाढ झाली आहे. तर सर्वांत जास्त मतदार असलेला प्रभाग धायरी-आंबेगाव ठरला आहे.

या मतदार याद्यांवर 1 जुलैपर्यंत हरकती आणि सूचना मागविल्या आहेत. मतदारांनी त्यांची प्रभागनिहाय यादी पाहून नावाची पडताळणी करावी आणि हरकत नोंदवावी असे आवाहन महापालिकेचे अतिरिक्त आयुक्त रविंद्र बिनवडे (Ravindra Binwade PMC) यांनी केले आहे. यावेळी मुख्य निवडणूक अधिकारी यशवंत माने (Yashwant Mane PMC) हे देखील उपस्थित होते.

मतदारांनी नोंदविलेल्या हरकती आणि सूचना वर कार्यवाही करून 9 जुलै रोजी अंतिम मतदार यादी जाहीर केली जाणार आहे. प्रारुप मतदार यादीत महापालिका (Pune Municipal Election) हद्दीबाहेरील गावांतील मतदारांचा समावेश झाला आहे, तसेच दुसऱ्या प्रभागाच्या यादीत नावे समाविष्ट केली गेल्याच्या तक्रारी येत असल्याकडे बिनवडे आणि माने यांचे लक्ष वेधले असता, बिनवडे म्हणाले, या प्रकारच्या त्रुटी दूर करुन बिनचुक मतदार यादी तयार करण्यासाठीच हरकती आणि सूचना मागविण्यात आल्या आहेत. महापालिकेच्या https://www.pmc.gov.in या संकेतस्थळावर आणि क्षेत्रीय कार्यालयात प्रभाग निहाय प्रारुप मतदार यादी पाहण्यास उपलब्ध आहे. (Pune PMC Election 2022)

प्रभागाच्या मतदार यादीत आपले नाव आहे का ? हे तपासून मतदारांनी हरकत (Objection) नोंदवावी. ही हरकत लेखी किवा ऑनलाईन स्वरुपात मतदाराला महापालिकेच्या मुख्य निवडणुक कार्यालय, क्षेत्रीय कार्यालयात नोंदविता येणार आहे. ऑनलाईन पद्धतीने हरकत महापालिकेच्या election@punecorporation.org या ईमेलवर नोंदविता येईल.

मतदाराने नोंदविलेली हरकत निवडणूक कार्यालयाकडून संबंधित क्षेत्रीय कार्यालयाकडे पाठवली जाणार आहे. या हरकतीची पडताळणी करण्यासाठी पथक नियुक्त केले आहे. या पथकामध्ये क्षेत्रीय अधिकारी, अभियंता, लिपीक यांचा समावेश असेल. हे पथक प्रत्यक्ष स्थळी भेट देऊन हरकतीची पडताळणी आणि कार्यवाही करून दुरुस्ती करणार आहे.

सहा प्रभागात महिला मतदारांची संख्या जास्त


नवीन प्रभाग रचनेनुसार 58 प्रभाग तयार झाले आहे. या प्रभागांची मतदार यादीचे प्रारुप तयार करताना विधानसभा मतदार यादीचा (Assembly Voter List) आधार घेण्यात आला आहे. तसेच निवडणुक आयोगाच्या (Election Commission) आदेशानुसार 31 मे 2022 पर्यंत मतदार नोंदणी केलेल्यांचा समावेश केला आहे. या प्रारूप मतदार यादीनुसार प्रभाग क्रमांक 15 (गोखलेनगर (Gokhale Nagar) – वडारवाडी (Vadarwadi), प्रभाग क्रमांक 16 (फर्ग्युसन कॉलेज (Fergusson College) – एरंडवणे (Erandwane), प्रभाग क्रमांक 17 (शनिवार पेठ (Shaniwar Peth) – नवी पेठ (Navi Peth), प्रभाग क्रमांक 18 (शनिवार वाडा (Shaniwar Wada) – कसबा पेठ (Kasba Peth), प्रभाग क्रमांक 19 (छत्रपती शिवाजी महाराज स्टेडीअम (Chhatrapati Shivaji Maharaj Stadium) – रास्ता पेठ (Rasta Peth), प्रभाग क्रमांक 29 (घोरपडे पेठ उद्यान (Ghorpade Peth Udyan) – महात्मा फुले मंडई (Mahatma Phule Mandai) या प्रभागात पुरुष मतदारांपेक्षा महिला मतदारांची संख्या अधिक आहे. या मतदारसंघाचे भवितव्य महीला मतदारांच्या हाती आले आहे. हे सर्व मतदारसंघ शहराच्या मध्यवर्ती भागातील आहेत.

—-

– एकुण मतदार : 34 लाख 58 हजार 714

– पुरुष मतदार : 18 लाख 7 हजार 663

– महीला मतदार : 16 लाख 50 हजार 807

– इतर मतदार : 244

– 2017 च्या तुलनेत वाढलेले एकुण मतदार : 8 लाख 23 हजार 916

– 2017 च्या तुलनेत वाढलेले पुरुष मतदार : 4 लाख 49 हजार 697

– तर 2017 च्या तुलनेत वाढलेल्या महीला मतदार : 3 लाख 74 हजार 042

– 2017 च्या तुलनेत वाढलेले इतर मतदार : 177

– सर्वांत जास्त मतदार असलेला प्रभाग : क्रमांक 54 (धायरी – आंबेगाव) 1 लाख 3 हजार 959

– सर्वात कमी मतदार असलेला प्रभाग : क्रमांक 34 ( मगरपट्टा – साधना विद्यालय) 34 हजार 80

PMC election 2022 | हरकती सूचनांसाठी अतिरिक्त कर्मचारी!  | उद्या प्रारूप मतदार यादी प्रसिद्ध होणार 

Categories
Breaking News PMC पुणे

हरकती सूचनांसाठी अतिरिक्त कर्मचारी!

