Tag: pune Marathi news.

Pune News | Mohan Joshi | पुणेकरांनी भाजपला खूप काही दिले; पण भाजपने शहराला काय दिले? | मोहन जोशी यांचा भाजपला सवाल 

Categories
Breaking News Political पुणे

Pune News | Mohan Joshi | पुणेकरांनी भाजपला खूप काही दिले; पण भाजपने शहराला काय दिले?

| मोहन जोशी यांचा भाजपला सवाल

Pune News | Mohan Joshi | पंतप्रधान मोदी (PM Modi) यांची नऊ वर्षाची कारकीर्द धुमधडाक्यात साजरी केली जात आहे. नवा भारत नवी संसद याचे नारे दिले जात आहेत पण काँग्रेसचा (Pune congress) शहर भाजपाला (Bjp Pune) यानिमित्त एकच प्रश्न आहे तो म्हणजे पुणेकरांनी तुम्हाला भरपूर दिले पुणे शहराला तुम्ही काय दिले? महाराष्ट्र प्रदेश काँग्रेस कमिटीचे वरिष्ठ उपाध्यक्ष माजी आमदार  मोहन जोशी (Mohan Joshi) यांनी काँग्रेस भवन येथे पत्रकार परिषद घेतली. त्यावेळी जोशी यांनी हा सवाल केला आहे. (Pune News)
जोशी म्हणाले, दोन खासदार, 5 विधानसभा मतदारसंघात आमदार महानगरपालिकेत 98 नगरसेवक केंद्रात राज्यात आणि मनपात एक हाती सत्ता. पुणेकरांनी उदार मनाने इतके राजकीय यश दिले, त्या बदल्यात पुणे शहराच्या पदरी काय पडले? फक्त भ्रष्टाचार, महागाई, बेरोजगारी.  केंद्र सरकारने जायका,  समान पाणीपुरवठा, मेट्रो, स्मार्ट सिटी,  पंतप्रधान आवास योजना आणखी काही योजना जाहीर केल्या त्या कागदावर आहेत.  (Pune Congress)
जोशी पुढे म्हणाले, महापालिकेची सत्तेची पाच वर्षे निव्वळ भ्रष्टाचारात गेली हे. सर्व पुणे शहराने पाहिले त्या भ्रष्टाचाराच्या भीतीने आता भाजप महानगरपालिकेच्या निवडणुका घ्यायला तयार नाही. घरपट्टीत महापालिकेने ठराव करून घेतलेली नागरिकांना दिलेली ४० टक्के सवलत यांनी काढून घेतली. वसुली लावली ती सुद्धा चार वर्षापासून. वीस ते बावीस हजार रुपयांच्या बोजा साधे घर असणाऱ्यापर्यंत पडत होता. याबाबत आंदोलने करावी लागली. तेव्हा कुठे परत निर्णय फिरवला. आमदार रवींद्र धंगेकर यांनी हा विषय विधिमंडळात मांडून या संदर्भात सर्वसामान्य नागरिकांना दिलासा मिळवून दिला. (BJP Pune)
भ्रष्टाचारी लोक या शहरातील  नागरिकांचे गुन्हेगार आहेत. असा काँग्रेसचा आरोप आहे यांना सत्ता दिली ती स्वतःसाठी वापरली केंद्र सरकारची ९ वर्ष कसली साजरी करता महानगरपालिकेतल्या सत्तेतला पाच वर्षाचाकामचा  लेखा जोखा पुणेकरांना हिम्मत असेल तर द्या ? असे काँग्रेसने भाजपाला आव्हान दिले आहे.
जोशी म्हणाले, तेरा वर्षाच्या  कांग्रेस पक्ष च्या  प्रयत्नांमुळे 2013 रोजी मेट्रो मंजूर झाली. पंतप्रधान नरेंद्र मोदींनी २४ डिसेंबर 2016 रोजी पुणे मेट्रोची पायाभरणी केली. तब्बल सहा वर्षांनी पूर्ण झालेल्या गरवारे ते वनाज या छोट्या मार्गाचे पंतप्रधानांनी उद्घाटन केले. ३४.६ किमी चा मेट्रो प्रकल्प पूर्ण होण्यासाठी मोदींनी कोणतेही आग्रह केल्याचे  अजूनही ऐकिवात नाही. मोदीजींनी पुणेकरांना उत्तर द्यावे की अजूनही मेट्रो का सुरू होत नाहीये.
पंतप्रधान आवास योजना दुर्बल घटकांसाठी या योजनेतून सन 2022 पर्यंत मोफत घरे देण्याची घोषणा पंतप्रधान मोदींनी केली आहे. योजनेअंतर्गत किती घरे बांधून दिली याची माहिती भाजपा का लपवत आहे?
पंतप्रधान नरेंद्र मोदी यांच्या हस्ते उद्घाटन, जाहिराती फोटो आणि बातम्या झाले की जणू विकास झाला असे भाजप दाखवते, पुण्याबाबत पंतप्रधान नरेंद्र मोदींचा घोषणांचा सुकाळ आहे. मात्र अंमलबजावणी चा दुष्काळ आहे. पुण्याची शैक्षणिक प्रगती लक्षात घेऊन मंजूर झालेले आयआयएम नागपूरला गेली. प्रकाश जावडेकर माहिती आणि नभोवाणी मंत्री असताना पुण्यातील नॅशनल फिल्म अर्किव ची स्वायत्तता संपली. दूरदर्शन केंद्र मराठी बातम्या आकाशवाणी याची स्वायत्तता संपली.
पत्रकार परिषद वेळी  काँग्रेसचे सरचिटणीस प्रवक्ते रमेश अय्यर, शहर कॉंग्रेस उपाध्यक्ष शाबीर खान, ओबीसी सेलचे अध्यक्ष प्रशांत सुरसे, शहर काँग्रेसचे चिटणीस चेतन अग्रवाल, प्रदेश प्रतिनिधी यशराज पारखे उपस्थित होते.
—-
News Title | Pune News | Mohan Joshi | The people of Pune gave a lot to the BJP; But what did the BJP give to the city?| Mohan Joshi’s question to BJP

