Tag: PMC News

PMC Pune Additional Commissioner | पुणे महापालिका अतिरिक्त आयुक्त पदावर उपायुक्त रमेश शेलार यांचा दावा | नाव डावलल्यास उच्च न्यायालयात जाण्याचा इशारा

Categories
Breaking News PMC पुणे

PMC Pune Additional Commissioner | पुणे महापालिका अतिरिक्त आयुक्त पदावर उपायुक्त रमेश शेलार यांचा दावा | नाव डावलल्यास उच्च न्यायालयात जाण्याचा इशारा

PMC Pune Additional Commissioner | पुणे | महापालिकेच्या अतिरिक्त आयुक्त (Pune Municipal Corporation Additional Commissioner) पदावर  महापालिकेचा अधिकारी पदोन्नतीच्या माध्यमातून येणार आहे. यासाठी पात्र अधिकाऱ्यांची यादी महापालिका सामान्य प्रशासन विभागाने (PMC Général Administration Department) राज्य सरकारकडे पाठवली आहे. यामध्ये नगर अभियंता प्रशांत वाघमारे, मुख्य लेखा व वित्त अधिकारी उल्का कळसकर, मुख्य अभियंता (प्रकल्प) श्रीनिवास बोनाला आणि विद्युत विभागाचे मुख्य अभियंता श्रीनिवास कंदूल यांचा समावेश आहे. मात्र या यादीवर उपायुक्त रमेश शेलार (Ramesh Shelar) यांनी आक्षेप घेतला आहे. शेलार यांनी अतिरिक्त आयुक्त पदावर दावा केला असून आपले नाव या पदासाठी डावलल्यास उच्च न्यायालयात (High Court) जाण्याचा इशारा उपायुक्त शेलार यांनी महापालिका प्रशासनाला दिला आहे. (Pune Municipal Corporation)
राज्य सरकारने महापालिकेत एक अतिरिक्त आयुक्तपद हे महापालिका अधिकाऱ्यांसाठी राखीव ठेवले आहे. त्याबाबतचा निर्णय देखील घेण्यात आला होता. त्यानुसार पहिले अतिरिक्त आयुक्त होण्याचा मान सुरेश जगताप यांना मिळाला होता. त्यानंतर ज्ञानेश्वर मोळक, विलास कानडे यांना संधी मिळाली होती. महापालिका अधिनियम, सेवानियमावली आणि सेवा ज्येष्ठतेनुसार हे पदनियुक्त केले जाणार आहे. (PMC Pune)
दरम्यान सामान्य प्रशासन विभागाने तयार केलेल्या यादीनुसार यामध्ये नगर अभियंता प्रशांत वाघमारे, मुख्य लेखा व वित्त अधिकारी उल्का कळसकर, मुख्य अभियंता (प्रकल्प) श्रीनिवास बोनाला, विद्युत विभागाचे मुख्य अभियंता श्रीनिवास कंदूल यांची नावे अंतिम करण्यात आली आहेत. मात्र या यादीवर उपायुक्त रमेश शेलार यांनी आक्षेप घेतला आहे. सेवा नियमावली आणि सेवा ज्येष्ठतेनुसार आपणच या पदासाठी पात्र ठरत आहोत, असा दावा शेलार यांनी केला आहे. त्यामुळे प्रशासनाने अतिरिक्त आयुक्त पदाच्या यादीत आपले नाव समाविष्ट करणे आवश्यक होते. असे शेलार यांनी म्हटले आहे. तसेच आपल्याला या पदासाठी संधी न दिल्यास उच्च नायायालात जाण्याचा इशारा उपायुक्त शेलार यांनी दिला आहे. (Pune Municipal Corporation)
——-
महापालिका सेवा नियमावली आणि सेवा ज्येष्ठतेनुसार अतिरिक्त आयुक्त पदासाठी मी पात्र ठरत आहे. सामान्य प्रशासन विभागाने माझे नाव वगळण्याचे काहीच कारण नाही.  मी पात्र ठरत असल्याने मला या पदावर संधी मिळायला हवी.   माझे नाव डावलल्यास मी प्रशासनाविरोधात उच्च न्यायालयात जाणार आहे.
– रमेश शेलार, उपायुक्त, पुणे महापालिका. 
—–

PMC Pune Additional Commissioner | पुणे महापालिका अतिरिक्त आयुक्त पदासाठी पात्र अधिकाऱ्यांची यादी सरकारकडे!

Categories
Breaking News PMC पुणे

PMC Pune Additional Commissioner | पुणे महापालिका अतिरिक्त आयुक्त पदासाठी पात्र अधिकाऱ्यांची यादी सरकारकडे!

| महापालिका अधिकाऱ्यांना यावेळेस तरी मिळणार का पद?