: उद्या प्रारूप मतदार यादी प्रसिद्ध होणार

पुणे : पुणे महानगरपालिकेचा (PMC) निवडणूक विभाग आगामी  निवडणुकांसाठी मतदार यादी अंतिम करण्याच्या प्रक्रियेत आहे आणि त्याबाबत सूचना आणि हरकती मागवणार आहे. उद्या म्हणजेच 23 जून ला प्रारूप मतदार यादी प्रसिद्ध होणार आहे. त्यामुळे  मतदार 23 जून ते 1 जुलै या कालावधीत आपल्या संबंधित समस्यांचे निराकरण करू शकतात. यासाठी महापालिका प्रशासनाने अतिरिक्त कर्मचाऱ्यांची नियुक्ती केली आहे. याबाबत अतिरिक्त आयुक्तांनी आदेश काढले आहेत.

: काय आहेत आदेश?

पुणे महानगरपालिका सार्वत्रिक निवडणूक २०२२ प्रस्तावित असून राज्य निवडणूक आयोग, महाराष्ट्र राज्य यांनी दिलेल्या आदेशानुसार मतदार यादी तयार करण्याचे कामकाज सुरु करण्यात आलेले आहे. पुणे महानगरपालिकेच्या क्षेत्रिय कार्यालयामार्फत प्राप्त झालेल्या कंट्रोल चार्ट नुसार दिनांक २३/०६/२०२२ रोजी प्रारूप मतदार यादी निवडणूक विभाग, पुणे महानगरपलिके मार्फत प्रसिद्ध करण्यात येत आहे. प्रसिद्ध झालेल्या प्रारूप मतदार यादीवर दिनांक २३/०६/२०२२ ते ०१/०७/२०२२ रोजी कार्यालयीन वेळेपर्यंत हरकती व सूचना स्विकारून त्याची विहित मुदतीत पूर्तता करावयाची आहे.
प्रारूप मतदार यादीवर प्राप्त झालेल्या हरकती व सूचनांचा हरकतदार व क्षेत्रिय कार्यालयाकडील नोडल अधिकारी (कनिष्ठ अभियंता) यांचेसमवेत पडताळणी करून हरकतींचा निपटारा करणे, हरकती / सूचनांवर संबंधित क्षेत्रिय कार्यालयाकडील महापालिका सहाय्यक आयुक्त यांचे समवेत निर्णय घेणे व अंतिम मतदार यादी तयार करणेकामी अंतिम कंट्रोल चार्ट तयार करणेसाठी खालील प्रमाणे उप अभियंता /शाखा अभियंता / कनिष्ठ अभियंता यांची नियुक्ती करणेत येत आहे. सदर कामकाज यशवंत माने, उप आयुक्त, निवडणूक विभाग व    संदीप कदम, पदनिर्देशित अधिकारी
(मतदार यादी) तथा उप आयुक्त परिमंडळ क्र.०४ पुणे मनपा यांचे नियंत्रणाखाली विहित मुदतीत व बिनचूकपणे पार पाडावयाचे आहे.

—

Empirical Data | OBC Reservation | ओबीसींचा इम्पिरिकल डेटा गोळा करण्याचे अतिरिक्त आयुक्तांचे निर्देश 

Categories
Breaking News PMC Political social पुणे

ओबीसींचा इम्पिरिकल डेटा गोळा करण्याचे अतिरिक्त आयुक्तांचे निर्देश

: सर्व क्षेत्रीय अधिकाऱ्यांना सूचना 

 
पुणे | मध्य प्रदेश प्रमाणे महाराष्ट्र राज्यातही ओबीसी आरक्षण लागू करण्याच्या हालचाली सुरु झाल्या आहेत. यासाठी राज्य सरकार कसून प्रयत्न करत आहे. सरकारने नुकतेच सर्व स्थानिक स्वराज्य संस्थाना  ओबीसींचा इम्पिरिकल डेटा गोळा करण्याचे निर्देश दिले आहेत. त्यानुसार महापालिकेने देखील तयारी सुरु केली आहे. महापालिका अतिरिक्त आयुक्त रवींद्र बिनवडे यांनी या बाबतच्या सूचना महापालिका प्रशासनाला दिल्या आहेत. त्यामुळे आगामी महापालिका निवडणुकीवर ओबीसी आरक्षणाची छाप राहणार, हे सिद्ध होत आहे.
गेल्या काही दिवसापासून ओबीसी आरक्षणाबाबत जोरदार चर्चा झाडत आहेत. मात्र राज्यात हे आरक्षण लागू झालेले नाही. यामुळे फेब्रुवारीत होणाऱ्या निवडणुका देखील पुढे ढकलल्या होत्या. मात्र सुप्रीम कोर्टाच्या निकालामुळे हा विषय मागे पडला होता. मात्र मध्य प्रदेशात ओबीसी आरक्षण लागू झाल्याने राज्य सरकारच्या आणि ओबीसी नेत्यांच्या देखील अपेक्षा उंचावल्या आहेत.
दरम्यान सुप्रीम कोर्टाच्या आदेशानुसार राज्य सरकारने स्थानिक स्वराज्य संस्थाच्या निवडणुका घेण्याची प्रक्रिंय सुरु केली आहे. या निवडणुकी पर्यंत ओबीसी आरक्षण लागू होऊ शकते, असा कयास बांधला जात आहे. कारण राज्य सरकारने तशी तयारी सुरु केली आहे. कारण सरकारने नुकतेच सर्व स्थानिक स्वराज्य संस्थाना  ओबीसींचा इम्पिरिकल डेटा गोळा करण्याचे निर्देश दिले आहेत. त्यानुसार पुणे महापालिकेने देखील तयारी सुरु केली आहे. महापालिका अतिरिक्त आयुक्त रवींद्र बिनवडे यांनी या बाबत महापालिका अधिकाऱ्यासोबत बैठक घेतली. या बैठकीत अतिरिक्त आयुक्तांनी ही जबाबदारी क्षेत्रीय कार्यालयावर सोपवली आहे. तशा सूचना महापालिका प्रशासनाला दिल्या आहेत.
विश्वसनीय सूत्रांच्या माहितीनुसार आता क्षेत्रीय कार्यालयातील कुठलाही कर्मचारी ज्याला संबंधित परिसराची सर्व माहिती असेल, त्याला ओबीसी नागरिकांची माहिती गोळा करण्यास सांगितले जाईल. आडनावा नुसार जात, उपजात च उल्लेख करत हा डाटा गोळा करायचा आहे. गोळा झालेला डाटा राज्य सरकारच्या लिंकवर अपलोड करायचा आहे.
त्यानुसार सरकार पुढील प्रक्रिया करणार आहे. 
 