Savarkar Jayanti | Pune News | पुण्यातील फर्ग्युसन महाविद्यालयातील स्वातंत्र्यवीर सावरकरांची खोली कशी आहे? जाणून घ्या 

Categories
Breaking News cultural social पुणे महाराष्ट्र

Savarkar Jayanti | Pune News | पुण्यातील फर्ग्युसन महाविद्यालयातील स्वातंत्र्यवीर सावरकरांची खोली कशी आहे? जाणून घ्या

| सावरकरांच्या दर्शनासाठी मोठी गर्दी

Savarkar Jayanti | pune news | स्वातंत्र्यवीर वि. दा. सावरकर (Swatantra Veer Savarkar) यांच्या वास्तव्याने पावन झालेल्या फर्ग्युसन महाविद्यालयाच्या (Fergusson College)  वसतिगृहातील खोली सावरकर जयंतीनिमित्त (Savarkar Jayanti)  आज सर्वांना दर्शनासाठी खुली ठेवण्यात आली होती. मोठ्या संख्येने सावरकर प्रेमींनी (Savarkar lovers)दर्शन घेऊन आदरांजली अर्पण केली. (Savarkar Jayanti | Pune News)

डेक्कन एज्युकेशन सोसायटीच्या (Deccan Education Society) नियामक मंडळाचे अध्यक्ष डॉ. शरद कुंटे (Dr Sharad Kunte) यांच्या हस्ते सकाळी ९ वाजता सावरकरांच्या अर्धपुतळ्याला पुष्पहार अर्पण करण्यात आला. माजी खासदार प्रदीप रावत, महेश आठवले, प्रा. धनंजय कुलकर्णी, डॉ. सविता केळकर, मिलिंद कांबळे, शाहीर हेमंत माळवे यांची प्रमुख उपस्थिती होती. (Vinayak Damodar Savarkar)

स्वातंत्र्यवीर सावरकर फर्ग्युसन महाविद्यालयात विद्यार्थी दशेत असताना  सन १९०२ ते १९०६ या कालावधीमध्ये मुलांचे वसतीगृह क्रमांक एक मधील खोली क्रमांक १७ मध्ये रहात होते. त्यांच्या वापरातील विविध वस्तूंचे या ठिकाणी जतन करण्यात आले आहे. (Swatantraveer savarkar)

News Title | Savarkar Jayanti Pune News | How is Swatantra Veer Savarkar’s room in Fergusson College, Pune? find out

Vetal Tekadi Trek | शिवसेना ठाकरे गटाकडून वेताळ टेकडी ट्रेकचे आयोजन

Categories
Breaking News Political social पुणे

Vetal Tekadi Trek | शिवसेना ठाकरे गटाकडून वेताळ टेकडी ट्रेकचे आयोजन

Vetal Tekadi Trek | गेल्या काही महिन्यांपासून पुण्यातील वेताळ टेकडीचा (Vetal Tekadi) मुद्दा चर्चेचा विषय ठरला आहे. टेकडी फोडून रस्ता बनवल्या जात असल्याने विविध स्तरातून या प्रकल्पाचा विरोध होत आहे. याच पार्श्वभूमीवर शिवसेना उद्धव बाळासाहेब ठाकरे पक्षाचे (Shivsena UBT)  विभागप्रमुख प्रविण डोंगरे (Pravin Dongre) यांनी आज वेताळ टेकडी ट्रेकचे (Vetal Tekadi Trek) आयोजन केले होते. (Vetal Tekadi Trek pune)
टेकडीवरील मारूती मंदिर (Vetal Tekadi Maruti Temple) येथे या ट्रेकची समाप्ती झाली. टेकडीचे महत्त्व समजण्यासाठी आणि पर्यावरण जनजागृती (Environment Awareness) करिता या ट्रेकचे आयोजन करण्यात आले होते. (Vetal Tekadi News)
यावेळी उद्धव बाळासाहेब ठाकरे  (Shivsena UBT) पक्षाचे  शहरप्रमुख गजानन थरकुडे (Gajanan Tharkude), संजय मोरे(Sanjay More), राम थरकुडे,व सूर्यकांत पवार,आकाश रेणुसे,अभिजीत धाड़ावे,निखिल ओरसे, युवराज पारेख उपस्थित होते.
यासह पर्यावरण प्रेमी सारंग यादवाडकर, डॉ.सुमिता काळे, प्रदीप घुमरे, ऍड. असीम सरवदे यांनी मार्गदर्शन केले. (Shivsena UBT Pune)
यावेळी सर्व पर्यावरणप्रेमींच्या हातात सेव्ह वेताळ टेकडी असे फलकही दिसून आले. (Pune vetal Tekadi News)
——
News Title | Vetal Tekadi Trek |  Vetal hill trek organized by Shiv Sena Thackeray group

Pune Lok Sabha By-election | पुणे लोकसभा पोटनिवडणूक | आघाडीत बिघाडी होण्याची शक्यता तरीही अजित पवारांना का हवीय पुण्याची जागा? 

Categories
Breaking News Political पुणे

Pune Lok Sabha By-election | पुणे लोकसभा पोटनिवडणूक | आघाडीत बिघाडी होण्याची शक्यता तरीही अजित पवारांना का हवीय पुण्याची जागा?