PMC Pune Additional Commissioner | पुणे | महापालिकेच्या अतिरिक्त आयुक्त (Pune Municipal Corporation Additional Commissioner) पदाबाबत पुन्हा एकदा चर्चा सुरु झाली आहे. मागील वेळेस हक्काचे असताना महापालिका अधिकाऱ्यांच्या (PMC Officers) हातून हे पद निसटले होते. काही काळाने हे पद रिक्त होणार आहे. या पदावर महापालिकेचा अधिकारी पदोन्नतीच्या माध्यमातून येणार आहे. यासाठी अधिकारी पात्र होत आहेत. या अधिकाऱ्यांची यादी महापालिका सामान्य प्रशासन विभागाने राज्य सरकारकडे पाठवली आहे. यामध्ये नगर अभियंता प्रशांत वाघमारे, मुख्य लेखा व वित्त अधिकारी उल्का कळसकर, मुख्य अभियंता (प्रकल्प) श्रीनिवास बोनाला आणि विद्युत विभागाचे मुख्य अभियंता श्रीनिवास कंदूल यांचा समावेश आहे. यामधून कुणीतरी एक निवडला जाणार आहे, जो निर्णय राज्य सरकार घेणार आहे. मात्र प्रशासकीय सूत्रानुसार मुख्य लेखा व वित्त अधिकारी उल्का कळसकर (Chief Account and Finance Officer Ulka Kalaskar) यांचे नाव आघाडीवर घेतले जात आहे. असे असले तरी अंतिम निर्णय हा राज्य सरकारचाच असणार आहे. (Pune Municipal Corporation)
राज्य सरकारने महापालिकेत एक अतिरिक्त आयुक्तपद हे महापालिका अधिकाऱ्यांसाठी राखीव ठेवले आहे. त्याबाबतचा निर्णय देखील घेण्यात आला होता. त्यानुसार पहिले अतिरिक्त आयुक्त होण्याचा मान सुरेश जगताप यांना मिळाला होता. त्यानंतर ज्ञानेश्वर मोळक, विलास कानडे यांना संधी मिळाली होती. कानडे सेवानिवृत्त झाले. त्यामुळे हे पदरिक्त झाले होते. त्यानुसार महापालिका अधिनियम, सेवानियमावली आणि सेवा ज्येष्ठतेनुसार हे पदनियुक्त केले जाणार आहे. यासाठी बरेच जण पात्र ठरत होते. मात्र राज्य सरकारने महापालिका अधिकाऱ्यांना हे पद न देता विकास ढाकणे यांच्या रूपाने सरकारचा अधिकारी या पदावर दिला आहे. त्यामुळे मनपा अधिकाऱ्यांच्या हातून हे पद निसटले होते. (PMC Pune)
सामान्य प्रशासन विभागाने तयार केलेल्या यादीनुसार यामध्ये नगर अभियंता प्रशांत वाघमारे, मुख्य लेखा व वित्त अधिकारी उल्का कळसकर, मुख्य अभियंता (प्रकल्प) श्रीनिवास बोनाला, विद्युत विभागाचे मुख्य अभियंता श्रीनिवास कंदूल  यांची नावे अंतिम करण्यात आली आहेत. याआधी 6 नावे होती. यामध्ये शिवाजी दौंडकर आणि विवेक खरवडकर यांचा समावेश होता. मात्र हे दोघेही सेवानिवृत्त झाले आहेत. त्यामुळे 4 पैकी कुणा एकाची वर्णी लागू शकते. दरम्यान यासाठी कळसकर यांचे नाव आघाडीवर घेतले जात आहे. त्यांच्याकडून तसे प्रयत्न देखील केले जात आहेत. कारण बाकी तीन अधिकाऱ्यांना खूप कमी कालावधी मिळतो. हे सर्व वर्षभराच्या आत सेवानिवृत्त होत आहेत. तसेच मुख्य लेखा व वित्त अधिकारी पदी राज्य सरकारने प्रतिनियुक्तीवर अधिकाऱ्याची नियुक्ती केली आहे. त्यामुळे हे पद आता नियमानुसार विभागले जाईल. त्यामुळे कळसकर आता अतिरिक्त आयुक्त होण्यासाठी प्रयत्न करत आहेत. दरम्यान हे पद रिक्त झाल्यानंतर निर्णय हा राज्य सरकारच घेणार आहे. (PMC Additional Commissioner)
——-

Women Toilet | PMC Bibwewadi Ward Office | महर्षी नगर परीसरात महिलांसाठी नवीन शौचालय ची व्यवस्था करा | योगिता सुराणा यांची महापालिका प्रशासनाकडे मागणी 

Categories
Breaking News PMC Political social पुणे

Women Toilet | PMC Bibwewadi Ward Office | महर्षी नगर परीसरात महिलांसाठी नवीन शौचालय ची व्यवस्था करा | योगिता सुराणा यांची महापालिका प्रशासनाकडे मागणी

 

Women Toilet | PMC Bibwewadi Ward Office | महर्षी नगर परीसरात (Pune Maharshi Nagar)  महिलांसाठी नवीन शौचालय (Toilet for Women) ची व्यवस्था करावी अशी मागणी पुणे शहर महिला कॉंगेस कमिटीच्या (Pune Shahar mahila Congress) वतीने पुणे महापालिका प्रशासनाकडे (Pune Municipal Corporation) करण्यात आली.

महर्षिनगर – प्रभाग क्र. २८ मध्ये महर्षिनगर, मुकुंदनगर या परीसरात महिलांसाठी शौचालय ची व्यवस्था नाही. त्यामुळे बाहेरून येणाऱ्या महिलांना खुप त्रास सहन करावा लागत आहे. त्याची यापूर्वी तक्रार देखील  करण्यात आली होती. परंतू त्या तक्रारीवर निर्णय घेण्यात आला नाही. या परिसरात नवीन शौचालय ची व्यवस्था करावी अशी मागणी योगिता सुराणा, महिला सरचिटणीस पुणे शहर कॉंग्रेस कमिटी यांनी  आयुक्त, पुणे महानगरपालिका उपायुक्त, घनकचरा व्यवस्थापन विभाग,  सह आयुक्त बिबवेवाडी क्षेत्रिय कार्यालय यांच्याकडे केली.

सदर तक्रारीची त्वरीत दखल न घेतल्यास पुणे शहर महिला कॉंगेस कमिटीच्या वतीने तीव्र आंदोलन करण्यात येईल याची दखल घ्यावी व या परीसारात त्वरीत महिलांसाठी शौचालयाची व्यवस्था करावी अशी मागणी  योगिता सुराणा सरचिटणीस पुणे शहर महिला कॉग्रेस कमिटी ,बेबीताई राऊत,संगीता उपाध्याय,शर्मिला जैन स्थानिक महिला नी निवेदन दिले.

Pune PMC Property Tax | व्यावसायिक मिळकतीच्या लिलावातून पुणे महापालिकेला मिळणार जवळपास 60 कोटींचे उत्पन्न

Categories
Breaking News PMC social पुणे

Pune PMC Property Tax | व्यावसायिक मिळकतीच्या  लिलावातून पुणे महापालिकेला मिळणार जवळपास 60 कोटींचे उत्पन्न 

| एकूण 203 मिळकतीचा करण्यात येणार लिलाव 

Pune PMC Property Tax |  पुणे | पुणे महापालिकेच्या मिळकत कर विभागाकडून (PMC Property tax Department) कर वसुलीवर जोर देण्यात आला आहे. विविध कारणामुळे पुणेकर टॅक्स भरण्याबाबत उदासीन आहेत. त्यामुळे वसुली करण्यासाठी उपाय करण्यात येत आहेत. याचाच भाग म्हणून व्यावसायिक मिळकती (Commercial Properties) सील केल्या जात आहेत. त्यापैकी 203 मिळकतीचा लिलाव केला जाणार आहे. याबाबतचे प्रॉपर्टी टॅक्स विभागाचे नियोजन तयार झाले आहे. यामधून पुणे महापालिकेला 60 कोटींचे उत्पन्न मिळेल, अशी माहिती उपायुक्त अजित देशमुख यांनी दिली. (Pune PMC Property Tax) 