महापालिका निवडणुकीची तयारी महापालिका प्रशासनाने सुरु केली आहे. sc,st आणि महिला आरक्षण देखील जाहीर झाले आहे. त्यामुळे इच्छुक तयारीला लागले होते. मात्र आता ओबीसी आरक्षण लागू झाले तर गणिते बदलणार आहेत. त्यामुळे इच्छुकांना आरक्षणाची वाट पहावी लागणार आहे. 

पुणे महापालिका रणसंग्राम | PMC Election 2022 | महिला आरक्षण | काहींची गणिते जुळली तर काहींना करावे लागणार पक्षांतर! 

Categories
Breaking News PMC Political पुणे

महिला आरक्षण | काहींची गणिते जुळली तर काहींना करावे लागणार पक्षांतर! 

पुणे – महिला आरक्षणाची सोडत निघाल्यामुळे पुणे महापालिका निवडणुकीचे चित्र मंगळवारी जवळपास स्पष्ट झाले. या आरक्षणामुळे प्रस्थापित मधील काही नगरसेवकांचा मार्ग सुकर झाला आहे. तर काहींची मात्र गणिते पूर्णपणे बिघडून गेली आहेत. सोडतीत अनेक नेत्यांच्या प्रभागात महिला आरक्षण पडल्याने त्यांना नवीन प्रभागाचा अथवा घरातील महिलेला रिंगणात उतरावे लागणार असल्याचे समोर आले आहे. तर काही प्रभागांमध्ये पक्षातील इच्छुकांबरोबरच उमेदवारी मिळविण्यासाठी झगडावे लागणार आहे. तर अनेकांना महापालिकेच्या सभागृहात जाण्याच्या इच्छेवर पाणी सोडावे लागणार आहे. अनेक इच्छुकांना पक्षांतराशिवाय पर्याय राहिलेला नाही.