Pune Lok Sabha By-election | राष्ट्रवादीचे नेते अजित पवार (Ajit Pawar) यांनी पुणे लोकसभा मतदारसंघातील (Pune Lok Sabha  constituency) राष्ट्रवादी काँग्रेसच्या (NCP) ताकदीचा हवाला देत दावा केला आहे कि पुणे लोकसभेची जागा आम्ही लढवणार.  पुण्याची लोकसभेची जागा परंपरेनुसार काँग्रेसनेच (INC)  लढवली आहे. त्यामुळे अजित पवारांचे हे वक्तव्य राष्ट्रवादीच्या महाविकास आघाडीतील (Mahavikas Aaghadi) साथीदाराला फारसे पटण्याची शक्यता नाही. त्यामुळे आघाडीत बिघाडी होण्याची शक्यता मानली जात आहे. (Pune Lok Sabha By-election)
 पुणे लोकसभा मतदारसंघात भाजपचे खासदार  गिरीश बापट (MP Girish Bapat) यांच्या निधनाने ही जागा रिक्त झालेली आहे. मात्र राष्ट्रवादीने यावर दावा केला आहे. याआधी देखील पुणे राष्ट्रवादी शहर अध्यक्ष प्रशांत जगताप (NCP pune City President Prashant Jagtap) यांनी पुण्याच्या जागेवर दावा केला होता.   महाविकास आघाडीत  – राष्ट्रवादी काँग्रेस, काँग्रेस आणि शिवसेना (UBT) हे पक्ष आहेत.  काँग्रेस परंपरेने पुणे लोकसभेची जागा लढवत आहे आणि पवारांच्या विधानामुळे युतीमध्ये मतभेद होण्याची शक्यता आहे. (Pune Lok Sabha bypoll)
अजित पवार म्हणाले कि, “माझे मत आहे की, निवडणुका जाहीर झाल्या की ज्या पक्षाची मतदारसंघात ताकद जास्त असेल त्याला तिकीट मिळाले पाहिजे.  आता कोणत्या पक्षाची ताकद जास्त आहे हे कसे ठरवायचे?  तुम्ही महापालिका निवडणुका, विधानसभा निवडणुकांमधील निवडणूक निकाल पहा आणि विश्लेषण केल्यास पक्षांची तुलनात्मक ताकद दिसून येईल.  पुणे लोकसभा मतदारसंघात आमचे अनेक आमदार आहेत आणि रवींद्र धंगेकर यांना तुम्ही खाजगीत विचाराल तर ते सांगतील की कसबा जिंकण्यासाठी राष्ट्रवादीने त्यांना खूप मदत केली,” (Pune Lok Sabha by-election)
 पुणे महानगरपालिकेत (Pune Municipal Corporation) मागील निवडणुकीत भाजपनंतर राष्ट्रवादी हा दुसऱ्या क्रमांकाचा पक्ष होता, तर काँग्रेसची फारशी कामगिरी झाली नाही.  पुणे शहरातून काँग्रेसकडे फक्त एकच आमदार आहे, तर राष्ट्रवादीने मागील निवडणुकीत दोन विधानसभा जागा जिंकल्या होत्या.
 पवार म्हणाले की, सार्वत्रिक निवडणुकीला कमी अवधी असल्याने पोटनिवडणूक होऊ शकत नाही, असे आयोगाने यापूर्वी सांगितले होते, परंतु अलीकडच्या घडामोडींमुळे त्यांचे मत बदलले आहे.  “माझ्या मते सार्वत्रिक निवडणुकांना फक्त एक वर्ष उरले आहे, त्यामुळे पुणे लोकसभा जागेसाठी पोटनिवडणूक होणार नाही.  पण आता मला अंतर्गत वर्तुळातून असे कळले आहे की निवडणुका जाहीर होण्याची तयारी सुरू आहे,” (NCP Leader Ajit Pawar)
 पुणे राष्ट्रवादी काँग्रेसचे अध्यक्ष प्रशांत जगताप यांनी पुणे लोकसभा मतदारसंघातून निवडणूक लढवण्याची इच्छा व्यक्त केली होती. तर पक्षाचे ज्येष्ठ नेते दीपक मानकरही नशीब आजमावण्यास इच्छुक आहेत.  दुसरीकडे काँग्रेसने ही जागा लढवावी, असा आग्रह धरला आहे.  या जागेसाठी काँग्रेस नेते अरविंद शिंदे (Arvind Shinde) , मोहन जोशी (Mohan Joshi) आणि रवींद्र धंगेकर (MLA Ravindra Dhangekar) हे मोजकेच दावेदार आहेत.
 “निवडणुकीबाबत कोणताही निर्णय उच्च पातळीवर घेतला जातो.  आम्ही राज्यातील नेत्यांना आधीच कळवले आहे की काँग्रेस पुणे लोकसभेची जागा लढवणार आहे. कारण पुणे जिल्ह्यातील उर्वरित लोकसभेच्या सर्व जागा राष्ट्रवादी काँग्रेस लढवत आहे,” असे एका काँग्रेस नेत्याने सांगितले. (Ajit Pawar)
 पुणे लोकसभा पोटनिवडणूक लवकरच जाहीर होऊ शकते, या संकेतावर जिल्हा निवडणूक कार्यालयाने नुकतेच मॉक पोलिंग केले.  पुणे महानगरपालिकेने निवडणूक ड्युटीवर असलेल्या 120 नागरी अधिकार्‍यांना देखील मॉक पोलमध्ये उपस्थित राहण्याचे निर्देश दिले होते.  गैरहजर असलेल्यांना शिस्तभंगाच्या कारवाईला सामोरे जावे लागेल. असाही इशारा महापालिकेने दिला होता. (Pune Lok Sabha bypoll mock polling)
 बापट यांचा पाच वर्षांचा कार्यकाळ संपायला एक वर्ष बाकी असताना या वर्षी २९ मार्च रोजी निधन झाले.  काँग्रेसचे मोहन जोशी यांचा पराभव करून मे 2019 मध्ये ते लोकसभेवर निवडून आले होते.  कायद्यानुसार लोकसभेची जागा सहा महिन्यांपेक्षा जास्त रिक्त राहू शकत नाही. (MP Girish Bapat)
 संभाव्य पुणे लोकसभा पोटनिवडणुकीची बरीच उत्सुकता आहे. कारण सार्वत्रिक निवडणुकांना फक्त एक वर्ष बाकी आहे आणि पोटनिवडणुकीचा निकाल 2024 च्या सार्वत्रिक निवडणुकीचा कल निश्चित करेल.  नुकत्याच झालेल्या कसबा विधानसभेच्या पोटनिवडणुकीत काँग्रेसच्या धंगेकरांनी भाजपच्या बालेकिल्ल्यात भाजपचे हेमंत रासने  यांचा पराभव केला होता.  भाजपने मागील सहा निवडणुकांमध्ये जागा जिंकून पुण्याच्या राजकारणावर आपली पकड सिद्ध करण्यासाठी पोटनिवडणूक प्रतिष्ठेची बनवली होती.  भाजपच्या विद्यमान आमदार मुक्ता टिळक यांच्या निधनानंतर कसबा पोटनिवडणूक झाली होती. (Pune Lok Sabha constituency)
—-
News Title | Pune Lok Sabha By-election | Pune Lok Sabha By-Election | Why does Ajit Pawar want the seat of Pune despite the possibility of failure in the alliance?