महापालिकेच्या कर संकलन विभागाला चालू आर्थिक वर्षात 1400 कोटी हुन अधिक उत्पन्न मिळाले आहे. मात्र महापालिका आयुक्तांनी दिलेले उद्दिष्ट पूर्ण करण्यात मात्र विभागाला बऱ्याच अडचणींचा सामना करावा लागतो आहे. कारण समाविष्ट गावांतील नागरिक मिळकतकर भरण्यास टाळाटाळ करत आहेत. तसेच व्यावसायिक मिळकत धारक देखील टॅक्स भरत नाहीत. विभाग प्रमुखानी खात्याला जास्तीत जास्त वसूली करण्याबाबत आदेश दिले आहेत. विभागीय निरीक्षक (DI) आणि पेठ निरीक्षक (SI) यांना यासाठी कर्मचारी देखील उपलब्ध करून देण्यात आले आहेत. त्यानुसार प्रत्येक दिवशी किमान 50 व्यावसायिक मिळकती करण्याचे आदेश दिले आहेत. दररोज 15-17 मिळकती सील केल्या जात आहेत. तसेच विभागप्रमुखानी बिल्डर करून भोगवटा पत्र लवकरात लवकर भरून घेण्याचे आदेश दिले आहेत. (Pune Property tax). 

देशमुख यांनी सांगितले कि, दरम्यान मिळकतकर विभाग आता या सील केलेल्या प्रॉपर्टीचा लिलाव करणार आहे. पहिल्या टप्प्यात आम्ही 207 मिळकतीचे नियोजन केले होते. मात्र यातील 4 लोकांनी टॅक्स ची रक्कम जमा केली आहे. त्यामुळे आता 203 मिळकतीचा लिलाव केला जाणार आहे. यातून पुणे महापालिकेला 60 कोटीं इतके उत्पन्न मिळेल. याबाबतची आमची प्रक्रिया पूर्ण होत आली आहे. 
 

– अशी असेल लिलावाची प्रक्रिया 

 
– अधिपत्र (Warrant) बजावणे 
– 7 दिवसात रक्कम जमा नाही केली तर जप्तीची नोटीस देणे. यासाठी 21 दिवसाची मुदत देणे. 
– त्यानंतर रक्कम नाही भरली तर लिलाव प्रक्रियेसाठी बांधकाम आणि मालमत्ता व्यवस्थापन विभागाकडून मिळकतीचे मुल्याकंन करणे. 
– ही प्रक्रिया झाल्यानंतर मिळकतीचा लिलाव करणे आणि याबाबत वर्तमानपत्रात जाहीर नोटीस देण्यासाठी महापालिका आयुक्तांची मान्यता घेणे. 
– लिलाव प्रक्रियेत सहभागी होणाऱ्या उमेदवारांना मिळकतीच्या मूल्यांकन रकमेच्या 10% बयाणा रक्कम महापालिकेकडे ऑनलाईन पद्धतीने जमा करावी लागणार आहे. 
 

—–
News Title | Pune PMC Property Tax | The Pune Municipal Corporation will get an income of around 60 crores from the auction of commercial income

PMC Water Budget | महापालिकेकडून 20.90 टीएमसी पाणी देण्याची मागणी ; पण पाटबंधारेने मात्र फक्त 12.82 TMC पाणी कोटा केला मंजूर

Categories
Breaking News PMC social पुणे

PMC Water Budget | पुणे महापालिकेकडून 20.90 टीएमसी पाणी देण्याची मागणी ; पण पाटबंधारेने मात्र फक्त 12.82 TMC पाणी कोटा केला मंजूर 

 
PMC Water Budget | पुणे महापालिका (Pune Municipal Corporation) हद्दीत 34 गावांचा झालेला समावेश आणि दरवर्षी वाढणारी लोकसंख्या गृहीत धरता अर्थात 72 लाख लोकसंख्या गृहीत धरून शहराला आता 20.90 टीएमसी (20.90 TMC) पाण्याची आवश्यकता लागणार आहे. पुणे महापालिकेने पाण्याचे अंदाजपत्रक अर्थात वॉटर बजेट (PMC Pune Water Budget 2013-24) जलसंपदा विभागाला (Department of Water Resources) सादर करत ही मागणी केली होती. सद्यस्थितीत शहराला जलसंपदा विभागाकडून 14.61 टीएमसी पाणी दिले जात आहे. जलसंपदा विभाग पाण्याचा कोटा किती मंजूर करणार, हे पाहणे महत्वाचे ठरणार होते. त्यानुसार जलसंपदा विभागाने फक्त 12.82 TMC पाणी कोटा मंजूर केला आहे. पाटबंधारे विभागाने पुन्हा एकदा मनमानी केल्याचे समोर आले आहे. (PMC Water Budget)

महापालिकेच्या प्रस्तावानुसार सन २०२३-२०२४ मध्ये पुणे महानगरपालिकेसाठी आवश्यक वार्षिक पाण्याचे अंदाजपत्रक महाराष्ट्र राज्य जलसंपत्ती नियमन प्राधिकरण मुंबई यांचे निर्देशानुसार तयार करण्यात आले  आहे. सन २०१९ मध्ये पुणे महानगरपालिकेकडून आधार नोंदणी व इतर साधनांव्दारे माहिती संकलीत करण्यात आली असून पुणे शहराची लोकसंख्या एकूण ५२,०८,४४४ इतकी निश्चित झाली होती. सादर करण्यात आलेल्या सन २०२२-२३ च्या पाण्याच्या अंदाजपत्रकामध्ये सन २०१९ च्या लोकसंख्येमध्ये प्रति वर्ष वार्षिक २% वाढ गृहीत धरून तसेच महानगरपालिके मध्ये नव्याने समाविष्ट झालेल्या ११ गावांची लोकसंख्या (२९२८५७) तसेच नव्याने समाविष्ट झालेल्या २३ गावांची लोकसंख्या (८०००००) व ५% तरंगती लोकसंख्या गृहीत धरून ६९,४१,४६० इतक्या लोकसंख्येसाठी ३५ % पाणी गळतीसह महापालिका आयुक्त यांचे स्वाक्षरीसह सन २०२२-२०२३ साठी एकूण २०.३४ TMC एवढे पाण्याचे अंदाजपत्रक देण्यात आले होते. मात्र जलसंपदा विभागाने 12.41 टीएमसी पाणी मंजूर केले होते. (Pune Municipal Corporation News)