स्थायी समितीचे तीन वेळा अध्यक्षपद मिळवून इतिहास घडविणाऱ्या हेमंत रासने, माजी सभागृह नेते धीरज घाटे हे इच्छुक असलेले प्रभाग क्रमांक १७ मध्ये दोन जागा महिलांसाठी आरक्षित झाल्या आहेत. त्यामुळे या दोघांसह राजेश येनपुरे, दिलीप काळोखे, कृणाला टिळक, युवा मोर्चाचे बापू मानकर, प्रमोद कोंढरे यांच्या अनेक यांच्यामध्ये उमेदवारीसाठी रस्सीखेच होण्याची शक्यता आहे. तर प्रभाग क्रमांक २० मधील दोन जागा महिलांसाठी राखीव झाल्याने तेथे देखील उमेदवारीसाठी चुरस निर्माण झाली आहे. माजी महापौर रजनी त्रिभुवन, लता राजगुरू यांना उमेदवारीसाठी झगडावे लागेल. प्रभाग क्रमांक १० मध्ये देखील दोन्ही जागा महिलांसाठी राखीव झाल्याने आजी-माजीसह नगरसेवकांच्या इच्छेवर पाणी फिरले आहे.
बाळासाहेब बोडके, आदित्य माळवे, राजू पवार, चंद्रकांत अमराळे यांच्या अनेकांना आजूबाजूच्या प्रभागाचा आसरा घ्यावा लागणार आहे. प्रभाग क्रमांक २१ मध्ये बंडू गायकवाड आणि उमेदवार गायकवाड समोरासमोर येण्याची शक्यता अधिक असल्याचे सध्या चित्र आहे. या प्रभागात भाजपकडून इच्छुक असलेल्यांची संख्या मोठी असल्याने कोणाच्या गाळात माळ पडणार हा औसुक्याचा विषय राहणार आहे. तर प्रभाग १६ फग्युर्सन कॉलेज-एरंडवणे या प्रभागात मात्र उलटी परिस्थती आहे. महिलासाठी राखीव असलेल्या माधुरी सहस्रबुद्धे, मंजुश्री खर्डेकर, निलीमा खाडे, ज्योत्स्ना एकबोटे या प्रमुख महिलांसह इच्छुकांची संख्या मोठी आहे. प्रभाग २९ घोरपेड पेठ-महात्मा फुले मंडई या प्रभागात दोन महिलांसाठी राखीव जागा आहेत. त्यामुळे अजय खेडेकर, सम्राट थोरात, अजय दरेकर, विजय ढेरे. नाराजय चव्हाण, विष्णू हरिहर, आयुब पठाण, मुनाफ शेख यांच्यासह अनेक इच्छुकांना प्रभाग २८ महात्मा फुले स्मारक-भवानी पेठ या ठिकाणी उमेदवारीसाठी प्रयत्न करावा लागणार आहे. तर प्रभाग क्रमांक ३२ भुसारी कॉलनी-बावधन खुर्द येथे दोन जागा महिलांसाठी राखीव झाल्याने बंडू केमसे, दिलीप वेडेपाटील यांच्यासारख्या अनेक दिग्गज एकमेकांसमोर येण्याची शक्यता व्यक्त केली जात आहे.
प्रभाग क्रमांक ३४ वारजे कोंढवे धावडे एक महिलेसाठी राखीव प्रभाग झाल्याने महापालिकेतील विरोधी पक्षनेत्या दीपाली धुमाळ यांचा प्रश्‍न मार्गी लागला आहे.मात्र, याच प्रभागात सचिन दोडके, किरण बारटक्के, भारतभूषण बराटे, सचिन दांगट, शुक्राचार्य वांजळे यांच्या दिग्गजांमध्ये लाढाई होण्याची शक्यता आहे. या प्रभागाला लागून असलेल्या ३५ रामनगर-उत्तमनगर दोन जागा महिलांसाठी आरक्षित झाल्याने दिलीप बराटे यांच्या प्रश्‍न मार्गी लागला असल्याची चर्चा आहे. तर प्रभाग क्रमांक ३६ कर्वेनगर प्रभागात एक जागा सर्वसाधारण गटासाठी आल्याने सुशिल मेंगडे, जयंत भावे, राजाभाऊ बराटे, स्वप्नील दुधाणे यांच्यासह अनेकांना उमेदवारी मिळविण्यासाठी झगडावे लागणार आहे. तर सनसिटी-नांदेड सिटी या प्रभाग क्रमांक ५२ अनुकूल असलेल्या प्रभागात दोन जागा महिलांसाठी राखीव झाल्याने मंजूषा नागपुरे, राजश्री नवले, यांचे प्रश्‍न सुटला आहे. तर प्रसन्न जगताप, श्रीकांत जगताप यांच्यासह इच्छुकांमध्ये तिकिटासाठी रस्सीखेच होण्याची शक्यता अधिक आहे.
खडकवासला-नऱ्हे प्रभाग ५३ या नव्याने आलेल्या सर्वसाधारण गटाची उमेदवारी मिळविण्यासाठी राष्ट्रवादी काँग्रेसमध्ये कमालीची सुरस होण्याची शक्यता आहे.कात्रज परिसरातील प्रभाग क्रमांक ४९ बालाजीनगर-शंकर महाराज मठ या प्रभागात माजी महापौर दत्ता धनकवडे आणि राजेंद्र शिळीमकर एकमेकांसमोर येण्याची शक्यता व्यक्त केली जात आहे. तर ५६ चैतन्य नगर भारती विद्यापीठ प्रभागात दोन महिलांसाठी जागा राखीव झाल्याने वर्षा तापकीर या प्रभागातून रिंगणात उतरण्याची शक्यता अधिक निर्माण झाली आहे. तर राष्टवीदीचे विशाल तांबे, युवराज बेलदरे यांच्या पक्षांतर्गत चुरस निर्माण झाले आहे. प्रभाग रचना आणि आरक्षणाचे चित्र स्पष्ट झाल्याने अनेक प्रभागातील लढतीचे सर्वसाधारण चित्र समोर आले आहे.

Women Reservation | PMC Election 2022 | हडपसर मतदार संघातून 20 महिला नगरसेवक होणार

Categories
Breaking News PMC Political पुणे

हडपसर मतदार संघातून 20 महिला नगरसेवक होणार

: त्याखालोखाल खडकवासला आणि पर्वती

हडपसर मतदार संघातून यंदा सर्वाधिक महिला सदस्य महापालिकेच्या सभागृहात दिसणार आहे. सुमारे 20 महिला नगरसेवक या मतदारसंघातून होतील. तर त्या पाठोपाठ खडकवासला आणि पर्वती विधानसभा मतदार संघातील महिलांना महापालिकेत जाण्याची सर्वाधिक संधी मिळणार आहे.

महापालिकेच्या हद्दीत नव्याने ३४ गावे समाविष्ट झाली आहे. त्यामुळे या समाविष्ट गावांसह उपनगरामधील प्रभागांची संख्या वाढली आहे. पर्वती, हडपसर आणि खडकवासला या तीन मतदार संघातून सर्वाधिक प्रतिनिधी महापालिकेवर निवडून येणार आहे. त्यामध्ये सर्वाधिक महिलांना संधी देखील आरक्षणाच्या निमित्ताने मिळणार आहे.

महापालिकेच्या आगामी निवडणुका तीन सदस्यांचा एक प्रभाग या पद्धतीने होणार आहेत. पुण्यात ५८ प्रभाग व १७३ सदस्य संख्या आहे. पन्नास टक्के महिला आरक्षणानुसार ८७ महिलांना प्रतिनिधित्व मिळणार आहे. ५८ प्रभागात प्रत्येकी एक जागा या नुसार ५८ जागा महिलांसाठी राखीव झाल्यानंतर उर्वरित २९ जागांसाठी महिला आरक्षणाची सोडत मंगळवारी काढली. लॉटरी पद्धतीने काढण्यात आलेल्या २९ पैकी सर्वाधिक हडपसर विधानसभा मतदार संघातील महिलांना संधी मिळणार आहे. या मतदार संघातील दहा प्रभागांमध्ये दोन जागांवर महिलांसाठी आरक्षण आहे.
त्यामुळे या मतदार संघातून वीस महिलांना नगरसेविका होण्याची संधी आहे.