Pune City Traffic Police | दुसऱ्यांदा नो पार्किंग ला गाडी दिसल्यास बसणार जबरदस्त भुर्दंड

Categories
Breaking News social पुणे

Pune City Traffic Police | दुसऱ्यांदा नो पार्किंग ला गाडी दिसल्यास बसणार जबरदस्त भुर्दंड

| पुणे वाहतूक पोलिसांचा निर्णय

Pune City Traffic Police | पुणे शहर वाहतूक पोलिसांनी शहरातील वाहतूक समस्या आणि वाहतूक कोंडी हा प्रश्न खूप गंभीरपणे घेतला आहे.  नो पार्किंगमध्ये (No Parking) लावलेल्या गाड्यांमुळे प्रचंड वाहतूक कोंडी (Traffic Jam) होते. त्यामुळे पुणे वाहतूक पोलीसांनी नो पार्किंगला गाड्या लावणाऱ्या वाहनचालकांवरील दंड वाढवला आहे. दुसऱ्यांदा गाडी नो पार्किंगला दिसल्यास  वाहनचालकास चांगलाच भुर्दंड बसणार आहे. (Pune city traffic police)

पुणे शहर वाहतूक पोलीस विभागातर्फे (Pune City Traffic Police) दंडाच्या रकमेत वाढ केल्याचे सूचनापत्र जारी करण्यात आले आहे. त्या पत्रानुसार पुणे शहरात नो पार्किंगमध्ये वाहन लावणाऱ्या दुचाकीस्वारांकडून (Two Wheeler) पहिल्यांदा टोइंगसह 785 रुपये आकारण्यात येतील. एकदा दंड भरल्यानंतर जर दुसऱ्यांदा वाहन नो पार्किंगमध्ये लावले तर दुचाकीस्वारांना 1,785 रुपये आकारण्यात येणार आहे. त्याचप्रमाणे मोटारचालकांनाही (Four Wheeler) हे नवीन नियम लागू केले आहे. त्यानुसार पहिल्यांदा नो पार्किंगमध्ये मोटारगाडी लावल्यास 1,071 रुपये दंड आकारण्यात येणार असून दुसऱ्यांदा लावल्यास 2,071 रुपये दंड भरावा लागणार आहे. (Pune Traffic police news)

शहरातील वाहन व मोटार चालक सर्रास नियम मोडताना दिसतात. सिग्नल तोडणे, सीटबेल्ट न वापरणे, माल ओव्हरलोड करणे आणि मालवाहू वाहनांमध्ये प्रवाशांची ने-आण करणे यासारख्या प्रकारांवर बंदी असताना चालक नियमांना धाब्यावर बसवून प्रवास करत असतात. यापुढे मात्र अशा सर्व बेशिस्त चालकांचे लगाम पुणे शहर वाहतूक पोलीसांकडे असणार आहेत.
सध्या पुण्यात प्रत्येक चौकात ट्रॅफिक पोलीस उभे असतात. त्यात अनेक दुचाकीस्वारांना अडवून त्यांच्याकडे कागदपत्राची विचारपूस करतात.
त्यानंतर हेल्मेट सक्ती असताना हेल्मेट (Helmet) न वापरणाऱ्यांची संख्याही मोठ्या प्रमाणात आहे. आता नो पार्किंगला वाहन लावणाऱ्या चालकावर धडक कारवाई करण्यात येणार आहे. पार्किंग संदर्भात हे नियम तोडणाऱ्या वाहनचालकांनी पोलिसांसोबत वाद घालू नयेत, असे आवाहन वाहतूक पोलीस शाखेकडून करण्यात आले आहे. (Pune Traffic police Marathi news)

——-

News Title | Pune City Traffic Police |  If you see a car or two wheeler at No Parking for the second time, you will be very upset |  Decision of Pune Traffic Police

Pune Timber Market Fire | टिंबर मार्केट येथील दुकाने स्थलांतरित करण्याबाबत विचार | महापालिका आयुक्तासोबत लवकरच बैठक 

Categories
Breaking News Political social पुणे

Pune Timber Market Fire | टिंबर मार्केट येथील दुकाने स्थलांतरित करण्याबाबत विचार | महापालिका आयुक्तासोबत लवकरच बैठक

| टिंबर मार्केट येथील आगीच्या घटनास्थळाची पालकमंत्र्यांकडून पाहणी

Pune Timber market Fire |  पालकमंत्री चंद्रकांतदादा पाटील (Guardian Minister Chandrakant Patil) यांनी काल शहरातील भवानी पेठ (Bhavani peth pune) परिसरातील टिंबर मार्केटला लागलेल्या आगीच्या पार्श्वभूमीवर (Timber Market Fire) नुकसानग्रस्त दुकाने व घरांना प्रत्यक्ष भेट देऊन पाहणी करून दुर्घटनेची माहिती घेतली. (Pune Timber Market Fire)