सन २०२३-२४ मध्ये सन २०२२-२०२३ च्या लोकसंख्येमध्ये २% वाढ गृहीत धरण्यात आली आहे. त्यानुसार पुणे शहराच्या ५६,३७,७८५ या लाकसंख्येस १५० एल.पी.सी.डी.प्रमाणे सन २०२३-२४ साठी पाण्याची मागणी करण्यात आली आहे. तसेच महानगरपालिकेमध्ये नव्याने समाविष्ट झालेल्या २३ गावांची ८१६००० लोकसंख्या करिता ७० एल.पी.सी.डी.प्रमाणे व नव्याने समाविष्ट झालेल्या ११ गावांची लोकसंख्या २९८७१४ करिता ७० एल.पी.सी.डी.प्रमाणे मागणी करण्यात आलेली आहे. (PMC Pune News) 

 
पुणे महानगरपालिकेच्या हद्दीमध्ये व्यापारी (घरगुती वापराकरिता) पाणी वापर हा घरगुती वापर १५० एल.पी.सी.डी. चे व्यतिरिक्त असल्याने त्यासाठी स्वतंत्ररित्या १०७.९९ एम.एल.डी. पाणी कोट्याची मागणी करण्यात आली आहे. पुणे शहर, समाविष्ट गावे, व्यापारी पाणी वापर, पाणी गळती ३५ % सह एकूण २०.९०TMC पाण्याची मागणी सन २०२३- २४ करिता नोंदविण्यात आली होती. मात्र पाटबंधारे विभागाने फक्त 12.82 TMC पाणी कोटा मंजूर केला आहे. (PMC Pune Water Supply Department) 

PMC Employees Promotion | Arvind Shinde | प्रॉपर्टी टॅक्स खात्यातून बदली झालेल्या कर्मचाऱ्यांना पुन्हा त्याच खात्यात बढती देऊ नये | अरविंद शिंदे यांची महापालिका आयुक्तांकडे मागणी 

Categories
Breaking News PMC Political पुणे

PMC Employees Promotion | Arvind Shinde | प्रॉपर्टी टॅक्स खात्यातून बदली झालेल्या कर्मचाऱ्यांना पुन्हा त्याच खात्यात बढती देऊ नये | अरविंद शिंदे यांची महापालिका आयुक्तांकडे मागणी 

 
PMC Employees Promotion | Arvind Shinde | पुणे महापालिकेतील (Pune Municipal Corporation) ज्या कर्मचाऱ्यांच्या कर आकारणी व कर संकलन कार्यालयातून (PMC Property Tax Department) अन्य खात्यात बदल्या झालेल्या आहेत. अशा सेवकांना बढती देताना / बढती दिल्यानंतर पुन्हा कर आकारणी कर संकलन कार्यालयात बढती देण्यात येऊ नये. अशी मागणी काँग्रेस शहर अध्यक्ष आणि माजी नगरसेवक अरविंद शिंदे (Arvind Shinde) यांनी महापालिका आयुक्त यांच्याकडे केली आहे. एखाद्या सेवकास कर आकारणी कर संकलन कार्यालयाकडे पुन्हा बढती दिली गेल्यास आम्ही त्याबाबतची तक्रार राज्य सरकारकडे करू. असा इशारा शिंदे यांनी दिला आहे. (Pune Municipal Corporation)

अरविंद शिंदे यांनी महापालिका आयुक्तांना दिलेल्या पत्रानुसार पुणे महानगरपालिकेच्या विविध कार्यालयामधील उप अधिक्षक ते अधिक्षक व अधिक्षक ते प्रशासन अधिकारी अशी बढ़ती समितीची बैठक 6 ऑक्टोबर रोजी घेण्यात आली. त्या बैठकीत विविध पदावर सेवकांना बढती देण्याचे अंतिम निर्णय घेण्यात आला आहे. आम्ही यापूर्वी महापालिका आयुक्त व अति.महा. आयुक्त ज, यांचेकडे ज्या सेवकांना एका खात्यात ३ वर्षापेक्षा जास्त काळ सेवा झाली आहे. अशा सेवकांच्या तात्काळ इतर खात्यात बदल्या करण्यात याव्यात असे वारंवार कळविले होते.  त्यानुसार पुणे महानगरपालिका प्रशासानाकडील विविध पदांवरील सेवकांच्या बदल्या केलेल्या आहेत. मात्र आम्हास मनपा वर्तुळातून प्राप्त माहितीनुसार असे समजते कि, बढती समितीची झालेल्या बैठकीत सेवकांना उप अधिक्षक ते अधिक्षक व अधिक्षक ते प्रशासन अधिकारी अशी बढती देण्यात येणार आहे. त्या बढती प्रक्रियेत ज्या सेवकांची  कर आकारणी व कर संकलन कार्यालयातुन अन्य खात्यात बदली झाली आहे अशा सेवकांना सुद्धा बढती देण्यात येणार आहे. (PMC Pune Employees)

शिंदे यांनी पत्रात म्हटले आहे कि, बढती देण्यात येणाऱ्या सेवकांना पुन्हा कर आकारणी व कर संकलन कार्यालयातच येण्यास तीव्र इच्छुक असून ते सेवक येनकेन प्रकारे उदा. आर्थिक, राजकीय व इतर मार्गाने येण्याचा प्रयत्न करीत आहेत. आपणास आम्ही या पत्राद्वारे कळवित आहोत कि, ज्या सेवकांची कर
आकारणी व कर संकलन कार्यालयातून अन्य खात्यात बदल्या झालेल्या आहेत. अशा सेवकांना बढती देताना / बढती दिल्यानंतर पुन्हा कर आकारणी कर संकलन कार्यालयात बढती देण्यात येऊ नये. तरी आपणाकडून एखाद्या सेवकास कर आकारणी कर संकलन कार्यालयाकडे पुन्हा बढती दिली गेल्यास आम्ही त्याबाबतची तक्रार मुख्यमंत्री, महाराष्ट्र राज्य, मुख्य सचिव, महाराष्ट्र राज्य, प्रधान सचिव, नगरविकास विभाग यांचेकडे कारवाई करणेसाठी करणार आहोत याची गांभीर्याने दखल घेण्यात यावी. कोणत्याही सेवकावर अन्याय होणार नाही याची बढती देताना दक्षता घेण्यात यावी व त्याप्रकारे बढतीचे आज्ञापत्रक काढण्यात यावे. अशी मागणी शिंदे यांनी केली आहे.