दुसरा क्रमांक खडकवासला मतदार संघातील महिलांचा आहे. या मतदार संघातील सहा प्रभागांमध्ये दोन जागांवर महिलांचे आरक्षण आहे. त्या खालोखाल पर्वती विधानसभा मतदार संघातील पाच प्रभागांमध्ये दोन जागा महिलांसाठी आहेत. वडगाव शेरी विधानसभा मतदार संघात चार प्रभागात दोन महिलांचे आरक्षण आहे. कसबा विधानसभा मतदार संघात दोन प्रभागात, तर शिवाजीनगर, पुणे कॅन्टोमेन्ट आणि कोथरूड या मतदार संघातील प्रत्येकी एका प्रभागात दोन महिलांसाठी जागा राखीव आहेत.

दोन महिला सदस्यांचे आरक्षण पडलेले प्रभाग

टिंगरेनगर-संजय पार्क (२), लोहगाव वडगावशेरी (३), खराडी पूर्व -वाघोली (४), येरवडा (९), शिवाजीनगर-संगमवाडी (१०), शनिवार पेठ-नवीपेठ (१७), पुणे स्टेशन-मातोश्री रमाबाई आंबेडकर रस्ता (२०), कोरेगाव पार्क-मुंढवा (२१), साडेसरानळी-आकाशवाणी (२३), मगरपट्टा-साधना विद्यालय (२४), हडपसर गावठाण- सातववाडी (२५), वानवडी गावठाण- वैदुवाडी (२६), घोरपडे पेठ उद्यान-महात्मा फुले मंडई (२९), भुसारी कॉलनी-बावधन खुर्द (३२), रामनगर-उत्तमनगर- शिवणे (३५), कर्वेनगर (३६), मार्केट यार्ड- महर्षीनगर (३९), बिबवेवाडी-गंगाधाम (४०), रामटेकडी-सैय्यदनगर (४२), वानवडी-कौसरबाग (४३), मोहमदवाडी-उरुळी देवाची (४६), कोंढवा बुद्रुक-येवलेवाडी (४७), अप्पर-सुपर इंदिरानगर (४८), बालाजीनगर-शंकर महाराज मठ (४९), नांदेड सीटी-सनसिटी (५२), खडकवासला-नऱ्हे (५३), धनकवडी-आंबेगाव पठार (५५), चैतन्यनगर-भारती विद्यापीठ (५६), सुखसागरनगर-राजीव गांधीनगर (५७)

PMC Election 2022 | Women Reservation | १७३ जागांपैकी महिलांसाठी ८७ जागा आरक्षित : निवडणूक तयारीचा मार्ग मोकळा 

Categories
Breaking News PMC पुणे

१७३ जागांपैकी महिलांसाठी ८७ जागा आरक्षित

: निवडणूक तयारीचा मार्ग मोकळा

पुणे : पुणे महापालिका (PMC) निवडणुकीसाठी तयारी करण्यासाठी इच्छुकांचा मार्ग मोकळा झाला आहे. आरक्षण सोडतीत एकुण १७३ जागांपैकी महिलांसाठी ८७ जागा आरक्षित झाल्या आहेत. त्यामुळे येत्या पंचवार्षिक मध्ये महापालिका सभागृहात ८७ महिला असणार, हे नक्की झाले आहे.  यामध्ये १७ जागा सर्वसाधारण महिलांसाठी, १२ जागा अनुसूचित प्रवर्गातील महिलांसाठी तर एक जागा अनूसूचित जमाती प्रवर्गातील महिलांसाठी राखीव झाल्या आहेत. सर्वच प्रभागांमध्ये पुरूषांसाठी एक जागा असल्याने सर्व प्रस्थापितांना कोणताही धक्का बसलेला दिसत नाही.

पुणे महापालिकेच्या आगामी सार्वत्रिक निवडणुकीसाठी आज (मंगळवारी) आरक्षण सोडत जाहीर करण्यात आली. ५८ प्रभागातील १७३ जागांसाठी असणारी ही सोडत गणेश कला क्रीडा मंडळ येथे अधिकारी आणि नागरिकांच्या उपस्थितीत पार पडली.

या सोडतीमध्ये महिलांसाठी एकूण ८७ जागांसाठी आरक्षण जाहीर करण्यात आले.  या सोडतीनुसार आरक्षित जागांची माहिती खालील प्रमाणे…..

अनुसूचित जाती महिला आरक्षित प्रभाग

प्रभाग ९ येरवडा, प्रभाग ३- लोहगाव विमाननगर, प्रभाग ४२ रामटेकडी सय्यदनगर , प्रभाग ४७-कोंढवा बुद्रुक , प्रभाग ४९- मार्केटयार्ड महर्षीनगर, प्रभाग ४६- महम्मदवाडी उरळी देवाची, प्रभाग २० पुणे स्टेशन आंबेडकर रोड , प्रभाग २६- वानवडी वैदुवाडी, प्रभाग -२१ कोरेगाव पार्क मुंढवा , प्रभाग ४८ – अप्पर इंदिरानगर, प्रभाग-१० शिवाजीनगर गावठाण – संगमवाडी, प्रभाग-४ खराडी वाघोली.