यावेळी जिल्हाधिकारी डॉ. राजेश देशमुख (Collector Dr Rajesh Deshmukh), उपविभागीय अधिकारी स्नेहा देवकाते-किसवे (deputy divisional officer Sneha Devkate-Kisave), तहसीलदार राधिका हावळ-बारटक्के, पुणे मनपाचे मुख्य अग्निशमन अधिकारी देवेंद्र पोटफोटे (PMC Chief Fire Officer Devendra Potfode), पुणे टिंबर मर्चन्ट ॲड सॉ. मिल ओनर्स असोसिएशनचे अध्यक्ष रतन किराड,  भारतीय जनता पार्टी पुणे शहर माथाडी कामगार सेनेचे उपाध्यक्ष तुषार पाटील (Tushar Patil),  स्थायी समिती अध्यक्ष हेमंत रासने (Hemant Rasane), माजी नगरसेविका मनीषा लडकत,  यांच्यासह स्थानिक नागरिक उपस्थित होते. (PMC pune Fire Brigade Department)

श्री. पाटील यांनी आगीच्या दुर्घटने बाबत नागरिकांशी संवाद साधून माहिती घेतली. या घटनेत टिंबर मार्केटमधील काही दुकानांसोबतच काही घरांचेही नुकसान झाले आहे. त्यामुळे नुकसानग्रस्त  झालेली तीन घरे लोकसहभागातून उभी करुन देण्याचा प्रयत्न करण्यात येईल. सदर भागातील आगीची ही तिसरी घटना असून स्थानिक व्यापाऱ्यांशी चर्चा करुन दुकाने दुसरीकडे स्थालंतरित करण्याबाबत विचार करण्यात येईल. त्यासोबतच घटनेसंदर्भात लवकरच पुणे मनपा आयुक्तासोबत बैठक लावण्यात येईल, असे पालकमंत्री यावेळी म्हणाले. (Pune Fire News)

News Title | Pune Timber Market Fire | Considerations regarding relocation of shops at Timber Market | Meeting with Municipal Commissioner soon

BJP state executive meeting in Pune | पुणे आणि कर्नाटक पराभवाच्या पार्श्वभूमीवर भाजपाची उद्याची महत्वाची बैठक 

Categories
Breaking News Political पुणे महाराष्ट्र

BJP state executive meeting in Pune | पुणे आणि कर्नाटक पराभवाच्या पार्श्वभूमीवर भाजपाची उद्याची महत्वाची बैठक

: भाजप प्रदेश कार्यकारिणीची गुरुवारी पुण्यात बैठक

BJP state executive meeting in Pune | भाजप प्रदेश कार्यकारिणीची (BJP Executive committee) येत्या गुरुवारी (18 मे) पुण्यात बालगंधर्व रंगमंदिर (Balgandharva Rangmandir) येथे बैठक आयोजित करण्यात आली असल्याची माहिती शहराध्यक्ष जगदीश मुळीक (city president Jagdish Mulik) यांनी आज पत्रकारांना दिली. BJP state executive meeting in Pune on Thursday
मुळीक म्हणाले, या बैठकीत राष्ट्रीय अध्यक्ष जे. पी. नड्डा (BJP National President J P Nadda) मार्गदर्शन करणार आहेत. त्याबरोबर उपमुख्यमंत्री देवेंद्र फडणवीस (DCM Devendra Fadnavis), प्रदेशाध्यक्ष चंद्रशेखर बावनकुळे (State President Chandrashekhar Bawankule) यांचे मार्गदर्शन होणार आहे. बैठकीनंतर सर्व आमदार, खासदार आणि मंत्र्यांच्या स्वतंत्र बैठका होणार आहेत.
मुळीक म्हणाले, या बैठकीसाठी राज्यातून बाराशे प्रतिनिधी उपस्थित राहणे अपेक्षित आहे. बैठकीत विविध संघटनात्मक आणि राजकीय ठराव संमत करण्यात येणार आहेत. (BJP Pune)
मुळीक पुढे म्हणाले, या बैठकीच्या निमित्ताने पुणे शहर भाजपच्या वतीने विविध व्यवस्थांचे नियोजन आणि वातावरण निर्मिती करण्यात येत आहे. प्रदेश सरचिटणीस विक्रांत पाटील यांच्या मार्गदर्शनाखाली तयारीसाठी विविध विभागांच्या बैठका सुरू आहेत.
 कर्नाटक निवडणुकीतील दारुण पराभवानंतर, भाजपच्या महाराष्ट्र कार्यकारिणीची बैठक पुण्यात होत आहे.  पुण्यात नुकतीच विधानसभेची पोटनिवडणूक  झाली होती. यात भाजपला पराभवाचा सामना करावा लागला होता. त्यामुळे भाजपची ही बैठक विशेषत: आगामी एका वर्षात अपेक्षित असलेल्या स्थानिक आणि लोकसभा निवडणुकांमुळे, हे महत्त्वाचे ठरत आहे.
 विशेष म्हणजे भाजपचे प्रमुख जेपी नड्डा आगामी निवडणुकीच्या तयारीबाबत गुरुवारी कार्यकारिणीला संबोधित करणार आहेत.  ते दोन दिवसांच्या दौऱ्यावर असून मुंबई आणि पुण्यात पक्षाच्या बैठका घेणार आहेत.
 एकहाती निवडणूक जिंकणाऱ्या भाजपने कर्नाटकातील सत्ता गमावली आहे.  उपमुख्यमंत्री देवेंद्र फडणवीस यांच्यासह महाराष्ट्रातील अनेक भाजप नेत्यांनी शेजारच्या राज्यात पक्षाच्या उमेदवारांचा प्रचार केला.  आणि शिवसेनेचे मुख्यमंत्री एकनाथ शिंदे यांनी कर्नाटकातील मराठी भाषिक भागात प्रचार केला.
 लोकसभेच्या निवडणुका अवघ्या वर्षभरावर असताना, महापालिका  निवडणुका केव्हाही होऊ शकतात.  राज्यातील सत्तासंघर्षावर सर्वोच्च न्यायालयाने दिलेल्या निकालानंतर भाजप-शिवसेना सरकार धाडस दाखवत असले, तरी विरोधी महाविकास आघाडीकडून त्यावर निशाणा साधला जात आहे.
 कसब्याचा बालेकिल्ला भाजपने  गमावल्याने पुण्यातील भाजप कार्यकारिणीची बैठकही महत्त्वाची आहे.  पक्षाने हा प्रतिष्ठेचा मुद्दा बनवला होता आणि वरिष्ठ नेत्यांनी आपल्या उमेदवाराचा प्रचार केला पण 30 वर्षांनंतर त्यांना पराभवाला सामोरे जावे लागले.  पोटनिवडणुकीत भाजपच्या पराभवाकडे देशाचे लक्ष लागले होते.
 भाजप खासदार गिरीश बापट यांच्या निधनानंतर रिक्त झालेल्या पुणे लोकसभेच्या जागेवरही पोटनिवडणूक होण्याची शक्यता आहे.  सार्वत्रिक निवडणुका अवघ्या वर्षभरावर आल्याने भाजपला जागा गमावणे परवडणारे नाही.  राज्यात पुढील वर्षी विधानसभा निवडणुका होणार आहेत.
 दोन दिवसांपूर्वी फडणवीस यांनी कर्नाटक निवडणुकीचे निकाल आणि त्याचा महाराष्ट्र भाजपवर होणारा परिणाम याला कमी लेखले होते.  भाजप-सेना युती राज्यात सत्ता कायम ठेवेल, असे ते म्हणाले.  पुणे हा भाजपचा बालेकिल्ला असून लोकांचा पक्षावर विश्वास राहील, असेही ते म्हणाले होते.
—-
News Title | BJP state executive meeting in Pune Important meeting of BJP tomorrow in the wake of Pune and Karnataka defeat: BJP state executive meeting in Pune on Thursday