PMC Solid Waste Management Department | दसरा, दिवाळी सणात जमा होणाऱ्या कचऱ्याबाबत पुणे महापालिकेचे विधायक पाऊल!

Categories
Breaking News PMC social पुणे

PMC Solid Waste Management Department | दसरा, दिवाळी सणात जमा होणाऱ्या कचऱ्याबाबत पुणे महापालिकेचे विधायक पाऊल!

| घनकचरा व्यवस्थापन विभाग राबवणार महाअभियान

 

PMC Solid Waste Management Department |दसरा, दिवाळी (Diwali) व विविध सण समारंभाच्या पार्श्वभूमीवर घरातील जुन्या वस्तू, फर्निचर बदलले जातात. त्याचप्रमाणे गाद्या उश्या यांचा कचरासुद्धा मोठ्या प्रमाणावर साठून राहतो. अश्या प्रकारचा कचरा इतःस्ततः पडू नये याकरिता पुणे महापालिकेने (Pune Municipal Corporation) विधायक पाऊल उचलले आहे. स्वच्छ सर्वेक्षण २०२३ अंतर्गत सणसमारंभाच्या अनुषंगाने विविध प्रकारच्या निरुपयोगी वस्तूंच्या संकलनाचे महाअभियान राबविले जाणार आहे. त्यानुसार हा कचरा गोळा करून पुणे महानगर पालिकेच्या सिस्टीममध्ये आणला जाणार आहे.  त्यावर थ्री आर (RRR – Reduce, Reuse and Recycle) संकल्पना राबविली जाणार आहे. याकरिता क्षेत्रीय कार्यालयांमध्ये खालीलप्रमाणे संकलन मोहीमा आयोजित करण्याचे आदेश उपायुक्त संदीप कदम यांनी सर्व क्षेत्रीय कार्यालयांना दिले आहेत. (PMC Pune)

 

असे आहेत आदेश

१. दिनांक १४/१०/२०२३ चिंध्या, उश्या गाद्या व फर्निचर या करिता प्रत्येक प्रभागनिहाय किमान ०२ आरोग्य कोठ्यांची जागा निश्चित करण्यात यावी व त्याची माहिती दि. ११/१०/२०२३ पर्यंत वॉर रूम ला कळवावी. याठिकाणी  १४/१०/२०२३ रोजी स. १०:०० ते दु ०४:०० या वेळेत सदर वस्तू गोळा करण्यात याव्यात व तदनंतर निश्चित केलेल्या ठिकाणी या वस्तूंची वाहतूक करण्यात यावी.
२. दिनांक २८/१०/२०२३ व २९/१०/२०२३ देवीदेवतांसंबंधित सर्व वस्तू/ साहित्य याकरिता क्षेत्रीय कार्यालय निहाय १ जागा निश्चित करावी व त्याची माहिती दि. १६/१०/२०२३ पर्यंत वॉर रूम ला कळवावी. याठिकाणी दि. २८/१०/२०२३ व २९/१०/२०२३ रोजी स. १०:०० ते दु ०४:०० या वेळेत सदर वस्तू गोळा करण्यात याव्यात व तदनंतर निश्चित केलेल्या ठिकाणी या वस्तूंची वाहतूक करण्यात यावी. तसेच सन्मानपूर्वक सदर वस्तू निश्चित करण्यात आलेल्या ठिकाणी पोहचविण्यात याव्यात.
३. दिनांक ०५/११/२०२३ घनकचरा व्यवस्थापनामध्ये नागरिकांचा सहभाग वाढविण्यासाठी पुणे महानगरपालिका, जनवाणी, कमिन्स इंडिया, पूर्णम इकोव्हीजन, सागर मित्र थंब क्रिएटीव्ह, आदर पूनावाल क्लीन सिटी इनिशिएटीव्ह व इतर शैक्षणिक संस्था व सामाजिक संस्थांच्या संयुक्त विद्यमाने शहरात ई. कचरा व प्लास्टिक कचरा संकलन दि. ०५/११/२०२३ रोजी स.०९:०० ते दु. ०१:०० या वेळेत शहरातील विविध ३०० ठिकाणी ई-कचरा व प्लास्टिक कचरा संकलन महाअभियान राबविण्यात येणार आहे.
आपल्या क्षेत्रीय कार्यालयांतर्गत ई-कचरा व प्लास्टिक कचरा संकलनाच्या केंद्राबाबाटची सविस्तर माहिती संबंधित संस्थांशी समन्वय साधून उपलब्ध करून घ्यावी. या ठिकाणांबाबत  जास्तीत जास्त नागरिकांना अवगत करून या महाअभियानात सहभागी होणेबाबत आवश्यक ती कार्यवाही करण्यात यावी.

वरील सर्व मोहिमांना अनुकूल प्रतिसाद मिळणेकरिता, नागरिक मोहल्ला कमिटी सदस्य, स्वयंसेवी संस्था यांचेमध्ये मोठ्या प्रमाणावर जनजागृती करण्यात यावी. या सर्व मोहिमांची माहिती सोशल मिडिया व सर्व प्रसारमध्यमांदवारे नागरिकांपर्यंत पोचविण्यात येणार आहे. आपल्या क्षेत्रीय कार्यालयांतर्गत असणाऱ्या प्रत्येक संकलन मोहिमेच्या ठिकाणी अभिकारी/कर्मचारी यांची नियुक्ती करून जबाबदारी निश्चित करावी. क्षेत्रीय कार्यालय निहाय संकलन मोहीम अहवाल त्याच दिवशी सायं ०५:०० वाजेपर्यंत घनकचरा व्यवस्थापन वॉर रूम ला सादर करावा. असे आदेश उपायुक्त कदम यांनी दिले आहेत.