अनुसूचित  प्रभाग

प्रभाग ८ – अ, प्रभाग – ७ अ, प्रभाग- ५० अ, प्रभाग – ३७ अ, प्रभाग २७ अ, प्रभाग – २२ अ, प्रभाग – १ अ, प्रभाग – १९ अ, प्रभाग – १२ अ, प्रभाग ११ अ

अनुसूचित जमाती

प्रभाग १ क्र. १ ब महिला

प्रभाग १४ अ – एसटी

महिला आरक्षित अ व ब जागा

प्रभाग – 2 अ, 3 ब, 4 ब, 5 अ, 6 अ, 7 ब, 8 ब, 9 ब, 10 ब, 11 ब, 12 ब, 14 ब, 15 अ , 16 अ, 17 अ, 18 अ, 19 ब, 20 ब, 21 ब, 22 ब, 23 अ, 24 अ, 25 अ, 26 ब, 27 ब, 28 अ, 29 अ, 30 अ, 31 अ, 32 अ, 33 अ, 34 अ, 35 अ, 36 अ, 37 ब, 38 ब, 39 ब, 40 अ, 41 अ, 42 ब, 43 अ, 44 अ, 45 अ, 46 ब, 47 ब, 48 ब, 49 अ, 50 ब , 51 अ, 52 अ, 53 अ, 54 अ, 55 अ, 56 अ, 57 अ, 58 अ, 29 ब, 49 ब, 36 ब, 43 ब, 25 ब, 23 ब, 57 ब, 55 ब, 17 ब, 32 ब, 2 ब, 35 ब, 56 ब, 40 ब, 53 ब, 24 ब, 52 ब

सर्वसाधारण खुला प्रभाग :

प्रभाग – 6 ब, 5 ब, 58 ब, 54 ब, 51 ब, 45 ब, 44 ब, 41 ब, 34 ब, 33 ब, 31 ब, 30 ब, 28 ब, 18 ब, 16 ब, 15 ब, 13 ब, 1 क, 2 क, 3 क, 4 क, 5 क, 6 क, 7 क, 8 क, 9 क, 10 क, 11 क , 12 क, 14 क, 15 क, 16 क, 17 क, 18 क, 19 क, 20 क, 21 क, 22 क, 23 क, 24क, 25 क, 26 क, 27 क, 28 क, 29 क, 30 क, 31 क, 32 क, 33 क, 34 क, 35 क, 36 क, 37 क, 38 क, 39 क, 40 क, 41 क, 42 क, 43 क, 44 क, 45 क, 46 क, 47 क, 48 क, 49 क, 50 क, 51 क, 52 क, 53 क, 54 क, 55 क, 56 क, 57 क व 58 क.

PMC Election 2022 | Women Reservation | महापालिकेच्या निवडणुकीसाठी प्रभागातील महिला आरक्षणाची सोडत उद्या | महापालिका प्रशासनाकडून रंगीत तालीम; जय्यत तयारी 

Categories
Breaking News PMC पुणे

महापालिकेच्या निवडणुकीसाठी प्रभागातील महिला आरक्षणाची सोडत उद्या

: महापालिका प्रशासनाकडून रंगीत तालीम; जय्यत तयारी

पुणे : आगामी महापालिकेच्या निवडणुकीसाठी प्रभागातील महिला आरक्षणाची सोडत उद्या (ता. ३१) सकाळी ११ वाजता स्वारगेट येथील गणेश कला क्रिडा मंच येथे काढली जाणार आहे. त्यांची रंगीत तालीम सोमवारी सायंकाळी महापालिका अतिरिक्त आयुक्त रवींद्र बिनवडे यांच्या उपस्थितीत घेण्यात आली. ही सोडत लॉटरी पद्धतीने होणार असून शालेय विद्यार्थ्यांच्या हस्ते ती काढण्यात येणार आहे. यासाठी महापालिका प्रशासनाने जय्यत तयारी केली आहे. अशी माहिती निवडणूक विभागाचे उपायुक्त यशवंत माने यांनी दिली.

महापालिकेच्या आगामी सार्वत्रिक निवडणुकीसाठी प्रभाग रचना अंतिम झाली आहे. ५८ प्रभागांत १७३ नगरसेवक निवडून दिले जाणार आहेत. त्यामध्ये २३ जागा अनुसूचित जाती तर दोन जागा अनुसूचित जमातीसाठी आरक्षीत आहेत. ओबीसी आरक्षणाशिवाय या निवडणूका होणार असल्याने सर्वसाधारण प्रवर्गासाठी जास्त जागा उपलब्ध झालेल्या आहेत. १७३ सदस्यांपैकी ८७ जागा या महिलांसाठी आरक्षीत आहेत. यामध्ये १२ अनुसूचित जाती, एक अनुसूचित जमातीसाठी आरक्षण असतील. तर ७४ ठिकाणी खुल्या प्रवर्गातील महिलांचे आरक्षण असणार आहे. तीन सदस्यांचा प्रभाग असल्याने २९ प्रभागांमध्ये दोन महिला असणार आहेत.

: असे असेल नियोजन

उपायुक्त माने यांच्या माहितीनुसार सकाळी 11 वाजता आरक्षण सोडत कार्यक्रम सुरु होईल. त्यासाठी महापालिका कर्मचारी 9:30 पासूनच उपस्थित असतील. अनुसूचित जाती, जमाती व महिला आरक्षणासाठी चिठ्ठ्या तयार करणे, सोडतीचे व्हिडिओ चित्रीकरण करणे, सोडतीचे लाइव्ह प्रसारण करणे, स्टेजवर तसेच बाहेरील बाजूस एलईडी स्क्रीन बसविणार आहेत. या ठिकाणी कोणताही गोंधळ होऊ नये, यासाठी पोलिस बंदोबस्ताचेही नियोजन केले आहे.