PMC Pune Property Tax Department |कर आकारणी विभागात पुन्हा येण्यासाठी कर निरीक्षक यांची लॉबिंग 

Categories
Breaking News PMC Political पुणे

PMC Pune Property Tax Department |कर आकारणी विभागात पुन्हा येण्यासाठी कर निरीक्षक यांची लॉबिंग

| कॉंग्रेस शहर अध्यक्ष अरविंद शिंदे यांचा आरोप

PMC Pune Property Tax Department | कॉंग्रेस शहर अध्यक्ष अरविंद शिंदे (Congress city president Arvind Shinde) यांनी आरोप केला आहे कि, सामान्य प्रशासन विभागाच्या वरिष्ठांना हाताशी धरून येनकेन मार्गाने पुन्हा कर संकलन विभागात घुसखोरी करण्याच्या हालचाली  कर निरीक्षक (Tax inspector) लॉबिंग द्वारे करत आहेत . त्यामुळे  कर आकारणी व कर संकलन कार्यालयाकडील बदली झालेल्या सेवकांची तसेच ३ वर्षांहून अधिक काळ काम केलेल्या कर्मचारी यांची पुन्हा कोणत्याही कारणास्तव कर आकारणी व कर संकलन कार्यालयाकडे तात्पुरती बदली अथवा प्रशासकीय कामकाजासाठी बदली अथवा प्रत्यक्ष कामास घेण्यात येऊ नये. अशी मागणी अरविंद शिंदे यांनी महापालिका आयुक्त विक्रम कुमार (PMC Commissioner Vikram Kumar) यांच्याकडे केली आहे.

शिंदे यांच्या पत्रानुसार महानगरपालिका (Pune Municipal Corporation) प्रशासानाकडील कार्यकारी अभियंता, उप अभियंता, शाखा अभियंता, कनिष्ठ अभियंता, अनुरेखक, अधिक्षक, उप अधिक्षक, वरिष्ठ लिपिक, कनिष्ठ लिपिक अशा हुद्द्यावरील अधिकारी व कर्मचारी हे अनेक वर्ष एकाच खात्यात एकाच क्षेत्रासाठी काम करीत असून (उदा.बांधकाम विभागाकडील अभियंते, विभागीय निरीक्षक, पेठ निरीक्षक) पर्यायाने त्यांची मक्तेदारी तयार होत असल्याने अनेक लोकप्रतिनिधींनी मनपा अधिकारी व कर्मचारी यांची बदली करणेची मागणी सातत्याने करण्यात येत होती. त्यानुसार पुणे महानगरपालिका प्रशासानाकडील अधिकारी व कर्मचारी यांच्या शासन धोरणानुसार २०% नियतकालिक बदल्या झालेल्या आहेत. यामध्ये प्रामुख्याने महसुलाच्या दृष्टीने अत्यंत महत्वाचे खाते कर आकारणी व कर संकलन विभागाकडील गेली १० ते १२ वर्षे सेवकांची बदली न झाल्याने मक्तेदारी झाली होती. सबब संदर्भ क्र.१ ते ६ अन्वये कर आकारणी व कर संकलन कार्यालयाकडील सेवकांच्या बदल्या करण्यात आलेल्या आहेत. (PMC pune)

शिंदे यांनी पुढे म्हटले आहे कि, कर आकारणी व कर संकलन विभाग हा मनपाच्या महसुलाच्या दृष्टीने महत्वाचा विभाग आहे. या विभागात अनुभवी सेवक यांची अत्यंत गरज दाखवण्यासाठी कर संकलन विभागाच्या कामकाजात जाणीवपूर्वक विस्कळीतपणा आल्याचे भासविला जात आहे. वास्तविक संगणक युगात अवघ्या चार दिवसाच्या प्रशिक्षणाने कोणीही नवीन सेवक कर आकारणी विभागाचे कामकाज आत्मसात करू शकतो. यापूर्वी प्रस्थपित सेवकवर्ग बदलून नवीन सेवक वर्ग आणल्यावर मनपाचे महसुली उत्पन्न वाढल्याचा प्रशासनाला अनुभव आहे. सामान्य प्रशासन विभागाच्या वरिष्ठांना हाताशी धरून येनकेन मार्गाने पुन्हा कर संकलन विभागात घुसखोरी करण्याच्या हालचाली आर्थिक हितसंबंध दुरावलेले कर निरीक्षक लॉबिंग द्वारे करीत असल्याची खात्रीलायक माहिती मिळत आहे. उपनगरामध्ये कर निरीक्षक पदी तात्पुरता अधिभार घेण्यास आर्थिक गैरव्यवहार सुरु आहेत अशी चर्चा आहे. (PMC pune news)