———-

PMC Kamgar Union | दिवाळी बोनस, घरभाडे भत्ता, रजावेतन मिळवण्याचा कंत्राटी कामगारांचा निर्धार | 11 ऑक्टोबर पासून कंत्राटी कर्मचारी करणार बेमुदत निदर्शने

Categories
Breaking News PMC social पुणे

PMC Kamgar Union | दिवाळी बोनस, घरभाडे भत्ता, रजावेतन मिळवण्याचा कंत्राटी कामगारांचा निर्धार | 11 ऑक्टोबर पासून कंत्राटी कर्मचारी करणार बेमुदत निदर्शने

 

PMC Kamgar Union | बंद केलेला बोनस (PMC Contract Employees), घरभाडे भत्ता व रजावेतन ताबडतोब चालु करा. PF व ESI चा भरणा योग्य रितीने न करणार्‍या कंत्राटदारांवर कठोर कारवाई करा. अशा विविध मागण्यासाठी 11 ऑक्टोबर पासून कंत्राटी कर्मचारी करणार बेमुदत निदर्शने करणार आहेत. अशी माहिती कॉ. उदय भट (Comrade Uday Bhat), अध्यक्ष,  पुणे महानगरपालिका कामगार युनियन (मान्यताप्राप्त) यांनी दिली.  (PMC Contract Employees Diwali Bonus)

कामगार युनियन च्या निवेदनानुसार पुणे मनपा प्रशासनाने मोठ्या विलंबाने 24 फेब्रुवारी 2015 चे शासनाचे किमान वेतन 17 फेब्रुवारी 2021 पासून लागू केले, आणि हे करत असताना बेकायदेशीर तसेच अन्यायकारक पद्धतीने बोनस, घरभाडे भत्ता, रजावेतन हे कंत्राटी कामगारांचे कायदेशीर अधिकार देण्याचे बंद केले, त्यामुळे पुणे मनपातील कंत्राटी कामगारांना अत्यंत क्षुल्लक वेतनवाढ यातून मिळाली. महाराष्ट्रातील बहुतांश महानगरपालिकांनी शासनाचे किमान वेतन लागू करताना बोनस, घरभाडे भत्ता, रजावेतन ई. हक्क दिले, परंतु पुणे मनपानेच ते बंद केले. या अन्यायाविरोधात पुणे महानगरपालिका कामगार युनियन (मान्यताप्राप्त) ने वारंवार प्रशासनाकडे दाद मागितली, परंतु प्रशासनाने हे हक्क देण्यास नकार दिला. याबाबत पुणे महानगरपालिका कामगार युनियन (मान्यताप्राप्त) ने औद्योगिक न्यायालयात केस केली आहे. (Pune Mahapalika Kamgar Union)

पुणे महानगरपालिका कामगार युनियन (मान्यताप्राप्त) ने 12 सप्टेंबर 2023 रोजी “ईशारा मोर्चा” काढलेला होता, परंतु अद्यापही या प्रश्नांवर प्रशासनाकडुन कोणतीही कृती करण्यात आलेली नाही. त्यामुळेच 11 ऑक्टोबर 2023 पासुन दररोज दुपारी 3 वाजता पुणे महानगरपालिकेतील कंत्राटी कामगार कुटुंबासह पुणे महानगरपालिकेसमोर बेमुदत निदर्शने करणार आहेत. (Pune Municipal Corporation)

कंत्राटी कामगार अत्यंत अल्प वेतनावर कायम कामगारांएवढे किंबहुना त्यांच्यापेक्षा जास्त काम करतात हे वास्तव कोणीही नाकारणार नाही. कोरोना सारख्या महामारीच्या काळात कंत्राटी कामगारांचे योगदान कोणीही विसरु शकत नाही. हे योगदान देत असताना 13 कंत्राटी कामगारांना आपला जीव गमवावा लागला. या जीव गमावलेल्या कंत्राटी कामगारांच्या वारसदारांना अद्याप एक रुपयाही पुणे महानगरपालिकेने दिलेला नाही. किमान वेतन 6 वर्षे विलंबाने देऊन त्याचा फरक देखील पुणे महानगरपालिका प्रशासनाने कंत्राटी कामगारांना दिलेला नाही. गेल्या तीन वर्षांपासून बंद केलेले घरभाडे भत्ता, दिवाळी बोनस, रजावेतन यावर्षी मिळवण्याचा निर्धार केल्या असल्याचे पुणे महानगरपालिका कामगार युनियन (मान्यताप्राप्त) चे अध्यक्ष कॉ.उदय भट यांनी जाहीर केले आहे. (PMC Pune Employees Diwali Bonus)

प्रमुख मागण्या :-

बंद केलेला बोनस, घरभाडे भत्ता व रजावेतन ताबडतोब चालु करा.

PF व ESI चा भरणा योग्य रितीने न करणार्‍या कंत्राटदारांवर कठोर कारवाई करा.

दरमहा वेतनपावती आणि 10 तारखेच्या आत वेतन मिळालेच पाहिजे.

कोरोना मध्ये दुर्दैवी मृत्यु झालेल्या कंत्राटी कामगारांना नुकसानभरपाई मिळालीच पाहिजे.

– ———–

PMC Pune Employees | Pay Matrix | पुणे महापालिकेच्या प्रशासन अधिकारी, अधिक्षक सह विविध पदांचे वाढणार वेतन!

Categories
Breaking News PMC social पुणे

PMC Pune Employees | Pay Matrix | पुणे महापालिकेच्या प्रशासन अधिकारी, अधिक्षक सह विविध पदांचे वाढणार वेतन!