दरम्यान आज सायंकाळी आरक्षण सोडतीची रंगीत तालीम घेण्यात आली. यावेळी अतिरिक्त आयुक्त रवींद्र बिनवडे, निवडणूक उपायुक्त यशवंत माने, सहायक आयुक्त आशिष महाडदळकर, सांख्यिकी व संगणक विभागाचे राहुल जगताप, सहायक पोलीस आयुक्त सुषमा चव्हाण, उपस्थित होते.

Analysis | PMC Election | भाजपला कसली भीती सतावतेय? 

Categories
Breaking News PMC Political पुणे

भाजपला कसली भीती सतावतेय?

पुणे : महापालिका निवडणुकीच्या हालचालींना चांगलाच वेग आला आहे. त्यामुळे आता शहरातील सर्वच राजकीय पक्षांनी मोर्चेबांधणी सुरु केली आहे. दरम्यान आता या निवडणुकीत कोण बाजी मारणार? भाजप पुन्हा एकदा 100 के पार करणार का? का महाविकास आघाडीचाच जोर चालणार? असे प्रश्न उपस्थित होत आहेत. मात्र 100 नगरसेवक घेऊन सत्तेत बसलेल्या भाजपाला मात्र आता पुन्हा तेवढ्याच जोमाने सत्ता येईल, असा विश्वास राहिलेला नाही.
भाजपाला हा आत्मविश्वास नसण्याला देखील तशीच कारणे आहेत. कारण भाजपला पूर्ण बहुमत असल्याने शहराचा संतुलित विकास करण्याची संधी होती. त्यानुसार सुरुवातीला भाजपने पुणेकरांना तशी स्वप्ने दाखवली देखील. मात्र त्या स्वप्नाचा पाठपुरावा भाजपाला करता आला नाही. बऱ्याच मोठ्या प्रकल्पाची स्वप्ने दाखवली गेली होती. शिवाय शहराच्या हिताच्या दृष्टीने काही महत्वाचे प्रकल्प आम्ही पूर्ण करणारच, असा विश्वास देखील भाजपने दिला होता. पुणेकरांना देखील हा विश्वास खरा वाटला. मात्र ते प्रकल्प पूर्ण होऊच शकले नाहीत. त्यामध्ये समान पाणीपुरवठा योजना, नदी सुधार योजना, मेट्रो प्रकल्प, उड्डाणपूल, मोठे रस्ते, अशा प्रकल्पांचा समावेश आहे. यातील काही प्रकल्प सुरु होऊन देखील त्याचा फारसा फायदा झालेला दिसला नाही.
शिवाय भाजपने बाहेरून आलेल्या नगरसेवकांना आपले कधी मानलेच नाही. त्यामुळे त्यांनाही भाजप कधी आपलासा वाटला नाही. त्यामुळे पालिकेत काही लोकांचीच मक्तेदारी होऊन बसली. अर्थातच तिथेच विकासाला खीळ बसण्यास सुरुवात झाली. 100 नगरसेवक असताना देखील फक्त तोकडेच लोक प्रतिनिधित्व करताना दिसत होते. ही गोष्ट पुणेकरांच्या देखील ध्यानात यायला वेळ लागला नाही. सत्तेच्या उत्तरार्धात पदाधिकाऱ्यांचे देखील एकमेकांशी पटत नव्हते. यातच कहर म्हणजे निसर्गाने किंवा नशिबाने देखील भाजपाला साथ दिली नाही. कोरोनाचा कहर चांगला दोन वर्ष चालला. याही काळात थोड्याच लोकांना प्रतिनिधित्व करण्याची संधी मिळाली. शिवाय प्रशासनातील प्रमुखांनी देखील भाजपाला फार काही करण्याची संधी दिली नाही. त्यामुळे पूर्ण 5 वर्ष मिळून फार उपयोग झाला नाही.
भाजपमध्ये बरेचसे लोक हे पालिकेत नवीन होते. प्रशासनातील अधिकाऱ्यांनी ही गोष्ट हेरली होती. त्यामुळे कामे करताना भाजपच्या नगरसेवकांची फारच दमछाक होऊ लागली. इकडे विरोधी पक्षातील कसलेले नगरसेवक मात्र झटक्यासरशी काम करून घेत होते. भाजपच्या नगरसेवकांना जेव्हा तांत्रिक माहिती समजू लागली, तेव्हा मात्र कोरोना आला आणि कोरोना संपतो तोच कालावधी संपण्याची वेळ आली. त्यामुळे नगरसेवकांची स्वप्ने अधुरीच राहिली. पर्यायाने पुणेकरांचीच स्वप्ने पूर्ण होऊ शकली नाहीत. हळूहळू भाजपच्या ही लक्षात आले कि आपण फार मजल मारू शकलो नाही. त्यामुळे मग भीती सतावू लागली, पुन्हा येऊ का नाही? मग भावनेच्या भरात निर्णय घ्यावे लागले. मग काही कामाचे करार संपललेले नसतानाही नियम डावलत आपल्याच लोकांसाठी मुदत वाढवून देण्यासाठी नवीन करार केले जाऊ लागले. मात्र ही गोष्ट लपून राहिली नाही. मुख्य सभेतही नंतर बहुमताच्या जोरावर निर्णय घेतले गेले. ज्यात पदाधिकाऱ्यांचेच हित सामावले होते.
अशा सगळ्याच गोष्टी सगळ्यांच्याच ध्यानात आल्या आहेत. त्यामुळेच आता भाजपलाच 100 लोक निवडून येण्याचा आत्मविश्वास राहिलेला नाही. बाहेरून आलेले नगरसेवकांनी खरे तर निघून जाण्याची मागेच तयारी केली होती. आता ते पुढील काळात घडू शकेल. आपल्याकडून फार कामे झाली नसल्याची कबुली खुद्द त्यांचेच लोक देताहेत.
आता भाजपसमोर निवडणुकीत बहुमताने निवडून येण्याचे मोठे आव्हान आहे. कारण गेल्या काही दिवसापासून राष्ट्रवादी काँग्रेस भाजपाला खुलं आव्हान देतोय. अशी सगळे आव्हाने पार करून भाजपला बहुमत मिळवणे नक्कीच सोपे नाही. भाजप हे आव्हान कसे पेलणार, यासाठी मात्र खूप प्रयत्नांची आवश्यकता आहे.