आमची या पत्राद्वारे मागणी आहे कि कर आकारणी व कर संकलन कार्यालयाकडील बदली झालेल्या सेवकांची तसेच ३ वर्षांहून अधिक काळ काम केलेल्या कर्मचारी यांची पुन्हा कोणत्याही कारणास्तव कर आकारणी व कर संकलन कार्यालयाकडे तात्पुरती बदली अथवा प्रशासकीय कामकाजासाठी बदली अथवा प्रत्यक्ष कामास घेण्यात येऊ नये. यापूर्वी कर आकारणी व कर संकलन विभागाकडील गैरव्यवस्थापन आपल्या निदर्शनास आणून दिले असून त्यावर कोणतीही ठोस कार्यवाही झाल्याचे दिसून आले नाही. अनेक लोकप्रतिनिधी यांनी केलेल्या मागणीतील तथ्य न तपासण्याचा आलेला दुर्दैवी पायंडा आपण बदलावा, कर निरीक्षकाच्या लॉबिंग पुढे प्रशासनाने न झुकता खंबीरतेने शहराच्या महसूल वाढीसाठी कार्यरत राहावे. असे शिंदे यांनी म्हटले आहे. (Pune Property Tax)

News Title | PMC Pune Property Tax Department |Lobbying of tax inspectors to rejoin taxation department| Allegation of Congress City President Arvind Shinde

Pune News | PMRDA | मुख्यमंत्री एकनाथ शिंदे यांच्याकडून पुणेकरांना अनोखी भेट | वाचा सविस्तर 

Categories
Breaking News Political social पुणे

Pune News | PMRDA | मुख्यमंत्री एकनाथ शिंदे यांच्याकडून पुणेकरांना अनोखी भेट | वाचा सविस्तर

| पाच वर्षांतील मेट्रो प्रकल्पासाठी च्या वाढीव अतिरिक्त विकास शुल्क माफ: मुख्यमंत्री एकनाथ शिंदे यांची घोषणा

Pune News | PMRDA | पुणे महानगर प्रदेश विकास प्राधीकरणाची (Pune PMRDA) बैठक आज मुख्यमंत्री एकनाथ शिंदे (CM Eknath Shinde) यांच्या अध्यक्षतेखाली झाली. प्राधिकरणाच्या या वर्षांच्या १ हजार ९२६ कोटी रुपयांच्या अर्थसंकल्पास (PMRDA Budget) मान्यता यावेळी देण्यात आली. जुलै २०१८ ते एप्रिल २०२३ या पाच वर्षांच्या काळातील प्राधिकरणाकडून विकास आणि बांधकाम प्रकरणांमध्ये वसुल करण्यात येणारे १०० टक्के अतिरिक्त विकास शुल्क माफ करण्याची घोषणा यावेळी मुख्यमंत्री एकनाथ शिंदे यांनी केली. (Pune News PMRDA)

सह्याद्री अतिथीगृह येथे पीएमआरडीए प्राधिकरणाची (PMRDA Meeting)  दहावी बैठक झाली. यावेळी पुण्याचे पालकमंत्री चंद्रकांत पाटील (Guardian Minister Chandrakant Patil)  दूरदृष्यप्रणालीच्या माध्यमातून सहभागी झाले होते. आरोग्यमंत्री डॉ. तानाजी सावंत (Health Minister Dr Tanaji Sawant), मुख्य सचिव मनोज सौनिक, वित्त विभागाचे अपर मुख्य सचिव नितीन करीर, पीएमआरडीएचे महानगर आयुक्त राहुल महिवाल (PMRDA Commissioner Rahul Mahiwal), पिंपरी चिंचवड महापालिका आयुक्त शेखर सिंह (PCMC Commissioner Shekhar Sing) आदी अधिकारी उपस्थित होते.

पुणे मेट्रो लाईन ३ (Pune Metro Line 3) हा महत्वाकांक्षी नागरी परिवहन प्रकल्प घोषीत केल्याने १८ जुलै २०१८ ते १६ एप्रिल २०२३ पर्यंत मंजूर केलेल्या प्रकरणांमध्ये १०० टक्के वाढीव अतिरीक्त विकास शुल्काच्या थकबाकी वसूली चा प्रस्ताव या बैठकीत चर्चेला ठेवला होता. त्यावर या पाच वर्षांच्या काळातील वाढीव अतिरिक्त विकास शुल्क माफ करण्यात यावे असे निर्देश मुख्यमंत्र्यांनी दिले. तसेच एप्रिल २०२३ पासून जे अतिरिक्त विकास शुल्क लावले जात आहे, ते सरसकट न लावता क्षेत्रनिहाय देता येईल काय हे तपासण्याचे निर्देशही मुख्यमंत्र्यांनी यावेळी दिले. माफ केलेल्या वाढीव विकास शुल्काची रक्कम सुमारे ३३२ कोटी एवढी आहे.

यावेळी मोशी पुणे (पीआयईसीसी) येथील अडीच एकर जागा छत्रपती संभाजी महाराज यांच्या स्मारकासाठी पिंपरी चिंचवड महापालिकेला हस्तांतरीत करण्यासाठीचा प्रस्ताव शासनास सादर करण्यासाठी मान्यता देण्यात आली. पीएमआरडीएचा विकास आराखडा २० जूनपर्यंत सादर करण्यासाठी स्वतंत्र बैठक आयोजीत करण्याचे निर्देश यावेळी देण्यात आल्या यावेळी पुणे रिंग रोड प्रकल्प, प्राधिकरणाच्या कार्यक्षेत्रातून पुणे महापालिका हद्दीमध्ये समाविष्ट झालेल्या ११ व २३ गावांचा विकासनिधी त्याचबरोबर महाराष्ट्र आग प्रतिबंधक व जीव सुरक्षा उपाययोजना अधिनियम २०२३ ची पीएमआरडीए क्षेत्रात अंमलबजावणी करण्यास मान्यता देण्यात आली.