| वरिष्ठ लिपिक ला आता उपअधीक्षक चा दर्जा आणि अधिक्षकप्रमाणे मिळणार वेतन

| पिंपरी चिंचवड महापालिका प्रमाणे मिळणार पे मॅट्रिक्स

PMC Pune Employees | Pay Matrix |  पुणे महापालिकेच्या (Pune Municipal Corporation) कर्मचाऱ्यांना नुकतेच प्रशासन अधिकारी, अधिक्षक या पदावर पदोन्नती (PMC Employees Promotion) देण्यात आली आहे. त्यानंतर आता पुणे महापालिकेने प्रशासन अधिकारी, अधिक्षक सह 5 पदांना अजून एक सुखद धक्का दिला आहे. प्रशासन अधिकारी, अधिक्षक सह 5 पदांच्या पे मॅट्रिक्स (Pay Matrix) मध्ये वाढ होणार आहे अर्थातच  या लोकांचे वेतन वाढणार आहे. प्रशासन अधिकारी पदास S 16 पे मॅट्रिक्स तर अधिक्षक पदास S 15 पे मॅट्रिक्स लागू केले जाणार आहे. त्याचप्रमाणे वरिष्ठ लिपिक ला आता उपअधीक्षक चा दर्जा मिळणार असून आणि अधिक्षकप्रमाणे वेतन म्हणजेच S 14 पे मॅट्रिक्स मिळणार आहे. याबाबतचा प्रस्ताव महापालिका आयुक्त विक्रम कुमार (IAS Vikram Kumar) यांनी राज्य सरकारकडे मंजूरीसाठी पाठवला आहे. दरम्यान याबाबतची मागणी पुणे महापालिका मागासवर्गीय कामगार संघटनेचे अध्यक्ष रुपेश सोनवणे (Rupesh Sonawane) यांनी महापालिका प्रशासनाकडे केली होती. त्यानुसार हा प्रस्ताव पाठवण्यात आला आहे. (Pune Municipal Corporation)
महापालिका प्रशासनाच्या प्रस्तावानुसार पुणे महानगरपालिका सेवाप्रवेश (सेवा व सेवांचे वर्गीकरण) नियम २०१४ मान्यताप्राप्त सेवाप्रवेश नियमानुसार प्रशासकीय सेवा लेखनिकी संवर्गातील पदोन्नतीची शिडी व मंजूर पदे ही खालीलप्रमाणे आहे.

उप आयुक्त (मंजूर पदे-१८)

सहाय्यक आयुक्त (मंजूर पदे-२२)

प्रशासन अधिकारी (मंजूर पदे-७९)

अधिक्षक (मंजूर पदे-८०)उप अधिक्षक (मंजूर पदे-२१४)

वरिष्ठ लिपिक (मंजूर पदे-४८६)

लिपिक टंकलेखक (मंजूर पदे-१४३२)
या पदोन्नती  शिडीचे अवलोकन केले असता, प्रशासकीय सेवेत गतिमानता आणणेसाठी व प्रकरणातील विलंब टाळणेसाठी पदोन्नती शिडीमधील काही पदे वरच्या पदामध्ये वर्ग करून पदोन्नती शिडी कमी करणे आवश्यक आहे. तसेच सदयस्थितीत लिपिक टंकलेखक या पदावर नियुक्ती झाल्यानंतर ३० ते ३५ वर्षसेवा करुन केवळ उपअधिक्षक किंवा अधिक्षक या पदावर सेवानिवृत्त होत आहेत. त्यामुळे सेवकांना वर्ग-३ च्या पदावर नियुक्ती व वर्ग-३ च्या पदावर सेवानिवृत्ती स्विकारावी लागत आहे. परिणामी एवढया प्रदिर्घ सेवेनंतर देखील सेवकांना वर्ग-२ च्या पदावर पदोन्नतीची संधी उपलब्ध होत नाही. (PMC Pune News)

विविध प्रशासकीय विभागात “लिपिक” या गट-क मधील सर्वात निम्न पदावर नियुक्ती झाल्याअंती
प्रशासकीय विभागनिहाय वरिष्ठ पदावर पदोन्नतीसाठीच्या साखळीचे स्तर भिन्न भिन्न असल्यामुळे नियुक्तीनंतर वरिष्ठ पदावरील अधिकारी म्हणून पदोन्नती मिळण्यामध्ये समानता राहत नाही. यास्तव शासकीय कार्यालयातील लिपिक संवर्गास पदोन्नतीचे समान टप्पे निर्माण करावेत, याअनुषंगाने महाराष्ट्र शासन, सामान्य प्रशासन विभागाने दिनांक २३ मे २०२२ च्या शासन परिपत्रकानुसार लेखनिकी संवर्गातील पदोन्नती शिडी कमी करणेविषयी प्रस्ताव पाठविणेबाबत कळविण्यात आलेले आहे. सदर शासन परिपत्रकात खालीलप्रमाणे बाब नमूद केलेली आहे. (Pune Municipal Corporation Employees)

“संवर्ग व्यवस्थापनाच्या दृष्टीने तसेच पदोन्नतीच्या उचित संधी मिळण्याच्या दृष्टीने संबंधित प्रशासकीय विभागांनी त्यांची कामकाजाची, मनुष्यबळाची आणि प्रशासकीय संरचनेची गरज विचारात घेऊन स्वतंत्रपणे अभ्यासाअंती व सामान्य प्रशासन विभागाशी विचार विनिमय करून गट क मधील संवर्ग संख्या/पदोन्नतीचे स्तर कमी करण्याबाबत विचार करणे उचित होईल, असे शासनाने गठीत केलेल्या समितीचे मत आहे.” त्यानुसार गट-क (म्हणजेच वर्ग-३) मधील काही पदे वरच्या संवर्गात समाविष्ट करणे शक्य आहे.

पुणे महानगरपालिका आणि पिंपरी चिंचवड महानगरपालिका यांचेकडील लेखनिकी संवर्गातील पदोन्नती शिडी स्तर खालीलप्रमाणे :-पुणे महापालिका   (अ दर्जा)

प्रशासन अधिकारी   – S 15
अधिक्षक.    -S 14
उप अधिक्षक. – S 13
वरिष्ठ लिपिक – S 10
लिपिक टंकलेखक – S 6

पिंपरी-चिंचवड महानगरपालिका (‘ब’ दर्जा)

प्रशासन अधिकारी – S 16
कार्यालयीन अधिक्षक – S 15
मुख्य लिपिक – S 14
लिपिक टंकलेखक – S 6