PMC Election | BJP | NCP | बहुतांश प्रभागात सत्ताधारी भाजप  विरोधात नाराजी!

Categories
Breaking News PMC Political पुणे

बहुतांश प्रभागात सत्ताधारी भाजप  विरोधात नाराजी

: राष्ट्रवादी काँग्रेस पार्टीचे आता प्रभागनिहाय संघटनात्मक बांधणीकडे  लक्ष देण्यास सुरुवात

पुणे : महानगरपालिकेची निवडणूक लांबणीवर गेली असली तरी , राष्ट्रवादी काँग्रेस पार्टीच्या निवडणूकपूर्व घडामोडींना वेग आला आहे. शहरातील बहुतांश प्रभागात सत्ताधारी भाजप भारतीय जनता पार्टी विरोधात असलेली नाराजी  बैठकांमधून जाणवते आहे. त्यामुळेच इच्छुकांची संख्या मोठी असली तरी सर्वजण एक दिलाने काम करतील व येत्या काळात राष्ट्रवादी काँग्रेस पार्टीचा महापौर पुणे महानगरपालिकेत असेल” असा विश्वास शहराध्यक्ष प्रशांतदादा जगताप यांनी व्यक्त केला.

 

गेल्या दोन वर्षांमध्ये सातत्याने पुणे महानगरपालिकेतील सत्ताधारी भारतीय जनता पार्टीच्या गैरकारभाराविरोधात आवाज उठवणारा प्रमुख पक्ष अशी राष्ट्रवादी काँग्रेस पार्टीची पुणे शहरात ओळख निर्माण झाली आहे. सातत्याने होणारी आंदोलने , फेसबुक लाईव्ह, समाविष्ट गावांमधून येणारे मोर्चे या सर्वांमुळे पुणे शहरात राष्ट्रवादी कांग्रेस पार्टीसाठी चांगले वातावरण निर्माण झाले असतानाच राष्ट्रवादी काँग्रेस पार्टीने आता प्रभागनिहाय संघटनात्मक बांधणीकडे देखील लक्ष देण्यास सुरुवात केली आहे.

“निवडणूक आयोगाने प्रभाग रचना जाहीर केल्यानंतर निवडणुका कधीही झाल्या तरी आदरणीय उपमुख्यमंत्री तथा पुणे जिल्ह्याचे पालकमंत्री ना.अजितदादा पवार यांच्या नेतृत्वाखाली नेत्रदीपक कामगिरी करण्यासाठी राष्ट्रवादी काँग्रेस पार्टी सज्ज आहे”, असे मत राष्ट्रवादी काँग्रेस पार्टीचे शहराध्यक्ष  प्रशांत जगताप यांनी व्यक्त केले आहे. कालपासून शहरातील सर्व प्रभागात राष्ट्रवादी काँग्रेस पार्टीचे शहराध्यक्ष  प्रशांत जगताप यांनी सर्व पदाधिकारी , इच्छुक उमेदवार व कार्यकर्त्यांसमवेत बैठका सुरू केल्या असून शहरातील प्रत्येक प्रभागात राष्ट्रवादी काँग्रेस पार्टीच्या इच्छुकांची मोठी संख्या आहे.

“गेल्या पाच वर्षात सत्ताधारी भारतीय जनता पार्टीला पूर्ण बहुमत असतानादेखील अपेक्षित कामगिरी करता आली नाही, त्यामुळे शहरातील बहुतांश प्रभागात सत्ताधारी भाजप भारतीय जनता पार्टी विरोधात असलेली नाराजी या बैठकांमधून जाणवते आहे. त्यामुळेच इच्छुकांची संख्या मोठी असली तरी सर्वजण एक दिलाने काम करतील व येत्या काळात राष्ट्रवादी काँग्रेस पार्टीचा महापौर पुणे महानगरपालिकेत असेल” असा विश्वास शहराध्यक्ष प्रशांतदादा जगताप यांनी व्यक्त केला. काल कसबा विधानसभा मतदारसंघातील प्रभाग क्रमांक १७,१८,२८,२९ या प्रभागनिहाय बैठका आज संपन्न झाल्या. तर आज शिवाजीनगर विधानसभा मतदारसंघातील १०,११, १२,१५ व १६ या प्रभागातील आढावा बैठक आज संपन्न झाल्या तसेच पुढील काही दिवसात कोथरूड ,पर्वती ,खडकवासला ,हडपसर, पुणे कॅन्टोन्मेंट व वडगांवशेरी या विधानसभा मतदारसंघातील बैठकी देखील संपन्न होणार आहेत.