पुणे महानगर परिवहन महामंडळाच्या बसेस पीएमआरडीएच्या क्षेत्रात चालविल्या जातात या महामंडळाला जो तोटा सहन करावा लागतो त्यापोटी १८८ कोटी एकवेळ देण्यास यावेळीमान्यता देण्यात आली. यावेळी प्राधिकरणाच्या अर्थसंकल्पाच्या पुस्तिकेचे प्रकाशन मुख्यमंत्र्यांच्या हस्ते करण्यात आले.

News Title | Pune News | PMRDA | A unique gift to Pune residents from Chief Minister Eknath Shinde Read in detail

Municipal contract workers | मनपा कंत्राटी कामगार गुलाम नाही |  कामगार नेते सुनील शिंदे

Categories
Breaking News PMC पुणे

मनपा कंत्राटी कामगार गुलाम नाही |  कामगार नेते सुनील शिंदे

पुणे :- पुणे महानगरपालिकेमध्ये वेगवेगळ्या कंत्राटदारा मार्फत, सुमारे दहा हजार कंत्राटी कामगार कार्यरत आहेत. हे सर्व कंत्राटी कामगार पुणे महापालिकेतील सुरक्षा विभाग, पाणी पुरवठा विभाग, आरोग्य विभाग, वाहन चालक, स्मशान भूमी, वेगवेगळ्या महापालिकेचा आस्थापना, यामध्ये गेली अनेक वर्षापासून कार्यरत आहेत. महानगरपालिके मध्ये हे सर्व कामगार गेली दहा ते पंधरा वर्षापासून सलग कंत्राटी कामगार म्हणून काम करत आहेत. पुणे शहरात आलेल्या वेगवेगळे आपत्तीमध्ये पूर परिस्थिती, कोरोना महामारी, अतिवृष्टी त्यांनी आपली सेवा व कर्तव्य योग्य बजावले आहे. परंतु त्यांचा व्हावा तेवढा सन्मान मात्र झालेला नाही. आजही या सर्व कामगारांना तात्पुरते कामगार किंवा कंत्राटी कामगार म्हणून हिणवले जाते. गुलामासारखी वागणूक मिळते. ही बाब चीड आणणारी आहे. त्याच बरोबर या सर्व कामगारांना कायम कामगार प्रमाणेच सर्व फायदे व पगार देणे कायद्याने बंधनकारक असून, ते देण्यासाठी, मिळवून घेण्यासाठी राष्ट्रीय मजदूर संघ कटिबद्ध आहे. असे राष्ट्रीय मजदूर संघाचे अध्यक्ष कामगार नेते सुनील शिंदे यांनी ठणकावून सांगितले.

पुणे महानगरपालिकेतील कंत्राटी कामगारांचा मेळावा पत्रकार भवन येथील हॉलमध्ये पार पडला, यावेळी ते बोलत होते. कंत्राटी कामगारांना कायद्याप्रमाणे समान काम समान वेतन हे दिले गेले पाहिजे, त्याच प्रमाणे बोनस व पगारी सुट्ट्या व इतर आर्थिक लाभ हे कायम कामगार प्रमाणेच मिळाले पाहिजे, हा त्यांचा कायदेशीर हक्क आहे. कारण हे सर्व कामगार कायम कामगारांच्या बरोबरीने काम करीत आहेत. याबाबत कामगार उपायुक्त कार्यालयाने, वेळोवेळी तपासणी करून त्यांचा अहवाल सादर केला आहे.

किमान वेतन कायद्याच्या दरामध्ये 24/ 2 /2015 पासून वाढ झाली. परंतु ही सर्व वाढ या कंत्राटी कामगारांना 16 फेब्रुवारी 2021 पासून लागू करण्यात आली. जवळजवळ सहा वर्ष पगार वाढ होऊनही, या कर्मचाऱ्यांना देण्यात आली नाही. हा सर्व फरक देणे महापालिकेला बंधनकारक असून, याबाबत कामगार उपायुक्त कार्यालयाने आदेश काढले आहेत. किमान वेतन कायद्याप्रमाणे वेतनाचा फरक हा कामगारांचा हक्क असून, तो दिलाच पाहिजे. जर याबाबत सकारात्मक निर्णय महापालिकेने लवकरात लवकर घेतला नाही. तर महापालिकेसमोर मोठे आंदोलन कंत्राटी कामगारांकडून केले जाईल. असे यावेळी सुनील शिंदे यांनी सांगितले. त्याबरोबर ते पुढे म्हणाले की, कंत्राटी कामगार हा तात्पुरता कामगार नाही, कंत्राटी कामगार हा पण कायम कामगारच आहे. त्याला केव्हाही कामावर ये आणि कामावरून काढून टाक, असे करता येणार नाही. ही कृती पूर्णपणे बेकायदेशीर असून, या विरुद्धही आपण लढा देत आहोत.

या मेळाव्यामध्ये संघटनेचे उपाध्यक्ष सीताराम चव्हाण, सेक्रेटरी एस के पळसे त्याच बरोबर कंत्राटी कामगार प्रतिनिधी विजय पांडव, संदीप पाटोळे, बाबा कांबळे, सचिन भालेकर यांनी त्यांच्या विभागातील अडचणी यावेळी बोलताना मांडल्या.
या मेळाव्यामध्ये संजीवन हॉस्पिटल मधील संघटनेच्या अध्यक्ष मेघा वाघमारे व वाडिया कॉलेज युनियनचे सेक्रेटरी संतोष शिंदे यांनी त्यांचे अनुभव कथन केले. या मेळाव्यामध्ये महानगरपालिकेमधील सर्व विभागातील कंत्राटी कामगार मोठ्या प्रमाणावर उपस्थित होते.