वरील तक्त्याचे अवलोकन केले असता, पुणे महानगरपालिकेची लेखनिकी संवर्गातील पदोन्नती शिडी स्तर हा पिंपरी-चिंचवड महानगरपालिकेच्या लेखनिकी संवर्गातील पदोन्नती शिडीप्रमाणे करणे शक्य आहे.
1.  पुणे महानगरपालिकेकडील “वरिष्ठ लिपिक” (४८६ पदे) हे पद “उप अधिक्षक” (२१४ पदे) या पदामध्ये
विलीन करुन त्याचे पदनाम “मुख्य लिपिक” (७०० पदे) (पे मेट्रीक्स S-14) करणे उचित होईल.
2.  “अधिक्षक” या पदाचे पदनाम “कार्यालयीन अधिक्षक” करुन पे मेट्रीक्स S-15 लागू करणे उचित होईल.
3. “प्रशासन अधिकारी या पदास पे मेट्रीक्स S-16 लागू करणे उचित होईल.
त्यानुसार पुणे महानगरपालिका सेवाप्रवेश (सेवा व सेवांचे वर्गीकरण) नियमामध्ये उपरोक्त प्रमाणे बदल करून मिळावे. अशी मागणी पुणे महापालिकेने राज्य सरकारकडे केली आहे. महापालिकेच्या या भूमिकेने मात्र कर्मचारी वर्ग भलताच खुश झाला आहे.
—
पुणे महापालिका मागासवर्गीय कर्मचारी संघटनेने याबाबत प्रशासनाकडे मागणी केली. शिवाय वारंवार पाठपुरावा केला. त्याला आता महापालिका प्रशासनाने सकारात्मक प्रतिसाद दिला असून याबाबतचा प्रस्ताव तयार करून तो मंजूरीसाठी राज्य सरकारकडे पाठवला आहे. प्रशासनाच्या या भूमिकेचे आम्ही स्वागत करतो. विशषेत: आयुक्त विक्रम कुमार, अतिरिक्त आयुक्त रविंद्र बिनवडे आणि सामान्य प्रशासन विभागाचे उपायुक्त सचिन इथापे यांचे आम्ही विशेष आभार मानतो.
– रुपेश सोनावणे, अध्यक्ष, पुणे महापालिका मागासवर्गीय कर्मचारी संघटना.
——-

Pune Municipal Corporation | पुणे महापालिकेत फसवणुकीचा नवा फंडा!

Categories
Breaking News PMC social पुणे

Pune Municipal Corporation | पुणे महापालिकेत फसवणुकीचा नवा फंडा!

| अधिकारी आणि कर्मचाऱ्यांनी सतर्क राहण्याचे कामगार कल्याण आणि सुरक्षा विभागाचे आवाहन

Pune Municipal Corporation | पुणे | पुणे महापालिकेत अधिकारी आणि कर्मचाऱ्यांना (PMC Employees and Officers) फसवण्याचे नवीन प्रकार समोर येत आहेत. हे फक्त महापालिका भवन (PMC Building) मधेच नाही तर क्षेत्रीय कार्यालयात (PMC Ward Offices) देखील अशाच गोष्टी घडताना दिसत आहेत. विशेष म्हणजे हे काम नागरिकांकडूनच होताना दिसत आहे. त्यामुळे कर्मचाऱ्यांनी सतर्क राहण्याचे आवाहन महापालिकेच्या कामगार कल्याण (PMC Chief Labour Welfare Department) आणि सुरक्षा विभागाकडून (PMC Security Department) करण्यात आले आहे. (PMC Pune)
वेगवेगळ्या कामानिमित्त नागरिक महापालिकेच्या विविध विभागात येत राहतात. महापालिकेच्या सर्व गेटवर नागरिकांना पास देऊनच आत पाठवले जाते. असे असले तरी काही नागरिक मात्र खोडसाळपणा करत असल्याचे दिसून येत आहे. काही नागरिक आपल्या वृद्धपणाचा फायदा घेत आहेत. शुक्रवारी आणि त्याआधी देखील अशा फसवणुकीला खुद्द मुख्य कामगार कल्याण अधिकारी अरुण खिलारी (PMC Chief Labour Welfare Officer Arun Khilari) यांनाच सामोरे जावे लागले. मात्र याआधी देखील त्यांना असा प्रकार माहित असल्याने खिलारी यांनी फसवणूक होऊ दिली नाही. (Pune Municipal Corporation News)
याबाबत अरुण खिलारी यांनी सांगितले कि, एक वृद्ध महिला माझ्या कार्यालयात आली. 65 च्या पुढे वय असेल त्या महिलेचे. मी त्यांना पाणी, चहा द्यायला सांगितले. मग ती महिला मला तिची कर्मकहाणी सांगू लागली. मी कशी एकटी असते. मुलं सांभाळत नाहीत. आर्थिक अडचण, अशा बऱ्याच गोष्टी. तर आता तुम्ही मला आर्थिक मदत करा. खिलारी यांनी पुढे सांगितले कि, त्या महिलेची कर्मकहाणी ऐकल्यानंतर मला आठवले कि असेच याआधी मी ऐकले होते आणि पैसे पण दिले होते. तर हा प्रकार माझ्याबाबत याच महिलेने मी क्षेत्रीय अधिकारी असताना केला होता. त्यानंतर हीच महिला मला एकदा कामगार आयुक्तांच्या कार्यालयात भेटली होती आणि आपली कर्मकहाणी आर्थिक सहायता मागत होती. दुसऱ्या वेळेस मी टाळले होते. मात्र आता ही तिसरी वेळ होती. त्यामुळे मी त्या महिलेला कटवलं. अशाच पद्धतीने महापालिकेत आणि क्षेत्रीय कार्यालयात येऊन ही महिला कर्मचारी आणि अधिकाऱ्यांना पैसे मागत असते. यावर आळा घालायला हवाय. याबाबत मी सुरक्षा विभागाला देखील कळवले आहे.
महापालिकेत अशाच पद्धतीने बरेच नागरिक फिरत असतात. कुणी पापड, चिक्की, पुस्तके विकायला येतात. प्रत्येक विभागात जाऊन कर्मचाऱ्यांना त्रास देत बसतात. कर्मचारी दया दाखवून त्यांना मदत करत असतात. मात्र नेहमीच हे होत असल्याने कर्मचारी वैतागून जातात. अशा लोकांवर सुरक्षा विभागाकडून आळा घातला जायला हवाय.
—-
अशा प्रकाराबाबत आम्ही गंभीरपणे दखल घेतली आहे. आमचे सुरक्षा विभागाचे 3/4 कमर्चारी आम्ही महापालिका भवनात साध्या वेशात तैनात करणार आहोत. जेणेकरून अशा व्यक्ती आम्हांला ओळखता येतील आणि कर्मचारी, अधिकाऱ्यांची फसवणूक थांबेल. तशा सूचना आम्ही आमच्या विभागाला दिल्या आहेत.
– राकेश विटकर, सुरक्षा अधिकारी, पुणे महापालिका. 
——–